شباب نصيحتكم للي يبي ياخذ جارمن؟

[عدة الشاهي]

هلا بالشباب كيف لحال
الصراحة المنتدى ذا جاز لي بالحيل وحبيت أني استفيد منه.
فودي اعرف النوع الجيد من الجارمن يعني وشو افضل الانواع ووشو افضل الرخيص او الرخيص الجيد.
وانا دخلت على موقع الجارمن شفتهم كاتبين عن جارمن بالم ودي أعرف وش الفرق بينه وبين البالم العادي.
ولكم تحياتي. <IMG SRC="cwm6.gif" border="0"> <IMG SRC="cwm36.gif" border="0"> <IMG SRC="cwm37.gif" border="0"> <IMG SRC="cwm38.gif" border="0"> <IMG SRC="cwm25.gif" border="0"> <IMG SRC="cwm24.gif" border="0"> <IMG SRC="cwm19.gif" border="0"> <IMG SRC="cwm15.gif" border="0"> <IMG SRC="cwm14.gif" border="0">

[هواء النفود]

والله انكانك رجالاً راعي انجليزي او تبي تمشي نفسك بالانجليزي فخذ النوع الي هو 3plus (ثري بلس) لا سعره تقريباً 1200 ريال ولا خذ العربي الي هو (ثري بلس) العربي وفي واحد انا مجربه الي هو الجهاز الابيض يسمونه هذا حلو بس انه انقليزي وبعدين اذا بغيت تشري خذ النوع الي ممكن تخزن فيه مواقع واحداثيات لان بعضها يصير دليل بس و ترى العربي ذا سعره الظاهر انه 900 ريال ويعدين انتبه انه يكون مبرمج على السعوديه مهوب على بلد ثاني

[عدة الشاهي]

هلا اخوي النوع اللي قلت انه بالنقليزي ازين من العربي ؟
والا العربي ازين ؟
لانك تقول ان العربي ارخص ؟
فأيهن الازين؟ والانقلينزي ادبر حالي فيه.
وأنا شفت نوع بموقعهم يقاله بالم سمعت عنه والا تدري عن شي زي كذا
تكفا اشفي ما فيني من تساؤلات&lt;-=حلوه

[الطائر الغيور]

انت يا الاخو السلام عليكم انا فيه اثنين من اخوياي واحد عنده جارمن
والثاني عنده ماجلان
بس الانواع ما اعرفهابس الزبده حطينا قوطي ببسي
وكان الماجلان بينه وبين الببسي متر واحد
والجارمن عشرة امتار لذلك انا انصحك بماجلان
والسعر ماادري لاني ما شريت
;) وان كنت بتاخذ نصيحتي الله يوفقك
وان كنت ما راح تاخذ نصيحتي فالله يهنيك
ففي كلا الحالتين انت الرابح <IMG SRC="cwm16.gif" border="0"> <IMG SRC="cwm30.gif" border="0">

[منطقي جداً]

اتكل على الله ولا تاخذ الا قارمن 3PLUS
فيه مميزات كثيره اذا معك مبادئ انجليزي

[الطائر الغيور]

هاه وش قلت

[عدة الشاهي]

هلا الطائر الغيور لا تدف مستعجل
شكرا اخوي على النصيحة لكن كلامك عام شوي يعني لو تقول لي وش نوع كل جهاز الماجلان والقارمن والصراحة انا اميل للجارمن لاني اسعملت نوع يقال له اكس ال12 ويعتبر الحين قديم وجاز لي والحين ودي اشوف ازين الجديد من حيث السعر والجودة ولو صار الماجلان ازين اخذه ليه لا.
ومشكور اخوي
-----------
هلا اخوي منطقي بلس 3 فيه ميزة تنزيل الخرايط على الكمبيوتر ومن ثم طباعتها وسمعة عن شي في خرايط تنزل على الجهاز نفسه فهل فيه الميزة ذي ولك الشكر اخوي

[بليزر أبيض]

أخوي أنا عندي قارمن ثري بلس وتراه مسكت. ويجي معاه خريطة الشرق الأوسط (السعودية أساسا والطرق الرئيسية بباقي البلاد) واذا اشتريت البرنامج حق الخرايط من عندهم تقدر توصله على الكمبيوتر وتنزل خرايط من النت.
أما البالم المعلنين عنه فهو طالع جديد، بس هو عبارة عن إضافة لجهاز البالم العادي حق ثري كوم يتركب عليه (عبارة عن أنتن استقبال حق الأقمار بس) وينزل برنامج على البالم يخليه يشتغل كأنه جي بي إس. بس إذا حسبت الثمن أتوقع بكون مرتفع، البالم بحوالي الألف أرخص أنوع وهذا الأنتن حق البالم على ما أذكر (وأتوقع إني مبالغ بالسعر شوي) حوالي الأربعمية دولار غير الشحن (إلا إذا كان الوكيل جابه).

وانشا الله أكون فدتك بشي

[العرجون]

السلام
أخوي طالب النصيحة حياك الله

أنصحك تأخذ القارمن 3 بلص وأنت مغمض
أنا معي القارمن 3 ( ثري ) من عام 97م جبته من دولة الكويت اللي فيه خريطة العالم والخطوط ( الطرق ) السريعة بين المدن وبعض الخطوط الفرعية
لأن فيه نوع 3 ( ثري ) مافية خريطة .
والآن القارمن 3 بلص كلها يوجد فيها خريطة العالم وتفاصيل أكثر وممكن ينزل التفاصيل ( تفاصيل خريطة المملكة ) في الجهاز الوكيل عند شرائك منه .

وأنا غيرت جهازي القديم بالجديد(PLUS ااا GPS )
وهو متعة في البر وعلى الطرق السريعة فعليك به)

والوكيل موجود في مدينة الرياض في عمارة الصالحية غرب طريق الملك فهد جنوب طريق الوشم ( سوق الحاسب الآلي ) الدور الأرضي الباب الثالث من جهة الجنوب واسم الوكالة ( دار موجة للإكترونيات ) وصيانتهم ممتازة وقريبة من موقع الوكالة.
وأنصحك لا تأخذ أي إضافات إلا سلك توصيل التيار الكهربائي بين الجهاز والولاعة لأنك لن تحتاج لغيرها إلا إذا كنت من هوات التشخيص.

ويأتي مع الجهاز شريط لا صق واحد ناعم والثاني خشن ألصق الناعم بالجهاز والخشن في مكان مناسب فوق الطبلون وإشتر واحد ثاني مثله ( الشريط اللاصق الخشن ) تجده في محلات الخيام أو الرحلات وألصقه في مكان قريب فوق الطبلون على شان الشمس لتغير مكانه للظل داخل السيارة ولا تخاف سوف يستقطب أقمار ولو كان داخل السيارة .
ولا يحتاج لغة أنقريزية مثل الجوال أول ما طلع تعود عليه والربع اللي يستخدمونه كثيرين وبعضهم ما يفك الخط . فقط خل واحد فاهم يبرمجه أول مرة والباقي بسيط .
وميزات الجهاز كثيرة ولا يمكن حصرها ومنها :
يخزن 500 موقع ويمكن تكتب أسمك على الجهاز
وإستهلاك البطاريات بسيط فقط ( 2 مقاس AA إنيرجيزر ) وتدوم طويلاً .
وبه إحداثيات جغرافية وتربيعية وعسكرية .
والشاشة يمكن تكون رأسية أو أفقية .
ويلتقط ( يستقطب ) أقمار بسرعة .
وبه رموز تسهل عليك نوع النقطة مثل ( محطة ، مطعم ، مطار ، مكان صيد .... الخ )
ويوجد به أربع شاشات ملاحة مختلفة ( طريقة التوصيل للموقع المطلوب ) ويمكن التنقل بينها والتحكم بالبيانات المعروضة بها مثل ( السرعة ، المسافة ، الإتجاه ، وقت الوصول ... الخ )

الزبدة تعبت ومليت وأشتر قارمن لا تقول ياليت

معليش على هذه الإطالة والحوسة والكشتات عيزة كدا،،،،،، <IMG SRC="cwm32.gif" border="0">

والسلام،،،،،

[عدة الشاهي]

هلا أخوي بليزر ابيض الصراحة اني جيت ابي ارد عليك قبل كم يوم لكن الجهاز عيا يعطين فرصة وبصراحة قلت ارد عقب لكن نسيت الين رد العرجون وصار فيه فرصة .
لكن بصراحة كلامك عن البالم والقارمن ما فهمته كويس يعني ما ادري انت تمدحه والا تذمه &lt;===متقدم لنا....... يعني بحكم فنياتك وش رايك ببالم القارمن يصلح يصير اثين في واحد مع العلم اني ادور على بالم وأبي قارمن لكن مثل ما تعرف البالم يصير معي على طول مهو زي القارمن يسير بالسيارة.
------------
شكرا اخوي على النصيحة لكن كثير من المواصفات اللي قلتهن (الأغلب موجودة عندي بالXL12) الا اذا كانت ا لخرايط اللي تنزل بالجهاز دقيقة أو حديثة على الأقل مهي لها عشرين سنة مثل معلومات الإنكارتا؟؟؟؟
وشكرا اخوي

[بليزر أبيض]

هلا بعدة الشاهي :)
بالنسبة للجارمن ترى الخرايط حديثة (لكن حالياً موب كل التفاصيل. يعني الطرق الفرعية داخل الرياض ما تظهر) وعلى كلامهم بيحدثون الخرايط وبينزلونها على آخر السنة (هذا الكلام سمعته منهم في معرض الكمبيوتر الماضي حق الرياض).
لكن إذا كنت بتشتري بالم على كافة الحالات فعليك بالانتن اللي يتركب على البالم. بيعطيك نفس المميزات وأزود بس المشكلة إن البالم موب زي الجارمن في المتانة (الجارمن واتر برووف والمفروض إنه يستحمل الصدمات) بينما البالم يبغالك تداريه شوي. بس إذا فيه قاعدة للبالم موجودة حق السيارة (أتوقع إنها تجي مع الأنتن الجارمن) فعليك بالبالم.

وسلامتكم وسامحونا عالاطالة

[عدة الشاهي]

هلا اخوي بليزر ادري اني طفشتك لكن انت اللي عطيتن وجه.
الصراحة اول يوم قلت انتن مع القارمن وما ادري ويش كنت اضن انه انتل يعني اريل لكن الحين اشوف ان الانتن ذا تقل تغير يعني مهو أريل ممكن تقول لي وشو الانتن ذا؟
وما تدري القا ذا الانتن عن دار موجة.
وتوقع كم ياصل سعره؟

[بليزر أبيض]

هغالي والطلب رخيص أخوي عدة الشاهي (وش ذا الإسم؟ :confused: شفلك أسم سنع يوكون أو تاهو ولا حتى دتسون :D )
أول شي السموحة تراني غلطت بالأنتن اللي يركب على البالم. تراه من شركة ماجيلان موب جارمن (اعذرونا الشوف شجر ومطالعين الكموتر 30 ساعة باليوم) وإذا ودك تشوفه هذي لنك Palm Companion (http://celia.mehaffey.com/dale/gpscomp.htm#palmV) وفيها معلومات ثانية كثيرة وهذي اللنك على موقع الشركة المنتجة نفسهاMagellan Companion (http://www.magellangps.com/products/gps_companion.htm) ومتوفر من الشركة توصيلة البطارية و حامل حق السيارة وعلبة لحماية الجهاز. بس المشكلة أنا ما اعرف إذا في وكيل لماجيلان هنا (أعرف الرماية يجيبونه ويبرمجوه بس ما ادري إذا كانوا وكلا ولا لأ) وتراه يسوى حوالي 130 دولار عالنت .
عموماً، أنا أفضل الجارمن (خصوصاً إن له وكيل والمفروض إنهم شغالين على مشاريع الخرائط الإلكترونية للمدن في السعودية. المفروض) لكن إذا إنت شاري البالم خمسة شاريه فخذ الماجيلان أوفر، والله أعلم

واعتذر عن التطويل مرة ثانية

[عدة الشاهي]

الله يسلمك أخوي البليزر.
والصراحة الاسم اخترته لأني لي قصتين مع عدة الشاهي. عشان كذا قلت آخذ الأسم ذا.
بالنسبة للبالم مع القارمن أشوفك تمدح القارمن لكن ما نصحتن بالبالم حق القارمن؟
والا هذا ازين؟
على العموم أخوي ما قصرت معي وكلفت عليك والله أكثر من اللازم وانشاء الله يقدرن الله ارد لك معروفك معي.
ولك سلامي

[بليزر أبيض]

وش دعوة أخوي ;) ما سويت شي. بعدين أنا قلت إني أخطيت. الجارمن لسه ما نزلو شي للبالم وما شفت خبر على موقعهم إنهم بينزلون. أنا كنت شايف حق الماجيلان ومدري شلون جه براسي إنه جارمن.

بعدين وشهي قصتك مع عدة الشاهي؟ إذا ما فيها احراج سمعنا ياها، وإذا كنك ناشرها ورنا اللنك، واذا فيها إحراج ما عليك، هلا بالشاهي وبعدة الشاهي

:)

[عدة الشاهي]

هلا اخوي بليزر .
البالم اللي سويت نفسي فاهم وقلت انه من قارمن طلع اللي قلت لي عليه حق ماجلان وأنا على بالي فاهم وجايب شي جدسد لأني دخلت على متجر لبيع ا&lt;هزة الجي بي اس من موقع القارمن وحسبت البالم حق القارمن.
بالنسبة لموضوع عدة الشاهي انشاء الله أكتبه لكن اليوم مستعجل وانشاء الله تشوفها بكرة.
وتراك يا اخوي ما قصرت معي من جد والله يسلمك.

[بليزر أبيض]

حياك وبياك، وترى السالفة موب مستاهلة ما سويت إلا الواجب واقل ومنتظرين سالفتك :)

[عدة الشاهي]

هلا أخوي البليزر.
هذي طول الله عمرك عدة الشاهي قصته قصة فيه منطقة عندنا بالمدينة يقالها المندسة فيها نفود صغير يذكرنا بنفود القصيم ونحب نطلع لها نتعشا فيها ونتقهوا عاد مرة من المرارير طلعنا لم المنطقة ذي معنا ددسن غمارة وقعدنا نطاعس ومير نرقا لنا رمثة بوسط النفود وتطفا السيارة وتثولث حاولنا نشغل السيارة بالرضا بالقوة عجزنا عاد جلسنا ونزلنا عدة الشاهي السكروالشاهي والقز والماء يوم ناظرنا والا ما معنا ابريق كيف والله ما لقينا عاد قلنا اسمنا اللي طلعنا والسيارة طافية عقب ما نزين السيارة يسير خير عاد المنطقة صايرة مثل المحقان ولها مدخل واحد والأرض تحت عزاز يوم عيت تشتغل السيارة دفيناه وطلعناه من النفود دف الين نزلناه تحت ونتعنا السيارة عيت لا تشتغل راح ثنين يجيبون كهربائي وانا جلست عند السيارة عاد جابوا كهربائي ومعهم شروا ابريق شاهي وزين الكهربائي السيارة واثري البليتين متجمع عليه كربون صنفره واشتغلت السيارة واستفدت خبرة في عطل من الأعطال اللي هو لا صارت السيارىدة تدق سلف وما تشتغل معناته ان البيتين يبيله صنفرة.
وسلامتك عاد تعبت من الكتابة والقصة الثانية خلها بعدين.

[مخربش]

<font size="6">Text</font>الميزه في جرمان (gps 3 )
انه يوجد به خريطه توضح المكان الي انت فيه اذا كنت غادي توكل على الله واشتري :cool: :cool: :cool: :cool: :cool: :cool: :cool: :cool: :cool: :cool: :cool: :cool: :cool: :cool: :cool: :cool: :cool:

[عدة الشاهي]

أخوي مخربش الماجلان ما فيه ميزة الخريطة؟

[الطائر الغيور]

سلام عليكم انا اداري اني تاخرت في الرد لاكن الظروف
والله الانواع انا ما اعرفها بس هذا الي صار
بس احس انهم كلهم بيشترون احسن واحد في السوق
لانهم كلهم هواة بر ما اشوفهم الا هناك
<IMG SRC="cwm8.gif" border="0"> <IMG SRC="cwm8.gif" border="0"> <IMG SRC="cwm8.gif" border="0"> <IMG SRC="cwm8.gif" border="0"> <IMG SRC="cwm8.gif" border="0"> <IMG SRC="cwm8.gif" border="0"> <IMG SRC="cwm8.gif" border="0"> <IMG SRC="cwm8.gif" border="0"> <IMG SRC="cwm8.gif" border="0"> <IMG SRC="cwm8.gif" border="0"> <IMG SRC="cwm8.gif" border="0"> <IMG SRC="cwm8.gif" border="0"> <IMG SRC="cwm8.gif" border="0"> <IMG SRC="cwm8.gif" border="0"> <IMG SRC="cwm8.gif" border="0"> <IMG SRC="cwm8.gif" border="0">

[عدة الشاهي]

هلا أخوي الطائر الغيور تراي ما فهمت من كلامك شي لو توضح يمكن أقدر أستفيد منك أكثر
على كل حال شكرا على المشاركة

[RIALTO]

السلام عليكم شباب ..

ودي اسئل عن جهاز القارمن .. اللي ممكن استخدمه في اوروبا ..

ويكون فيه خرائط تفصيليه عن كل المواقع .. والشوارع بدون استثناء

لاني بسافر واستخدم السياره .. وابغى الخرائط تكون تفصيليه موب فقط الشوارع والمدن الرئيسيه وبالنسبه للوكيل احد يعرف من وكيله في جده ؟؟؟؟

في انتظاركم ..

وتحياتي

[سعودي مقلع]

خمس سنوات وبضعة اشهر

على الموضوع


اكيد كل الموديلات تغيرت وتطورت

[مقدور]

كح كح كح

السلاااام عليكم

ينك محربث على هالموضوع ياخالي

شف يالغالي بالنسبه لخرايط تفصيله اذكر كان يقولون ان الفايف بلس فيه خرايط تفصيله لااوربا

لكن اذا بتاخذ رايي خذلك 276 سي وانت تقدر تكب الخرايط الى تجوزلك لان فيه ميزة الكرت الى تحمل عليه خرايط

وميزة اكبر شاشه واوضح وخاصة في النهار
ودعواتي لك بالتوفيق