الجبل
12-07-2000, 18:37
<div align="Right"><font size="+2" face="DecoType Naskh" color="#000066"> كان ياما كان في قديم الزمان :
كان فيه واحد تزوجله حريمةً صحيحه وحليله ( اجوديه يعني ) ……
ماقام له شهرين الا وحملت الحريمه ………..
وشهرين ثانيات ومات الرجال …… لاحول ولا قوه.
كملت الحرمه التسعه اشهر وأضنت وجابت له وليد……
وقامت تشتغل بالبيوت وتكد على الوليد وهو يكبر ….
نسيت اقول لكم انها ماكانت تدري انه لازم تسمي الولد … وصار الولد يكبر من دون اسم ….
رح ياولد… تعال ياولد… جاء الولد …… فعل الولد ترك الولد….
الين كبر الولد وصار ابو ست سنين ……
راح يسجل بالمدرسه .. قالو له وش اسمك …. قال ما ادري …
قالو له رح سو لك اسم وتعال ..( تخيل مايبون شهاده ميلاد ولا تطعيم …. الخ) ….
راح لامه وقال لها كذا … قالت خذ ياوليدي هلخمسين ريال واطلع للسوق واشتر لك اسم ….
طلع للسوق ولقى جبنو طحينيه وملابس وكل شي … بس ما فيه احد يبيع اسامي …
سأل هك الواحد ( طلع عيار ) قال له انا ابيع عليك اسم …. تسم معك … قال الوليد خمسين ريال … قال يسدن … اخذهن منه … وقال له رح ياوليدي انا سميتك كويس .
فرح الوليد وراح لأمه …. وقال لها الأسم الجديد …. قالت خل نجربه ( تست يعني ) …. طلع الوليد للشارع …. وقامت امه عند الباب وصوتت له …. كويس … ياكويس … جاء الولد يركض … سمي يمه ….قالت حلو اسمك فعال ( يشتغل يعني ) ..
راح كويس للمدرسه وسجلوه بهلأسم …. درس كويس وكبر … وتذكر الرجال اللي باع عليه اسمه …. قال انا اوريك به ابن …. ولله ان شاء الله لاانتقم منه واخذ حقي …
راح كويس وأشترى حمار ( تكرمون ) وحط بعيز الحمار ( فتحه شرجه يعني كرمكم الله ) ثلاث جنيهات ذهب …. وطلع للسوق … ويوم صار بجنب الرجال العيار اللي انتم خابرينه … نغز الحمار مع جنبه نغزه قويه … ضرط الحمار وطلع جنيه ذهب وطاح على الأرض …. قام كويس ولقط الجنيه من الأرض ونظفه وحطه بمخباته …… تعجب الرجال وقال لكويس وش ذا…
قال كويس هذا حمار امي وبوي … متجنس ….الا نغزته يطلع ذهب مع عيزه ….تبي تجرب …
قال الرجال تكفى … وقام ونغز الحمير …. وب… وط …. ق….قو … ويطلع جنيه الذهب … ويطيح على الأرض وياخذه كويس وينظفه …. تعجب الرجال وقال تبيع الحمار ؟
قال كويس لا هذا حمار ابوي الله يرحمه ( يعني ابوه مهب الحمار ) مااقدر ابيعه … قال الرجال ابعطيك عشرة الأف …. قال كويس ( لو تقول بمية الف ) …. قال الرجال شريت ( هذا يوكون ذا مهب حمار) … قال كويس اجل ياخوي جربه مره ثانيه تاكد علشان ابري ذمتي …… جربه الرجال وطلع الجنيه الثالث وقال كويس ترى ذا مهب تبع البيعه …. وأخذ الميه الف …. وقال للرجال تحط الحمار بغرفه خاصه مفروشه زل وظلما وتحطله مكيف سبليت …. وتراه ما ياكل الا كافيار وكراث ….. لازم تسذا ولا ترى ما يطلع ذهب انا علمتك وبريت ذمتي ……
قام الرجال واخذ الحمار وحطه بغرفه نومه الخاصه ….. ودلعه وولع له المكيف ….. وجاب له كراث من عنيزه ( مع الأعتذار) …… وكافيار من روسيا …… وقام كل يوم ينغزه ولا يطلع له الا صون تكرمون …. نرفز الرجال وبداء يفهم انه مضحوك عليه ومير ينغز الحمار هك اليوم نغزه قويه راح فيها ( مع الأ عتذار ) الحمار …. أنهبل الرجال وأستخف وجاه خارش وارش …. يومين ثلاثه واخذوه اهله للمطوع ….. وعشره متساوي على الظهر وخمس على الهامه …… يومين ثلاثه ويشوي ….. ويفتح بالماء ….. قال ولله لاأروح وأدب كويس …… وياخذ معه العجرا ويروح لبيت كويس … المهم طق الباب وفتح له كويس وقام الرجال يبي يلخه بالعجرا … هج كويس وهو يصوت اصبر . الحلم . وسع صدرك ….. اعطيك دراهمك ….. وكذا الين هدا الرجال …. قال له كويس اقلط تقهو هلحين ويسهل الله …. دخل الرجال وفرش له بالحوش تحت الماسوره اللي تنزل السيل من السطح …. ودخل البيت وقال لأمه .. ارقي للطايه ( السطح ) واذا قلت القهوه …. صبي القهوه مع المثعب ( المرزم) وكذا الشاهي والما والغدا …….
اخذ معه دله وبريق ومواعين وفناجيل ….. وطلع للحوش وقعد مع الرجال وقال الله يحييك على غير كلافه تراك تبي تقهوى وتغدا بعد عندنا اليوم. انت محل والد…. قال الرجال عطني فلوسي بس خل امشي ماابي قهوتك…. لزم كويس على القهوه … ووافق الرجال ….
حط كويس الدله بأثم الماسوره وطق الماسوره بالملعقه وقال بصوت عالي …..القهوه …. القهوه ….قامت امه صبت القهوه بالماسوره من السطح وتعبت الدله …..وصب للرجال وتقهوو ….. والرجال طايره عيونه ….. وش ذا قال كويس هذي ماسوره ابوي الله يرحمه … مسحوره قل لها اللي تبي وتنفذ على طول ….. حط كويس البريق تحت الماسوره وقال . الشاهي …. الشاهي …… صبت امه الشاهي بالماسوره . وتعبى البريق . … وتقهوى الرجال وهو بين مصدق ومكذب … قال له كويس ورى ما تجرب ….. أطلب غدا ء ….. قام الرجال وحط التبسي تحت الماسوره وطقها بالملعقه وقال الغداء….. الغداء….. كبت العجوز الرز بالماسوره واتبعته باللحم …. وتغدو الرجاجيل …… قال الرجال تبيع ….. قال كويس ابد ….. لو تقول بربع مليون ….. قال الرجال شريت …… وجابو سباك وفك الماسوره ….. واخذ كويس الدراهم .
راح الرجال لبيته وركب الماسوره وعزم الجماعه والجيران والقرايب والبعيدين ….. يوم صار وقت الغداء ويفلون السمط ويحطون عليها صحون فاضيه …. والناس متعجبين ….. هذا عازمنا على هواء ….. المهم قال لهم يلله كل واحد يجيب صحنه ويحطه تحت الماسوره هذي ….. وقام هو اول واحد وجاب صحن فاضي وحطه تحت الماسوره وطقها بالملعقه وقال الغداء …. الغداء…. ويحتري يبي غدا يبي رزه اللي هو خابر …. ما عندك احد … يغير الصحن … يغير الزاويه ….. جرب كل شي ولا نفع …. ضحكوا عليه الجماعه وراحوا …. وهو هلمره انهبل رسمي …. بعد كم يوم اخذوه اهله للمطوع …. وثلاثين متسوى مع الظهر… وعشرين بالبطن … وعشر بالهامه …. وقعدوا يترددون به سته أشهر يقرا عليه … الين خف وعقل … قال هلمره ابروح لكويس واذبحه ….أخذ سكين راح لكويس وطق الباب بقوه وعنف ….وكان هلمره كويس مستعد له ومتوقعه…. قعد كويس يكلمه ويوسع صدره الين انه هدا وركد … همن فتح له وقال له ادخل تقهو يارجال ولا يصير خاطرك الا طيب اعطيك فلوسك واعوضك ان شاء الله … دخل الرجال للمجلس وقعد … راح كويس لم أمه وقال لها ألبسي المصير اللي مليان دم ارنب ولفيه على رقبتس وسوي مثل ما اتفقنا تكفين … قالت ابشر ياوليدي …. رجع للمجلس وقعد يسولف مع الرجال … همن صوت القهوه ياولد …. القهوه وأمه مطنشه …. ثاني مره … والثالثه ردت …. ويوم انه دخلت العجوز بالقهوه ويطمر كويس اللي مسوي نفسه منرفز وياخذ السكين من ايد الرجال ويذبح امه مع الرقبه ويطشر دم الأرنب وتطيح امه على الأرض ….قام الرجال وقال ذبحت امك يا قليل الأصل … ياللي ما تخاف الله … قال كويس….. بسيطه … بسيطه …. وقام لم صندوق بطرف المجلس وفتحه وطلع منه بسه ( قطوه) مزبرقه وملبسه بكلات ومصبغه احمر واخضر وصايره عجيبه …. وحط البسه عند راس امه وقال يابسه ابوي اشفيها باذن الله… أومير تقوم امه وتغطى وتهج لبيتها ولا كنه صار شي ….وقال للرجال انا قلت لك بسيطه أصلاً انا انرفز بسرعه واذبح كل يوم اثنين ثلاثه …. علشان كذا الوالد الله يرحمه ورث لي هلبسه المتجنسه….كل ما ذبحت احد … حطيتها عند راسه ويقوم عدن عديد …..قال الرجال تبيع …. قال كويس لو تقول بمليون ( ولله الثور اللي مايتعلم) … قال الرجال شريت …. وهل المليون … واخذ البسه والصندوق هديه …
اول ما دخل البيت ولا أمه ويتناولها بالسكين ويطرحه … ويجي اخوه يركض ولا السكين ببطنه ويلحقهم الوالد والبنات الثنتين …. ويجون الجيران على الصيحه ولا الدم ويتصرعون ….. ويجي الرجال ويكمل عليهم بالسكاكين … وياصل الدم للركب …. ويروح الرجال لتحت الدرجه ويطلع الشوزن وعلى السطح مع دسته فشق …. ويلقط كل من مر بشارعهم … يوم صار اتلى النهار ولا الموتى يجيلهم خمسميه والجرحي كثرهم مرتين ….. وينزل من السطح ويطلع البسه…..!!!!!
ويقعد يدور على القتلى ويحط البسه عند روسهم… بداء بامه وأبوه وأ خوانه ولا صحى منهم احد ….ويحاول مره والثانيه ولا فيه فايده….. وينهبل هلمره نهائي …. تمصلخ وطلع يركض بالشارع … ويجدع رقم تلفونهم على الغنم ….أ مسكوه الشرطه وودوه للمطوع ….. وخمسين متسوى على الظهر ….. وعشرين على البطن … ومثلهن على الرقبه … وعشر على الهامه …. وخمس بالأطراف …..ويتردد عليه يقولون الله العالم سنتين يقرا عليه …. أومير اشوى يخف …. ويقعد نقاهه سته أشهر ويفطن لكويس … قال هلمره ذابحه ذابحه ….. بس منب رايحن له لحالي …. ويروح لواحد من بني عمه ويقص عليه القصه …. ويروحون سوا لبيت كويس ويطمرون من فوق السور ويمسكون كويس ويحطونه بخيشه ويربطون عليه ….. ويشيلونه عقب المغرب يبي يروحون يجدعونه بالبحر …. ويقابلهم واحد من بنيخيهم بطرف الديره ويقول ولله ما تعدون الا حاضرين العرس حنا بنيخيكم وعندنا عرس ومايصير ماتشرفوننا …. حطو الخيشه بجنب جدير وقالوا نروح نحضر العرس ونجي نكمل المهمه ….. قام كويس يصرخ وسط الخيشه ….. ما ابيها … ماابيها …. ولا الشاوي ( راعي الغنم) مار من عنده هو وغنمه….. جا لم الخيشه وسأل وشي اللي ما تبيها ….. قال كويس تشوف العرس اللي هناك … قال الشاوي ايه …. قال هذا عرسي على بنت عمي وانا ما ابيها …. وحطوني بهلكيس يبي يزوجونيها غصب …. وترى ان دخلت مكاني بالخيشه يزوجونك بنت عمي ….. قال الشاوي وش اسوي بغنمي …. قال كويس لا يهمك انا اوديها …. قام الشاوي وفك الخيشه ودخل مكان كويس …. يوم خلصوا الجماعه من العرس جو واخذو خيشتهم …. وشالوها ورموها بالبحر وغرق الشاوي ومات ….وهم راجعين للديره ولا كويس يناطحهم ومعه قطيع غنم ….. ويتعجبون …. وشلون وحنا تونا جادعينك بالبحر بايدينا ….. قال انتم جدعتون ببحر الغنم …. اخذت منه هلحلال ورزقني الله وانا قاعد ادور عليكم علشان اشكركم …. وان تسان تيون انتم تعرفون الدرب روحو طبوا بالمكان اللي جدعتوني فيه …. وتراي بعد عرفت بحر البقر وبحر البعارين … تسان تبون اوديكم … قال واحد انا ابي البقر …. قال الثاني انا ابي البعارين …. قال لهم كويس بس ترى لازم تدخلون بخياش … هذا شرط …. قالوا ما يخالف … حطهم كويس بخياش وربط عليهم …. وراح وحلتهم بالبحر وغرقوا … انتهى….. وأعتذر للأطاله … وسلامتكم … الله يسلمكم …
</font></div>
------------------
أنا الخثل أكل ما أمل....
دايم منسدح ... تسني سطل...
أشوف الناس.. بعيون الخبل ..
واضحك عليهم .. قله عقل ... !!
كان فيه واحد تزوجله حريمةً صحيحه وحليله ( اجوديه يعني ) ……
ماقام له شهرين الا وحملت الحريمه ………..
وشهرين ثانيات ومات الرجال …… لاحول ولا قوه.
كملت الحرمه التسعه اشهر وأضنت وجابت له وليد……
وقامت تشتغل بالبيوت وتكد على الوليد وهو يكبر ….
نسيت اقول لكم انها ماكانت تدري انه لازم تسمي الولد … وصار الولد يكبر من دون اسم ….
رح ياولد… تعال ياولد… جاء الولد …… فعل الولد ترك الولد….
الين كبر الولد وصار ابو ست سنين ……
راح يسجل بالمدرسه .. قالو له وش اسمك …. قال ما ادري …
قالو له رح سو لك اسم وتعال ..( تخيل مايبون شهاده ميلاد ولا تطعيم …. الخ) ….
راح لامه وقال لها كذا … قالت خذ ياوليدي هلخمسين ريال واطلع للسوق واشتر لك اسم ….
طلع للسوق ولقى جبنو طحينيه وملابس وكل شي … بس ما فيه احد يبيع اسامي …
سأل هك الواحد ( طلع عيار ) قال له انا ابيع عليك اسم …. تسم معك … قال الوليد خمسين ريال … قال يسدن … اخذهن منه … وقال له رح ياوليدي انا سميتك كويس .
فرح الوليد وراح لأمه …. وقال لها الأسم الجديد …. قالت خل نجربه ( تست يعني ) …. طلع الوليد للشارع …. وقامت امه عند الباب وصوتت له …. كويس … ياكويس … جاء الولد يركض … سمي يمه ….قالت حلو اسمك فعال ( يشتغل يعني ) ..
راح كويس للمدرسه وسجلوه بهلأسم …. درس كويس وكبر … وتذكر الرجال اللي باع عليه اسمه …. قال انا اوريك به ابن …. ولله ان شاء الله لاانتقم منه واخذ حقي …
راح كويس وأشترى حمار ( تكرمون ) وحط بعيز الحمار ( فتحه شرجه يعني كرمكم الله ) ثلاث جنيهات ذهب …. وطلع للسوق … ويوم صار بجنب الرجال العيار اللي انتم خابرينه … نغز الحمار مع جنبه نغزه قويه … ضرط الحمار وطلع جنيه ذهب وطاح على الأرض …. قام كويس ولقط الجنيه من الأرض ونظفه وحطه بمخباته …… تعجب الرجال وقال لكويس وش ذا…
قال كويس هذا حمار امي وبوي … متجنس ….الا نغزته يطلع ذهب مع عيزه ….تبي تجرب …
قال الرجال تكفى … وقام ونغز الحمير …. وب… وط …. ق….قو … ويطلع جنيه الذهب … ويطيح على الأرض وياخذه كويس وينظفه …. تعجب الرجال وقال تبيع الحمار ؟
قال كويس لا هذا حمار ابوي الله يرحمه ( يعني ابوه مهب الحمار ) مااقدر ابيعه … قال الرجال ابعطيك عشرة الأف …. قال كويس ( لو تقول بمية الف ) …. قال الرجال شريت ( هذا يوكون ذا مهب حمار) … قال كويس اجل ياخوي جربه مره ثانيه تاكد علشان ابري ذمتي …… جربه الرجال وطلع الجنيه الثالث وقال كويس ترى ذا مهب تبع البيعه …. وأخذ الميه الف …. وقال للرجال تحط الحمار بغرفه خاصه مفروشه زل وظلما وتحطله مكيف سبليت …. وتراه ما ياكل الا كافيار وكراث ….. لازم تسذا ولا ترى ما يطلع ذهب انا علمتك وبريت ذمتي ……
قام الرجال واخذ الحمار وحطه بغرفه نومه الخاصه ….. ودلعه وولع له المكيف ….. وجاب له كراث من عنيزه ( مع الأعتذار) …… وكافيار من روسيا …… وقام كل يوم ينغزه ولا يطلع له الا صون تكرمون …. نرفز الرجال وبداء يفهم انه مضحوك عليه ومير ينغز الحمار هك اليوم نغزه قويه راح فيها ( مع الأ عتذار ) الحمار …. أنهبل الرجال وأستخف وجاه خارش وارش …. يومين ثلاثه واخذوه اهله للمطوع ….. وعشره متساوي على الظهر وخمس على الهامه …… يومين ثلاثه ويشوي ….. ويفتح بالماء ….. قال ولله لاأروح وأدب كويس …… وياخذ معه العجرا ويروح لبيت كويس … المهم طق الباب وفتح له كويس وقام الرجال يبي يلخه بالعجرا … هج كويس وهو يصوت اصبر . الحلم . وسع صدرك ….. اعطيك دراهمك ….. وكذا الين هدا الرجال …. قال له كويس اقلط تقهو هلحين ويسهل الله …. دخل الرجال وفرش له بالحوش تحت الماسوره اللي تنزل السيل من السطح …. ودخل البيت وقال لأمه .. ارقي للطايه ( السطح ) واذا قلت القهوه …. صبي القهوه مع المثعب ( المرزم) وكذا الشاهي والما والغدا …….
اخذ معه دله وبريق ومواعين وفناجيل ….. وطلع للحوش وقعد مع الرجال وقال الله يحييك على غير كلافه تراك تبي تقهوى وتغدا بعد عندنا اليوم. انت محل والد…. قال الرجال عطني فلوسي بس خل امشي ماابي قهوتك…. لزم كويس على القهوه … ووافق الرجال ….
حط كويس الدله بأثم الماسوره وطق الماسوره بالملعقه وقال بصوت عالي …..القهوه …. القهوه ….قامت امه صبت القهوه بالماسوره من السطح وتعبت الدله …..وصب للرجال وتقهوو ….. والرجال طايره عيونه ….. وش ذا قال كويس هذي ماسوره ابوي الله يرحمه … مسحوره قل لها اللي تبي وتنفذ على طول ….. حط كويس البريق تحت الماسوره وقال . الشاهي …. الشاهي …… صبت امه الشاهي بالماسوره . وتعبى البريق . … وتقهوى الرجال وهو بين مصدق ومكذب … قال له كويس ورى ما تجرب ….. أطلب غدا ء ….. قام الرجال وحط التبسي تحت الماسوره وطقها بالملعقه وقال الغداء….. الغداء….. كبت العجوز الرز بالماسوره واتبعته باللحم …. وتغدو الرجاجيل …… قال الرجال تبيع ….. قال كويس ابد ….. لو تقول بربع مليون ….. قال الرجال شريت …… وجابو سباك وفك الماسوره ….. واخذ كويس الدراهم .
راح الرجال لبيته وركب الماسوره وعزم الجماعه والجيران والقرايب والبعيدين ….. يوم صار وقت الغداء ويفلون السمط ويحطون عليها صحون فاضيه …. والناس متعجبين ….. هذا عازمنا على هواء ….. المهم قال لهم يلله كل واحد يجيب صحنه ويحطه تحت الماسوره هذي ….. وقام هو اول واحد وجاب صحن فاضي وحطه تحت الماسوره وطقها بالملعقه وقال الغداء …. الغداء…. ويحتري يبي غدا يبي رزه اللي هو خابر …. ما عندك احد … يغير الصحن … يغير الزاويه ….. جرب كل شي ولا نفع …. ضحكوا عليه الجماعه وراحوا …. وهو هلمره انهبل رسمي …. بعد كم يوم اخذوه اهله للمطوع …. وثلاثين متسوى مع الظهر… وعشرين بالبطن … وعشر بالهامه …. وقعدوا يترددون به سته أشهر يقرا عليه … الين خف وعقل … قال هلمره ابروح لكويس واذبحه ….أخذ سكين راح لكويس وطق الباب بقوه وعنف ….وكان هلمره كويس مستعد له ومتوقعه…. قعد كويس يكلمه ويوسع صدره الين انه هدا وركد … همن فتح له وقال له ادخل تقهو يارجال ولا يصير خاطرك الا طيب اعطيك فلوسك واعوضك ان شاء الله … دخل الرجال للمجلس وقعد … راح كويس لم أمه وقال لها ألبسي المصير اللي مليان دم ارنب ولفيه على رقبتس وسوي مثل ما اتفقنا تكفين … قالت ابشر ياوليدي …. رجع للمجلس وقعد يسولف مع الرجال … همن صوت القهوه ياولد …. القهوه وأمه مطنشه …. ثاني مره … والثالثه ردت …. ويوم انه دخلت العجوز بالقهوه ويطمر كويس اللي مسوي نفسه منرفز وياخذ السكين من ايد الرجال ويذبح امه مع الرقبه ويطشر دم الأرنب وتطيح امه على الأرض ….قام الرجال وقال ذبحت امك يا قليل الأصل … ياللي ما تخاف الله … قال كويس….. بسيطه … بسيطه …. وقام لم صندوق بطرف المجلس وفتحه وطلع منه بسه ( قطوه) مزبرقه وملبسه بكلات ومصبغه احمر واخضر وصايره عجيبه …. وحط البسه عند راس امه وقال يابسه ابوي اشفيها باذن الله… أومير تقوم امه وتغطى وتهج لبيتها ولا كنه صار شي ….وقال للرجال انا قلت لك بسيطه أصلاً انا انرفز بسرعه واذبح كل يوم اثنين ثلاثه …. علشان كذا الوالد الله يرحمه ورث لي هلبسه المتجنسه….كل ما ذبحت احد … حطيتها عند راسه ويقوم عدن عديد …..قال الرجال تبيع …. قال كويس لو تقول بمليون ( ولله الثور اللي مايتعلم) … قال الرجال شريت …. وهل المليون … واخذ البسه والصندوق هديه …
اول ما دخل البيت ولا أمه ويتناولها بالسكين ويطرحه … ويجي اخوه يركض ولا السكين ببطنه ويلحقهم الوالد والبنات الثنتين …. ويجون الجيران على الصيحه ولا الدم ويتصرعون ….. ويجي الرجال ويكمل عليهم بالسكاكين … وياصل الدم للركب …. ويروح الرجال لتحت الدرجه ويطلع الشوزن وعلى السطح مع دسته فشق …. ويلقط كل من مر بشارعهم … يوم صار اتلى النهار ولا الموتى يجيلهم خمسميه والجرحي كثرهم مرتين ….. وينزل من السطح ويطلع البسه…..!!!!!
ويقعد يدور على القتلى ويحط البسه عند روسهم… بداء بامه وأبوه وأ خوانه ولا صحى منهم احد ….ويحاول مره والثانيه ولا فيه فايده….. وينهبل هلمره نهائي …. تمصلخ وطلع يركض بالشارع … ويجدع رقم تلفونهم على الغنم ….أ مسكوه الشرطه وودوه للمطوع ….. وخمسين متسوى على الظهر ….. وعشرين على البطن … ومثلهن على الرقبه … وعشر على الهامه …. وخمس بالأطراف …..ويتردد عليه يقولون الله العالم سنتين يقرا عليه …. أومير اشوى يخف …. ويقعد نقاهه سته أشهر ويفطن لكويس … قال هلمره ذابحه ذابحه ….. بس منب رايحن له لحالي …. ويروح لواحد من بني عمه ويقص عليه القصه …. ويروحون سوا لبيت كويس ويطمرون من فوق السور ويمسكون كويس ويحطونه بخيشه ويربطون عليه ….. ويشيلونه عقب المغرب يبي يروحون يجدعونه بالبحر …. ويقابلهم واحد من بنيخيهم بطرف الديره ويقول ولله ما تعدون الا حاضرين العرس حنا بنيخيكم وعندنا عرس ومايصير ماتشرفوننا …. حطو الخيشه بجنب جدير وقالوا نروح نحضر العرس ونجي نكمل المهمه ….. قام كويس يصرخ وسط الخيشه ….. ما ابيها … ماابيها …. ولا الشاوي ( راعي الغنم) مار من عنده هو وغنمه….. جا لم الخيشه وسأل وشي اللي ما تبيها ….. قال كويس تشوف العرس اللي هناك … قال الشاوي ايه …. قال هذا عرسي على بنت عمي وانا ما ابيها …. وحطوني بهلكيس يبي يزوجونيها غصب …. وترى ان دخلت مكاني بالخيشه يزوجونك بنت عمي ….. قال الشاوي وش اسوي بغنمي …. قال كويس لا يهمك انا اوديها …. قام الشاوي وفك الخيشه ودخل مكان كويس …. يوم خلصوا الجماعه من العرس جو واخذو خيشتهم …. وشالوها ورموها بالبحر وغرق الشاوي ومات ….وهم راجعين للديره ولا كويس يناطحهم ومعه قطيع غنم ….. ويتعجبون …. وشلون وحنا تونا جادعينك بالبحر بايدينا ….. قال انتم جدعتون ببحر الغنم …. اخذت منه هلحلال ورزقني الله وانا قاعد ادور عليكم علشان اشكركم …. وان تسان تيون انتم تعرفون الدرب روحو طبوا بالمكان اللي جدعتوني فيه …. وتراي بعد عرفت بحر البقر وبحر البعارين … تسان تبون اوديكم … قال واحد انا ابي البقر …. قال الثاني انا ابي البعارين …. قال لهم كويس بس ترى لازم تدخلون بخياش … هذا شرط …. قالوا ما يخالف … حطهم كويس بخياش وربط عليهم …. وراح وحلتهم بالبحر وغرقوا … انتهى….. وأعتذر للأطاله … وسلامتكم … الله يسلمكم …
</font></div>
------------------
أنا الخثل أكل ما أمل....
دايم منسدح ... تسني سطل...
أشوف الناس.. بعيون الخبل ..
واضحك عليهم .. قله عقل ... !!