العنود..ياقلبك الكبيــــــــر

[بنية نجد]

<center><font color="Purple">بسم الله الرحمن الرحيم</font></center><font color="Purple"><center>بقول شي عن الجادة والله ماكنت ادري انه عادي تضحكون وتحطون ايكنز استهبال مدري حتى احس انكم تقرون المواضيع وانتم واقفين
&lt;======بتتكفخ هذي :)
بس هالحين دريت انكم وش حليلكم&lt;&lt;&lt;&lt;بدت تمصلح :)
عاد هالحين سوف نمسط بالقصة :):
*********************
هذي الله يسلمكم وحدة اسمها العنود متزوجة واحد اسمه خالد((الاماتلاحظون ربع السعودية خالدات والربع الثاني محمدات وعاد النص الباقي كوكتيل وائلات ولؤيات ومحمدات حمزات :)وطقة الاسامي هذي))

عاد ذا الخالد جعله منيب قايله عيونه زايغة يعني من فئة المقزقزين الله لايبلانا :(مع ان العنود ماشاء الله ملح وقبلة وكيووووووت مرة صراحة
&lt;=====الله من النصب بس شايفتها؟؟ :)
عندهم 3اطفال بنيتين وولد...وطبعا كعادة الحريم يجتمعون مع صديقاتهم سواليف وحش وتقشيم حب وحلى وتقهوي ولامانع من كم حزمة كراث وتحلى الجلسة بترنج ...</center></font>
http://www.smilies.org/basesmilies/acherryk2.gif http://www.smilies.org/basesmilies/acherryk2.gif

<center><font color="Purple">العنود كان عندها صديقة عزيزة عليها جدا وهي اقرب صديقاتها لها واسمها منى...طبعا قبلها مسنترة عندها بالبيت...والعنود يابعدهم ماتدري وش الطبخة :(
المهم..طبعا العنود اكتشفت ان منى متزوجة خالد ...((يماللضعفة بس :())
طبعا كأي زوجة تتعرض للموقف هذا بيرتفع ضغطها وتنهار ومصيبتها مصيبتين اولا ان خالد تزوج عليها وثانيا ان زوجته اعز صديقاتها :(
وعلى الرغم من كل هذا ماحبت العنود تبين لخالد انها منقهرة وسوت نفسها ان الوضع عاااااااادي جدا...كانت تبي توصل له رسالة انها مستحيل تتحطم من اي شي حتى لو كان هالشي قوي بقوة الموقف اللي هي فيه...

صارت العنود تتجهز وهي لابسة ومتكشخة وتستنى خالد لين يجي...واذا جاء تخليه يشوفها وهي داقة الزين ....
خالد:وين الناس بتطلعين؟؟؟
العنود: ايــــــــــــه ((لاتفوتكم المطة بس ))ابطلع مها صديقتي عازمتني</font></center>
<font color="Purple">كان خالد يستغرب يقول وش غيرها ماكانت راعية طلعات قبلها في البيت عند عيالها!!!!</font><font color="Purple">اذا جاء الليل كانت العنود تسلي نفسها وتضيع وقتها وهي تكلم صديقاتها وقريباتها...تحاول تنسى غرفتها..مملكتها ...تنسى زوجها اللي تركها وراح لوحدة غيرها</font>
... http://www.smilies.org/basesmilies/acherryk2.gif http://www.smilies.org/basesmilies/acherryk2.gif


<center><font color="Purple">واذا جاء من بكرا الصباح..يجي خالد وشكله سهران وعيونه حمرااااااء
&lt;======يانصبي كني شايفته هالحين :)
خالد:اقول من اللي شاغل الخط البارح؟؟
العنود: ايه صحيح كنت اكلم صديقاتي((طبعا تتكلم ببرووووووووووود))
خالد: كل ذاك الوقت !!!!!!((طبعا يقولهابنبرة شك ويمشي وهو معصب بقوووووووه...ووجهه يتعفط تعفط
&lt;=====المخرج :)
العنود:تبتسم ابتسامه بوجهه وكان مافيها شي يغلي من جواها...

طبعا العنود هدفها من هالشي انها تبي تحول حياته لجحيم وشك وقلق وتبي تخليه يذوق من نفس الكاس اللي ذوقها اياها...

طبعا شك خالد خلاه مايغيب كثير عن البيت...يحاول انه يجي فجأة لاجل انه يحصل آثار خيانة اودليل يؤكد شكوكه اللي تعبث بداخله..
العنود كانت مستمرة بمسلسل الامبالاة حقها...برود وابتسامات وتطنيش واشكل وجحدة ...
خالد:ساااااااكت بس يطالع فيها بنظرات غريبة
العنود: توزع ابتسامات ومعها المناكير وتشرب قهوتها ...او تلعب سنيك بجوالها...
((الله يذكرنا بالخير اوقات المحاضرات :)))

خالد صار يقضي اغلب اوقاته عند العنود لدرجة انها صارت تستغرب تقول وشلون يشوفها ويلتقي بها وهو قبله مرتز عندي؟؟؟
جوال خالد يدق:
ننننننااااااا ننننننننااااااااا((حاط باربي يجهازه))
&lt;=====لاتفوتكم بس الامانة الادبية حتى نغمة الجوال حاطتها :)
خالد:الو ....ايه...ايه...بعدين انا الحين مشغول...&lt;====النفس في الخشم كالعادة
صارت العنود شغل خويلد الشاغل خصوصابعد هالتطورات الجديدة عليه كل يوم..
العنود طبعا استغربت وبحسرتها تقول الحين يعني صرت اهمك...اول كنت زيي زي اي قطعة اثاث بالبيت :(

</font></center> http://www.smilies.org/basesmilies/acherryk2.gif http://www.smilies.org/basesmilies/acherryk2.gif
<center><font color="Purple">وفي يوم من الايام...جاء خالد وسألها هالسؤال الغريب...
خالد: انتي للحين تحبيني؟؟؟
العنود:ابتساااااااامة بسخرية واضحة ...وليش تسألني هالسؤال؟؟؟
خالد:لانك ماعاد صرتي تهتمين بي اول ((طبعا الجملة هذي بوجود ام العبيد))
العنود:وليش؟؟؟حبيبة قلبك منى ماتهتم فيك زين...مع انها توها عروسة جديدة..اكيد تهتم بك ..وش تبي اكثر طيب؟؟؟

خالد:الا بلا انتي ماتحبيني ...وانا بالنسبة لك ولااااااشي..انا لو اني اعني لك شي كان نرفزتي عصبتي سويتي شي يوم تزوجت...لكن انتي اعوووووذ بالله قمة في البرود...
والحرمة اللي تصير ردة فعلها كذا يانها ماتحب رجلها...يان عندها رجال غيره...
فجر خالد كلماتها قدامها وطلع ...
العنود فكرت انها ترد عليه وعلى اتهاماته...لكنها فضلت تكمل للاخير لانها تبي تعذبه بشكه وظنونه فيها..
</font></center> http://www.smilies.org/basesmilies/acherryk2.gif http://www.smilies.org/basesmilies/acherryk2.gif

<center><font color="Purple">صار شغل خالد وهمه الاكبر هو مراقبة العنود ووين تروح ووين تجي ووش تسوي...ويتصنت عليها...ويلحقها لمن تطلع بسيارة واحد من اصدقائه..حتى التليفون لمن تجلس تكلم يرفع السماعة ويجلس يتسمع((يماللصقه ان شاء الله))

وكل مازادت شكوك خالد كل مازادت متعة العنود لانها تحس انها ترجع كبريائها اللي انسلب منها...
وفي ليلة من الليالي رجعتني تاني حب((اسفة غلطت))المهم ومرة من المرات كانت العنود تكلم امهاالادخل عليها خالد ومع علبه غريبه...رماها بوجه العنود...
يالله ....صراخ العنود صحى سكون الليــــل...
العلبة اللي مع خالد كانت موية نار :( :( :(
سكب خالد الموية عليها وهو يقول:
كذا اقدر اضمن انك ماتفكرين بواحد غيري...
طبعا ام العنود كانت تسمع كل شي بالتليفون...على طول جت لبيت بنتها وخذتها للاسعاف وهي تردد:
حسبي الله عليك ياخالد.. :(</font></center> http://www.smilies.org/basesmilies/acherryk2.gif http://www.smilies.org/basesmilies/acherryk2.gif


<center><font color="Purple">طبعا الحروق اللي في وجه العنود حولتها من انثى جميلة تلفت انتباه اي احد ينظر لها بنعومة وجمال ودقة ملامحها..الى مجردترهلات جلدية تخفي اغلب معالم وجهها..
محد يتخيل وضع العنود لمن دخل عليها واحد من افراد الشرطة عشان يحقق بالجريمة...
كانت طالبة مراية تبي تشوف وش بقى لها من مجرد كلمة وجه...وصادف وقتها دخول الشرطي...

طبعا خالد كان برا في اسياب المستشفى يركض زي المجنون..ودخل على العنودوهو يبكي على سريرها مثل الطفل الصغير....
خالد: حبيبتي العنود والله انا احبك اموت فيك
حبي لك اعماني عن كل شي...انا غصب عني سويت كذا والله..لاني مابيك لغيري...
لحظتها...قرر الشرطي يسألها عن الفاعل...
العنود.....دمعت عيونها....حست بحرارة جروحها وحرقها اللي بوجهها لحظة مانزلت دموعها عليه...
بس صورةصغارها وحرارة حبها لاطفالها...اللي خلاهاتنسى الم الحرق والحرارة اللي حست بها ذيك اللحظة...خلاهاتتراجع وتسجل القضية ضد مجهوووول..<font color="Purple">وهي في قلبها تقول:حسبي الله عليك ياخالد....حسبي الله عليك ياخالد</font></center></font>[] http://www.smilies.org/basesmilies/acherryk2.gif http://www.smilies.org/basesmilies/acherryk2.gif


http://www.eqla3.com/file/ubb/icons/icon96.gif http://www.eqla3.com/file/ubb/icons/icon96.gif http://www.eqla3.com/file/ubb/icons/icon96.gif

[المدغبجة]

أولييييييييييييي
&lt;&lt;&lt;----تحسب نفسها تلعب

محجووووووووووووووووووووووز

[المدغبجة]

بنية نجد
القصة خطيرة
واسلوبك موتني ضحك وطلعتي فضايح
الكراث والترنج ونغمة الجوال
منتب صاحية
بنية نجد خطييييييييييرة
بس عندي شيء ودي اقوله ويقرقع في قلبي
&lt;&lt;&lt;-----الله يعينك
القصة اكيد ماانتهت
لاني ما اقدر اتحمل هالنهاية
&lt;&lt;&lt;-----بتموت من القهر
موية نار معقول وتقيدها ضد مجهول!!!!!!!
بليييييييييز قولي في جزء ثاني
وهي تكب موية النار عليه
&lt;&lt;&lt;&lt;------ماتحب الشر ابد ابد
بس من جد الله يجزاها الجنة اقدرت تصبر وتسامح

بس ولو تراني مقهورة

تسلمين والله

[صغنطوط]

السلام عليكم ورحمة الله وبركاته
اختي تعبيرك رائع وفكاهي جدا
للأسف النهايه ماهي حزينه
بس متوقعه....

عزيزتي
هي اعترضت على زواجه من صديقتها والغيره
قتلتها بس هل فعلا هي اعترضت على خيانته ؟
اناماشوف انها مااعترضت على الخيانه فتعبيرها
هي اعترضت على حكم إلاهي ربنا سبحانه وتعالي
حلل الشيء هذا فمن هي حتى تسميه بالخيانه؟
اشوف انه تصرف تصرف سليم بالجواز من صديقتها
ولم يخنها... بل تزوج.
اما مشكلة نفس الكأس فكانت ظالمه له
بمعنى انها مثلة عليه بأنها تخونه
اما هو فتزوج...

والعقاب إلي نالته في الأخير هو عقاب من
ربنا على ماقامت به... :(

اما خالد فهو مسكين وقع نتيجه لضعف شخصيته
ومرأه يعتقد انها مازالت تحبه...

وعموما الموضوع خطيييييييير واتمنى اننا
كلنا نتعلم منه وناخذ العبره والعظه

[ 06-15-2001: تم تعديل الموضوع بواسطة : زغنطوط ]

[child25]

ههههههههههههههه.. اما الكراث.. هههههههههههه.. ولا تقشم حب..

بنية نجد.. حرررررررررررام عليك هالنهاية.. من جد انا ودي تتشفا فيه هي في يوم من الايام.. وبعدين ترا حنا ما تعودنا هالنهايات .. كل الافلام المصرية تنتهي بسقوط الزالم (يعني الظالم باللغة المصرية..)..

لا .. انا متأكد فيه جزء ثاني.. :) بس بالله قولي للمخرج لا ينسى الحبيبة منى من نصيبها في موية النار الله يسلمها.. هههههههههههه

[المــجــد]

هلا ببنية نجد ...

بصراحة القصة جميلة ...
الله يخليك لنا ...

لكن أنا أحب أتناقش في هذه القصة ...

الزوجه المفروض انها تحافظ على صورتها قدام زوجها ...
مو تشككه فيها يعني هذا غلط كبير جدا ...

يعني كانت ممكن تلفت انتباهه بأنها تتحسن أو غير ذلك ...

ماذا كانت عاقبتها انحرق وجهها ...
وكان ممكن يطلقها لأنه شاكك فيها ...

ما فعلته غلط مية في المية ولم تكسب شيء منه ...

يجب تحكيم العقل قبل كل شيء ...
وكمان ...يجب على المرأة الحفاظ على صورتها حتى لا تصبح بلا قيمة ...

ولكم تحياتي ..
أخــ المــجــد ــوكم ,,

[المــجــد]

هلا ببنية نجد ...

بصراحة القصة جميلة ...
الله يخليك لنا ...

لكن أنا أحب أتناقش في هذه القصة ...

الزوجه المفروض انها تحافظ على صورتها قدام زوجها ...
مو تشككه فيها يعني هذا غلط كبير جدا ...

يعني كانت ممكن تلفت انتباهه بأنها تتحسن أو غير ذلك ...

ماذا كانت عاقبتها انحرق وجهها ...
وكان ممكن يطلقها لأنه شاكك فيها ...

ما فعلته غلط مية في المية ولم تكسب شيء منه ...

يجب تحكيم العقل قبل كل شيء ...
وكمان ...يجب على المرأة الحفاظ على صورتها حتى لا تصبح بلا قيمة ...

ولكم تحياتي ..
أخــ المــجــد ــوكم ,,

[بـردان]

بنية نجد :)

كم مره قلت لكم لاتحطون نهايات شينه :(

تونا خالصين من قصة نديم حقت مضاوي جيتينا انتي والعنود :(

راعوا الحساسين :D &lt;== كثّر منها يالحساس

قصه صورت التضحيه .. حتى والعنود تعاند خالد كانت تضحي بمشاعرها ترا :)

لكن أنا ودي أسأل سؤال يمكن يكون خارج نطاق القصه أو لاحق لها لو كان لها تكمله :)

وش حكم الشرع في هالموضوع ؟ وش حكم الشرع على خالد اللي شوه العنود؟ :)

ياليت أحد عنده علم أو يسأل لنا عن هالموضوع ويفيدنا وله الشكر

تحياتي المكعبه

[أبورويشد]

قصة رائعة يا بينة نجد :)

تختلط فيها الفكاهة بالألم .. !!
كإختلاط الفراولة بالموز في خلاط مولينيكس صانعاً لنا أحلى عصير كوكتيل :D

&lt;--- مدمن كوكتيل ماما نورة :)


لكن السؤال اللي يقرقع في عقلي وقلبي مثل قرقعة الغسالة إذا صارت تشتغل ولا فيها موية :)

&lt;-- جاي من الحراج اليووم لاتشرهين <IMG SRC="cwm43.gif" border="0">


(( <font color="Brown"> وتبي تخليه يذوق من نفس الكاس اللي ذوقها اياها... </font> )) بنية نجد

لماذا يُصّور الزواج الثاني في قصصنا ومسلسلاتنا على أنه خيانة زوجية ؟!

مع ملاحظة إني لا أعترض على الغيرة .. فهي طبع فطري في الإنسان !!

[وحده مقلعه وبس]

&lt;&lt;&lt;&lt; من يوم شافت اسم عنود واهى ناطه ( من نط _ ينط )

افلتوووووووووووووونيييييييييييي عليه

افلتووووووووووووونييييييييي


&lt;&lt;&lt;&lt;&lt; احد يقضبها

لا والى باط بتسبدي ( الي مايعرف معنى كلمه يسألني ) .... انه يقولها احبتس
:mad: :mad: :mad: :mad:

حبك برررص قل اااااامين .. جعلك الي منيب قايله ..

&lt;&lt;&lt; عطوها عصير ليمون تروق :D

ياحبيلتس بس يابنيه انتي واسلوبتس تهبلين الله يحفظتس ياوخيتي :)

يالله تشاو .... <IMG SRC="cwm20.gif" border="0">

[it's me]

<font color="Blue">لاتلعب بالنار ... ت تحرق صوابييييييييعك.... http://www.eqla3.com/file/ubb/icons/icon91.gif

واللى يشترييييييك يرجع يبييييييعك..... http://www.eqla3.com/file/ubb/icons/icon91.gif


خالد باع....
والعنود لعبت بالنار.....

عفاف المراة وسمعتها...ماهى لعبة ابد..
ولو كان مجرد تمثيل..علشان يتذوق اللى عذبها نفس عذابها...

لو حبت تعذبه اكثر...تحبه اكثر http://www.eqla3.com/file/ubb/icons/icon91.gif
وتعطيه اكثر... http://www.eqla3.com/file/ubb/icons/icon91.gif
هنا رح يتعذب اكثر...
" جربوا هالشي...بس ربنا لايبليكم..."

اما تصرف خالد وماء النار هذا...
فاكيد كل شي له جزاته..
وارجع اقول الله لايبلينا...

=======


اختى بنية نجد...
وش هالاسلوب الحلو.. :) :)
مع اروع اخراج وصفي... :) :)

=========</font>

[منادي]

بنية نجد

قصه رائعه

ونهاية حزينة

يعطيك العافيه على القصه وتسلم يدك

[يصير خير]

اسلوبك مسسسسسكت مشاء الله عليك
:(
&lt;----------خانقتها العبره
شوفي طيب تقدر تسوي عمليه تجميل وبعدين منونوه(عيارة منى) طلقها ولا لا
&lt;----------صاحت
يوووه كثير نسمع عن رجال ياخذون صديقات حريمهم والله القهر
تشبه للتمثليه احلام العصافير يوم تزوج عليها رجلها المره سوت نفسها مادرت ورجعت لشغلها وصارت تطنش رجلها وتخلي ولدها معه ورجعلها رجلها في الاخير
&lt;--------------تصدق قوه
ههههههههههههههههههههههههه
تراني اجرب يوزري هذا اول شي لي في الاقلاع.
شكرا لك

[مقلع مهوي]

السسسسلام عليكم عن بكرة ابيكم

هالووووو بنية نجد….واو
قصتن حزينتن مزركشتن
مغسي بكو …….باي

[Madee7a Hanim]

هلا والله بنية نجد :)

تسلمين على هالقصة الحلوة :)

بس والله انك صدمتيني بهالنهاية الحزينة :(

حسبي الله عليه مالقى إلا موية نار :eek:

والله لو اني مكان الزوجه ( بسم الله علي :( ) كان أفضحه عند الله وخلقه
&lt;&lt; تحمّست :D

تسلمين مرة ثانية على هالابداع :)

[ازرق وابيض]

<font size="4"><center>

بنية نجد :)

ماشاءالله عليك هاليومين مانلحق على ابداعاتك من كثرة نثرك لها :)

رهيبه القصه والارهب منها طريقة سردك اللي تخلي الواحد يعيش وسطها بهدوء تام. :)

بس نهايتها كانت المفروض تصير بشكل ثاني والا وش رايك؟؟ ;)

يعطيك العافيه اختي الكريمه..</center></font>

[سلطان المنتدى]

تسلمين

سرد جميل للقصة :)

تستاهل العنود ،،،،،، لانه ما عرفت تلعب اللعبه صح

الرجل مجرم في اسلوبه ،،،، و لا اتفق مع ما سوى

ولا يستاهل من يتنازل عنه في القضيه لو كنت محل العنود

مشكورة ;)

[مهندس الاقلاع]

<font color="Navy"><center>
الله يعطيك العافية اختي بنية نجـد :)

قصة جميلة .. ومؤلمة :( ..

انا اتفق مع الكثيرين من اخواني.. واؤيد رأي اخوي المجـد .. وهو انه المفروض ما سوت هالشيء.. عشان -من وجهة نظرها- تحرق دمه.. او تشعله غيرة .. وفيه اساليب كثيرة تقدر تقترب بها منه.. ويحبها به.. ولا يكون بهالشكل ..

هي قضت على نفسها.. وحكمت عليها حكم قاسي.. باسلوبها هذا .. وزوجها كان مشتعل من قلب غيرة :( .. والمفروض عليه التروي بعد!!.. ومو يفعل هالفعلة الخطرة!! وهو مو متأكد حتى!!.. حتى لو كان متأكد .. حرام عليه !! ..

عموما :) الله يعطيك العافية مرة ثانية :)

وتقبلي تحياتي لك :)
مهندس الاقلاع

</center></font>

[متحدثه رسميه]

<center><font color="darkred"><font face="Times New Roman">غاليتي بنية نجد..أسلوب القصه مرره حلووو وقلمك فيه خفة دم تلقائيه..
http://home.att.net/~serenity.man1/rosey_3cats.gif

بس حبيت أدون ملاحظتي..

حسيت ان القصه فيها مقاطع حماس ومقاطع ابرد من البرود..
لما حكيتي ان العنود درت ان زوجها خالد متزوج عليها واعز صديقاتها ماحسيت انها تأثرت بدرجه رهيبه..
تركت الموضوع يمر عليها بسهوله..
فحسيت ان ردة فعلها كانت من باب العناد ..او ربما انها كانت تحاول تردله اياها ( وحده بوحده)
ماأظن ان الطريقه اللي استخدمتها طريقه سليمه ابدا في ارجاع زوجها ..
وبالعكس انتقلت من الوضع السيء للأسوء..
وفتحت لها باب هي في غنى عنه..

اتوقع ان الزوج مهما كان مايمشي عليه اسلوب العناد ..
وهي بطريقتها كانت بارده ولكنها عنيفه معنويا..
أي رجل ماراح يقبل ان زوجته تخونه ..
وهي بأسلوبها حطته قدام موقف أي رجل عربي مايرضاه..
لو كنا في مجتمع اجنبي ممكن تمشي طريقتها ..
انهاتزرع امامه الشك حتى تتحرك غيرته تجاهها ويندم عاللي سواه..
لكن بما ان القصه عربيه..
اعتقد ان الرجل مهما فعل لايرضى ان تعاقبه زوجته بنفس مستوى افعاله..

ومشكوره جدا على القصه الرائعه وأسلوب الطرح الحلو..

تحياتي..
</center>
</font></font>

[نص لفه]

<IMG SRC="cwm14.gif" border="0"> كش عليك ياخالد .. مااحبك يادب <IMG SRC="cwm14.gif" border="0">

&lt;&lt;---- ياحيااااتي متابع المسلسل من اوله لآخره :D

صراحه اختي بنية نجد قصه حلوه من ايدي مبدعه :) يمديس بس على الاسلوب :D بس الغريبه العنود اللي قدرت تصبر طول هاالمده على رجلها بدون ماتحارشه او تقول له شي :) لأني اتوقع اي حرمه مايوقف بوجهها شي اذا قلبتها غيره ونفشت شوشتها اللهم ياكافي :D مبدعه يابنية نجد :)

[بنية نجد]

**المدغبجة**
هلاوغلاهلاوغلا
طفوا اللمبات نور الموضوع :)
مشكوووووورة اختي تسلمين واشوى ان القصة عجبتك
وبالنسبة للقصة مالها اجزاء هذي هي كل ابوها :)
ماعرف ابدا شوي واسكت لازم اقول كل اللي عندي :)
وياعمري لاتنقهرين ولاشي ماعاش من يقهرك
ترى راس مالها قصيصة :)
مشكووووووووووورة اختي الغالية :)

**زغنطوط**
وعليكم السلام ورحمة الله وبركاته
هلا بك اخوي زغنطوط
انت قسيت على العنود...
هي صحيح غلطت انها خلت نفسها مصدر شكوك ..بس عاد مو لدرجة ان عقابها يكون موية نار!!!تطمس
انوثتها الى الابد..
وخالد مهوب مسكين...اثنينهم غلطوا وللاسف غلطاتهم كبيرة..
مشكووووووووور اخوي شرفت الموضوع :)

**child25**
اهلين والله ....
والله مافيه جزء ثاني من وين اجيب لكم :)&lt;&lt;&lt;&lt;&lt;&lt;توهقت بقوة :)
خلاص اجل المرة الجاية نخليك تكب الموية على منى اوووووكي :)
شكرا

**المجد**
هلا وغلا اخوي المجد
يسعدني والله تشريفك موضوعي
ويخليك لنا يارب
فعلا انا معاك بسالفة ان العنود غلطتها جداااااا كبيرة
يعني مهما كان سمعتها وصورتها تتشوه عشان شي مو مضمون ...طبعا لا مستحيل أي وحدة تقبل بالحل هذا في سبيل انها ترد لزوجها الكرة..
فعلا كلامك واقعي وعين العقل...
حياك الله اخوي واشكرك جدااااا

**بردان**
هلاوغلا مشرفنا الغالي :)
&lt;&lt;&lt;&lt;&lt;تمصلح :)
وش اسوي اغلب القصص نهايتها شينة
فكرت احط قصة وسيعة صدر بس ماش مايصلح...
صحيح العنود كانت مضحية بمشاعرها المتنوعة لابعد الحدود...
وبالنسبة للحكم الديني والله حاولت اشوف...بس مادري ماعندي شي مثبت واكيد ومثل الامور هذي اذا صرت ماني متاكدة منها ....اتحاشاها افضل....ماودي افتي بشي مو مضمون...
تحياتي المستطيلة :)

**ابورويشد**
هههههههههههههههه وش الطاري :)
هلاوغلا اخوي
عليك تشبيهات ماتدل على شي اكثر من دلالتها انك حار بطن :)
اخوي لاطبعا الزواج الثاني مايتعبر ويفسر مثل الخيانة...لاطبعا فيه فرق كبير...
غير ان هذي حلال والثانية حرام...الا انه الشعور الغريزي والفطري ..المرأة بطبعها غيور...
والانسان فيه خاصية حب التملك لاتفه الامور وشلون لو صار شريك العمر....
انا ماقول اني ماأأويد الزواج الثاني ...هذا حق منزله رب العالمين...لكن طالما الزوجة مؤديه واجباتها
على اتم وجه...ومافيها عيب من أي ناحية ...مافيه داعي للزواج الثاني ابد....
فعلا اصعب شعور ان المرأة تشوف بقلب الرجل اللي تحبه واللي هو زوجها...شريك لها....
&lt;&lt;&lt;&lt;&lt;&lt;ضاق صدرها :(
مشكور اخوي وشرفت الموضوع والله

**وحدة مقلعة وبس**
هلاااااوغلااااااا مبروك العضوية :)
تبين عصير ليمون روحي للي فوق ردك بتلقين فرع لماما نورة اشربي لين تخلصين
مطعم بابا ابورويشد :)
مشكووووووووورة اختي تسلمين على كلامك الحلو :)

**it's me **
واااااااااااو اتز مي هنا..من جد انا احلم :)
هلاوغلا اختي الغالية جداااااا :)
فعلا خالد بااااااااااع بيعة كبيرة...
والعنود غلطتها اكبر...
بس مادري احس صعب انك تزيدين حبك وانتي مجروحة من اللي تحبينه....صعب جداااااااا...
مشكووووووووووووورة اختي العزيزة والله تشرف الموضوع

**منادي**
حياك الله اخوي
مشكور على تشريفك الموضوع
وهذي عاد نهاية اغلب القصص....الحزن :(
حياك اخوي..

**يصير خير**
مشكووووورة اختي تسلمين
تعتقدين عملية التجميل بترجعها زي اول؟؟؟؟طبعالا....
تعتقدين عملية التجميل بتنسيها جرح خالد لها؟؟؟طبعالا..
وبالنسبة لاحلام العصافير مادري ماذكر المسلسل :)
مشكورة وحياك الله بالاقلاع اولا وبموضوعي ثانيا..

**مقلع مهوي**
وعليكم السلام
هلا بك اخوي
اشوى انها مزركشة على قولتك&lt;&lt;&lt;&lt;&lt;ذكرت بكر الشدي :)
دوغيا شيغي..اورفوار :)&lt;&lt;&lt;&lt;&lt;مهيب عاقلة ترى تعرف فرنسي :)

[القصمنجيه]

قصتك حلوة بنية نجد بس نهايتها...الله يهديك :)

صحيح التسامح أمر فيه الإسلام وله أجر كبير لو أحتسبته لله

بس غصب أنقهرت...

بصراحة أنا استغربت من بعض الردود...؟؟!!!

دايم أقرا وأسمع وينقال أنه الرجال عاقل ويحكم عقله
بعكس البنت اللي تتحكم فيها عواطفها...

وأنا بقصتك وببعض الردود شفت العكس...
أسمحولي بس هذه الحقيقة

الحين العقل يقول موقف العنود يدل أنها إنسانة مجروحة ومتألمة ومتعذبه....
وكبريائها خلاها تكون بالشكل اللي أنتي صورتيه

وخالد عاش معها فترة وجاله منها عيال...
يعني عرف أخلاقها وشخصيتها ومبادئها...

يعني المفروض أنه يكون فاهمها وعارفها زين
يوقف معها يحاول يخفف من صدمتها وجرحها

يوم شك فيها يناقشها يحاورها أو يراقبها..قبل ما يحكم عليها هذا الحكم الإجرامي


برأيي خالد ماكان عاقل أبدا ..ألا فيه شي بعقله بعد
ألا إذا كان الرجال كلهم بهذا الشكل ..فهنا في مشكلة...يبغالها حل..؟؟!!

والله يستر.......

وتحياتي لك :) :).........

[أم سحلول الداية]

;) :rolleyes:

[أبورويشد]

<font color="Brown">هههههههههههههههه

اما مطعم بابا أبورويشد .. حشا والله صرت أبو كمال :)
بس ما انتم لاقين عندي الا مرقوق وجريش :D

مشكورة اختي على التوضيح ...

بس كلامي كان بشكل عام دائماً في المسلسلات العربية يصّور الزواج الثاني وكأنه خيانة زوجية شنيعة ..!!!
وكذلك في الغرب لمّا يتكلمون عن الإسلام يقولون كيف الرجل يتزوج أربع والحرمة ما تأخذ إلا واحد ؟!

مع العلم إن الرجل له " خويّات " اليا قبل وكذلك الحرمة لها أخوياء .. الله لا يبلانا !!!

ونجد هالشئ متمّثل في بعض القصص والطامّة الكبرى نجدها في بعض النقاشات في المنتديات اللي تدل على أن هذي الصورة مترّسخة عند البعض ..!!

وأنا استشهدت بالمقطع اللي ذكرتيه لأنك قلتِ إن العنود بتحسس خالد باللي هي حاسة فيه ..
هي حسّت بالغبن والقهر والمرارة وانها مجروحة متألمة وو...الخ من زواج خالد بالثانية ..!!

طيب هي وش ناويّة تحسسه به ؟؟ أكيد تبي تحسسّه بنفس الشي ...

لكن هل المفروض تستخدم نفس الطريقة ؟! هنا مربط الجحش :)


وعلشان الباقين يكونون في الفورمة :)

أنا لا أقرّ خالد على طريقته الوحشية أبداً حتى لا يُقال إني متحيّز لصنف الرجال :)

والمفروض يُفهم ذلك من السياق بدون توضيح ..


وشاكر تقبّلكم :)</font>

[بنية نجد]

عدنــــــــــــــــــــــــــــــا :)

**Madee7a Hanim**
هلاوغلا مديحة يوووووووووه عاش من شافك والله زمان عنك...
مشكورة اختي :)
وزي ماقلت اغلب القصص نهايتها حزينة .....مادري ليش؟؟؟
مشكوووووورة مرة ثانية :)

**ازرق وابيض**
هلاوغلا اخوي الغالي..
والله والله والله خجلني كلامك مرررررررررررة...
الله يسلمك قليلا مما عندكم :)
وبالنسبة لنهاية القصة مافهمت قصدك هل يعني تبيها تاخذ طابع غير الحزن او قصدك انها خيالية شوي..من جد مافهمت اللي تقصده...
ومشكور اخوي :)

**سلطان المنتدى**
هلاوغلا اخوي الله يسلمك
انت اختصرت وكفيت المطلوب بقولتك ان العنود لعبت وللاسف لعبتها غلط...
وخالد اجرم بحقها....
فعلا العنود تنازلها عن حقها خطوة كبيرة احس صعب أي وحدة مكانها تسويها...
اشكرك اخوي :)

**مهندس الاقلاع**
هلاوغلا اخوي المهندس
يشرفني ردك على مواضيعي لاني فعلا اطلع منها بفائده...
زي ماقلتوا اثنينهم غلطوا.....لفت نظر العنود لزوجها عن طريق الشكوك+ اسلوب خالد في الانتقام غلط اخر..
وربي يسلمك ويخليك اخوي شرفت الموضوع..

**متحدثة رسمية**
هلاوغلا اختي
مشكورة على كلامك الحلو والله :)
العنود فعلا غلطانه...لانها كبتت مشاعرها ...وكبت المشاعر يسبب غالبا تهور لان الشخص يكون مقهور ولاهو قادر يسوي شي....
وكذلك طريقتها انها تخلي نفسها موضع شكوك لاجل لفت الانتباه لها....غلطة جدا كبيرة
......مشكورة عزيزتي تسلمين والله نورتي :)

**نص لفة**
:) :)هلاوغلا والله غريب بالجادة :)
مشكور اخوي على كلامك
والعنود والله ذبحت روحها باللي سوته اولا كتمت قهرها ..ثانيا غلطت انها خلت نفسها مصدر شك...
اكرر شكري لك :)

**القصمنجية**
هلاوغلا اختي مشكورة والله
صراحة ماعتقد اللي سوته العنود شي سهل..والتسامح شي حلو بس مو لهدرجة صراحة :(
وعموما الرجل يكون متهور احيانا لمن يشوف شي يدل على خيانة زوجته حتى لو ماتاكد...
ويمكن طبيعة المواقف اللي شافها منها خلته يتاكد انها خاينه له.....
وخالد برأيه ابد ماكان عاقل وهالشي محد يرضاه.....والعنود غلطتها كبيرة بس عقابها كان اكبر من الغلطة نفسها....!!!!!
وطبعا مو كل الرجال كذا....والا كان من زمان انتهينا :)
مشكوووووووورة اختي :)

**ام سحلول الداية**
:) :) :)

**ابورويشد**
ههههههههههههههه الله يحلل ابوكمال عندك :)
واذا على الجريش والمرقوق ميخالف تفك ازمة لبعض الناس........((مهوب انا :)))

طبعا كلامك صحيح من ناحية فكرة الغرب عن التعدد في الزوجات او من خلال الاعلام وتصويره هالشي احيانا غلط....وتفسير الزواج خيانة اوغدر...انا زي ماقلت ماقول الزواج الثاني لالالالا مايصلح ....لكن فعلا قهر لمن تصير البنت مافيها شي ومؤديه حقوقها ويروح الرجال ويصقعها بحرمة ....وشو له يماللي :)

وانا مرة كان عندي مقرر من المقررات الاسلامية في الجامعة ..وكان النقاش عن تعدد الزوجات والله وحدة من البنات قالت ودي يخاوي له وحدة ولايتزوج علي....كونه يخاويها اهون على الاقل نزوة فترة وتعدي ....بس لمن يتزوج بتجلس معه طول العمر.!!!!!!!!!!والله كلامها غلط وبقووووووه ...
يعني مهما كان لازم نحط اساس لكلامنا التشريع الاسلامي .....وانه ماأسس عبث...
والعنود انقهرت فعلا من تصرف خالد .....بس ماباليد حيلة وش سوت ؟؟بدال ماتعدل خربت :(

((أنا لا أقرّ خالد على طريقته الوحشية أبداً حتى لا يُقال إني متحيّز لصنف الرجال)):
والا بعد ناوي تقر عليه انه يكب موية النار!!!!!!كان اشطب يوزرك &lt;&lt;&lt;&lt;الممرورة :)
اخوي شاكرة لك تشريفك الموضوع مرة ثانية :)
حياك

[مخيبر ولد سماعيل]

أختي بنية نجد القصة محزنة وأحداثها سريعة
بس صراحة وجدت عدة تناقضات في شخصية الزوجين
الزوج خالد
الزوجة العنود
-------------------
خالد قلتي عليه:
أنه من فئة المقزقزين الله لا يبلانا مع ان العنود كيوت مرة))
يعني خالد تغافل عن أهله وحرماته وصار يتعدى لحرمات الناس
&lt;&lt;========مو القز:يعني الغزل والمعاكسات :D
وتناسى أن له زوجة وبنات يخاف عليهم(بضم الياء) وأن مايفعله بحريم الناس يتعداه الناس على حريمه!!!!!! :( :(
وأن من طرق أبواب الناس الناس كمان يطرقوا بابه!!!!


أما العنود قلتي عليها
((كيوت وقبلة )) وإلى غير كذا ;)
وقلتي أنها مهيب عارفة الطبخة :( :( يعني شخصيتها ضعيفة أمام صديقاتها والدليل على ضعف شخصيتها زواج خالد من أعز صديقاتها منى والعنود غافلة مع أن الشرع حلل أربع ولا اعتراض على ذلك
وصراحة أنا أنكر على العنود وخالد هالتصرف الشنيع منهما فنالا عقابهما الدنيوي شف هذا وش صارله ..وهذه وش صارلها :( :( ومين كان الضحية
البنتين والولد اللي المفروض يكونوا سعداء بعيشهم يتطلعون للمستقبل بمساعدة واهتمام الابوين........لكن هذول الأولاد ضاع مستقبلهم بشكل شبه كلي نتيجة شقاق الوالدين واهتمام كل واحد منهم بنفسه واتفاقهم على ألا يتفقوا وإغفالهم عن أمر هذول البزران لين(هذول الأبوين)وصلوا لطريق مسدود ......
الأولاد ورود يانعة أصبحت ذابلة محاطة بالأشواك التي تشوه جمالها :( :( :(
----------<font size="6">العنود</font> غفلت عن حديث الرسول صلى الله عليه وسلم <font color="Red">((والمرأة في بيت زوجها راعية ومسئولة عن رعيتها))</font>
وتناست هذا الحديث وحطتلها مبادئ اشبه ماتكون مبادئ ((أي كلام)):
أولهاالعنودمع جلسات الحريم ودق السوالف و الفصفص والحب ولا بأس بالترنج والكراث......
حنا مانقول لأ لاتروح :mad: :mad: بيتها احسن
....لا حنا نقول عادي تروح ترفه عن نفسها لكن مو بشكل زيادة شوي وياليتها كانت مع ناس طيبين......كانت مع شلة اعز صديقاتها خاينتها
هه وش تبون كمان؟؟؟؟ :mad: :mad: :mad: :mad:

ثانيها:لما اكتشفت ان خالد متزوج عليها
وسكتت ...أنا قلت حادثة خير لعلها تجي لزوجها بالمعروف وتسأله عن أسباب زواجه من منى ؟وهل حيرجعون أواصر العلاقة بينهما؟؟؟؟
لكنها زادت الطين بلة :) :) وحبت انها تفرح على تعاسة خالد!!!وكل مازادت تعاسة خالد بأفعالها تزيد سعادتها الوهمية وتناست أنها لسه على ذمته وتناست الأهم ....عيالها..هل حيجنون السعادة من تعاسة والديهم على يد أمهم الشقية الغافلة العنود؟؟؟؟ :( :( :(
هذا ماجنته العنود نتيجة افعالها الطائشة تريد السعادة لوحدها .....وتضمر الكره والحقد لزوجها لأنه تزوج عليهاوهي ماتدري أن الغلطان هو (هي)لأنها لو قامت بمصالح زوجها وقامت بكل مايريده ونصحته في الله لما فكر بالزواج عليها؟؟
وبالفعل كانت العقوبة دنيوية حرق وجهها الجميل&lt;&lt;=======انت شفتها؟؟ ;) ;)
وتعيش حزينة منكسرة القلب فقدت جمال الوجه بعد أن فقدت جمال الروح :) :) وأصبحت منبوذة بين الناس..........لم لا؟؟
مو الأخبار ماشالله تنتشر وتجي لكل واحد بدون تكلف؟!!!!
العنود حست بخطئها بعد ان انحرق وجهها وندمت في يوم مانفع الندم فيه مع ان الندم كان في حال الدنيا .....لكن تعرف أن الندم لن يعيد لها بريق وجهها الأخاذ
&lt;&lt;======أبوك ياشيخ كأنك شايفها :( :(
وهاهي في المستشفى تدعو على خالد بعد أن دعته لعمل هذا العمل بشكل غير مباشر.......وتضم أطفالها لها بعد فتحت قلبها الذي كان لا يتسع الا
محبة نفسها مع أن الأمومة فوق كل شي
وأنا أقول مع العنود واردد وراها <font color="Green">حسبي الله عليك ياخالد</font>
لكن بعدها راح أواجهها وجه لوجه مع غض بصري مخافة الله ثم مخافة نفسي أني أرى وجهها المحروق فأتفزع
وأقولها في وجهها مباشرة <font color="Green">حسبي الله عليك يالعنود</font>

<center>ولا حول ولا قوة الا بالله العلي العظيم</center>


---------------<font size="6">خـــــالـــــد</font> اللي يبغاله تربية من جديد مو من أبوه وأمه لا....بل تربية من جديد وهي تربية الدهر...........
خالد تناسى قوله صلى الله عليه وسلم <font color="Red">((كلكم راع وكلكم مسئول عن رعيته))</font>
&lt;&lt;=====معليش متلخبط في بعض كلمات النص حديث اللي وجهه الرسول صلى الله عليه وسلم للرجل فآثرت عدم كتابتها........
وتناسى أن الاسلام اهتم بالمرأة ومن ذلك حديثه
صلى الله عليه وسلم حاث الأزواج على مخافة الله في نسائهم خاصة وأسرهم عامة بقوله <font color="Red">((خيركم خيركم لأهله وأنا خيركم لأهلي))</font>

ونسى ان الله أعطاه منة عظيمة إن حافظ عليها كانت له الجنة أخبرها الرسول صلى الله عليه وسلم<font color="Red">((من عال جاريتين حتى تبلغا جاء يوم القيامة أنا وهو)) وضم اصبعيه</font>
لكن خالد كان يشتغل بالقز والهسترة واللا مبالاة
واستهتهر بمنة الله عز وجل عليه واستهتر أيضا بواجبه كأب صالح يرعى أولاده ويربيهم وينشئهم في طاعة الله ومحبته .....لكن خالد كان الله بالخير.....
خالد غلط قدام العنود العنود تلك المرأة ضعيفة الشخصية الطيبة(سابقا!!)بأن تزوج عليها دون مشورتها أو حتى يبين لها أسباب زواجه من غيرها
وممن؟؟؟من أعز صديقاتها(سابقا!!)
لو خالد كان يبي يتزوج عليها لينبهها بخطأما مقصرة هي تجاهه كان كلمها بالمعروف وأقنعها بالمعروف لتلافي ذاك الخطأ في المستقبل......
لكن بما أنه استعجل وتزوج عليها .....كان عليه أنه مايضعف قدامها لمن كانت تنرفزه لأن المرأة
شخصيتها عامة هالاحساس الرقيق والعاطفة الجياشة
والتأثر السريع والعنود أضعف النساء!!........فلو من كلمة هنا وكلمة هناك
كان راضاها وهدأ من روعها وبعد المركب اللي هم يسيرون عليه من وضع الخطر لبر الأمان......
لكن خالد ولو سمحتوا يعني أبله !!!بمعنى الكلمة
ومن ذلك تسرعه في كب تلك المادة الحارقة على وجهها دون أدنى تفكير
والدليل بكاؤه على فراشها كبكاء الطفل على فراش أمه وقوله أحبك يالعنود والله ماكان قصدي
&lt;&lt;=========الموت كان احن للعنود بدل هال الكسرة النفسية اللي راح تعيشها طول عمرها....

أنا اكتشفت أن خالد ضعيف شخصية كمان مايقدر يتصرف بأمور بيته وماقدر يتفاهم مع العنود بالشكل الصحيح اللي ينبغي.........
أولها :أنه كان محتار بأمرها أنها تكلم واحد ثاني
&lt;&lt;========معذور ماكان يكلم غيرها فما فيه شك أنه يشك بأهله ..........

واسمحولي أقول لخالد نظرة الناس لك بعد معرفة قصتك نظرة ازدراء...
:mad: :mad: :mad:

----------
والله اني مااعر فمين غلطان اكثر العنود ولا خالد اكثر..........
لكن أجزم أن كل واحد هو السبب في اللي حصل لنفسه وللثاني كمان .........لكن أجزم أن كل واحد تعلم هالدرس بس بثمن غااااااااالي
;) ;)
----------
أختي بنية نجد المقطع الأخير ينفع لعنوان موضوعك
اللي هو <center>العنود ياقلبك الكبير</center>

لما سجلت القضية ضد مجهول


بس الموضوع ككل
مادام أنه له صلة باسم العنود وبس!!!!!!
فهو
<center>العنود ياعقلك الصغير</center>


----------
معليش ياشباب عندي شوية مشاكل بجهازي

وماشاء الله تبارك الله واللهم لا حول ولا قوة الا بالله العلي العظيم
--------
أختي بنية نجد موضوعك رائع جدا.....بس المخرج اطرديه لأن القصة في بعض مقاطعها فيها تناقضات سردية

:) :) :) :)

[حبوب]

بنية نجد
قصة تحدث كثيرا في واقعنا
لكن هل تصرف العنود صحيح من وجهة نظرك وهل خالد ارتكب جريمة عندما تزوج له بوحدة ثانية .
المرأة ضعيفة وحساسة خاصة في الموضوع الجارة لكن هل تصل النهاية الى كذا... الله يستر .
كل له بنات يتمنى لهم التوفيق ولكن وش رأيك بأن عدد البنات الشابات فرابة ضعف عدد الشباب على حسب كلام دكتور الاحصاء .
لو كل شاب تزوج بوحدة الباقيات وين يروحون الرجاء تحكيم العقل قبل العاطفة .
هذا مجرد راي قاصر ابديته في الموضوع .
اخوكم حبوب

[الطير]

بنيه نجد
بالقصه القصيره انتي مبدعه
شوفي يابنيتي .
&lt;-----يدلعونه نجد
&lt;------خلاص تراه صار ابوك
قال الله تعالي عن النساء ان كيدهن عظيم .وقال عن كيد الشيطان وكان كيد الشيطان ضعيفا
-------
قصه تبين فيها الذكاء :) بدال الرجه والفضايح
والصياح عند امها
نسخه الي مميزه مع التقدير :)

[كل حنيني واشرب لبن]

بنية نجد ... صراحه موضوع اكثر من رائع
بس نهايه حزينه ....مع انا العنود معها حق لما سجلت القضيه ضد مجهول عشان مصلحة عيالها
ويا جعل ماجاها من خالد تكفير انشاء الله ... :( :(
وتسلمين على الموضوع الرائع....
[ 06-27-2001: تم تعديل الموضوع بواسطة : كل حنيني واشرب لبن ]

[ 06-27-2001: تم تعديل الموضوع بواسطة : كل حنيني واشرب لبن ]

[رايح فيها]

بنية نجد اشوى انك ما تكتبين مسلسلات والا كان الحلقه الاولى زوجها يتزوج والثانية يكب موية النار وقضينا :)
يعطيك العافيه اسلوب رائع بس قصة حزينه :(
مسيكين خالد ومسيكينه العنود كلهم رحمتهم :)