سليطين زمانه
17-04-2000, 09:11
اول شي السلام عليكم نفر نفر وصدقوني اشتقتلكم من جد وصحيح ان الانترنت ادمان ,انقطعت عنها عشان ظروف العمل لكن جلست اتنافض في المكتب وطلع لي دقن ونحل جسمي وصرت كل شوي اناشق واحكحك يديني وجسمي وعيوني حمرت وشعري صار شوشه باختصار جتني عوارض الانقطاع عن الانترنت المهم رحمني مديري وعطاني اجازه وقال مااستفدنا منك وانت صاحي نستفيد منك الحين .لكن تقدرون تسمون غيبتي استراحة محارب ويقدرون البنات يتخيلوني شاب ....و ...سيم حتى خدوده عضلات وحالق كابوريا ولابس فنيله نص كم بس من الضيق والعضلات طلعت علاق وماسك سلاحي الشخصي (بندق ساكتون) وحاطه على كتفي وطبعا اباطي طالع وفيه بطه معششه فيه (طبعا ميته من زمان) وحاط رجلي اليمنى على قوطي نيدو وماسك بيدي اليسرى سيجار وجالس ادخنه (فيه ككاو شكله سيجار اصبروا شوي وباكله) كل هذا المشهد وانا فوق طعس والشمس وراي وجالسه تغيب (ينعل ابو الوصف ياشيخ).
تبون الصراحه؟؟؟؟؟ اشتراكي انتهى وانا طفران ويوم دريت اني صرت عضو مجلس اداره رحت لسوق الجفره وتسلفت من شايب اقشر ماطاع يراعيني في الفوايد العشر بخمسطعش وجددت اشتراكي بيني وبينكم اول مره امسك منصب في حياتي وتبوني افوته معصصصصصصي المنصب الوحيد اللي مسكته عريف فصل مافيه الا ثلاثه وانا الوحيد اللي يداوم فيهم موحب في الدراسه الا عشاني مبسوط يوم حطوني عريف والمشكله اللي تورطت فيها من اسجل اسمه ؟ وكيلنا حوطي وقالي الا تعطيني اسامي اربعة طلبه يوميا ولا ابشيلك من العرافه....والله البلشه وش اسوي الحين ؟ العرافه ولازم احافظ عليها تدرون وش سويت ؟ صرت اسجل اسمي واحط عليه اربعه مكرر ويوم سلمت الورقه للوكيل قال حضرهم لي كلهم والا استدعيت ولي امرك طحت في ورطه ثانيه من وين اجيب اربعه سليطين ؟ المهم حطيت رجلي وانحشت من المدرسه ومن عقبها معاد كملت دراسه (هذي ضريبة المنصب).صرت عاطل باطل لاشغل ولا مشغله الين ماتكرم الممرور ووظفني عنده وطبعا لزوم الشغل والمنصب يبيلي بشت وانا طفران دخلت يدي في خشمي وحركت مخي شوي وولعت لمبه فوق راسي يعني جتني فكره جهنميه خذيت فروتي اللي شكلها من برا بشت ولبستها ورحت للحلاق وقالي راس ولا دقن ؟ قلت احلق الفروه صفر بالمكينه من جوا.طلع شكلها قمه ولو انها غاط عشرين بس الواحد يمشي حاله الين مايصرف لنا الممرور تحسين وضع .وانا راجع من الحلاق رجليه للبيت وانا لابس البشت مو قصدي ادعي قدام اهل الحوطه حاشا لله لكن سيكلي انسرق من قدام محل الحلاق وصراحه ما اهتميت بسرقته عضو مجلس اداره ويسوق سيكل وهو لابس بشت عيب والله قلت اذا صرف لنا الممرور الشرهه باطقلي دباب وكاله ...المهم وانا راجع كنت مغطي نفسي صح بالبشت مابي احد يشوف وش انا لابس بيني وبينكم كنت لابس تكميله خضرا ام خطوط وجزمة شراع البيضا بس ميزتها انها طالعه كنها صندل عشان مصابع رجولي طالعه منها المهم وانا راجع للبيت مريت مع شارع مازد مريت معه من قبل وحسيت ان فيه احد يطل علي من دريشه بيت واحد عرفت انه بيت ابوسعد بعدين سويت نفسي ثقل وناظرت بطرف عيني الاني اشوف شعر وحده تطل علي كملت المشوار الين البيت وانا اهوجس في هالبنت اللي تناظرني وكان هذا الوقت قبل المغرب رجعت لبيتنا وشافتني امي بالفروه وقالت انت مهبول فيه احد يلبس فروه في هالحر قصيت لها سالفه الوظيفه وجلست تبتسي من الفرح ودعت للممرور ولادعت لي ويوم قلت لها ادعيلي طيب قال اذا تزوجت دعيت لك ...بيني وبينكم امي ناشبه فيني من زمان تبيني اعرس انا عارف انها ماتبي تشوف عيالي وانها تبي الفكه مني بس كودي اعقل مع اني عاقل والله صراحه فكرت وقلت ليش ياسليطين ماتتزوج هالحين عندك وظيفه وبشت وكل بنت تتمناك انت عضو مجلس اداره الحين مو عضو جديد http://www.eqla3.com/file/ubb/wink.gif
صليت العشا في مسجد جنب بيت البنت وطبعا ابي ابوها يشوفني وكان شكلي مميز بالبشت ومنها وانا راجع لبيتنا اقز البنت مره ثانيه ...رحت للشارع اللي فيه بيت خويتي(ههههههه بدت الميانه) ومريت جنب بيتهم واناظر دريشتها الا مافيه احد يطل ولا شي صراحه تحطمت وقلت اكيد انها طلت صدفه وانها مهيب حولي ابد واني خفيف ناظرت ساعتي وقلت ياولد تونا بدري رح تمش في الشارع يمكن تطل عليك وش يدريها انك جيت وانا اللي استلم الشارع رايح جاي ...رايح جاي وانا بالبشت راحت ساعه راحت ساعتين ولا طلت حبيبتي ...ايه حبيبتي والا وش افسر تفكيري فيها الدايم وشوقي لها اخلاصي عشانها به ؟ صراحه حبيتها .... المهم وانا قاعد امتر شارعهم جاني هندي البلديه وجلس يتشكر مني عشاني نظفت الشارع بداله بالبشت ...صراحه قفلت معي لا خويتي طلت ولا اهلي دقوا بيجر علي يسئلون ويني فيه ...خنقتني العبره وعرفت ان محد معبرني في هالدنيا ووليت عائدا لبيتنا ويوم اني مقفي الا حسيت ان دريشتها تهتز وانا ظر الاها تطل علي ويوم قربت ابي اشوفها زين طفت اللمبه وعرفت ان البنت حياويه وعفيفه جلست اناظر فيها وما كان باين الا زول شعرها قلت لها طلي علي ليش تناظريني بطرف وجهك وريني وجهك خليني اشوفك طيب ....ترا نظري ضعيف ونظارتي منكسره (اسلوووووب) , عرفت ان البنت ثقيله وهذا النوع اللي يعجبني ,عرفت ان البنت قوية شخصيه وهذا النوع اللي يأسرني ,عرفت ان البنت محترمه وخلوقه وهذي النمونه اللي ابي ,عرفت انها حلوه من اسلوب تمشيطها لشعرها...لكن اللي ماعرفته وشهو لون ركبها؟ http://www.eqla3.com/file/ubb/smile.gif
رجعت لبيتنا وانا امشي على الهوا من الفرحه خلاص لقيت شريكة حياتي لقيت فارسة احلامي اللي راح اردفها على سيكلي خلاص انتهت معاناتي مع امي بكره على الفطور اذا فاتحتني زي العاده بالزواج راح اقولها اخطبيلي بنت ابو سعد.
وصلت بيتنا ونمت بالبشت وجلست اتقلب ماجاني النوم جالس اهوجس فيها ...الين جا الصبح ويوم قامت امي لقتني مزهب الفطور بدالها استغربت وقالت الله يفتح على قلبك ويهديك ...قلت بس؟قالت ويرزقك بالذريه الصالحه قلت آآآآه وشلووووون(على بالي ملكع ابيها تقولي تزوج) قالت حافظ على صلاتك وادع ربك قلت طيب ادعيلي اني اتزوج قالت عجزت فيك وانا احاول فيك قلت طيب حاولي هالمره قالت وراه كنك شايفلك شوفه هاه وتسطرني كف (عادي كذا مزح امي) حمرت خدودي مررررره من الحيا اللي جاني ومن قوة السطره قلت والله مذكور لي بنت يقولون انها مؤدبه وتعرف تطبخ ولاهيب مثل بنات اليوم اللي مايعرفون البيض المقلي من المسلوق واذا غسلوا لهم صحنين جتهم الدوخه قالت وشلون عرفتها؟قلت انا اعرف ولدهم سعد ودايم يسولفلي عن بيتهم قالت اصبر الين اسأل عنها صرخت وقلت صادزه انتي؟ البنت تبي تطير واذا مازوجتوني منها معادنيب متزوج وابقعد على تسبودكم الين اموت قالت خلاص خلاص ابكلم ابوك عشان تروحون تخطبونها وانا مالي شغل فيكم ...
رحت انا ويا ابوي (عقب ماهددته بالانتحار عيا يجي ويوم قلت خلاص منيب منتحر وافق) عقب العصر لبيت ابو سعد وكنت لابس البشت وابوي مالبس شي قلطنا ابو سعد وتحفا فينا ويوم تقهوينا وخلصنا تعذر مننا وقال والله ام سعد عند اهلها من شهر وبعد اسبوع تبي تجي ولا عندنا لا شغاله ولا رزقني الله ببنت تخدمني انا ويا ولدي سعد وكان ودي والله انكم تتعشون عندنا الليله لكن ابيكم تواعدونا طلعت عيوني وقلت ماعندك بنات يابو سعد قال الله يجيب خير انشالله اسود وجه ابوي وناظرني وعيونه حمرا وقال اجل نستاذن ورفسني وقال مشينا لابارك الله فيك
قلت اصبر يايبه اكيد فيه غلط قال قم قامت عصبك جاي تسحبنا والنهايه تسذا قال ابوها طيب اخلفوها علينا قلت ياخوي مناب رايقين لك(شانت الاخلاق) ويوم طلعنا وابوي يشوت فيني ويقول قدامي فشلتنا عند الرجال الله يفشلك المهم ابوي خلا السياره وراح لبيتنا رجليه وكل شوي يرفسني الين وصلنا للبيت ويوم وصلنا خذيت دربيل ورحت لبيت ابو سعد والقا خويتي تطل علي قلت اكيد انها اخت ابو سعد انا شاك في الموضوع وانا ظر بالدربيل الا شوف عصا مكنسه ام شعر مسنده على الدريشه http://www.eqla3.com/file/ubb/frown.gif
------------------
المكتب السري لمعالي عضو مجلس الاداره/
SOLTAN_ZAMANH@YAHOO.COM
تبون الصراحه؟؟؟؟؟ اشتراكي انتهى وانا طفران ويوم دريت اني صرت عضو مجلس اداره رحت لسوق الجفره وتسلفت من شايب اقشر ماطاع يراعيني في الفوايد العشر بخمسطعش وجددت اشتراكي بيني وبينكم اول مره امسك منصب في حياتي وتبوني افوته معصصصصصصي المنصب الوحيد اللي مسكته عريف فصل مافيه الا ثلاثه وانا الوحيد اللي يداوم فيهم موحب في الدراسه الا عشاني مبسوط يوم حطوني عريف والمشكله اللي تورطت فيها من اسجل اسمه ؟ وكيلنا حوطي وقالي الا تعطيني اسامي اربعة طلبه يوميا ولا ابشيلك من العرافه....والله البلشه وش اسوي الحين ؟ العرافه ولازم احافظ عليها تدرون وش سويت ؟ صرت اسجل اسمي واحط عليه اربعه مكرر ويوم سلمت الورقه للوكيل قال حضرهم لي كلهم والا استدعيت ولي امرك طحت في ورطه ثانيه من وين اجيب اربعه سليطين ؟ المهم حطيت رجلي وانحشت من المدرسه ومن عقبها معاد كملت دراسه (هذي ضريبة المنصب).صرت عاطل باطل لاشغل ولا مشغله الين ماتكرم الممرور ووظفني عنده وطبعا لزوم الشغل والمنصب يبيلي بشت وانا طفران دخلت يدي في خشمي وحركت مخي شوي وولعت لمبه فوق راسي يعني جتني فكره جهنميه خذيت فروتي اللي شكلها من برا بشت ولبستها ورحت للحلاق وقالي راس ولا دقن ؟ قلت احلق الفروه صفر بالمكينه من جوا.طلع شكلها قمه ولو انها غاط عشرين بس الواحد يمشي حاله الين مايصرف لنا الممرور تحسين وضع .وانا راجع من الحلاق رجليه للبيت وانا لابس البشت مو قصدي ادعي قدام اهل الحوطه حاشا لله لكن سيكلي انسرق من قدام محل الحلاق وصراحه ما اهتميت بسرقته عضو مجلس اداره ويسوق سيكل وهو لابس بشت عيب والله قلت اذا صرف لنا الممرور الشرهه باطقلي دباب وكاله ...المهم وانا راجع كنت مغطي نفسي صح بالبشت مابي احد يشوف وش انا لابس بيني وبينكم كنت لابس تكميله خضرا ام خطوط وجزمة شراع البيضا بس ميزتها انها طالعه كنها صندل عشان مصابع رجولي طالعه منها المهم وانا راجع للبيت مريت مع شارع مازد مريت معه من قبل وحسيت ان فيه احد يطل علي من دريشه بيت واحد عرفت انه بيت ابوسعد بعدين سويت نفسي ثقل وناظرت بطرف عيني الاني اشوف شعر وحده تطل علي كملت المشوار الين البيت وانا اهوجس في هالبنت اللي تناظرني وكان هذا الوقت قبل المغرب رجعت لبيتنا وشافتني امي بالفروه وقالت انت مهبول فيه احد يلبس فروه في هالحر قصيت لها سالفه الوظيفه وجلست تبتسي من الفرح ودعت للممرور ولادعت لي ويوم قلت لها ادعيلي طيب قال اذا تزوجت دعيت لك ...بيني وبينكم امي ناشبه فيني من زمان تبيني اعرس انا عارف انها ماتبي تشوف عيالي وانها تبي الفكه مني بس كودي اعقل مع اني عاقل والله صراحه فكرت وقلت ليش ياسليطين ماتتزوج هالحين عندك وظيفه وبشت وكل بنت تتمناك انت عضو مجلس اداره الحين مو عضو جديد http://www.eqla3.com/file/ubb/wink.gif
صليت العشا في مسجد جنب بيت البنت وطبعا ابي ابوها يشوفني وكان شكلي مميز بالبشت ومنها وانا راجع لبيتنا اقز البنت مره ثانيه ...رحت للشارع اللي فيه بيت خويتي(ههههههه بدت الميانه) ومريت جنب بيتهم واناظر دريشتها الا مافيه احد يطل ولا شي صراحه تحطمت وقلت اكيد انها طلت صدفه وانها مهيب حولي ابد واني خفيف ناظرت ساعتي وقلت ياولد تونا بدري رح تمش في الشارع يمكن تطل عليك وش يدريها انك جيت وانا اللي استلم الشارع رايح جاي ...رايح جاي وانا بالبشت راحت ساعه راحت ساعتين ولا طلت حبيبتي ...ايه حبيبتي والا وش افسر تفكيري فيها الدايم وشوقي لها اخلاصي عشانها به ؟ صراحه حبيتها .... المهم وانا قاعد امتر شارعهم جاني هندي البلديه وجلس يتشكر مني عشاني نظفت الشارع بداله بالبشت ...صراحه قفلت معي لا خويتي طلت ولا اهلي دقوا بيجر علي يسئلون ويني فيه ...خنقتني العبره وعرفت ان محد معبرني في هالدنيا ووليت عائدا لبيتنا ويوم اني مقفي الا حسيت ان دريشتها تهتز وانا ظر الاها تطل علي ويوم قربت ابي اشوفها زين طفت اللمبه وعرفت ان البنت حياويه وعفيفه جلست اناظر فيها وما كان باين الا زول شعرها قلت لها طلي علي ليش تناظريني بطرف وجهك وريني وجهك خليني اشوفك طيب ....ترا نظري ضعيف ونظارتي منكسره (اسلوووووب) , عرفت ان البنت ثقيله وهذا النوع اللي يعجبني ,عرفت ان البنت قوية شخصيه وهذا النوع اللي يأسرني ,عرفت ان البنت محترمه وخلوقه وهذي النمونه اللي ابي ,عرفت انها حلوه من اسلوب تمشيطها لشعرها...لكن اللي ماعرفته وشهو لون ركبها؟ http://www.eqla3.com/file/ubb/smile.gif
رجعت لبيتنا وانا امشي على الهوا من الفرحه خلاص لقيت شريكة حياتي لقيت فارسة احلامي اللي راح اردفها على سيكلي خلاص انتهت معاناتي مع امي بكره على الفطور اذا فاتحتني زي العاده بالزواج راح اقولها اخطبيلي بنت ابو سعد.
وصلت بيتنا ونمت بالبشت وجلست اتقلب ماجاني النوم جالس اهوجس فيها ...الين جا الصبح ويوم قامت امي لقتني مزهب الفطور بدالها استغربت وقالت الله يفتح على قلبك ويهديك ...قلت بس؟قالت ويرزقك بالذريه الصالحه قلت آآآآه وشلووووون(على بالي ملكع ابيها تقولي تزوج) قالت حافظ على صلاتك وادع ربك قلت طيب ادعيلي اني اتزوج قالت عجزت فيك وانا احاول فيك قلت طيب حاولي هالمره قالت وراه كنك شايفلك شوفه هاه وتسطرني كف (عادي كذا مزح امي) حمرت خدودي مررررره من الحيا اللي جاني ومن قوة السطره قلت والله مذكور لي بنت يقولون انها مؤدبه وتعرف تطبخ ولاهيب مثل بنات اليوم اللي مايعرفون البيض المقلي من المسلوق واذا غسلوا لهم صحنين جتهم الدوخه قالت وشلون عرفتها؟قلت انا اعرف ولدهم سعد ودايم يسولفلي عن بيتهم قالت اصبر الين اسأل عنها صرخت وقلت صادزه انتي؟ البنت تبي تطير واذا مازوجتوني منها معادنيب متزوج وابقعد على تسبودكم الين اموت قالت خلاص خلاص ابكلم ابوك عشان تروحون تخطبونها وانا مالي شغل فيكم ...
رحت انا ويا ابوي (عقب ماهددته بالانتحار عيا يجي ويوم قلت خلاص منيب منتحر وافق) عقب العصر لبيت ابو سعد وكنت لابس البشت وابوي مالبس شي قلطنا ابو سعد وتحفا فينا ويوم تقهوينا وخلصنا تعذر مننا وقال والله ام سعد عند اهلها من شهر وبعد اسبوع تبي تجي ولا عندنا لا شغاله ولا رزقني الله ببنت تخدمني انا ويا ولدي سعد وكان ودي والله انكم تتعشون عندنا الليله لكن ابيكم تواعدونا طلعت عيوني وقلت ماعندك بنات يابو سعد قال الله يجيب خير انشالله اسود وجه ابوي وناظرني وعيونه حمرا وقال اجل نستاذن ورفسني وقال مشينا لابارك الله فيك
قلت اصبر يايبه اكيد فيه غلط قال قم قامت عصبك جاي تسحبنا والنهايه تسذا قال ابوها طيب اخلفوها علينا قلت ياخوي مناب رايقين لك(شانت الاخلاق) ويوم طلعنا وابوي يشوت فيني ويقول قدامي فشلتنا عند الرجال الله يفشلك المهم ابوي خلا السياره وراح لبيتنا رجليه وكل شوي يرفسني الين وصلنا للبيت ويوم وصلنا خذيت دربيل ورحت لبيت ابو سعد والقا خويتي تطل علي قلت اكيد انها اخت ابو سعد انا شاك في الموضوع وانا ظر بالدربيل الا شوف عصا مكنسه ام شعر مسنده على الدريشه http://www.eqla3.com/file/ubb/frown.gif
------------------
المكتب السري لمعالي عضو مجلس الاداره/
SOLTAN_ZAMANH@YAHOO.COM