للمتزوجين فقط ، أو اللي على وجه زواج .. البقية بلاشي إحراج !!!!! [الارشيف]

عرض كامل الموضوع : للمتزوجين فقط ، أو اللي على وجه زواج .. البقية بلاشي إحراج !!!!!

العم ابو علي

14-06-2001, 17:33

<center>*** كم من مرة سمع أحدكم من زوجته كلمة (ياحبيبي ) أو سمعت هي منه نفس الكلمة ؟!!!!!
طبعا يدخل ضمن عائلة ( ياحبيبي ) مصطلحات أخرى مثل ( ياعمري ، ياتسبدى ، يابعد روحي ، ياجمارة قلبي ، ياعيوني ، وهلم سحبا ).
طبعا سيقول القائل ان الموضوع سيختلف من منطقة الى أخرى ، فالفرق بين حائل والحوطة كالفرق بين الفيصلية وبيت النمل ، والفرق بين الحجاز( حاضرة فقط ) وشمال المملكة ( ويدخل معها وسط نجد ) كالفرق بين بيت الطين ( مدح _ بكسر الميم وتشديد الحاء _ راس محاتسيكم ) وبين وزارة الدفاع .
حاولت مرة _ ولمدة أسبوع كامل بسبعة أيامه _ أن أحصي المرات التي قالت فيها أم علي هذه الكلمة _ أو أخواتها _ فاكتشفت وبكل التقدير أنها لم تستعملها الا عند المناقشة ( ومع البنات وعلي فقط ) مثل ياحبيبتي لاتروحين اليوم ، أو ياحبيبي إعقل .. أما معي فقد أكون سمعتها مرتين أو ثلاث ضمن حوارياتنا التي لاتنتهي : ياحبيبي قلت لك لاعاد تجيب من هالسمك ، ذبحت العيال بالشوك. أو وش قصدك ياحبيبي ، أروح للعرس بنفس هالطقم ، وش يبي يقولون البنات صديقاتي إذا شافوه ( طبعا لابد من إضافة البنات في كل جملة تخص صديقاتها أو قريناتها )
*** الغريب في الأمر أنها معجبة بطريقة ( الحايليات ) بالكلام ، وأسلوب الكلام الحلو اللي يطلع من أثاميهن حيث كلمة يابعد تسبدي أو ياعمري أو يابعد حيي لاتكاد تخلو منها أي جملة تخرج من أفواههن ، ولها صديقات بالكوم من هالنمونة . وكلما ذكرت _ هي _ أسلوبهن في الكلام كلما ضربت _ انا _ على الوتر الحساس ، وقلت لها أن تأخذ دورة في ( تمليح الحتسي ) معهن وتنتهي العملية بزعل مانقواه لأنها _ بزعمها _ كلامها ناعم جدا ولا فيه شي ، وكان تعليقي في قرارة نفسي : آه بس لو رجع الزمان كان أخذت أم علي برضه بس بشرط تتعين في حايل واروح انا مرافق لها لمدة خمس سنين الين يتعدل حنتسها .
*** ياحظك يابو رويشد وانا عمك .. عندك الوالده الله يحفظه لك ، وتبي تجيك وحدتن ما تعدا حارة ( يابعد حيي ) واسمع كلامي وانا عمك .. لاتعداهن !!
*** طبعا بنات الساحة يبي يسألون : وانت ، كم مرة في هالأسبوع قلت لها كلمات من عائلة ( ياحبيبتي ).
*** أقول الصدق .. فقط أثناء الحوار ، أو عندما تقوم ( يباااااه ) بعمل يجوز لي أقول لها ياحبي لتس وامن _ بتشديد الميم _ جابتس ، وكما يقولون تلحقها الكلمة بالبركة .
*** وبالمقارنة بأيام الخطوبة أو بعد الملكة _ بكسر الميم _ كم مرة سمع كل منكم من الآخر هذه الكلمة وحاشيتها بالتلفون ( طبعا لاتقولون وانت لأنه ذاك الوقت ماكان عندنا تليفون ) !!!!

*** السؤال اللي يسدح روحه هنا : هل هناك خلل في تربيتنا ، وأين هو الخلل إذا كان موجودا ؟!!
*** سؤال آخر يتمردغ : إذا كان فعلا هناك خلل في تربيتنا ، فلم لم يوجد هذا الخلل في مناطق أخرى مجاورة .. فالفرق مثلا بين بنات جدة وبنات مكة في هذا واضح _ حسب معلوماتي الناقصة _ ، كما أن الفرق بين حائل والجوف أيضا واضح جدا حسب ماألاحظه من الزملاء والأصدقاء من الديرتين .
*** هل أسلوب التربية هو الذي يخلق مثل هذا التباين ؟
لعلي هنا أؤكد بأن الخشونة في المعاملة هي أسلوب جبلنا _ ياحظ نفطويه بي _عليه في كل بقعة من نجد ، ومع ذلك فإنها حين تصل لأطفالنا فلن نتردد إطلاقا في مناداتهم بالكلمات اللينة المعسولة التي تتخللها بين الفينة والفينة _ ماقلت لكم ياحظ سيبويه ونفطويه بعد بي _ كلمات مثل ياعمري وياحبيبتي ويابعد تسبدي . وهذا الأسلوب ربما لم يكن موجودا في مجتمعات مثل حائل في ظل العوامل الإقتصادية التي تعيشها ، وأقصد هنا أن الرفاهية وأسلوب الحياة الحضرية معروف في وسط نجد بحكم هجرة العقيلات أكثر مما هو معروف في حائل التي لم يكن من بين أفرادها عقيلات معروفون ، كما أن مقارنة حائل بالنسبة للبيئة الحضرية بالجوف مثلا ستكون من صالح الجوف بحكم ارتباطها التاريخي والجغرافي بالأردن ، وهم بلا شك في وقت مضى ووقت آت أكثر تحضرا . اضافة الى أن الإرتباط القبلي بين الجوف وحائل أكثر منه بين أي منطقتين في المملكة ، ومع ذلك فقد جمعت الجوف وأوعت _ والله يالو كان سيبويه حي إن ينزل عن عرش النحو ويحطن متسانه _ أقول جمعت الجوف وأوعت من الخشونة والتدفير بالكلام .
*** هل السبب يعود الى أن البنات _ والأولاد _ لايلتقطون مايقال لهم بقدر مايلتقطون مايرونه أمامهم !!!
أقصد من هذا أنه طالما أن التعامل بين الزوجين يخلو من هذه المصطلحات أو يكاد ، فإن البنت كما يقولون مرآة أمها ، والولد مرآة ابيه ، وحتى لو تعامل الزوجان مع ابنائهما بكل المصطلحات التي تضمها عائلة ( ياحبيبي ) فإن البنت اذا كبرت لن تتعامل مع زوجها الا كما تتعامل أمها مع ابيها ، وكذلك الولد .
*** أظل أسأل هنا .. ترى أين الخلل ، وهل سأحلم يوما أن تتعامل ( يباااااه ) </center> <IMG SRC="cwm1.gif" border="0"> <IMG SRC="cwm1.gif" border="0"> <IMG SRC="cwm1.gif" border="0"> <IMG SRC="cwm1.gif" border="0"> <IMG SRC="cwm1.gif" border="0"> <IMG SRC="cwm1.gif" border="0"> <IMG SRC="cwm1.gif" border="0"> <IMG SRC="cwm1.gif" border="0"> <IMG SRC="cwm1.gif" border="0"> <IMG SRC="cwm1.gif" border="0"> ;) ;) ;) ;) :p ;) ;) ;) ;) ;) ;) ;) ;) ;) :p :p :p :p :p :p :p :p :p :p

العم ابو علي

14-06-2001, 17:47

معليش سامحونا .. يبدو ان مشرفي الإقلاقلاع ملو من حتسيي وقطعوه قبل يخلص .. آخر جمله هي :
( *** أظل أسأل هنا .. ترى أين الخلل ، وهل سأحلم يوما أن تتعامل ( يباااااه ) بكلمات من هذه العائلة مع زوج المستقبل !!!!!
************ وحافظكــــــــــــــم اللي ماتنام عينـــــــــــــــــه ************

ضب الصمان

14-06-2001, 17:54

سلام ,,,,,,, :)
هلا والله ( بحبيب ) الشعب :)
طولت الغيبة يا (حبيبي) :)
انا اعتقد ولا اجزم بان السبب في كل ماذكرت ان اهل هذه المنطقه يؤمنون بالمثل القائل
ومن الحب ما قتل :)
لذلك وحفاظا على جودة النسل وتشجيعا لاكتمال توارث الاجيال فقد اكتفوا بقليل مستمر خير من كثير منقطع وقاتل ويغث واحيانا يجيب الحموضه وحومة الكبد :)
نسلم عليك :)
تراي مدري وش السالفه وخفت ما اقول شي تزعل علي :)

منتدى الأسرة

14-06-2001, 17:55

http://www.smilies.org/basesmilies/FFflower2.gif

العم ابو علي

14-06-2001, 18:28

ياحبيّبي يا ولد أخوي الضب ..
الله مير يسلمك ، وترا مابيننا زعل .. الغالي غالي ، أما قليل متصل فهذه وانا عمك بالعبادات فقط ومع الله سبحانه وتعالى ، أما مع الخلق ، فأغلب أنفسهم صحراء ، وانت أبخص به ياولد الصمان ، ماجاها بلعته وطلبت زود ، والعلاقة بين الزوجين _ زود معلومة _ مرتبطة بالآنية في الحلوه ولكنها تملك ذاكرة كمبيوترية في المرة .. بمعنى ( يادكتور الله يخليك لنا ولمرضاك ) انها تذكر الغلط اللي صار منك قبل عشر سنين ، ولكنها لاتكاد تذكر الكلمة الحلوة اللي قلته قبل ساعتين .. واللا منتب معي ..
الا على فكره ، مشكور وانا عمك لأنك زوغت من النوبه علشان ترد علي .. وحافظك الله .

*** أما الغاليه ( أو الغالي ) منتدى الأسرة ..
فياحبي لأم البنت اللي انت حاطن ( أو حاطتن ) صورته تحت يوزرك .. وشكرا على الرسمة يابعدهم !!! :confused: :confused: :confused: :confused: :confused: :confused:

المـهوي

14-06-2001, 18:32

العم ابوعلي : موب انت لحالك اللي حريحر في تسبدك ... الله يعين تسبيدتنا بعد :) اما من ناحيه حبيبي وحبيبتي احس انها اذا قالتها لي ان وراها طلب وياقلبي لا تحزن :(

التوقيع مهبووووووووووووووووووووول ودوه لشهار :)

العم ابو علي

14-06-2001, 18:45

*** المهوي .. الغالي
وسّع صدرك وانا عمك ، كله عشر سنين وتبي تنمحي هالكلمات من قاموسك بحكم عدم السماع ،
الا وش رأيكم دام حريمنا مابعد قامن من النوم .. تبون نثني بجداويات دام مهرجان جده بدا وماحناب لاقين فرصة أفضل من هالفرصة .. قولوا تم قبل ماتقوم ام علي وماعاد تسمعون صوتي !!!

أبورويشد

14-06-2001, 23:37

مجووز للسلام على العم ابو علي بعد تسبدي وروحي وسنايدي :) :)

مبطين عنّك في العام يالغالي

ولي رجعه بعد قراءة الموضوع ان شاء الله :rolleyes:

مقلعفيتش

15-06-2001, 08:48

بعد السلام ياعم بو علي .. وش تبي بذا
الكلام اللي ماله سنع .خلاص الظاهر
انها راحت عليك والبركة في علي
انشالله .. (لاتصدق تراني امزح)
بس ترى مالك غير حل واحد
انك تروح تتزوج وحده
ثانيه بس من الحدود
الشماليه من حايل
وانت تشوف كيف
يصير الكلام و
راح تعد الين
تغلط من الكلام
اللي تحبه ..
شكرا خيو ابوعلي .. آآه معليش قصدي عم بو علي
;) ;) :rolleyes: :rolleyes: :cool: :cool: :)

قصيمي بوي

15-06-2001, 22:53

افااااااااااااااااا
انا مصدز انه اذا تزوجت باشبع من كلمة حبيبي و عمري و روحي و ملحاقتها و مجالسها..و الله خليتن اتراجع عن الزواج مبتسر
<=-حاط عينه على بنت الجيران و الباباي ختاممع تحياتي:قصيمي بوي (الهلالي) :P
:D :D :D :D :D :D :D :D :D :D :D :D :D :D :D :D :D :D :D :D

ماشي على جنب

15-06-2001, 23:12

العم ابو علي
الله لا يمسي ها الوجه الا بكل خير
وبعدين ياخي وش ذي الدعايه لبنات حايل الحين بتكبر روسهن علينا ولا يحاتسننا الا من ورى خشومهن
تسلم اناملك حبيبي ( سجلها ولا تجحدها ) ويعطيك الف عافيه

**خربز**

16-06-2001, 01:15

السلام عليكم ورحمة الله وبركاته........
مساء الورد عم ابو علي.......(مانيب معرسه ولا على وجه عرس بس قاهرني هالموضوع من جد <IMG SRC="cwm14.gif" border="0"> ) ......بصراحه انا في رأي الكلمه الحلوه من جد اثرها كبييييييييير حتى لو من امك ولا ابوك ولا اخوك ولا اي احد وخاصة الطرف الثاني(الزوج أو الزوجة) بس مادري الظاهر الصحراء مأثره على لسانا بعد حتى هو جاف يالله الكلمه الحلوه يالله يالله تسمعها........مادري عندنا في هالديرة افكار غريبه ...يعني انا برأي المفروض ومن اساسيات ان الزواج يكون سعيد ان لسان الزوج والزوجه مايخلوووو من الكلام الحلووو المفروض ماتناديه الا حبيبي او عمري ........الكلام الحلووووو كثير....بس مادري احس السبب يرجع للبيئة(موب اقولك الصحراء مأُثره علينا)والتربيه <IMG SRC="cwm10.gif" border="0">
********بس غديهم يتعدلون بعد موضوعك هع
**خربزه
<<<<<<<<<ملقوفه درجة اولى ماكانها قرت ان الموضوع للمتزوجين هع

العم ابو علي

16-06-2001, 01:27

*** الغالي ابو رويشد ..
والله وتسلم انت يابعد حيي ( الا يبااااااه لأنه لو الود ودي وصيتهم يحنطونه عقب ماتموت بعد عمر طويل انشاءالله ويحطونه بحدا هالإهرامات لمدة ثلاثة آلاف سنه ) ومثل ماتشوف وانا عمك هالزقرت قاعدين يلعبون بلوت ويشوتون للمنتديات الثانية وصار نصيبي عند الجادة .. زين اللي ماصار بالماصلة .. تراهم يسوونه .. تسلم وانا عمك على كل ماقلت ، ومني أكثر يالغالي ، وحافظك الله .

*** الغالي مقلعفيتش ..
اللا راحت عليك انت وانا عمك ، البني وش يبون بشاب يالله بعد اللاتي واللتيا يجيب أجرة الشقة ، البنات هالحين يدورن الشايب (تدليع وأمان من الفقر وركوب فياغرات ) أما انت ياولد أخوي .. فاقعد به وانا عمك .. أما الحايلية فتقول ام علي انها مثل الفريك مالوش شريك والله العالم انها صاتسه.. ويكفي يكون لي صديق مثل ابورويشد يجين من معسول حتسيه الله يخليه مالاياتي من خشونة هالقصيمية وطالما ان الإنسان يبحث عن ماينقصه فابشرك جيراني من حايل ثلاثة ، ولابد تجي من واحد منهم كلمة زينة عقب كل صلاة .. وحافظك الله .

*** قصيمي بوي الغالي ..
زغللت عيوني وانا عمك .. تسن حتسيك بيت من بيوت بني شهر أو باللحمر أو باللاسمر .. لايهمك حتسيي ياولد اخوي .. انت بس ( إقلعها ) وتوكل .. وحافظك الله .

*** الغالي ماشي على جنب ..
هالحين وانا عمك دامك ماشي على جنب ، وشلون تبي البني يحاتسونك !!! اللا وانا عمك اللي قلته أقل من مايستحقن ، وكل بناتنا بهن خير ، لكن ذولي بزود ، وعلشان عين تكرم مدينة ، أقصد عين عذاري!!! وحافظك الله 
*** الطير وبردان وانا عمكم ..
غديكم تعلمون هالشباب الله يهدينا واياهم ان الجادة مهيب ضفافة الضايع .. وانا نعرف وش اللي يصلح لها وهي أكرم عندنا من انه يشات عليه شوت ، واظنكم والله العالم مستنسخين من ابي عبدالله نسختين .. وحافظكم الله

العم ابو علي

16-06-2001, 01:40

*** خربز الغالية ..
أدعي الله بهاليوم الفضيل انه يرسل لتس من يعرف قيمتك ، ويقولون بالحجاز ( اذا هود الليل فكل خربز ) .. أما قضية الصحراء فما أظن انها السبب فقط ، هذا العراقيات والأردنيات ماعندهن صحراء ومع ذلك شوفي حتسيهن ، وقارني بين القصيميات وهن في بيئة زراعية وبين الوشميات وهن في بيئة قاحلة كاحلة وشوفي الفرق بالحتسي .. الظاهر مثل ماذكرت انه يعود لأسلوب التربية من الصغر ، الا مالاحظتي انتس اول وحدة من الجنس الناعم تشارك بهالموضوع .. غديتس انشاءلله الأولى مهوب الوحيده ، وحافظتس الله !!!

it's me

16-06-2001, 02:39

اخوى ابوعلى...

الكلمة..الحلوة سحر..
وهى من السحر الحلال...اللي يخلي الحياة..اجمل..
والطف.. :)

واللسان اذا تعود عليها..تصير سهلة...وموجودة دائما..تنوّر اللحظات... :)

وانا في رايي..ان الواحد بامكانه يعود الاخر على الكلام الحلو..بانه يبدا هو الاول..
يعنى مثلا الزوج او الزوجة..
لايياس..اولا..
وثانيا..يعتبر هالكلمة الحلوة ..هدية..صدقة..
او يعتبرها جزء منه..
بمعنى..انها تكون جزء من شخصيته مالها علاقة بالشخص اللى امامه او بالفعل والموقف..
هالانسان شوى شوى..بتصير..الفاظه رائعة..
ومايطلع من فمه الا الكلام العسل واللطيف...
ويصير يختار ادق الفاظه...بسهولة وبدون تكلف..
ومع الوقت اللى عايشين معاه رح تجيهم العدوى ويقلدوه...
والكلام الحلو..لايقتصر على حبيبي وحبيبتى...
القاموس مليان...والتجديد فيه...له اثر كبير...
وفي رايي...
هالكلمتين..
لازم تكون بدل الاسم ..ولاعاد ينقال الاسم الا..ان كان للتدليل..وفقط.. :)
ولنا في رسولنا الكريم عليه الصلاة والسلام اسوة حسنة..
كان ينادى السيدة عائشة..رضي الله عنها..
ياحبيبة رسول الله..
وياعائش...

======

الخلل...
نحن بيدنا نصلحه..
في البداية ..ممكن الواحد يتعب....
لكن بالاستمرار...كل شي ممكن تغييره...

والاطفال..
علشان يتعلموا..لازم يسمعوا..ويشوفوا..
لكن اللى بيصير..ان البعض...بيخفى اشيائه الحلوة خجلا وخوفا..
او في رايه حماية للطفل من ان يلاحظ شي او يكبر بسرعة...

مع اننى قرات ذات مرة...
" اجمل هدية نقدمها لاولادنا....هى ان نكون حبيبين..."التوقيع.." ام واب.." " زوج وزوجة." :) :) :)

ومن هالاشياء..جلوسهم بجوار بعض وتبادل الكلمات اللطيفة..والمزاح...امام الاطفال..
ولاننسى ان اسلوب كلامنا مع الطفل...بحد ذاته اكبرمعلم له..فلو ناديناه...
" روحى..حبيبي ..حياتى..الخ.." :)
ولو كلمناه .." من فضلك..وتكرم عينك..ودخيلك..علشان خاطرى.." :)
ولو..استخدمنا معه..
" اسف..سامحنى..اعذرنى..اسمح لى.." :)
اكيد الطفل رح يمتلى قاموسه بكلمات حلوة... :)

====

اعذرونى للاطالة..
لكنى تحمست مع الموضوع بشكل كبير.. :) :) :)

====

العم ابو علي

16-06-2001, 03:10

*** الغالية .. جدا .. إتز يوووووو ..
الحقيقة انه لايمكن أن أقول الا صح لسانتس ، فماذكرتيه هو عين الحقيقة ، أما أن تبدأ الأمور منا فلا أعتقد اننا نملك الصبر على الإستمرار عليها لأن طبيعة الحياة ومنغصاتها لاتعطينا القدرة على الخروج على طبيعة ولدنا بها لأن المشكلة مشتركة بين الأبوين .. وإن كنت أعتقد أن المرأة قادرة على كسر هذا الحاجز أكثر من الرجل .. والا فكيف يلين قلب الشايب منا وهو يحاتسي زوجته السورية الجديدة وينقلب رأسا على عقب اذا عاد الى ( أطوف ماأطوف ثم آوي .. وماناب مكمل ) ربما المرأة قادرة على تعديل لسان الرجل ولكني لاأعتقد أن العكس صحيح .. هي على كل حال وجهة نظر وانا عمتس .. وحافظتس الله .

المــجــد

16-06-2001, 06:55

هلا بالعم ...

يا عمي أنا أقول لك بس مو من واقع ولا شيء بس مجرد رأي ...

هذه العبارات تخرج من القلب ...

ولو كان الحب متبادل من جد كان انقال ذا الكلام ...

ما علينا ...

المهم الاحترام ...

SHoOoOG_al_97ara

16-06-2001, 08:10

اخي في الله:العم ابو علي
ان كان هناك منبعا للمعاني العذبه والكلمات الرقيقه التي تقال على مسامع الرجال فالحايليات كما قلت اهلا لهذه الكلمات والاخلاق الساميه :)
يعني حط مرتك عند صديقاتها ولا تشيل هم
:)
تحياتي
حايليه بعننف(شو9و9و9و9ق_الصحارىىى)

وحده مقلعه وبس

16-06-2001, 11:58

<<<<< ----- ميب متزوجه ولا هيب على وجه زواج بس داخله لقافه :D :p

اي والله عمو ابو علي هذيك المره واحنا جالسين

انا وابوي وكانت امي فيه وابوي جالس يحاتسي امي وفجأه يقول لها حبيبتي ... :eek: :eek:

:eek: <----- انا صار وجهي تسذا

واطالعه ذيك النظرات الي تهز البدن وش ذا عيب عليك استح ;) انا فيه

;) <IMG SRC="cwm16.gif" border="0">

خذ و خل

16-06-2001, 14:28

هلا بابوعلي :)

انا مع كلام المجد ... اللي يحب ... يطلع الكلام منه مثل العسل ... وانت أيدت هالكلام ... في قولك ان الشايب يوم يتزوج له سوريه تشوف النغمه تتغير :)

أيضا رد وحده مقلعه وبس رد مســـكت ... موتني من الضحك

و بعدين تعال .... لا تغتر بكلام السوريه او المصريه اللي تسمعه بالتلفزيون :) ..... لو تجلس عندهم يوم واحد بتشوف الكلام اللي عقبه بتقول فديتك يام علي :)

لانك بتسمع :

شو جايب معاك اليوم ؟ ...... العمى ... فين الكوسه؟؟

لا... وكمان وانت داخل للبيت شفتك بتبص على وحده تمشي ..... شووووو؟؟؟ أنا ماعجبتااااااااك؟؟؟ ...... و بعدين هي شو حاتشوف فيك؟؟؟؟ صلعتك والا رموش عيونك اللي مثل مساحات سيارتك المعفنه

:) :)

و بالمصري :

اييييه ...ايييه ..؟؟؟؟ عامل لي فيها سي السيد ؟؟؟ .. لاااا حبيبي ( كلمة حبيبي هنا نسمعها منها و نظنها للملاطفه ولكنها العكس :) ) ... دا بوووعدااااك ..هاهأ ... انت بتحلم ....

شوووف بأا .... أولا .مافيش سفر للاسكندريه لوحدك يعني مافيش...

بس ياوليه أنا لازم أ.....

بس فعينك <IMG SRC="cwm21.gif" border="0"> .... خلاص <IMG SRC="cwm21.gif" border="0">

طيب حاطر ( = حاضر .. لكن ممكن تعني أنه بيطر اخر عمره لو رد عليها :) )

ممكن تدينا الغدا لاحسن انا قيعان :(

غدا؟؟؟؟؟ ... لا ياروح امك ..... و انت ليش ما قبتش اكل معك وانت قااااي؟؟؟

انت شايفني شغاله عند امك؟؟ .... و الله عااال !!!

:) :) :)

و من هالنمونه عد واغلط :) :)

يقول المثل :

كل إناء بمافيه ينضح :)

و أنا أقول :

فديت ربعي فديتهم ..

العم ابو علي

16-06-2001, 20:12

*** المجد والحجاز ونجد الغالي ..
أنا لاأشك لحظة واحدة ان الحب موجود وبتركيز كبير جدا ( يعني شيره ) بين الزوجين في المملكة ، وليس هذا هو مربط الحمار ( الفرس ) ولكن كيف نعبر عن هذا الحب بالكلمة ، هذا هو بيت القصيد .. وحافظك الله.

شوق الصحارى الغالية ..
لو انتس من حايل صتس كان صرتي شوق الوديان والجبال ، وابي أثني على كلامتس عن الحايليات ( الله يرزقنا درزن منهن بالجنه ) ولو انه مثل مايقولون ( مداحتاأمها ومشاطتا ) لكن لايهمونتس .. وحافظتس الله .

*** الغالية وحده مقلعة وبس ..
وش تقربلتس ( يبااااه ) اللي كل ماحاولت ( أعوج مهوب أعدل ) لساني واقول كلمة زينه لأم على طلعت لي زي الجني وقالت ( يباااااه .. أنا بس اللي بنتك .. حبيبتك .. والباقين حتى لو خواتي وامي ماعلي منهم ).. الظاهر ان تتسليع الحتسي طبع موروث عندنا ولا فيه فايده من محاولة تعديله .. حافظتس الله .

خذ وخل الغالي ..
وانا بعد معكم انت والمجد .. ولكن المشكلة ليست في الحب .. لأن الحب لاشك موجود ( وبالهبل ) بين الزوج وزوجته ، وخصوصا من الزوجة لزوجها في نجد خصوصا .. لكن المشكلة هي في التعبير عنه .. أمك وهي امك كم مرة قلت له يابعد عمري أو يابعد تسبدي أو كلمة من عائلة حبيبي .. أما السوريات فأنا جبت المثال مع الزوج ولم أقل الزوجة لأنه بمجرد ماتنجب إحداهن وتضمن الشقة بديرته تتحول كل العبارات الحلوة الى ( العين تطرأك ) وحافظك الله . <IMG SRC="cwm20.gif" border="0"> <IMG SRC="cwm1.gif" border="0"> <IMG SRC="cwm1.gif" border="0"> <IMG SRC="cwm1.gif" border="0"> <IMG SRC="cwm1.gif" border="0"> <IMG SRC="cwm1.gif" border="0"> <IMG SRC="cwm1.gif" border="0"> <IMG SRC="cwm1.gif" border="0"> <IMG SRC="cwm1.gif" border="0">

SHoOoOG_al_97ara

16-06-2001, 20:57

اخي العم ابو علي:
مشكوررررر على اطرائك ومدحك :)
لكن زي ما قلتلك حط مررتك ولا تخاف تجيك بنفس اليوم متعلمه دروووس للرومانسيه والحب----)يا شين كثر المدح
;) ولا اقولك جيب الخاله ام علي عند امي يوم
وتعال شوفها من بكرى هههههههههههههههههههههه
تحياتي:
شو9و9و9وق_الصحارىىى
:rolleyes: :p ;)

ست بيت سنعه

16-06-2001, 21:06

يا تسبد ملّي تسبدك على هالموضوع البناء
شف وانا بنتك>>>>>>خخخ بتكبرك غصب . منبع الغلط كله من الامهات يعني اسلوب الكلام اللي عرضته واللي يتمناه اي زوج ما يمكن ان البنت تتعلمه قبل العرس بيوم او يومين او حتى اسبوع هذا ما يجي بالتلقين وانماا بالممارسه ومتابعه الام او تقليدها بالاحرى
فما بالك عاد اذا كانن الامهات يخليهن ربي ما يواطنن الهرج ذا
انا سامعتن باذني وحدتن معرسه تعاتب امها تقول لها وراتس يمه ما قد سمعتس تقولين لابوي يا حبيبي ;) تأبرني <IMG SRC="cwm16.gif" border="0"> تدري وش قالت الام؟ خخخخخ غطت وجهه بمسفعه ذاك اللي يسمونه منيخل مدري وش تسمونه انتم المهم وقالت :هو هو( اييييه هذولا حريّمنا ما يتقنن الا النبااح)الله لا يخزينا(لا تعليق)
أقول ليتي سوريه بس

المدغبجة

16-06-2001, 22:49

عم ابو علي
هلا وغلا
اول شيء رد خذ وخل خطيييييييييير
ووحدة مقلعة وبس بعد يجنن
والموضوع بعد حلو
تراني ماني من الفئتين اللي مسموح لهم الدخول بس باقول اللي عندي

حنا طبيعتنا جافة
وزيادة نستحي (الله واكبر)
وبعدين ماتعودنا ان اهلنا يقولونها
واحسها تصنع
<<<<--------اكبر مثال على الموضوع
بس لو احبه بيفهم من طيبتي واني اسمع كلامه واحشمه
يعني ماابيه يقولي يا عيوني ولو طلبت شيء قالي لا او اهاني او مااكرمني واكرم اهلي

او انا اقوله يا حياتي واذا طلبني مارديت عليه او فشلته قدام خلق الله
هالاشياء زيادة بس الاساس على المعاملة

والله انا مع الناس العاديين ما اقول هالكلام
اللطافة في كلامي في كلمة لو سمحت
واذا احد طاح او انكسر يعني شيء جااااااامد قلت يا حياتي
وفي النادر في النادر ينكسر خاطري على نفسي واقول يا حياتي يا انا

تسلم على الموضوع ونور الاقلاع بوجودك

فلـونه

16-06-2001, 22:59

طبعا موضوع رهيييييب من جد...
وعلى الوتر....
صحيح...
ياليت مانستخدم هالكلمه الا في الرومانسيات..
بعضهن يستتخدمونها...في الهواش...ليه يابعد قلبي ...تحسب مالي اهل يسنعونك؟؟؟ :(
وهلم جرا.....
ياليت يكون فيه رومانسيه بين الزوجين...
وحب ....
موب تنافس من الاقوى..ومن يمشي كلمته :(
انا اعتقد ان هذا من كلا الطرفين...
وصدقني لو بدا احدهم....بيتاثر الثاني....
ويعطيك العافيه :)

وحده مقلعه وبس

16-06-2001, 23:20

هلاااااا بعزيزي عمو ابو علي ( ماتبي تقول حبيبي عشان ماتجي يباه وتوريها شغلها :D )

يابعدي والله يايباه ايه تسذا ياحبيلتس ..سلم لي عليها .. وقلها ثابري والى الامام :) :)

خذ وخل مير الله يسلمك .. والله انت الي ردك حلو وزين وبيني وبينك ردودك كلها دايما تعجبني :)
المدغبجه ياحبيلتسسسسس ياختي والله انتس تهبيلن :D

العم ابو علي

17-06-2001, 20:18

*** شوق الصحارى .. الغالية
يقول الأولين ( الله لايخلينا من حكمهم ) التعليم في الصغر كالنقش على الحجر والتعليم في الكبر كالنقش على الماء) .. بعبارة ثانية وانا عمتس : لاتحاولين ولاتحاول أمتس ( الله يخليها لكم ويعينكم عل برها ) تعديل حنتس أم علي ، قدها وزت على ماوزت عليه .. وحافظتس الله .

*** الغاليه ست البيت السنعه ..
أما انتس بنتي ، فان كانتس كبر (يبااااه أو أختها اللي أكبر فمايخالف أصير أبوتس ، وأما أم منيخل فهذا اللي الله عطاها ، من وين تجيب الحتسي الرومانسي وهي ماعمره شافت الحياة الرومانسية ، بل انه حتى اللى يصيفن في كان وباريس ويشتن في ماليزيا من يختمن ختم الدخول للمملكة تنتهي علاقتهن بكل الحلا اللي شافنه .. ماأقول وانا عمتس الا رحمتك يارب ، الا على فكرة دامتس ست بيت سنعه ، وشلون يقلون البيض عيون ، وحافظتس الله .

*** الغالية المدغبجه ..
وانتي أغلى وانا عمتس .. أما ان هالكلام تصنع ، فلاأظن هذا بين من تمت تربيتهم عليه ، وغالبا يرتبط بالموقف ، والا لماذا تقوله الأم لولدها اذا كان فعلا تصنع مع ان العلاقة بين الأم وولدها هي أصدق وأعمق علاقة في الوجود، يمكن يكون الموضوع تصنع الى حد ما بين الخطيبة وخطيبها إذا كانت ممن يتمسكن حتى يتمكن ، ولكن اذا كان هذا هو أسلوب البنت ( أو الولد) في غير الموقف الخاص بمكالمته لخطيبته أو (من هو على الخط الآخر من التليفون ) فأعتقد أنه لن يكون متصنعا ، وعلى كل حال حتى لو كان متصنعا ، فأنت تلجأين له في تدريس بناتك الطالبات وقد تصل بواسطته المعلومة أفضل من وصولها بدونه ، معليش وانا عمتس ، أحس اني طولت ، وملغتها .. سامحونا ، وحافظتس الله .

*** الغاليه فلونه ..
اين أنت من زمان ، حياتس الله في ضيافة عمتس ، ترا وانا عمتس الحتسي الزين رين لو بالهواش ( والزين زين لو هو قايم من منامه ) أما الرومانسبية بين الزوجين فليتها تكون مهوب بس بين الزوجين وانما بين كل اثنين تربط بينهما علاقة قرابة ،وصدقيني لو كان الكلام الحلو موجود لانتهت ثلاثة ارباع مشاكل العالم ، وحافظتس الله .

*** وحده مقلعه وبس ..
ترا وانا عمتس يباااااه بدت تسن ظروسه عليتس ، وحتى أم علي غارت من حتسيتس ، وانا حمر خدي من الحيا ،وأشكرك على مدحتس لظيوفي ، وانتي بعد ردك يهببببببببببببببل ، وحافظتس الله .

it's me

17-06-2001, 21:18

عمى ابوعلى.. :) سلااااام.. :)

رجعت ثانى لموضوعك..
لانى شفته تحول ..من بحث عن حل..واسلوب لحياة الطف..

الى ياس..من كل النوعيات...واتهامات..

وكنت اتمنى لو اجد افكار او حلول..او تجارب...
لان الموضوع رائع ومهم كالحياة ذاتها... :)

برايي... :)
المراة اللطيفة تظل لطيفة..ايا كانت جنسيتها...
ومن اى بلد كانت..

واكرر مرة ثانية ..الكلام اللطيف عدوى...
والمعاملة الحلوة بين الزوجين عدوى...
والمثل يقول...
جبل على جبل مايتلاقوا... :)
يعنى لو كل واحد ينتظر الثانى يبدا..
مارح يتلاقوا ابدا...

والمراة الرقيقة...
لما تحس من زوجها التقدير للطفها وكلماتها الحلوة..
وتعاملها الحنون معه...
اكيد رح تستمر... :)

والمراة القاسية...لاتلين الا بمعجزة...

واظن اللى يريد شيء لازم يبذل جهد من اجله...
فالرجل اللى يحب يسمع كلام لطيف من زوجته بامكانه ان يلهمها.. :)
والمراة ان احبت ان تسمع الكلام الساحر من زوجها بامكانها ان تلهمه... :)

وسلامتكم...

الـــهـــوولـــــه

18-06-2001, 18:15

بسم الله الرحمن الرحيم

السلام عليكم ورحمة الله وبركاته

العم أبو علي / آآآآآآآآآآه لو تدري وش أثر الكلام الحلو والذرب والطالع من القلب في تغيير انسن لا والله تغيير مجرة بكاملها..

المخرج واحد .. اذن

والله لو تدري وش كثر تتمنى الزوجه تسمع هالكلمه من زوجها كان ......

آآآآآآآىه لو تدري وش تسوى عندها هالكلمه اللي عندها كلمه حلوه من أبو عيالها أحسن من خاتم ألماس تتعايقبه..

الكلمه الحلوه سحر ...سحر ...سحر

خذوا نصيحتي

;)
:p
<IMG SRC="cwm37.gif" border="0">
;)
:p
<IMG SRC="cwm37.gif" border="0">
;)
:p
<IMG SRC="cwm37.gif" border="0">

أختكم الهووله

العم ابو علي

18-06-2001, 20:09

*** الغالية إتز يوووووو ..
حنا وانا عمتس ماختلفنا على أهمية الموضوع وأهمية البحث عن حلول ، ولكن المهم من الذي سيعلق الجرس ، ان جينا للبنت قالت وليش هو مايصير لطيف ، وان جينا للولد قال ورا ماتبدا الأمور منها ، واللطافة مثل ماقلتي طبع ولكنها يمكن تكون تطبع أيضا ، يوم كانت أم على حامل بالبنت الكبيرة في ديرة العم سام كان يقول الدكتور المسي بطنتس واحتسي عليها ، طبعا الحتسي ( باعتقادي ) ماراح يوصلها ، ولكن الهدف هو تعويد لسان الأم على الحتسي الزين مع ولدها أو بنتها ، ولذلك تلقى الواحد منهم قبل مايتكلم مع ولده يقدم عشرين كلمة حلوة ، غدينا وانا عمك نربي عيالنا على ذرابة اللسان ، وحافظتس الله .

الغالية الهوله ..
يقولون في قصص الأولين ان حدا الملوك شاف بالحلم ان سنونه طاحن ، وكل ماسأل أحد المفسرين قال له ان أهل بيتك واقاربك يبي يموتون ، والملك كل ماسمع هالحتسي زعل وأمر بالمفسر ليسجن ويعزر به ، أحد المفسرين استدعاه الملك لتفسير الحلم وكان قد علم بما حصل لزملائه ، فما كان منه الا أن تهللت أساريره وهو أمام الملك وبدا مبتسما وهو يقول للملك : ياصاحب الجلاله أنا سأقول لك خبرا لاأسعد منه لك وهو بشرى لكل شعبك ، سيكون عمرك طويلا جدا الى الدرجة التي لن يجاريك فيها أحد من أقاربك ، ان الدولة سعيدة يامولاي بأن خيرك وفضلك سيعم عليها كل هذا الوقت .
ترى .. هل قال غير ماقاله الآخرون عن الحلم الذي شاهده الملك ، ومع ذلك فقد كوفئ من الملك وقربه اليه في حين عوقب الآخرون .
نفس القصة وانا عمك على الذي فيه ماء حتى المنتصف .. هل هو كوب فارغ نصفه أم كوب مملوء نصفه .. مخرج الكلام واحد يابنت اخي ، والكلام يمكن أن يقال نفسه بطريقتين ، فلنختر دائما اطريقة المقبوله والكمستساغة .. ترى .. هل نحن لها ، وحافظتس الله .

سميّ النور

18-06-2001, 22:19

<center>
:D هـــــــــــــــــــــــاي عمـــــــــــــــــــــــو :D

<-------- ملقوفة ثانية جاية بلا دعوة :D
<-------- يعني مهيب من ذولا ولا من ذولا <IMG SRC="cwm13.gif" border="0">

بس إن عندي حتسيتين ودّي أقولهن ..

أول شي ياعم .. قسم بالله إذا قريت لك موضوع والا رد .. أحس فيه مقدار هائل من الدفء - حتى أنا بينبسط علي نفطويه - :D
من جد يا عمي .. أحس إنك عمي "صدز" يا عمي :) :) :)

المهم .. كلامك حلو .. وصح .. وأتذكر إن إتز مي قد كتبت موضوع مشابه عن التعبير عن الشعور .. وإظهار المودة بعضنا لبعض .. وكان موضوعها مثل موضوعك هذا .. قمة في الروعة .. وتفاعلوا معه الأعضاء بشكل كبير .. مثل هالموضوع الحلو ..

عقب هالهذر كله .. بقى أقول رأيي .. واللي أشوفه أنا - منيب عاقله صدز - إن طبيعتنا تميل للجفاف .. وتربّينا تقريباً على التحفظ في إظهار المشاعر عموماً .. ولا تنسى إن كثير من الأزواج مثلاً يحرص على إخفاء شعوره تجاه زوجته عن أهله وربعه .. عشان يفتك من التعليقات اللي مدري وش تبي؟ :D ويمكن هالشي يخلّيه يتعوّد على "كبت" التعبير عن هالمشاعر .. بما في ذلك أمام الأولاد .. عشان ما "يخقون" عليه عند أحد ويتفشل :D وهالكلام طبعاً ينسحب على معظم الزوجات ..

نجي لطريقة التعبير .. أنا أشوف - برضو منيب عاقلة - إن طريقة التعبير ما هو بالضرورة إنها تكون بالكلام .. أو بمعنى أصح باستخدام كلمات مثل "حبيبي .. حياتي " لأننا من كثر ما نسمعها بالمسلسلات والأفلام "حامت تسبودنا" منها .. أنا عن نفسي ما أحب هالنوعية من الكلمات لأنها "مستوردة" .. وتعجبني كثير كلماتنا المحلية الدافية .. اللي ورد كثير منها في كلامك أو كلام بعض أخواني وأخواتي في ردودهم ..

لكن الأهم في نظري إن التعبير عن الشعور يكون بالإيماءات .. ابتسامة دافية .. نظرة حنان .. "طبطبة" على الظهر في لحظة ضيق .. هذي كلها أساليب لإظهار المشاعر ولا أروع منها ..

وباختصار .. لو عوّدنا أنفسنا .. وربّينا أولادنا على التمسك بقوله صلى الله عليه وسلم (( الرفق ما جُعل في شيءٍ إلا زانه , ولا نُزع من شيءٍ إلا شانه )) أو كما قال عليه الصلاة والسلام ..
لو تعوّدنا على كذا في كل أمورنا .. ومع الجميع .. بتصير الدنيا غير .. وبتصير حياتنا غير .. وما ننسى أبد دور الكلام الحلو .. لأن الكلمة الطيبة صدقة زي ما كلنا عارفين ..

وربي يخليك لعينن ترجيك يا عم :)
ونشوفكم على خير

<----- هذا رد والا موضوع؟؟؟؟؟؟؟ :mad:

</center>

العم ابو علي

25-06-2001, 21:15

سمي النور ..
أولا ياهلا بالدوادمي واهله ، وانتي والدباب أغلى أهله بالساحة غصبن عن أم عزيز ..
ثانيا .. والله ان تعليقك كان أحلى من الموضوع ، وغدينا نشقلبهن .. أخلى الموضوع تعليق ( بعد التحينات ) وتعليقتس موضوع ( بعد الشيينات ) ..
ثالثا .. البيت بيتس ( بس ماهيب الدعاية حقت مصر ) وتشرفين أي وقت ، وادعي ربي انه يضمتس لطائفة هؤلاء ثم هؤلاء قبل نهاية هالصيف ، آآآآآآآميييييييين .
رابعا .. أما الإيماءات والطبطبة على الظهر ( وخلافه ) فيمكن تكون أصعب من كلمة ياروحي ويابعد حيي وبقية أفراد العائلة ، وأما الهدايا فهي تخسر ، واذا ماخسرت واجد فثقي ان ام العيال تبي تهديهن للضعوف لأنهن مايليقن له ، كأن المقصود من الهدية هو هد الجيب وليس التعبير عن المحبة ، ولذلك فيجب أن يكون في تربيتنا لأطفالنا ( والا حنا راحت علينا ) الإهتمام بجانب اظهار الود متى ماكان موجودا والتعبير عنه بالكلمة المناسبة مهوب :
( حبيبي = حبك برص ، عيوني = عمت عينك ، روحي = راحت روحك ، تسبدي = جعله المر ، وهلم سحبا ) حافظتس الله ، وترى حارتنا مفتوحة لإبداعاتتس .

سلطان المنتدى

25-06-2001, 23:03

اخوي ابو علي

حياك الله ،،، موضوعك رايق و مسكت بعد

انا ما شفته من قبل انزل موضوعي الي يتكلم في فكرة الموضوع بس على اشمل شوي،،وفيه ردي على مثل هالحالات

فأسمح لي ادعوك تشاركني في موضوعي ،، ارعص تحت ولا عليك امر :)

جئت اكحلها عميتها (http://www.eqla3.com/cgi-bin/cgi/ultimatebb.cgi?ubb=get_topic&f=9&t=003442) :)

وتسلم اخوي على الموضوع :)

[ 06-25-2001: تم تعديل الموضوع بواسطة : سلطان المنتدى ]

مزكوم

26-06-2001, 00:10

هلا ابو على ( امون عليك ما اقول ياعم ) المهم انا اول مره ارد على موضوع بالجاده والسبب ان الموضوع بالمره حلو وصدقني فرحت فيه وسبب فرحتي ما هو بالمعاناة وانما وجود الاستغراب والتعجب من الجفاف في التعامل بين الازواج وليس السبب هو الزوجة فقط انما المجتمع ككل انظر كيف نعامل بعضنا البعض في اثناء المراجعات في قطاعات الخدمات العامه وانظر الى من حولك حين تتوقف عند الاشاره تجد نظرات حاده عابسه كأن هناك عداوة سابقة ولو تبسمت لاحد لقال لك خير انشاء الله فيني شىء يضحك او يقولك متى المعرفه يا أخ بينما لو تسافر خارجا تجد كل من تلتقي نظراتك بنظراته يبتسم لك واحيانا يحييك حتى ولو كنت غريبا وتستطيع ان تشاهد ذلك في بعض المستشفيات لذلك فالتعامل بين الزوجين تحكمه بيئة صعبة التعامل تميل الى العنف والله الموفق .

الطير

26-06-2001, 02:19

<center>-
يالله تعدلها عن الحيف والميل
ولا تميلها علي الناس كله :)
تصدق اني منزل موضوعك ذا بجهازي وقاريه وكاتب عليه الرد بالوورد وناوي اوديه للمميزه ويوم جيت ابنزل الرد مالقيت الموضوع استدار راسي مادري وين الموضوع
عموما خذ الرد والموضوع رايح للمميزه رايح الله لايعوق بشر بس ودي يقرونه الناس بالجاده شوي مدامي لقيته :)
==========
شوف ياعمي الحبيب :)
هات ورده واستمر تشمها لمده عشر دقايق
تبي تنبسط علي ريحتها
لكن لو حاولت تشمها بعد ساعه تبي تصير مانتب مشتاق لها
ولو حاولت تشمها بعد ساعتين مره ثانيه تبي تلقا نفسك مالك خلقها
-------
الحاصل انه كلمه حبيبي.....وحبيبتي واحبك وباقي هالحكي .
يفقد طعمه لو كررته واجد .....
مهوب مهم كم مره تقول فيها حبيبي
المهم .....
انها تقال في وقتها وتسكت .....وتتناساها .
:)
نسخه الي منتدى المواضيع المميزه لاني انبسسسسسسسسسسسسط
علي هالنوعيه من المواضيع الاجتماعيه :) <embed src="http://mypage.ayna.com/abbbba/MOMAEAZA.swf" menu=false scale=exactfit HEIGHT="150 " WIDTH="300" quality="high"></embed>
==================-</center>

السلطانه

26-06-2001, 03:19

الاخ العزيزوالعم ابوعلي..
موضوعك جدااا حلو وهذا بحكم اني عايشه مع امي وابوي........
وبقولك شيء واحد وباختصار على موضوعك انه لا هو البيئه ولا الصحراء ولا التربيه يأثرون على هذا الشيء هذا والله كله يرجع للشخص,وقلب الشخص وطيبته ونيته الصافيه والحلوه.......ان كان طيب ومخلص ومحب للزوجه او العكس صدقني ان لسانه ما راح يخلوا من هالكلام الحلو...
وصدقوني انه بمجرد النطق بهالكلمه الحلوه وتوجيهها للغير شوفوا الفرحه والشعور فيها.....
واخر شيءاقوله لكم انه كلمه حلوه مع بسمه حلوه بتصير الحياه حلوه واحلى.........
هالكلمه وهالبسمه ما راح تاخذ منكم ولا ثانيتين........
واعذروني على الاطاله الي بزعمي اني مختصرتهاااا
وتحياتي للعم ابو علي <IMG SRC="cwm7.gif" border="0"> <IMG SRC="cwm7.gif" border="0"> <IMG SRC="cwm7.gif" border="0"> <IMG SRC="cwm7.gif" border="0">

بنت نجد

26-06-2001, 03:49

<center>انا اذكر يا عم ابو علي اني قريت موضوعك من زمان بس اليوم يوم دخلته
مره ثانيه تذكرت اني مارديت :( :(
تدري عاد .. كلامك سليم ميه بالميه
لكن وش تسوي بالمثل الي يقول " من شب على شي
شاب عليه " يعني التعود له دور كبير في ان الواحد يستخدم من هالمفردات الحلوه الي تقرب النفوس وتحببها لبعض ..
ترى خاصه عندنا في نجد الكلمات الحلوه نستعيبها حيل ونضحك اذا سمعنا احد يقول لها :(:انا مره سمعت من وحده متزوجه تحكي وتقول ان رجلها يستحي يجلس جمبها عند اهله واخوانه ويستحي انه يقول لها من هالكلام ولا كان يخلونه مطنزه عندهم :( :( لانه عمره ماشاف احد من اخوانه ولا ابوه وامه يسوون كذا ..
ماقلت لك من شب على شي شاب عليه :( :(

تسلم يابو علي :)</center>

هذا أنا

26-06-2001, 23:18

ينصر دينك ياعم أبو علي ..
ذكرتني بالشاعر المتعوس اللي يقول :

ذكرت اسمك وانا مع زوجتي نايم
ولا فزيت الا يوم انها توطت في بطني ( نقطه ومن أول السطر )

ابقاك الله ناصحا وذخرا للعزاب والمتعزبين ..

( آخر السطر يسار ) وتقبل تحيات أخوك / عزوبي للآبد
;) ;) ;) <IMG SRC="cwm14.gif" border="0"> <IMG SRC="cwm14.gif" border="0"> <IMG SRC="cwm14.gif" border="0"> <IMG SRC="cwm20.gif" border="0"> <IMG SRC="cwm20.gif" border="0"> <IMG SRC="cwm20.gif" border="0">

الجلاب

27-06-2001, 00:07

ازيك ابو علي
موضوعك صرعني من حلاته
<====== مايعرف يقول كلام حلو :D
انا مره قلت لام جلب(حرمتي) ياحياتي قالت تكلمني يابو الشباب وضاع وجهي <IMG SRC="cwm32.gif" border="0">
ماتعرف الا احلللللى هناك و ياهوووه(حشا متزوج عربجي)
0
0
0واعتقد يالغالي ان الصغير بيقلد اللي عنده امه ابوه وكل اللي يحيطون فيه (مثل ماقالوا المقلعين اللي قبلي) طيب اذا كان الاهل ماتعلمو على كذا فكيف الصغير بيطلع بيطلع جلف زيهم0

رنومه

27-06-2001, 02:04

مرحبتين عموووووووو ابو علي

اسعد الله صباحك ومساءك :)

اعجبني موضوعك مرررررررره وقلت فرصه اروح اتفلسف فيه على ابوي وامي وبالمره احرج ابوي :)

دخلت عليه هو وامي وانا نافخه ريشي وكانو يشربون شاهي وسالت ابوي .... يبه ليه ماعمري سمعتك تقول لامي ياحبيبتي او ياعمري؟؟؟ :confused:

مالقيت ابوي الا ماد يده لفنجال الشاهي الي جنبه <IMG SRC="cwm24.gif" border="0">

قلت بس الحين بيصبخني فيه <IMG SRC="cwm25.gif" border="0"> <IMG SRC="cwm25.gif" border="0">

وانا امسك طرف ثوبي بهج :eek: الا سمعته يقولي .... رنومه صبيلي شاهي وانا ابوك :)

المهم قالي يابنيتي...... حبي لامك ماهو بكلمه حبيبتي وياعمري لانه كلام مستهلك..... انا ابين لامك حبي لها عن طريق المعالمله الحسنه ولاهتمام فيكم وبطلباتكم :) .... يابنيتي عمرك سمعتيني اصارخ على امك او ارفع صوتي عليها؟؟؟؟؟

قلت لا.......قالي: يابنتيتي الحب الحقيقي بالمعامله الحسنه مو بالكلام الي شبعنا منه

ضحكت امي وقالت.... اي والله يابنتي انا لاشترى ابوك شي لكم كنه شاري لي ولحبكم انتم كنه حابني انا :) .... ابوك يظهر حبه لي بحترامه لي ولاهلي

طبعا انا طاح وجهي :cool: ...... وطلعت اجر اذيال الهزيمه

تحياتي لك ابو علي :)

العم ابو علي

27-06-2001, 04:38

*** سمي النور وانا عمتس .. تراي راد عليتس وراسي مستدير من السفر ، ولذلك كثرت أخطائي الإملائية وغلطنا حتى بالدباب بنسبته للدوادمي وانا سامعه يحاتسي ابو رويشد ويقول لو ما خلق الله الا الدوادمي بالمملكة كان هاجرت عنه ، ترا انا مالي شغل ولا قلت شي ولاناب اعقّد شوش ، حافظتس الله .

*** سلطان المنتدى الغالي ..
لك علي وانا عمك سبعة اريل ، ابا أقرا موضوعك سدادا لهن ، بس مهوب هالحين ، غديه بنهاية هالأسبوع انشاءالله ، وتكون وقتها قد كبر راسك علي عقب مايرفعك ابو محمد وربعه ( الله لايخلينا منهم _ نفاق اجتماعي طبعا ) . وحافظك الله .

*** مزكوم الغالي ..
أولا وش يقرب لك ابو نشقه ,, تراي فقدته من زمان فتكفى سلم لي عليه وعطه منديل ( وواحدن لك إيضا _ تراه تكسر همزته بحارتنا _ وكلهن على حسابي اذا صرفوا حق هالإنتداب .) . مشاركتك مميزة وان كانت تبعد قليلا عن موضوعنا ، فما نلاقيه من معاناة في مراجعاتنا الحكومية له أسبابه اللي يدرسونا اياه بمعهد الإدارة ، طبعا وكل حتسيهم خرطي ، ولعللك تناقش هذا الموضوع فهو يستحق . وحافظك الله .

*** الشاهين الغالي ..
تسلم وانا عمك على هالتقدير .. أخجلتم تواضعنا وشفه مسيكين منكفي بجواري ، تراه عاد ضعيف كلش يدير راسه .. أما التشبيه بالوردة فقد لايكون متوافقا تماما .. فلم لاتشم وردة جديدة كل يوم بدل أن تكون نفس الوردة ، التشبيه قد يكون بدخول غرفة فيها بخور ، تشمه انت اذا دخلت للغرفة ومن ثم تتآلف معه وانت في الغرفه ولن تشمه الا اذا خرجت من الغرفة وعدت اليها ، وهذا لايعني انه غير موجود اذا كنت لاتشمه ولكنه بالتأكيد سيعطيك شعورا بالراحة والهدوء ، أرجو ان أكون قد أوصلت الفكرة واضحة ..
على فكرة ، وش عرفك بالكثيري ، عسى منتب حوطي بس .. حافظك الله غالي .

*** السلطانه الغالية ..
يقول واحد من شيباننا الله يمتعه بالصحة والعافية ان بغيت المطبخ فخذ سورية وان بغيت الدلع فخذ مصرية وان بغيت الديكور فخذ لك لبنانية وان بغيت الإخلاص فخذ لك سعوديه .. طبعا القضية نسبيه والتعميم فيها صعب ، ولكني أبصم بالعشرة بأن السعودية تحشم زوجها وتخلص لبيتها ، ومع ذلك فيابعد الكلمة الحلوة عن أغلبهن في تعاملها اليومي مع الزوج ، وعسى يجي اليوم اللي تتعلم فيه بناتنا الحتسي الزين مع ابو العيال . وحافظتس الله .

*** بنت نجد الغاليه ..
ماذكرتيه حقيقة واقعة خصوصا أمام الشيبان ، لأنهم ماعاشو الا حياة الغثى والفقر وصعوبة العيش وماعندهم وقت ولا مزاج لهالأمور ، ولعل جدتس الله يخليها لتس تعلمتس وش خطة عملها اليومية يوم كانت شابه، وكذلك جدك . على كل حال انتي ورجلتس ( أقصد رفيقتس ورجله ) مايقعدون كل وقتهم عند الشيبان ، وخليهم يعتبرون وهم عند شيبانهم انهم في مكان عام لكن اذا طلعوا عنهم يعودون للكلمات اللطيفة ، لأن هذا مهوب عذر . وشكرا على المشاركة ، وحافظتس الله .

*** هذا انا الغالي ..
اتحداك وانا عمك تصمل على العزوبية ، لأن الزواج مثل الشعير .. ماكول مذموم .. وسقراط يقول : تزوج يابني ، فانها ان كانت لطيفة أسعدتك ، وان كانت سيئة أصبحت فيلسوفا مثلي .. مثله هو طبعا والا انا مناب فيلفوس .. حافظك الله ( متزوجا قريبا جدا ‍‍‍ )

*** الجلاب ورنومة الغالين ..
معذرة ، اكمل بعدين لأني تعببببببببببببت . وحافظكما اللي ماتنام عينه , ;) ;) ;) ;) ;) ;) ;) ;) ;) ;) ;) ;) ;) ;) ;) ;) ;) ;) ;) ;) ;)

سلطان المنتدى

27-06-2001, 12:44

اخوي أبو علي

مشكور اخوي على تعليقك على ردي ،، و اعرف انشالله انك وسيع صدر :) ،، فتقبل تعليقي على ردك :)

أما موضوع السبعة اريل فأن ابيهن كاش أخوي :D

إما أن يكبر رأسي إذا رقوني رتبه ،، فأحب أقولك أني يوم قررت الاشتراك في المنتدى ما كان في ذهني هم الرتب ولن يكون :) ،، لان هدفي من المشاركة أعلى و أسمى من كذا ،،، أنا شاركت في المنتدى بهدف واضح و هو المشاركة والاستفادة ، و الإفادة و المناقشة الجادة الراقية

أما الناس إلي هدفهم التفكير في الرتب إلي ترز عند أساميهم :) ،، ما اقول إلا الله يكبر عقولهم و ينور قلوبهم بالأيمان :)

و الله يوفق أبو محمد وربعة على مجهوداتهم للرقي بهذا المنتدى إلى أعلى الدرجات وشاكرين لهم سعيهم الدؤوب في تطوير المنتدى :)

مقدر اخوي رحابة صدرك مقدماً :) ،، و مكرر تشرفي بدعوتك لقراءة موضوعي مرة ثانيه متى ما سمح وقتك أخوي :)

تحياتي

[ 06-27-2001: تم تعديل الموضوع بواسطة : سلطان المنتدى ]

العم ابو علي

27-06-2001, 19:43

*** نرجع الى ماكنا فيه ..

*** الجلاب الفالي ..
أجل أحللللللى ياهوووووه .. غدي اذا طلعوا عيالك الله يخليهم لك تكونون فريق كرة قدم وام جلب تصير راس حربه .. أما ماذكرت فقد قالوها في الأمثال ( الإبن مرآة أبيه ، وإكفي القدر على فمها تطلع البنت لامها ) صحيح ان اباءنا وامهاتنا ماقصروا معنا في التربية جزاهم الله خير ، ولكن آه بس لو هم مكملينها بشوية كلمتين عسل على عبارتين مربى على حرفين سكر غديها تطلع شيره بالعسل . وحافظك الله .

*** رنومه الغاليه ..
ياحبي والله لابوتس وياحليل امتس ، هذا طبعهم وانا عمتس ، لكن ليش الوالدة الله يخليها لتس قرنت بين التعبير عن الحب والشراء ، هل الشراء هو التعبير المكافئ للتعبير عن الحب ، واذا كان كذلك فيقولون الشراء على قدر المحبة ، ترا اللي ماعندهش قديش يحب مرته .. الله يخلى لتس شيبانتس ويخليتس لهم ..

*** سلطان المنتدى الغالي ..
تراي وانا عمك ماقصدت أجرح احساسك ، ولكن كل واحد يبحث عن الإرتقاء ، ولا حرج في أن تسعد به ، أما كبر الراس فهو للمزح فقط والا وش الفرق بين العضو الجديد والمراقب العام في المواضيع ، وكم من مقلع بقراطيسه غلب مراقب عام .. وأحلى مافي هذا الإقلاع انك تنثر ابداعاتك متساويا فيها مع اكبر راس في الإقلاع ولا يبقى الا الصحيح ( وأما الزبد فيذهب جفاء ) ومعذرة ان كنت فسرت كلامي بما لم أقصده منه وحافظك الله . :confused: :confused: :confused: :confused: :confused: :confused: :confused: :confused: :confused: :confused: :confused: :confused: :confused: :confused: :confused: :confused: :confused: :confused:

واحد على نياته

27-06-2001, 20:41

هلا بعمي

حلوه الدعايه اللي انت حاط عن المناطق

اما الموضوع شف وانت عمي وافهم مني بس اسمعني اذا امكن .

الكلمه الحلوه تصنع المعجزات ومعروف انها صدقه
بس صدقني الواحد يمل من الكلام اذا مالقى فعل

انا اقدر اعيش زوجتي في قمه الرومنسيه لكن بالفعل مافيه شي لان الكلام يمكن يكون مو طالع من القلب .

من كلامي ان الاحترام هو افضل من الكلام هذا مايعني اني الغي الكلام الحلو .

ومن المعروف عن مجتمعنا الحياء في التعبير بالكلام ومانلومهم لامهم تربوا على كذا
بس في الفعل يبان الحب الصادق من الاحترام والاهتمام بالزوجه .

واحب ابدي اعجابي برد المجد والاخت اتز مي
والباقين طبعا ماقصروا برددودهم .

وهذا رائي ياعم وابي منك النصيحه وتصحيحه اذا كان غلط .

ولك تحياتي

قصيمي بوي

28-06-2001, 06:55

الصراحة كتبت فابدعت و تكلمت فاجدت للاسف هذي فعلا حال اغلب حريم هالوقت الصراحة موضوع رااااااااااائع و طريقتك في القائه زادت من روعة الموضوع الى الامام عمي :)

مع تحياتي:

العم ابو علي

29-06-2001, 22:02

*** واحد على نياته الغالي ..
في حديث للرسول صلى الله عليه وسلم يقول ( ومنكم من يقاد الى الجنة بالسلاسل ، أو كما قال صلى الله عليه وسلم ) ومعنى الحديث واضح ، وهو أن بعض الناس يهتدي الى الله بالكلام الطيب ، وآخرون لابد من أن يضربوا حتى يهتدوا ، واذا تعودوا على الدين أصبح سلوكا في حياتهم وأخلصوا النية .. مثل ذلك يعمم على الكلمة الحلوة ، فحتى ان تعود الإنسان قولها مجاملة فإن لها موقعا حسنا في النفوس ، والحكمة تقول ( لاقيني ولا تغديني ).. فكر في ذلك جيدا وانا عمك .. وحافظك الله .

قصيمي بوي الغالي ..
الله يخليك ويخلي القصيم اللي أنجبت ( بويز ) مثلك ، وقد أخجلت تواضعي حتى صارت خدودي مثل ذا ( بس على لون داكن شوي ) !!!! :o :o :o :o :o :o :o :o :o :o :o :o :o :o

واحد على نياته

30-06-2001, 00:15

جزاك الله خير ياعمي

عمو نا ماالغيت الكلام بس كلت ان الفعل احسن من الكلام بحكم ماهو واضح من حيائهم في استخراج الكلام .

اما من ناحيه العباده بالكلام فالشهادتين تنطق .
وهي اول اركان السلام .

وهناك كلمه تلقي بصاحبها في النار سبعين خريف كما قال الرسول صلى الله عليه وسلم .

ولك تحياتي عمي ابو علي

الطير

30-06-2001, 22:02

<center> http://winmear.hypermart.net/eqla3/rayanmotamayz.gif </center>

قصيمي بوي

30-07-2001, 14:54

<table style="filter:glow(color=pink, strength=7,400)"><MARQUEE>للرفع</MARQUEE></table>
<MARQUEE> :) :) :) :) :) :) :) :) :) :) :) :) :) :) :) :) :) :) </MARQUEE>