شاعر وتعطل بالصمان

[salmali]

اهلين ياللي هنا
اول موضوع لي ياوحيد الجزيره


هذا واحد شاعر كان طالع لم ناس بالصمان وتخبرون يمشي علي الوصف المهم انجم(1) (دج وضاع)لمين خلص البنزيم اللي معه وطقت سبده محد جاه من هالبدوي ان الا بعد كمن ساعه

ومر عليه هاك البدوي الا يقوله عطن بنزيم قال معي جركل بالسياره اشفط منه لمين تقول بس

وولم خوينا الهوز(اللي ) وقام يشفط باقوي نفسه علشان يطلع من البنزين ويعبي له جركل (مادري وش الترجمه السواحليه حقته) وجاه النزين علي طول بطنه وشرب وشبع من البنزيم

المهم عبا الجركل وافرغه بسيارته واستاصف(2)-->يعني قاله عن الوصف وعلمه البدوي بهاك المكان وحلف عليه الا يخاويه ويكرمه عند ربعه وعيا البدوي يبي يشوف حاله وحلاله

قال بيتين من الشعر والبنزين ماثر علي دماغه وهي :
الله علي فمتو علي لاهب النار,,,,وابريق شاهي بارد مثل راعيه
وبيت مثولث داخله خيل وبكار,,,,وروض خضر يرعي الرجل في مفاليه

وطالعله البدو وبغي يذبحه وتحسف علي فزعته وخوينا هذا مهب داري وش يقوله من اثر النزيم ====>ابوك يالبنزيم انتبهوا منه يالربع والربعات(3)====>راعيات الديرم

وسلامتكم

(1)و(2) كلمات سيرلنكيه مادري وش معناها اللي يعرف يرسل تكفون
(3)اسالو فيها اقرب بنشري يعلمكم وش تعني

[وحيد الجزيره]

هلاااااااا والله وغلا بخالي.. :) :)

هههههههه اجل أجّر الدور يوم قحن بنزين هههههههههه اثر العالم تفتح الدرايش عند المحطات وتشفط على سنع :D :D

يعطيك العافية على السالفة..ولا تقطعنا..ما يسدنا هالموضوع ومحنب مطلقينك ترانا :) :)

[salmali]

المهلي مايولي يامشرفنا الغالي وحيد

شاكرلك ياخال هالتجاوب السنع وفعلا الرجل المناسب في المكان المناسب

ووصيه ياخال سكر الدرايش عند الشيش واشر له من ورا القزاز كم تبي يعبيلك بنزيم(لا يصير لك ماصار للي فوق)

[***اليتيم***]

يعطيك العافيه اخوي ما قصرت موضوعك حليو
اخوووووك اليتيم
<IMG SRC="cwm14.gif" border="0"> &lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;اليتيم

[salmali]

هلا باليتيم
نشالله انك مانت بيتيم وانت بساحه الاقلاع
وعسي شدوقك يابوي توسعت وانبسطت
شعارنا بسط القراء وجعل شدوقهم ممططه
:D

[ 09-15-2001: تم تعديل الموضوع بواسطة : salmali ]