ابوبرغش
24-06-2000, 08:08
<div align="Right"><font size="+2" face="Arial" color="#FF0000"> بعد ماركب السكران الي وقفت له في الطريق وانا جاي من القصيم سالته … وين ياالحبيب ؟
كان معه غرشه عرق في يده اليسرى … امسكها بيده اليمنى (يدور الاجر) ثم شرب منها…. ورفع قدمه اليمنى ووظعها على الطبلون … والتفت علي… ونظر الي بطرف عينه … ثم اخذ يحك راسه وويعظ شفته السفلى وكانه يبحث عن رد … وبعد تفكير دام خمس دقائق .. تكلم وقال … قدام يالبناني قريح (مدري ليش كل من شافني يحزبني لبناني)…
قلت له البناني جابته امك …. نظر الي والقاروره في ثمه … ثم ادخل يده في جيبه واخرج سكينا اخذ يلعب بها .. وقال لي وش تقول …قلت له اقول وين تبي تروح طال عمرك ….
وبعد هذا الموقف سادت فترة سكوت دامت خمس دقائق … بعدها ضحك ضحكة كبيرة … قلت له والله مهوب منك من القاروره الي تقعبها … قال لا والله تشوف الي انا اشوفه … شف القش الي في السيد الرايح ترى تحته سياره … وانا بصراحة تذكرت جارنا الله يذكره بالخير … هو مدرس وكان بيروح للشام … قرب المازدا البقس عند بابه … وقعد ثلاث ايام يحمل فيها … ثلاجه وفرن وغساله وبراميل غاز ومراقد وغرفتين نوم … وفرشات وطراحات وهدايا وووو … المهم يوم خلص محمل السياره كتب على القش ترى السياره تحته …. ويوم جو يركبون في السياره مالقو مكان لولدهم الدب … قام ابوه ومردغه بصابون ودخله في السياره غصب … وما انصك الباب الا يوم طلعوا يدين ولدهم مع الدريشه وربطوها مع العفش … المهم ما بقى الا ابوهم يوم ركب ما انصك بابه … انا لله وانا اليه راجعون وش السوات … قلت مالك الا تفضي الي في مخابيك … قام وطلع بوكه وحطه مع العفش فوق السياره وانصك الباب ….
التفت علي وقال تصدق اني انبسط وافتخر ببلدي اذا شفت هالقشوش يتساقطون على الخط … الله يكثر خيرك بلد … بس من يقدر !!!!!!!!
سواليف سكران خذ وخل !!!!!!!!!!!!!
ــــــــــــــ
قلت له طيب انت متزوج ؟
اغمض عينيه … ثم رفع راسه الى اعلى… واخرج بكت المالبورو … واخذ منه زقاره … ووضعها في فمه(جايب جديد) ثم اخرج الولاعه واشعل الزقاره … ثم تنهد وقال …
الله يسامحتس يا يمه ورطيتني … لو الي ناصحني بالزواج غيرها كان قلت يكرهني … المهم وافقت على الزواج وتم التعميم على الطلب … وبعد بحث دام اكثر من شهر وجدنا طلبنا … لكن المشكله ابوها يضرب به المثل في البخل … خذنا موعد من ابوها ورحنا نقابله … طقينا الباب وطلع علينا ولده الصغير يصيح … سلمنا عليه وسالنا عن ابوه ورد علينا وهو يصيح وقال تفضلوا يحتريكم في المجلس … دخلنا ولقينا ابوهم يخيط في خبزه … سلمنا عليه وعرفناه بانفسنا … وهو قاعد يخيط في الخبزه … سالناه وش في الولد يصيح .. قال السمرمدي المبذر تونا متغدين من 5 ساعات وما دريت عنه الا وهو ماخذ خبزة من الثلاجه وعارمها … يبي ربي يعاقبنا طقيته وخذت منه الخبزه وهاذاني اخيطها … قال الوالد له انا جايين نبي بنتك موضي لولدي … قال ياهلا وسهلا … و بدون مقدمات ترى مهرها 300الف ريال … قال ابوي له دور غير هالكلام … قال ماعندي الا هالكلام … توكلنا على الله وطلعنا يوم جينا نركب سيارتنا لحقنا وقال علشانكم 270 هاه وش قلتوا ….قلنا الله يرزقها … قال طيب بـ250 والله ما اسفطها لغيرك بهاالقيمه حول خل اتصل على المملك وخذها معك هالحيين … قلنا الله يرزقها … قال طيب وقفوا عندي لكم اختها الي اكبر منها مطلقه … ماقعدت مع رجلها الا شهرين يعني استخدام حشمه … وتراها ارخص وصدقني بتدعي لي … رحت ومارديت عليه وانا متحسف على بنته الي يمدحونها …
بعدها دورنا وطحنا في ناس اجاويد جزاهم الله خير … رحنا نقابل ابوها … فتح لنا اخوها محمد ابيض وطويل ومالبس شماغ … دخلنا وجا ابوها وهلا بنا ورحب … وقال لي تعال ابيك … وحطني في غرفه ومادريت الا ومحمد لابس فستان وداخل علي … شكلهم اهل مزح ضحكت وقلت حلوه يبوحميد والله ملعوبه تصدق اني استحيت منك اول مادخلت احزبك ساره… صار وجه محمد احمر .. ودخل ابوهم وقال انت صاحي هذي بنتي ساره الي جاي تخطبها … بصراحه برد وجهي وتبرجلت معاد قدرت ارد احس اني احرجت البنيه … قامت البنيه وطلعت تركض … قلت لابوها كان قلت لي انها تشبه اخوها وتكفيك شوفته … بس والله احراج عند العالم الي يشوف اخوها يصير كنه شايفها وش السوات هوني ماشرط عليهم ان اخوها يتحجب او يقلبونه بنت … المهم ان الامور سارت على مايرام وقررت آخذ محمد آسف اخته … وما شرطو الا بيت …
وعطيتهم 50 الف مهر … واستاجرت دور بـ25 الف ريال وجهزته بـ50الف ريال … وشريت لها شبكه 10 الاف وذهب بـ40 الف … وكلفت ليلة الزواج حوالي 40الف … ومشيتها بـ30الف ريال …
المهم وانا مسافر انا وابوحميد قصدي ساره قلت خل اشوف خسايري لقيت الزواج كلفني 245الف ريال …
وقلت لنفسي البخيل ابو موضوي قايل لي 250 الف وخذها … ثم اطيح في محمد 245 … وحاولت ابرد تسبيدتي ان الفرق 5000 تنفع …
لكن ما امداني اوصل الرياض وازور اهلها الا وامها وجداتها صافين يبون الفتاشه … انا لله وانا اليه راجعون هذا الي خذناه من قنوات لبنان المستقبل و الـ LBC عادات وتقاليد ما لمها داعي … يعني الفتاشه قبل مانعرف قنواتهم ماكنا نعرفها … لكن هذي مضار العولمه … لاتلومني من الحره احتسي….
طيب انا ما ابيهم يفتشون غصب يعني … بعدين انا مفلس هالحيين تقبلون فيزا .. او شيك مؤجل …..
المهم دفعت المعلوم .. وفتشت لي امها وجداتها كاتيا ونيرمين .
واستمر زواجي نكد في نكد وكله تسديد في هالديون … وجتني منها بنت حلوه واموره سميتها حصه على ست الكل ام جيرانا .
بعدها سكت لانه لم يعد قادرا على الكلام ومن ثم رفع يده وفصخ نظارته الشمسية .. واخذ منديلا ونثر خشمه وقال تصدق ان بخل اولياء الامور والعادات والتقاليد وجهان لعملة واحده
ما قلت لكم سواليف سكران !!!!!!!!!!!!!!!!!!!!!!!!
ــــــــــــــــــــ
يوم شفته متاثر من موضوع الزواج حاولت اغير السالفه وقلت تصدق انا مايقهرني الا تلفزيونا … والله ماطيحنا في الدشوش الا هو … وبرامجه الي تجيب الضغط … وش رايك انت ؟؟؟؟
وضع الغرشه في ثمه واخذ يقعب منها … ثم نظر الي وابتسم وقال….ياحبني لتلفزيونا اموت فيه انا … وش ابدى به بس … بصراحه كلش فيه مفيد ..
ـ افلام الكرتون … يعجبني تلفزيونا الحبيب انه عند كلمته مايغيرها …
ـ الفروسيه … انا عاد اموت في شي اسمه الفروسيه … اقعد قدام البرنامج من يبدأ اليين يخلص … ما ارمش علشان مايفوتني شي … ولا زيد فاتتني منها ولا حلقه … اذكر مره كنت جاي متاخر وما لحقت عليها … لكن اهلي عارفين الوضع يسجلون لي كل حلقات ومسابقات الفروسيه … وبصراحه انا من زود حبي للفروسيه اشكر المسؤليين على التلفزيون على تغطيتهم الاكثر من رائعه … واقول في فترة مابين الاذان والا قامه ليش ماتجيبون لنا حلقه عن الفروسيه !!!!!!!…
بيني وبينكم صالح كامل لو يشفرمسابقات الفروسيه قطيت معه …
ـ الاخبار … مره انا والشباب متفقين نروح للشرقيه … ومعنا واحد نصراوي … وكان فيه مبارات بين النصر والرائد غير منقوله … وكانت الساحه 9.30 في اليل … يعني تو الاخبار باديه … وبصراحه انا عجل .. وزميلنا النصراوي يقول مناب رايحيين الا اذا شفنا النتيجه في الاخبار … قلت له اسمع اركبو والله ان يمدينا على اخبار الرياضه في الدمام … وركبوا الشباب ومسكنا خط الدمام … ووصلنا الدمام وخوينا يتمقرص يخاف تخلص الاخبار قبل نوصل … الظاهر انه جاهلا في تلفزيونا او انه يتهزا بنا … المهم يوم وصلنا الشرقيه الين التلفزيون فيه حفل … حمق زميلنا ونام من الزعل … وبعد ساعه انتهى الحفل … وطلع لنا منصور الخضيري ومزيد السبيعي شكلهم راحو لبيوتهم وتعشوا وجو يكملون الاخبار … وانا الي اصرخ على رفيقي قم قم الله يرجك ما وعدتك انك تلحق على الاخبار الرياضيه … ثم زعل علينا خوينا الثاني … يقول والله القهر فاتني الحفل … والله لو ادري انهم بيجيبونه في الاخبار ماجيت معكم الا اليين ينتهي … وما امداه يكمل كلمته الا مزيد الله يخليه يقول بنعيد الحفل لكم بعد الاخبار … تلوموني في حب تلفزيوننا !!!!!!!..
ـالمسلسلات … ياحبني لتلفزيونا المسلسل يشترونه 7 حلقات … بس يحللون قيمته … يقلبونه مكسيكي … كل يوم طالعيين لنا نعتذر عن تقديم المسلسل … يعني كل 6 ايام يجيبون حلقه … والله يجزاهم خير مازيد عادوا ولا مسلسل اكثر من عشر مرات؟؟؟؟
البرامج الرياضيه … يجيك ابو شنب يطامر ويغني وما بقى الا شوي ويقوم يرقص … والا رفيقه الي كنه بلاستيك … الظاهر انهم منشينه مايتحرك … ورغم كذا هو البرنامج الي يبرد على تسبودنا شوي …
وبصراحه انا اكثر مايعجبني هو برنامج تدريبات الصباح القديم … حق صالح العريض…ماالك الا صالح … بس البرنامج طلع عليه دعايات انه مثير … وسمعت ان عربسات هددوا انهم بيلغون قناتنا اذا استمر هالبرنامج المثير..وقالو لازم يلبس فروه والا امنعوه ومنعوه …
الاعلانات … بالنسبه للشنبو … وبما انكم تجيبون البنت الي تسوي الاعلان متحجبه … ليش ماتجيبون واحد ثقه معها في الاعلان يحلف قدام الناس ان شعرها صار ناعم وطال بعد ما استخدمت الشنبو ؟؟؟؟؟
ما قلت لكم سواليف سكرا خذ وخل !!!!!!!!!!!
ــــــــــــــــــــ
الا وش رايك يا ابو الشباب في الصياعه الداخليه ؟؟؟
شف عاد انا من اكثر الناس تشجيعا للسياحه الداخليه تقدر تقول عني متعصب للسياحه الداخليه … من تعصبي لو يحللوني لقو دمي سياحي … تعرف المشجع الشبابي الي انتقل للهلال الي يصايح في المدرجات لحاله… وبصراحه انا اذا رحت للأماكن السياحيه اسوي زيه ادور اعلى مكان وارقى فوقه واقعد اصايح سياحه سياحه سياحه ….
ـ صحيح ان الناس مايلقون حجز في الخطوط السعوديه الا بالواسطه … لكن ما اعتقد انهم جابرينك تروح معهم ؟؟؟؟
…. رح مع غيرهم ؟؟؟؟؟؟ …. ويكفينا ان الكبتن يطلع لنا بعد كل رحله ويقول اشكركم على اختيار الخطوط السعوديه
؟؟؟؟؟؟؟؟…
ـ اسعار السكن ببلاش … وش ببلاش ياخي أي واحد راتبه 15 الف يقدر يحجز له غرفه في أي فندق لمدة اسبوع بالراحه … بس الي مضيق صدري في السكن ان الفنادق والشقق متفقين على اللون البني ؟؟؟؟؟…..
ـ المتزهات وسعة الصدر في الجنوب… وهذا يعتمد على قومك الصبح … يعني اذا مارحت من الفجر تحل لك شجرة انت وعيالك تقعدوت تحتها الين المغرب اقعد في بيتك احسن لك ؟؟؟؟…
رحنا لتلفريك السوده … وقصينا تذاكر الواحد بثلاثين ريال وانا حول 8 …. نزلنا لقينا باص يحترينا … قالو هذا يوديكم لمتحف رجال المع … جينا بنركب قالو الواحد 10 ريال … قصينا تذاكر للباص وركبنا …. قالو الطريق للمتحف 20دقيقه بتشوفون في الطريق قرى وشلالات ومناظر حلوه … وما امدانى نركب في الباص الا والسواق يقول حولو وصلنا … الي يشوفه وهو يسوق بنا يقول ذا مسعفهم … وصلنا رجال المع يوم وصلنا المتحف قالو ادفعوا علشان تدخلون … دفعنا ودخلنا … وبصراحه المتحف مافيه شي قديم ولا فيه شي حلو … المهم يوم طلعنا من المتحف اليين فيه مصلى قلت خل اصلي العصر … وجنب المصلى واحد قاعد على طاوله وباسط بتذاكر … انا لله وانا اليه راجعون حتى الصلاة بفلوس … قلت له كم التذكره قال … الي قدام بـ300 والي ورى بميه … قلت طيب والي بيدعي لك في الصلاة كم تخلي التذكره له به … قال تدعي والا ماتدعي هذي فلوس ناس مالي والله فيها شي … قلت طيب والي بيصلي برى في ساحة المسجد كم تاخذون عليه … قال انهبلت انت … هذي تذاكر الحفل الي بيقام اليله !!!….
ومره وحنا في احد المنتزهات مرت سيارة حديقة الحيوانات معها اسد … وما امداها تمر الا وها العالم منتشرين في كل مكان يقولون الي شاف الاسد يوم تمر السياره يدفع 20 ريال .. المقصود من هذا الكلام الخيالي ان كل شي هناك صار بفلوس هذا هو مفهوم السياحه عندنا!!!
سياحه سياحه سياحه سياحه سياحه ياله ياسياحه
اقول فهمتو من كلام هاالسكران شي ؟؟؟
ـــــــــــــــــــــــ
الا ابسالك انت متعلم ... واذا كنت متعلم وش رايك في مناهجنا الي حطمت الارقام القياسيه ؟؟؟؟؟
شف عاد الا المناهج عندنا … انا اكثر واحد استفاد من كثرة المناهج … على ان ما معي الا شهادة ثاني ليلي … اول كنت احمق ويضيق صدري الين فضى الغاز عندنا في البيت … وعقب مادرس اخوي الصغير … على فكره هو ها الحيين في ثالث ابتدائي… المهم اني ارتحت … قام هو الي يشيل براميل الغاز ويحطها في السياره ويحولها بعد اليين عبيتها … وهذا كله من كثر مايشيل هالمناهج ….
ما قلت لكم سكران لاتشرهون عليه ….
ـــــــــــــــــــــــــ
ــــــــــــــــــــــــ
ـــــــــــــــــــــــ
بصراحه طولتها اكمل معكم بعدين … وتسلمون .
ــــــــــــــــــ
</font></div>
كان معه غرشه عرق في يده اليسرى … امسكها بيده اليمنى (يدور الاجر) ثم شرب منها…. ورفع قدمه اليمنى ووظعها على الطبلون … والتفت علي… ونظر الي بطرف عينه … ثم اخذ يحك راسه وويعظ شفته السفلى وكانه يبحث عن رد … وبعد تفكير دام خمس دقائق .. تكلم وقال … قدام يالبناني قريح (مدري ليش كل من شافني يحزبني لبناني)…
قلت له البناني جابته امك …. نظر الي والقاروره في ثمه … ثم ادخل يده في جيبه واخرج سكينا اخذ يلعب بها .. وقال لي وش تقول …قلت له اقول وين تبي تروح طال عمرك ….
وبعد هذا الموقف سادت فترة سكوت دامت خمس دقائق … بعدها ضحك ضحكة كبيرة … قلت له والله مهوب منك من القاروره الي تقعبها … قال لا والله تشوف الي انا اشوفه … شف القش الي في السيد الرايح ترى تحته سياره … وانا بصراحة تذكرت جارنا الله يذكره بالخير … هو مدرس وكان بيروح للشام … قرب المازدا البقس عند بابه … وقعد ثلاث ايام يحمل فيها … ثلاجه وفرن وغساله وبراميل غاز ومراقد وغرفتين نوم … وفرشات وطراحات وهدايا وووو … المهم يوم خلص محمل السياره كتب على القش ترى السياره تحته …. ويوم جو يركبون في السياره مالقو مكان لولدهم الدب … قام ابوه ومردغه بصابون ودخله في السياره غصب … وما انصك الباب الا يوم طلعوا يدين ولدهم مع الدريشه وربطوها مع العفش … المهم ما بقى الا ابوهم يوم ركب ما انصك بابه … انا لله وانا اليه راجعون وش السوات … قلت مالك الا تفضي الي في مخابيك … قام وطلع بوكه وحطه مع العفش فوق السياره وانصك الباب ….
التفت علي وقال تصدق اني انبسط وافتخر ببلدي اذا شفت هالقشوش يتساقطون على الخط … الله يكثر خيرك بلد … بس من يقدر !!!!!!!!
سواليف سكران خذ وخل !!!!!!!!!!!!!
ــــــــــــــ
قلت له طيب انت متزوج ؟
اغمض عينيه … ثم رفع راسه الى اعلى… واخرج بكت المالبورو … واخذ منه زقاره … ووضعها في فمه(جايب جديد) ثم اخرج الولاعه واشعل الزقاره … ثم تنهد وقال …
الله يسامحتس يا يمه ورطيتني … لو الي ناصحني بالزواج غيرها كان قلت يكرهني … المهم وافقت على الزواج وتم التعميم على الطلب … وبعد بحث دام اكثر من شهر وجدنا طلبنا … لكن المشكله ابوها يضرب به المثل في البخل … خذنا موعد من ابوها ورحنا نقابله … طقينا الباب وطلع علينا ولده الصغير يصيح … سلمنا عليه وسالنا عن ابوه ورد علينا وهو يصيح وقال تفضلوا يحتريكم في المجلس … دخلنا ولقينا ابوهم يخيط في خبزه … سلمنا عليه وعرفناه بانفسنا … وهو قاعد يخيط في الخبزه … سالناه وش في الولد يصيح .. قال السمرمدي المبذر تونا متغدين من 5 ساعات وما دريت عنه الا وهو ماخذ خبزة من الثلاجه وعارمها … يبي ربي يعاقبنا طقيته وخذت منه الخبزه وهاذاني اخيطها … قال الوالد له انا جايين نبي بنتك موضي لولدي … قال ياهلا وسهلا … و بدون مقدمات ترى مهرها 300الف ريال … قال ابوي له دور غير هالكلام … قال ماعندي الا هالكلام … توكلنا على الله وطلعنا يوم جينا نركب سيارتنا لحقنا وقال علشانكم 270 هاه وش قلتوا ….قلنا الله يرزقها … قال طيب بـ250 والله ما اسفطها لغيرك بهاالقيمه حول خل اتصل على المملك وخذها معك هالحيين … قلنا الله يرزقها … قال طيب وقفوا عندي لكم اختها الي اكبر منها مطلقه … ماقعدت مع رجلها الا شهرين يعني استخدام حشمه … وتراها ارخص وصدقني بتدعي لي … رحت ومارديت عليه وانا متحسف على بنته الي يمدحونها …
بعدها دورنا وطحنا في ناس اجاويد جزاهم الله خير … رحنا نقابل ابوها … فتح لنا اخوها محمد ابيض وطويل ومالبس شماغ … دخلنا وجا ابوها وهلا بنا ورحب … وقال لي تعال ابيك … وحطني في غرفه ومادريت الا ومحمد لابس فستان وداخل علي … شكلهم اهل مزح ضحكت وقلت حلوه يبوحميد والله ملعوبه تصدق اني استحيت منك اول مادخلت احزبك ساره… صار وجه محمد احمر .. ودخل ابوهم وقال انت صاحي هذي بنتي ساره الي جاي تخطبها … بصراحه برد وجهي وتبرجلت معاد قدرت ارد احس اني احرجت البنيه … قامت البنيه وطلعت تركض … قلت لابوها كان قلت لي انها تشبه اخوها وتكفيك شوفته … بس والله احراج عند العالم الي يشوف اخوها يصير كنه شايفها وش السوات هوني ماشرط عليهم ان اخوها يتحجب او يقلبونه بنت … المهم ان الامور سارت على مايرام وقررت آخذ محمد آسف اخته … وما شرطو الا بيت …
وعطيتهم 50 الف مهر … واستاجرت دور بـ25 الف ريال وجهزته بـ50الف ريال … وشريت لها شبكه 10 الاف وذهب بـ40 الف … وكلفت ليلة الزواج حوالي 40الف … ومشيتها بـ30الف ريال …
المهم وانا مسافر انا وابوحميد قصدي ساره قلت خل اشوف خسايري لقيت الزواج كلفني 245الف ريال …
وقلت لنفسي البخيل ابو موضوي قايل لي 250 الف وخذها … ثم اطيح في محمد 245 … وحاولت ابرد تسبيدتي ان الفرق 5000 تنفع …
لكن ما امداني اوصل الرياض وازور اهلها الا وامها وجداتها صافين يبون الفتاشه … انا لله وانا اليه راجعون هذا الي خذناه من قنوات لبنان المستقبل و الـ LBC عادات وتقاليد ما لمها داعي … يعني الفتاشه قبل مانعرف قنواتهم ماكنا نعرفها … لكن هذي مضار العولمه … لاتلومني من الحره احتسي….
طيب انا ما ابيهم يفتشون غصب يعني … بعدين انا مفلس هالحيين تقبلون فيزا .. او شيك مؤجل …..
المهم دفعت المعلوم .. وفتشت لي امها وجداتها كاتيا ونيرمين .
واستمر زواجي نكد في نكد وكله تسديد في هالديون … وجتني منها بنت حلوه واموره سميتها حصه على ست الكل ام جيرانا .
بعدها سكت لانه لم يعد قادرا على الكلام ومن ثم رفع يده وفصخ نظارته الشمسية .. واخذ منديلا ونثر خشمه وقال تصدق ان بخل اولياء الامور والعادات والتقاليد وجهان لعملة واحده
ما قلت لكم سواليف سكران !!!!!!!!!!!!!!!!!!!!!!!!
ــــــــــــــــــــ
يوم شفته متاثر من موضوع الزواج حاولت اغير السالفه وقلت تصدق انا مايقهرني الا تلفزيونا … والله ماطيحنا في الدشوش الا هو … وبرامجه الي تجيب الضغط … وش رايك انت ؟؟؟؟
وضع الغرشه في ثمه واخذ يقعب منها … ثم نظر الي وابتسم وقال….ياحبني لتلفزيونا اموت فيه انا … وش ابدى به بس … بصراحه كلش فيه مفيد ..
ـ افلام الكرتون … يعجبني تلفزيونا الحبيب انه عند كلمته مايغيرها …
ـ الفروسيه … انا عاد اموت في شي اسمه الفروسيه … اقعد قدام البرنامج من يبدأ اليين يخلص … ما ارمش علشان مايفوتني شي … ولا زيد فاتتني منها ولا حلقه … اذكر مره كنت جاي متاخر وما لحقت عليها … لكن اهلي عارفين الوضع يسجلون لي كل حلقات ومسابقات الفروسيه … وبصراحه انا من زود حبي للفروسيه اشكر المسؤليين على التلفزيون على تغطيتهم الاكثر من رائعه … واقول في فترة مابين الاذان والا قامه ليش ماتجيبون لنا حلقه عن الفروسيه !!!!!!!…
بيني وبينكم صالح كامل لو يشفرمسابقات الفروسيه قطيت معه …
ـ الاخبار … مره انا والشباب متفقين نروح للشرقيه … ومعنا واحد نصراوي … وكان فيه مبارات بين النصر والرائد غير منقوله … وكانت الساحه 9.30 في اليل … يعني تو الاخبار باديه … وبصراحه انا عجل .. وزميلنا النصراوي يقول مناب رايحيين الا اذا شفنا النتيجه في الاخبار … قلت له اسمع اركبو والله ان يمدينا على اخبار الرياضه في الدمام … وركبوا الشباب ومسكنا خط الدمام … ووصلنا الدمام وخوينا يتمقرص يخاف تخلص الاخبار قبل نوصل … الظاهر انه جاهلا في تلفزيونا او انه يتهزا بنا … المهم يوم وصلنا الشرقيه الين التلفزيون فيه حفل … حمق زميلنا ونام من الزعل … وبعد ساعه انتهى الحفل … وطلع لنا منصور الخضيري ومزيد السبيعي شكلهم راحو لبيوتهم وتعشوا وجو يكملون الاخبار … وانا الي اصرخ على رفيقي قم قم الله يرجك ما وعدتك انك تلحق على الاخبار الرياضيه … ثم زعل علينا خوينا الثاني … يقول والله القهر فاتني الحفل … والله لو ادري انهم بيجيبونه في الاخبار ماجيت معكم الا اليين ينتهي … وما امداه يكمل كلمته الا مزيد الله يخليه يقول بنعيد الحفل لكم بعد الاخبار … تلوموني في حب تلفزيوننا !!!!!!!..
ـالمسلسلات … ياحبني لتلفزيونا المسلسل يشترونه 7 حلقات … بس يحللون قيمته … يقلبونه مكسيكي … كل يوم طالعيين لنا نعتذر عن تقديم المسلسل … يعني كل 6 ايام يجيبون حلقه … والله يجزاهم خير مازيد عادوا ولا مسلسل اكثر من عشر مرات؟؟؟؟
البرامج الرياضيه … يجيك ابو شنب يطامر ويغني وما بقى الا شوي ويقوم يرقص … والا رفيقه الي كنه بلاستيك … الظاهر انهم منشينه مايتحرك … ورغم كذا هو البرنامج الي يبرد على تسبودنا شوي …
وبصراحه انا اكثر مايعجبني هو برنامج تدريبات الصباح القديم … حق صالح العريض…ماالك الا صالح … بس البرنامج طلع عليه دعايات انه مثير … وسمعت ان عربسات هددوا انهم بيلغون قناتنا اذا استمر هالبرنامج المثير..وقالو لازم يلبس فروه والا امنعوه ومنعوه …
الاعلانات … بالنسبه للشنبو … وبما انكم تجيبون البنت الي تسوي الاعلان متحجبه … ليش ماتجيبون واحد ثقه معها في الاعلان يحلف قدام الناس ان شعرها صار ناعم وطال بعد ما استخدمت الشنبو ؟؟؟؟؟
ما قلت لكم سواليف سكرا خذ وخل !!!!!!!!!!!
ــــــــــــــــــــ
الا وش رايك يا ابو الشباب في الصياعه الداخليه ؟؟؟
شف عاد انا من اكثر الناس تشجيعا للسياحه الداخليه تقدر تقول عني متعصب للسياحه الداخليه … من تعصبي لو يحللوني لقو دمي سياحي … تعرف المشجع الشبابي الي انتقل للهلال الي يصايح في المدرجات لحاله… وبصراحه انا اذا رحت للأماكن السياحيه اسوي زيه ادور اعلى مكان وارقى فوقه واقعد اصايح سياحه سياحه سياحه ….
ـ صحيح ان الناس مايلقون حجز في الخطوط السعوديه الا بالواسطه … لكن ما اعتقد انهم جابرينك تروح معهم ؟؟؟؟
…. رح مع غيرهم ؟؟؟؟؟؟ …. ويكفينا ان الكبتن يطلع لنا بعد كل رحله ويقول اشكركم على اختيار الخطوط السعوديه
؟؟؟؟؟؟؟؟…
ـ اسعار السكن ببلاش … وش ببلاش ياخي أي واحد راتبه 15 الف يقدر يحجز له غرفه في أي فندق لمدة اسبوع بالراحه … بس الي مضيق صدري في السكن ان الفنادق والشقق متفقين على اللون البني ؟؟؟؟؟…..
ـ المتزهات وسعة الصدر في الجنوب… وهذا يعتمد على قومك الصبح … يعني اذا مارحت من الفجر تحل لك شجرة انت وعيالك تقعدوت تحتها الين المغرب اقعد في بيتك احسن لك ؟؟؟؟…
رحنا لتلفريك السوده … وقصينا تذاكر الواحد بثلاثين ريال وانا حول 8 …. نزلنا لقينا باص يحترينا … قالو هذا يوديكم لمتحف رجال المع … جينا بنركب قالو الواحد 10 ريال … قصينا تذاكر للباص وركبنا …. قالو الطريق للمتحف 20دقيقه بتشوفون في الطريق قرى وشلالات ومناظر حلوه … وما امدانى نركب في الباص الا والسواق يقول حولو وصلنا … الي يشوفه وهو يسوق بنا يقول ذا مسعفهم … وصلنا رجال المع يوم وصلنا المتحف قالو ادفعوا علشان تدخلون … دفعنا ودخلنا … وبصراحه المتحف مافيه شي قديم ولا فيه شي حلو … المهم يوم طلعنا من المتحف اليين فيه مصلى قلت خل اصلي العصر … وجنب المصلى واحد قاعد على طاوله وباسط بتذاكر … انا لله وانا اليه راجعون حتى الصلاة بفلوس … قلت له كم التذكره قال … الي قدام بـ300 والي ورى بميه … قلت طيب والي بيدعي لك في الصلاة كم تخلي التذكره له به … قال تدعي والا ماتدعي هذي فلوس ناس مالي والله فيها شي … قلت طيب والي بيصلي برى في ساحة المسجد كم تاخذون عليه … قال انهبلت انت … هذي تذاكر الحفل الي بيقام اليله !!!….
ومره وحنا في احد المنتزهات مرت سيارة حديقة الحيوانات معها اسد … وما امداها تمر الا وها العالم منتشرين في كل مكان يقولون الي شاف الاسد يوم تمر السياره يدفع 20 ريال .. المقصود من هذا الكلام الخيالي ان كل شي هناك صار بفلوس هذا هو مفهوم السياحه عندنا!!!
سياحه سياحه سياحه سياحه سياحه ياله ياسياحه
اقول فهمتو من كلام هاالسكران شي ؟؟؟
ـــــــــــــــــــــــ
الا ابسالك انت متعلم ... واذا كنت متعلم وش رايك في مناهجنا الي حطمت الارقام القياسيه ؟؟؟؟؟
شف عاد الا المناهج عندنا … انا اكثر واحد استفاد من كثرة المناهج … على ان ما معي الا شهادة ثاني ليلي … اول كنت احمق ويضيق صدري الين فضى الغاز عندنا في البيت … وعقب مادرس اخوي الصغير … على فكره هو ها الحيين في ثالث ابتدائي… المهم اني ارتحت … قام هو الي يشيل براميل الغاز ويحطها في السياره ويحولها بعد اليين عبيتها … وهذا كله من كثر مايشيل هالمناهج ….
ما قلت لكم سكران لاتشرهون عليه ….
ـــــــــــــــــــــــــ
ــــــــــــــــــــــــ
ـــــــــــــــــــــــ
بصراحه طولتها اكمل معكم بعدين … وتسلمون .
ــــــــــــــــــ
</font></div>