PDA

عرض كامل الموضوع : جهاز السكنر ..و.مواعد البنات .(الي مايدري ان الجوا ل يلتقط حاليا يدخل ونحرصة)

maha_K_S_A
22-06-2001, 23:39
<center><font color="Navy">-جهاز السكنر ...وانواع مواعد البنات الي بيواعد يدخل..(الي مايدري
ان الجوا ل يلتقط حاليا يدخل ونحرصة)
لو تدري ان جهازك ....الجوال مسموع وش بتسوي...اصبر لاتتعجل.....
اكتب لكم موضوعي باللهجة العامية عشان
تكون اقرب لمسامعكم

اولا...أتمنى انكم تقدرون قيمة ماكتبة وطول موضوعي.......
طبيعتي دايم احب الجديد والتجديد ...حدث هذا ....يوم كنت في لمتوسط ....كنت البنت الكبيره بين خواتي.....وكنت من الاوئل بالمدرسة..واذا انتهت الدراسة.و جت فتره
الصيف والملل
نروح لخوالي في الرياض ...وكان عند خوالي
ملل غير طبيعي...وخصوصا في فتره الليل
اذا راحوا كل ابنات خالتي بيوتهم وقعدة لحاليأ ترجاهم امرحوا امرحوا(يعني
بالنجدي ارقدوا عندنا)....وطقني الجني..
.من مقابل ذا الدش اطلع وانزل 100 قناه
فوق والف قناه تحت .. http://www.netlaughter.com/images/blue_flower_md_clr.gif


..المهم نزل خالي
مره من المرات في اليل يضحك وقالي طفشانة
قلت لة: ايةوالله مره زهقت بس خلاص باقي شهر
ونرجع البيت قال اسمعي انا بعد يومين ماشي...ابروح اغير جو ويا الشباب..
.وش رايك اعطيك جهاز( السكنر)....... وتسمعين ..الي تبين ...
قلت وشوا ذا ...
قال:هذا جهاز يلتقط اي مكالمات تصير .
.وطبعا ماكان فية لاجولاات ولا يحزنون ..كلها اتصالات فضائية ... يعني عباره عن هوائي او
زي مايسمونة الكشخة (لاسلكي)..
قعدت اقولة شلون وكيف..المهم قالي ابطلع
الحين بس ذكريني ..اعطيك اياه قبل ماقفل غرفتي..
قلت لة زين .....
المهم قعدت افكر بالموضوع ذيك اليلة وش
بيصير وش ابسمع صحيح زي مايقول خالي
هبال وناسة ,,طيب ياربي عسى مااخربة ,,,,وشولون اولعة واطفية ..
يالله هو بيعلمني اكيد ..........
المهم
جاء اليوم المنتظر سافر خالي....وحرصني
علية بعد ماعلمني وشلون اتفاهم مع
الجهاز وكيف انة يلتقط مكالمات الشرطة ومكالمات الهيئة ومكالمات تضحك ....

المهم ........
في اول يوم ماشغلتة ...خفت تشوفة امي عندي وتدبجني وتقول وشذا الجهاز ...
المهم ثاني يوم بعد ما الكل راح يخمد ...
جبت الجهاز وشبكتة ومديت السلك والانتل الي
صقع السقف&gt;واجيك افر بالهالقنوات ...
..ياطالعة &gt;يانازلة ..واطيح لي في مكالمة
اثنين يكلمون بعض ...
هلا محمد ...
هلا خالد .....
علومك يارجال .....
بخير ابد ......
وينك ابد جايكم انتم وين
حنا عند ناصر امش عندنا ,,
اوكي جاي
(طبعا المكالمة هذي كانت من تلفون السياره
وهي مكالمة عادية جدا ولا شلون التقطها الجهاز)
وانا اقول بنفسي ياربية ياهم عيال نعمة ..
وبديت استنتج كيف هالمكالمات تصير وكيف
ينقل من سياره لسياره ومن بيت فية هوائي
الى سياره...المهم
وافر المحطة ,,,وتجيك موجة رجال الشرطة ....
يالله شرررررررررطة ..واخا ف و الله واقول عسى مابلش خالي وتصير علينا مسالة قانونية
=========è متاثره بشكل عشوائي
المهم قلت لا لو فية شيء كان قالي خالي ذا الموجات لا تجينها ..
المهم واقعد اثبت الموجة والحقها من مكان لمكان ..
والغريب....الي سمعتة كان فعلا هو الشيء
الي خلاني احس ان الناس فعلا غبية ولا هي دارية اصلا ...انة في جهاز مايجي كبر يدك يطلع
فضايح البشرية,,,,,,,
واكتم انفاسي وانا اسمع لما اهالني
ماسمعت
(يابن الحلال الرياض فاضية والشوارع خلا
ماعندك احد ..)&lt; = = = =سياره الدورية
الظابط :قايلك يابن الحلال ..اجازه مااااااااااا افية لين تخلصون ذا الدفاتر
الي معكم ,,,
ولا تراك بتدور بذا الشارع لين يقولون بكره خلصت الاجازه ....
(طبعا المقصود ...بدفاتر:دفاترالمخالفات
على قطع الاشارات واللوحات وهلم جرا..من
شغلات العيال الي كل واحد منهم مايمر من
شارع الي يمسكونة ويمحطون بة..حول وراك
تقطع الاشاره..ياخي الاشاره فاضية...وبعدين
حر وشمس مافية احد ..حول حول يالله همن
الحجزززززززز دايركت ...===&gt; تحس بمعانات العيال(رحوم ذي) ..وخصوصا وقت الصيف فراغ وومابة الا فرفره وتمشيط بذا الشوارع...)
طبعا قعدت اصيح ......من جدهم هذولي......
....
واقلب الموجة ....
الا اسمع صوت لجة وصجة وبنات وهباااااااااااااال وضحك بصوت عالي ...
طبعا صوت بنات ...يدقون عود .....وهستره
طبعا القصة في البداية كانت معقده بالنسب
لي بس بعد اسبوع كامل اتضحت القصة كاملة لي,,,,,,,
بعد محاولات مريره عشان افهم وش الي يحدث
مع هالبنات الي كل مافتحت السكنر حصلتهم يضحكون ,,,وعلى الطرف الثاني مجوعة شباب يقدمون برنامج ...
طبعا مافهمتوا ...,
اوكي...
القصة ان هذولاء شباب فاضي وعيال نعمة .....لااني كنت اسمع المكالمات
وكانوا يتخيلون ان محد يسمعهم او انهم
يدرون ان فية ناس تسمع بس بصوره قليلة وخصوصاان محد بيعرف شخصياتهم ........
ولكن كنت انا اون لاين =========&gt; بدا
التاثر بالانترنت
طبعا كانوا يقدمون برنامج اسمة (فوق هام السحاب) طبعا هذا برنامج لا مسؤلة عنة قناه
ولا تدري عنة مؤسسة او دولة او حكومة ,
,,هذ برنامج لة وقت هم مخترعينة وبرنامج
مضبوط من جد يجيبون في منوعات واغاني
واخبار وحركات...
هذؤلا شباب مجانين ,,,,كانوا يقدمون بث
حي على الهواء....
بحيث يتصل فيهم مجموعة كبيررررررره من
البنات
والشباب ويطلبون اغاني او قصايد ...
طبعا ...انا كنت افكر اني اتخيل ......
بس ل..طبعا...اطلع كل شيء حقيقة ,,,,وكانوا يعطون الناس ارقامهم .....وارقامهم كانت
مميزه وملفتة للنظر ..
&lt; = = = == = = تحب المميز (ماشافت خير)
طبعا الكلام هذا قديم ...بس الي لفت انتباهي........
اني اخذت الرقم لااني كنت ابغى اتصل
واتاكد هل هذا البرنامج حقيقي وكيف قدروا يصوغونة بهذا الشكل....
بعد فتره يومين ..تقريبا ..سمعت الشباب
يكلمون بتلفون السياره (طبعا هم حاطين
السياره بالسور ...=الحديقة=باالملحق... افهموها زي ماتحبون )
وكانوا .... منزلين تلفون السياره في المجلس.... طبعا اي شخص يكلمهم.. احنا
نكون له سامعين ..يعني لحد يفكر انة بيتصل ..... ومابنسمعة ... وخصوصا
ان الا ظهار ماكان موجود.... ولحد يدري من
انت
طبعا شوي ..... الا اسمع ..... التلفون الي عندهم يرررررررن
وبنات يطلبون قصيده لبدر بن عبد المحسن ......واولاد وتصفيق ...ياااااااهووووووووه
وبصراحة ماكان في هالبرنلمج شيء مو كويس .
.كل شيء كان في السليم لحد الان,,,بس برظوه الواحد يخاف..
المهم..قلت انا خلني اسجل الرقم وكان رقم
بيت عادي ولاهوب صفر ولاشيء ..قلت..خلني اطلب اغنية ..
&lt; = = = = = = = = تسوي نفسها عندها لاسلكي........عشان اذا سمعها احد ..يصدق
هههههه
خصوصا ان برنامج عادي ويجيبون جلسات بالعود لمحمد عبده تهبل ...
&lt; = = = == تقدر الفن الاصيل
المهم ... بعد يومين .... http://www.netlaughter.com/redneckletter.htm
دخلت غرفتي كالعاده .....ومديت السلك ووقفت عند الشباك عشان يصير الارسال قوي...
&lt; = = = = تحسب انها كل ماوقفت كل ماطلع الارسال قوي (قروية)
وطبعا كالعاده بداء البرنامج ...............وبشوق قاعده اسمع
ويرررررررن التلفون ..
ويرد واحد من الموجودين وكان عندهم اكثر من خط ..
وطبعا الولد هذا صوتة ماقد سمعتة في الفقرات ....ولا قد سمعتة يرد على التلفونات ..
(قعدت اقول لنفسي....يمكنة جديد)
طبعا ... سمعتة يقول الو ....
وكلمتة بنت
الو
(شباب وقفوا الارسال ) ===== &gt; هذا نايف يكلم

الشباب الي جنبة وشكلة طمررر بقوه الف حصان يوم سمع صوت العمة ...
الو
وينك نايف..؟.؟
نايف: مانمتي حياتي ..
لا ماجاني النوم ...استناك ....
....لحظ سكوت بينهم
طب اجي...
البنت :والله ودي بس..خايفة مدري شلون ....اخاف يحس احد بحر كتك ولا شيء
نايف:شوي بس ابشوفك وامشي..صدقيني دقيقتين ..محد بيلاحظ
البنت :اوكي
(طبعا اتضح لي ان البنت ماتدري انها على الهواء وانها اون لاين و مثلي الف يسمعون ..لااني انا شخصيا كنت اتخيل نفسي انا
الوحيده الي عندهاا سكنر وتسمع ).....&lt; = = = = كل شوي تعيد ذا الجملة من الصدمة اول
ماسمعت الارسال
المهم قالها خلاص انا جاااااااااااااااي هوااااااا
هي:اصبر
هو :لاتناقشيني مشتاقلك وابي اشوفك ..
البنت :ممممممم طيب بس انتبة لنفسك
هو :يضحك طيب روحي شوي يالله وانا بالطريق اكلمك تعطيني الوصف اوكي
اوكي.. http://www.netlaughter.com/images/blue_flower_md_clr.gif

هنا اول ماقفل انقطع الارسال ....وظليت ابحث عن الموجة ظننا مني اني فقدتها ...وكل ماسمعت مكالمة ...اغلقها واقول
ابرجع بعدين بس اهم شيء ابي اعرف وش يصير
طبعا بما ان القاقة مقطعتني .....قعدت اقاوم النوم
المهم ... رجع الارسال يوم بدا يتصل على مطعم ويطلب فطور لشخصين ..
وكانت الساعة خمس ونص تقريبا ..وماحاصل محل بانكيك ورجع يتصل على ربعة ويقولهم يعالم
وشذا جنوب الريا ض ولا مطعم فاتح ماعندهم الا سندويشات فلافل وكبده .
. &lt; = = = = = =اية مايمديك والظهر مافية
الا بوادي قرصان وجريش
بعد وش عندك بعد
والعيال ماخذين الموضوع بمززززززح مرررره
وينكتون معة
&lt; = = = = = = اموت واعرف على مين تجي الفواتير ...ياربي
(تصدقون الظاهر ان فواتيرالسياره رخيصة اية
بس ليتهم يرجعونها كان ازين ...من الجولاات وشركة الاتصلات )........
المهم وترجع البنت وارجع احوس على الموجة ...
البنت بدات تعطي الوصف ..يمين ثمن يسار ..ايوووووه
شفت هالمبنى خذ يسارك .....همن يسار ثاني....
والبنت كل مالها تقرب وتقرب وتقرب على حينا ................ http://www.netlaughter.com/images/blue_flower_md_clr.gif


وانا متنحة وبما اني اعرف الشوارع شارع
شارع ..
&lt; = = = = = من كثر الدواره والله
دريت انها قريبة مننا في الحي بس ابي اعرف
من وين بتجيب الولد لااني ابي اعرف البيت وين بلي هي بة .....والي يصير يصير ولواطق العباية و اطلع الشارع ...
المهم انا خلاص طمرررررررررت يوم وصل لشارع الي ورانا
(يالله وش هالصدف وش هالعجب وش ذا الحظ ابشوفة )
&lt; = = = = = كان تفكيرها سطحي بصراحة تبي
تشوف اشكال الي يواعدون ..

قلت خلاص هذا قرب خلني اطلع انادي بنت خالتي الي نايمة فوق ..وااقولها خل نطل .عليهم
&lt; = = = = لااني كنت خايفة اغامر لحالي ,..

&lt; = = = = = من جاب طاري المغامره ...صدقت ماوكلي ...(ياحبنيلي لنفسي) http://www.netlaughter.com/images/blue_flower_md_clr.gif


المهم واطلع وانا قلبي مع الجهاز ...
واروح اصحيها.....طرفة طرفة ...طرفة
يالله قومي شوفي وش سمعت
وخري عني...
المهم ادركت ان مافية فايده منها......
قلت خلاص خلني اروح ...... اطل لحالي
واجيب جهازي واشبكة ...فوق ...وفجاءه معاد فية ارسال ادو ادور ادور...وماحصلت شي..
وفجائه ..يرجع الارسال ثانية

&lt; = = = =كم قالت من فجاءه ذي ياربية تفاعلت مسيكينة
المهم .....
معاد سمعت الا يقول طيب تاكدي اخاف انزل
والقى احد عند الباب.....في وجهي &lt; &lt; &lt; ==== نايف
قالت اصبر..طب اصبر انت اكيد عند بابنا
الا طاط طاطاط
يعلق بالبواري
انا ماصدقت نفسي
(كاد ان يغمى علي من هول الصدمة) http://www.netlaughter.com/images/blue_flower_md_clr.gif


&lt; &lt; &lt; = = = = نصابة كان ودها عشان تطل من
صدق هالحين
البواري هنا هنا هنا جنبنا
واجيك وافتح الشباك ...
وماحصلت شيء اجي يمين اجي يسار ماش
(القصر شين واللقافة اشين )
واحط طاولة الكوي واطمر.........عليها
بس برظوه القصر شيننننننن
قامت قالت اسمع اجل تعال مع الباب الي وراء...هنا اذا وقفت سيارتك على الشارع
العالم كلن بيشوفك ...واخوي يمكن يطلع لدوام بعد شوي
تعال من وراء في النافذ.....
ودقايق الااااااااا.
الا ذاك الروزززززززز......الاحمر
وينزل كل ذاك الطول,,,,,, وفعلا انصدمت
اول مره اسمع صوت قلبي يرجف طق طق طق
يالله....... فعلا الولد جاء ..وبيدخل البيت .....وحزنت فعلا ....
بس مابيدي حيلة ...
وانقطع الارسال ...... ششششششششش
واحزن حزن شديد ...
كيف ..وش بيصير بعد شوي....البنت جنبنا الله يستر لاتكون الهئية تسمعهم ..
ولااول مره ..اتمنى عدم فعل الخير قلت ان شالله محد يكبس عليهم وتروح البنت الضعيفة.....
واظل انتظر عند الشباك ..لمده ربع ساعة طلع الولد..وركب السياره وطللع يده ..وعطاها شريط ....واشر بيده..يودعها .. ..ودق ريوس ..وطلع من النافذ.....(وماكنت اشوف الا ظهره بس واضح انها جازلت له ولا ماعطها شريط
من اول مقابلة)
&lt; = = = مسكينة هي بس وقفت على الاشرطة اه بس الي محد قد عطها لو كوره ...
طبعا من هنا نبدا شوي جد ياشباب وشابات المنتدى...
يالله ...موقف حقيقي يجسد حدث وهو من الاحداث النادره لاانة لو احد قاله لي مابقتنع بس فعلا احيانا تكون هناك اشياء واقعية في زمن اللا عطف .....
وانتهى الموقف ورحت انا ولا حاولت ارجع
لموجتهم ثانية لاانة يتضح ان الشخص هذا كان شخص غير عادي واعتقد انه من (هوامير)
الممكلة ( الهامور المقصود بس ليس انواع
السمك بس هو نوع من انواع البشر ولكنهم يتميزون بكثره القرنقش ...ومأالى ذلك من السيارات مثل سياره ابو الشباب الي توه داخل حارتنا )

وجاء خالي يعد يومين ليسترد جهازه بعد
ماقضيت علية شهر كامل في متابعة اغرب
احداث ومستويات المغازل .....

(ليكن علىالجميع مايلي: عدم التشكيك في مصداقتي لاانها قصة واقعية ولا تسالوني عن كيف حدث ولماذا؟؟وكيف لم يعلم احد عن وجود هذه الاجهزه وكيف لم تعلم الهئية ...بوجود ...مثل هذه التخطيطات )
واقول لكم علمي علمكم ..
ولدي الكثير من الاحداث الغريبة والمضحكة .... وبعضها محزن وكلة من قضايا السكنر..
.واحتفظ ببعض التسجيلات لبعض المكالمات ..
لااعلم لماذا بس كنت احب اسجل واسمعها في وقت فراغي خصوصا ..مكالمات ...الشرطة ...
بس لحد يبلغ علي .....
لاانهم بيفشلونكم ويقولون ياقدمكم ...
(لاانة اصلا الموجات هذي تشفرت وانتهت وصارت موضة قديمة بعد حلول اجهزه الجوالات ..والانترنت ...)
فالفضايح نازلة نازلة بكل مكان ومحد يسد نور الشمس ..... http://www.netlaughter.com/images/blue_flower_md_clr.gif


عموما ...

لو تعلمون ان اجهزه الجوالات ...من (نوكيا وموتريلا ...واريكسون ..بكل الاصدرات وبكل الانواع...تلتقط ..
عبر جهاز جديد نازل في الاسواق الامارتية ....
وطبعا انا شفتة بام عيني عند ابو صديقتي ...جايبة من الامارات تهريب...)
ابي راي كل واحد ووحده خصوصا الجنس الناعم
نبي رايهم ..لاانهم ان طلعوا اكثر نزلت لكم رقم الجهاز ووين ينباع في الرياض...وكيفية تشغيلة وكيفية تشفير الاجهزه..والسؤال الي
يطرح نفسة. وبصراحة .....
هل ستترد في استخدام الجوال عندما تعلم ان الألف مثلي يستمعون اليك مثل ماحدث معي في
قصة السكنر.....؟؟؟
الجواب ليكن من احد هذه الخيارات
1. لا اتردد ولا يهمني (وجه بن فهره)
2. اتردد قليلا واختصر المكالمة على
قدر
الامكان(حريص يخاف احد يعرف صوتة )
3. ابدا ابدا لااسمح ولا اسمح لااي شخص كان
يسمع مكالمتي.. ولا استخدم الجوال بتاتا
(يفصل الجوال ويستقبل المكالمات على الماسنجر)..
&lt; = = = = مجلة سيدتي ههههههه
اذا حبيت تعرف انت من اي فئة طب محيفره
ونق الجواب الي يعجبك وانا ابعطيك تفسير شخصيتك .....
&lt; = = = = = =..... فوزية سلامة....
ودمتم جميعا لي... http://www.netlaughter.com/images/happy1.gif




-</font></center>
=========

[ 06-26-2001: تم تعديل الموضوع بواسطة : الطير ]
KsaVip
23-06-2001, 01:54
سلام موضوعك با المره يحووول الواحد
بس كله كوم وكلمه (..ودق ريوس )كوم ثاني
خذ و خل
23-06-2001, 05:33
<font color="Blue">

:) :) :)


بصراحة طريقة عرضك جدا جدا شيقه

و أنا مستغرب مافيه الا رد واحد على هالموضوع الرهيب.


سرد رائع و جميل.


و موضوع فيه موعظة بطريقة حلوة.


سلمت يمينك يا مها

و شمالك بعد ( لاني حاس انك تكتبين بالشمال :) )

تحياتي
</font>
شيخ العيارين
23-06-2001, 05:47
ونعــــــــــــم..............التربية!!!!

فعلا

" كل اناء بما فيه ينضح"
maha_K_S_A
23-06-2001, 12:32
<IMG SRC="cwm23.gif" border="0"> <IMG SRC="cwm23.gif" border="0"> <IMG SRC="cwm23.gif" border="0"> <font color="Red">نا معصبة ...عليكم ...</font>
<font color="Blue">vip ksa &gt;&gt;&gt;&gt; لا تدق ريوس علينا بس ..اقول وين ردك ...ماشفنا معارض ولا مؤيد </font>
<font color="Blue">خذ وخل .......تسلم بس مدري ليش محد رد علي....بس انت بعد وين ردك</font> :mad: :mad: :mad:
<font color="Blue">شيخ العيارين ... مادري بس شكلك مافهمت وزي الي فوق وين ...الراي</font>

http://mypage.ayna.com/maha_k_s_a/MAHA.jpg
الطير
23-06-2001, 13:15
<center>=من حقك تزعلين .......
موضوعك رائع جدا جدا .
عنوان جذاب ومثير .... واسلوبك بالكتابه مميز بالصدق والعفويه والبساطه
والاحداث كتبتيها بتسلسل ورشاقه نادره وخفه دم ماشاء الله عليك الله لايضرك .
وانتي كنتي صريحه وذكرتي تجربتك بالتفصيل
وهذي ايام مراهقه ......وتجربه انتي تعلمتي منها الكثير ......وهالجهاز الصغير اعطاك تجارب ومعلومات .......اكثر من التجارب اللي ممكن يشوفها الانسان بعمره
وانا عن نفسي . اذكر قد سمعت اشرطه مسجله من سكنر .... قبل كم سنه .
اذكر ..... كانت تحزن وحالتهم حاله .
كلهم ناس يتهاوشون وحزانا
ومشاكل متشابكه
:) :)؛)
موضوعك فيه تجربه صادقه ....ومميزه
انا سمعت اشرطه من سنكر بس اعترف لك اني ما اقدر اكتب الكلام اللي سمعته بالاسلوب الجذاب اللي انتي قدرتي تنقلين فيه تجربتك
لانك انتي موهوبه فعلا
وموضوعك ان شاء الله يبي ينتقل للمميزه بس لازم نسوي له دعايه .....
ونبي عليه ردود اكثر من الاعضاء وان شاء الله .
تبي تشوفين ردود اكثر واكثر
:) :)
بس صبرك علينا :)
واتمنى اشوف لك ردود اكثر واكثر بالجاده
علشان الاعضاء يعرفون اسلوبك المميز ويتشوقون يقرون لك مواضيع اكثر واكثر
=</center>
نوافي
23-06-2001, 13:33
تدرين محد رد لانك جديده واسمك مو معروف ؟ هذا هو السبب بكل بساطه :D

عموما موضوعك اكثر من رائع ومثل ماقال اخونا الطير العفويه هو الشي الي يميزك ..

تستاهلين المميزه وبالتوفيق :)
المــجــد
23-06-2001, 17:51
<center>حيالله مها ...

هلا بيك ...

نورت ..
قصة رائعة ...

بالنسبة لرأيي ...

&lt;==== (يا لقافته قالت الجنس الناعم )

الواحد يحاول ما يكثر في الكلام ...

وما يتكلم في حاجات خصوصية ...

تعرفي ...

واحد صاحبي اشترى جهاز من أمريكا ..

يشبك فيه سلك التلفون ويشبكه في التلفون ...

يرفع سماعة التلفون ويضغط الرقم اللي يبغاه ويقعد يسمع ...

حتى لو مو جوال ...

الله يستر علينا ..</center>
maha_K_S_A
23-06-2001, 21:19
<font color="Red">لطير...والله ثم والله تعبت في هالموضوع ..والتعب في اني اكتبة عامي لااني لو بكتبة بفصحى كان اسهل ومختصر كثير..وبعدين ... مالحظت احد عطاني راية .بصراحة تعتبر المشكلة هذي عويصة بقووووه وعلى العموم مشكور يكفيني و ردك ...</font><font size="4">على فكره .. ياريت تقول لنا تجاربك مع السكنر ..بطريقة هذي تدعم ..موضوعي بالادلة والشهود ..&lt; = = = تبي دعايات وبس.ههههههه..</font> وشكرا من جديد http://mypage.ayna.com/maha_k_s_a/MAHA.jpg
maha_K_S_A
23-06-2001, 21:28
الاخ نوافي.... مشكور عزيزي ....
وفعلا عشان انا <font color="Red">newwwwwwwwwww وبقوه</font>

المجد:تسلم ياربي..هنا المشكلة والخوف ان الناس تسمع كلامك ..وحتى لو كان كلام عادي ..الله من الفشيلة وطيحة الوجة لو يسمعك اي احد وحتى لو كان الموضوع اقل من عادي ..فية احراج مو هين ...وشكرا لك ولقرائتك ...
فتوته سكر
24-06-2001, 00:18
والله انك ضيقتي صديري اختي مهاااااااا
وجع عسى مالقطو جوالي بس ..
&lt;========= كنها تكلم احد ماتكلم الاالسواق عشان يجيبها (بخيله )
اجل شكلي بقط الجوال واشتري بيجر اريح ... عسى ماطلعو جهاز يلتقط البيجر بعد .. اعوذ بالله عسى مايطلعون جهاز يلتقط التفكير بعد .
انا وتوقعيعي الي كبر البعير وخرو بس اروح اغيره .. تشاو
هـايـدي
24-06-2001, 00:34
<font color="Green"><center>
هلا مها

مشكورة اختي على هالموضوع :) :)
بصراحة انا سمعت من زمان عن هالحركة
بس ماسمعت بأذاني هالاشياء...هذا أولا

ثانيا
بالنسبة للي قلتي عليه انهم يبثون
مثل برنامج على اللاسلكي
انا شفت مثل هالقصة في فيلم وعجبتني الفكرة كثير :D :D

وثالثا
بالنسبة للاختيارات
مافي اتصال بصديق ولا رفيق :D :D
لاني ماراح اختار ولا واحد
لاني مااملك هالجهاز <IMG SRC="cwm4.gif" border="0"> <IMG SRC="cwm4.gif" border="0">
وعلى فكرة مصدقة انا القصة
وترى ماخفي اعظم <IMG SRC="cwm4.gif" border="0"> <IMG SRC="cwm4.gif" border="0">

&lt;==== عاجبتها القصص كثير ودها تسمع بنفسها
مع تحياتي لك :D :D :D
</center></font>
جودالحزن
24-06-2001, 02:20
مسااااااء الخير اختي ......مها ...... :)
موضوع رائع جدا ..... انا تعجبني مواضيعك بس احس انك تتكلمين بسرعه مرررررره عشان كذا مااقدر اركز .......حبه حبه ....ولا ترى مواضيعك دايم رايقه :)
اما بالنسبه لو يسمعون مكالماتي الناس فاتوقع اني باختصرها مررررره لاني بنت ومااظمن حركات ضعاف النفوس :mad: ممكن الواحد يسمع سالفه في الجوال بين ثنتين صديقات ويقوم بعدين يزعط قدام احوياه .....فلانه تعرفني واعرفها ويعطي تفاصيل دقيقه لحياتهم ...... وهذي حصلت لوحده قبل كم سنه كان عندها سيناو وكان يسمعها بالسكنر...
يعني الحذر واجب :mad:
maha_K_S_A
24-06-2001, 16:15
فتوتة سكر..شكرا لك اختي...وان شاءالله مايسرقون افكارك الحلوه ...
============
هايدي:اولا انا قلت قولوا رايكم فيما لو احد سمعكم موب لو كان عندكم جهاز ..وبعدين اصلا هم قلة الي عندهم مثل هالاجهزه ...
ياحليلك بس...
وبعدين لا تستغربين اختي مثل هالقصص ياكثر الفاضين والخبول الي يحبون يسجلون ..
بس ان شاءالله محد يسمعك ولا يسجل عليك ...حتى لو انك قايلة ...(حطوا الغداء) :D :D

=================
جود الجزن :يشرفني الف وجودك وردك ..واهتمامك ..بعدين وش دراك اني احكي بسرعة ...يالله شكلك تسمعين باذانيك ماتقرين ..
&lt; = = = تنكت البنت
وفعلا لو نضمن هالحركة ...بنختصر وبس
واذا اتصلتي على احد وقالك من تبين ..قولي ابي بنت فلان ولا تقولين اسمها عشان ماتفضحينها ..
وان قالوا لك من نقولها قولي..كلمة سر بينكم مثلا ..قولي(ازعط&lt; = = = عجبتها الكلمة
وتسلمين ياروحي لااضافتك ..
:D
sweet_zozo
24-06-2001, 16:40
اختي مها السعوديه....
جميل جدا موضوعك..واسلوبك مشوق..صحيح لورتبتي القصه ولونتيها كان بيطلع احلى لكن على العموم هي حلوه...
انا ماعندي شي اقوله لكن حبيت ارد عشان تعرفي اني قريت موضوعك وعجبني فتتشجعي انك تبذلي المزيد والافضل...
الله يبارك فيكي والى الامام...وانار الله طريقك :) :)
...وترى من راقب الناس مات هما :D
والتجسس حراااام :D :D
سلااااااااااااااااااااام :)
من اختك اللي متحمسه تقرا مواضيعك زوزو :D
maha_K_S_A
24-06-2001, 16:56
سويت ...ممممممممممم
ارتب الموضوع اجل...
طب هذي صعبة مره ...لااني اتعب نفسيا ويدويا ..
ويدي يد بشرية ...
وبعدين انا مو ملقوفة ..الموقف يشدك غصب عنك ..ولو اني مابري نفسي..وهذي طبيعي فيني
&gt; = = = تعترف بالحق
بس كان عمري صغير وقتها ..وبعدين كويس اني شفت زي كذا ..
هذي اعتبرها تجربة انسانية ..قوية لي...
عشان تعرفين غدر الشباب والعيبهم ..
وشكرررررررررا الف لك ..
:D :D :( :(
untame thoughts
24-06-2001, 16:59
<center>قسم بالله أحس وجهي صار كذا <IMG SRC="cwm31.gif" border="0">
يعني فيه أحد يسمع مكالماتي :eek: &lt;&lt;&lt;&lt;&lt; مهيب تخنبق أبد
الله يستر بس..
بس إذا وحده مضطرّه زي حالاتي وش تسوي..
يعني أتكلم بالألغاز أحسن لي :( :(
الله يعينّا بس</center>
maha_K_S_A
24-06-2001, 17:18
المزيونة ....نبي نشوفك ... تقولين لصديقتك ... ن. م. س
نوره محمد سعدني
لوووووووووووووووووول
هذا سر وشفره تتفقون علية ..
ولا ازيدك من الشعربيت
اذا توصفين للمطعم تقولين.. تعال عند المقهي الي بالعلياء وبنجي ناخذه منكم من قريب..
عشان لحد يشوفكم تطلبون بالليل يقولون بناتهم قليللا حيا ومحد يعرس عليكم ..وتعنسون ..
اية احنا كذا بالسعودية تبون ولا ترا السودان فاتحة البيبان..
&lt; = = = شعرررررررر
ياربية ياحبنيلي لنفسي بس
هيكل عظمي
25-06-2001, 10:04
مهــــأ انتِ مقلعة جـــادة رائـــعة استمري ونحن من ورائكِ :D

اي والله ما شاء الله عليك اسلوب انيق وخفيف دم .. اقراْ وانا متكي ومبتـسم مثل ذا :)

وأنا اخترت الاجابة هذي :


&lt; = = = = مجلة سيدتي ههههههه ..... صح الجواب :D
maha_K_S_A
25-06-2001, 15:58
;) ;) <font color="Red">أجل عضو هيئي المستشارين أجل وانا اقول بس..ياربي موضوعي قام يسوط سوط</font>
لا موب مجلة سيدتي ياجعلك الي منيب قالية بس
اقول وراك مااخترت اي اجابة هاه
زين ياهيكل ..
جعلي اسمع مكلمتك ..واسجلها زي ماسويت وانا ام 14...
نشوف..
:mad: :mad:
هيكل عظمي
25-06-2001, 22:41
&lt;--- بدري عليك تفهمين لغة هذا :D

:D

:D

:D

اختار الاختيار الثالث حلو كذا :)

&lt;------ تراه يحسبه سحب على جوائز :D
ست بيت سنعه
25-06-2001, 23:44
انتي بس لو شفتيني وانا اقرا موضوعتس تسني معتس
وتسني انا اللي لابسة عباتي وتسني انا اللي راقيه فوق طاولة الكوي
بس مالتس علي حلف انه الموضوع الوحيد اللي شدني بالاسلوب ذا اقول لتس كل ما اقرا صطر اقدم وجهي زيااده
خخخخخ
الله يوفقتس
maha_K_S_A
26-06-2001, 04:39
هيكل... اعزك الله اخي المسلم وانار بك كل الهياكل اخوانك ..انت نعم المثال الجيد والخوف على مكالماتك السرية ...

ست بيت ..اه بس على طاولة الكوي..يافي رجلي شلخ هذا كبره ....من كثر النط والتشقلب..
الله يعين بس...
يالله ورينا شطارتك ...واطبخي لنا زدر مرقوق
ههههههههه انكت
الـ.سارح
26-06-2001, 06:47
روعة :rolleyes: :p <IMG SRC="cwm37.gif" border="0"> <IMG SRC="cwm37.gif" border="0">
روعة :rolleyes: :p <IMG SRC="cwm37.gif" border="0"> <IMG SRC="cwm37.gif" border="0">
روعة :rolleyes: :p <IMG SRC="cwm37.gif" border="0"> <IMG SRC="cwm37.gif" border="0">
روعة :rolleyes: :p <IMG SRC="cwm37.gif" border="0"> <IMG SRC="cwm37.gif" border="0">
روعة :rolleyes: :p <IMG SRC="cwm37.gif" border="0"> <IMG SRC="cwm37.gif" border="0">
روعة :rolleyes: :p <IMG SRC="cwm37.gif" border="0"> <IMG SRC="cwm37.gif" border="0">
روعة :rolleyes: :p <IMG SRC="cwm37.gif" border="0"> <IMG SRC="cwm37.gif" border="0">
روعة :rolleyes: :p <IMG SRC="cwm37.gif" border="0"> <IMG SRC="cwm37.gif" border="0">
روعة :rolleyes: :p <IMG SRC="cwm37.gif" border="0"> <IMG SRC="cwm37.gif" border="0">
روعة :rolleyes: :p <IMG SRC="cwm37.gif" border="0"> <IMG SRC="cwm37.gif" border="0">
روعة :rolleyes: :p <IMG SRC="cwm37.gif" border="0"> <IMG SRC="cwm37.gif" border="0">
روعة :rolleyes: :p <IMG SRC="cwm37.gif" border="0"> <IMG SRC="cwm37.gif" border="0">
روعة :rolleyes: :p <IMG SRC="cwm37.gif" border="0"> <IMG SRC="cwm37.gif" border="0">
روعة :rolleyes: :p <IMG SRC="cwm37.gif" border="0"> <IMG SRC="cwm37.gif" border="0">
روعة :rolleyes: :p <IMG SRC="cwm37.gif" border="0"> <IMG SRC="cwm37.gif" border="0">
روعة :rolleyes: :p <IMG SRC="cwm37.gif" border="0"> <IMG SRC="cwm37.gif" border="0">
روعة :rolleyes: :p <IMG SRC="cwm37.gif" border="0"> <IMG SRC="cwm37.gif" border="0">
روعة :rolleyes: :p <IMG SRC="cwm37.gif" border="0"> <IMG SRC="cwm37.gif" border="0">

والله حلوا كثير

موضوع متعوووووب عليه

الله (يخليتس....لهلتس)

تحياتي
السارح
رايقه
26-06-2001, 07:08
هلا اختي موضوعك جدا رائع والله يعطيك العافيه
بنسبه لي ماراح اترك استخدام الجوال لاني
عارفه نفسي ماراح استخدمه بشي يشوه سمعتي
علشان كذا ماعندي اشكال ان احد يسمعني
بس يتاكد اني ماراح احلله الى يوم الدين

تحياتي ....
مضيّعة
26-06-2001, 07:52
والله روعة روعة روعة :D بس تعالي بقلو لك شي

ولحد يسمعني :( قربي بعد لا يجي مراقب ويطردني

<IMG SRC="cwm6.gif" border="0"> علميني من وين تشترين خفة دمك؟!!!

انا كلما كتبت موضوع رموني بالماصلة :(

وتسلمين هلى هالموضوع فعلا موضوع هادف وحلو :)
maha_K_S_A
26-06-2001, 17:53
شكر شكر شكرا السارح ..
بس وين الراي؟؟؟؟

<font color="Red">رايقة ..عين العقل ..فعلا ..اذا اي احد بيسمع وكل من هب ودب..علىالدنيا السلام</font> وشكرا لااضافتك

مضيعة..نعنبوك ....وش تبين اكثر من خفة دمك ..
اسمك بس ان قريتة معت عيوني..
الله يهديس وينس مضيعة فية ...
اركدي بس...ياعادل امام انا
...هاهاه
وشكرا لك ..


:D :D
هذا أنا
28-06-2001, 23:38
أختي مها ..
يعطيك العافيه .. على هالموضوع الشيق .. والصياغة الأشوق ..

تراني حبيت أرد عليك قبل مايروح موضوعك للمميزة .. همن يكبر راسك علينا ..

وعندي كلام كثير أباقوله .. لكن اخاف يسمعونني أهل السكانارات مثل اللي تقولين عليه .. والا يلقطونني ملاقيف الانترنت ( ربعي وانا ابخصهم ) .. علشان كذا أباقول : .................................................. .................................................. .................................................. ...... ويعطيك العافية .


مع تحيات تسجيلات كارا فون /خالد

<IMG SRC="cwm20.gif" border="0"> <IMG SRC="cwm20.gif" border="0"> <IMG SRC="cwm20.gif" border="0"> <IMG SRC="cwm20.gif" border="0"> <IMG SRC="cwm20.gif" border="0"> <IMG SRC="cwm20.gif" border="0"> <IMG SRC="cwm20.gif" border="0">
maha_K_S_A
30-06-2001, 02:55
<font color="Red">هذا انا ..تشكر جدا جدا جدا جدا..وانت الاروع بس ماظن موضوعي يروح المميزه بيقعد عندكم هنا</font> وتسلم للاضافة وان شاءالله محد يسمع مكالماتك
بنت نجد
30-06-2001, 04:14
<center><font color="Blue">عزيزتي مها السعوديه
اسلوبك مقلع من جد , يا انا تمزعت ضحك على كلامك ههههههههههه
اسلوبك شيق وممتع بشكل ‍‍
هنيا لنا وجوده وحده بابداعك هنا بالجاده
وانشالله نشوف لك كم من موضوع بنفس هالتميز
عيني عليك بارده والله ..
من حسن لاحسن انشالله , :) :)
وبالنسبه لي ماعمري اهتميت اذا احد يتسمع على مكالماتي ولا لا :) :) ههههههههههههه

تسسسسلمين على هيك موضوع ;)</font></center>
قرن ابليس
30-06-2001, 04:51
اول شي
الموضوع شيق جدا ومن اول سطرين ما قدرت ارفع عيني لين خلصت من اخر رد
وما اخبي عليك احس ان حرب البسوس قامت براي
:D :D
الموضوع مره طويل بس يستاهل
ما شالله عليك اسلوبك مره حلو فالصياغه
وما قصرتي
وانا متأكد انك افدتي الكثيرين بهالموضوع
الى الامام ;)
مقلع مهوي
30-06-2001, 18:55
<center>
<font color="Red">السسسسسسسسسلام عليكم عن بكرة ابيكم

هلا وغلا وخيتي مها

شوفي والله اني شايف موضوعك منذ مبطي
بس مدري ليه ما شدني ........
تعرفين يمكن عشان ما أعرف الا السكنر
حق الكمبيوتر
وهذي فاقعة كبدي ما عرفت لها الا بعد جهد جهيد
المهم يا ستس احلى شي عجبني
داق ريوس هههههههههههههههههههههههههههههههههههههههههههههههههه ههههههههههههههههههه
منتي بهينة ابد شكلك تسوقين في الحوش...

والله الموضوع يجنن
انا عارف انك بتتفلسفين علي وتقولين وين تعليقك
بس احب اطمنك
انا وجه ابن فهره هههههههههههههههههههههههه
وتعرفين ابن فهرة بعد لالالالالالالالالالالالالا منتي هينه ابد
تعرفين انا ما اهتم حتى لو صادوني لاني ما اقول شي غلط
وهذا الرد المناسب لموضوعك
كل واحد يتكلم بادب في التلفون
ولايهمه ايش يصير بعدها

اوووووووووووووووه بغيت انسى اهم شي
كم الرقم ذا واللي يرحم والدينك
عندي كم اهداء ابي اهديه لاعضاء الجادة
والم بي سي اف ام مشغوله على تووووووووووول
ومغسي بكو
باي

</font>

</center>
maha_K_S_A
30-06-2001, 22:12
بنـــــــــــت نجد ...تسلمين ..ياقلبي وانتي الي مميزه
.واشكر دعمك واهتمامك ...
وا نشاءالله انال اعجابكم ..
وبيني وبينك ..الي مايخاف ..هو الي مايقول شيء باسلاك التلفون
&lt; == = بس الي تحش بصديقاتها تخاف احد يسمعها
&lt; = = مالها خاتمة ..
شكرا لتواصلك
السيسبان
01-07-2001, 12:59
الاخت مها السعودية

الاخوان ماخلو لناكلام نقولة
والموضوع مهم ويبيلة جلسة
انامرة سمعت مكالمة الهلال الاحمر
واحد عندة مصاب ويبيهم يجون
واعدوة في محطة بنزين يقولون بيتك وصفة صعب

والجوال براحتهم يتسمعون على كيفهم
اهم شي ما يعرفون اسم امي :D

اللة يوفكتس

شكرا
maha_K_S_A
02-07-2001, 23:40
دايم الشوق... تسلم ..واشكر أنك دعمتني ..
معنويا .. كني ودي اصيح
&lt; = == سودانية كله تتشكى

مقلع مهوي.... هاهاها
منتاب صاحي
اي سكنر... عسى تقصد الي تحط فية صور
هاهاه
&lt; = == قروية
وبعدين مانيب معلمكت الرقم كود تسمعني وانا اكلم احد وتنقل وصف البيت
اخبرك عاد شراني ...
هاهاه تسلم
السيسبان.؟؟؟ اي ماركة الاخ ..
&lt; = = مهيب تاكل شي ابد
لا خل عنك الهلال الاحمر... مو طبيعين
زين مايقولون انت تعال بس
هههاهاه
وتسلم لردك
الطير
03-07-2001, 13:12
<center>-هذا الموضوع المفروض يروح للمميزه اول مانزل بس فضلت انه يبي بالجاده شوي علشان نجذب اكبر عدد من القراء للجاده :)
موضوع ما يندم من قراه من اول سطر الي اخر سطر :)
http://winmear.hypermart.net/eqla3/rayanmotamayz.gif -</center>
لي الفخر
14-07-2001, 08:00
الله يامها انتي فعلا فنانه في السرد والبساطه اسلوبك جدا رائع وصدقيني هذا اول رد اكتبه ي هالمنتدى انتي فعلا عجبتيني وحسستيني اني عشت الموقف كله معك تهبلين وانا اختك تهبلين ، :eek: