نــظــام الاحــــتراق السعوووووودي .....

[المحبط]

الاحتراف ...؟؟؟؟؟
كلمة صعبة وصعب معناها و واسع في نفس الوقت ..

سمعناها كثير وترددت امامنا كثير سواء من خلال وسائل الاعلام المختلفة او في جرايد الخبز ام ريالين ;) ....
سمعنا كثير ان الاحتراف سوف يطور مستوى اللاعب السعودي وراح يقووي الدوري السعودي ويطور مستواه ويخلية اقوى دوري عربي .. وبيخلي منتخبنا قوووي وينافس الفرق العالمية حتى من القوة ايطاليا نلعب معها با الاحتياط ونصكها ثلاثة صفر و مكاو بدال الستة نعطيهم عشرطعشر قول من كثر ماعاد عرفنا نعدها :D ...


و لـــــــــــــــكــن :(

شفنا احتراف و تطووور ..؟؟ قدرنا نهزم ايطاليا ولا باقي ............... الاجابة للاسف لا :(


طيب ليش ؟؟؟؟؟؟ :confused:

خلوونا ننظر للاحتراف السعودي نظرة ثاااقبة

<<<<<<<<<<<< ماهوب عاقل راعي النظرة الثاقبة ;)

الاحتراف من وجهة نظرنا هو ان اللاعب يفصل من العمل و يجي للنادي ويسجل كمحترق قصدي محترف واهم شي اخر الشهر يجي يستلم له كم من الف هذا اذا وصلت في وقتها بعد واحترني اذا وصلت :D .

للاسف نظرتنا للاحتراف ناقصة وتتجاهل (ياعمري على ذا الكلمة مدري من وين جبتها :D ) اشياء اخرى مهمة .. ولكن المصيبة الكبرى هي اننا نعرف بها الشي ولكن نكذب على انفسنا ونقنع انفسنا اننا طبقنا الاحتراف الصحيح .....
للاسف حتى جرايد الخبز ام ريالين وهي الجهة المسؤولة عن التثقيف الرياضي كانت تجامل على حساب الصراحة والحقيقة وتكذب وتقول اننا طبقنا الاحتراف بشكل صحيح ..

نظام الاحترف لدينا كلمة حق تقال با انة ليس فاشل تماما ولكنة ناقص و غير عادل بكل صراحة
وعشان نوضح ها الشي خلوونا ناخذ اطراف القضية الثلاثة

<<<<<<<<<<<<< ماهوب عاقل المحامي مخبط قرداحي :D

1** الاندية :

بكل صراحة نظام الاحتراف السعودي مجحف في حق الاندية الضعيفة ماديا فهو بكل اختصار يمنح اللاعب المتميز في تلك الاندية الاحقية في حذف فانيلة ذلك النادي وتبديلها بفانيلها النادي الاخير نادي الملايين واعضاء الشرف نادي الفلووس الكاش ... مما يسبب هبوط مستوى النادي الضعيف ماديا لا انة راح يفتقد لاعبية المتميزين واحد ورا واحد .......


2** اللاعب السعوودي :

اللاعب السعوي بكل صراحة لايعرف من الاحتراف الا الجزء المادي بس وهو انه يجي اخر الشهر ويستلم راتبة من النادي ويمشي ... الاحتراف مو كذا بس الاحتراف يشمل حياة اللاعب سواء في النادي او خارج النادي ...
اللاعب السعودي لم ولن يتطور مستواه ابدا لعدة اسباب وهي اسباب تاخر الاحتراف عندنا وعدم مجاراتة للاحتراف العالمي

1-اللاعب يتغيب احيانا عن التمرينات
2- لايؤدي التمارين بجدية تامة
3- يكثر من السهر
4- احيانا اللاعب يدخن
5- لايتبع نظام غذائي معين ..

كل هذي العوائق تؤثر وبشكل واضح على اللاعب ومستواه وطبعا على فريقة ومن ثم على المنتخب السعوودي .......


3** الدوري السعودي والمسابقات المختلفة :

مما لايختلف عليه سبعة ان الدوري السعودي بدا مستواه ينزل وبدا يختفي بريقة وذلك لسبب مهم وهو اضمحلال المنافسة واقتصار التنافس على ناديين ثلاثة هم اندية الكاش والملايين واللي فيها اللاعبين المميزين محليا فسابقا كانت المنافسة بين ستة سبعة اندية اما الان صارت بين ثلاثة اربعة بس .. واكبر مثال على ذلك نادي النجمة السعودي فكلنا نذكر كيف ان النجمة قد وصل للمربع الذهبي وخسر وخذا المركز الرابع ولكن اين النجمة الان انه ينافس على الهبوط للدرجة الاولى ... ليش ؟؟؟ .... لا ان الموسى والحديثي وهم من اعمدة الفريق انتقلوا الى اندية اخرى ... .. وهذا مثال وغيره الامثلة كثيرة .....


فهل يحق لنا ان نسمية نظام الاحتراف السعووودي ؟؟؟؟؟؟؟؟

الاجابة لا قطعا

إنة
<center><font size="5"><font color="Blue">نظام الاحتــــراق السعوودي</font></font></center>

&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt; الله يرحمة كان عضو طيب :( :(

[شفتشنكو الهلالي]

يا سلام يا المخبط موضوع ولا أروع

وانا اشوف ان اهم محور(باتيرك فيرا) من المحاور الثلاثة هو اللاعب فلاعبينا ما زالت عقلياتهم عقليات لاعبين هواة فالسهر والجراك والبلوت والكنكان والاونو الى الان مسيطرة عليهم بينما نجد اهل الاحتراف الحقيقين كل لاعب يتعامل مع الاحتراف بشكل مثالي لانه يعرف ان ها الاحتراف هو راس ماله فتلاحظه يرقد بدري ويتبع نظام غذائي دقيق جدا وكان راعي شرب فهو ما يشرب واجد او انه ما يشرب نهائي مثل ريفالدو فتخيلوا انا مرة قريت ان لويس فيغو يستلم كل ساعة 15 الف دولار تبيه يضيعها هذا المبلغ :)

والشيء الثاني لاعبينا ما يصدقون متى ينتهي التمرين علشان يحطون رجليهم ويلحقون على الاستراحة قبل ما يخلص الجمر بينما نجد ريفالدو يجلس بعد التمرين اكثر من ساعة يتمرن على تسديد الضربات الحرة (الله يخلف على لاعبينا)

واما مسألة ان الفرق الكبيرة اكلت الفرق الصغيرة فهذي هي الكورة عندك على سبيل المثال ما نشستر ماكل الكل :)

واندية القمة في ايطالي اكلت الفرق الصغيرة :)


ومن ناحية الدوري السعودي

فغالبية المدربين يشتكون من الارهاق اللي يتعرض له اللاعبين فكم من بطولة يخوضها اللاعب
كاس الامير فيصل
الدوري
كاس ولي العهد
بخلاف المشاركات الخارجية للنادي
وكذلك مشاركات المنتخب الوطني

بينما في اوربا كل شيء منظم ومرتب وقبل بداية الموسم الجديد تكون فيه روزنامة(اتحدى واحد يكررها خمس مرات) بكل مواااااعيد المباريات من بطولة اوربا للاندية ومرورا بكأس الاتحاد الاوربي وانتهاء بشماركات المنتخبات الرسمية منها والودية


كلمة اخيرة

لن يتطور الاحتراف عندنا ما دامت الامور تدار بعقول قد اكل الدهر عليها وشرب :)

[ 06-21-2001: تم تعديل الموضوع بواسطة : شفتشنكو الهلالي ]

[سيف النصر]

الله يعطيك العافيه اخوي المخبط على الموضوع الشيق
هذا :D .. وكلما ذكرته انت صحيح ولن ازيد

@ من وجهة نظري ان خطوات الاحتراف لم تكتمل بعد .. واهم خطوه هي خصخصة الانديه .. فكيف تطبق الانديه الاحتراف الكامل . وهي لاتزال تعتمد على اعانة الرعايه .. ودعم اعضاء الشرف وهم غير موجودين في اغلب الانديه ...
يجب ان تحول الانديه الى شركات مساهمه او تباع لشركات كبرى ..
تتولى بيع مبارياتها .. وتسويقها .. والاعلان ..
ويكون رئيس النادي من اعضاء مجاس ادارة الشركه .. ويختار بالترشيح .. من قبل جماهير النادي ...
ويجب ان تحصل الانديه على الدخل الكامل للمباريات .. وتفصل الانديه ماديا عن رعاية الشباب ؟؟.. ويبقى دور الاخيره فقط .. في تنظيم المسابقات والاشراف عليها فنيا ...

اما الاحتراف .. على اوضاع الانديه الحاليه ..
فهو سيكرس نظرية الاربعه الكبار .. فقط
والباقي هوامش ...

@ ايضا اللاعبون لابد ان تكون هناك من الانديه شروط للانظباط والالتزام بعيدا عن المجاملات ..
والتجاوزات وغض الطرف ... فكيف يعاقب لاعب
تاخر عن التمرين في نادي .. بينما نادي اخر
يغض الطرف عن كل تجاوزات لاعبيه .. هذه اكبر مشكله :cool:

تحياتى

[نديم]

المخبط
ما اقول الا انك اخذت السكين وفتحت الجرح( الناس تفتح بمبضع جراح)
اسمه الاحتراق واحسنت التسميه
الادارة لللاحتراف في الاندية تديره بعقلية الاندية الطينيه والملاعب الترابيه :(
اللاعب لايعيي من الاحتراف الا اسمه والباقي لم يتغير شي.
موضوعك عسل وليس معسل ولعل لي رجعة اخرى بس قبل يطفى الجمر ;)

[نديم]

<font color="Red">((نسخة للمميزة))</font>

[عبود]

اخوي المخبط صبحت اومسيت بالخير ...

بالنسبه للموضوع فانه ممتاز ويتكلم عن قضيه تعتبر هي اساس كرة القدم وهي السبب الرئيسي لتطوير الكره في بلادنا :) :) على العموم اخوي مخبط انا عندي تعقيب &lt;&lt;&lt; قويه تعقيب ولا :D على بعض النقاط في الموضوع اللي هي :


1/ في البدايه اخوي مخبط :) انت قارنت او بالاحرى قلت انه هل نحن نملك القدره على هزيمة منتخب كمنتخب ايطاليا ؟؟
الاجابه طبعا سوف تكون لااااا والف لا وانت زي ماتعرف اخوي مخبط ومايحتاج اقولك ان دوله مثل ايطاليا تعرف الكوره من يوم ماكان جدي وجدك يتحاربون عشان لقمة عيشهم :D :D :D ممكن تتخيل جدي وجدك وهم يتحاربون :D :D وايطاليا دوله لها باع طويل في كرة القدم ومن الصعب جدا ان حنا نتغلب عليها في هذه الفتره .

2/ الشي الثاني انت قلت اخوي مخبط ان الاحتراف عندنا ماغير شي :( والوضع مايزل على ماهو عليه بمعنى ثاني ان الكوره في المملكه لم تتغير بعد الاحتراف وهذا كلام خاطيء :( بالعكس المملكه تغيرت تغير كبيررررر في مجال كورة القدم بعد اقرار نظام الاحتراف , واصبح المنتخب السعودي وانديته اللي هي الهلال :D الافضل على الاطلاق في آسيا فالمنتخب السعودي حاز على كاس آسيا ثلاث مرات وتاهل الى كاس العالم مرتين والثالثه بالطريق ان شاء الله , على صعيد الانديه فتتويج نادي الهلال مؤخرا كفريق القرن في آسيا خير دليل على تطور الكره في المملكه .


3/ بالنسبه اخوي مخبط لنظرة اللاعبين للاحتراف في المملكه انها نظره ماديه فهذا حال جميع اللاعبين في العالم ;) لانه مصدر الرزق لهم .

****

اخوي مخبط اختلاف الراي لايفسد للود قضيه

****

وحنا لازم نصبر ونصبر ثم نصبر وصدقني راح يجي اليوم ان شاء اللي ننافس فيه على المراتب الاولى عالميا .. فالامكانيات موجوده , ولاعبينا على مستوى عالي , والدوله تولي الرياضه اهتمام كبير .... فمالمانع ؟؟؟


****


اخوي مخبط ... تحياتي ياغالي .


****


يعطيك العافيه . :) :)