عرض كامل الموضوع : سعيدان متى تحس اني انسان
سعيدان هذا موجه …يقول سعيدان كشخت بثوبي الكويتي وطقيت بنت البكار( اللين صاحت )…و رحت لاحدالمدارس …. يوم دخلت لقيت باب الادارة مصكوك والمدير مابعد جى … قعدت عند الباب مادريت الا بواحد من المدرسين جاي ثم قعد يناظرني والتفت على الطلاب الي قاعدين في الساحه وقال لهم من اللي جايب هاالعمل الفني … تقدمت له ومسكته بيدي اليسار ورفعته على الجدار قدام الطلاب وقلت له العمل الفني جابته امك … جو المدرسين وفكوه مني … وشوي اللين المدير جاي … دخلت عليه وقلت له انا موجه العلوم الجديد …وين دفتر التوقيع … قال سلم اول … قلت متى المعرفه احسن تعال صور معي (مايبغى يعطيه وجه؟؟)… ويوم وقعت قال طيب حط الوقت … قلت له مامعي ساعه … قال الساعه 6.45 … سجلت 11 قال ليه قلت كذا بس عناد وش عندك اشكني احسن … يوم توني بطلع من الاداره قال شكلك منتاب موجه ... وين اوراقك التي تثبت انك موجه … طلعت مفاتيح السياره من مخباتي وذبيتها عليه وقلت تلقى المباشره في درج السياره … وينقص من الاشرطه شي ابهد وجهك(اصلا مافيه اشرطه) .
وصار عندي الحصة الاولى احياء … ومدرس الماده ماجى ... قلت خل اعطيهم انا الدرس رحنا للمعمل ...كان عندهم درس عن تشريح الضفدع …. والضفدع هذا اخترناه بالذات نجاسه … ليش عايش في خير ومياه واكله عنده(خلهم يحللون هالخير الي هم فيه) …. قعدت اشرح لهم انه لازم اول نبنج الضفدع … وجبت البنج وحطيت الغرشه كلها للضفدع وماتبنج …. وقلت لهم ابستخدم الطريقه الجديده في التبنيج … الي هي طريق (السنتوب ) … حطيت الضفدع في الا رض … وقلت لواحد من الطلاب افقعه برجلك … وفقعه وصار كنه مضراب كيرم… وقلت للطلاب هاللحين … نشرحه …. روحت واحد من الطلاب لغرفة الرياضه وجاب طرنبه وتفخنا الضفدع … وفتحنا بطنه … وطلعت لهم شي مدور يناقز … وقلت لهم كاني منيب واهم ترى هذا القلب … وترى مهوب تاكيد بس انا مشبه … عطيته واحد من الطلاب وقلت امسكه معك لايضيع … بعد كذا طلعت لهم المعلوق حق الضفدع … ووريتهم اقسام جهاز المعلوق … ثم طلعت لهم المرير ووريتهم وشلون يحوسون مرير الضفدع ….وقلت لهم خذو راحتكم كل واحد يلعب في مريره شوي .. انا مبنجه … واذا تحرك او سوى شي لواحد منكم انا اعرف وشلون ابنجه واخليه يندم انه دافع عن نفسه …. وطلعت لهم البنكرياس … وقلت لهم هذا زود … يعني وجوده مهوب لازم …. ولازم نحرم الضفدع منه علشان مايتهنى بالخير الي هو فيه … وهالخطوط البيض هي الاعصاب (قالها وهو يقطعها ) … هالحين شوفوا خليته يفقد اعصابه … بعد كذا يالله خلونا نرجع كل شي لمحله … وكب القطع في البطن بدون ترتيب …وخاطه بدون اهتمام … ثم جا ب له نشادر وشممها الضفدع وصحى … قال واحد من الطلاب نسينا القلب ماحطيناه …. اخذ الموجه القلب ورماه في الزباله .
ـــــــــــــــــــــــ
ـــــــــــــــــــــــ
… والسؤال هل اصبح الكادر ذنبا يجب على المعلم تكفيره.
ـــــــــــ
ولماذا وصلت العملية التعليمية الى هذا السوء
ـــــــــــــــــ
انا كتبت القصه بعد ماجلست مع زميل مدرس ثاموي … وقال لي معاناته … فهل من المعقول ان تصل شخصية المعلم ووضع التعليم الى هذه الدرجة … ومن المسؤل !!!..
ـــــــــ
ارجو ان تكون القصه مفهومه …. وهي لاتتعدى وجهة نظر
<B><small><small>[ تم تعديل الموضوع بواسطة ابوبرغش يوم مايو 15, 2000]
[b]<small><small>[ تم تعديل الموضوع بواسطة ابوبرغش يوم مايو 16, 2000]
أبو عجاج
15-05-2000, 07:01
في الصميم يا ابو برغش ....
بس لاتنسى التنكة
------------------
_______________________
خذ فنجال ... وعلوم رجال
اقلــط تقــهو (http://www.eqla3.com/file/ubb/Forum7/HTML/000214.html)
_______________________
للتطعيس عند ابو عجاج اقلط
aboagag@yahoo.com
_______________________
تلقى الشور عند راعي الغنم
_______________________
مسيك بالخير والله يالساحه نورت زود بك
وجبت البنج وحطيت الغرشه كلها للضفدع وماتبنج ....(ابو برغش)
الا انت متأكد ان اللي بالغرشه بنج ؟؟؟؟
الظاهر انه لبن http://www.eqla3.com/file/ubb/smile.gif http://www.eqla3.com/file/ubb/smile.gif
الا طريقة السن توب هذاي تصلح عندنا هنا http://www.eqla3.com/file/ubb/smile.gif
المسؤل ؟؟؟؟ اسئل الدبش (وانتم بكرامه) اللي قاعدين ويتعاطون البيرقراطيه
------------------
من نقم الدنيا على المرء ان تصالي درو........( الهيئه افرغتلي التوقيع)
ابوعجاج هلا بك يالغالي التنكه والله تحت غترة اللي يحط هالقرارات
النشمي هلا بك ياالغالي ... والله لو يبنج الضفدع ... بمويت نار ان ماتبرد تسبودهم .
الزبده اني ابي اعرف وش رايكم في التعليم و شخصية المعلم وسبب انحطاطها
[b]<small><small>[ تم تعديل الموضوع بواسطة ابوبرغش يوم مايو 15, 2000]
عاصمه الوشم
16-05-2000, 04:51
يالله
ذكرتني بايام تشريح الحمام
امسكه بالجدار على طول الا وهو متخدر تقل سكران
------------------
احبك موت (شقراء)
معاكم منى911 سابقا
حالف ما أسلى ولا انسى حب ساره عاصمه الوشم (http://www.shagra.com) كود أهل شقراء يخلّون الصلاة
عاصمه الوشم : عضو موشوم بالذهب .
( هذي شهاده اعتز بها من تيزاب )
وفي قول اخر بعد التعديل :
عاصمه الوشم عضو موشوم بالذهب ومرصع بالالماس
( تم التعديل من قبل ستيف السماثا)
الـمـايـقـــة
16-05-2000, 08:06
ابو برغش هناااااااااا
يا هلا ويا مسهلا
انور المنتدى كان علمتنا نفرشه لك ورد احمر
نحط تحت الورد حيايا عشان يصير المسار لين وغظ زتراها مسالمه ما توذي
http://www.eqla3.com/file/ubb/smile.gif http://www.eqla3.com/file/ubb/smile.gif http://www.eqla3.com/file/ubb/smile.gif http://www.eqla3.com/file/ubb/smile.gif
خل عنك ما عرف لهم الا هالموجه الظاهر اني مشبهه عليه http://www.eqla3.com/file/ubb/smile.gif
------------------
على كف القدر نمشي ... ولا ندري عن المكتوب
المراقبه الجويه
16-05-2000, 16:46
ان كان السبب ...الموجهين
فويش المعيار اللي على أساسه يختارون...المقدرة العلمية ...الأقدمية....الواسطة والمعرفة..الطاعة للموجهين اللي قبلهم
والحقيقية ان تسعة وتسعين بالمية منهم يشوهون صورة الواحد بالمية الباقين http://www.eqla3.com/file/ubb/smile.gif
اما المدرسين ...فلا تنسى انه جاء وقت كان كل من قال معي شهادة وظفوه مدرس حتى لو كان (من جنبها http://www.eqla3.com/file/ubb/smile.gif) أو (رايح فيها http://www.eqla3.com/file/ubb/smile.gif) فصار كثير من البيئات المدرسية مهيب بيئات صالحة لرفع مستوى المعلمين بشكل عام
المدرسين ...عند اللي يهتم بأمر الأجيال ..من أهم العناصر في رفع وتنمية الأمم
خذ عندك اليابان ...على سبيل المثال...يخضع المتقدمين للتدريس لاختبارات وتصفية شديدة ...الين يختارون أقل من خمسة بالمية من المتقدمين ...
فالمشكلة في التأهيل ...خل عنك الخرابيط اللي ياخذونهن في كليات التربية اللي ماله سنع الا في التعيين على المستوى الخامس ...ولو ان هالبرنامج التربوي يقدم بشكل صحيح ..كان شفت فرق كبير....
كان تشوف المعلم ...يتعامل مع التدريس على انه رسالة ..مهوب منهج لازم ينهيه.....والاهتمام بدفتر التحضير..بدون الاهتمام بالطلاب
ولكن لاحظ ياخوي...ان الموجه والمدرس ...صار اهتمامهم بالشكليات
لو ..مثلا.. المدرس يعطي طلابه اهتمام كبير بفهمهم ونموهم وتحصيلهم..ولكن دفتر التحضير ناقص..تلقى الموجه ما يرضى عنه ..رغم ان المدرس وصل للغاية
ربما ...ربما ..ربما ..يكون بعض هالكلام اللي قلته صحيح..على الأقل من جانب من الجوانب
هل يعني هذا كل المدرسين تعبانين؟...لا
هل يعني هذا ان كل الموجهين ما عندك احد؟..هم لا
لانها لو خلت لانقلبت ...كما قيل ....او ..لو خلت لاختربت
والحديث ذو شجون...واسلم (لأخيك)المراقبة الجوية (بفتح القاف http://www.eqla3.com/file/ubb/smile.gif)
""""""
وكلما ازددت علما
ازددت علما بجهلي
""""""
وان عناء ان تفهم جاهلا
فيحسب -جهلا- أنه منك أفهم
مت يبلغ البنيان يوما تمامه
اذا كنت تبنيه و غيرك يهدم
الشيطاني
16-05-2000, 20:20
ابو برغش ياهلابك
اذا كان رب البيت بالدف ضارباً....فشيمت اهل البيت الرقص والطرب
وعساك سالم ماعندك الا من ذا واردى
دام المدير راضي بهالشي ومشتهي انه يحطم ناس فهذا اللي يبي يصير ويبي يظطرون المدرسين ياامانقل عن هالمدرسه والا استقاله اما مشو الطلاب وتركوه يفرحبه هو واللي على شكلته
والوجب انه يقم ويتسحت ويشافله بسطة بسوق الخضره
اصرفله وارحم للناس اللي تحته ان كان فيه من يوقفه عند حده
هذا والله اعلم
------------------
لي نفس حر... ماتبي مدنق الردى
[b]<small><small>[ تم تعديل الموضوع بواسطة الشيطاني يوم مايو 16, 2000]
شاصي 2000
16-05-2000, 20:35
ابو برغش وسع صدرك
والمدير هذا له رب العالمين
لكن هين هالمدير اصبر شوي يبي يقعد يهش ذبان ويتركونه كل المدرسين المتميزين
ويستقدم له صعايده بفيزة سباكين ويحطهم مدرسين (وشلون ماتدري)
وينطبق عليهم قول:-
ياشين السرج على البقره
------------------
اللي يبينا عيت النفس تبغيه... واللي نبيه عيا البخت لايجيبه
المدرس والله ازعجتونا بالمدرسين اهل الهبر والاجازات
كل اللي يصير في صالح العمليه التربويه
لو تجي لـ%90 من المدرسين ما يدرون وش تعريف التربيه
وين تبي من هذملا يربون اجيال منه من الزراعة ولا الاداب ولا المعاهد القديمه الداجه؟
------------------
ياما في السجن من مظاليم....وياما في منتدى الماصله من مميزه
ما يطيع الحريم الا الكريم.......ولا يهينهم الا لئيم
تشترون خشب ؟
استغفر الله
egla3@eqla3.com
بسم الله الرحمن الرحيم
في البدايه اشكر كل الي شاركو في الموضوع …. واشكر الاخت العزيزه على قلوبنا جميعا المايقه ..
ـــــــــــــــــــــ
ـــــــــــــــــــ
ياشباب افهموني انا ماكان قصدي مدير المدرسه ولا الموجه انا كان قصدي العملية التعليمية والمسؤلين عنها … انا كان قصدي ليش التعليم عندنا كذا… ليش المناهج كذا … ليش المعلمين كذا .
وباالنسبة لماكتبته / سعيدان هذا هو المسؤل عن العملية التعليمية … وحاولت احطه في صورة موجه لان الموجه هو حلقة الوصل (ان جاز التعبير )بين المسؤل والمدارس .
عندما دخل المدرس ورأى سعيدان امام باب الادارة قال وش هالعمل الفني … واقصد من ذلك ان المسؤليين عن العملية التعليمية اكبر مايشغلهم هو المظهر والشكل العام للعمليه التعليمية امام الآخرين فقط ويتجاهلون الجوهر .
عندما تحدثت عن اسلوب سعيدان مع مدير المدرسة كنت اريد ان اوضح ان اسلوب الحوار والمنطق والنقاش معدوم بين المسؤول والمدارس الذين يمثلون واقع التعليم .
عندما قال سعيدان كم الساعه وقاله المدير 6.45 ووقع 11 وقال عناد وش عندك … كنت اقصد من ذلك ان المسؤوليين عن العملية التعليمية يؤكدون بل يشددون على وقت الحضور في المدارس بينما دوامهم لايبدأ الا الساعة 11 .
عندما تحدثت عن الضفدع كنت اريد وضعه في عدة اشكال فقد يكون الطالب … فقد تبلد حس الطالب من كثرت المناهج ولم يعد يهمه عدد او كمية المناهج … بل ان الطالب اصبح حقل تجارب كالضفدع تماما .
وقد يكون الضفدع هو المعلم … وكلنا نعلم ما اصاب شخصية المعلم وقدرته على العطاء من فتور تسبب فيها تلك التعاميم الظالمة والتي جعلت المعلم كالضفدع المبنج الذي لايستطيع عمل شيء فليس له الا الصبر … حتى لايصيبه مااصاب الضفدع …
اعيد واكرر اني حزين على ما اصاب العملية التعليمية عندنا
فالمناهج في ازدياد وكانها في سباق مع الزمن
الطلبة في ضياع وكان ضياع الطلبة هدف يسعى اليه سعيدان
المعلم في فوضى فهو يعيش في فوضى لايحكمها بسبب اوامر سعيدان
المدير في خوف لانه مضطر لتطبيق جميع مايامر به سعيدان دون تردد او نقصان .
ــــــــــــــــــــــــ
هل تعلم ان المناهج وصلت الى ال18 منهج في المرحله الابتدائيه .. وهل تعلم ان المناهج في معضم الدول لاتتعدى ال7 مناهج .. هل تعلم ان دول العالم لايحملون الكتب والواجبات الى المنزل لانهم يقومون بكل شيء داخل المدرسه والذي يتيح لهم ذلك هو قلة المناهج .
ـــــــــــــــــ
لقد حاولت ان يكون الموضوع اكثر من جدي وذلك لان هذا المنتدى يتطلب ذلك .
فتى عنيزة
17-05-2000, 11:51
سلام
اولاًً : ابوبرغش انت مدرس (او مدير) وصار لك مشكلة مع موجه ولهذا كتبت هذا الموضوع .... انا صح والا لأ http://www.eqla3.com/file/ubb/smile.gif
ثانياً ... وثالثأ...الخ :وزارة المعارف هي المسؤل الأول لأنها شجعت في البداية واهملت في النهاية .... مدرسة ما فيها مكيف ايبرد ولا فيها برادة زي الناس ولا تلقى فيها وسائل تعليميه .... لكن المناهج تغير كل سنه ويجدع تقريباً(100000) نسخة لكل مادة لكل مرحلة دراسية لأن توقيع الوزير مهب عليه !!!!
وش نفسيتك وانت راتبك 4000 ريال والمدير يبيك تقط معهم عشان تصليح المكيفات وشراء كمبيوتر للمدرسة وشراء آلة تصوير وشراء مدري وشو ؟؟؟
ابعطيك خبر بسيط... واحد أجر مقصف المدرسة بدون ما يستأذن من الوزارة وسوى بالأجار اللي ما ينتسوى لدرجة انك تدخل تحسب انك بمدرسة خاصة... جاه لفت نظر من الوزارة ولولا حب الخشوم كان يمكن يسجن لانه تلاعب باموال الدوله وما اعطى الوزارة نسبتها http://www.eqla3.com/file/ubb/smile.gif ايه اتصدق ان الوزارة ياخذون عشرة بالمية من دخل المقصف http://www.eqla3.com/file/ubb/smile.gif.
انا ما بشرتك ... ولد عمي بالرياض... بحي الريان... الطالب اللي يدفع قروش كثيرة للمدرسة ينجح لو ما يجي... وواحد اعطى المدرس 5000 ريال واخذ 100 من 100 بدون ما يحل واجب ولا يفتح كتاب http://www.eqla3.com/file/ubb/smile.gif والسعوديين بدو يعطون دروس خصوصية ....
ابوبرغش .... الجيب يحترينا عند الباب ... ودك تركب عند الدريشة والا بجنب الظابط http://www.eqla3.com/file/ubb/smile.gif
المايقة عقب ما تقرين انتي وابو برغش هالرد.... ادعولي ان الله ايثبتن عند السؤال ( بس مادري اي واحد اللي بالدنيا والا بالآخرة)
تدرين....احذفيه وريحينن من هالدنيا http://www.eqla3.com/file/ubb/frown.gif
الحبيب الغالي فتى عنيزه تشكر يالحبيب على المشاركة ... وانا مانيب مدير ولا مدرس لكن العملية التعليميه تمس واقعنا وحضارتنا وووو وهي مقياس تقدم الامم ... وعلشان كذا حبيت اشارك ... واعتقد ان هالمنتدى قول على قول منتدى جدي ووضع لمثل هذه المشاكل .
وكل كلامك الي قلته صحيح 100%
ومشكلةالعمليه التعليميه ماهي مثل مشكلة الجوال او اي مشكله اخرى ... عدد فئه معيينه ...المشكله ان العمليه التعليميه وواقعها متضرر منها الجميع ... الام والاب والبنت والولد والمعلم والمدير ووووو جميعهم متضررين من مايحدث .
هل تعلم انهم يستطيعون حل جميع المشاكل التعليميه وذلك بالنضر لواقع المناهج ... فكيف يبدع طالب في الصف الرابع عمره 9 از 10 سنوات وعنده اكثر من 16 منهج !!... كيف يمكن لهذا الطفل الصغير استيعاب مايعجز عنه الكبار !!.. كيف تطالب هذا الصغير بفهم الرياضيات في ضل هذا الكم الهائل من المناهج !! .. متى يدخل هذا الصغير معمل العلوم !!.. اين المبدعين اين الموهوبين !!!.. متى نكتشفهم !!... هل تعلم ان معظم طلابنا يحفظون الرياضيات والتجارب العلميه وهم لايعلمون ماذا تعني !!...
كلما قلت المعلومات المعطاه كلما زاد الاستيعاب .. والعكس صحيح ... فمتى نعي ذلك .
الشيطاني
17-05-2000, 17:49
ابوبرغش ليت الدعوى واقفة على هذي وبس
الطالب فأر تجارب بكل مرحله تعليميه اليوم يحطون المنهج وباتسر يشلفونه
والا بالله شف المواد اللي منزيلنه غبيه بما تحتويه الكلامه من معنى .
المواد العلميه بدو يشيلون منها واجد بجحة الصعوبه والمواد الحشو ياكثرهن
بالله وش ترجي من وزاره قلبت الانضمه بغير حكم مسبق او خبره سابقه بالمنهاج
مايصدقون على الله واحد من منسبينهم انه ينزل كتاب الا يفرض ويدرس ويحذف المنهج اللي قبله دون ماتضعله الخطه التجريبيه المتبعه.
وشف بالله خرجيين الثانويه هالسنه اتفل بوجهي اما قعد 60% منهم بالبيوت وفرفره بهالشوارع وتسكع بهالاستراحات ومصخره وقلت حياواصبر وشف اللي يبي يصير لكن عسى الله يلطفبنا.
ابو برغش ماعندك مسؤل كفووو عن هذا القطاع حاس بالمصيبه الموجوده
هو اهم ماعليه اهله وعزوته والا مصلحةالشعب بحريقه .
وعلى قولتهم اراء شخصيه لازم تنفذ بحكم المنصب والمكانه الاجتماعيه
وتطبيل ربعه لهمايجي من فراغ . http://www.eqla3.com/file/ubb/frown.gif http://www.eqla3.com/file/ubb/frown.gif
واختم كلامي بقول الرسول صلى الله عليه وسلم ( انما تزرقون ببهائمكم )..الحديث
------------------
لي نفس حر... ماتبي مدنق الردى
E-mail:06@eqla3.com
فتى عنيزة
17-05-2000, 19:14
سلام
الشيطاني ... ترى فيه مسؤلين اكفاء وعلى مستوى المسؤولية وقادرين على حمل الامانة... بس ماتو من 200 سنة http://www.eqla3.com/file/ubb/frown.gif
الكتب العام الماضي رموها ليش؟؟؟ عشان يحطون توقيع الوزير وكلمته... ويغيرون الغلاف... ويرسون مناقصة الطبع على مطبعة ثانية http://www.eqla3.com/file/ubb/frown.gif
تدرون يا شباب وشو (مجموع ريمان) ... والله ولا انا لكن هالاسم علق براسي دون عن اي شي ثاني ليش؟؟؟؟
كنا جالسين في قاعة الرياضيات ... سنة ثالثة ... في جامعة البترول... جاء المدرس وبدا يشرح شي ايسمونه (مجموع ريمان) ... فقال الدكتور انا ما ادري ليش ايدرسونكم هذا مع انه ما يحتاجه الا المتخصصين جداً في الرياضيات http://www.eqla3.com/file/ubb/smile.gif ما قدرت امسك نفسي وضحكت http://www.eqla3.com/file/ubb/frown.gif قام طلع عيونه عليّ وقال انا انكت هنا وش مضحك ؟؟؟؟ قلت له هذا حنا دارسينه بثاني ثانوي وانت تلومهم على ثالثة جامعة؟؟؟
شباب سؤال: انا ما عندي ما عند جدتي بس انتم علموني...
1- وش فائدة كمية المعلومات اللي اخذناها بالجغرافيا؟؟؟؟
2- وش فائدة التربية الفنية؟؟؟
3- وش فائدة المطالعة (عشان اتعودك القرآءة...ايه هين... هذاي قريت كل هالكتب المقررة ونجحت والى الحين ما افك الخط)
4- وش فائدة النشاط اللامنهجي و "عمل الطالب برغش ولد ابوبرغش"
5- وش فائدة حصة الخط (الحمدلله انه جاء الكمبيوتر)
6- وش فائدة كل كمية النصوص اللي حفظناها ؟؟؟
7- وش فائدة التعبير (الله يغثهم بهاليوم الكريم)
8- وش فائدة عشانكم ((من الحرة والله))؟؟؟؟
كل هالاشياء مالها فايدة وودك تحطها بالزبالة http://www.eqla3.com/file/ubb/smile.gif
------------------
اللي يسب عنيزة او الكراث او السكري والله ما تسعى له بخيره ... يعني مهب احسن له.
"قال وش حدك على المر... قال راعي التريله..."
[b]<small><small>[ تم تعديل الموضوع بواسطة فتى عنيزة يوم مايو 18, 2000]
أبو عجاج
17-05-2000, 19:28
ما شاء الله .... والله اني احسدكم على فهمكم لمثل هذه الامور ..
كفيتوا وفيتوا ... ولا منكم قصور شرشحتوا العملية التعليمية من اولها لاخرها ... وعندي نصيحة لكم مادام انكم هالحين تستخدمون الكمبيوتر ببراعة روحوا واقروا منهج الحاسب بالثانوية واذا فهمتوا شي علموني ..
بس اسمحولي اقول كلمة مع اني اوافقكم على كل كلمة ذكرتوها...
المسألة مهي قصور وتخلف بنظام التعليم عندنا بس المسألة اكبر بكثير من كذا في كل المجالات تجد ان الوضع قريب لوضع التعليم ... باختصار وبدون سرد حكي المجتمع بكاملة داق الريوس ورا حتى على مستوى الاسرة الواحدة ..
واصبروا كم سنة لين جيل الازمة يكبرون شوي ويصيرون رجال وبتشوفون شي ما شفتوه ..
الموضوع يستاهل المميزة وبكل جدارة ..
------------------
_______________________
خذ فنجال ... وعلوم رجال
اقلــط تقــهو (http://www.eqla3.com/file/ubb/Forum7/HTML/000214.html)
_______________________
للتطعيس عند ابو عجاج اقلط
aboagag@yahoo.com
_______________________
تلقى الشور عند راعي الغنم
_______________________
[b]<small><small>[ تم تعديل الموضوع بواسطة أبو عجاج يوم مايو 17, 2000]
اشكركم ياشباب على مشاركاتكم الاكثر من رائعه ... ولكن لي طلب بسيط..
ارجو ارجو واتمنى وطالبكم وداخل عليكم وهاكم غترتي امحطها لكم في الارض
انكم ماتذكرون اسامي ليت نتكلم عن الموضوع بدون اسامي لان ذكر الاسامي يتنافى مع سياسة الساحه وشكرا لمشاركاتكم الاكثر من مفيده ورائعه.
سلامي عليك يابوبرغش ولايهونون الحاظرين
هذولا سلمكم الله مجموعه من المنظرين الذين يبحثون عن امجاد شخصيه او تلميع
للاسمائهم بدون النظر بعين الاعتبار لمصلحة ابن الوطن او للوطن بشكل عام
------------------
الموت حق و كلنا ذايقينه000لكن البلا من ذاق موت و لا مات
***التعليم بجميع مراحله عندنا الله يخلف علينا بس http://www.eqla3.com/file/ubb/frown.gif
صايرن مثله مثل المرقوق متقوقع على حاله في بوتقه متمثله في الادب الحديث المعاصر المتولد عن فكر امبريالي منبثق من الرسماليه مبربسة بقليل من الاشتراكيه المنحدره عن عولمه المجلدات في القرون الوسطى في مجرة درب التبانه
***اما التعليم العالي فحدث ولا حرج
مثله مثل( نبتة نخلة ... ثمرته للبهم والدبش وبس ) ماله اصل ولا فصل والتي هي احدى الفصائل ذوات الدم البارد بين العشاوين بالقايله مسيان وهي ناتج طبيعي وحتمي للجهود المبذوله في تطوير الكادر الوظيفي للسعوديين لدي الشركات الخاصه
ولا ننسى هنا ان ننوه بدور المؤسسات التعليميه العامه منها والخاصه بجميع ادوارها ومستواياتها في المجتمع بالمناهج الدراسيه و بالنشاطات اللامنهجيه والتي ادت الي رجد المستوي الفكري(ورنعته بالارض) لدى الطلاب والطالبات همن تعاملت مع الطالب (( معامله البزر ابو 7 سنين مع كرتون سنتوب )) http://www.eqla3.com/file/ubb/frown.gif
لاتقولي وش انت تقول وتهذري تراي ماااااااااااااادري وش انا اقول http://www.eqla3.com/file/ubb/frown.gif http://www.eqla3.com/file/ubb/frown.gif
ولا تشرهون http://www.eqla3.com/file/ubb/smile.gif http://www.eqla3.com/file/ubb/smile.gif
------------------
من نقم الدنيا على المرء ان تصالي درو........( الهيئه افرغتلي التوقيع)
[b]<small><small>[ تم تعديل الموضوع بواسطة النشمي يوم مايو 18, 2000]
سلام
ابشركم صار عندنا برنامج لاكتشاف الطلبه الموهوبين
لا وازيدكم من البيت شعر ( من الشعر بيت ) انهم طلبوا من المدرسات ابحاث أو بحث في هذا الموضوع
**** اعرف مدرسة ما حبت تتعب راحت أعطت واحد ( يشتغل على الكمبيوتر ) فلوس وعمل لها البحث وتعب فيها وراح المكتبات وبحث في الكتب لمدة اسبوعين ونفذ العمل على أكمل وجه وفي الأخير حطت اسمها على البحث وسلمته للرئاسة ( هين بحث متعوب عليه ) وكل ذا بمبلغ تافه = 300 ريال هههههه
وتقولون موهبة وتعليم (يخلف الله على ...........)
*****والطلبه في الجامعة يستخدمون هذا الاسلوب لا وحتى الترجمه يعطون شخص ما فلوس وعندك الكتاب ترجم من انجليزي لعربي ( والحين اسهل عند الكمبيوتر والاجهزة الاخرى )
اكيد ناس يقولون وش يسون ما عندهم وقت من كثر طلبات المدرسين والامتحانات وكثرة المناهج و......
هنا المشكلة كما ذكر أبو برغش آنفا ( حلوة آنفا ) تخليوا أولى ابتدائي يأخذون املاء في منهجهم وهم لسة ما يعرفون يقرأون الحرف بشكل صحيح ههههههههه
شر البليه ما يضحك
÷
------------------
اللهم إني أسألك فواتيح الخير وخواتمه
لكل مقام مقال
vBulletin v3.7.1, Copyright ©2000-2008, Jelsoft Enterprises Ltd.