الكايده
25-05-2000, 05:45
متابعة الجزء الاول http://www.eqla3.com/file/ubb/Forum1/HTML/004607.html
الجزء الثاني :
وبعد صجة و هواش واقناع وبعد ما واعدها اخوها خالد باسكريم كواليتي وشاورما
وببسي ماكس(ياقدمي)..وحلف حلف انه يطعس بها يوم الخميس وانه يتكفل بمشوايرها لمده اسبوعين ..وانه ما يصرف صديقاتها لمده شهر وانه ما يقعد يتطنز بصوت ساره بنت جيرانهم اذا كلمت ..وحلفت امها ان معاد تقول لها طسي ادرسي ولا عاد تغمز لها عند الحريم قومي صبي... وبعد ما قردنوا دحيم يعطيها دستتين شروخه من عيدياته ..
قررت منيره انها توافق على عبد الله ولد ابو محمد اللي مدحتهم امها جيرانهم في بيت الملز ..خصوصا وانه صديق قديم لاخوها خالد ولو ان علاقاتهم مهب ذيك الزود
وقالت لها امها توكلي على الله وعلى قوله الشاعر ...
وجه تعرفه ولا وجه ما تعرفه
وقال خالد ايه ترا حتى الامريكان يقولون :
فيس يو هاف سيت بيفور ولا فيس اول مره تشوف خشته
FACE YOU HAVE SEE IT BEFORE WALA FACE YOU NEVER BEEN SOW HIS KASHAH)
قالت منيره مادام السالفه فيها امريكان اقول توكلت على الله
وتدق ام خالد على ام محمد ..
هلا يالله حيها وش اخباركم .............(وباقي سلام الحريم اللي ما يقضي )
هاه بشري يام خالد
ايوه والله ما نلقى مثلكم وين نحصل مثل عبد الله
والله هذي الساعة المباركة ..اجل ترا بكره بيجي ابو محمد والعيال يسيرون عليكم (او والله النشبه )
حياكم الله فمان الله .. مع السلامه ......
ومن بعد صلاه العصر مباشر ه ومنيره مرتزه عند دريشه غرفتها تحتري فارس الاحلام (تسمع بالرومانسه ) وانا الصادقه تسمع باللقافه ..
علشان تشوف سعيد الحظ وفجاه شافت ذاك الكابرس الا بيض اللي وقف عند الباب (خبري به حصان بس معليش).. (تكثر روايات الله يهديها )
وينزل منها سته !! بعد ما خذت منظر من اسقاط عمودي لكل واحد ..
صفقت بالدريشه وقالت في خاطرها والله انه مهوب كفو مناظر هو وها الجيش اللي جايبه معه اجل لوه العرس ..شكله بيجي بتوبسين وخمسطعش ليموزين ..
وبعد ما راحوا ناداها ابوها وقال والله الرجال يبي يشوفك
قالت البنت يبه ما ينشاف الا العنز ... ما ابييييييييييييييييي
عجبته كذا اهلا وسهلا غيره يفتح الله
يا بنت الحلال ... بيهديك الله
قله ما عندي بنات للزواج .. من زينه يشوفني يحمد ربه ان طعت اخذه
يبه قله انا ما اوري بناتي احد وفكككككككككككني
يابنت الحلال هذا قول ربي وحق الرجال
اووووووووووف
اجل القول ما قاله الله
ويوم جاء يوم الاربعاء اليوم الموعود ... ويشرف سعيد الحظ
وتدخل منيره ..
السلام عليكم
وعليكم السلام
وتجلس على اول كنبه بالمجلس..
ما امداها تجلس الا وهي ودها ترفع عينها بس تتعرف هو اي واحد من السته ولكن للاسف ( الولد سعووودي) ما تعود يشوف حرمه مبحلق فيها تبيه يصد تبيه يستحي ما فيه ما فيه امل ..
وقعد نصف ساعه يبحللق فيها قالت: اقول يالله
قال لا لسه بدري ليش مستعجله
وااشر لها ابوها اقعدي وجلست قال تونا ما حكينا (بعد!!!!)
قام هو صد يقول لابوها : الله يسلمك وتاخذ ذيك النظره العابره ..بسرعة ددسن في طريق انكاس قبل المطبات ( يرحم زمان اول )
وفجاءة انصدمت نعم انصدمت
كانت عيونه خضر وشعره اشقر .. ياويلاه ( شكله مهوب سعودي ان من خبرت ان عنده اخوه اسمه عماد وانا اقول الدعوه فيها انّ يقولون مسمينه على راعي البنشر اللي جنبنا دايم يصلح كفراتنا ببلاش اما عاد كشفناكم لا والله مسمينه على جدكم لكن هين هين يالضبان الوعد قدام )
وقبل ان تتخذ قراراها النهائي تراجعت بعد ان تاكدت بل وجزمت بل وتنعلت
انه سعودي
لانه حينما ابتسم ظهرت تلك العلامه الفارقه ( سنونه صفر وبراطمه سود )
وتبين لها انه سعودي ابا عن جد ( وارتاح خاطرها)
قطع تلك الافكار بصوت يقول لها ..
منيره ( اشوف بدت الميانه ) اكيد انتي مرتبكه ( يتهئيا لك ..ياشيخ )
وانا عارف انك مستحيه (لا يالعراف ) لكن ما له داعي هالارتباك
وهنا نزلت على ابوها كل علامات الديمقراطيه وقال انا ابروح اجيب العصير علشان لا احرجكم (يسمع بالحريه )
قالت منيره ( خير .. لالا وين انا اجيبه قال لا اقعدي قالت اجل لا تروح قال لا خذوا راحتككم)
في تلك اللحظه احس عبدالله انه تقطع الى مليون جزء صغير ( بالعربي حقنا تششقق من الفرحه).. وقال خذ راحتك ..
قالت في خاطرها .. ( جعل توخذ الراحه عنك )
قال لها نرجع لموضوعنا ...
انتي اكيد مستحيه .. لان هذا عائد الى سيكلوجيتك (اخس يالمثقف مير عقب ذي والله ما اخذه)المتاثره بايدلبوجية(اقول لا يكثر بس) المجتمع المحيط بك اكيد اخوانك كانوا ما يرضون لك تطلين من باب الشارع( وش دراه بسوايا خالد) .. انتي تعودتي انك تتخبين عن الرجال عشرين سنه ونفس الاشخاص اللي عودوك على كذا يطلبون منك تدخلين على رجال غريب عنك حاليا وتتناقشين معه وهذي مشكلة المجتمع اللي ولد لنا جيل منعزل .. فاهمه ؟؟(لا والله حاايمه كبدي) اييه صادق..
قال لها عفوا بس انا ما شفت طولك لانك دخلتي بسرعه ممكن توقفين تمشين شوي بس علشان اشوف
وفي تلك اللحظه تمنت من صميم قلبها ان ابوها ما خذ معه الدله وهو طالع علشان تلفع بهاا وجهه وتصبع شماغه بلون الزعفران ويحطون على وجه لوحه ذكريات وجه رجال
وبعدين تطيح الداله على هالخشم جعله ينكسر ...
لكنها تعوذت من ابليس وقامت ...
ومشت كم خطوه ورجعت قام قال ممتاز لكن ممكن تفسخين الكعب
وهنا ادركت منيره بان الدعوا خربانه خربانه لا محاله
فقررت ان تخربها بزود ولا شعوريا فصخت الكعب وخبطت به على راسه وتركته على راسه للذكري ودخلت عند اهلها ...
معصبه ولا خالد الملقوف يحتريها برواقه .. هاه وش الا خبار وراك معصبه شكله عطاك كرت احمر ؟؟؟ والله متوقع وسعي صدرك ياشيخه بالله يامنيره هذا اول انسان يصارحك بانك شينه بحياتك ؟؟ تعودي ..
قالت اقول رح شفه بالمجلس اشبع فيه صور معه ..
طبعا خالد شاف البنت مهب البنت ومعصصصصصصصصصصصصصصبه
ركض يشوف وش السالفه ولا عبد الله قاعد على الارض راحت الرزه كلهاوما سك الجزمه بيده والشياطين معسكره فوق راسه وما امدا خالد يدخل يقول وش الاخبار ..
الا والولد طاب فيه بنتكم هذي قد سمعت بالذوق قد سمعت بالاخلاق قد سمعت التربيه .. وش فيك يابن الحلال؟؟ ياعبد الله وش صاير؟؟
ابد بتجرب كعبها مالقت الا
تجربه فوق راسي
يارجال اذكر ربك ..
ماله داعي تكبر الموضوع بس خلنا ندري وش السالفه
قال السالفه اسال عنها اختك مع السلامه
وطلع قال اسمع اشوفك اليوم بالاستراحه قال على خير
-------------------
هل تتفركش الجوازه
وهل تنفع عمليات السلام
هل ينطحن الحب اللي براس منيره
وماذا سيحصل في الحلقه القادمه ----->تحسني متاثره بفلونه
-----------------
راس مابه هوا موته وحياته
[b]<small><small>[ تم تعديل الموضوع بواسطة الكايده يوم مايو 25, 2000]
الجزء الثاني :
وبعد صجة و هواش واقناع وبعد ما واعدها اخوها خالد باسكريم كواليتي وشاورما
وببسي ماكس(ياقدمي)..وحلف حلف انه يطعس بها يوم الخميس وانه يتكفل بمشوايرها لمده اسبوعين ..وانه ما يصرف صديقاتها لمده شهر وانه ما يقعد يتطنز بصوت ساره بنت جيرانهم اذا كلمت ..وحلفت امها ان معاد تقول لها طسي ادرسي ولا عاد تغمز لها عند الحريم قومي صبي... وبعد ما قردنوا دحيم يعطيها دستتين شروخه من عيدياته ..
قررت منيره انها توافق على عبد الله ولد ابو محمد اللي مدحتهم امها جيرانهم في بيت الملز ..خصوصا وانه صديق قديم لاخوها خالد ولو ان علاقاتهم مهب ذيك الزود
وقالت لها امها توكلي على الله وعلى قوله الشاعر ...
وجه تعرفه ولا وجه ما تعرفه
وقال خالد ايه ترا حتى الامريكان يقولون :
فيس يو هاف سيت بيفور ولا فيس اول مره تشوف خشته
FACE YOU HAVE SEE IT BEFORE WALA FACE YOU NEVER BEEN SOW HIS KASHAH)
قالت منيره مادام السالفه فيها امريكان اقول توكلت على الله
وتدق ام خالد على ام محمد ..
هلا يالله حيها وش اخباركم .............(وباقي سلام الحريم اللي ما يقضي )
هاه بشري يام خالد
ايوه والله ما نلقى مثلكم وين نحصل مثل عبد الله
والله هذي الساعة المباركة ..اجل ترا بكره بيجي ابو محمد والعيال يسيرون عليكم (او والله النشبه )
حياكم الله فمان الله .. مع السلامه ......
ومن بعد صلاه العصر مباشر ه ومنيره مرتزه عند دريشه غرفتها تحتري فارس الاحلام (تسمع بالرومانسه ) وانا الصادقه تسمع باللقافه ..
علشان تشوف سعيد الحظ وفجاه شافت ذاك الكابرس الا بيض اللي وقف عند الباب (خبري به حصان بس معليش).. (تكثر روايات الله يهديها )
وينزل منها سته !! بعد ما خذت منظر من اسقاط عمودي لكل واحد ..
صفقت بالدريشه وقالت في خاطرها والله انه مهوب كفو مناظر هو وها الجيش اللي جايبه معه اجل لوه العرس ..شكله بيجي بتوبسين وخمسطعش ليموزين ..
وبعد ما راحوا ناداها ابوها وقال والله الرجال يبي يشوفك
قالت البنت يبه ما ينشاف الا العنز ... ما ابييييييييييييييييي
عجبته كذا اهلا وسهلا غيره يفتح الله
يا بنت الحلال ... بيهديك الله
قله ما عندي بنات للزواج .. من زينه يشوفني يحمد ربه ان طعت اخذه
يبه قله انا ما اوري بناتي احد وفكككككككككككني
يابنت الحلال هذا قول ربي وحق الرجال
اووووووووووف
اجل القول ما قاله الله
ويوم جاء يوم الاربعاء اليوم الموعود ... ويشرف سعيد الحظ
وتدخل منيره ..
السلام عليكم
وعليكم السلام
وتجلس على اول كنبه بالمجلس..
ما امداها تجلس الا وهي ودها ترفع عينها بس تتعرف هو اي واحد من السته ولكن للاسف ( الولد سعووودي) ما تعود يشوف حرمه مبحلق فيها تبيه يصد تبيه يستحي ما فيه ما فيه امل ..
وقعد نصف ساعه يبحللق فيها قالت: اقول يالله
قال لا لسه بدري ليش مستعجله
وااشر لها ابوها اقعدي وجلست قال تونا ما حكينا (بعد!!!!)
قام هو صد يقول لابوها : الله يسلمك وتاخذ ذيك النظره العابره ..بسرعة ددسن في طريق انكاس قبل المطبات ( يرحم زمان اول )
وفجاءة انصدمت نعم انصدمت
كانت عيونه خضر وشعره اشقر .. ياويلاه ( شكله مهوب سعودي ان من خبرت ان عنده اخوه اسمه عماد وانا اقول الدعوه فيها انّ يقولون مسمينه على راعي البنشر اللي جنبنا دايم يصلح كفراتنا ببلاش اما عاد كشفناكم لا والله مسمينه على جدكم لكن هين هين يالضبان الوعد قدام )
وقبل ان تتخذ قراراها النهائي تراجعت بعد ان تاكدت بل وجزمت بل وتنعلت
انه سعودي
لانه حينما ابتسم ظهرت تلك العلامه الفارقه ( سنونه صفر وبراطمه سود )
وتبين لها انه سعودي ابا عن جد ( وارتاح خاطرها)
قطع تلك الافكار بصوت يقول لها ..
منيره ( اشوف بدت الميانه ) اكيد انتي مرتبكه ( يتهئيا لك ..ياشيخ )
وانا عارف انك مستحيه (لا يالعراف ) لكن ما له داعي هالارتباك
وهنا نزلت على ابوها كل علامات الديمقراطيه وقال انا ابروح اجيب العصير علشان لا احرجكم (يسمع بالحريه )
قالت منيره ( خير .. لالا وين انا اجيبه قال لا اقعدي قالت اجل لا تروح قال لا خذوا راحتككم)
في تلك اللحظه احس عبدالله انه تقطع الى مليون جزء صغير ( بالعربي حقنا تششقق من الفرحه).. وقال خذ راحتك ..
قالت في خاطرها .. ( جعل توخذ الراحه عنك )
قال لها نرجع لموضوعنا ...
انتي اكيد مستحيه .. لان هذا عائد الى سيكلوجيتك (اخس يالمثقف مير عقب ذي والله ما اخذه)المتاثره بايدلبوجية(اقول لا يكثر بس) المجتمع المحيط بك اكيد اخوانك كانوا ما يرضون لك تطلين من باب الشارع( وش دراه بسوايا خالد) .. انتي تعودتي انك تتخبين عن الرجال عشرين سنه ونفس الاشخاص اللي عودوك على كذا يطلبون منك تدخلين على رجال غريب عنك حاليا وتتناقشين معه وهذي مشكلة المجتمع اللي ولد لنا جيل منعزل .. فاهمه ؟؟(لا والله حاايمه كبدي) اييه صادق..
قال لها عفوا بس انا ما شفت طولك لانك دخلتي بسرعه ممكن توقفين تمشين شوي بس علشان اشوف
وفي تلك اللحظه تمنت من صميم قلبها ان ابوها ما خذ معه الدله وهو طالع علشان تلفع بهاا وجهه وتصبع شماغه بلون الزعفران ويحطون على وجه لوحه ذكريات وجه رجال
وبعدين تطيح الداله على هالخشم جعله ينكسر ...
لكنها تعوذت من ابليس وقامت ...
ومشت كم خطوه ورجعت قام قال ممتاز لكن ممكن تفسخين الكعب
وهنا ادركت منيره بان الدعوا خربانه خربانه لا محاله
فقررت ان تخربها بزود ولا شعوريا فصخت الكعب وخبطت به على راسه وتركته على راسه للذكري ودخلت عند اهلها ...
معصبه ولا خالد الملقوف يحتريها برواقه .. هاه وش الا خبار وراك معصبه شكله عطاك كرت احمر ؟؟؟ والله متوقع وسعي صدرك ياشيخه بالله يامنيره هذا اول انسان يصارحك بانك شينه بحياتك ؟؟ تعودي ..
قالت اقول رح شفه بالمجلس اشبع فيه صور معه ..
طبعا خالد شاف البنت مهب البنت ومعصصصصصصصصصصصصصصبه
ركض يشوف وش السالفه ولا عبد الله قاعد على الارض راحت الرزه كلهاوما سك الجزمه بيده والشياطين معسكره فوق راسه وما امدا خالد يدخل يقول وش الاخبار ..
الا والولد طاب فيه بنتكم هذي قد سمعت بالذوق قد سمعت بالاخلاق قد سمعت التربيه .. وش فيك يابن الحلال؟؟ ياعبد الله وش صاير؟؟
ابد بتجرب كعبها مالقت الا
تجربه فوق راسي
يارجال اذكر ربك ..
ماله داعي تكبر الموضوع بس خلنا ندري وش السالفه
قال السالفه اسال عنها اختك مع السلامه
وطلع قال اسمع اشوفك اليوم بالاستراحه قال على خير
-------------------
هل تتفركش الجوازه
وهل تنفع عمليات السلام
هل ينطحن الحب اللي براس منيره
وماذا سيحصل في الحلقه القادمه ----->تحسني متاثره بفلونه
-----------------
راس مابه هوا موته وحياته
[b]<small><small>[ تم تعديل الموضوع بواسطة الكايده يوم مايو 25, 2000]