**لاعزاء لحرف الدال**

[بنية نجد]

<center><font color="Blue">بسم الله الرحمن الرحيم</font></center>

<center><font color="Purple">السلام عليكم
انا بقول القصة هذي واتمنى انكم تعطوني رأيكم بالقصة وموضوعها خصوصا اخواني المقلعين بالذات</font></center>
================================================== =====


<center>هذي ياطويلين العمر قصة بنت اسمها ريم هالبنت طول عمرها وهي شاطرة ومجتهدة وعندها طموح انها تدخل كلية الطب
طبعا البنت الكل عارف عنها هالشي من يوم انها طفلة صغيرة كانت العابها كلهاتتعلق بالمهنة هذي
كانت تجمع علب الادوية الفاضية والابر واي شي ابيض كانت تحب تلبسه لانها تقول يخليني دكتورة
كبرت ريم وكبر حلمها معهالدرجة انها حتى ماتكتب اسمها الا وقبله حرف الدال مو عشان شي..لكن لانه يربطها بامل حياتها وصارت تكتب د.ريم على كل شي حتى دفاترها في المدرسة لابدمن هالحرف ...طبعا البنت طول فترة دراستها كانت تعرف كل مايتعلق بدراسة الطب وتخصصاتها وكل شي عنه..</center>


<center><font color="Purple">كانت لغة ريم الانجليزية جدا كويسة لدرجة انها صارت تشتري كتب مصطلحات طبية تقول ابي علشان ادخل الكلية وانا متهيأه من جميع النواحي...حتى ثقافتها الطبية كانت جدا ممتازة ولمن تروح لدكتور تراجع عنده مثلا تتناقش معاه نقاش وحده فاهمه حتى اغلبهم يسالونها انتي تدرسين طب تقول باذن الله بدرسه الله لايعوق بشر حتى مرة دكتور قال لها انتبهي ياريم لاتغلطين وتدخلين طب..جاوبته ريم وقالت:لو كان دخول كلية الطب غلطة انا اتمنى اغلط هالغلطة..
</font></center><center><font color="Purple">وصلت ريم للتوجيهي وكل ماكبرت يكبر معها هالحلم واهلهاصحيح ماكانوا يشجعونها لكنهم ماكانوا يرفضون لها هالشي
على اساس ان القرار الاول والاخير راجع لها..
طلعت النتايج..اووووووه ماشاء الله ريم قصدي الدكتورة ريم تخرجت قسم علمي ونسبة عااالية
يعني الحمد لله الحلم بدا يصير واقع :)
محد يتخيل فرحة ريم يوم نجاحهالدرجة انها قبل تطلع النتايج راحت على طول اشترت اللاب كوت من لهفتها على هالساعة اللي تصير فيها طالبة بكلية الطب :)</font></center>


<center><font color="Purple">ريم طبعا كانت تنخطب كثير بس ترفض دايم على اساس انها بتدرس دراسة صعب التوفيق بينها وبين الحياة الزوجية
اوووووه بكرا اول يوم في التسجيل ياسلااااااام ريم هذيك اللحظة لحد يكلمها عالم ثااااني مبسووووووطة على الآخر :)
ابوريم جاء لبنته حبيبته وسألها وش بتدخل اي كلية كقرار اخير؟؟؟قالت يوووه يبه انت تمزح والا تسوي نفسك ماتدري خلاااص من اليوم ورايح انت ابو د.ريم :)ابشر يبه والله لحط عيادتي باذن الله في احلى مكان بالرياض واحط اسمي واسمك في اكبر لوحة علشان تفتخر وتقول هذي بنتي ريم شوفوها صارت دكتورة :)
ابو ريم مو عاجبه الحكي ابداااا..ريم لاحظت شي على ابوها..يبه وش فيك؟؟؟الابو قال شوفي ياحبيبتي كلية غير هالكلية هذي ماتصلح لنا ولانصلح لها...
ريم=الف والف والف علامة تعجب
مازالت تحسب الوضع مزحة بس للاسف المزح صار جد :(
يبه وشلون وكيف مادخل كلية الطب هذي امنية حياتي؟؟؟ قال انا رفضت لمصلحتك ولولا انك غالية علي مامنعتك...
ريم:طيب وش غيرك يبه طول عمرك تقول ادخلي اللي تبينه وش طرا عليك هالمرة ؟؟؟
قال انا كذا واحد قالوا لي يوم دروا انك بتدخلين هالكلية لاتبيع بنتك بيدينك وانا كل يوم ورا الثاني ياواحد من اخواني يجي يقولي او اصدقائي كلهم يحذروني من هالكلية...</font></center>

<center><font color="Purple">طبعا ريم هذيك اللحظة محد يتخيل وضعها كيف
دمعتها ماتفارق خدها ليل نهار ..جاها انهيار عصبي من صدمتها...ابوها طبعا قلبه يتقطع وهو يشوف انه يحرم بنته من شي وهو حول ماتموت قدامه بس يقول لولا غلاها مامنعتها!!!
ريم صارت تقول ليتني رسبت ولانجحت اهون علي على الاقل اقول نسبتي مادخلتني :(
راحت ريم تسجل وطبعا مو كلية الطب اووووووه لالالامستحيل صارت من المحرمات هالكلية من بعد ماغسلوا هالرجاجيل مخ ابوها...
دخلت ريم مبنى العمادة وكان كل كلية لها قسم خاص... لمى قرت ريم لوحة مكتوب عليها <font color="Purple">كلية الطب</font>


جلست تبكي وتبكي وتبكي من قلبها والكل جالس يتفرج عليها ...
ريم حست انها تودع حلمها لمثواه الاخير..
هذا الحلم اللي كان كل شي بحياتها فجاه اختفى ولابقى لها منه حتى ذكرى :(</font></center>

<center><font color="Purple">ريم خلاص معد صار يهمها اي كلية تدخل حصلت اول لوحة قدامها على كلية اللغات والترجمة وراحت سجلت على طووول
ومع ذلك لمن طلعت نتائج القبول كان اسمها مو من ضمن القائمة...والسبب ان القائمة امتلت خلااص :(
برضو ريم خلااص صار عندها تبلد من ناحية شي اسمه دراسة
انقبلت بكليةاقل النسب تدخلها
حتى في التسجيل التخصصات صارت ترفض انها تسجل بس صديقاتها اختاروا لها تخصص تربية فنية مع انها ماعندها ميول فنية ابدا...
ريم صارت ماتحضر محاضراتها واللي يبيها يحصلها جالسة تتأمل قوائم طالبات كلية الطب
وتطل عليهم في القاعات وهم يدرسون..
وطبعا الدموع ماتفارق خدها :(</font></center>
نجي للناس وش قالوا لريم :
على البركة يقولون تخرجتي ونسبتك عالية ماشاء الله هاه بشري يادكتورة ...
طبعا اجابة ريم لاي احد يسألها هالسؤال انها تبكي وتنهار...حتى ان ام ريم صارت توصي اي احد قبل يشوف ريم انه مايسألها وش تدرس.. لانها على قولة امها بتجلس لها حوا اسبوع كن ميت لها احد!!!!

<center><font color="Purple">ريم الحين باقي لها سنة وتتخرج...جتها حالات صارت تقول انها صارت تكره الطب والحمد لله انها مادخلته..بس ريم اكتشفت انها تناقض نفسها وانه على الرغم من انه باقي سنة وتتخرج الا انها مازالت متعلقة بحلم الطفولة الاول والاخير..
وهي تحاول تصبر وتسلي نفسها وتقول يمكنها خيرة وربي ماكتب لي هالشي...يوووووه رجعت ريم تناقض نفسها مرة ثاانية!!!!</font></center>

<font color="Blue">اخواني وخواتي بعد ماتتفضلون وتقرون هالقصة...اتمنى اني اعرف رايكم...هل فعلا رفض ابو ريم لدخولها الكلية هذي على اساس انها مختلطة من ناحية العمل غلط؟؟</font><font color="Blue">بالنسبة لاخواني...عادي ان واحد منكم يقترن بطبيبة مستقبلا؟؟؟</font><font color="Blue">من وجهة نظركم النظرة الدونية الحقيرة للطبيبة ليش؟؟؟ خصوصا اننا عرافين انه بكل مكان فيه زين وشين ومهوب شرط انها تدرس طب يعني خلاص لازم تشتغل مع رجال فيه امكانيات اخرى ...؟</font><font color="black">
انا آسفة جدا جدا جدا على اطالتي في الموضوع هذا اللي حبيت ادخل له عن طريق قصة واقعية جدا... لان فيه كم ريم بمجتمعنا..طبعا كثير...</font>
آسفة مرة اخرى ...
وتقبلوا تحياتي

http://www.eqla3.com/file/ubb/icons/icon96.gif http://www.eqla3.com/file/ubb/icons/icon96.gif http://www.eqla3.com/file/ubb/icons/icon96.gif

[صغنطوط]

<font face="Tahoma"><center>
عزيزتي بنت نجد لا إطاله
ولا غيره موضوعك حلو جدا

هل فعلا رفض ابو ريم لدخولها
الكلية هذي على اساس انها
مختلطة من ناحية العمل غلط؟

غلط والف غلط كل إنسان له
هوايه وله آمال وده ينميها
ويحققها وإذا ماصار الي يبيه
بيصير له نفس الي صار لريم.. :(

عادي ان واحد منكم يقترن بطبيبة مستقبلا؟
بصراحه من وجهة نظري انا
ابي انسانه فاضيه لي
ماهو عشان إختلاط لأني
إذا تزوجت شخص بكون واثق
فيه 95 % حتى لو كانت بين
20 رجل ادري ان مافي احد بيقدر
يلمس شعره منها والسبب زوجتي. :D

من وجهة نظركم النظرة الدونية
الحقيرة للطبيبة ليش؟

يمكن لأن مجتمعنا مايحب الإختلاط
بس بالنسبه للدكتره الموضوع مغاير
تماما لأن كل الي بالمستشفى بيكون
لهم مرضى خايفين عليهم والدكاتره
مرضى يهتمون فيهم يعني مافي احد
فاضي لأحد، وطبعا كل شي يعود على
الدكتوره اولا واخيرا يعني تترك
عنها التربج والكلام الفاضي
لأنها بمستشفى مو عرس. :D

واخيرا شكرا على الموضوع
ويسلم عمرك انشالله. :D</font>

</center>

[فاصل اعلاني]

:)

[خذ و خل]

<center><font color="Blue">

أهلا بك بنية نجد

موضوع جيد و يستحق النقاش


في البداية سوف أجيب على أسئلتك ثم بعدها سأضيف بعض الإضافات :
<font color="Red">هل فعلا رفض ابو ريم لدخولها
الكلية هذي على اساس انها
مختلطة من ناحية العمل غلط؟</font>

هذا لا أستطيع الإجابة عليه ... لأنني لست أهلا للفتيا ... و يوجد من يستطيع الإجابة على هذا السؤال إذا كان السائل يريد الجواب الحقيقي الذي يود أن يعرفه قبل أن يقرر . :)


<font color="Red">عادي ان واحد منكم يقترن بطبيبة مستقبلا؟</font>

طبعا عادي .... مثلها مثل أي شابه ليست طبيبه إذا اكتملت فيها الصفات التي يريدها الزوج بغض النظر عن كونها طبيبة . فليس عيبا كونها طبيبة و لا ينقص من نقاطها بل بالعكس قد يزيد من نقاطها لأنها سوف تكون أكثر ثقافة .


<font color="Red">من وجهة نظركم النظرة الدونية
الحقيرة للطبيبة ليش؟</font>

أعترض على هذا السؤال .... لأن هذه النظره ليست موجودة .... و إن وجدت عند البعض فليست عامة ... مثلها مثل أي نظرة ( كنظرة البعض للمراهق ... ونظرة البعض للمرأة على العموم ..... و نظرة البعض للمطوع ..... ونظرة البعض للمطرب ... و نظرة البعض للاعب كرة القدم ) و التي تكون خاصة وليست عامة .

لكن النظرة العامة ..... هي نظرتنا لليهودي ..... الكل يتفق على هذه النظرة.


و لكن لو فرضنا أن هناك نظرة دونية للطبيبة .... فهذه نظرة خاصة لصاحبها .... و هي تعكس فكره هو .... ومن كانت هذه نظرته للطبيبة فليس هو أهلا لأن نسمع له .

و أما إن كان أب ٌ لفتاة تريد أن تكون طبيبة ..... فهذا بينها وبين أبيها و يعتمد عدم رضاه على سبب الرفض .... و إجابتي على السؤال الأول قد يحل المشكلة إذا كان الأب متفهم .... و إن كان غير متفهم .... فلا مجال للجدال :)


أخير أقول لريم : إحمدي ربك أنك لم تدخلي كلية الطب :)

ليس بسبب ماجاء أعلاه من أسباب ...... ولكن لأسباب أخرى ..... أهمها الهم والغم و الإنعزال عن المجتمع :)

و لأني لم أر طبيبا أو طبيبة إلا وهم نادمون على هذا الإختيار :p


.........

يمكن يجي واحد ويتفلسف شوي و يقول إذا ما دخلنا الطب , من بيدخل ؟؟ وهل سنعتمد على الاجانب دائما ؟

فاقول له ..... خذ وخل :) + أنني أعزي ريم :)

</font></center>

[صدى]

بنيه نجد :(
موضوعك رائع وطرحه على شكل قصه فكره جميله واستمتعنا بقراءته وطوله على قلوبنا زي العسل :)
بس قصتك واقعيه تماما ياكثر ريماتناوالله وياشين التحطيم :(
انا مارح اناقش مهنه الطب هل دراستها في مجتمعنا مقبوله ولا لا انا ابناقش اسلوب الاهل مع البنات ...
انا اقول
ليش ماكانو الاهل واضحين من البدايه قبل لا تتعلق بالقسم وتتوهق مسكينه يعني المفروض وضحوا موقفهم من اول ..
احنا ابائنا فيهم شي غريب ماادروا مزحهم كثير ولا يغيرون ارائهم بسرعه والله ماادري :(
تشوف الابو يشجع بنته على اي شي ويخف بها ولا جد الجد هون :(
رسالتي اوجهها للاباء ياابوي خلك واضح مع البنت ولا تلعب بأعصابها :( البنت حساسه ولا حطت شي في بالهاتحمست له وتحطمها سريع :(
شكرا لك اختي بنيه نجد واسفه لاني اخترت جانب مظلم من الموضوع وعلقت عليه :)
وتركت الجانب الرئيسي :)لان هالموضوع كان لافت انتباهي ..
اختك الصيد

[القشرا]

<center> <font color="Red"> سلااااام :)
اختي الموضوع الاساسي وهو فكره الطب بالنسبه
للنساء كان موضوع مفتووح وردوا عليه ناس كثير
وانا معهم :D :D
مهما كان الطب لازم يكون فيه اختلاط :(
اما بالنسبه لها المفروض ماتتحطم على شيء ما حصلته
طيب فرضا ماكانت انقبلت المفروض كانت مستعده
وبرضو مع الاخت صيد الاهل لهم دور
ليه مابينوا وجهة نظرهم من الاول :)</font> </center>

[child25]

اهلين..
معليش ما ادري انا من ضمن الناس المسموح لهم المشاركة في هالموضوع ولا لا.. انتي كتبتي وخصوصاً اخواني المقلعين.. فما ادري من تقصدين.. على العموم .. اسمحي لي اشارك في موضوعك الرائع ولو كنت متطفل شوي فتحمليني.. لان موضوعك واسلوبك والردود المليانه اللي ردت عليك اجبروني الا ان اشارك..

عزيزتي بنت نجد.. ليست هذه هي المشكلة الوحيدة في المجتمع.. فالخيار للبنت رغم ان وصلنا الى القرن الواحد والعشرين ما زال مستحيلاً.. ولا زالت النظر الى تفكير البنت ومعرفتها بمصلحة نفسها يقولون عنها ناقصاً.. لا ادري متى سنتخلص من تلك النظرة والى متى نظل اوصياء عليهم.. رغم ان الكثير منا (معشر الرجال) يحتاج ان وصايه هو نفسه ولا يعرف يتدبر امور نفسه بنفسه..

عزيزتي.. يجب ان يكون هناك حواراً بين الاب وبنته.. ليس في اختيار التخصص بس.. بل في كل شي يخص البنت.. ولازم كل واحد يقول وجهة نظرة كاملة.. وفي الاخير يقتنع واحد من الثنين قناعة تامة بوجهة النظر الصحيحة سواء وجهة نظر الاب او البنت.. ويبني على وجهة النظر تلك.. في الموضوع بالذات.. المفروض يقنع الاب بنته ليش ما يبيها تدخل كلية الطب.. وش سلبياتها وش ايجابياتها.. ان كانت السلبيات اكثر .. خلاص تبطل الدخول في الكلية.. ان كانت الايجابيات اكثر يبطل الافكار السوداء اللي في باله.. والمفروض يبعد كلمة كلام الناس يا بنتي.. يبعده من النقاش خلاص.. علشان اذا نظرنا الى كلام الناس ما راح احد يعجبه شي ابد.. ولا لو نظرنا في الاخير انها حتى بعد ما تتخرج من كلية الترجمه.. احتمال يصير فيه اختلاط بعد.. واذا صار فيه اختلاط خير انشا الله.. خلاص نزع كل الثقة من بنته.. ؟؟؟؟؟
هل تتوقعون ان الاثر النفسي (واللي مع الاسف يهمله كثير من الاباء) هل تتوقعون انه يمر بسلام على البنت.. هل تتوقعون انها راح تنسى هالجرح طول حياتها.. هل تتوقعون ان تبي تتخلص من عقدة النقص كل مرة تشوف فيها وحدة من زميلاتها صار عندها عيادة.. لا اعتقد ذلك.. بس لو كان الاب اقنعها بإسلوب آخر.. بالاضافة الى ما ذكر في احد الردود اعلاه مشكوراً من انهم لو قالوا لها من البداية وما خلوها تتعلق بوهم اعتقد كان اهون عليها..
عزيزتي ريم.. دعي الالم.. وأبدي حياة جديدة.. فالنجاح في كل مكان.. والعضو الفعال يبي يكون فعال وين ما كان..

شكراً على الموضوع هذا بنت نجد.. واعذروني على الاطالة.. (هذا وانا متطفل.. :) عاد لو كنت مقلع وشلون تبي تكون مشاركتي..؟؟

تحياتي..

[هوىنجد]

بنية نجد الله لايهينتس اسالى ريم وش بتسوي اذا خلصت فنيه كانها تبي تشتغل في مستشفى دورت لها واسطه&lt;==========بيقهرها
:D

[ازرق وابيض]

<font color="Blue"><center>
هلا بنية نجد :)

شكرا على القصه الجميله اختي..

اولا اتفق مع الاخوات اللي قالوا ان الاب والاهل مفروض انهم ما يخلون ريم متعلقه طول عمرها بأمل بحلم انها بتصير دكتوره بعدين يوم تخرجت وبغت تسجل قالولها شوفيلك غيرها!!! :eek:

يعني الاب هذا مفروض كان من صغر ريم وهو يقولها وجهة نظره في الطب ويفهمها عشان تغير الفكره من البدايه..هذي نقطه مهمه في القصه..

اجي لاسالتك اللي طرحتيها...
بالنسبه لمهنة الطب بالنسبه للمرأه فأعتقد انها للأسف يحصل فيها اختلاط مباشر مع الرجال :(
اعرف كثيرين يدرسون طب ويقولون لي ان فيه بعض المحاضرات تكون مشتركه مع البنات وا ما صار فأن الشرح يكون من دكتور والتطبيق عملي يعني قاعه ودكتور وطالبات طب وهذا بحد عينه اختلاط :( صح والا انا غلطان؟؟؟

بعدين لو تخرجت الدكتوره من كليتها راح تشتغل في مستشفى مثلا وراح يكون مديرها رجال والدكتور المسؤول عنها رجال واغلب اللي يعملون في المستشفى رجال واغلب المراجعين والمرضى رجال..
يعني حتي وان كانت الطبيبه على قدر كبير من الاخلاق وتخاف الله ومن ثم تخاف على نفسها ومحترمه نفسها كيف راح نثق في كل الدكاتره مثلا؟؟؟
وكيف نضمن ان كل اللي يعملون في المستشفى مؤدبين ومحترمين؟؟ حتى وان ماكانوا قدروا يقولون لها شي مثلا نقول اقل شي بيسوونه هو ان بعضهم الا ما رحم ربي راح تصير الدكتةره ماده دسمه لحديثه مع زملاه بالعمل!!! :(

صدقيني ان فيه نماذج للاسف تخلي الناس تاخذ فكره شينه عن اي بنت تعمل في مجال الطب واذكر ان مجلة فواصل سوت تحقيق مره ممتاز وجريء حول هذا الموضوع..
انا بصراحه ما راح اقبل اتزوج دكتوره عشان اللي ذكرته فوق..

لكن اتمنى ان تتطور دراسة الطب عندنا وتصير كليات الطب كلها مكونه من طاقم نسائي 100% عشان الناس تتطمن على بناتها من عبث العابثين..

اعتقد اني طولت اعذريني لكن الموضوع شدني والله :)</center></font>

[ريحان]

اختي بنية نجد ،

بصراحة ترددت في الرد عليك ، لأنه كان بيني وبين الطب شعرة ،
مادخلته برغبتي أنا ، لأني ما أحبه و لا أقدر عليه ،

تصرف والد ريم خاطئ طبعا، لأنه خلاها تبني آمال وأحلام ثم هدمها ،


لكن البيئة تتحكم بهذه الأشياء، فالوضع بالنسبة للي حوالي عادي جدا ، تصيرين طبيية أو تخصص طبي ، هذا راجع لرغبتك أنت،

أما أنها تؤدي للعنوسة :) ، لأي سبب ، فهذا غريب جدا ، لأن الغالبية العظمى من السيدات أو البنات اللي أعرفهم لهم تخصص طبي يا إما متزوجات ومرتاحات الحمدلله أو على وشك أنهم يتزوجون،
لأن الزواج رزق مثله مثل غيره من الأشياء ،

أما للي يرفضون الطبيبية بحجة الإختلاط ، فليه ما يرفضون الطبيب أيضا ؟
ما يشتغل مع نساء أو يعالجهم حتى ؟

الوضع يرجع لعقلية كل شخص وبيئته اللي نشأ فيها أولا وأخيرا،

لأن لو الاختلاط حجة ، لما دخلنا مطاعم ، ولسكرنا المستشفيات ، وألغينا المحلات ،
و ما خلينا الأساتذة يدرسون البنات أبدا ، (وعلى فكرة ترى الرجال يدرسون البنات في جامعات وكليات مختلفة) ،
وحتى الشارع ما نطلع فيه خوفا من الاختلاط :)


على العموم، اعذروني لأني طولت عليكم،
بس حبيت أنقل وجهة نظر مغايرة :)

[المدغبجة]

بنية نجد
هلا وغلا
اختي الموضوع حلو جدا
انا الحقيقة وحدة من البنات اللي اهلي امنعوني من الطب بس الحقيقة امنعوني من اول ثانوي ماهو منع بمعنى المنع يعني يعصبية لا الوالد قالي :ما افضل وصعبة وما ودي انك تتعبين والحياة حلوة ولازم تستمتعين
وامي قالت لي :يا بنيتي ودي حياتك تكون سعيدة وما تشتتين دماغك وحالك
بين الزوج والعيال والمستشفى والطموح

واقصى مالك مانتب مكملة لان الطب يبيله جهد ومؤتمرات ودائملا يتغير ماهوب ثابت

ومسكتني على جنب وقالت :يا سوير لا تكابرين انت مدلعة وما تتحملين
:D :D

غير ان الطب كان احد احلامي ماهو حلمي الوحيد
انا كان ودي اني اتميز وانتج وتكون لي شخصية مستقلة
وبالفعل درست دراسة حققت لي هالشيء
&lt;&lt;&lt;&lt;&lt;&lt;,------ما قصرتي عطيتينا قصة حياتك


لكن النظرة الدونية للطبيبة ما اظنها موجودة

وبالنسبة للاختلاط
انا اقول انسان دخل الطب او انسانة دخلت الطب ومسؤول عن ارواح البشر اكيد راح يكون على قد المسؤولية انه يحمي نفسه ويضع لنفسه حدود ويختار الطريق والاسلوب اللي يناسبه في حياته وتعامله مع الناس

هذا رايي
ااااااسفة على الاطالة

[بنية نجد]

**زغنطوط**
هلا بك اخوي مشكور جد على كلامك
صحيح صعب انك تشوف الطموحات بيوم وليلة تموت قدامك بدون ذنب

اخوي انت ممكن عادي لك انك تتزوج طبيبة بس اللي اشوفه ان اغلبية الرجال يرفضون هالشي وبشدة بسبب الاختلاط اللي صاير

اشكرك على المشاركة..

**فاصل اعلاني**
:)بعد

**خذ وخل**
هلاوغلا اخوي
اشكرك على المشاركة
انا جدا معجبة برائيكم بخصوص الاقتران بطبيبة ماتوقعت هالشي صراحة لاني اشوف الاغلبية يرفضونه.
وبالنسبة للنظرة الدونية هي موجودة صراحة وبكل وضوح للاسف...بس طبعا مو عند الكل لكن الغالبية العظمى
وزي ماقلت مهنة الطب متعبة جدا جدا تعزلك عن اغلب الاشياء المحببة لك
شااااااكرة لك جدااااا اخوي على نقاشك الرائع
:)

**صيد**
هلاوغلا اختي العزيزة من جد شرفتيني وشرفتي موضوعي :)
وتسلمين على كلامك من ذوقك يالغالية انتي اللي كلامك عسل والله
فعر ياكثر ريماتنا عدي واغلطي
:(
فعلا غلطة الاهل جدا كبيرة في انهم خلوا ريم تتعلق بحلمها لمدة12 سنة بعدين في يوم وليلة حطموه قدامها....
شااااكرة لك جدا جدا على الاضافة الرائعة :)
**القشرا**
وعليكم السلام

كلامك صحيح بالنسبة للطب من ناحية الدراسة والعمل اختلاط بس ممكن انها تتحاشاه
وكذلك دور الاهل زي مالتي كبير جدا بالقضية هذي
شكراااااااا جزيلا اختي

**child25**
هلاوغلا اخوي حياك الله وليش مايسمح لك بالمشاركة؟؟؟لي الشرف والله بكل كلمة اي احد يقولها
وانا لمن قلت خصوصا اخواني المقلعين اقصد اخواني الرجال لانهم هم اللي يمسهم الموضوع تقريبا وانت واحد منهم :)

ولااسولوبك تطفلي ولا شي حياك الله مرة ثانية اقولها

كلامك بخصوص ان البنت ليست حرة رائيها فعلا صحيح وواضح لانه واقعي جدا..
فعلا الحوار جدا ضروري بين الاهل بكل شي مو دراسة بس..
لزوم يبينون الصح من الغلط واسولب ياتقنعني ياقنعك :)
اخوي احب اني ابين لك اعجابي بكل الكلام اللي سطرته في ردك لانه فعلا كلام عقلاني مائة بالمائة
اشكرك اشكرك اشكرك جدا على مشاركتك الرائعة
وحياك الله مع اني للحين مافهمت وش قصدك بسالفة متطفل وقولتك منيب من المقلعين :)؟؟؟

**هوى نجد**
ههههه الله من الشر :)
وين تبيها ترسم ياحسرة بغرفة العمليات؟؟
هههه اممحق واسطة فكها من شرك بس :)

**ازرق وابيض**
اهلين اخوي
شكرا على كلامك
اشاركك رائيي بخصوص موضوع الاهل..
برضو في نفس الوقت انا مالوم الاب لانه فعلا زمنا تغير وصارت اشياء مستحيل نتخيل انها تصير بيوم من الايام..
فعلا الطب الاختلاط فيه بشكل واضح لكن من هنا الى حول10 سنين مكن يتغير هالشي او ممكن يكون فيه عيادات نسائية معزولة مائة بالمائة عن الرجال..
لكن كدراسة محد يختلف على انها لازم تكون مختلطة للاسف
وللاسف النماذج الشينة موجودة بكل مجال :(
وانا اتمنى معك من قلبي انه يصير كلية خاصة بالطب نسائية تماااااماااااا :)

ولاطولت ولا شي حياك الله شرفتني بردك

**ريحان**
هلاوغلا اختي العزيزة

انا معك بخصوص البيئة انها دورها مهم جدا
وزي ماقلتي الاختلاط وارد بكليات كثير لكن مدري ليش ارفض يكون مختص بالطب فقط؟؟
عزيزتي شرفتيني بردك والله ولاطولتي ولاشي
حياك الله

**المدغبجة**

هلااااااوغلاااااااا اختي الغالية
تسلمين اختي من ذوقك

ههههههه ياحليلك ياسوير اجل مدلعة :)
صحيح الطب لازم تنعزلين عن كل شي وكل دراسته تحتاج الى استمراية مملة صراحة لانك بتضطرين تصيرين طول عمرك تتعلمين خصوصا الطب مجاله استمراري ويستجد كل لحظة..

والتميز وتحقيق استقلال الشخصية حلم كثير والله :) وحلم رائع

كلاامك عين العقل وصحيح جدا
اشكرك من كل قلبي على مشاركتك
حيااااااك.. :)

[الطير]

<center>=-------------
قبل ما ارد علي موضوعك مابي انااقول لك وش كان شعوري وانا اقراه ....
حسيت باستمتاع مايوصف ....وتشوق اني اوصل نهايه القصه .
اختي ياما اهلنا منعونا من اشياء بدافع الخوف علينا وياما
...اشياء كثير حلمنا فيها وما تحققت...سبحا ن الله
( وعسى ان تكرهوا شيء
وهوخير لكم وعسى ان تحبوا شيء وهو شر لكم) اذا الانسان اقتنع
ان الله يحبه وان الله واقف معه يبي يلهمه ربي الصبر في كل حاله .
صحيح لابد من الصدمه ومن الحزن ومن الهم ..
ولكن الايمان الداخلي عميق .
شوفي اختي ان شاء الله مافيه احتقار لا ي مسلمه لادكتوره ولا غيرها ....
ولكن صدقيني من واقع تجربه .....لا يمكن انه المرأه تشتغل في عمل مختلط
ولا يحصل لها مهوب بس فتنه
الا بعد ضغط واجباااااااار علي الانقياد للتيار القذر بالعمل المختلط ....
وكثيرمن النساء الشريفات العفيفات ...كانوا بامس الحاجه للمال وماعندهم
حتي فلوس يشترون علاج لانفسهم
لكنهم فضلوا انهم يجلسون في البيت بدال ما يتعرضون للضغط .علي شرفهم بالعمل المختلط
ولا تقولين لي .....الانسانه الشرفيه شريفه باي مكان .
لا ياختي مهوب نحط القاز جنب النار ونقول اياني واياكم واحد يولع بالثاني
ياختي المراه فتنه ...والشيطان شاطر والدنيا اغراء .
صدقيني اللي نصحوا ابوها معهم حق ...ولو هي تدري عن الورطه اللي كانت تبي تعيش فيها
كان حمدت ربها وصلت ليل ونهار .
وبعدين قولي لي كيف امرأه تعيش .....وهي تشتغل وتداوم دوامين وتسهر بالليل في المستشفي
وكيف تربي عيالها؟؟؟؟وترعاهم؟
ترا دور المراه وعملها الاول ....هو اطفالها اما المستشفى ......
ممكن يقوم بالوظايف فيه الرجال ...واذا جاء اليوم اللي تفتح فيه
مستشفيات نسائيه تماما كلناااااا نبي نشجع
بناتنا علي انهم يدخلون علي المجال
وعلي فكره ....(فيه مستشى نسائي توه فاتح افتتحته جمعيه خيره والمستشفي مختص بالنساء والولاده
والاطفال بشكل خاص .....وبعض التخصصات الثانيه ...والمستشى نسائي ميه بالميه)
لكن مهوب موجود في الرياض=</center>

[مسوي زحمة]

<font color="Blue">كيف الحال؟!؟ ........ ترى ما عندي شي أقوله هع هع ... هو أصلا انتوا بقيتولي شي أقوله .. مالت عليكم وعلى حتسيكم هاللي ما يخلص</font>

&lt;=== موسوس <IMG SRC="cwm32.gif" border="0">

[نديم]

بنية نجد.
اختي العزيزة
يقول المثل اعطي القوس باريها
هذه رسالة من طبيبة سعودية وصلتني ورغبت المشاركة بها مع موافقتي على ماجاء فيها
تقول ((
اولا ليه دائما الطبيبه وعملها ومن يتزوجها ..موضوع دسم للنقاش
سالت الاخت ثلاث اسئله ....هل موقف الاب صح ام خطا لرفضه دخول ابنته لكليه الطب
السؤال الثانى عادى ان اى واحد منكم يتزوج طبيبه بالمستقبل ؟؟؟
السؤال الثالث ..من وجهة نظركم النظره الدونيه الحقيره للطبيبه ليش ؟؟؟؟

بالنسبه للسؤال الاول الاخوان جاوبوا بما فيه الكفايه
نجى للسؤال الثانى وانا اسأل منهو اللى تقبل تتزوجه الطبيبه؟؟
...الطبيبه من خيار بنات المجتمع ,علم وثقافه وادب ودين ونضوج فكرى لا يعلى عليه
وهذا من اثر دراستها ونبل مهنتها لانها تتحمل فيها مسؤوليات قد لايتتحملها الرجال من غير الاطباء
..الطبيبه تختلط بالرجال اقول نعم
ولكن ماهو نوع الاختلاط
ومن هم الرجال
هم من زملاء المهنه يعنى اطباء
وصلوا لمرحله كبيره من النضوج العقلى والفكرى واغلبهم اذا ماقلنا كلهم اهل ثقه وخلق
,,تختلط بالمرضى
,المريض ياتى للمستشفى وهو يبحث عن العلاج الشافى باذن الله
وهو يعلم انه فى مكان محترم ويجب ان يحترم من فيه
ومن هو غير ذلك يعرف الجميع كيف يتعامل معه .
..الطبيبه عندما تختلط بالرجال فاختلاطها بحدود وكل يعرف حدوده وهى حدود العمل
..والعمل فىالمستشفى اكثر مما يتخيل اى منكم فلا وقت حتى للراحه
فكيف تتوقعون ان هناك وقت للمهاترات والسوالف والضحك .
.ولعلم الجميع الطبيبه عندما تفكر بالزواج فهى تبحث عن شخص متعلم انسان واعى يقدرها ويقدر علمها وشهادتها التى يتمناها الكثير وينظرون لهاالبعض بعين الحسد على ماوصلت اليه من درجات علميه عاليه
..اما مايتوقع البعض ان الطبيب والطبيبه نادمين على اختيارهم لهذا المجال فوالله ما رايت الا القله التى لاتعد على اصابع اليد
..اما الغالبيه فهم فخورون بانفسهم وشهاداتهم
وانا لو وضع لى الخيار ان اختار حياتىمن جديد فسوف اختار الطب
لانها من انبل وارقى المهن فى العالم
.....وللمعلوميه الطبيبه دوامها فىالغالب من الصباح الساعه 8 حتى الساعه الرابعه عصرا وتناوب مره او مرتين فى الاسبوع
..يعنى مو عايشه اربع وعشرين ساعه فى المستشفى
..واطفال الاطباء والطبيبات من اكثر الاطفال اهتماما واكثرهم يحصلون على اعلى المستويات فى الدراسه
..لان الام المتعلمه والاب المتعلم خاصه التعليم العالى يهتمون باطفالهم بشكل اكبر من غيرهم وخاصه فى تعليمهم وتثقيفهم
...يعنى اللى يقول الطبيبه مو فاضيه لبيتها غلطان
...واللىيقول ان الاطباء معزولين عن المجتمع فهو غلطان
,العزله تعتمد علىالشخص نفسه ماهو على مهنته
..وفيه كم واحد فى هالمنتدى من الاعضاء طبيب لو انه منعزل وين لقى وقت منه يشاركم مناقشاتكم
..الطبيب مشغو ل ايه صح
لكن وقته منظم ومقسم بين حياته العمليه والاجتماعيه
...وفيه رد من الردود يقول ان الدراسه فىالطب مختلطه وانا اقول له وش دراك
..يااخى درسنا طب وتخرجنا ما اختلطنا فى القاعات الدراسيه ولا فىالدراسه الاكلينيكيه
..صحيح فيه اساتذه رجال لكن مالهم بديل وهذولا الاساتذه من خيرة الرجال ومعظمهم اعمارهم فوق الاربعين يعنى قمه فى العقل والاخلاق
..وهدفهم التدريس لاغير ..
الاجابه عن السؤال الثالث
يااختى الله يهديك كلمه النظره الدونيه الحقيره كثيره ترى
...واللى ينظر هالنظره فهوزى اللى يقول على العنب حامض لانه ماقدر يحصله
..اللى ينظر للطبيبه بهالنظره فهو حسد لما وصلت اليه من علم
بعدين كيف تكون النظره دونيه للطبيبه وهى اعلى منه بمراحل
....ولا اتوقع ان هناك من ينظر تلك النظره انشاء الله علىالاقل حسب خبرتى
..فوالله بالعكس نحن لانقابل الا كل احترام وتقدير من الجميع وكل المرضى يدعون لنا بالتوفيق والنجاح
وان يكثر الله من امثالنا ويفرحون لما يشوفون طبيبه سعوديه تشرف على علاجهم
...كلمه اخيره ترى الناس الطيبين مالين البلد .
..ومايمنع ان لكل قاعده شواذ
لكم تحياتى
<font size="5">طبيبه</font> <IMG SRC="cwm37.gif" border="0">

[المــجــد]

بسم الله ...

أختي ...

شوفي رأيي بكل صراحة ...
البنت كانت تبغى تخش طب ...
والجامعة مختلطة ...
نحن سننظر له نظرة دينية وليس نظرة شخصية ...
فوجود الطبيبات في مجتمعنا ضرورة قصوى ...
والضرورات تبيح المحظورات ...
فتبيح الاختلاط المشروع بضوابط وحدود ...
كالذي يكون في الأسواق أو يكون في الحرم وغيره ...
لكن بشرط ألا يتعدى حدود المطلوب ...


بالنسبة للاقتران بطبيبة ....
فهذا قسمة ونصيب ...
ولكن لا أعترض اذا كانت تتوفر فيها صفات المرأة المسلمة ...
من دين وخلق وجمال ومال ....

أما للنظرة الدونية للطبيبة ...
فهذه أول مرة أسمع بهذا الشيء ...
بل بالعكس الطبيبة لها نظرة تفوق الآخرين ...
فقد حققت مايعجز عنه الآخرون ....


اللهم فرج عنا ما نحن فيه ...
وأخيرا أقول اتقوا الله حيثما كنتم ...
ومشكورين ...

[شعنونه]

اؤيد كلام الدكتورة اللي ارسلت على الاستاذ نديم

مهنة الطب ودراسة الطب صعبة وبياخذ كل الوقت يعني الدماغ مشغول بالدراسة مو في الكلام الفاضي الحب وخرابيطه والاسواق والخرجات

بعدين الطبيبة تقولون انها مشغوولة عن بيتها
في هالزمن قولوا مين هي اللي فاضية حتى اغلب رباات البيوت تاركين عيالهم على الشغالة واما نائمات او خرجات او مسيرة ووو...الخ
يعني حتى دراسة عيالهم ما يهتمون جابين مدرسين خصوصين او مدرسات ويا قلب لاتحزن :(

اعرف وحدة بنتها في الابتدائي وجابة مدرسة خصوصية تدرسها كل المواد حتى اللغة العربية ..يعني مهوب رياضيات مثلا وبس

وفيه امثلة اخرى كثيرة على اهمال الامهات لابنائهم وازواجهم وهم ربات بيوت وجالسين في البيت
طبعا انا ما اعم لكن اقول فيه عينات

ومهنة الطب مهنة انسانية قبل ما تكون مهنة مادية

وانا قبل يوم كنت عند عيادة النساء وفي غرفة الانتظار وحدة تسال مين الدكتور فقلت لها هي دكتورة وش فرحت ان طبيبة اللي بتكشف عليها وانها تقدر تقول لها متاعبها وتحكي براحتها معها وفرحت اكثر لما عرفت انها بنت البلد

صدقوني الوحدة لما تروح تكشف ما ترتاح الا مع دكتورة وخصوصا اذا صارت بنت البلد لانها رايحة تفهمها اكثر :)

مرة رحت عند دكتورة عربية لكن مهي سعودية والله العظيم حتى ما قرأت وش المكتوب في التقرير وليش محولة عندها بس القت نظرة خاطفة وقالت طيب ايش عندك خلاص طبتي فقلت لها انا محولة بسبب ثاني واعطتيتها التفاصيل واللي اشتكي منه وسبب تحويلي لها حتى ما قامت كشفت وقالت ليه اشربي حبة بنادول :(
شفتي عدم الاهتمام مع اني وقتها كنت تعبانة جدا :(
والحمدلله شفتيت بدون حبة البنادول حقها ولقيت دكتورة مهتمة ...وبدون الدخول في التفاصيل

[فلـونه]

موضوعك مررررره حلو....
اقول لك تجربتي الشخصيه...
لا تروحين بعيد....
انا مثال حي....
انا كنت اتمنى اتمنى اتمنى اكون طبيبه..
وتطير عيوني اذا رحت المستشفى....
ومن يوم وصلت التوجيهي شريت قاموس حتى الطبي وووو عشان اتهيا....
ويوم طلعت النتايج كنت من الاوائل وبنسبه عاااااااااليه ومشرفه جدا....
طيب؟؟؟ وش اللي منعني؟.؟؟
انا هنا عكس ريم....
ابوي كان متشقق ان هذا طموحي وسعييييييد جدا انا بنته متفوقه...
يوم جيت اقدم والتاس درت عن نسبتي....
كل ماشافتني وحده....
قالت
====&gt;سمعنا انك راح تدخلين طب؟؟
&lt;====ايه :)انشاء الله :)
====&gt; نصيحه ترا بتعنسين :( وحرام هالزين يروح في الطب وتقعدين في بيت اهلك :(
&lt;==== :(
بديت اخاف.....
خصوصا ان امي قامت تصيح ووتترجاني ماروح للطب...
رحت وسجلت....
رحبوا فيني طبعا......
لكن في اللحظات الاخيره خفت....
ترددت......
خفت اندم......
تدرين ليه؟؟
لاني عارفه ان الطبيبه عندنا صعب جدا تكون زي الطبيب....
لانها صعب تواكب الطب وتحضر مؤتمرات في الخارج..
الطبيب فيه من يهتم في بيته ويهيا له الجو انه يكون ناجح...
لكن الطبيبه لا
اما عانس وهذا بياثر في نفسيتها طبعا
واما متزوجه تكون تعبانه جدا في البيت والعمل وووو
فالطبيب افضل
انا اقول ان الرجال مايتزوج طبيبه موب عشانها تختلط ابدا
عشانها موب فاضيه مشغوله ....دوامها متعب...
مناوبات.....
يعني انا فكرت كثيييييير
وقلت من حق الزوج انه يرفضني....
ليه؟
عشاني موب له.....
ولا لاطفاله.....
عشان فيه يوم في الاسبوع اناوب مناوبه ليليه...
وهو؟؟؟؟
عشاني مشغوله جدا...
وهو يبي اللي تقابله وتستقبله وترحب فيه ...
ولا الومه.....لانه يبي زوجه موب رجال ثاني معه.
عموما
الحمدلله اللي وفقني لهذا الاختيار...
ولا ندمت ابدا عليه بعد مرور هالسنين.....
الحمدلله انه انقذني من طموحي.....
وشكرا.. :)

[بنية نجد]

**الطير**
مرحبا اخوي الكريم شرفني تواجدك بموضوعي فعلا :)
وبالنسبة للاحتقار زي ماقلت ان شاء الله انه مايكون موجود ...
وانا اقول كلامك صحيح صعب نحط القاز عند النار ونقول ماراح يصير شي...لاننا بنناقض
انفسنا بالطريقة هذي..
لكن انا قصدي بكلامي انه حسب تصريح من وزير الصحة راح يتم تعديل دوام الطبيبات بحيث انه مايتعارض
مع واجباتها الاسرية...((بخصوص الدوام والمناوبات))

والشي الثاني :بخصوص الاختلاط هو فعلا الوضع الحالي من ناحية العمل اختلاط ماعدا المراكز القليلة المتخصصة او عيادات معينة تكون نسائية...بس انا قصدي بعد التطور اللي بيصير....والقرار اللي سمعت انه راح يتطبق عن قريب..
مشكوووور اخوي الف شكر على مشاكرتك اللي اعتز فيها والله ...

**مسوي زحمة**
بخير طيبين نسلم عليك :)

**نديــم**
هلاوغلا باخوي الكريم نديم :)
انا شخصيا صدقني ياخوي كنت ومازلت اعيش احساس بشي تقدر تسميه تناقض
يعني مرات احس ان الطب مستحيل يعيق أي بنت وانه زي أي مهنه ....ومرات احس ان الطب مسؤولية
كبيرة جدا وصعب التوفيق بين العمل والبيت ...يمكن هالشي اللي احس فيه خلاني مزعزعة بعض الشئ
انا مثلا تخرجت من الثانوي بنسبة عالية جدا ولله الحمد واهلي ماكان عندهم مانع اني ادخل الطب خصوصا
اني كنت اتمنى هالشي من زمان ....لكن كلام الناس عن هالمهنه ...وابوي بنفسه جاء واقنعني اني اغير رايي
لكلية ثانية ممكن تكون صيدلة او علوم طبية او غيرها من الكليات الاخرى اللي ممكن تحقق ميولي الطبية..
وانا استخرت ربي وقدمت اوراقي وسافرت على طول وفاتتني عمليات القبول للكلية ....صحيح ضاق صدري مرررررة لكن قلت يمكنها خيرة... وانا والله العظيم الى يومي هذا وانا اتمنى اني اكون طبيبة ...
وانا احتكيت بطبيبات كثار تعلمت منهم اشياء كثيرة جدا ...وكانوا على اكبر قدر من الاخلاق السامية

وبالنسبة لعزلة من يعمل بهذه المهنه صحيح انها تاخذ وقت كبير جداااااا جدااااا لكن عاد مو مرة مرة يعني
احس بالتنظيم الجيد ممكن يسيطرون على الوضع ..

وبالنسبة لاعضاء هيئة التدريس من الرجال ...كليات كثيرة يدرسونها الرجال مو بس الطب...اللهم التطبيق الاكلينيكي اللي يصير فيه اختلاط حسب علمي وخصوصا فترة الامتياز.....

صحيح انا لمن قلت ((النظرة الدونية )) والله العظيم مو وجهة نظري الشخصية لاوالله الطبيبة طول عمرها على راسنا وبتظل طالما انها تؤدي واجبها ومحافظة على نفسها ...وانا لمن قلت النظرة الدونية =====قصدي لمن ينظرون نظرة دونية للطبيبة يجاوبون على هالسؤال وهذا قصدي ولاقصدي تحقير ولاشي حاشا لله ..

اختي الغالية وطبيبتنا العزيزة اتمنى انك فهمتي كلامك وياليتك تعرفين ان آخر وحدة تقصد بموضوعها اهانة
او تحقير للطبيبة هي انا.....لاني مستحيل استحقر امثلة واقعية رااائعة اشوفها بعيوني كل مارحت للمستشفى+
هالشي كنت لولا قسمة ربي لي بكون فيه اذن من باب اولى اني اكون مقتنعة فيه من جميع النواحي..
يعطيك العافية
واشكرك اخوي نديم جدااااا على تشريفك لموضوعي ومشاركتك انت واختي الدكتورة فعلا الف شكر

**المجد**
هلاوغلا اخوي
شكرا لكلامك الرائع فعلا
زي ماقلت الضرورات تبيح المحظورات وهذي قاعدة فقهيه محد يختلف عليها..
لكن امنيتي انه يتحسن وضع الطبيبة عندنا
والنصيب هو اللي يحدد فعلا..
مشكور اخوي يماللعافية يارب

**شعنونة**
هلاوغلا ياختي العزيزة عاش من شافك والله :)
كلام الطبيبة فعلا عين العقل والله :)
فعلا صادقة والله تفرحين من قلبك لمن تشوفين طبيبة تشرف على علاجك او علاج غيرك ..
والمسألة مسالة ذمة من ناحية مراعاة الضمير في مهنة من اعظم المهن هذي
مشكووووورة يعطيك العافية نورتي

**فلونة**
هلااااااااوغلااااااااا :)
تسلمين والله
ولاتروحين بعيد اقري قصتي بعد في ردي على الاخ نديم :)
فعلا تقدرين تقولين ان قصتنا قريبة جدا لبعض ...وكلنا اخترنا او اختار لنا ربي ماهو ان شاء الله بيكون اصلح لنا
والتوفيق من الله باي مكان والواحد مرات مايدري وين ربي كاتب له الخيرة فيه
مشكوووووورة يااقدع ناس والله :)

===========================================
الف الف شكر للجميع :)

[ 06-13-2001: تم تعديل الموضوع بواسطة : بنية نجد ]

[نديم]

بنية نجد
اشكر لك حسن خلقك في تقبل الرأي الآخر ومناقشته بموضوعية فلك التقدير مضاعفاً لطرح الموضوع ولسعة صدرك في احتواء الاراء وان كان بداية الموضوع قاسية ولكن زال العجب بعد توضيحك الأخير.
اما طبيبتنا السعودية فتهديك التحية وان كانت تتمنى مزاملتك ولكن الخيرة فيما يختاره الله
ولعل في ردها على الموضوع الدعوة لها بمشاركتنا الابداع في مدرجات الاقلاع :D :D

[MSOBOUTI]

أختي بنية نجد...
السلام عليكم ورحمة الله وبركاته..
صراحة موضوع لا استطيع أنا أصفة...
لكن الله يعطيك العافية عليه وكان أسلوبك رائع جدا..
أما أعطيك رأيي فهذا الموضوع..
أصعب شيء في الدنيا هو تحطيم الأمنيات والعواطف..
لكن أنتي جعلتينا نحب <font color="Brown">ريم</font>..
وأنا لو عرضوا علي موضوع ريم.. كنت أمنعها من الدخول في هذه الكلية..
نعم أمنعها لكن من وهي صغيرة كي لا أفاجئها وهي كبيرة..
أختي لا تستغربي لماذا أنا أمانع..
أمانع لمصلحة أختي أو أبنتي ريم..
لأن أنتي تعرفي الأختلاط في هذه الكلية وما مدى خطورة..
نعم ريم قد لا تفكر في مسألة الإختلاط وتكون حريصة..
نحن نضمن ريم..لكن من يضمن لنا زملاء ريم..
صدقيني أنني تألمت من هذه المأساة..مأساة ريم..

أما بالنسبة لو للزواج من طبيبة..
فأنا لا أمانع.. بس بشروط الزوجة التي تناسبني حتى ولو كانت تخالط الرجال بس في حدود العمل وأن تكون متمسكة بدينها وعفتها..
أسف على الإطالة.. لكن هذا نتيجة غيرتي على أختي <font color="Brown">ريم</font>..
وأخيرا أتمنى لكي أختي بنية نجد وأختي ريم وجميع أخواتنا وأخوننا المسلمين التوفيق..
وإنشاء الله تكون خيرة لها بإذن الله

[متحدثه رسميه]

<center>

http://www.geocities.com/RainForest/6946/barfoot.gif

مرحباأخت بنية نجد ..موضوعك يحكي نقطه حساسه تعاني منها كل بنت وكل عائله عندهم بنات على وشك تخرج..
<font color="Maroon">
عزيزتي ..أنا لا أقف بصف الأب ولا بصف ريم..

أنا مع الأب في خوفه وحرصه على مستقبلها..
وضده في هدم وتحطيم آمال ابنته امام عينيهاوهي لم تكتمل بعد..

ومع ريم في حماسها ورغبتها وكفاحهالاجل الوصول الى الهدف..ومعها لأنها رضخت بالواقع ..
</font><font color="Orange">
سبحان الله أنا قصتي متعاكسه تماما مع ريم..
عن نفسي طوال سنواتي الدراسيه وأبي يطمح في المزيد والمزيد من النجاح..
وعندما تخرجت والحمدلله بنسبه عاليه كان أبوي متوقع اني سأدخل أحد الأقسام التي تتطلب نسبه عاليه..
وكل مايسألني هاه ان شالله قررتي اقول بدخل فنيه.. لأني أحب الفن بطريقه لاتتخيلينها..
وأنا أحس اني لو دخلت قسم أنا رغبانه فيه راح أبدع فيه وأصل الى القمه لأني هاويه الشي..
لكن لو دخلت قسم رغما عني سأسقط الى الهاويه..
المهم وهو يقولي لو دخلتي فنيه براحتك بس حرام تضيعين مجموعك على قسم بسيط ممكن تاخذينه دورات..
وأنا من رايي انك تدخلين طب وياليت يابنتي لو تحققيق امنيتي وتدخلين طب ماتتخلين قد ايش راح أكون سعيد..
</font>
<font color="Black">
المهم مررت الايام وهو كل يوم يسأل نفس السؤال الى ان جا يوم التسجيل ..فجأه قررت ورحت سجلت والحمدلله دخلت حاسب ( مو غصبا عني ولا برضاي لكن لحاجه تمناها أحد أعز الأشخاص لدي)..
ومسايره الوضع كأنه مدرسه يعني أنا لست مخيره ..</font>
<font color="Maroon">
الخلاصه ..اني كنت أحاول اقنع ابوي اني رافضه مبدأ الطب ..لاسباب
اني ممكن ادخل طب في اي مجتمع الا مجتمعنا هذا
لاني في مجتمع محافظ ولازم اسايره ..
نظرة المجتمع للطبيبه كلنا عارفينها قبل ننولد..
اللي ماقدروا سابقينا انهم يغيروه ماراح نقدر احنا نغيره..</font>
<font color="Orange">
غير كذا الاختلاط اللي تكون الطبيبه مجبره على انها تعيش فيه مايعجبني خصوصا في مجتمع له عادات وتقاليد وله قيود وضوابط..
غير كذا الطبيبه لازم تكرس وقتها للمجال اللي هي فيه عشان تبدع..
ولابد انها تنسى اهلها ودنيتها عشانه..
وهذا شي محال اسويه....</font>


وهذا رايي الشخصي ..عزاءي لريم ولكل بنت لم يتحقق مرادها..لأني أتخيل اني لو كنت مكانها وحابه قسم من الاقسام ومافي بالي أي سلبيات ضده راح اكافح عشانه..
وأتوقع ان هذه غلطة الأبااء ..انهم يتدخلون في حياة ابناءهم العلميه وفي الآخر يندمون..
لأني احسها نوع من خصوصيات الفرد..وتحديد مستقبله..ورسم طريق مشوارهالعلمي الذي سوف يقطعه هو بنفسه لا أحد غيره..
اعتذر عن الاطاله وركاكة الأسلوب..</font>


http://www.geocities.com/RainForest/6946/barfoot.gif </center>

[العطا]

هلا اختي بنيه نجد
تسلمين على الموضوع الرائع وانا في نظري احس ان ابو ريم كان غلطان لان فكر في الموضوع من منطور واحد انا اعتقد انه خاف على بنته من العنوسه لانه في نظره ان الرجل ما يحب انه يتزوج دكتورة وانا اظن انه نظره خاطئه اذا كل رجال رفض يتزوج دكتورة يا ان مهنه الطب للنساء راح تنقرض او ان النعنوسه راح تنتشر.... وانا متاكده ان هذا الرجل اللي راح يرفض انه يتزوج دكتورة ما راح يرضى الى دكتور يعالج زوجته.. كيف هذي تصير.. اذا انت رفضت تتزوج دكتورة وغيرك رفض.. من وين راح يصير في دكتورات يعالجون زوجاتكم...
اسفه على التطويل والفلسفه :)

[بنية نجد]

**نديم**
حياك اخوي الغالي للمرة الثانية
ماتتخيل الشرف اللي احس فيه وانت تتكرم مشكور بتشريفك لموضوعي وردك علي فيخ مرتين :)
وكذلك الف شكر لوضعك الاستفتاء من جد شكرا شكرا اخوي نديم

وبالنسبة لسعة صدري زي ماقلت وش دعوى بس وشو له الواحد ينرفز بعمره :) كلنا اخوان وخوات ومابيننا الا
كل خير والله...
وبالنسبة للغالية طبيبتنا ياليت تتكرم مشكور انك توصل لها سلامي الحااااااااار جدا وتحياتي لها ودعواتي
انها تتوفق بأروع واجل مهنة بس ياحيل الله ماكتب ربي :) مايندرى وش الصالح والبركة فيها وفي خواتنا الباقين

وياليتها تشرفنا ساحتنا الحبيبة تو ماتنور والله :)
اخيرا وليس اخرا الف الف الف شكر لك ياخوي نديم+ الطبيبة العزيزة
تقبلوا تحياتي :)

**MSOBOUTI**
اهلين هلاوالله وغلا تشرف الموضوع والله
فعلا الف الف شكر على الاطراء الجميل والكلام الحلو
وبالنسبة لريم كويس اللي حبيتوها زي ماحبيتها انا يعني الحمد لله قدرت اوصل للي ابيه :)
وفعلا نرجع لموضوع التناقض في الاراء في هالموضوع هناك من يؤيد وهناك من يعارض
باختلاف البيئة او العادات والتقاليد او غيره..
من جد ماجاء في ردك كلام معقول وواقعي جدا
فعلا انا اعيش صراع مرات اقول الطب اووووووكي ومرات اقول الطب نووو واي
لكن اقدر اقول شكرا على هالمشاركة الجميلة
يعطيك العافية يارب :)

[dentist]

هلا وغلا اختى بنيه نجد :D
تبون رأي طبيبه منكم وفيكم درست طب وتزوجت واشتغلت؟؟؟؟
اذا كان الجواب نعم قولوا لى :) :) لانى شايفه الاسئله موجهه للشباب :)
وانا في اتم الاستعداد للرد :D :D

[بنية نجد]

<font size="6">نعم ولي الشرف طبيبتنا الغالية :)</font>
بالنسبة للردود آسفة لتاخري فيها وابرد بعدين ان شاء الله لاني ابطس هالحين :)

[abudd2]

الأخت بنية نجد
موضوعك طويل وشيق وتعرض لعاداتنا اللي حنا قابلينها بشينها وزينها .
اختي المشكلة ان الكثير من العوام اذا جادلته في هالشان جاب لك الدين والدين ماهوب ضليع فيه ولا عنده علم كامل , لكن يتكلم حسب مفهومه هو للدين .
الاختلاط فهم خطأ والرسول يقول مااختلا رجل بامرأة الا والشيطان ثالثهم . صلى الله عليه وسلم والنصوص يجب التقيد بها لكن لو نرجع لنص الحديث ماقال الرسول ما اختلا رجل وامراتين فقط رجل ومرأة ومتى وجد جمع انتفت الخلوة والدليل الاسواق لايوجد بها خلوة وموجود اختلاط لايمكن لنا عزل الرجال عن النساء .
اختي مهنة الطب مهنة شريفة وجميلة .
اما من يترك المرأة ولايتزوجها لانها طبيبة فهذا للأسف موجود نعم ولكن بالنسبة لي انا كرأي شخصي لايوجد لدي مانع من تزوج طبيبة ولو ان دوامها في الليل .
اما المسائل الاخرى فهي ليست في الطبيبة فقط فالذي يحكم يا اختى الاخلاق ومدى الوازع العقدي ومخافة الله ويشترك في ذلك الرجال والنساء والطبيب والطبيبة .
لايمكن لنا ان نتجاوز الفطرة الانسانية التي تحتم علىالجنسين التلاقي والتفاعل لاننا كلنا بشر ولسنا ملائكة هذا مالدي واشكرك على طرح الموضوع والسلام .
محبكم جميعا

عبود :p

[بنية نجد]

**متحدثة رسمية**
هلاوغلا اختي العزيزة نورتي

شايفه الصراع والتناقض اللي نعيشه!!!!!!اننا مرات مع ابوريم ومرات مع ريم نفسها...
وبالنسبة لقصتك اختي يوووووه ياما وياما :)انا وحدة من اللي صارت لهم هالقصص وسبحان الله كنت مخططة
على شي وصار لي شي ثاني ...اذا ودك تعرفين بما اني عجازة شوي :)اقري ردي الاول على الاستاذ الاخ نديم

وبنا انك تخصصتي حاسب وهو تخصص جدا رائع تقدرين تمارسين الرغبة الاصلية معاه وتنمينها اكثر كذلك
ياما ناس ماحترفوا الفن واخذوه كهوايه ونجدهم قمة في الابداع اكثر من المختصين فيه نفسهم..
......غاليتي مافيه أي داعي للاعتذار بالعكس شرفتيني ونورتي وبردك هذا اضفتي الكثير للموضوع
تسلمين وربي يخليك :)

**العطا**
هلاوغلا باختي العطا :)
مشكورة على رايك الحلو :)
مو ارجع واقول اننا نعيش حالة تناقض غريبة بخصوص هالموضوع ...
تلقين الواحد يرفض ان دكتور يكشف على زوجته وبشدة وتلقينه بنفس الوقت يرفض دخول بنته كلية الطب...!!عجبي..
وياختي نورتي وشرفتي :)

**dentist**
هلاوغلا بطبيبة الاسنان....شرفتينا بالاسرة وهالحين في الجادة حياك الله :)
طبعا ابي رايك يالغالية بالعكس انا لمن قلت الشباب....قصدي لان الرفض يكون من العنصر الرجالي غالبا..
+اني ابي رايهم بخصوص زواجهم بطبيبة...موقصدي تخصيص ولا شي..ولاحظي تقريبا نسبة البنات اللي ردوا ماتقل عن نسبة الشباب..
ارجع واقول حياك الله وتفضلي وتكرمي بردك ولي الشرف
&lt;&lt;&lt;&lt;&lt;&lt;&lt;&lt;&lt;من جد بتشقق دكتورة بموضوعي وااااااااو :)

**abudd2**
هلاوغلا اخوي الغالي عبود
يالله من جد كلامك راااااائع
وردك من اروع الردود اللي جتني صراحة...
كلامك عقلاني وواقعي وموضوعي ....انت ماجعلت الدين سبب للرفض مع ان فيه كثار يدعون هالشي...
بالنسبة للاختلاط صحيح وارد لكن الحاجة الماسة لطبيبات....وامكانية تطوير عمل الطبيبة بمجتمعنا عشان يتناسب مع بيئتنا كلها عوامل تخلينا نغض البصر عن اشياء كثيرة...ونتحاشى سلبيات بمقابل ايجابيات..
فعلا اهنيك ياخوي على تفكيرك الواعي والسليم ...
وربي يرزقك بنت الحلال اللي تسعدك يارب
&lt;&lt;&lt;&lt;&lt;&lt;قلبت عجوز :)
مشكور اخوي يعطيك العافية

[dentist]

هلا اختى بنت نجد :) :)
وشكرا على الرد ;) ;)
خلينى احكي لكم عن تجربتي :cool: تقريبا انا وضعي كان مثل وضع ريم,,, كنت بنت متفوقه في جميع مراحل الدراسه :cool: وكان الوالد بالذات يشجعني على انى ادخل كلية الطب وكان الاهل دايم يطلقون على لقب دكتوره من يوم اناصغيره :) المهم عشعشت الفكره براسى,,,بس مو مثل ريم بهذا الشكل ,,,يعني لو حصل انى اصير دكتوره مافي مانع ولو ماحصل ماكن شى صار :( المهم تخرجت من الثانويه بمعدل عالي يسمح لى بدخول كلية الطب او كلية طب الاسنان :D يوم جاء القرار الحاسم وابروح اقدم,, كن الوالد ماوده انى ادخل الكليه ,,ماقالها لى صريحه لكن انا فهمتها من تعابير وجهه :eek: جلست معاه واتفاهمت اذا وده اصير دكتوره ليش؟ واذا ماوده اصير دكتوره ليش؟ قال لى ودي تصيرين دكتوره تخدمين المجتمع وخصوصا النساء وترفعين راسى وماودي تصيرين دكتوره اخاف ماتعرسين ,, :confused: قالها بالحرف الواحد اخاف ماتعرسين :confused: قلت له يبه الزواج قسمه ونصيب وماهو مقتصر على مهنه معينه وفيه بنات كثير ماهم طبيبات ولسه ماتزوجوا وهذا كله بيد الله وانشالله اصير طبيبه واخدم المجتمع والنساء بالذات وارفع راسك يااحسن ابو فى الدنيا ;) توكلت على الله ودخلت كليه طب الاسنان :D اول سنه وثانى سنه كنت ماشيه زين :) بعدها بديت اتعثر شوي :( اولا لصعوبة الدراسه وثانيا كان فيه ضغوط من بعض الاخوان عشان اترك الدراسه بحجه ان بعض اللي يدرسون فيها رجال :( في الفتره هذى كنت مزعزعه مانى قادره اتخذ قرار,,يااكمل دراسه او اطلع منها :( :( استخرت الله وماش قلبى مع الكليه :D شاورت الوالد مره ثانيه وشجعنى انى اكمل واستمر ومادام الوحده متربيه زين وعاقله ماعليها من كلام احد,,توكلت على الله وكملت <IMG SRC="cwm15.gif" border="0"> مشت الدراسه بسهوله ولله الحمد :) :) تخرجت من الكليه بتقدير زين ولله المنه والفضل <IMG SRC="cwm1.gif" border="0"> وبمجرد انى خلصت انخطبت لشاب على دين وخلق ;) وافقت عليه وتزوجته :) وانجبت منه اطفال :) :) :) الحمدلله كان متفهم لدراستى وطبيعه عملى :) :) توظفت ومازلت موظفه :rolleyes: ساعدنى على اكمال دراستى العليا ولله الحمد.. :cool:
خلال سنين الزواج وحتى الان طبعا فيه مشاكل زى الموجوده في كل بيت ونسبه المشاكل اللى جايه من الدراسه والعمل عاديه مثلها مثل اي مشاكل ثانيه :( :( قصدى انه الرجال لما يفكر انه يتزوج طبيبه يخاف من النقطه هذى,,, من ان عمل الطبيه يجلب المشاكل,, :( لكن من خلال تجربه شخصيه يتفهم فيها الزوجين طبيعه العمل ويحتسبه لوجه الله اقدر اقول ان الحياة ممكن تمشى ونعتبر المشاكل هذى مشاكل عاديه تعدى وتمر باذن الله :) :) ومازال بعد كل هالدراسه والتعب مازال في نظري ان البيت والزوج والاولاد هم اولويات المرأه :) ولو كانت المشاكل فقط جايه من العمل ,,كان تركته,,, اقصد من هالاكلام ان عمل المرأه مايكون على حساب البيت,,, اذا حصل كان به واذا ماحصل تراه مهوب لازم,,
;) ;)
بالنسبه لى انا اشجع الشباب من الزواج بطبيبه بشرط الواحد يتفهم الوضع ويكبر عقله شوي ويحتسب الاجر من عند الله :) :) وبالنسبه للنظره الدونيه للطبيبه انا مابعد شفتها وبالعكس كل اللى حولي مفتخرين فينى وااولهم والدي الله يحفظه وزوجي الله يرعاه :) :) ومعليش ياختى ياحبيبتى اقولك اكبر اثبات على انه مافي نظره دونيه للطبيبه هو فرحتك بمشاركة طبيبه في موضوعك :) :)

اسفه على الاطاله ولكن حبيت اسرد تجربتى لعلها تكون مفيده بعض الشئ :) :)
مشكوره اختى على هالموضوع و صدقينى انه موضوع جدا مهم :cool:

dentist :D :D :D

[اللبوه]

<font size="5">السلام على الجميع</font>
تحياتى للاخت <font color="Green">بنيه نجد</font>:

اسمحيلى اقولك ان هذا سؤال ليس فى محله,لانك اعتبرتى الطبيبه عضو ناقص فى المجتمع والاقتران بها فيه تنازل او تضحيه :confused: :confused: :confused: :confused: وهذا ليس صحيح ,الطبيبه عضو فعال في المجتمع :cool: وعاده تكون ناجحه فى حياتها الزوجيه :rolleyes: :D :o <font size="6">اما مساله زواجها فهى</font><font color="Red">قسمه ونصيب </font> :o :cool: :cool:

وكون الاهل يرفضون دراسه الطب خوفا من العنوسه <IMG SRC="cwm11.gif" border="0"> <IMG SRC="cwm6.gif" border="0"> :rolleyes:فهذا تفكير صطحى :rolleyes: <IMG SRC="cwm15.gif" border="0"> ويبين عدم الايمان بالقضاء والقدر <IMG SRC="cwm7.gif" border="0"> لاننا ما نقدر نمنع المكتوب <IMG SRC="cwm7.gif" border="0"> :p

وتقبلي ارق التحيات <IMG SRC="cwm29.gif" border="0"> <IMG SRC="cwm29.gif" border="0"> <IMG SRC="cwm17.gif" border="0">

اختك المحترمه كثير <font color="Maroon">اللبوه</font> <IMG SRC="cwm23.gif" border="0"> <IMG SRC="cwm30.gif" border="0"> <IMG SRC="cwm43.gif" border="0"> <IMG SRC="cwm45.gif" border="0">

<font size="5">وعلي قوله القايل</font>: <IMG SRC="cwm15.gif" border="0"> <IMG SRC="cwm15.gif" border="0">
نام بكير ....تصحى متاخر وجسمك مكسر :rolleyes: :o :rolleyes: والبركه فى التكييف <IMG SRC="cwm45.gif" border="0"> <IMG SRC="cwm35.gif" border="0"> <IMG SRC="cwm42.gif" border="0">

[وحده مقلعه وبس]

بنيه نجد ... كالعاده مواضيعك حلوه .. وهادفه

بالنسبه لي .. اعتقد ان شغل الدكتوره ماهو عيب ابدا .. ابدا .. ولا فيه شىء غلط

وبالنسبه للي يعترضون لانه اختلاط فمثل ماقالت ريحان .. الاختلاط في كل مكان .. في الشارع .. في كل مكان حولنا ..
وبالنسبه للناس الي يتكلمون او ينصحون ابو ريم .. فماراح يعجب الناس شيء مهما سوينا ومهما عملنا ... واذا رفضنا التطور ماراح يصير اي تقدم في المجتمع انا ما اعتبر الاختلاط تطور بس اعتقد ان منع الوحده من انها تكون دكتوره هو عدم تقدم للمجتمع .. وولبلد ..
انا بس حبيت اشارك في موضوعك .. مع اني ما اضفت شيء جديد للي قالوه الاخوان :)


مشكـــــــــ بنيه نجد ــــــوره على الموضوع الحلو ...

[بنية نجد]

آسفة لتأخري بالردود ....اعذروني...

**dentist**
هلاوغلا اختي الغالية...موضوعي نور بردود اخواني وخواتي والحين تو ماينور بوجود طبيبة منا وفينا :)
بالنسبة لقصتك فعلا ماشاء الله تبارك الله...فيها على قولتهم صمود واهنيك انك قدرتي توصلين للي تبينه..والحمد لله رب العالمين وفقك بالزوج الصالح اللي يقدرك ويتفهم وضعك....الله يوفقكم دوم ياختي..
وبالنسبة للنظرة الدونية ...اتمنى انها مهيب موجودة خصوصا انك في ميدان المجال الي اتكلم عنه...وصدقيني انا
لمن قلت نظرة دونية مو رأيي الشخصي بالعكس اقري ردودي وتبي تدرين اني كنت ابي ادخل طب ولاردتني نسبتي بس عاد رب ماكتب واهلي ماكان ودهم ابدا...لنفس الاسباب اللي يفكر بها كثير وهي العنوسة والاختلاط وا....الخ
واقولها لك ياختي العزيزة اني مرات اقول اشوى اني مادخلت طب وتعبت نفسي خصوصا ان دراسته صعبة..ومرات اتحسف عد شعر راسي اني مادخلته...وصدقيني حبي لمهنة الطب وعشقها حتى النخاع ...هي احد الاسباب اللي خلتني اكتب هالموضوع...
مشكورة اختي الغالية وفعلا اسعدني تفاعلك بالموضوع...
ويشرفني وجودك بكل مواضيعي مو موضوع النقاش اللي يختص بمجال عملك فقط...لاني افتخر بالشي هذا..وربي يشهد علي...
تقبلي تحياتي...

**اللبوة**
هلاوغلا اختي
وعليكم السلام
اختي الغالية لاحظي انك التبس عليك شي بالموضوع....يمكن لو انك قريتي الردود كان فهمتي قصدي من السؤال...انا لمن قلت النظرة الدونية للطبيبة ليش؟؟؟؟&lt;&lt;&lt;&lt;قصدي من هالسؤال بس اللي يعتبرون الطبيبة
مجالها او مجال عملها شي يستحى منه ...وصدقيني انا ماجبت هالحكي من عندي انا سمعت وشفت بعيوني
ناس تقدر الطبيبة وتحترمها وهذا الشي صح لذلك انا ماحبيت اتكلم عنه بالموضوع لانه هو المفورض يصير..
اما الناس اللي يعتبرون عمل الطبيبة مخجل ومخزي ويتفشلون انهم يقترنون بطبيبة ...هذا الجانب المهم بالموضوع لذلك حبيت اني اتناقش فيه خصوصا لمن قلت اخواني المقلعين....وسؤالي هذا مايعبر عن وجعة نظري الشخصية ابدااااااا...واكبر دليل انك تتكرمين رجاءا لاامرا وتقرين ردودي اللي قبل وتعرفين اني وحدة
كان حلم حياتها انها تدخل طب...ومن باب اولى اني مانظر له نظرة دونية ....
اتمنى اني اكون بينت وجهة نظري اللي كثير اعتبرها وفسرها غلط....
وبخصوص العنوسة والله الوحدة متى ماجاها نصيبها جاها سواء كانت امية ولا دكتورة ...هذا بامر رب العالمين

مشكورة اختي .... :)

**وحدة مقلعة وبس**
هلاوغلا مشكورة اختي
فعلا شهادة افتخر بها مشكورة الف شكر..
فعلا رايك صحيح الطب لاهو عيب ولاحرام...
وحنا لمن نؤيده مايعني اننا نؤيد الاختلاط ...لاطبعا...بس القصد انه ضرورة وزي ماقال اخوي المجد الظرورات تبيح المحظورات .....
وفعلا موضوع الناس ذولي موضوع ثاني واهم شي ان الواحد يسوي اللي يبيه طالما لاهو حرام ولاعيب ومقتنع فيه...يتوكل على ربه..
اختي انا اللي اشكرك ..بالعكس وجودكم في موضوعي يضيف لي انا الكثير بالاضافة الى الاضافة الحاصلة للموضوع نفسه...
الف شكر اختي :)

[بـردان]

الغالية بنية نجد ..

أشكر لك طرح مثل هالقضيه اللي اتضحت ابعادها بموضوعك وبالمشاركات الرائعه اللي شفناها :)

هذا اذا قالوا موضوع كامل .. وزاده كمال مشاركات الاعضاء .. وماأقول إلا ..

http://winmear.hypermart.net/eqla3/rayanmotamayz.gif