مواطن , والأجر على الله !

[دحيم الاغبر]

معليش ....
أبي أكتب على الورق الأبيض ...
:D

أنزلوا تحت شوي ;)

[ 06-09-2001: تم تعديل الموضوع بواسطة : دحيم الاغبر ]

[دحيم الاغبر]

<center><font color="Blue">
ا
اا
ااا

ما هو الفرق
بين " المواطنة " كممارسة , و " المواطنة " كمطالبة ؟
<IMG SRC="cwm7.gif" border="0">

أجزم أن الكثير من " المواطنين " لا يهتمون إلا بالشق الثاني , وذلك كعادة عربية في رؤية الأشياء من منظار واحد ! :(

" مواطن "
هذه الكلمة السحرية , التي يعتقد البعض أنها جواز المرور إلى الحياة الرغيدة , وترف المعيشة .
يعتقدون
أن هذه الكلمة تمنحهم حق الحياة " عالة " و " حملاً " على خيرات الوطن .
:p

....
...... أمير الشعراء له بيت مشهور عن الوطن
" وللأوطان في دم كل حرٌ
.............. يدٌ سلفت ودين مستحق "
ولا زال البعض يتعامل مع " المواطنة " بمنطق الوراثة !


................
" مواطن "
يسافر خارج " الوطن " , يسكر ويعربد , يشتري المتعة , يتعالى على البشر , ينقط ويرقص , يرقم , يقامر و يرابي , يكذب و يشتم ....

ثم يطأ على تراب " الوطن " بفخر الفاتح
ويقول :
" يا وطني , ليش سمعتنا برا زفت ؟ "

.....

" مواطن آخر "
يدرس الأبتدائي , ليتخرج للمتوسط , والمتوسط ليذهب للثانوي , والثانوي ليدخل الجامعة , والجامعة ليجلس على مكتب من خشب الأبنوس , ويجلس على المكتب ليطلب " شاهي " , ويقرأ " الجرائد " !

ثم يتباكى في المجالس , بصوت المظلوم
ويقول :
" ليش بلادنا معتمدة على البترول بس ؟ "

....
" مواطن أيضاً "
يستلم من عمله الحكومي سيارة , فيتعامل معها كتعامله مع سيكل , وحين يسأله أحد لما تعامل السيارة بكل هذه القسوة , يرد ويقول : " حلالالال حكومة يا رجال ! " , فيرد المواطن الآخر : " تكفى عطني دورة اجرب الجلنط ! "

ثم يتناقشان بحمية وطنية
عن
" أضرار ثقة بعض الداوئر الحكومية والشركات بالأجانب ! "

.....
" مواطن برضه "
يتاجر فيكسب , يبيع فيربح , يجمع ويطرح , يأكل من خير الوطن ومن عرق المواطن , لا يدفع ضرائب , يُعفي من بعض رسوم الجمارك , لا يخضع لسؤال " من أين لك هذا ! "
تجارته " سمسمرة " , مجرد وسيط بين منتج ومستهلك , لا يصنع ولا ينتج , لا ينفع ولا يشفع , لا يتبرع ولا يبني , لا يزكي ولا يتصدق , لا ولا ...

وحين يركب على يخته " الانجليزي " في مدينة " كان " الفرنسية , يتنهد بحسرة بعد نفس طويل من سيجاره " الكوبي " , ويقول لصاحبه " التاجر الورم " :
" يأخي الواحد ماعاد يضمن أقتصاد ديرتنا , أنا بأنقل تجارتي وفلوسي كلها لديرة ثانية ! "

.....
" مواطن كمان "
يقطع الأشارة عشان يلحق على صكة بلوت , يضف في بيته متخلف عشان يدهن له نص جدار , ما يربط الحزام عشان ثوبه ما يتعفط , يمشي قدام سيارة الاسعاف ووراءها عشان يطلع من الزحمة , يشوف متسول عند الأشارة ويعطيه !

وفي الأستراحة أخر الليل , وعلى "سمفونيات" المعسل
يقول :
" عجبي للأمن العام عندنا , يعني بيعجزون عن هالمشاكل البسيطة ! "

.......
" مواطن "
إذا بغى يسافر أتصل على ولد عمه في الخطوط ..يضبط له الحجز في آخر لحظة , إذا ما سدد فاتورة التلفون .. أتصل على جاره اللي في شركة الهاتف عشان يتأخر الفصل , وإذا صار سور بيته متعدي على سور الشارع , أتصل على صديقه في البلدية يمشي المعاملة , وحين يذهب إلى عمله .. يتصل عليه ولد خالته عشان .. يتوسط له !
وبرضه على " سمفونيات " صوصَوة الأسنان بعد المفطح
يفتح النقاش بجملة :
" الواسطة هذي ... وباء ! "

.....

يقول واحد أسمه " كاريل " :
" جميل أن يموت الأنسان من أجل وطنه , ولكن الأجمل أن يحيأ من اجل هذا الوطن "

ليت " كاريل " جلس معنا أسبوع , كان عكس مقولته , وفضل الموت للمواطن , على أن يستغل مواطنته بلا ممارسة " للوطنية " !

مشكلتنا دائما " كمواطنين " , أننا ما نشوف إلا اللي لنا بس , نشوف حقوقنا ولا نشوف واجباتنا !
ما فيه واحد يسأل نفسه ( إلا من رحم الله ) , أنا وش قدمت عشان أستحق آخذ ؟
أو
هل ما ازرعه , يوزاي ما أحصده ؟

.....
.....................
ويا بلادي واصلي والله معاك
ويا بلادي واصلي وأحنا وراءك
8
8
8
واحد من الشباب " الصريحين " , يقول :
" شكل الشاعر ما يدري أن حنا لو مشينا وراء بلادنا , ماراح نسندها , بالعكس يمكن ندفها , عشان كذا نتعلق بحضنها دائم "

الا على فكرة
مطرب هالاغنية " أبو بكر سالم " , خذ الجنسية الامارتية والا لا ؟

.....

أخيراً
(( إن الله لا يغير ما بقوم حتى يغيروا ما بأنفسهم ))

أعتقد أن الآية واضحة
وبتوضح أكثر لو عرفنا أن " الوطن " هو أنعكاس المواطن !
وأن كلمة " الوطن " تتجاوز حدود المكان
و " الوطن " بناء , لبناته " المواطنين "


والحمد لله رب العالمين
محدثكم
" مواطن زيه زيكم "
</font></center>

[ 06-09-2001: تم تعديل الموضوع بواسطة : دحيم الاغبر ]

[قلم]

<center>الاخ الغااااااالي .. احد مبدعي الجاااادة</center><center>يعطيك ربي الف عافية</center>
<center>ولاخلا ولاعدم</center>

<center>اما المواطن فقد يبخس حقه من دون اي سبب الا لانه مواطن </center>

<center>واظر الى الاجنبي الوافد كيف تتيسر اموره بينما المواطن كانه غريب مجبر على الاهانة</center>

[نوافي]

اخوي دحيم والله موضوع جد رائع واثار فيني شجون ..

ماراح انتقد غيري قبل نفسي عموما ابتكلم عن الكل وانا منهم ..
فعلا نهتم بالشق الثاني الي هو مطالبه .. نطالب بكل شي ولا نفعل شي .. ساخطين على اوضاعنا وما نسخط على انفسنا .. نقول ليه ونتحسف وحنا السبب ..
كلنانلوم غيرنا ونناقش مسببات فساد مثلا وحنا منبع له ..
ما ادري بصراحه وش السبب بالضبط اخوي دحيم .. وش الي وصلنا لهالحاله ..وش اسميها غباء ... او تجاهل .. او لا مبالاه .. او تكيف مع الوضع ..
عموما الشي الي فعلا ابي اركز عليه في تعليقي على موضوعك الشيق هو التالي ..
فعلا اول ما نطلع برا ونسوي الاشياء الي نبرر مسبباتها بانه الحرمان الي دفعنا لكذا.. نسب ونسخط ونقول ذا مهوب وضع الي عايشيين فيه..
تخلف وجهل ومدري وشو .. وعلى باله انه المفكر الوحيد والصاحي بين هالشعب الي ما انتبه لهالنقطه هو المفكر الوحيد والفيلسوف الوحيد وفي الحقيقه هو الغبي الاكبر ..
يالله وربي قاعد اكتب وعبرتي تسبقني فعلا وضعنا غريب .. ونبي نكون الافضل .. مـــــعصي وحنا كذا :(

اشكر لك اخوي دحيم اتاحتك لنا هالفرصه عشان نناقش مثل هالموضوع الفعلا يهم كل فرد مننا بدون استثناء .. وتسلم :)

[خذ و خل]

<center><font color="Blue">

هلا دحيم :)

كلامك على العين والراس

فيه بعض النقاط التي ذكرتها لا تدل فقط على عدم المواطنة و لكن تدل على الانسلاخ من شخصية الفرد هذا كمسلم أمام غير المسلمين . و الذي يترتب عليه تبعات و مغبات أكبر ضررا .

و مثال على ذلك هو أول مثال أنت ذكرته .


لكن بعض النقاط التي ذكرتها ليس بالضرورة من يتصرف بتلك التصرفات يكون غير مؤهلا ليسمي نفسه مواطن ...... و السبب ليس من الفرد نفسه ولكن من النظام الذي أعطاه الفرصة ليعمل هذا.

لان هذا الفرد هو نفسه الفرد الذي أيضا يلتزم بالنظام أيما إلتزام عندما يكون في بلد تحترم النظام وتطبقه على الكل .

و هو نفس الفرد الذي نراه منتجا عندما كان يدرس في الخارج .


الخ


شكرا لك
</font></center>

[بـردان]

اخوي دحيم :)

ماأقول إلا ماشاءالله عليك ياخوي .. اذا كتبت سلبت الألباب

بعد كلامك هذا كثير من الناس بيفكر عشرين مره قبل يقول ( أنا مواطن ) :)

اللي بينظف بيته واذا طلع في السياره رمى المخلفات مع الطاقه .. بيفكر

اللي بيوظف عنده عمالة أجنبيه وهو يدري إن فيه سعوديين ممكن يحلون مكانهم .. بيفكر

اللي ماخذ احتياطاته على أساس انه لو قامت حرب بينحاش ولو انه يقدر يقعد ويحارب .. بيفكر

مهيب خالصه الامثله .. لكن الكل بيفكر

وبيقولون بعد تفكير طوييييييل :) نعم أنا مواطن :rolleyes:

اخوي دحيم .. شهادتي فيك مجروحه :)

[المــجــد]

<center>أخوي دحيم ...

بصراحة كلامك صحيح ....

فكثير من الظواهر السيئة المنتشرة عندنا احنا سببها ....

لكن من طبع الانسان ألا ينسب الشر إلى نفسه ...

كل واحد يحط الغلط على غيره ...

لكن الشيء اللي يزعل هو وجود نعم كثيرة عندنا لكن الانسان العادي لا يستفيد منها ...
فاليوم كل واحد يهمه نفسه فقط ...


أخي العزيز ....
أحب أقول لك اذا كان رب البيت بالدف ضاربا فشيمة أهل البيت كلهم الرقص ...

اذا كانت الادارة حازمة وقويمة وصحيحة وأمينة ...
فسنصبح بلا أدنى شك من أفضل المجتمعات ....


فلنبدأ بتحمل المسؤولية وتحسين أنفسنا وصورتنا ....</center>

[it's me]

<font color="Blue">اخى...دحيم..المبدع..

موضوعك..يقرا.." بضم الياء.."
لكن..
لايرد عليه.." كمان..بالضم للياء..""
يااخى الموضوع مسكت..
وشامل..
المميزة قليلة عليه...
ماشاء الله..
تسلم الايادى..والكيبورد..والفكر..</font>

[صفر سبعه]

اررررررررررررحب يا بيكاسو ..

ياخوي ما قلتلك , ان عليك طلعات مجنونه ...
هههههههههههههههههه
هههههههههههههههه
والله اني ضحكت من قلب على حركة الكتابه على الأبيض .. ولكن ليس بغريب يا صديقي .. فأبيض القلب ,والعقل (قلبت حشه :D ) يبحث عن البياض دوماً .. والأنقياء يتفردون بلون السحاب ..

ههههههههههههههه برضوه على الحركه .. اللي ما فكر فيها احد قبلك يا"بيكاسو" ..

موضوع المواطنه موضوع كبير وانا قريته بتمعن ,, وأعجبتني الصور والواقع اللي جسدته اناملك بحرفة الفنان ... حبيت أسجل أعجابي بالفكره المجنونه .. ولي عوده على الموضوع مره أخرى ...ولكن حتى أعود خذ هذا .. :rolleyes: &lt;--- خله يقلب عيونه الين أرجع

تقبل تحيــاتي ياغالي :) :) :)..

[القشرا]

<center> <font color="Red"> دحيم الاغبر
لازلت عند اعجابي بقلمك :)
لكن هذا الموضوع لي اختلاف بسيط عليه :D
المواطن يبي حقه وما يبي اكثر من كذا
المواطن يشوف غيره ياخذ ويعطي اكثر من حقه
وهو لا طيب ليش :cool:
طبعا ما اقدر ازيد :)
وما اقول الا الله يخلي نجد لنا :) </font></center>

[السلطان]

<center>ماشاء الله على شيء عتيق!!!
لماذا عتيق؟!!!
لأن كاتبه لن يكون أقل من كون ماعنده شبه عتيق؟!!!
لماذا لأن التميز عنده منذ القدم!!!
&lt;=== لاتسأله يادحيم وش ذا الهرج لأنه مجمعه من كم موضوع :D

أخوي دحيم موضوعك هذا وموضوع أخوي المجد كلاهما يتكلمان عن تناقضات معينة ولكن تدل على الواقع :(
ومع الأسف أن هذه المواضيع لم يذكر فيها حل ناجع أو حتى مؤقت :(

وليس عندي حل الآن :(
&lt;=== أن طلع عنده حل بعدين فلكم اليوزر :D

كل ماعندي أني سأذكر بخبر موقوف على ابن مسعود - رضي الله عنه - ولا أدري أله طريق رفع أم لا.
وهو قوله - رضي الله عنه -:" <font color="Red"> يكون في آخر الزمان أقوام أفضل أعمالهم التلاوم بينهم يسمون الأنتان</font> "
فالمتأمل لواقعنا اليوم لايجد إلا ماذكر ابن مسعود - رضي الله عنه -مع الأسف :(
فلاتجد أحداً ينصف الدين من نفسه فيعترف بذنبه :(

ولاتجد أحد ينصف مسؤلاً في العمل فتجد المدير يلوم الموظفين والموظفون يلومون المدير ولاتعلم من المحق وقد يكون كلهم غير محق لأن المحق ينشغل بما عليه دون غيره!!!
وهكذا بين الجميع :(

أشكرك أخي دحيم الأغبر وإن كان الإسم لايناسب حالك :D
إلا أن شكرك على هذا واجب وأشكر الأخ المجد على مثل هذا إلا أن إسمه مناسب :D
واسمح لي أن آخذ نسخة من هذا الرد لموضوعه :)

أسأل الله أن يوفقنا لصالح القول والعمل وأن يكفينا شرور أنفسنا وأن يهدينا سبيل الرشاد إنه جواد كريم.</center>

[نفيخه]

<font color="Purple"><center>موضوع مميز لأبعد درجه

كتبت... وأجدت

كتبت... وأصبت في مقتل

ولكن الانسان من طبعه الطمع... وأيضا الجحود.

تسلم أصابعك</center></font>

[بنت نجد]

روووعه يا دحيم في الطرح والنقاش
موضوع جميل وحساس جدا وصرررريح في نفس الوقت
والمشاهد الي تطرقت لها للاسف موجوده كثير وتمر علينا دايما ..
فعلا المواطن اذا يبي بلده يرقى لمستوى افضل وينعم باحسن حال لازم يبدا بنفسه ,, يحترم النظام , يلتزم بالقوانين , .. الخ وبالتالي يكون قدوه لغيره من البشر واذا كل واحد من كمواطن مابدا بنفسه فغيرنا ماراح يبدا وبالتالي راح تضيع الطاسه على قولتهم ونخلي هالوطن المظلوم شماعه لاخطاءنا وعثراتنا وتجاوزاتنا .. وحنا نطلع منها مثل الشعره من العجينه ونسمي انفسنا مواطنين لا ومظلومين بعد !!
انا احب اعلق على راي خذ وخل يوم قال ان الغلط من النظام وليس من الافراد :( :) .. طيب هالنظام من يديره ؟؟؟؟ مو افراد ؟؟؟ الي يختلف ان هالافراد عندهم سلطه مو عند غيرهم وبالتالي سمحوا بهالتجاوزات وخانوا وطنهم وسمحوا لغيرهم انهم يخوونونه ..
احنا البشر الي نوجد النظام ونطبقه فاذا اختل فهو منا واذا كان تطبيقه في منتهى الصرامه مع الجميع فهنا يكون ناجح وبالتالي يخدم الوطن حق خدمه ونسانده ...

ماابي اطول عليك :)
بس موضوعك حلو :) ويعطيك الف عافيه :)

[دحيم الاغبر]

أشكركم جميعاً ...

للرفع ...
حتى التثبت من البطاقات الشخصية للاعضاء اللي ردوا فوق :D

[Ranz!sa]

:D

[المدغبجة]

اخوي دحيم الاغبر
ما ادري ان كنت قلت لك هالكلام او لا؟؟؟
اول موضوع قراته في الاقلاع كان من كتابتك
اسلوبك في الكتابة يعجبني لاقصى درجة
احتمال كبير انت من الاشخاص اللي دفعوني اني اسجل في الاقلاع
تسلم يمينك ان شاء الله واشوف لك مواضيع متميزة كما هي العادة


بالنسبة لهذا الموضوع اعتقد انك اعطيت صور لا يختلف اثنان عن مدى واقعيتها
واحتمال كبير نكون من الاشخاص اللذين يقومون بهذي التصرفات
اعتقد ان الخلل هو في عدم زراعة الوطنيةفي المواطن
لابد من غرس الوطنية في نفوس الاطفال بمفهومها الصحيح ان العلاقة بين الوطن والمواطن ليست اخذ فقط بل تبادل اخذ وعطاء..ولا بد للمواطن ان يعرف حقوقه وواجبته
منذ الصغر ...
ما اعتقد ان هذا صعب لاننا نرى ان هناك كثير من الناس زارعين في ابنائهم وبناتهم انتماءهم الى منطقة معينة او قبيلة معينة
فمن باب اولى زرع الوطنية في النفوس

واخوي كلمة حق اهل بلدنا وقت الشدة مافي زيهم
لكن زي ماوضحت ..وقت الرخى لازم يكونون في افضل صورة عشان بلدنا تكون في افضل مكانة

اشكرك وااااسفة على الاطالة
&lt;&lt;&lt;----تكره ترد لان ردودها طويلة

[صدى]

<font color="Red">دحيم الاغبر..</font>
لله درك ياشييخ... :)
نقد هادف ..ويلفت الانتباه لمفارقات عجيبه ..
موضوع كلمه رائع قليله عليه والله... :)
انا قريته من اول مانزلته انت بس والله ماعرفت اردعليه من كثر ماعجبني ....
الصراحه اسلوب طرحك رائع ...
وكلامك سليم ..
فعلا كثير من الناس تبي تاخذ ولاتعطي ....<font color="Red">والى الممييزه بكل جداره &lt;====هذا رايي طبعا.. :)</font>
لاني اشوفه يجسد حالتنا بدقه ...
الله يعطيك العافيه اخوي وتسلم على هالتميز...
اختك الصيد...

[المـهوي]

أحوووووبك على هالكلاام الرايق يامواطن :)

لي تعليق الناس يحسبون كلمه مواطن مذمه :( يعني انت مواطن يعني كخه للأسف بس :(

تسلم ويسلم نافوخك ياشيخ :)

[مصرقعه]

<center> &lt;font color="Red"&gt; مرحبا&lt;/font&gt;</center><center> &lt;font color="Red"&gt; اهلا اخوي دحيم مشالله موضوع ممتاز فعلاُويحتاج لنقاش&lt;&lt;راعية طويله ...... وكلامك وطريقة اسلوبك وشرحك حلى الموضوع وجلب له الكثير والكثير :) وللاسف :(فيه كثير يقولون شوفوا بره ليه كذا شوفوا امريكا ليه شرطتهم كذا؟؟ يمكن انا معهم بحيث نظام انهم نظامهم منظم شوي ولكن انا ماقصد الاساة لبلدي ونعم فيهااا ولو نشوف دول عربيه غيرنا ان الكتب بفلوس واحنا الحمدلله بي بلاش وموفرين لنا المستشفيات كبرى ومستوصفات صح ولالا؟؟ ونتكلم عن العدل بمحكمه والحين فيه دوله اعرفها لو طلق رجال زوجته لازم يصرف عليها حتى لو ماعندها عيال وحتى لو حالهااا ممتازه وطليقته تاخذ هي واهلها مبلغ ,هذا سمعته باذني من واحد يسئل شيخ يقول الظلم عندنا ويقول انه على قده ومايقدر يعطيهم فلوس والحين وهي مسلمه ذا دوله ..... ونحمد ربناااااا على عافيه واااااااامن ونسئل الله العفووووو وعفااااايه ونتمنا نشوف شبابنااااا وبنتناااااا خادمين وطنهم بدلاااا دجه بتحليه وثلاثين &lt;/font&gt;</center>
اسفة للاطله بس حبيت اوضح
وممشكوووووور

[ 06-13-2001: تم تعديل الموضوع بواسطة : مصرقعه ]

[وخر شوي]

<center><font color="Navy">هلاوالله وغلا باخوي الغالي والمتميز دحيم المغبر :)
يعطيك العافية على هالموضوع
بكل مافيه من انتماء للوطن ونظرات تاملية صائبة في بعض ملامح حياتنا فيما يخص فهمنا وادراكنا لماهية المواطنة الحقة
وكشف الغطاء عن ادعياء الوطنية والانتماء :)
اخوي الغالي مانختلف على ان حب الوطن من الايمان
-مادري اغلب الظن عندي انه حديث ضعيف او كلام ورد بالاثر :( ارجوا ممن لديه العلم افادتنا او تصحيح معلوماتي ان كانت خاطئة :(
نرجع لموضوع المواطنة وفهمها بشكل صحيح
وتطبيق هذا الفهم كواقع ملموس يحكم تصرفاتنا
وتوجهاتنا وافكارنا
وحتى لا اطيل انت ماقصرت ووفيت وكفيت والاخوان اللي ردوا بعد ماقصروا بس ودي اعلق على كلامك
بخصوص عدم ادراك او احساس الانسان العربي بشكل عام :( للاسف بواجبه تجاه وطنه وعدم فهمه لمعنى
واهمية المواطنه او تعلقه بالقشور منها او اتخاذها ستارا او غطاء لتحقيق اهدافه الشخصية :(
من هالواقع المحزن :( ليش مانسال انفسنا عن السبب اللي اوصل ابناء البلاد العربية لهذه الحالة المؤلمة؟؟؟؟؟؟؟؟
من وجهة نظر شخصية : ارى ان هناك اسباب وتداعيات كثيرة زرعت التبلد الحسي الوطني في في نفوس وعقول اغلبناواصبح لايربط اغلبنا بوطنه
الا الحبر والورق :( ومن اهم هذه الاسباب:
1- تهميش دور المواطن في اتخاذ القرارات المهمه او المشاركة في صنعها :(!!!!!
2- الغالب في وطننا العربي ان الحاكم ومن حوله
هم المقررون والامرون والناهون وماعلى المواطن
المحترم الله لايهينه :) الا السمع والطاعة واللي بيسوي لي فيها فاهم او ناصح يحتفلون فيه حفلة ماحصلتش حتخليه يرقص سامري على اغنية الارض بتتكلم عربي :) :( :)
&lt;===== تراي امزح والخوف نص القدعنه :) :)
3- من الاسباب ايضا اغلب المجتمعات العربية بحسب وضعها الاجتماعي والاقتصادي مقسمة لطبقتين لا ثالث لهما :( طبقة فوق هام السحب وهي المقربة عادة من الحكومات ومصادر القرار :( وطبقة كادحة
تسابق الزمن سعيا لتوفير لقمة العيش الشريف والحياة الكريمة :(طبعا مايحناج اقول منهو المتسبب في هذا التفاوت الرهيب بين طبقات المجتمع
اخوي دحيم :) ادري طولت :) بس انشالله يكون ردي واضح يكفي المواطن العربي مايعانيه ومايكابده
ومايواجهه :( لماذا لانوفر لهذا المواطن الغلبان اساسيات العيش الكريم
لماذا لانحسسه بقيمته واهميته كفرد فاعل ومنتج ؟ لماذالانشعره بعدالة واقعه ووقوف كل افراد الوطن
سواسية في صف واحد لاتمييز ولاتفريق في الحقوق والواجبات؟؟؟؟؟؟؟؟؟؟؟
اشياء واشياء واشياء لايتسع المجال لذكرها
اجزم لو ان " كاريل" عايش جوهالقلب مقالته وقال
:"جميل ان يموت الانسان لاجل وطنه00والاجمل لو احس بقيمته في وطنه قبل ان يموت فقد يشعر
بقيمةالحياة قد يجد نفسه والاكيد انها سيجدها
ويعرف معنى كلمة مواطن"بس المشكلة كاريل هذا ماجرب التخشيبة وخشبة الحبس حبست خمش خشمات :) :( :)
ابعد هذا نفاجأ بتراجع المواطنه لدى اغلب شعوب الوطن العربي لليترنح هذا الشعور الوطني الجميل
في اخر اهتمامات المواطن العربي ؟؟؟؟؟؟
لااختلف معك فيما تدعو اليه وفيما تعرضه ولا ابحث عن مخرج لهذا الواقع المؤسف :( لكني فقط
احاول ملامسة الجرح :) قد اصيب وقد اكون من جنبها :) والسلام00عذرا على الاطالة</font></center>

[مخيبر ولد سماعيل]

أخوي دحيم الأغبر انت رائع ......وموضوعك ينبهنا
(حنا المواطنين)على الجانب الأول اللي أغفلناه
ألا وهي <font color="Red">الممارسة</font> لك مثال بسيط ياخوي حنا في جدة يجون الناس عل البحر
ومعهم عفشهم واكلهم وبزرانهم ورجة ......
خلصوا من تمشيتهم رموا مخلفاتهم وأكلهم في البحر أو بين الصخور الكبيرة اللي على شاطئ البحر...................
وفي الجرايد في ثاني يوم يسبون في المسئولين وينعتونهم بالاهمال وعدم الاهتمام :( :( على منشئات جدة ...............
ويقولوا فيران وصراصير من وين جات؟؟؟؟ :confused: .......................
------------
فعلا شي غريب هالبلاوي اللي في البحر جات من الناس نفسهم :mad: :mad: :mad:
حنا مانقول من الناس يلا كل واحد ياخذ مكنسة وينظف كيلوين من الشط............
لا لو كل واحد محترم نفسه وما يتحمل تحقير النفس
كان الاشياء اللي جابها رجعها والمخلفات اللي كانت منه شالها وحطها بمكانها وكفى الله المؤمنين شر القتال !!!!!!

وفعلا ابي اختم كلامي على هذا المثال!!!
بمثل فرنسي يقول ((اذا نظف كل شخص الشارع الذي أمام بيته لأصبحت باريس نظيفة!))
-----------------
ولكن ترى المسئولين لهم دور باللي يحصل(عموما)
يادراة قوية يابلاش
فاذا ماكان هناك بركة الادارةراح يكون ادارة البركة و مواطنينا اللي يمثلوا الوطن راح يكون تمثيلهم لوطنهم بالبركة!!!!!!
----------------
وفعلا فكرت بكلامك لو جانا حرب(لا سمح الله)او اي حالة صعبة تمر على وطننا راح اعرف وراح تعرف وكلنا راح نعرف مين يستند على الثاني!!!
الوطن يستند علينا؟؟؟؟؟؟؟
ولا حنا نستند على الوطن؟؟؟؟

بس برضه في كل الحالات انا مواطن!!!وبس

[دحيم الاغبر]

<center>أبو سليمان
المواطن قد يُبخس حقه لأنه مواطن
لماذا ؟
لأن الخير يخص والشر يعم

تسلم يالغالي
والله لايخلينا منك

...

نوافي
أتوقع السبب موب غباء ولا لامبالاة
السبب ببساطة
أننا شعب ما نحب نلوم أنفسنا
وأي شيء غلط نحسبه على غيرنا

" الأعتراف يمحو الأقتراف "
الله يهدينا جميعاً بس

مشكور على اضافتك

...

خذ وخل
النظام ماله قيمة إذا لم يطبق
هل يجب أن نُلاحق بالعصا والمخالفات عشان نطبقه ؟
المسألة وعي
وأرتقاء تفكير
وإذا بنفصل النظام عن المواطنين
بنتعب وبنحس أنه شيء مفروض علينا
لكن
إذا أقتنعنا بأن النظام هو " خدمة لنا " و تعاملنا معه على الاساس
الأكيد
أن الوضع بيتغير كثير

مشكور على تفاعلك ورأيك

......

بردان

كلامك يزيدني شرف والله

أمثلتك صحيحة وواقعية
وعلى قولتك
بيفكر ويفكر .... ثم يقول ... " أنا مواطن "

الله يرحم سعد زغلول
يوم قال على فراش الموت
" مافيش فائدة "

مشكور يالغالي
....

أخوي المجد
فعلاً كلامك صحيح
محد يحب ينسب الشر لنفسه

الأدارة
مكونة من مواطنين
يعني محد يحكمنا من " المريخ "

إذن كلنا مواطنون
وكلنا نحمل العبء

الله يعطيك العافية

....

it's me

دائما ما تخجليني بكلامك
اعتقد أن الابداع
ماله قيمة
بدون ناس تشاركه التفكير
أو تستوعبه بكل زلاته
مثلكم

الله يعطيك العافية

.....

صقر سبعة
القادم من ارض السحاب
ذو الحقيبة المحملة بالغيوم
8
8
8
تراه يبيع الضباب بخياش على أهل الرياض وجدة
أنتبهوا منه

أرحب عداد السيل الغالي
وبأنتظار عودتك

أقعد في العافيت

.....

القشرا

أخلافنا بما يشبه الاتفاق
لاننا نريد العزة لها لوطن بأهله

المواطن يبي حقه ... مافيه مانع
ومن حقه يطالب

لكن أيضاً .. الوطن
من حقه يأخذ عشان يعطي

وأظن أننا لازم نقدم ... بعدين نفكر نطلب

الله يعطيك العافية
ومشكور على ثقتك بقلمي

....

</center>

[ماشي على جنب]

دحيم بسأل الموضوع ماراح للمميزه لما الحين والا راح
ياخي انته كلمة ابداع في حقك قليله ..
صراحه هذي الكتابات اللي تخلي الواحد منا يتمسك بها المنتدى
يعطيك ستمية الف عافيه

[ورده]

مساك الله بالخير يادحيم ، عسى رويسك للعافية .
الله يكثر من هالروس اللي تفكر صح . كان الدنيا حالها أحسن .. ردود الجماعة تكفي الله يسلم الجميع .
تعال شوي على جنب
.
.
.
.
.
.
.
.
.
.
.
.


ماشاء الله عليك تعرف وش يقول صفر سبعة يعني عندك لغات .. ودي أفهم شيقول والله ... كلش ولا (أقعد بالعافيت ؟؟؟؟؟) وش ذي ياخوك والله على بالي يسبنا :D تراي مب أحش فيه والله بس مدري شيقول وأشوفكم تمدحون فيه ... طيب حطوا مترجم

[مهندس الاقلاع]

<font color="Navy"><center>
من أروع وأجمـل ما قرأت لـك ..
وكـله رائـع وجميـل :)

من النادر أن أشعر بهذا الاحساس .. ولكني مع ما قرأت لك .. شعرت أني أقرأ تحفة جميلة.. لتعريف كلمة مشوشة لدينا .. هي المواطنـة !! ..

ما احس ان عندي تعليق على كلامك ..
فكلامك أبلغ من أن اعلق عليه :)

الله يعطيك الف الف عافيـة ..

تحياتي لـك ..
مهندس الاقلاع

"سأحتفظ بنسخة مما كتبت" :)


</center></font>

[حصه]

اخوي دحيم
موضوعك زين بس اذا جينا للجد المواطن محتاج للقدوه بعد اذا صار قدوتك وكباريه البلد يسوون الغلط فلا تشره علي المواطن
اذا كان رب البيت بالدف ضاربا فشيمت اهل البيت الرقص
اعتقد انك فهمت
:(

[بـردان]

أول ((طجّه)) بالختم الجديد حقي :D

اللي بيقول ختم الطير أزين من ذا باشق وجهه :mad:

http://winmear.hypermart.net/eqla3/rayanmotamayz.gif

اخوي دحيم :) منيب قايل مثل الناس (اصابعك من ذهب) الحقيقه مخك هو الذهب وماالأصابع إلا مترجم لإشاراته

تحياتي المكعبه

[عبود]

اخوي دحيم موضوعك لايحتاج تعليق مني الموضوع متميز ولايخلو من الصراحه .


بس فيه سؤال .


.
.
.
.
.
.
.
.
.
.
ممكن ؟
.
.
السنا نحن المواطنين (السعوديين ) نعيش ولله الحمد افضل عيشه ولله الحمد من غيرنا ؟

.
.
.
الجواب معروف انه سيكون نعم :D :D ولكن الا نتذكر قول الله تعالى ( ولاان شكرتم لازيدنكم ) .


.
.

انا معك عزيزي انه الانسان يطمح للافضل دائما وابن آدم بطبيعته طماع :( ودائما يصبو للافضل &lt;&lt;&lt;&lt; قوووووويه يصبو :D ولكن علينا نحن كمواطنين ان نشكر الله على كل حال وان نشكو امرنا لله عز وجل وحده ونتصبر اذا كان هناك من ضيم قد اصابنا .

.
.
.
. حبيبي الموضوووووووع من افضل المواضيع اللي قريتهاوان دل على شيء انما يدل على ماتتميز به من ترتيب للافكار واختيارك للمواضيع الجيده والمهمه في نفس الوقت .


اخوي يعطيك الف مليوووووون عافيه .

[ست بيت سنعه]

مساء الفول
اخوي دحيم ,,, يخليك ربي
السبب في كل المظاهر السلبيه اللي ذكرتها هو عدم مراقبة النفس لو كان كل فرد يراقب نفسه ويستشعر ان عليه رقيب وهو ربه اللي ما تخفى عليه خافيه كان شفتنا زي الفل لكن للاسف اننا نعرف الصح والخطأ لكن حب الذات الواحد يبي يمشي اموره وبس مثل فواتير الجوال تجي بعضهم بعشرات الالف ويحاكي له شخص اما عاد ينقص من التكلفه او انه يعتبرها مسدده طيب انت ياللي مشترك بالجوال تدري انك ماتقدر عليه ليش تشترك اساسا واذا جتك الفاتوره ضربه تحط اللوم على الغلا وانت ليش ما تراقب نفسك ياخي اللي ماعندهوش ما يلزموش ارجع واقول ان مراقبه الذات هي الاساس وليست مراقبه اجهزة الحكومه لانها ميب قاعده تلاحقك بكل مكان وانا ما يقهرني الا اصحاب الشهادات العليا اذا مارسو مثل هذا السلوك الغير حظاري يعني علمهم حبر على ورق
(يا أيها الذين امنو لم تقولون على الله مالا تفعلون كبر مقتا عند الله ان تقولو ما لا تفعلون)