كراش
06-07-2000, 10:14
أنا أصغر أخواني يعني ( القعده ) أو ( آخر العذق ) ـ إن صح التعبير ـ ومدلّعتني أمّي مرّة المهم إن أخواني كلهم تزوجوا ومابقى إلا أنا وصجّتني أمي كل يوم تقول ورا ماتزوج وأنا أقول لها بعدين ـ إن شاء الله ـ لأني مدري وش يسوّى بالحرمه وثانياً أنا حياوي مرّة أستحي إذا طلّعت ( فيدي ) وأنا لحالي وشلون أبطلّعه عند حرمه منيب أعرفها ، المهم جتني امي وقالت لي أبقول لابوك يخطب لك نوره بنت جيرانّا ، قلت مابيها قالت : ليش ، قلت : أخوها مهوب زين ، قالت حنا نبي نخطب أخوها وإلا نبي نخطبها ( على نيّاتها ) ، قلت أصرّف إذا صار أخوها مهوب زين ( فمن باب أولى ) تصير هي عليه قالت : مالك لوى مهناب أملح منها ، قلت طيب منهي تشبه من المطربات قالت فيها بوهةٍ من عتاب الا ان عيونها أوسع شوي قلت متأكدة ان عيونها أوسع قالت ايه قلت أجل مايخالف ، .. ورحت أنا وابوي وخطبها لي ووافقوا مبدئياً ، وقلت لازم أشوفها قالو يحق لك بس اصبر شوي تبي تجي هالحين قلت أنا للوالد صرِّف عمرك اطلع واحترني في السيارة ويوم طلع قعدت شوي وأسمع قرقعت كيسان قلت في نفسي ( هذي هي جت وجايبةٍ لي عصير بردقان ومع الحياء قاعدةٍ تنافض ) واحمرت خدودي ونزّلت راسي ويوم دريت ولا هلّي تقول : ( يبغى مويه والا مافيه يبغى ) وارفع راسي والآها الشغالة لا و ( سرلنكيّة ) من زين الطبايع قلت إلا ميّت من الظمأ وأنا اللي آخذ الجيك كلّة وأكبّه في وجهها واقول إنقلعي الله يقلعتس ولا عاد اشوف خشّتس اللي تسنها خشّة عنزٍ فيها ( ابا الوجيه) وهزّت راسها وراحت ، ويوم قعت شوي والا التلفون يرن ومن الربكة شلته والآها بنت وتضيع طاستي زود قلت نعم قالت وين نورة قلت مهيب فيه قالت : من انت ، وقلت مجموعة إنسان من كل ضد وضد تلقين فيني ، قالت : وشّو قلت أقول زوجها قالت اثرها متزوّجه ماعلمتني اورّيك فيها وحاولت امسك اعصابي وقلت وش نورة اللي تبغين قالت نوره صديقتي قلت لا هذا بيت نورة ثانية ، ثمٍّ دخل ابو نورة وأنا اكلّم وانحرجت مرّه وعرقت مدري وشلون ابصرّفها ، ان قلت هو اللي رانّ بيقول وش هالملقوف وان قلت انا اللي زاهم بيقول وش ذا النسيب اللي رفع المونه من ليلة الخطبه ، وقمت وقفّلت الخط بيدي ( بدون ماينتبه )
وخذت سمّاعة التلفون وقعت احك بها ظهري وقلت لابو نورة والله مدري وش هالحكّة في ظهري اليوم وان الدكتورة ( مريم نور ) تقول في قناة الجزيرة ان أحسن شي تحكّون به ظهوركم هو سماعة التلفون لأن ( الذبذبات الصوتيه ) تساعد على شفاء ( نفر الريح ) لكن اليد تسبّب حساسية مزمنه ويلتهب الظهر زود قال : ( عجيييييييييييب ) قلت زين مشت عليه ثم قال معليش البنت مهيب مستعدّة هالحين تعال بكرة بعد صلاة العشاء وشفها على كيفك قلت مقدر لأني معزوم باتسر قال أجل بعده قلت فيه مباراة الهلال والنصر ولازم أناظرها ويمكن ـ مهوب أكيد ـ يمكن أجي بين الشوطين قال مايخالف (( قالها من غير نفس )) وجاء بكره وناظرت الشوط الأول وأنا على أعصابي بس اشوى جاب ( الذيب ) الله يسلمه هدفين وبردت شوي وهدت أعصابي ويوم انتهى الشوط الأول نقزت لبيت ( ابو نسب )
ورنّيت الجرس ورد عليّ الابو قلت نورة فيه قال : وشّو رفعت المونه وأنت مابعد خطبتها وشلون أجل اذا تزوجتها قلت أقول : ابو نوره فيه قال: أشوى ، وانبسطت مرّة عشان ابونسب طلع (( مخفّه )) المهم فتح الباب وسلّمت عليه وحبّيت راسه ـ اسايسة ـ وبيني وبينكم كنت حاطٍ يدي على راسه وحبيتها .. بس لحد يعلّمه ليّه يهوِّن ثم قلّطني في المجلس وطلع وقعدت شوي وأسمع قرقعت هالكيسان قلت : ( الله يخس هالسرلنكيّة زودٍ على خستها ) ذبحتني ونا اللي أفصخ ( الزبيرية ) عشان اصكّها مع خشتها من يوم ( تويزّ ) ـ يعني تطل ـ ويوم شفت طرف الشعر واسفّ الزبيرية وتلزخ في أعلى الجدار وتدخل الحرمه والآها نوره وأتوهّق وأقول أبغى أصرّفها ، ماقصدتها فيتس ابطق ذاك البرصي اللي في الغما قالت وش القصة وش تقول أنت ( وصارت ماتدري عن الزبيرية ولا سمعت صوتها ) قلت أقول وش رايتس في هدف سامي الثاني والله مهوب صاحي قالت أنت جاي تبغى تشوفني والا جاي تبغاني أحلّل المباراة قلت لا والله أمزح معك بس ابجس نبضتس عشان اعرف وش تشجّعين قالت اشجّع فيورينتينا و الوشم قلت اشوى لوّتس نصراويّة كان اطلقتس قالت من يقول انك زوجي حتى تطلقني قلت ( امزح ) .. ( وسلمولي على اللي مخترعٍ كلمة امزح لأنها تصريفه رهيبه فكلما انزنقت قل أمزح ) المهم يوم جيت ابخش معها جوّ جا ابوها ( الله لا يحيّيه ) لا .. وقعد بينّا من زين الطبايع قال هاه وش رايك فيها قلت بصراحة قويّة مرّة قال ( عمى ) امداك والا متطارحٍ انت ويّاها قلت وشّي قال نورة قلت ايه احسبك تسألني عن المبارة قال الله يخلف عليك قلت له ـ استهبل ـ الله يحيّيك على قلّ الكلافة ثمٍ قلت له الله لا يهينك يخالي ـ وش رايكم في المسايس ـ أبغاك تروح تشوف التلفزيون ولا عليك أمر وتعلمنا ان كان الشوط الثاني بدا والا .. لا ، قال قومي ينورة شوفي قلت بشويّ شويّ : ( ماصرنا بشيّ ) بس سمعني الشايب وقال وش تقول قلت أقول مابي شي يعني ليّها تجيب لي عصيرولا شاهي ولا عشا قال ( مشّ خشّك ) قلت بمنديل والا بيدي حدّد ، وسفهني وما ردّ عليّ ثم قلت له أمّا لو تجيب قهيوة واتقهوى أنا ويّاك تسان مايحتاج قال والله ودي أجيب بس أخاف ماتشتهيها قلت الا والله ابلطّ جد الدلة قال بس المشكله الشغالة مهيب فيه والا تسان اخلّيها تسوّي قهوه قلت وينها ذالفةٍ له قال عليها قلّ صح ومودّيها الولد للمستشفى قلت عسى ما شرّ قال ابد مزكومة قلت اييييييه الله لا يلومها من الموية الباردة قال وشّي مويته قلت اقول يمكنها تروّش بمويةٍ باردة وتسدَّح عند المكيف
قال يمكن ثم قلت له ياخالي ما تلاحظ ان نورة ابطت ابروح اشوف عسى ماجاها شي قال انثبر ابروح انا قلت مايصير استرح الله لايهينك ابروح عنك قال اقول لك انثبر والا تقلّع قلت لا .. ابستريح على قولتك الله مير يسلّمك ثم راح الشايب ينادي نورة ونقزت أنا وخذت الزبيريّة ولبستها ثم جت نوره هي وابوها وقالو المباراة ما بعد بدت قلت زين واستلمنا الشايب بهالسواليف والسباحين وأنا اقول له ( اسلم ) كلما سكت شوي وانا منيب يمّة قاعدٍ اناظر نورها المهم قلت له ابغى أصرّفه ـ : الظاهر ان المصارعة بدت يخالي قال الله يذكّرك الشهادة واستانست وانبسطت احسبه يبي يروح لكنّه قال : آنست وشرّفت الله يحييكم انت واهلك الخميس الجاي عشان نتمّم الخطبة ونعلّمكم بالشروط ، قلت : اوووووه لا.لا .لا المصارعة تجي ليلة الاربعا وانحن في ليلة الثلاثا قال زين بس لا تنسى تسلّم لي على الوالد قلت ( يبلغ ) قلتها بفسٍ شينه وقمت وانا ما ودي اقوم بس وش اسوّي انا حياوي مثل ما قلت لكم ويوم جينا بنطلع من المجلس قال لي ابو نورة تفضّل قلت ابد تفضّل انت ـ على بالي اخلاق ـ وانا ابغاه يطلع الاول علشان انفرد بنوره ( حبيبتي ) وابوسها بوسة الخطوبه المهم قال لي يرجّال تفضّل قلت باليمين ( على بالي حجوجي ) قال ما يخالف يالله تفضّلي يانورة ولا نورة على يمينه قلت اجل ملزِّم وانا اللي اطلع واقول له اكرمك الله ولوّي ماذقت عنده ولا جغمة مويه واروح للبيت والقى امي واقول لها حرام عليتس البنت تشبه كلودا الشمالي وانتي تقولين تشبه عتاب قالت كله واحد وانا امك كل ابوهن يغنّن ولانيب افرّق بينهن قلت الشرهه مهيب عليتس الشرهه على اللي يسألتس أنتي وضروستس اللي تسنهن ضروس انغام قبل ماتعدلهن قالت اقطع واخس ياقليل الحياء ثم فصخت الزنوبه ( ولا طقتني بها ) عطتنيها وقالت حطها عند الباب يبعدي جعلي مبتسيك قلت ابشري غاليه والطلب رخيص وخذتها وحطيتها في المكان اللي تقوله وكمّلت وحمّلت وفي ( …. ) صالح كامل دمّلت … وقصة الملكة وليلة الدخلة في المرّة الجاية إن احيانا الله وآسف جداّ على الاطالة .. ( واستروا ما قرأتم ) .
------------------
كراش والا بلاش
[b]<small><small>[ تم تعديل الموضوع بواسطة المرجوج يوم يوليو 07, 2000]
وخذت سمّاعة التلفون وقعت احك بها ظهري وقلت لابو نورة والله مدري وش هالحكّة في ظهري اليوم وان الدكتورة ( مريم نور ) تقول في قناة الجزيرة ان أحسن شي تحكّون به ظهوركم هو سماعة التلفون لأن ( الذبذبات الصوتيه ) تساعد على شفاء ( نفر الريح ) لكن اليد تسبّب حساسية مزمنه ويلتهب الظهر زود قال : ( عجيييييييييييب ) قلت زين مشت عليه ثم قال معليش البنت مهيب مستعدّة هالحين تعال بكرة بعد صلاة العشاء وشفها على كيفك قلت مقدر لأني معزوم باتسر قال أجل بعده قلت فيه مباراة الهلال والنصر ولازم أناظرها ويمكن ـ مهوب أكيد ـ يمكن أجي بين الشوطين قال مايخالف (( قالها من غير نفس )) وجاء بكره وناظرت الشوط الأول وأنا على أعصابي بس اشوى جاب ( الذيب ) الله يسلمه هدفين وبردت شوي وهدت أعصابي ويوم انتهى الشوط الأول نقزت لبيت ( ابو نسب )
ورنّيت الجرس ورد عليّ الابو قلت نورة فيه قال : وشّو رفعت المونه وأنت مابعد خطبتها وشلون أجل اذا تزوجتها قلت أقول : ابو نوره فيه قال: أشوى ، وانبسطت مرّة عشان ابونسب طلع (( مخفّه )) المهم فتح الباب وسلّمت عليه وحبّيت راسه ـ اسايسة ـ وبيني وبينكم كنت حاطٍ يدي على راسه وحبيتها .. بس لحد يعلّمه ليّه يهوِّن ثم قلّطني في المجلس وطلع وقعدت شوي وأسمع قرقعت هالكيسان قلت : ( الله يخس هالسرلنكيّة زودٍ على خستها ) ذبحتني ونا اللي أفصخ ( الزبيرية ) عشان اصكّها مع خشتها من يوم ( تويزّ ) ـ يعني تطل ـ ويوم شفت طرف الشعر واسفّ الزبيرية وتلزخ في أعلى الجدار وتدخل الحرمه والآها نوره وأتوهّق وأقول أبغى أصرّفها ، ماقصدتها فيتس ابطق ذاك البرصي اللي في الغما قالت وش القصة وش تقول أنت ( وصارت ماتدري عن الزبيرية ولا سمعت صوتها ) قلت أقول وش رايتس في هدف سامي الثاني والله مهوب صاحي قالت أنت جاي تبغى تشوفني والا جاي تبغاني أحلّل المباراة قلت لا والله أمزح معك بس ابجس نبضتس عشان اعرف وش تشجّعين قالت اشجّع فيورينتينا و الوشم قلت اشوى لوّتس نصراويّة كان اطلقتس قالت من يقول انك زوجي حتى تطلقني قلت ( امزح ) .. ( وسلمولي على اللي مخترعٍ كلمة امزح لأنها تصريفه رهيبه فكلما انزنقت قل أمزح ) المهم يوم جيت ابخش معها جوّ جا ابوها ( الله لا يحيّيه ) لا .. وقعد بينّا من زين الطبايع قال هاه وش رايك فيها قلت بصراحة قويّة مرّة قال ( عمى ) امداك والا متطارحٍ انت ويّاها قلت وشّي قال نورة قلت ايه احسبك تسألني عن المبارة قال الله يخلف عليك قلت له ـ استهبل ـ الله يحيّيك على قلّ الكلافة ثمٍ قلت له الله لا يهينك يخالي ـ وش رايكم في المسايس ـ أبغاك تروح تشوف التلفزيون ولا عليك أمر وتعلمنا ان كان الشوط الثاني بدا والا .. لا ، قال قومي ينورة شوفي قلت بشويّ شويّ : ( ماصرنا بشيّ ) بس سمعني الشايب وقال وش تقول قلت أقول مابي شي يعني ليّها تجيب لي عصيرولا شاهي ولا عشا قال ( مشّ خشّك ) قلت بمنديل والا بيدي حدّد ، وسفهني وما ردّ عليّ ثم قلت له أمّا لو تجيب قهيوة واتقهوى أنا ويّاك تسان مايحتاج قال والله ودي أجيب بس أخاف ماتشتهيها قلت الا والله ابلطّ جد الدلة قال بس المشكله الشغالة مهيب فيه والا تسان اخلّيها تسوّي قهوه قلت وينها ذالفةٍ له قال عليها قلّ صح ومودّيها الولد للمستشفى قلت عسى ما شرّ قال ابد مزكومة قلت اييييييه الله لا يلومها من الموية الباردة قال وشّي مويته قلت اقول يمكنها تروّش بمويةٍ باردة وتسدَّح عند المكيف
قال يمكن ثم قلت له ياخالي ما تلاحظ ان نورة ابطت ابروح اشوف عسى ماجاها شي قال انثبر ابروح انا قلت مايصير استرح الله لايهينك ابروح عنك قال اقول لك انثبر والا تقلّع قلت لا .. ابستريح على قولتك الله مير يسلّمك ثم راح الشايب ينادي نورة ونقزت أنا وخذت الزبيريّة ولبستها ثم جت نوره هي وابوها وقالو المباراة ما بعد بدت قلت زين واستلمنا الشايب بهالسواليف والسباحين وأنا اقول له ( اسلم ) كلما سكت شوي وانا منيب يمّة قاعدٍ اناظر نورها المهم قلت له ابغى أصرّفه ـ : الظاهر ان المصارعة بدت يخالي قال الله يذكّرك الشهادة واستانست وانبسطت احسبه يبي يروح لكنّه قال : آنست وشرّفت الله يحييكم انت واهلك الخميس الجاي عشان نتمّم الخطبة ونعلّمكم بالشروط ، قلت : اوووووه لا.لا .لا المصارعة تجي ليلة الاربعا وانحن في ليلة الثلاثا قال زين بس لا تنسى تسلّم لي على الوالد قلت ( يبلغ ) قلتها بفسٍ شينه وقمت وانا ما ودي اقوم بس وش اسوّي انا حياوي مثل ما قلت لكم ويوم جينا بنطلع من المجلس قال لي ابو نورة تفضّل قلت ابد تفضّل انت ـ على بالي اخلاق ـ وانا ابغاه يطلع الاول علشان انفرد بنوره ( حبيبتي ) وابوسها بوسة الخطوبه المهم قال لي يرجّال تفضّل قلت باليمين ( على بالي حجوجي ) قال ما يخالف يالله تفضّلي يانورة ولا نورة على يمينه قلت اجل ملزِّم وانا اللي اطلع واقول له اكرمك الله ولوّي ماذقت عنده ولا جغمة مويه واروح للبيت والقى امي واقول لها حرام عليتس البنت تشبه كلودا الشمالي وانتي تقولين تشبه عتاب قالت كله واحد وانا امك كل ابوهن يغنّن ولانيب افرّق بينهن قلت الشرهه مهيب عليتس الشرهه على اللي يسألتس أنتي وضروستس اللي تسنهن ضروس انغام قبل ماتعدلهن قالت اقطع واخس ياقليل الحياء ثم فصخت الزنوبه ( ولا طقتني بها ) عطتنيها وقالت حطها عند الباب يبعدي جعلي مبتسيك قلت ابشري غاليه والطلب رخيص وخذتها وحطيتها في المكان اللي تقوله وكمّلت وحمّلت وفي ( …. ) صالح كامل دمّلت … وقصة الملكة وليلة الدخلة في المرّة الجاية إن احيانا الله وآسف جداّ على الاطالة .. ( واستروا ما قرأتم ) .
------------------
كراش والا بلاش
[b]<small><small>[ تم تعديل الموضوع بواسطة المرجوج يوم يوليو 07, 2000]