الحواطى والاواكس

[ابو فاس]

<div align="Right"><font size="+1" face="Arial" color="#000000"> الحواطى والاواكس :
..
الحواطى يوم جاهم البترول وش سوو .. ؟؟؟
قدموا طلبات واجد للحكومة ( الله يخليها لنا ) والحكومة ماقصرت نفذت لهم شيء كثير منها
قاموا الربع . . . طمعوا وقالوا نبي طيارة اواكس للحوطة وضواحيها وش حيثننا هما الرياض عندهم نبي زيهم ( ماادري وش يبون بها ؟! ) !!
المهم . . صار فيه طيارة مستغنية عنها الدولة توهم موضبين القير حقها ولاهم مضيقين صدور هالحواطى فحققوا لهم هالطلب بعد
يوم جتهم تهاوشوا من الي يطلع عليها ؟؟
ابوصويلح عيوا عليه لانه نظول
وابو رويشد لانه يحب مناضر الحريم
وابو صعفق عيت عليه حرمته ( تغار عليه .. تخاف يدري انها اشين وحدة في الديرة )
ودحيم الدبشة يخافون مايدل
وكل ماجاء واحد عذربوا فيه الباقين !!
ولا اتفقوا على من الي يطلع عليها !!
اخيراً وبعد تدخل الداخلية والبلدية والصحية….
اتفقوا .. على ان مايطلع عليها الا حريم علشان مايكشفون الرجاجيل عوراتهم.
وبدت الطيارة تقوم برحلاتها الاستطلاعية وطاقمها مكون من ام زيد وام رشيد ..
بالاضافة للسواق حق الطيارة
المهم اول شي سووه اول مادخلو الطيارة فرشن ذاك البسيط ( تراه بساط بلاستيك ناحل وفي اطرافه بعد شوك عقب البر) على ارض الطيارة وحطو القهوة والقدوع وبدن يتفنجلن العمات
انا ماقلت لكم انهن استقالن من وظيفتهن الاولة في المدرسة الابتدائية ( وحدة فراشة والثانية فراشة بس مرة الحارس )
بدوا يطلن مع درايش الطيارة كل وحدتن منهن ماسكة لها دريشة وتطل على الديرة ……………………….
ام زيد تقول : شوفي ام نويصر كابعت عباتها والزمزمية في يدها ورايحة تزور ولا علمتنا ؟؟
نوريك فيها ايه .. هين !! وانا ناوية اعطيها اليوم صاع حب مالح توي طابخته .. الا يامعطيتها اياه !!
قالت ام رشيد : اقول شوفي شغالة ام صعفق قاعدة تسولف مع ابو بدلة صفراء هالبلدي شوفي وش ذا الي عطته ؟؟
ماينسكت عنها !! ابعلم عليها ام الرجاجيل ذي !!
قالت ام زيد :
اقول شوفي عنز نوير الضايعة شوفيها ورا الطعس مساكين لهم يومين ماذاقوا الحليبة اتصلي تكفين على العمليات بسرعة تكفين علميهم .
ام رشيد : وشي عملياته حقة الصحية ؟؟
ام زيد .. لاهية عنها ومبققة عيونها في الرايح والجاي وتواصل القز بدربيل روسي جايبه ولدها من الحج العام ولا ردت عليها ..
قامت ام رشيد وتتصل على تلفون المستشفى وقالت لهم عطوني الدختور الي يسوي العمليات وجا الضعيف بسرعة والدمان ماليتن مقطعه الاخضر ( اللون المفضل لصديقي ضفيدع .. تسسسسسسسسس )
وقال : اهلين ام رشيد كيفك شو صاير خير انشاء الله رشيد منيح ( ابو رشيد كافل اخو الدختور ولا يقدر يتأخر عنهم بشي ) قالت ترا العنز …………………….
وانتبهت ام زيد لها وتمتخ السلك منها وتقطع الخط وقالت لها يالخبلة مهوب ذولي الثانين الي عندهم روادو واجد ( ام زيد مثقفة علشان رجلها يشتغل دبوس – حلها حوطي ودبوس ( دبوس = جحة بلغة القصمان = في باقي الدول مباحث ) )
بعد شوي اتصلوا عليهم العمليات ………
وقالوا لهم : وش اخبار الرادار عندكم فيه شي جديد ؟؟
قالت ام رشيد : وشو ذا اللي تحكي عنه انت ؟؟
قال : اوه .. هالتلفزيون الي قدامك .
قالت : هالمدور الي فيه شي يدور كانها مساحات سيارة !!
قال لها ( والغضب يكتنفه من دباشتهن ) : ايه وش اللي فيه هالحين ؟؟
قالت : مافيه الا نقيطات ماتستاهل من يناظرها !!
ماعليك حنا نقز كلش مع هالقزازة ومعنا دربيل زيد الروسي
قام الرجال يخبط على الماصة الي هو جالس عليها ولايدري وشلون يتعامل معهن واخيراً قال بالطقاق الشرهة علي اللي يحكي معهن !!
لكنه شاهد من الرادار الارضي شيء غريب يتحرك مع الطيارة .. وش السوات ؟
قام واتصل عليهن وقال : الو ام زيد وام رشيد حول ..
قالوا له بصوت واحد : لبيك ..
قال: فيه جسم غريب في الطيارة !!
قالت ام رشيد : ابداً مافيه الا انا وام زيد والسواق صاكين عليه الباب
قال : الا انا طالع عندي شي اسود !!
قالت ام رشيد تكلم ام زيد : كاني اسمع صوت طقطقة حديد تسمعينها ياام زيد
قامت ام زيد وتشيل الصنفة عن راسها وطلعت اذنها الي كانها دش الاوربيت .. و تدوربها وتدور بها لين سمعت الصوت !
وقالت : أي والله صادقة ياوخيتي
العمليات ارسلوا طيارات استطلاعية تشوف وش الي صاير .. وطلعت الطيارات تشوف ولقوا ان وحدة منهن صاكة باب الطيارة على بشتها !!!!!!!
هذا بشت ام زيد .. وفي طرف البشت رابطة مفاتيح البيت ( وهو اللي مسبب صوت الطقطقة السابق .. طق طق طق طق … )
ام رشيد يوم انها شافت هالطيارات انهبلت وتغطت بالشيلة واتصلت عليهم تقول فيه طيارات تلاحقنا حنا افتكينا من حقين الدداسن وبدوا يلاحقونا بالطيارات بعد ؟!؟؟!؟!!
( ولا ناظرت هالخبلة العلامة الي على الطيارة هي تبعهم والا غير شكل ؟؟)


</font></div>

------------------
اذا طقك الهوجاس لا تنسى ابوفاس
abo_fas@eqla3.com

[أبورويشد]

<div align="Right"><font size="+1" face="Arabic Transparent" color="#FF0000"> ياشيييييينك ..
أنا منيب حوطي ..
أنا حااايلي ..
بعدين أقرا مقالك وأفصفصه ..
وأتفاهم معك ..


http://www.eqla3.com/file/ubb/smile.gif</font></div>

[ضب الصمان]

<div align="Right"><font size="+3" face="Arial" color="#000000"> سلام
هلا حبيبي
اهم شي الطياره تطير
حتى لو بمكينه دباب
ولا تلوم ام رشيد طفرانه بالطياره الجديده
ولا الحواطى حدهم سيكل 20 وبدون رفارف

تسلم لي
http://www.eqla3.com/file/ubb/smile.gif http://www.eqla3.com/file/ubb/smile.gif http://www.eqla3.com/file/ubb/smile.gif</font></div>

------------------
ياشين اللي ما يحذف
ولا يجيب حصى

[Gentle_Man]

<div align="Right"><font size="+3" face="Arabic Transparent" color="#FF0000"> والله لو أني من الحوطه, لأشور عليهم براي مابعده ... اباأكوّك أبوصويلح(النضول) عليهن يصكّهن بعين أرض ارض جو ... حتى ما يبقى منهن أحد ... http://www.eqla3.com/file/ubb/biggrin.gif?
</font></div>

------------------
مادام القلب في إيدينك, أنا وش عاد بيدني
تفضّل دارك عيوني,منت الضيف ... أناضيفك ...؟

اللي يبي يتميلح, يرعص هنيّه ...?
Gentle_Man@eqla3.com

[شاصي 2000]

<div align="Right"><font size="+2" face="Arial" color="#000066"> هههههههههههههههههههههههههههههههههههههههه
الله ياخذ عدوك ياخبل
اجل يحسبون اهل الحوطه تطورورا يلاحقونهم بالطيارات وطلعت مفاتيحه تصقع ببدي الطياره</font></div>

------------------
اللي يبينا عيت النفس تبغيه... واللي نبيه عيا البخت لايجيبه
E-mail:2000@eqla3.com

[الممرور]

<div align="Right"><font size="+1" face="Arial" color="#000000"> ههههههههههههههههههههههههههههههههههههه


صوره للمميزه مع التحيه</font></div>