miokly
10-09-2001, 19:10
يالربع انا بكتب هالموضوع ولكن عزالله انكم تبون تقولون هذا ماهوب صاحى المهم السلام قبل الكلام والتحية للمشرف الكريم ولسادة الاعضاء ياالربع هذا قصتن واقعية ولكن لابد الها من بعض الكمون والكسبر والملح ولبهارات اللى تعرفونها علشان تطلع <IMG SRC="cwm20.gif" border="0">
نبدا بالكلام :__
ابطال الرحلة ::
مصايب الاسكان العدداثنين( ولله يهم دببه) وابو شرارة وابو ثامر وابو هلال
الموتر كرسيدا 84 بين قوسين قير تماتيك
الواقعة حاصلة عام 1412هـ
كنا مجموعه لاتتجزاء من الهبال وندرس فى المرحلة النهائيه من الثانويه (والله من زين الدراسة)كلن فى وادى المهم كان اليوم الثلاثاء الجو ماعندك ابدع منه تقول ربيع يعنى زين الله الله ومير ينقز اخوكم ابوشرارة ويمز المالبور قال ياربع طلعنا ويرد عليه واحد من المصايب قال وين قال الصمان لاخاب رجاك ،،،،،،، ومير ينقز هاك الشقدرى قال مشينا قال بكرة حضرنا عده الطلعة انواع حراج بن قاسم الغاز 25 والقز 3عيون وجراكل الماء وكم علبه تونه وسلطه تونه يالله من فضلك،،،،،
المهم ماصدقنا على الله تتنهى الحصص ومير نسئل الدب ها وشلون الكرسيدا قال سنقه عشره (والله من زين السنقه) ومير نسمى بالرحمن وننطلق وعلى محطه خزام ولا صار العشاء غير موقفين فى قطعه الخط يوم يقف بالصمان انواع الانبساط ومير نسفط على جنب ونشب الضوء ويقوم واحد من المصايب ويزن العشاء والدعوة برد الله لايوريك خطر لو تلمس خشمك كان يطيح بيدك <IMG SRC="cwm41.gif" border="0"> المهم ويوم جاء الصبح تقول صابن فوقنا قوالب ثلج ،،وعقب الفطور وهبت الريح ويقوم ابو سنقه عشرة ويبى يشغل الموتر ويدق ويغ ويغ وووووويغ ومير اقوله هلا ولله زين انا على الخط ومير ناظره كل واحد وده يعطيه بقس من حر مانوجس عليه هو وموتره قال اصبرو بس الموتر بردان خل الشمس تطلع قلنا تطلع عليك والله الجنون اللى تخفف من شحومك <IMG SRC="cwm30.gif" border="0">
ويغ ويغ ويغ ماشتغل تقول الله منزل علينا هالك الخواجه من خواجات البر ومير ياولد تكفى قال وشفيكم ويناظر الموتر قال انتم هالحين وين راحين قلنا فيضه الخمه المهم
شرك للموتر وهو اللى يشتغل ماعندك ابدع منه تمام التمام ونضب العفش قلنا قدام وينك يالدليله زيد جاء مرتين مايقطع راسه سيفين لا ولازم يسوق المهم ونقوم نصول ونجول بهالكرسيداء الين وصلنا مكان مدرى وين هو هالحين ،،،،
ولا هاك <font color="Red">الـــــــــــــــسدر اللى يحبه قلبك وهاك الفيضه اللى ماعندك بزين منها</font>المهم انواع الانبساط والمرح ومن الخبال ماخلينى لعبه ماسويناها ومن زود الهبال راكبين فوق التنده والدب الداشر يسوق ويفحط بنا يمين ويسار خلها على الله (تخيل مهبل وكاشتين) الله لايوريك ومير يمسى الليل انواع التعب ولارهاق وقله النوم ونشب الضوء مغربيه ،،،،،،،،،
ولا المكان خلا خلا خلا مايطير ذبابه على قولتهم مابه احد وفجاه مع السوالف ولمزوح اللا هاك التصايح بها السدر تقول القيامه قامت هلا ولله مافيه تسميه باسم العزيز الرحمن اللا وقلناها <IMG SRC="cwm12.gif" border="0"> ومير يسود الصمت كل واحد يفتل شنبه ماهن شنب بس حركات تعبير انا مابه خوف ويناضر الثانى وابياله الشاهى عزالله انك تقول تسحبها سحب فى حلقك الواحد من الخوف من اللى هالى يتصايحون بالسدر لاعادك الله من سدر <IMG SRC="cwm30.gif" border="0"> ويق ويق عاق ولا خذينا شوى يوم صارت الدعوه تقابس مره فى راس الحزم ومره دونه ياوين الله جابنا عزالله اللى غدينا طعام جحوش وش السالفه يالربع وش السواه ولا ماهنا دبره،،،،،،
وحد من الدببه الداشرين تصير عيونه مثل عيون هالخشه <IMG SRC="cwm44.gif" border="0"> وشفيك فلان قال بطنى يوجعنى قلنا كلنا بطونا توجعنا قال مشينا قلنا تقوله صاز ومير اذكر انا ماشلنا غير الاسطوانة وكم صحن وبسمك الرحمن ونعبو هالدليه يطلع من الفيظه ويرجعنا على فيضتنا اللى خليناها وهذا حالنا
ونقوم ماخلينا خط ماعطينه ويوم سرى الليل وشفنا مابه فايده قلنا وقف يالمجلان ومير نحول وكل واحد رجوله تصافق وهاك البرد اللى يشخف ،،،
بعض من اخويانا رفض ينزل من الموتر واثنين حولو
والله يامر علينا ليله ولا الف ليله مع زود التعب ،،،،وقلت الراحة،،،،،وطبعا الخوف ماهو لازم اذكرها وياطول هاك الليله عيا يبان الصبح ويوم قمنا وخوينا المجلان يفتح ويهديه ربك ويدلنا الخط
لاعادك الله من كرسيدا ولاعادك الله من سدر
امل ياخوان ان ماتواخذون على الاطاله
الله الله بسعه البال
:mad:
نبدا بالكلام :__
ابطال الرحلة ::
مصايب الاسكان العدداثنين( ولله يهم دببه) وابو شرارة وابو ثامر وابو هلال
الموتر كرسيدا 84 بين قوسين قير تماتيك
الواقعة حاصلة عام 1412هـ
كنا مجموعه لاتتجزاء من الهبال وندرس فى المرحلة النهائيه من الثانويه (والله من زين الدراسة)كلن فى وادى المهم كان اليوم الثلاثاء الجو ماعندك ابدع منه تقول ربيع يعنى زين الله الله ومير ينقز اخوكم ابوشرارة ويمز المالبور قال ياربع طلعنا ويرد عليه واحد من المصايب قال وين قال الصمان لاخاب رجاك ،،،،،،، ومير ينقز هاك الشقدرى قال مشينا قال بكرة حضرنا عده الطلعة انواع حراج بن قاسم الغاز 25 والقز 3عيون وجراكل الماء وكم علبه تونه وسلطه تونه يالله من فضلك،،،،،
المهم ماصدقنا على الله تتنهى الحصص ومير نسئل الدب ها وشلون الكرسيدا قال سنقه عشره (والله من زين السنقه) ومير نسمى بالرحمن وننطلق وعلى محطه خزام ولا صار العشاء غير موقفين فى قطعه الخط يوم يقف بالصمان انواع الانبساط ومير نسفط على جنب ونشب الضوء ويقوم واحد من المصايب ويزن العشاء والدعوة برد الله لايوريك خطر لو تلمس خشمك كان يطيح بيدك <IMG SRC="cwm41.gif" border="0"> المهم ويوم جاء الصبح تقول صابن فوقنا قوالب ثلج ،،وعقب الفطور وهبت الريح ويقوم ابو سنقه عشرة ويبى يشغل الموتر ويدق ويغ ويغ وووووويغ ومير اقوله هلا ولله زين انا على الخط ومير ناظره كل واحد وده يعطيه بقس من حر مانوجس عليه هو وموتره قال اصبرو بس الموتر بردان خل الشمس تطلع قلنا تطلع عليك والله الجنون اللى تخفف من شحومك <IMG SRC="cwm30.gif" border="0">
ويغ ويغ ويغ ماشتغل تقول الله منزل علينا هالك الخواجه من خواجات البر ومير ياولد تكفى قال وشفيكم ويناظر الموتر قال انتم هالحين وين راحين قلنا فيضه الخمه المهم
شرك للموتر وهو اللى يشتغل ماعندك ابدع منه تمام التمام ونضب العفش قلنا قدام وينك يالدليله زيد جاء مرتين مايقطع راسه سيفين لا ولازم يسوق المهم ونقوم نصول ونجول بهالكرسيداء الين وصلنا مكان مدرى وين هو هالحين ،،،،
ولا هاك <font color="Red">الـــــــــــــــسدر اللى يحبه قلبك وهاك الفيضه اللى ماعندك بزين منها</font>المهم انواع الانبساط والمرح ومن الخبال ماخلينى لعبه ماسويناها ومن زود الهبال راكبين فوق التنده والدب الداشر يسوق ويفحط بنا يمين ويسار خلها على الله (تخيل مهبل وكاشتين) الله لايوريك ومير يمسى الليل انواع التعب ولارهاق وقله النوم ونشب الضوء مغربيه ،،،،،،،،،
ولا المكان خلا خلا خلا مايطير ذبابه على قولتهم مابه احد وفجاه مع السوالف ولمزوح اللا هاك التصايح بها السدر تقول القيامه قامت هلا ولله مافيه تسميه باسم العزيز الرحمن اللا وقلناها <IMG SRC="cwm12.gif" border="0"> ومير يسود الصمت كل واحد يفتل شنبه ماهن شنب بس حركات تعبير انا مابه خوف ويناضر الثانى وابياله الشاهى عزالله انك تقول تسحبها سحب فى حلقك الواحد من الخوف من اللى هالى يتصايحون بالسدر لاعادك الله من سدر <IMG SRC="cwm30.gif" border="0"> ويق ويق عاق ولا خذينا شوى يوم صارت الدعوه تقابس مره فى راس الحزم ومره دونه ياوين الله جابنا عزالله اللى غدينا طعام جحوش وش السالفه يالربع وش السواه ولا ماهنا دبره،،،،،،
وحد من الدببه الداشرين تصير عيونه مثل عيون هالخشه <IMG SRC="cwm44.gif" border="0"> وشفيك فلان قال بطنى يوجعنى قلنا كلنا بطونا توجعنا قال مشينا قلنا تقوله صاز ومير اذكر انا ماشلنا غير الاسطوانة وكم صحن وبسمك الرحمن ونعبو هالدليه يطلع من الفيظه ويرجعنا على فيضتنا اللى خليناها وهذا حالنا
ونقوم ماخلينا خط ماعطينه ويوم سرى الليل وشفنا مابه فايده قلنا وقف يالمجلان ومير نحول وكل واحد رجوله تصافق وهاك البرد اللى يشخف ،،،
بعض من اخويانا رفض ينزل من الموتر واثنين حولو
والله يامر علينا ليله ولا الف ليله مع زود التعب ،،،،وقلت الراحة،،،،،وطبعا الخوف ماهو لازم اذكرها وياطول هاك الليله عيا يبان الصبح ويوم قمنا وخوينا المجلان يفتح ويهديه ربك ويدلنا الخط
لاعادك الله من كرسيدا ولاعادك الله من سدر
امل ياخوان ان ماتواخذون على الاطاله
الله الله بسعه البال
:mad: