عرض كامل الموضوع : ابشرو..بناتنا..بيسوقون.. أخر عام الفين
رفيع الشان
19-07-2000, 00:33
<div align="Right"><font size="+1" face="Arial" color="#000000">
أخواني المقلعين ..انا بشارك بمواضيع سابقه لكن معدله..بشكل واضح وهي المواضيع اللي طرحت في مجلة فواصل…وبحاول امزج بين القديم والجديد…..التمس منكم العذر ..
.. …
في البدايه وكالعاده لنا راعي للمقالة…ومقالتنا ذي برعاية قاسم امين حسبي الله عليه ..وطبع كثر مايعرف منهو قاسم امين الله يبشبش الطوبه اللي تحت خشته خربها ومشا حسبي الله عليه ..وهو من دعاة تحرير المراة ..ومعنى كلمة تحرير .يعني مأخذ بالقوة..وأسترد بالقوة..وكأن اللي نادو .بتحرير المراة قال يعني ..كانت المراة قبل الاسلام تمشي ابكيني بين القبايل ..ولا استريتش ماركة نينا ريتشي .ولا كريستانديور بني حنظل ....وجا الاسلام وحرمها من هالحريه اللي كانت فيها وخاصه العلمانين لاكثر من امثالهم والذين يعتبرون السوسه اللي تنخر .في عظام الامة الاسلاميه لكن يمكرون ويمكر الله والله خير الماكرين …المهم ان قاسم امين ذا كان مبهور بالمراة المحتشمه والمحجبه .لدرجة كان وده يشوف هذا الجمال الستري المحتشم كيف لو تبرج وش راح يصير؟ (( نعنبو دارك يا قاسم امين حنا ساترينهم ماخلصنا تبي نحررهم ؟)) فبدا قبح الله وجه.يعمل وكأنه جهاد في سبيل كشف محارم الله ….(( الله لايوفقه )) ومن المضحك انه لما جا واحد من المعارضين لفكارة المريضه وقاله ممكن تخليني اصادق زوجتك؟ فما كان من قاسم امين الا انه شال عليه الجزمه تكرمون يبغا يضربه وهذا كان رد فعل طبيعي ..لان الغيره سبقت الفكر..ولان الفطره طغت على الانحلال..وهذي هي المصيبه الانذال يبغون بناتنا ..عرضه لملاذاتهم ..وقت اللي هم يحرصون بكل ما أوتو من قوة لستر بناتهم …المهم مابغا اطول عليكم.نخش بالموضوع (( ايو احسن )).تعالت صيحات من ايام تطالب المراه بقيادة السيارة وبيني وبينكم شدني الموضوع وقيادة المراه بحد ذاته ماهوب مشكله ..المشكله تكمن..في كيفية التعايش .والتأقلم على وضع..جديدعلينا وجلست اقول يا ولد يا رفيع ..لو ذا البني استهبلو صدق وطلعت في راس الحكومه تأيدهم .في قيادة السيارة وش بيصير … ?? والله مابلعتها وانا اقول في نفسي .يازينك يا رفيع وانت جالس جنب المراه انت تقرا جريده وهي تسوق ويمر عليك هاك الشباب يجون من صوبك ويئشرون لك افتح الجام (( يعني الدريشه)) واقول لهم امرو..ويردون يقلون لك انلطم انت حنا نكلم السواق ( ابشر) ..ولا ذيك المتحرره اللي فاش كفرها وواقفه في نص الشارع ماهيب عارفه كيف تصلح الكفر وصافين جنبها سبعه وسبعين سياره بتساعدها (( جزاهم الله خير يدورون الاجر )) وعلى مية متر قدامها واحد معطله سيارته ومعطينه الشباب اشكل .(( يمكن.مأشر بالمنديل كيف يشوفونه الشباب)).ولا ذي الزحمه .تحت ذا الشمس والسيارات واقفه والسبه ثنتين متصادمات في بعض وكل وحده نازله بعجرتها للثانيه .والشباب ما ودهم يفاكون عاجبهم مناطح الغزلان .وغير كذا خايفين يفاكون بينهم .ويلمسون شي مخالف للشرع.وياخذون لهم 18 جلده على ايد هيئة الامر بالمعروف والنهي عن المنكر ..ويا زينها لو توسع اشوي وتقوم مطاعم الفاست فود.ومطاعم اللبنانيه ..والشعبيه بتوظيف بنات لتوصيل الطلبات.للمنازل…ياااااااربي وربي اني لطلب الاكل على حسب زين اللي توصل الطلب..انا مثلا ماحب الاكل الصيني والله اني اشوف العما ولا اشوفه..لكن عندي استعداد اللهط لي سطل خضار مفيوح لو اللي توصل الطلب تشبه ديانا رستم ( من ذي ديانا رستم؟) ..وطبعا قبل لاتجي البنت اللي توصل الطب اكون انا رحت وتسوقت لي شماغ جديد وثوب جديد وجزمه جديده وشاري نظارة كارتير تقليد وساعة روليكس سنغافوريه تقليد ..كله بس عشان استلم الطلب من سواقة المطعم .(( فديت مطعم ال بي سي ))…والمصيبه ان حنا قليلين ادب .ومن قلة الادب عندي اني مركب لي جهاز يكشف مكان البنات ..ويعطيني تحذير بقربهم ..عاد البلا انا كنت لامريت على سوبربان متروس بنات ..قال الجهاز عندي محذرني..يقول خفف السرعه الى .80 كيلو حتى يتسنى لك مشاهدة الهدف..طيب قولولي بكره لو يسمحون للبنات يسوقون وتمر علي هاك البنتين بروحهم في سياره وفاكين القطوه .ومظهرين القذله ..والكحل كنه تخطيط ارض مهجوره وش بيصير ظنكم؟..وربي يا الجهاز اول مامر عليهم مسرع ان يقول .وهو ضايق خفف السرعه يابن الكلب ..ولا عاد لو تجي بنت وهي رابطه الحزام ومبينه كل مفاتنها وربي ان تشوف الجهاز يقول.طبلت طبلت طبلت (( جهاز قليل ادب زي راعيه )) ..ولا عاد تجيك ذيك المتحرره .اللي التلفون بيد والدركسون بطرف ايدها الثاني وجالسه تحف اظافرها .والسياره ماغير اتمايل يمين وشمال وهي جالسه تسوي بديكير .وهي تسوق..وطبعا ناقله مراية الحمام الله يكرمكم معها في السياره عشان تشوف خشتها بوضوح..وتاركه السيارات اللي وراها اللى لزق بعامود كهربا واللي لزق بعامل نظافه واللي لزق في بوكس اعلان كراون فليكس (( دعاية ) ..وانتو طبعا عارفين النساوين.يحبون يكثرون الصور في غرفهم وفي الصالات..ولله ماعاد بقا يحطون صور غير تكرمون في الحمامات يعشقون الصور بشكل ماهوب طبيعي عاد تعال بكره.ولا زوجتك صافتن ذا الصور على طبلون السيارة .ومغطيه على عداد السرعه وعداد الحراره..واخذ .من هالصور..من صورة امها لين صورة اخوانها لين صورة عيالها وبناتها .وطبعا الزوج معهم بس صورته ماهيب ثابته ساعه مع البزران في الطبلون وساعه تحت سليتر البانزين اذا كانت متأخره على عملها .. ..المهم في النهايه ابغا اسئل كل بنت تطمع انها تسوق ..لو حصلك حادث لاغدر الله وكنتي بروحك..من ظنك بيسعفك ويشيلك ويكشف عورتك؟ ظنك بيستنون لين يجي اخوك ولا زوجك ولا حتى أي احد قريب ..ايه وربي صادق ..صدقيني ماراح يكشفه الا غريب ..تكفون ارحمونا ولا تحملونا فوق طاقتنا وخلونا لاتغيرون علينا .وتفتحون باب وحنا في غنى عنه ..وخلونا ناخذ عبره من الدول اللي تعاملت بهالمنظور مع فارق العادات والتقاليد والزمان .ولا نحاول انتجاهل الصح ونبرر الخطا بخطا اكبر منه .عشان كذا اتمنى ان المشروع هذا مايتم..والله ثم والله لو السياره بحد ذاتها المشكله كان كل بنت لها بدل السياره عشر ..لكن المصيبه ان النار تبدا من مستصغر الشرري ..عشان كذا اتمنى انكم تفكرون بمنطقية اكثر .واسئل الله .ان يوفق ولي الامر ..والعلماء في رد مثل هالمشروع….انتها
ملاحظه ..لتعلم كل اخت ان قيادة االمراة هي اول خطوة نحو تحريرها وكشف سترها ومن بعدها تجي التبعيات الي تلزم المراة بكامل التحرر..والله اني اقول هالكلام وانا مقصر مع رب العالمين ولنا من الذنوب مايعلمه الله لكن الغيره وربي لاكثر ولا انا من ضمن هالذيابه اللي تسن انيابها تنتظر القرار بفارغ الصبر (( وربي حنا سرابيت ماننعطى وووجه ))
</font></div>
هلا والله بالاخ رفيع ...
وياليت تعيد لنا جميع مواضيعك الهادفة ...
صراحة انا من عرفتك وانا متحسف على مواضيعك القديمة اللي مالحقت عليها ..
وحتى سويت بحث بارشيف الساحات (هذا يبي يقص حياته علنا) ومالقيت الا القليل ..
والله يجزاك خير على نصايحك ..
ويخليها بموزاين أعمالك ..
[b]<small><small>[ تم تعديل الموضوع بواسطة المرسال يوم يوليو 18, 2000]
أنا تدري ودّي يصير الكلام هذا صحيح ماهوب عشان أدشر لا حشا بس عندي نقطتين :
الأولة: ودّي أشوف وحدة سافطة عندي بنشري قاضي منتهي و تقول له غير زيت و سيفون .. أنت معي طال عمرك؟
الثانية: ترى شبابنا ماعادهمب مقطعين إشارات
يعني هالحين الواحد وشو له يوقف عند الإشارة ... أما يجي جبنه ذاك الشايب المعرعر إللي يتـفـل مساويك كن الخط ملك ابوه و إلا يجيه ذاك اللي توه شاري الددسن و حب الشباب مالي وجهه و من زود التميلح مطلع يده مع القزاز
لكن إذا كان اللي جنبك يعني تقل أقول أها عاد ... إفرض إنها تقرب لي وشو له أقعد أوصف لكم؟ تأبى المروءة!!!!!
------------------
دوس يا خنفوس
[b]<small><small>[ تم تعديل الموضوع بواسطة شرم برم يوم يوليو 18, 2000]
<div align="Right"><font size="+3" face="Arial" color="#000066"> السلام عليكم رفيع الشان
اقووووول مرثانية لا تكتب بالشكل هذا تعبت عيوني وانا اقرا
هيق هيق هيييييييييييييييييييييييق</font></div>
------------------
لسه افكر فيه
الاخ الشري انت وش تبي بالضبط ؟؟ نكبر راسه مانكبر راسه بكيفنا راجع الشروط
[b]<small><small>[ تم تعديل الموضوع بواسطة المرجوج يوم يوليو 19, 2000]
لسه فاكر
19-07-2000, 01:01
<div align="Right"><font size="+2" face="Arial" color="#000000"> السلاااااام..
بالله تخيلو عاد يصير فيه حريم شريطيه في معارض النسيم والله في سماه ان اقلب شريطي عشانهم بس ......................</font></div>
دبلوماسي
19-07-2000, 01:02
<div align="Right"><font size="+1" face="Arial" color="#000000"> لله درك يا الوليده .........
بس في خاطري كلمه ودي اقوله........
انا من نظري اشوف سواقه الحريم احسن من السواق ... ترو مهو قصدي امدح سواقه الحريم ...لاكن اذم السواق اللي ماله حاجه...تشوف البيت مليان رجال..ورغم كذا عندهم سواق.
اخوكم..............دبلوماسي</font></div>
الشيطاني
19-07-2000, 01:05
<div align="Right"><font size="+2" face="Tahoma" color="#000000"> اما تبي تسوق والاتاقف معي بالاشاره الله يلعن اللي مايصدمه ويرتسبه الرصيف..... تسوق............. ايه هين </font></div>
<div align="Right"><font size="+2" face="Arial" color="#000066"> انا بعرف لو اقطعت اشارة ولا فحطت ويش بيسوون
الشرطة ايوقفونها في الحجز, قلنا وقفوها من يرضى ان بنتة ولا مرته تنام في الحجز قوية هاه</font></div>
------------------
مدرعم وخروا عن طريقة
<div align="Right"><font size="+2" face="Led Italic Font" color="#000000"> بيصير فية حريم عرابجة وسياراتهم عليها غبار
ولا رشة القصيم وحاطين تغييمةومسحبة سست ومجعصة وبشير شغال ارس ياترس واعتدل ياملف</font></div>
------------------
انا القعدة يعني اكبر اخواني الصغار الي اكبر
مني ماقعدوا
<div align="Right"><font size="+2" face="DecoType Naskh" color="#000000"> أخوي في آي بي إسمح لي ما قدرت:
تعال أنت الحين يالشرّي ..هالحين يوم إنك مستلم الأخ ما تقول لي وين إبداعاتك؟
يعني بالغـصـب تبي تطلع على كتوف الرجّـال؟
ترى أخوي رفيع الشان أقدم مني و منك يعني مقداره معروف قبل ما تشتري لك كرت إشتراك .... ماراح ينقصه و لا يزيده لا كلامي و لا كلامك بس ممكن تجرح شعوره و أنت ما تدري
يعني ياليت كرماً منك تمسح كلامك</font></div>
------------------
دوس يا خنفوس
<div align="Right"><font size="+2" face="Arial" color="#000000"> رفيع الشان يابعدي ....... مسيك بالخير
الموضوع جدا هادف ومميز
ويسلم راس قال هالكلام حتى لو هو قديم
<marquee direction="right">قــديم رفيــع الشــان جـــــديـــد</marquee>
<FONT COLOR="Red">رفيع الشان يابعدي ....هل بالامكان تجزئه الموضوع http://www.eqla3.com/file/ubb/frown.gif http://www.eqla3.com/file/ubb/frown.gif ربعك راضعين من سودانيات http://www.eqla3.com/file/ubb/smile.gif http://www.eqla3.com/file/ubb/smile.gif</FONT c>
الشري ...انت طيب http://www.eqla3.com/file/ubb/smile.gif</font></div>
------------------
دع القلق وتونس مع عيال علي ( القصمان )
اضغط هنا (http://mypage.ayna.com/f52/)
مهندس الاقلاع
19-07-2000, 01:27
<div align="Right"><font size="+2" face="Arial" color="#000066"> موضوع متميز ..
وسرد جميل ..
وطريقة للنصح رائعة ..
يعطيك ألف عافية ..
تحياتي
مهندس الاقلاع</font></div>
------------------
نحو اقلاع أكثر انشكاحاً ..
<FONT size="+3">مساك الله بالخير موضوع ماهوب انا الي اقيمة ولا واحد من هالمقليعين الجحلط كفو ايقيمة لأنة فوق مستوانا
</FONT s>
------------------
اقول اثنين يقول واحد اقول يمين يروح شمال صحيح انك حول
[b]<small><small>[ تم تعديل الموضوع بواسطة الحول يوم يوليو 18, 2000]
اخوي الغالي رفيع الشان...صدقني ما خاب ظن اللي رحبو فيك وفرحو بجيتك...موضوعك جدا ممتاز...والله يعطيك الف عافيه عليه...الموضوع مهم ولابد من مناقشته من جميع الجوانب وليس من جانب واحد فقط...ومدامك فتحت الموظوع الله يجزاك خير..فودي اشارك برأيي مع الجميع http://www.eqla3.com/file/ubb/smile.gif(على فكره تراها وجهة نظري انا وتعبر عن شخصي فقط..الا من ايدها..وتحتمل الخطأ التام.. كما تحتمل الصواب التام)عندما طرح الموظوع في السابق..على مستوى المجاس..(يعني في العزايم والجمعات)كنت ارفظ وبشكل قاطع مناقشة الموظوع لأني كنت معارض لهذي الفكره من الأساس واتهم كل من حاول الخوض في هذا الموضوع بأنه فاسد ويريد ان يفسد بنات هذا البلد الطيب الله يحفظهن ويستر عليهن ان شاء الله...ولاكن بعد ما فكرة في الموظوع زين...لقيت اني كنت اناظره بعين وحده ومن جهه وحده بعد..والسبب قصة جاري الله يرحمه...رجل دين وعنده ست بنات تزوج منهن ثنتين...ولا كان عنده سواق..لأنه معارض انه يجيب رجال اجنبي في بيته وهو طبعا يروح لأشغاله ولا يبي يخلي السواق مع محارمه في البيت وهذا عين العقل..الله يرحمه..بس تغيرت الأمور عقب وفاته..زوجته وبناته ما عندهم رجال في البيت وهن مدرسات وطالبات ولا لهن قريب...يعني محرم..بعدها كلمتني ام البنات وقالت لي انهم يبون سواق...اخواني مابي اطول عليكم القصه ...جبنا السواق وسكنته عندي في ملحق في بيتي...وصار يوديهم ويجيبهم...بعدها فكرت لو أن هاالمره ام ذا البنات تسوق كان مرتاحين هي وبنياتها...انا عارف ان هاذي حاله خاصه..بس اكيد فيه حالات ثانيه ما ندري عنها...وبصراحه انا رأيي..(وهو قابل للتغير اذا وجدت سبب مقنع)ان سواقت الحريم مطلوبه..ولاكن بشروط :
1-ان الحرمه اللي تقدم بطلب السواقه ما يكون عندها احد يعولها.
2-ان عمرها ما يقل عن 40 سنه .
3-انها ما تسافر خارج المدينه اللي هي فيها.
4-
هذا رايي ياجماعه واعذروني على الغلط والقصور...على فكره يا اخوي يارفيع الشان انت وجهت سوال للبنات اللي يبون يسوقون انه لو صار لهم حادث وهن لحالهن من بيسعفهن...وانهم راح يكونون رجال اجانب..كلامك صحيح..بس طال عمرك ترى الرجال الأجانب يسعفون حتى اللي مع محرمها لاصارت الدعوى حوادث الله يحمينا واياكم منها...وهذي الله يسلمك تبي تفتح عليك باب من ذا البني الله يصلحهن.
اخيرن تقبل اطيب تحياتي على موظوعك القيم؛؛؛؛ وسلامتك
[b]<small><small>[ تم تعديل الموضوع بواسطة سرحان يوم يوليو 18, 2000]
Gentle_Man
19-07-2000, 02:39
<div align="Right"><font size="+3" face="Arabic Transparent" color="#FF0000"> ردّ:
كلام جميل جدا وعلى عيني وفوق راسي, بس للأسف مكانه موب هنا في المنتدى العام بساحة الأقلاع لأنّه لا يمّت للأقلاع بصله(ولا ثومه) ... مكانه طال عمرك, في أحدى الساحات الجادّه وإن كان ولا بد في حاره ثانيه تلقاها عندنا بعد ست شوارع من هنايسمونها مهناش حد, يمكن عالأقل تبني فيها ومن عقب الشعب يحتكون فيك ويقلّدونك وياكثر المستحذقين ... معليش, لا تزعل منّي نبي شي جديد وإن كان السلفه نسخ ولزق, وشهوله التعب, حنّ بنروح لك لمّ بيتكم ... ماله داعي الكلافه على روحك ... كخخخخخخك http://www.eqla3.com/file/ubb/biggrin.gif?
وقفه:
هذا مفهوم الأقلاع عندي ... واللي عنده رأي ثاني, يحتفظ فيه لنفسه ... وإن كنت غلطان, فمسّمى الأقلاع ينلغي(وهذا على فكره اللي مخلّي للساحه شعبيه) وبدل توسيع الصدور, غيّروه ليصير مثله مثل أي ساحه ثانيه, مغير مهاوش ومرامح و قلّة حياء ... كخخخخخخك http://www.eqla3.com/file/ubb/biggrin.gif?
قريبا:
مفهوم الأقلاع اللي على أصوله ... كخخخخخخك http://www.eqla3.com/file/ubb/biggrin.gif?
</font></div>
------------------
مادام القلب في إيدينك, أنا وش عاد بيدني
تفضّل دارك عيوني,منت الضيف ... أناضيفك ...؟
اللي يبي يتميلح, يرعص هنيّه ...?
Gentle_Man@eqla3.com
DaBdOoBaH
19-07-2000, 03:41
<div align="Right"><font size="+1" face="Arial" color="#000000"> اقووووووووووووووول ياخوي يا رفيع الشان
خل مواضيعك خير تكفى
<<<<< تنرفز من اللي يحكي في سواقة الحريم
المهم
انتم يا الرجال شايفين سواقتكم مسكتة يعني !!
اقول روحوا تكفون ....لو وراكم خير ما لقينا نسبة الحوادث مرتفعة عندنا...ومن زين لاخلاق لي قلت للي صادمنا ..وراك صدمت ..وش لون ماشفتنا ..يقول عاد ما انتبهت ..وش اسويلك !!!
هههه انا بموت قهر منكم يالرجال بس متى
<<<<< تشد شعرها منكم http://www.eqla3.com/file/ubb/wink.gif
ترى الحريم اللي يعرفون يسوقون ...والله ان سواقة نسبة كبيرة منهم احسن من سواقة الرال وخصوصا رجالنا نحن السعوديات لانهم مراجيج الله يكفينا الشر ....
وانا اسوق لي سافرت برا .....واتحدى اقدعها سواق يقول في صواقتي شي
...........................
واخيرا .......الحكي في موضوع السواقة غير مجدي ابد ابد..............لان الحرين عندنا ما يبون السواقة كوسيلة ..لا ...يبونها غاية وبس
لزوم الفشخرة والبرستيج http://www.eqla3.com/file/ubb/wink.gif والا ؟!!يعني لو انهم يبونها لغرض جدي كان تحمست ..لكن الشكوى لله http://www.eqla3.com/file/ubb/frown.gif
</font></div>
------------------
طيري طيري..يا عثفورة ..انا متلك حلوة زغيورة
DaBdOoBaH@eqla3.com
ابوي مازال يشيك عليه :(
<div align="Right"><font size="+1" face="Arial" color="#000000"> حيالله رفيع الشان http://www.eqla3.com/file/ubb/smile.gif
سجل عندك حرمه تحرم عليها عيشة السواقه http://www.eqla3.com/file/ubb/smile.gif
انا شخصيا مب فارقه معي..يعني انا اسوق والا السواق؟..السواق اصرف..عل الاقل يدل وما يضيع انا زيت مني اعرف العليا..والا حتى العليا مدري من وين تبدا ومن وين تنتهي
بعدين سالفة الحوادث اللي ممكن تكون ومن بيسعفها؟..فاصلا الحين ماعاد رجالنا اللي يودون ويجيبون فينا..يعني نفس الشي وأطين بعد http://www.eqla3.com/file/ubb/smile.gif
بس الشكوى لله
لكن هو من ناحية الحوادث..فهنا البلى صحيح...
يعني الله يحفظ شبابنا واهلنا..السعوديه محطمه الارقام في حوادث السيارات..هذا و الحريم ما يسوقون..
فتخيل لو الحريم بيسوقون..تكثر الحوادث اكثر اكيد
تحياتي رفيع الشان على هالبدايه الطيبه http://www.eqla3.com/file/ubb/smile.gif
<=========وتراي عمتكم http://www.eqla3.com/file/ubb/smile.gif</font></div>
<div align="Justify"><font size="+3" face="Arial" color="#000066">
موضوعك حلو بدون مجاملة http://www.eqla3.com/file/ubb/smile.gif
انا قد قرات مدري بس مو متاكده ان زوجة قاسم امين كانت محجبة وكان يرفض ان تخلع الحجاب </font></div>
------------------
سامر الليل
19-07-2000, 03:54
<div align="Right"><font size="+1" face="Arial" color="#000000"> ياحليل هالموضوع http://www.eqla3.com/file/ubb/smile.gif
انا الحين لاطلعت المغربية اشوف أم الزحمة (هذولاء بدون بنات) أجل لو يسوقون الحريم وش بتصير الزحمة؟؟؟؟؟
كان لبغيت مشواراطلع له قبل ساعة http://www.eqla3.com/file/ubb/smile.gif</font></div>
------------------
إذا أنت مقلع ....انتبه لاتصدم بالسقف
www.alsamer.com (http://www.alsamer.com)
مقادم بسلطة اللبن
19-07-2000, 04:22
<div align="Right"><font size="+1" face="Arial" color="#000000"> السلام اول وأخر الكلام
ياخ رفيع تراني من المعارضين للفكرة من بكرة ابيها بس ما في حالات خاصة يعني :
1- أرملة مقطوعة من الأهل (سجرة)تركب مع واحد يجردبها يالطيف .....ولا تركب سيارتها معززة مكرمة
2- ست(مرأة) عمرها 60 ما أظن أحد ما حيغير البنشر حقها(مو كل الناس سرابيت في اهل النشامة )
3-يا رفيع حيسوقوا ....حيسوقوا ......حيسوقوا ........بس الله لا يوريني هذا اليوم في حياتي
4- البنا ت حيقولوا أخلاق و التربية بس أصابعك ما هي سوا الا لو قلبتها على الطاولة
لا بس عارف حنشوف البنات كيف اتخدمنوا(تهبيط,تفريغ كنداسة.........الخ)
نفس اكمل بس مأبغى أطول ..........لين نشوف ردود ال66666666
ملحوظة: ما أدري مين حيروح البخرين بعد كدة ..........وقيدهم بروحوا مع السواقين
ملحوظة اخرى:ايش يبغوا أكتر من كدة جالسين كل شي اجي لغاية حدهم(يا ريتني زيهم .........لاتفهم غلط يا شلش)</font></div>
<div align="Right"><font size="+1" face="Arial" color="#000000"> وين ايامك يالاخو ..... والله فقدناك يا رفيع الشان
مقال جميل ...... ولو ان لك عليه
لكن لا يفوتكم يا الربع هالموقع تراه مسكت في هالموضوع
http://www.driwom.org/ </font></div>
ضب الصمان
19-07-2000, 05:27
<div align="Right"><font size="+3" face="Arial" color="#000000"> سلام
اولا: يعطيك العافيه
ثانيا: الموضوع مهم اكيد وتمنيت لو ما انطرح بجديه مره (لان هذا مو مكانها)
ثالثا:الموضوع قديم وجديد وسيظل حتلى اشعار اخر
رابعا:الموضوع داخل فيه الدين والسياسه والعادات والتقاليد (وهذا ماله حل)
خامسا:ماهو السبب الحقيقي لمنع المراه من القياده ( عشان تروح لحالها) شوف سادسا
سادسا: الاغلبيه عندهم سواويق والمراه تروح لحالها مع السواق ( هذا دين ولا سياسه ولا عادات)
اول متوسط :الحوادث تصير في الطيارات والقطارات والسفن والسيارات (والمصابين نساء ورجال )
ثاني متوسط :شيك على حوادث السواقين وش كثرها وبعدين شيك على حوادث الليموزين وش كثرها (من كثر شيل الحريم)
ثالث متوسط :كم عندك سواق في البلد ,,,,
اول ثانوي :الله يبشرك بالخير
ثاني ثانوي :لحد الان الموضوع محسوم بقرار وزاري
ساقط ثالث ثانوي :يا كثركم وكثر ما تناقشون هالموضوع على غير سنع
عاطل عن العمل :اسف على الاطاله
http://www.eqla3.com/file/ubb/smile.gif http://www.eqla3.com/file/ubb/smile.gif http://www.eqla3.com/file/ubb/smile.gif http://www.eqla3.com/file/ubb/smile.gif http://www.eqla3.com/file/ubb/smile.gif http://www.eqla3.com/file/ubb/smile.gif http://www.eqla3.com/file/ubb/smile.gif</font></div>
------------------
ياشين اللي ما يحذف
ولا يجيب حصى
سواق-تكسي
19-07-2000, 05:34
<div align="Right"><font size="+1" face="Arial" color="#000000"> السلام عليكم...
ههههههههههه
رفيع الشان صراحه غشيت ضحك..على خفف السرعه يا ابن الكلب...هههههههههههه
-----------------------------
فيه نقطه حبيت اوضحها...
انا من الناس المؤيدين لفكرة عدم قيادة المرأه
بناء على كذا شي منها القاعده الشرعيه
درء المفاسد مقدم على جلب المصالح
(ان ما اخطيت في صياغة القاعده)
على العموم انت قلت ان المرأه لو صار لها حادث
اول من بيكشف عليها اغراب..وكذلك الحال اذا صارت مع السواق لحالها..اتوقع وضحت الفكره
============================
وشوفوا وش صار في الكويت اكبر دليل
بداية من اول ايام قيادة المرأه الين الوقت الحالي...وش المشاكل اللي صايره...وتجربتهم
لازم المرأه تتكشف...اولا
لازم المرأه تختلط مع الرجال بكثره...ثانيا
واشياء كثيره..ما بعد جمعتها
على العموم مشكور اخوي على الموضوع
وانا من اشد المعارضين لفكره قيادة المرأه...على الرغم من المنافع الاقتصاديه..
مع تحياتي ..واسفين على الاطاله
</font></div>
------------------
taxi@eqla3.com
<div align="Right"><font size="+1" face="Arial" color="#000000"> مدرسه مدرسه مدرسه ... في كل شيء في الاسلوب وفي الامتاع وفي ايصال المعلومه ...
ملك الاسلوب الساخر والهادف في نفس الوقت ...
يوجد دورات في جميع المجالات في الكمبيوتر و القصه واللغه ووووو ... وهذه الدوراة موجوده في كل مكان .... ومدرسينها بالهبل ... لكن ماعمري سمعت عن دوره للتدريب على الكتابه بالاسلوب الساخر .... اتعرفون لماذا لايوجد مثل هذه الدورات .... السبب بسيط وهو عدم وجود المعلمين القادرين على تدريب الاخرين ... لان الكتابه بهذا الاسلوب موهبه قليل من يتحلى بها ... واعتقد ان رفيع الشان هو الوحيد في مملكتنا الحبيبه القادر على عمل مثل تلك الدورات ... وكم اتمنى ذلك .
الله يسلم ايديك...
</font></div>
<div align="Center"><font size="+1" face="Arial" color="#000000">
رائع شويه فعلاً ....بل معلقه من أحدى المعلقات لرفيع الشان !
بعد أبو برغش وكلامه..... لو أقدر أقولك أحسن من كذا ...كان والله أقولك على طول يا رفيع الشان ..!
أحب أهنيني بأنظمامك معنا في الساحه وأقولك أن مشكلة الأنترنت انك مايفصلك عن كل ماهب ودب أي شي..!
يمكن ينتقدك شخص ذو علم وثقافه وقبل ذلك ذو أخلاق عاليه فتستفيد منه دون عناء أومشقه أوتكليف..!
كذلك يمكن يجيك من هو ما عنده أي من السابق أو سمرمدي ما يجي منه الا تجريح..فلا يهمونك فهو لايعي مايقول
ومن جمبها بعد ....بالضبط بالضبط....جاهل...
ومثلك خابر وخابز هالنوعيه ومايزعل من جاهل!!
____________________________________
<table style="filter:shadow(color=Red, direction=225)">ليتني بينك وبين المضّره @@ من خزة الأبره الى سكرة الموت.... http://www.eqla3.com/file/ubb/frown.gif </table>
"""""""""""""""""""""""""""""""""""""""""""""""""""""""""""""""""</font></div>
<div align="Right"><font size="+3" face="Tahoma" color="#008000"> بيسوقون ولا لا ؟</font></div>
------------------
عش نذل تموت مرتاح
<div align="Center"><font size="+3" face="Tahoma" color="#FF0000">
م ع ص ي</font></div>
------------------
دع القلق وتونس مع عيال علي ( القصمان )
اضغط هنا (http://mypage.ayna.com/f52/)
<div align="Right"><font size="+2" face="Arial" color="#000000"> مرحبا رفيع الشان...اولا يشرفنا وجودك بيننا http://www.eqla3.com/file/ubb/smile.gif http://www.eqla3.com/file/ubb/smile.gif
بصراحه ما قريت الموضوع...لاني قريته قبل كذا...وبصراحه محاتسيك سوداني http://www.eqla3.com/file/ubb/smile.gif..ولا يحب المواضيع الطويله
سؤالي للاداره..انه وحسب علمي الموضوع في قيادة المرأه للسياره قد اقفل نهائي في الاقلاع...واذكر ان مره احد المقلعين كتب موضوع عن قيادة المرأه للسياره...فرد الممرور بان الموضوع اشبع نقاشا ولا نبي نفتحه لاننا مهوب ناقصين طقاق
السؤال هو...هل لانه رفيع الشان لا يحذف موضوعه...هل هي مجامله له...ولو غيره كتب الموضوع وبصراحه هل سيحذف...هل سيحول للجاده...هل سيحول للماصله...هل اسم الكاتب له علاقه بوجهة الموضوع...مجرد اسئله
يبقى رفيع الشان اكبر من تقييمي وشهادتي فيه مجروحه...ولكنه اسئله جت على بالي...ولا اتوقع اني اسمع جواب...لانه ما لها اصلا جواب http://www.eqla3.com/file/ubb/smile.gif http://www.eqla3.com/file/ubb/smile.gif http://www.eqla3.com/file/ubb/smile.gif
رفيع الشان..وانا اخوك...حقنا اكبر من موضوع بايت...اتمنى نقرا جديدك قريبا http://www.eqla3.com/file/ubb/smile.gif http://www.eqla3.com/file/ubb/smile.gif
ملاحظه للي بيردون:
اذا كان ردك سطحي ومتشنج...فانت غير ملزوم فيه...شكرا http://www.eqla3.com/file/ubb/smile.gif http://www.eqla3.com/file/ubb/smile.gif http://www.eqla3.com/file/ubb/smile.gif
</font></div>
------------------
لو كتبت بويت جيت اسابق اظلالي........مقدر اصبر اجي مسرع واقول اسمعيه
واتفيخر واقول اقري كتبته لحالي.......بيت مكسور ما يجبر واقول احفظيه
راعي العليا
19-07-2000, 14:50
<div align="Right"><font size="+2" face="Arial" color="#000000"> مرحبا بك اخوي رفيع الشان.... صراحه وفيت وكفيت وعساك عالقوه..... موضوع مقلع بنكهه انتقاديه... http://www.eqla3.com/file/ubb/smile.gif
</font></div>
mosarq3 alkhobar
19-07-2000, 15:19
<div align="Right"><font size="+2" face="Arabic Transparent" color="#000000"> موضوع هادف باسلوب ساخر ولا يكتبه الا الكبار.....عطنا جديدك يا ما للغنيمه....
وعندي لك طلب يا اخي...نزل الموضوع اللي بتكتبه لفواصل هنا انت كريم وحنا نستاهل ولا تخاف يحوس مريرك طلال....ما عليك عندي لك واسطه في جريده خمبق تايمز ويقولون لي نبي كتاب ساخرين كخخخخ
قلت ما ينفعنا الا رفيع الشان http://www.eqla3.com/file/ubb/smile.gif</font></div>
------------------
انا ماني يهودي ولا مشرك ولا عربيد.....انا اللي لاغلط تجهم واقلقه ثوبه
*يمشي الفقير وكل شئ ضده
والناس تغلق دونه ابوابها
هذا يهيبه وهذا يهينه
ويرى العداوة ولايرى اسبابها
حتى الكلاب اذا راته عابرا
نبحت عليه وكشرت انيابها
واذا رات يوما غنيا مقبلا
خضعت اليه وحركت اذنابها
Mosarq3_Alkhobar@eqla3.com
<FONT COLOR="Blue">أنا بعد عندي مداخله في الخطوط عن الموضوع واسأله اخرى للمعانديه من الأعضاء http://www.eqla3.com/file/ubb/smile.gif
من كلامك أفهم انه يسونها الرجاجيل حقين الرادارات ويغلطون على الحريم بأزعاجهم
او العيال المزعجين لكل ما هو اسود اللون؟؟؟
وهنا نقول أن المذنب في هالشي هن الحريم لاونعاقبهن بعدم القيادة ....ماتجي فيه شي غلط!!
أعتقد أن فيه ثغره يبي لها سد...ولا وش رايك؟؟؟
وأقول للمعانديه ...أولا الرجال في البدايه بكل تواضع أعتذر وهذا مهب جديد على على واحد رفيع شان
ثانياًُُ انا ما قد قريته ابد ...هذي اول مره ...تبي تحرمنا من هالكتابات ليه؟؟؟
ثالثاُ ما عندي اي خبر عن المنع وماقط سمعته في اللي تقوله عن الممرور...وان كانك صح ...فترى الممرور غلطان في هالشي!!
رابعاُ ترى ما تشنجت في ردي هذا عشان كذا وفي هالحاله انت تقول اني ملزم في أني أرد...:فلا تزعل من ردي http://www.eqla3.com/file/ubb/smile.gif</FONT c>
[ color=Red]________________________________________
[]... ليتني بينك وبين المضّرة @@..من غزة الشوكه (عشان المايقه http://www.eqla3.com/file/ubb/wink.gif ومن خزه الأبره (عشان أمي http://www.eqla3.com/file/ubb/wink.gif الى سكرة الموت.... ! [][/color]
""""""""""""""""""""""""""""""""""""
[b]<small><small>[ تم تعديل الموضوع بواسطة مخرج 13 يوم يوليو 19, 2000]
<div align="Right"><font size="+2" face="Arial" color="#000000"> حبيبي مخرج 13....كيفك...وليه "معانديه"...ترى انا ما زعلت من الكلمه...بس كلامي ما فيه عناد
لما طلبت من رفيع الشان موضوع جديد...مهوب عشان احرمك من القديم...ولكن القديم ممكن توصله بلنك وخلصنا...وحنا ننتظر من كاتب مثله انه يزيد في الابداع هنا بشي جديد...يمكن يكون هو مشغول ولا عنده وقت يكتب موضوع خاص في الاقلاع واضطر انه يجامل بهذا الموضوع...اقول يمكن...اتمنى اني وضحت http://www.eqla3.com/file/ubb/smile.gif
اما بخصوص المنع..فابمكانك انك تراجع الاداره وهم يعلمونك
شكرا لعدم التشنج...انا صدقني ما ازعل الا من اللي يطير في العجه وهو ما فهم الموضوع...فيه ناس يعتبرون كل انتقاد تجريح ومحاولة تقليل...وهنا المشكله....شكرا حبيبي http://www.eqla3.com/file/ubb/smile.gif http://www.eqla3.com/file/ubb/smile.gif http://www.eqla3.com/file/ubb/smile.gif</font></div>
------------------
لو كتبت بويت جيت اسابق اظلالي........مقدر اصبر اجي مسرع واقول اسمعيه
واتفيخر واقول اقري كتبته لحالي.......بيت مكسور ما يجبر واقول احفظيه
Abuyasser
19-07-2000, 15:50
<div align="Right"><font size="+1" face="Arial" color="#000000"> اخواني
سلام
1-هالموضوع محله المناسب هوالجادة وليس المميزة-اسف يخواني هذا رايي
2- شخصيا ارى ان قيادة المراءة للسيارة هي ضرورة لمعايشة الحياة العصريةوذلك للاباب التالية
ا- ابنتي دكتورة تروح عملها علىدوامين
ب- ابنى د. ومشغول دائما مع المناوبات
ج-ام العيال موظفة - غير ارتباطاتها الاجتماعية
د- الاولاد الصغار يبون توصيل الى مدارسهم
ه- لدي سائق واحد وانا اساعد في التوصيل وكذلك الاولاد الكبار لكن احيانا فيه تعارض في المواعيد
جاري يبحث عن سائق ثاني لان مشكلته تقريبا مثلي.ومثلنا الكثير
ولعلمكم
هل احد ينكر ان البدويات في البر يروون الماء بالسيارة.
او هل احد منكم زار المجمعات السكنية للشركات
واخيرا
لدينا في جوازات المنافذ نساء عاملات للكشف على النساء وفي المستشفيات هناك طبيبات وممرضات فمالمانع ان يكون لدينا نساء في المرور
فيما ارى
وبدون زعل
سوف تقود الحرمة السيارة وربما بشروط خاصة
وسلامتكم</font></div>
------------------
ان لم تكن وولفا
اكلوك الولايف
<div align="Right"><font size="+1" face="Arial" color="#000000"> <FONT COLOR="Purple">
(((...ولكنه اسئله جت على بالي...ولا اتوقع اني اسمع جواب...لانه ما لها اصلا جواب)))
طيب تقولها هنا ليه مدامك تقول ما أتوقع أني..وما لها أصلاً جواب....هذا حبيبي همبرقع يسمونه معاند!! http://www.eqla3.com/file/ubb/smile.gif
حتى نقاشنا هنا مال أمه داعي واسألتك توجهها للأداره مهب في موضوع الرجال
أضف الى ان اللي يكتب شي واللي يودي للماصله شخص ما أخر...وش لون توجهها لصاحب الموضوع
اللي مايدري ان فيه شي اسمه مميزه او ما شابه ذلك...اتمنى انك تفهم علي وترى الى الحين ما بعد تشنجت !! http://www.eqla3.com/file/ubb/smile.gif
____________________________________
ليتني بينك وبين المضّره @@ من خزة الشوكه (عشان المايقه) ومن غزة الأبره (عشان أمي).. الى سكرة الموت.... http://www.eqla3.com/file/ubb/frown.gif
"""""""""""""""""""""""""""""""""""""""""""""""""""""""""""""""""
</FONT c></font></div>
<div align="Right"><font size="+1" face="Arial" color="#000000"> والله الموضوع رائع وهادف وتسلم ايادي كتبت يا(( رفيع الشان )) وعسى الله يرفع من شانك عنده .
بس انا مايرتفع طبلوون الضغط عندي الا اذا جاك البيت متروس من الرجال ولي طلبت البنت والا الام
من اي واحد فيه ولو(( مشيّوير )) صغير قال بالله مني فاضي شوفي غيري
والمشكله ليته مشغول صحيح والله مايهم بس الله اعم وشوه مشغول فيه .
<<<<<<<<<<<<<<< صحيح خاشه عرض بس تعاني
آسفه على الاطاله .
لك تحياتي أختك روووووز .</font></div>
------------------
(( وما حب الدداسن شغفن قلبي .............. ولاكن حب من ركب الدداسن ))
قصيمي FBI
19-07-2000, 16:53
<div align="Right"><font size="+1" face="Arial" color="#000000">
هههههههههههههههههههه
ودي اشوف بنت تغسل سياره هههههههههههههههه
</font></div>
------------------
الأف بي آي تصيد كلش الا المقلعييييين ما جابت خبرهم
<div align="Right"><font size="+1" face="Arial" color="#000000">
تصدق ما اعجبني الا (( ايوا احسن )) وياااربي .
اقول اعقل وخلك رفيع شان هاه فهمت .
لا... تخيل امي وهي رايحه لحله القصمان بالكامري البوكس عندي احساس ان القزازه اللي ورا بتلزق في اللي قدام ... وهذا اذا تعدت ميتين متر بعد.
والا الصدق اذا تعرض احد لمحارمك وراح شرفك وش بتسوي انوووواع المشاكل .</font></div>
------------------
مانت يالخفاق عبدٍ له ولا انت اصغر عياله
......................انت خفاق الضلوع العوج والخيره خفيه.
<div align="Right"><font size="+1" face="Arial" color="#000000"> تسلم يمينك على هالموضوع يارفيع الشان .. مدرسه بفن الاقلاع الهادف كما عرفناك وترانا نحتري على أحر من الجمر باقي مواضيعك
ابي الاخوان يقرون الموضوع وعقبها يقرون رد الاخوه الي ردوا على الموضوع وخصوصا رد ابو برغش
ابو برغش كاتب كبير ومن كبار كتاب الانترنت شوفوا وشلون رده .. رد انسان عارف قدره وعارف قيمة قلمه وانسان واثق بنفسه.. وانسان يعرف يقيم الناس ويعطيهم حقهم .. ابو برغش اتعب وانا اقول انك مميز بكل شي الله لايخلينا منك
وفيه ناس من غير ذكر اسامي ردودهم هادفه سواء كانت بتشجيع الكاتب او بنقد بعض النقاط او بمناقشه الموضوع وهذولا هم فاكهة الساحه والي كل نجاح الساحه بعد الله يعود لهم ولتفاعلهم بالمواضيع الله لايخلينا منهم
وفيه ناس يذكروني برئيس ضمك يوم لعب الهلال مع ضمك وقال رئيس النادي لاوجه مقارنه بين الهلال وضمك ووالهلال فريق ريفي .. مدري هالسالفه صارت صدق ولا لا بس والله اني سامع بها .. ولا زي الصحفي الي يكتب ويقول ان ماجد عبدالله لاعب عادي وان سامي الجابر لاعب تنس . الله لايبلانا مابلاهم
الاخ همبرقع : ايه ذيك الايام قفلنا موضوع السيارات لانه كان موضوع جاد ميه بالميه وكان الغرض منه النقاش العقيم
اما هالموضوع فهو موضوع مقلع هادف واقر كلام ابو برغش الي فوق وانت تفهم قصدي
الموضوع انتقل الى المميزه باستحقاق
</font></div>
vBulletin v3.7.1, Copyright ©2000-2008, Jelsoft Enterprises Ltd.