الكاميرات الرقمية digital cameras : دليل الشراء [الارشيف]

عرض كامل الموضوع : الكاميرات الرقمية digital cameras : دليل الشراء

ريان

06-12-2001, 13:06

<center>بسم الله الرحمن الرحيم
الكاميرات الرقمية digital cameras : دليل الشراء

أذكر قبل فترة قصيرة كنت ما أفهم في الكاميرات الرقمية ، إلى ما نزلت في السوق وقعدت أدور أحوس ، طبعاً يوم بديت أسأل عن الكاميرات كان البياعين يركزون على الـكثافة النقطية أوالـMega pixels بس ، قلت ريان خلاص فهم الدعوة وأحسن كاميرا هي اللي فيها أكثر دقة وكل ما زادت الكثافة النقطية كل ما كانت الكاميرا فنانة،المهم وأنا على هالحالة لما ذاك اليوم شفت كاميراتين نفس الدقة بس أسعارها فرق واجد قلت أكيد هذي من الوكيل هنا وكيلهم نصاب ومحتال ويبي يلهط قروش زيادة ، وأقوم أدخل الموقع حقهم ولا الفرق بالسعر نفسه تقريباً بين هنا وبرى ، هنا عرفت أنه الـMega pixel مهو بكل شي.
قلت يا ريان مالك إلا أن تسأل في الإقلاع، ونزلت موضوع في منتدى الكمبيوتر ، ورد علي بيكا وقال: النوم عبادة ياخي وكتابته كانت لنك المهم أنا فهمت الدعوة وضغطت عليه ألاه موضوع Nova boy
موضوع Nova Boy (http://www.eqla3.com/cgi-bin/cgi/ultimatebb.cgi?ubb=get_topic&f=4&t=006390)

قلت كويس ، وعلى طول حذفت موضوعي اللي بالكمبيوتر وقعدت أقرى بموضوع Nova.
بصراحة هذاك الموضوع كان فاتحة فهمي اللي هالحين عن الكاميرات الرقمية،يعني فتح عيوني على أشياء أكثر، وعلى كثر ما استفدت من موضوعه على كثر ما تقرفت من الصور اللي حاطه :P.
المهم من موضوع Nova عرفت أنه فيه أشياء ثانية مهمة مثل وسيط التخزين وعمر البطارية، عقبها كلمت واحد من أخويا أخوي عنده كاميرا سوني وقعد أخوي يمدحها لي قلت خل أكلمه كوده يفيدني وبصراحة استفدت منه كثير ؛ خاصة في مسألة العدسات Lens .
المهم بعد ذاك الصفعتين(أنا كتبتها صقعتين بس الوورد عيا يقول حطها صفعتين) كنت أحسب أني فاهم وأثري ما عندي ما عندي جدتي قلت يا ريان مالك إلا الإنترنت تقعد تدور فيها، والله وخوي أخوي كان قايل لي عن موقع تقييم المهم بالعزر طحت به ، وكنت ذيك الفترة ناوي أشتري كاميرا Canon G1((بتوصية من Nova )) المهم عاد أقول لكم-لا تقاطع ياخي- بديت أدور في المواقع والله أني عرفت أنه ما عندنا إلا الدجة وكان أول موضوع طحت عليه موضوع عن الـMega pixel هذا لنك الموضوع:
What Should You Know About Digital Cameras: Don't Fall Into The Mega-Pixel Trap! (http://www.epinions.com/content_1337761924)

المهم عقب طول حوسة وبهذلة قلت خل أكتب خلاصة تجربتي في الكاميرات الرقمية مع أن عمري فيها قليل بس كود فيها فايدة.
عاد تخيلت أني أسولف مع جوعان على الماسنجر وهذا اللي صار بيني وبينه:</center>

ريان

06-12-2001, 13:07

http://winmear.hypermart.net/DSC/messenger.gif لا تقم أبداً بإعطاء كلمة المرور أو رقم بطاقة الاعتماد من خلال رسالة محادثة فورية.
--------------
ليتنا مثل الأسامي .... ما يغيرنا الزمن:
ودي أشتري كاميرا وش رأيك وش أشتري؟

ريان:
طيب سلم أول يا أخوي حشا ترانا مسلمين.

ليتنا مثل الأسامي .... ما يغيرنا الزمن:
السلام عليكم ورحمة الله وبركاته.

ريان:
وعليكم السلام ورحمة الله وبركاته هلا والله بجوعان كيف حالك بشرنا عنك؟

ليتنا مثل الأسامي .... ما يغيرنا الزمن:
بخير الله يسمنك.

ريان:
أستغفر ربك يا رجال يكفي أنا دب .

ليتنا مثل الأسامي .... ما يغيرنا الزمن:
المهم ما علينا خلنا الكاميرات أبي أشتري كاميرا وش رأيك وش أشتري؟

ريان:
شف ياطويل العمر والسلامة أنت اللي تحدد وش تختار على حسب استعمالك وقريشاتك .

ليتنا مثل الأسامي .... ما يغيرنا الزمن:
طيب أدامي أنا اللي باختار ممكن تشرح لي المميزات الموجودة عشان أعرف وش أبي؟

ريان:
والله ياخوك أول شي هل أنت متأكد أنك تبي كاميرا رقمية مهوب كاميرا عادية؟

ليتنا مثل الأسامي .... ما يغيرنا الزمن:
ليش وش الفرق بينهن؟

ريان:
سلمك الله الفرق بينهن

ريان:
أول شي لازم تعرف أنه لكل شي ميزاته وعيوبه،وكلها متوفرة بأسعار مختلفة,طبعاً الفرق الأساسي أنه الكاميرات العادية (الفلم) أو يسمونها كاميرا 35 ملم تستعمل أفلام تقليدية اللي تقدر تلقاه في كل مكان حتى في ميد http://winmear.hypermart.net/DSC/regular_smile.gif بس الديجيتال تستخدم على ذاكرة أو دسك وفيه الجديدات من سوني يسجلن على سي دي
طبعاً في السرعة بتصير الفلم أبطأ لأنك تحتاج لتحميض برى وحوسة وسعر الفلم وسعر التحميض وحوسة بس ميزة الرقمية أنه على طول تشبكه على الكمبيوتر وتكمل شغلك بالكمبيوتر.
فيه ميزة الزوم(التقريب) بالفلم أفضل من الرقمي يعني الرقمي بالعادة يكون محدود إلا في كاميرات الـ SLR اللي تقدر تركب فيها عدسات تقريب وحركات زيادة بس الـSLR غالية.
فيه مميزات بس ما تهم مرة مثل بعض المؤثرات الإضافية يعني مثل صورة بدون ألوان ولا صورة نيجاتيف ولا لقطة فيديو يعني خيارات مالها داعي خاصة لو أنك تستخدم الكمبيوتر في تحرير الصور.
وهذا موضوع عن الفرق بين الكاميرتين
http://cameras.about.com/library/weekly/aa011501a.htm

ليتنا مثل الأسامي .... ما يغيرنا الزمن:
 طيب حلو أنا لو بغيت أشتري كاميرا عادية مهي رقمية وش رأيك؟

ريان:
بها الحالة رح دور لك واحد فاهم في الكاميرات العادية .

ليتنا مثل الأسامي .... ما يغيرنا الزمن:
تعال تعال أصبر وراك عصبت؟

ريان:
ما عصبت ياخي بس أنا أقول لك اللي أعرفه.

ليتنا مثل الأسامي .... ما يغيرنا الزمن:
طيب خلاص أنا أبي كاميرا رقمية.

ريان:
مهو عشاني ما أعرف اخترت الرقمية ترى أنت اللي تبي تخسر إذا كان الأفضل لك العادية واخترت الرقمية.

ليتنا مثل الأسامي .... ما يغيرنا الزمن:
خلاص فهمنا ياخي. أنا أبي رقمية بس أنا سألتك استعباط أبشوفك بتتفلسف علي ولا لا؟
لأني عارفك فيلسوف نصاب http://winmear.hypermart.net/DSC/tounge_smile.gif 

ريان:
خخخخخخخخخخخخخخخ الله يرجك المهم أسمع
عادة يكون فيه تقسيم للكاميرات بين فئات معينة مبتدئ متوسط متمكن محترف.

ليتنا مثل الأسامي .... ما يغيرنا الزمن:
إيه أنا محترف.

ريان:
طيب تدري أنه أرخص كاميرا محترفين بـ3000 دولار يعني 11.250 ريال يعني لو تجمع مكافآتك من اليوم لما تتخرج من الجامعة ما جبت شي وهذي
أرخص شي،هذا غير الجمارك والتوصيل والتأمين.
شف ذا الوحش مثلاً
<center> http://www.dpreview.com/reviews/KodakDCS760/Images/frontview-001.jpg </center>

قيمته 8000 دولار يعني 30 ألف ريال تقريباً
هذي شفتها في المملكة عند سمير لمعدات التصوير .

ليتنا مثل الأسامي .... ما يغيرنا الزمن:
 تلاتحسبني صغير مثلك حنا تاركين الجامعة لكم يالصغار. المهم وش الفرق بين كاميرات المبتدئ والمحترف؟

ريان:
فيه مواصفات معينة تقارن على ضوئها.

ليتنا مثل الأسامي .... ما يغيرنا الزمن:
طيب وش ذا المواصفات؟

ريان:
[list=1] طبعاً أول شي وأهم شي السعر بعدين الكثافة النقطية ويقاس بالـ MegaPixel
طبعاً تحدد أنت أختيارك للكثافة على حسب استخدامك يعني لو هو للإنترنت 640×480 تخب عليك http://winmear.hypermart.net/DSC/tounge_smile.gif
وهذا موضوع بلحاله تقدر تراجع ذا النك:
http://www.epinions.com/content_1337761924
الزووم(التكبير أو التقريب) سلمك الله لا تطامر على طول في الزوم ترا مهوب فايدك شي مثل الزوم البصري (Optical Zoom) أما الرقمي (Digital Zoom) فما له ذاك الفود لأنك تقدر تسوي نفس التأثير بالكمبيوتر يعني ماله ذاك الأهمية في التصوير. العدسات نوعها ومقاسها طبعاً معروفه عدسات سوني كارل زيس (Carl Zeiss) من الأفضل إن ما كانت الأفضل. شاشة LCD. وسيط التخزين وهو مهم للغاية وهناك أنواع وسائط تخزين أشهرها النوع الثاني من ذاكرة فلاش (اختراع شركة IBM) وميزة هذا النوع السعة الكبيرة مقابل السعر المناسب،سوني تستخدم Memory Stick وهذا عيب في سوني لأنه هذا النوع محتكر على سوني. أنواع ضغط الملفات المستخدمة فهناك JPEG و TIF والأفضل بطبيعة الحال TIF في مجال الدقة وفي مجال الحجم الأفضل JPEG . الوسيط بين الكمبيوتر والكاميرا : لا تفكر بغير USB وإن كان في كمبيوتر Fire Wire فدوره مع أن الأشهر USB. البطارية وعمر البطارية : وهذي مصيبة كبيرة يطيح به كثيرين ، لا تشتري كاميرا ببطاريات الحجر العادية ، خذ الكاميرات اللي فيها بطاريات تنشحن وأحرص على عمر البطارية تراه مهم وتجيك زنقات وتبلش. الوزن والأبعاد: فيه ناس يهمهم الوزن مرة بس ليش ما أدري؟!! مميزات إضافية وخصائص بعضها مهم وبعضها كمالي مثل:[/list=a]
مانع احمرار العين (Anti-Red Eye) وهذي يعرفه اللي يصورون فيه كثير من الصور تطلع فيها العيون حمرا وهذا يمنع هالحمار. القدرة على تسجيل ملفات متحركة (فيديو). الفلاش الأوتوماتيكي(الذكي)والميزة هذي تخلي الكاميرا تقدر اللقطة تحتاج للفلاش أو لا. الماكرو:نظام لالتقاط التفاصيل الدقيقة والأشياء المحددة.

ليتنا مثل الأسامي .... ما يغيرنا الزمن:
 طيب هالحين أنت تقول قبل شوي محترف ومبتدئ ومدري إيش . ممكن تشرح لي أكثر؟

ريان:
شف حبيبي فيه مجلة أسمها PC Photo www.pcphotomag.com (http://www.pcphotomag.com) لقيت فيها تقسيم حلو وهذا هو:
الفئة الابتدائية:
مميزات:
-كثافة تصل إلى 1 مليون نقطة.
-عدسة الطول البؤرية الثابتة(Fixed focal-length lens).
-وسيط تخزين مدمج(ذاكرة داخلية) أو وسيط صغير قابل للإزالةremovable)).
سهولة الاستعمال:
-التصاميم البسيطة بدون الرغبة في كثرة الخيارات أثناء التصوير.
تفضل لـ:
-المصورين الراغبين بالكاميرات الرقمية،ولكنهم مطفرين http://winmear.hypermart.net/DSC/teeth_smile.gif .
-اللي يصورون للاستخدام في الإنترنت.
السعر:
قد تصل إلى 250دولار=937.5ريال.
أمثلة على هذا النوع من الكاميرات:
Sony Cypershot DSC-P20, Kodak DX3200.

الفئة المتوسطة:
مميزات:
-دقة بين 1 إلى 3 Mega Pixel.
-زوم بين 2 إلى 3 مرات.
-شاشة LCD .
-بعض التحكم اليدوي في الخصائص،مع أغلبية التحكم الأوتوماتيكي.
الأفضل لـ:
-اللي يبي يشتري كاميرا رقمية لأول مرة بس هو كد جرب يصور قبل كذا، بس يحتاج يتعلم شوي في الرقمية.
-اللي يبي يصور للطباعة بس حجم أكبر من اللي تعطيه الفئة الإبتدائية.
السعر:
بين 200دولار(750ريال) إلى 600 دولار(2250ريال).
أمثلة على هذا النوع من الكاميرات:
Nikon Coolpix 775, Canon PowerShot A20, Olympus Biro D-150.

الفئة المتقدمة :
مميزات:
-دقة بين 3 إلى 5 Mega Pixel.
-زوم 3 مرات أو أكثر.
-شاشة LCD .
-تحكم يدوي وأوتوماتيكي في الخصائص.
-مانع التشويش المتطور،ضغط TIF أو RAW .
الأفضل لـ: 
-المصورين الهواة الجديين اللي يبون أعلى دقة وتحكم.
-المصورين المحترفين الذين يريدون صوراً رقمية.
السعر:
بين 400دولار(1500ريال)إلى 1300دولار(4875ريال)
أمثلة على هذا النوع من الكاميرات:
Canon PowerShot Pro90 IS, Epson PhotoPC 3100Z, Sony DSC-707.

الفئة المحترفة:
طبعاً هذولي أتوقع هم اللي يعلموني http://winmear.hypermart.net/DSC/regular_smile.gif مهم متعلمين من هنا
المميزات:
-دقة بين 3 إلى 6 Mega Pixel.
-تصميم SLR الذي يسمح بتركيب وتغيير العدسات.
-ملفات من نوع TIF أو RAW بالإضافة إلى JPEG .
-سرعة خيالية في الغالق لالتقاط الأشياء المتحركة بسرعة.
-تحكم خيالي في المميزات.
الأفضل لـ:
-المصورين المحترفين اللي يبون أفضل صور ممكنة على حساب السعر.
-الشغالين تجاري وعندهم عدسات 35ملم،ويبون تحكم رهيب،وما يهمهم السعر.(تراك صديقي إن كنت منهم http://winmear.hypermart.net/DSC/teeth_smile.gif ).
السعر:
-بين 3.000دولار(11250ريال) إلى 600دولار(22500ريال)
أمثلة على هذا النوع من الكاميرات:
Canon EOS D30, Nikon D1X and D1H,Fujifilm Finepix S1.

ليتنا مثل الأسامي .... ما يغيرنا الزمن:
الله يعطيك العافية ما قصرت بس وش الكاميرا اللي شريته؟

ريان:
شريت سوني DCS-Cypershot S85

ليتنا مثل الأسامي .... ما يغيرنا الزمن:
طيب وش مميزاته؟

ريان:
[list=1] الكثافة النقطية 4.1Mega Pixel Super HAD CCD. عدسات كاري زيس (يعني ماهي سوني اللي تصنعها شركة ألمانية متخصصة تصنع هالعدسات). زوم بصري 3 أضعاف / رقمي 6 أضعاف. تسجيل لقطات فيديو على هيئة MPEJ. USB هو نوع وصلة التوصيل بالكمبيوتر. تحكم يدوي في:
ISO والتركيز ( Focus). Clip Motion : وهذه الميزة تجعلك تستطيع إنشاء ملفات GIF متحركة. محدد ضوئي: ضوء يصدر من الكاميرا في الأماكن المعتمة لتحديد وتركيز اللقطة. Brust Mode: وهذي ميزة حلوة وفكرتها تلتقط لك ثلاث لقطات باختلاف بسيط في شدة الإضاءة(تحتاجها إذا كنت منتب عارف وش هو وضع الإضاءة الأنسب للقطة). تستخدم Memory Stick : وهذا أنا أعتبره عيب http://winmear.hypermart.net/DSC/sad_smile.gif . مقاوم الأعين الحمراء Anti-Red Eye فلاش ذكي أو أوتوماتيكي : تحدد الكاميرا هل اللقطة تحتاج للفلاش أو لا مع إمكانية تحديد الفلاش يدوياً. البطارية رهيبة ومعروفة بطاريات الليثيوم حقت سوني بطول مدتها. هناك سلك من الكاميرا للتلفزيون. وجود عدة مؤثرات يمكن عملها على الصور التحكم اليدوي والأوتوماتيكي بسرعة الغالق (Shutter) والإضاءة والبؤرة و مقياس فتحة الغالق. دعمها لنظام الضغط TIF . وضع الماكرو. مؤقت لالتقاط الصور (بعد عشر ثواني من ضغط الزر يلتقط الصورة). إمكانية تركيب عدسات إضافية عليها لكن تحتاج إلى محول على حسب قطر العدسة المراد تركيبها.[/list=a]

ليتنا مثل الأسامي .... ما يغيرنا الزمن:
طيب ورنا صور من كاميراتك.

ريان:
أبشر شف ذولا<center> http://winmear.hypermart.net/DSC/nothing.jpg
هذي صورة بسرعة غالق بطيء مرة http://winmear.hypermart.net/DSC/maj.jpg
التعليق لكم http://winmear.hypermart.net/DSC/eye_detail.jpg
نظام الماكرو لاحظ الحبة الحمراء http://winmear.hypermart.net/DSC/Small_board.jpg
الماكرو من جديد
أضغط على هذي عشان تشوفه بالدقة اللي ملتقطها فيها(210كيلوبايت) http://winmear.hypermart.net/DSC/Larg_board.jpg
طبعاً شكل اللوحة كبير شفها جنب الماوس http://winmear.hypermart.net/DSC/board_with_mouse.jpg
http://winmear.hypermart.net/DSC/Motion_Clip.gif
Motion Clip http://winmear.hypermart.net/DSC/camry.jpg
صورة للكامري بدون أي مؤثرات من الكاميرا إلى مائدتك</center>

ليتنا مثل الأسامي .... ما يغيرنا الزمن:
ماشاء الله تبارك الله وشلون شكل حقتك هي اللي تقل ماصورة؟

ريان:
لا الـماصورة هي Sony DCS-F707 اللي هذي صورته http://www.sonystyle.com/digitalimaging/images/PBanner_F707.gif
أما حقتي http://www.sonystyle.com/digitalimaging/images/PBanner_S85_award.gif 

ليتنا مثل الأسامي .... ما يغيرنا الزمن:
طيب وش الفرق بينهن؟

ريان:
طبعاً الماصورة أزين،بس أغلى.
شف ذي مقارنة بين كاميرات سوني http://www.sonystyle.com/digitalimaging/P_Compare_CS.shtml
الماصورة أيسر وحدة واللي قبله حقتي.

ليتنا مثل الأسامي .... ما يغيرنا الزمن:
بكم يعني؟

ريان:
هنا بالرياض من الفيصلية((وكلاء سوني)) بـ5 وشوي http://winmear.hypermart.net/DSC/regular_smile.gif .

ليتنا مثل الأسامي .... ما يغيرنا الزمن:
 الله يعطيك العافية.

ريان:
الله يعافيك هاه وش بتشري؟

ليتنا مثل الأسامي .... ما يغيرنا الزمن:
شكلي هونت .

ريان:
الشرهة مهوب عليك الشرهة على اللي يتعب روحة ويشرح لك.

ليتنا مثل الأسامي .... ما يغيرنا الزمن:
بس تدري يا ريان شكلك فاهم.

ريان:
وأنت الصادق ما عندي ما عند جدتي رح للمواقع الإنجليزية وتعرف من الفاهم،الله يخلف علينا.

ليتنا مثل الأسامي .... ما يغيرنا الزمن:
هات.

ريان:
دوك.
http://www.digital-camerastore.com/
http://www.megapixel.net/html/issueindex.html
http://www.imaging-resource.com/
http://www.photolink.de/
http://www.epinions.com/elec-Photo-Cameras-All-Digital
http://www.epinions.com/elec-topic-Photo-Cameras-Background_Info-What_should_you_know_about-digital_cameras
http://cameras.about.com
http://www.dpreview.com 

ليتنا مثل الأسامي .... ما يغيرنا الزمن:
بس ياخي المشكلة أنا ثقافتي فرنسية http://winmear.hypermart.net/DSC/teeth_smile.gif 

ريان:
طيب دوك هذولي موقعين يترجمن لك من إنجليزي لعربي:
http://www.almisbar.com/salam_trans_a.html
http://tarjim.ajeeb.com/ajeeb/ 

ليتنا مثل الأسامي .... ما يغيرنا الزمن:
شكرا ريان

ريان:
حياك أخوي

ليتنا مثل الأسامي .... ما يغيرنا الزمن:
 مع السلامة.

ريان:
فمان الكريم.

ريان

06-12-2001, 13:10

<center>
--------------*ملاحظة*--------------
الرجاء من اللي يبي يردون ما يحطون صور كبيرة أو تكون تواقيعهم كبيرة عشان ما يحوس لي الموضوع الله يرحم والديكم
--------------********--------------

أخي الكريم:
الموضوع أخذ مني جهد في التنظيم والجمع فلو نقلته الرجاء الإشارة إلى عنوانه في الإقلاع
http://www.eqla3.com/cgi-bin/cgi/ultimatebb.cgi?ubb=get_topic&f=4&t=007203

تم بفضل من الله في يوم الخميس 21/رمضان/1422هـ
الساعة 07:05 صباحاً

ريان</center>

الطير

06-12-2001, 13:29

ماشاء الله عليك ياريان افكارك مرتبه
وموضوع مميز وبطريقه مبتكره والصور كلها جميله
اقول ما تسلفني هالكاميرا اسبوع بس

***اليتيم***

06-12-2001, 13:36

يعطيك العافيه ريان
الف شكر حبيبي

Nesta_13

06-12-2001, 13:41

قسم بالله الموضوع خيالي من جد
الله يعطيك العافية
وشكرا لك ) انا رهيب من جد
الله يعطيك العافية

وش اقول اكثر غير شكرا عدد ماقالوا العشق :) كلمة كذاب هههههههههههههههههههه

جوعان

06-12-2001, 13:46

والله حبكتها يا تعبان ..
رهيب والله موضوعك ..
المره الثانيه ما اتلكم معك بالمسنجر .. علشان ما تنسخه ..
:p

مشكور يالغالي الف شكر لك
والى المميزه
==============>

بيكاتشو

06-12-2001, 21:08

رياااااااااااااااااااااااااااااااااااااااااااااااا اان ياعالمي انتا يا مجنوووووووووووووووووووووووووووووووووووووووون يا مججججججججججججججججججججججججججججججججججججججججججرم ( ترا كلهن مدح :D ) موضوعك ذا والله عالمي عالمي عالمي ومتعووووووووووووووووووووووووووووووووووووووووووووب عليه يعني شي واضح اقسم بالله مشكووووووووووووووووووووووووووووووووووووووووووووووو ووور

ههههههههههههههههههههههههههههههههههه بس ياحليلك إلى الحين تذكر يوم اقولك النوم عبادة :D ... هههههههههههههههه والله ذاك اليوم كنت مواصل لكن شفت موضوعك قلت هاذا ريان لازم ارد عليه ولو طلفني ذالك ضياع خمس دقايق نوم :D ....

على فكرة شباااااااااااااااااااااااااااب وين نوفا بووووووووووووووووووووووووووي الاسطورة ذا ويييييييييييينهو ؟؟؟؟؟؟؟؟؟!!! احد يروح يناديه بسرعة خلوه يشوف الموضوع الغير شكل هاذا :) ...........

إلى المميزة وبكل جدااااااااااااااااااارة موب الموضوع اللي يستاهل المميزة .... المميزة هي اللي تستاهل الموضوع والله :) ...........

ختامن اقول .... ريان انتا كيذا http://www.eqla3.com/file/ubb/icons/icon56.gif

Mr.yousef

06-12-2001, 21:51

موضوووووع خرااافي

بس المشكله أننا محناب كفو كميرا 30ألف ريال

نبيك تشرح لنا أللي من الألف وجاي

على العموم موضوع مميز <IMG SRC="cwm18.gif" border="0"> :D ;) :D

فـيــصـــــل

07-12-2001, 03:20

<center>
انا اعتقد ان مهما قلت وعدت وزدت ،،،

كلامي قليل بحقك يا ريان ،،،

الله لايضرك لا دنيا ولا اخره قل آآآآمين </center>

زيـziyadــاد

07-12-2001, 03:22

ماشاالله عليك اخوي ريان..فعلا موضوع مميز ..

يعطيك الف عافيه ..

الـــهـــوولـــــه

07-12-2001, 03:44

يعطيك العافيه على هالطرح الأكثر من رائع ..

والله مو غريب عليك لا هالأسلوب ولا هالفكر الواعي المطلع ..

الله لا يضرك ويعطيك ألف عافيه ..

F I O N K A

07-12-2001, 03:51

كلمه مبدع قليله بحقك

اخوي ريان

يا ريت تسير بنسخه من هالموضوع بمنتدى التصوير في جسد الثقافه :)

مشكور يا غالي

البارعه

07-12-2001, 05:28

<center>.(ن الله يحب اذا عمل احدكم عملا أن يتقنه..)
وهذا فعلاً اللي قاعده اشوفه..
ريان هذا مرجع كامل ماشاء الله عليك..
روووووووووووعه
ابداع من جد..
والصوره حقت الكامري مره اعجبتني..
خصوصا الاولان رااايقه..
تسلم يدينك يا ريان..والله لا يحرمنا من روحك النشيطه..
ما اقول الا ماااااشااااااااء الله..تبارك الله. </center>

بو_سكنتة

07-12-2001, 06:21

<center>واله موضوع من جد يفتح النفس معني زهقت وانا اقلب بنت ولقيت الموضوع ذا الرمجننننننننننون وبقيل بموضوعك ذا لزم يصير لة لنك خاص بصفحت البداية حقت الأقلاع ولا نرز مضوعك فوق ويله نبغا نروح مدق السحور خذ الهدية </center>

المدلعه

07-12-2001, 11:03

سلام
ريان.. لو سمحت وين ألقى الكاميره حقت الفئه المحترفه فيه ( الغاليه <IMG SRC="cwm44.gif" border="0"> )

ريان

07-12-2001, 13:30

<center>

الطير
مشرف

الطير مرة وحدة هو أول من يرد علي؟
كفاني شرف

بصراحة شي يحمس :)
وأبشر ياطير كلي لك لو بغيت أم 30.000 ريال جبته لك :P(هما الهرج ببلاش)

تشرفت بردك أستاذي

*******************

***اليتيم***
عضو مقلع 

يعافيك أخوي
وألفين شكر لك على حضورك

*******************

Nesta_13
مصمم مقلع 

يعافيك أخوي
ومشكور أكثر من ما قالوا العشاق كلمة كذاب :P
شرفت أخوي

*******************

جوعان
عضو قاضي 

ولا ليش لاجك في الماسنجر ترى أبحطك أخضر ترى ترى
إلا تعال وينك ماعاد شفناك؟
الشكر لك أخوي

*******************

بيكاتشو
مشرف

بيكا أنت العالمي يا شيخ وأنت المجرم(هماك تقول مدحة؟!)
تدري عاد بمعاونتك ذاك اليوم تعلمت كل ذا يا بعدي
ومشكور ألف شكر على ردك علي ذاك اليوم
شفت خمس دقايقك وش زينت؟

أنا أحتري نوفا على أحر من الجمر :D

مشكور حبيبي بيكا وأنت اللي كيذا(أصبع يأشر على فوق!)

*******************

Mr.yousef
عضو جديد 

ليش منتاب كفوه؟
إلا إن شاء الله كفوه ونص
يمكن يكره تصير مصور محترف وش يدريك؟
ترى الدنيا دوراه
المهم ألا صرت كفوه لا تنس أخيك ريان اللي نزل موضوع منذ مبطي عن الكاميرات:P

*******************

فـيــصـــــل
عضو مهوب جديد 

دايم تحرجني يا شيخ
آمييييييييين يا رب
وكل المسلمين

*******************

زيـziyadــاد
من كبار المصممين 

الله يعافيك أخوي
ومشكور على ردك

*******************

الـــهــوولــــــه
خبير اقلاعي 

الله يعافيك الـــهــوولــــــه
ومشكورة على ردك
اللهم آمين

*******************

shagra
خبير اقلاعي 

حبيبي شقرا مشكور على ردك وتشجيعك
وأبشر بسعدك مع أني منب كفو ذوليك
هذولاك عندهم قسورة اللي ما أجي عنده شي
بس أبحطه إن شاء الله<----------يحتك

*******************

البارعه
عضو مهوب جديد 

والله وسام أستاذتي البارعه أحطه على صدري
كلامك دايم يشجعني
الله يعافيك على ردك
وحياك

*******************

بو_سكنتة
عضو رسمي

الله يسلمك أخوي أشوى أنه فتح نفسك :D
أما سالفة اللنك فأهل الإقلاع أبخص ومنا إليهم :P
ومشكور على الرد

*******************

المدلعه
خبير اقلاعي

وعليكم السلام ورحمة الله وبركاته
الكاميرا أم 30.000 ألف ريال أنا شفتها في المملكة في محل أسمه سمير لمعدات التصوير تراه حاط عند الباب شنط كاميرات مهوب باين أنه محل كاميرات زي ما هو كنه محل شنط،وألا بغيتي تشرينه لا تنسين عمولتي :P
<------------صدق</center>

ريان

07-12-2001, 13:51

<center>

إحقاقاً للحق
فلقد أستفدت من الإخوة:
أحمد العثمان(صاحب موقع رحلة حياة (http://www.82lj.com/))
أبو الرشد(صاحب كاميرا رقمية)
أبو زياد(صاحب كاميرا رقمية)
حسين (بائع في معرض كانون في مركز المملكة التجاري)

-----------دروس في التصوير-----------
دروس في التصوير-1-مقدمه وتاريخ (قسورة) (http://www.eqla3.com/cgi-bin/ubb6/ultimatebb.cgi?ubb=get_topic&f=9&t=000133)
دروس في التصوير-2-اعرف الكاميرا (قسورة) (http://www.eqla3.com/cgi-bin/ubb6/ultimatebb.cgi?ubb=get_topic&f=9&t=000141)
دروس في التصوير-3-انواع الكاميرات (قسورة) (http://www.eqla3.com/cgi-bin/ubb6/ultimatebb.cgi?ubb=get_topic&f=9&t=000162)
</center>

A.M.A

08-12-2001, 10:50

والله جهد .. واسلوب .. وطريقه .. ومعلومات ... وكلش ...
يستاهل المميزه بدون اي نقاش :)
الله يجزاك الف خير .. ويعطيك الف عافيه .. وتراي انشاء الله عازم اشتري كاميرا جديده ... بس يبيلي وقت ...
تسلم ياغالي .. وتسلم اناملك اللي ((طقطقطقطقط)) على كيبورديك :)

تحياتي لكم
A.M.A

crash

09-12-2001, 10:03

يستاااهل المميزه والعذر والسموحه ريان تأخرنا بالرد عليك :)

الى المميزه بقووه

ذيبان

21-02-2002, 07:57

تسلم والله أخوي ( ريان ) والله يعطيك ألف عافيه على الشغل المتعوب عليه , ولا تحرمنا من مواضيعك المتميزة .