مهل
18-09-2001, 07:02
<font face="Tahoma"><font color="Black"><center>سلام علاااااااكم :
كيف حال الربع والربعات .. كيفك ياخالي وحيد الجزيره
عندي شوي سوالف عن البرّان جا على بالي اقولهن ّ...
أن شاء الله تجوز لكم .. وخذ وخلّ من هاذي السوالف
عاااد أكثر مايلفت نظر الواحد في البرّان هو حيواناتها وهوامها ودوابها.. الدواب بمشتقاتها من حنشان وعدزارب هي أكثر مايلفت نظرك
وبيت الشعر هذا اللي يقول :
أنا سعودي عريب الجد والخالي ...
قوم تاكل الأفاعي من عدزاربها ...
أشك فيه كثير :p ..
بدال البدايات السامجه يرحم والديك أدخل في الموضوع عرض ..
طيب ابشروا
الحنشان والثعابين والديبان سمعت مره قاعده تقول ان كل داب لونه فاقع هو سامّ يعني لو لقيت داب أسود مرّه او أصفر مرّه فهو سامّ أكيد وقس على كذا بقية الالوان احمر أخضر ازرق أصفر نيلي وبنفسجي .. :D الحياه الوان
وهذا ينطبق على بقية الكائنات
مجرد مايكون لونها فاقع فهي سامّه
عناكب , عقارب , دواب تدب على الارض دبيب ماعدا الحلقوم تعرفون الحلقوم مقصد الحلاوه :D لااا أقصد دابه لونها أسود مره ورجولها ماتنعد هاذيك بنت حلال ماتستاذي منها ابد تختلف عن ام اربع واربعين الملعونه أن رجولها قصار مره كأنها شعر عااد ليه يسمونها الحلقوم علمي علمك يابو الشباب ..
وين كنا ياولد كنا عند الديبان والحنشان بعد القاعده الي طلعها علماء الانثروبولوجيا ;) حقت اللون تجي للشكل انت لازم تنتبه من الي تطلع صوت والا لها جرس لأنها خطيره وفيه شئ غريب أكيد سمعتوا عن الأسود ..
الأسود هذا أشرس الديبان وأكثرها خطوره وحقد
وسمعت عنه بلاوي تجيب لك الراعه من هولها , وانه لاقرصك زين ان لحقت الشهاده وتشهدت لأن سمه زعاف على مايقولون , ويوم أقول لك حقود
فلأن فيه سبب وأنه لازم تحرقه بعد ماتذبحه وان ماحرقته راح يجيك خوي والا قريب له وياخذ ثاره منك ( عاد هذا الكلام سمعت عنه ماحصلي الصدق ومن مصادر موثوقه وهم كالعاده الشيبان حقينّا ) واسمع هاذي السالفه عنه :
يقالك واحد أرسله أبوه بكم راس من الحلال يبيعها في السوق ويعود المهم راح الولد وقابل وسط الصحرا وهو راجع داب اسود ماجا كبره وهو يقوم الولد ويلهد فيه ويلخه لين مات ولاحرقه ولاشب فيه
ويومنّه وصل لبوه واعطاه العلوم وش سوا وش صارله
وقله على سالفة الداب وينشده ابوه ويقوله :
شبيت فيه بالنار.. قال الولد : لأ
قال لابارك الله فيك ذبحت نفسك يالجاهل وانت ماتدري والله ثمن والله مايكبّك ..
طبعا الاب مردغ الولد قليل وراح وأخذ السوجن وزهبها ووقف على الباب ينتظر ويوم اصبح الصبح
والا خوي الأسود جاي على الوعد بياخذ ثاره وهو يثوّر السوجن فيه تثويره ماقام منها وشب فيه ..
وفيه واحد قالي سالفه مثلها أن جده ذبحله اسود وراح ماولع فيه ويوم أصبح الصبح وخرج الرجال للبلاد والا فيه شي اسود متعلق بالسلك الشايك في طرف البلاد ويوم قرب منه والا هو الأسود جا في الليل لكن تعلق بطرف الشايك ونشب لين مات وربي ستر ...
طبعا الواحد يقول ان السوالف هاذي أغلبها أساطير ومافيها شئ صحيح لكن أغلب الظن أن الاسود أذا ماشبيت فيه بالنار تظل صورتك مطبوعه في عيونه داخل الشبكيه وأذا جا أسود ثاني بطريقه ما يخزن الصوره الموجوده في عين الاسود الميت وهي طبعا صورتك ويبدا يقص جرتك ويتبع أثرك لين يوصلك وانت ماتحيط ولاتدري
وهاذي التقنيه ( ماني بهين ) يستخدمونها الان
في كشف الجرائم أخر صوره انطبعت داخل شبكية القتيل يحللونها ويقدرون يكفشون القاتل منهو ..
طبعا فيه غير الاسود داب خطير هو ابو قرون
وهذا الي ورد في الحديث باسم ذو الطفيتين
والرسول عليه الصلاة والسلام امر بقتله , والغريب انه لو طالع في وحده حامل اسقط حملها
وهذا قريته في الحديث وورد في الأثر
كيف يسقط الحمل , مثل العين بالظبط العائن يقدر يسوي أشياء كثيره يحرق يكسر يدمر بدون مانفهم وش صار وسبحان الله ويقولون أنها حراره من داخل الجسم تتحول لأشعه مغناطيسيه و هي خارجه وتصيب هدفها ( وش رايكم بالتفسير بس ) وهذا من قدر الله بالتأكيد ..
فيه نوع من الديبان وهذا منتشر في السودان
أسمه " الاصله "
ويعرفونه اللي راحوا قنص هناك هذا مايقرص
لاااا حبيبي هذا يبلعك بلع , يزرطك باكملك يلهمك وانت نايم وحجمه كبير جداً طوله باالامتار وعرضه يبالفيت يقولون أكثر من متر ونص ويستغل وقت نومك ويجي يتسحب وانت نايم ويبدا يبلع فيك وانت ماتدري الا بعد مايكون نص عمرك وسط فمه والصيادين هناك مايصيدونه الا انهم يتظاهرون بالنوم ويجي هو يبلع الصياد لين يوصل بطن الصياد يقوم الصياد يسحب خنجرين دافنها في الارض ويغرزها في كل جهه من الفك ويسحبها لين يموت الداب
الكوبرا
هذا العن الديبان على الأطلاق لأنه مستشر ويدور الشرّ بالسلف عشان يلدغك ويلفّ نفسه لاشافك مثل السسّته وينفلت عليك تقول رصاصه , وفيه نوع منه
يطير في الجو وهذ مهو عندنا أبشركم موجود في غابات الأمازون وأفريقيا اسمه الكوبرا المجنحه
اما الكوبرا العاديه فعندنا منها كثير ..
فيه نوع شفته انا اسمه أبو جنيب هذا لاشافك ونواك يلف نفسه وينطلق تقول سسّته والا زنبرك
فششششششش واذا أخطاك تسمع نيبانه يوم تخابط في بعض كانك مثوّر نيمس والا ام خمس من هول الصوت
اهييييييب اهباه الله ...
أغلب الديبان مهي سامه تسعين في الميه منها كذا بس الواحد وش يدريه ...؟ مايدري
الكل صار متعود يخاف منها والازين يكب المرجله الزايده أصرفله هاذي نصيحه ( قام يتلكلك :D ) لأن كم مره أشوف ناس تلقط الداب كانها تلقط حبل ماتخاف ومايجيها باس والناس أعداء ماجهلوا :D
سمعت انا ووالله ماني متأكد انها صحيحه أن الفرق بين السام وغير السام يكون في القرصه أو اللدغه
السام محل لدغته او قرصته مايخرج دم الا قطره او قطرتين بينما غير السام يخرج دم كثير كأنه جرح والله أعلم
طيب السم كيف يقتل ؟؟ هذا سؤال
بعد مايدخل السم في جسمك يبدأ تأثيره أنه يوصل القلب و يعطل عمل الأنزيمات في جسمك يعني الدم ماعاد ينقل أكسجين والا غذاء ولاشئ لباقي اعضاء الجسم ويصير الدم يجري في جسمك بدون فايده وتبدا تموت خلاياك وأعضائك , عشان كذا المقروص يربطون شئ يمنع وصول السم من مكان القرصه لقلبه ويشقون مكان القرصه بسكين عشان السم يخرج ..
وسبحان الله السم لو تشربه شرب مثل المويه مايسوي لك شئ مايذبحك لأنه عباره عن بروتين
( معلومه من رفيدز لي تخصص أحياء )
فيه أنواع من الديبان تعصرك عصر لين تكسر عظامك وهذي ولله الحمد مهي عندنا حسب علمي
مع اني اشك في الأحجام والداب يغير الطقم مرتين في السنه ويكشخ بجلد جديد وسبب الشكه ياأخوان ان جلد الداب الي شفته مره تقول نفق سيارات مهو جلد داب والله العظيم بس الظاهر الشمس سببت تمدد الجلد لين شفته بهذاك الحجم لكن يبدولي ان الحجم الطبيعي على الاقل ثمانين بوصه ( البوصه 2.5 سم ;) ) واللي مايبلع الي قلته
الان يمشيها لي وماصار شئ كخخخخخخ
عموما أغلب الديبان ماتاذيك اذا ماأذيتها لأن على عهد نوح يوم جا الطوفان وأمر الله نوح ان يأخذ من كل شئ زوجين ذكر وانثى أشتكت أغلب الحيوانات والكائات لنبي الله نوح من شر وأذية الثعابين فأخذ نبي الله نوح عهد عليها الا تاذي الا من أذاها ويقولون استمر العهد هذا لين اليوم
وهي غالبا ماتأذي الا من أذاها وأحيان تاذيها وانت ماتدري , تكون جنبك وتتحرك تحسبك تبي شرّ فيها وتقرصك والله أعلم
الله يرحم غازي القصيبي وعصفوريته من بعد اليوم
من هاالمعلومات الي تهل عندي بقي شئ اقوله لأنه من بعد ماصار لي نويت انظم للجنه الاولمبيه السعوديه في لعبة الجمباز وأكيد لو شاركت دورة سيدني كنت افوز بالميداليه الذهبيه بدون شك وارفع راسكم
" كنت مره عند جدي مادريت الا المكينه السطحيه
حقت البير تطفي قلّي جدي انزل البير أكيد الديزل خلص ,, صب من الجالون وقوّم المكينه قلت طيب وانا خايف أقومها وكالعاده مانزل الهندل من المكينه بعد ماتشتغل ويطير الهندل ثلاثين متر في السما وزين ان مالهدني وكسر عظامي
نزلت لقيت الجالون مخلص جيت راجع وانا ارقى سلم البير التفت جنب داخل الحفره الي نازل منها اللّي ( الخرطوش ) هاك الداب اللي ماجا طوله قدام وجهي مابيني وبينه الا شبر وانا اصفر وازرق واحمر وأخضر وكل الوان القوس قزح غير اني عرّقت ونشفت وعرّقت ونشفت وصرت متجمد واجيك نازل مرتن ثانيه واجلس أفكر وش اسوي لو صحت هيّّجته زياده وان سكت حبست نفسي ؟؟
ياشرّي شرّااااااااااه
قلت ياولد مابدهاش حمس نفسك ياولد وطير طيران ماسمعت الشاعر يقول :
قل للجبان اذا تأخر سرجه ...
هل انت من شرك المنيه ناج ..
وترجع نفسي تقول ياولد قبان قبان ولا الله يرحمو
وش أسوي ولمعت في بالي فكره جهنميه ...
طمبق طمبق
جيت طالع لين وصلت لمكان الداب وثبت يديني في السلم بقوه وبحركه جمبازيه مادريت عن نفسي الا
انا فوق راس البير ...
كل هذا مشهد درامي مريع :D لكن الأكثر دراميه يوم
جا أبوي يشوف السالفه وينزل البير ويقولي العباره الخالده :
" ياهلامه , هذا ماياكل الا بيض الحمام " !! :(
وسبحان الله مايقدر على الداب الا العقرب ومايقدر على العقرب الا تللك الدويبه السوداء ذات الرائحه الكريهه اللي اسمها الخنفساء Dعلى بلاطه
يعني الخنفس لاشافت العقرب تقعد تغول فيها لين تذبحها .. وسبحان الله دايماًًًًّ
نجي للعدزارب العنها اللي يجي عند البعارين
ومضيع اسمها الان هاذيك من قوة سمها يقولون تذبح الراكب فوق ظهر البعير وهي ماطالته وهاذي مبالغه طبعاً لأنها تسدح البعير في ثانيه , وسرعتها مثل البورش والعقارب كلها سامه وخلاف الداب لازم تقطع صلاتك لامرت قريبك
زي ماورد في الحديث .. لأنها بطبعها موذيه وشفت انواع منها سرعتها مليون وشوي كلم/ ساعه
ولاقرصتك دورلك كاسه سمن طبيعي ميه ميه وكعها على طول وماتشوف الا العافيه بس , ولاتنسى تمر اقرب مستشفى لأن الوصفه هاذي حاضر حلال سمعتها ومحطتبها لكم وخارجه من الضمان حق الوكاله ومالي دخل هاااااا
تذكرت شئ قاله لي واحد من الشباب من حايل وتأكدوا من الخبريه هيدي ياشبيب ( ياشباب )
عندهم دابه تقول عنكبوت كبير تقول زي سرطان البحر مدري عن شكلها لاتأذت منك تصفي الطبلون
لين ماعاد تشوفها ثم ترجع محمله عقرب عقربين على ظهرها
وتجي ماشيه سبعة الاف لين توصلك وتسحب بريك مدري جلنط وتنطل العقارب عليك والله اني تعجبت منها وأكدوا لي شباب من حايل كانوا معنا وقتها
انه صحيح الكلام ... والمجالس امانات ياأخوان
كخخخخ
العقارب تاكل بعض يعني بعد الصغار ماتفقس ترجع تاكل امها اللي جابتها وهذا قمة العقوق والجحود :D عشان كذا العقارب ماتعرف يمه أرحميني :D ( يااااااي )
الضبع
أشرس مخلوقات البرّ وصاحب أقوى فك بين الكائنات الحيه وأسمه الجعير كما يرد في بعض الروايات , وهو الوحيد الي يخاف منه الأسد وهو متواجد بكثره عندنا
مع ان مايجوز أكل كل السباع والجوارح الا الضبع مرخص بأكله بحديث من الرسول صلى الله عليه وسلم " لن الرسول نهى عن اكل كل ذي ناب من السباع وكل ذي مخلب من الطيور " وهاذي ذكرني بسالفة ابو العلاء المعري يوم مرض ووصف الطبيب علاجه
رأس ديك وقال : " أستقللوك فوصفوك لي ولم يصفوا لي راس الاسد " :D
لاحول الله على المهوي هذا
والضباع تستخدم في الطب الشعبي بكثره يقولون لحمها يشفي من أمراض كثيره منها السكري والفشل الكلوي ؟؟
مثل الذيب بالضبط يوم يقولون انه يقدر يثبت الجني في مكانه عشانه مايرمش واذا بتصدق اذا شفت جني في برّ حاول ماترمش وهو يتثبت محله ولايقدر يتحرك
غريبه صح .. ماندري والله
وأبو فانوس هو اشهر جني في السعوديه كلها … موجود بكثره في الربع الخالي
====> وش دخل ام ابو فانوس هنا
نرجع لموضوعنا أصرف
مره واحد من الربع زهم علينا وحنا جالسين في برّ ويقول انه صوبله ضبع وأفزعوا معي
رحنا معه يوم انسلّ الضبع وسط شجر وتغمغم عنّّا ويدخل اثنين واحد معه عجره واحد معه ام خمس .. المهم نسمع صوت ضرب العجره على صفاه والا على صخره
طلع الرجال يرجد في الضبع بالعجره طققققققق طقققققققق ولاكأنه يسوي شئ
عظامه زي الصخر الماخوذ مايحس بشئ
قالوا ماله الا رصاصه تطيّب خاطره وماقصروا فيه
بعد ماصلخوه طلعوا كبده وشووها وذقناها … الصدق تلوع الكبد <IMG SRC="cwm8.gif" border="0">
أجل كيف لحمه . اللله لايبلانا بس
أنا تعبت من الكتابه والهلاس الزايد على روسكم … الصدق بعض اللي قلته سمعته وبعضه شفته وبعضه من راسي
عشان لانبلش في أحد بعدين يقول تجيب من راسك :p
اللي عنده سوالف عن دواب وهوام البرّان والصحاري الله لايهينه يكتبها ويمحطبها هنا حتى لو عن البطاريق مقبول منّه ماجا :D
عاوزين حاقه والا محتاقه
لا أكيد
يبئى سلامو عليكوووو
مهل
</center></font></font>
كيف حال الربع والربعات .. كيفك ياخالي وحيد الجزيره
عندي شوي سوالف عن البرّان جا على بالي اقولهن ّ...
أن شاء الله تجوز لكم .. وخذ وخلّ من هاذي السوالف
عاااد أكثر مايلفت نظر الواحد في البرّان هو حيواناتها وهوامها ودوابها.. الدواب بمشتقاتها من حنشان وعدزارب هي أكثر مايلفت نظرك
وبيت الشعر هذا اللي يقول :
أنا سعودي عريب الجد والخالي ...
قوم تاكل الأفاعي من عدزاربها ...
أشك فيه كثير :p ..
بدال البدايات السامجه يرحم والديك أدخل في الموضوع عرض ..
طيب ابشروا
الحنشان والثعابين والديبان سمعت مره قاعده تقول ان كل داب لونه فاقع هو سامّ يعني لو لقيت داب أسود مرّه او أصفر مرّه فهو سامّ أكيد وقس على كذا بقية الالوان احمر أخضر ازرق أصفر نيلي وبنفسجي .. :D الحياه الوان
وهذا ينطبق على بقية الكائنات
مجرد مايكون لونها فاقع فهي سامّه
عناكب , عقارب , دواب تدب على الارض دبيب ماعدا الحلقوم تعرفون الحلقوم مقصد الحلاوه :D لااا أقصد دابه لونها أسود مره ورجولها ماتنعد هاذيك بنت حلال ماتستاذي منها ابد تختلف عن ام اربع واربعين الملعونه أن رجولها قصار مره كأنها شعر عااد ليه يسمونها الحلقوم علمي علمك يابو الشباب ..
وين كنا ياولد كنا عند الديبان والحنشان بعد القاعده الي طلعها علماء الانثروبولوجيا ;) حقت اللون تجي للشكل انت لازم تنتبه من الي تطلع صوت والا لها جرس لأنها خطيره وفيه شئ غريب أكيد سمعتوا عن الأسود ..
الأسود هذا أشرس الديبان وأكثرها خطوره وحقد
وسمعت عنه بلاوي تجيب لك الراعه من هولها , وانه لاقرصك زين ان لحقت الشهاده وتشهدت لأن سمه زعاف على مايقولون , ويوم أقول لك حقود
فلأن فيه سبب وأنه لازم تحرقه بعد ماتذبحه وان ماحرقته راح يجيك خوي والا قريب له وياخذ ثاره منك ( عاد هذا الكلام سمعت عنه ماحصلي الصدق ومن مصادر موثوقه وهم كالعاده الشيبان حقينّا ) واسمع هاذي السالفه عنه :
يقالك واحد أرسله أبوه بكم راس من الحلال يبيعها في السوق ويعود المهم راح الولد وقابل وسط الصحرا وهو راجع داب اسود ماجا كبره وهو يقوم الولد ويلهد فيه ويلخه لين مات ولاحرقه ولاشب فيه
ويومنّه وصل لبوه واعطاه العلوم وش سوا وش صارله
وقله على سالفة الداب وينشده ابوه ويقوله :
شبيت فيه بالنار.. قال الولد : لأ
قال لابارك الله فيك ذبحت نفسك يالجاهل وانت ماتدري والله ثمن والله مايكبّك ..
طبعا الاب مردغ الولد قليل وراح وأخذ السوجن وزهبها ووقف على الباب ينتظر ويوم اصبح الصبح
والا خوي الأسود جاي على الوعد بياخذ ثاره وهو يثوّر السوجن فيه تثويره ماقام منها وشب فيه ..
وفيه واحد قالي سالفه مثلها أن جده ذبحله اسود وراح ماولع فيه ويوم أصبح الصبح وخرج الرجال للبلاد والا فيه شي اسود متعلق بالسلك الشايك في طرف البلاد ويوم قرب منه والا هو الأسود جا في الليل لكن تعلق بطرف الشايك ونشب لين مات وربي ستر ...
طبعا الواحد يقول ان السوالف هاذي أغلبها أساطير ومافيها شئ صحيح لكن أغلب الظن أن الاسود أذا ماشبيت فيه بالنار تظل صورتك مطبوعه في عيونه داخل الشبكيه وأذا جا أسود ثاني بطريقه ما يخزن الصوره الموجوده في عين الاسود الميت وهي طبعا صورتك ويبدا يقص جرتك ويتبع أثرك لين يوصلك وانت ماتحيط ولاتدري
وهاذي التقنيه ( ماني بهين ) يستخدمونها الان
في كشف الجرائم أخر صوره انطبعت داخل شبكية القتيل يحللونها ويقدرون يكفشون القاتل منهو ..
طبعا فيه غير الاسود داب خطير هو ابو قرون
وهذا الي ورد في الحديث باسم ذو الطفيتين
والرسول عليه الصلاة والسلام امر بقتله , والغريب انه لو طالع في وحده حامل اسقط حملها
وهذا قريته في الحديث وورد في الأثر
كيف يسقط الحمل , مثل العين بالظبط العائن يقدر يسوي أشياء كثيره يحرق يكسر يدمر بدون مانفهم وش صار وسبحان الله ويقولون أنها حراره من داخل الجسم تتحول لأشعه مغناطيسيه و هي خارجه وتصيب هدفها ( وش رايكم بالتفسير بس ) وهذا من قدر الله بالتأكيد ..
فيه نوع من الديبان وهذا منتشر في السودان
أسمه " الاصله "
ويعرفونه اللي راحوا قنص هناك هذا مايقرص
لاااا حبيبي هذا يبلعك بلع , يزرطك باكملك يلهمك وانت نايم وحجمه كبير جداً طوله باالامتار وعرضه يبالفيت يقولون أكثر من متر ونص ويستغل وقت نومك ويجي يتسحب وانت نايم ويبدا يبلع فيك وانت ماتدري الا بعد مايكون نص عمرك وسط فمه والصيادين هناك مايصيدونه الا انهم يتظاهرون بالنوم ويجي هو يبلع الصياد لين يوصل بطن الصياد يقوم الصياد يسحب خنجرين دافنها في الارض ويغرزها في كل جهه من الفك ويسحبها لين يموت الداب
الكوبرا
هذا العن الديبان على الأطلاق لأنه مستشر ويدور الشرّ بالسلف عشان يلدغك ويلفّ نفسه لاشافك مثل السسّته وينفلت عليك تقول رصاصه , وفيه نوع منه
يطير في الجو وهذ مهو عندنا أبشركم موجود في غابات الأمازون وأفريقيا اسمه الكوبرا المجنحه
اما الكوبرا العاديه فعندنا منها كثير ..
فيه نوع شفته انا اسمه أبو جنيب هذا لاشافك ونواك يلف نفسه وينطلق تقول سسّته والا زنبرك
فششششششش واذا أخطاك تسمع نيبانه يوم تخابط في بعض كانك مثوّر نيمس والا ام خمس من هول الصوت
اهييييييب اهباه الله ...
أغلب الديبان مهي سامه تسعين في الميه منها كذا بس الواحد وش يدريه ...؟ مايدري
الكل صار متعود يخاف منها والازين يكب المرجله الزايده أصرفله هاذي نصيحه ( قام يتلكلك :D ) لأن كم مره أشوف ناس تلقط الداب كانها تلقط حبل ماتخاف ومايجيها باس والناس أعداء ماجهلوا :D
سمعت انا ووالله ماني متأكد انها صحيحه أن الفرق بين السام وغير السام يكون في القرصه أو اللدغه
السام محل لدغته او قرصته مايخرج دم الا قطره او قطرتين بينما غير السام يخرج دم كثير كأنه جرح والله أعلم
طيب السم كيف يقتل ؟؟ هذا سؤال
بعد مايدخل السم في جسمك يبدأ تأثيره أنه يوصل القلب و يعطل عمل الأنزيمات في جسمك يعني الدم ماعاد ينقل أكسجين والا غذاء ولاشئ لباقي اعضاء الجسم ويصير الدم يجري في جسمك بدون فايده وتبدا تموت خلاياك وأعضائك , عشان كذا المقروص يربطون شئ يمنع وصول السم من مكان القرصه لقلبه ويشقون مكان القرصه بسكين عشان السم يخرج ..
وسبحان الله السم لو تشربه شرب مثل المويه مايسوي لك شئ مايذبحك لأنه عباره عن بروتين
( معلومه من رفيدز لي تخصص أحياء )
فيه أنواع من الديبان تعصرك عصر لين تكسر عظامك وهذي ولله الحمد مهي عندنا حسب علمي
مع اني اشك في الأحجام والداب يغير الطقم مرتين في السنه ويكشخ بجلد جديد وسبب الشكه ياأخوان ان جلد الداب الي شفته مره تقول نفق سيارات مهو جلد داب والله العظيم بس الظاهر الشمس سببت تمدد الجلد لين شفته بهذاك الحجم لكن يبدولي ان الحجم الطبيعي على الاقل ثمانين بوصه ( البوصه 2.5 سم ;) ) واللي مايبلع الي قلته
الان يمشيها لي وماصار شئ كخخخخخخ
عموما أغلب الديبان ماتاذيك اذا ماأذيتها لأن على عهد نوح يوم جا الطوفان وأمر الله نوح ان يأخذ من كل شئ زوجين ذكر وانثى أشتكت أغلب الحيوانات والكائات لنبي الله نوح من شر وأذية الثعابين فأخذ نبي الله نوح عهد عليها الا تاذي الا من أذاها ويقولون استمر العهد هذا لين اليوم
وهي غالبا ماتأذي الا من أذاها وأحيان تاذيها وانت ماتدري , تكون جنبك وتتحرك تحسبك تبي شرّ فيها وتقرصك والله أعلم
الله يرحم غازي القصيبي وعصفوريته من بعد اليوم
من هاالمعلومات الي تهل عندي بقي شئ اقوله لأنه من بعد ماصار لي نويت انظم للجنه الاولمبيه السعوديه في لعبة الجمباز وأكيد لو شاركت دورة سيدني كنت افوز بالميداليه الذهبيه بدون شك وارفع راسكم
" كنت مره عند جدي مادريت الا المكينه السطحيه
حقت البير تطفي قلّي جدي انزل البير أكيد الديزل خلص ,, صب من الجالون وقوّم المكينه قلت طيب وانا خايف أقومها وكالعاده مانزل الهندل من المكينه بعد ماتشتغل ويطير الهندل ثلاثين متر في السما وزين ان مالهدني وكسر عظامي
نزلت لقيت الجالون مخلص جيت راجع وانا ارقى سلم البير التفت جنب داخل الحفره الي نازل منها اللّي ( الخرطوش ) هاك الداب اللي ماجا طوله قدام وجهي مابيني وبينه الا شبر وانا اصفر وازرق واحمر وأخضر وكل الوان القوس قزح غير اني عرّقت ونشفت وعرّقت ونشفت وصرت متجمد واجيك نازل مرتن ثانيه واجلس أفكر وش اسوي لو صحت هيّّجته زياده وان سكت حبست نفسي ؟؟
ياشرّي شرّااااااااااه
قلت ياولد مابدهاش حمس نفسك ياولد وطير طيران ماسمعت الشاعر يقول :
قل للجبان اذا تأخر سرجه ...
هل انت من شرك المنيه ناج ..
وترجع نفسي تقول ياولد قبان قبان ولا الله يرحمو
وش أسوي ولمعت في بالي فكره جهنميه ...
طمبق طمبق
جيت طالع لين وصلت لمكان الداب وثبت يديني في السلم بقوه وبحركه جمبازيه مادريت عن نفسي الا
انا فوق راس البير ...
كل هذا مشهد درامي مريع :D لكن الأكثر دراميه يوم
جا أبوي يشوف السالفه وينزل البير ويقولي العباره الخالده :
" ياهلامه , هذا ماياكل الا بيض الحمام " !! :(
وسبحان الله مايقدر على الداب الا العقرب ومايقدر على العقرب الا تللك الدويبه السوداء ذات الرائحه الكريهه اللي اسمها الخنفساء Dعلى بلاطه
يعني الخنفس لاشافت العقرب تقعد تغول فيها لين تذبحها .. وسبحان الله دايماًًًًّ
نجي للعدزارب العنها اللي يجي عند البعارين
ومضيع اسمها الان هاذيك من قوة سمها يقولون تذبح الراكب فوق ظهر البعير وهي ماطالته وهاذي مبالغه طبعاً لأنها تسدح البعير في ثانيه , وسرعتها مثل البورش والعقارب كلها سامه وخلاف الداب لازم تقطع صلاتك لامرت قريبك
زي ماورد في الحديث .. لأنها بطبعها موذيه وشفت انواع منها سرعتها مليون وشوي كلم/ ساعه
ولاقرصتك دورلك كاسه سمن طبيعي ميه ميه وكعها على طول وماتشوف الا العافيه بس , ولاتنسى تمر اقرب مستشفى لأن الوصفه هاذي حاضر حلال سمعتها ومحطتبها لكم وخارجه من الضمان حق الوكاله ومالي دخل هاااااا
تذكرت شئ قاله لي واحد من الشباب من حايل وتأكدوا من الخبريه هيدي ياشبيب ( ياشباب )
عندهم دابه تقول عنكبوت كبير تقول زي سرطان البحر مدري عن شكلها لاتأذت منك تصفي الطبلون
لين ماعاد تشوفها ثم ترجع محمله عقرب عقربين على ظهرها
وتجي ماشيه سبعة الاف لين توصلك وتسحب بريك مدري جلنط وتنطل العقارب عليك والله اني تعجبت منها وأكدوا لي شباب من حايل كانوا معنا وقتها
انه صحيح الكلام ... والمجالس امانات ياأخوان
كخخخخ
العقارب تاكل بعض يعني بعد الصغار ماتفقس ترجع تاكل امها اللي جابتها وهذا قمة العقوق والجحود :D عشان كذا العقارب ماتعرف يمه أرحميني :D ( يااااااي )
الضبع
أشرس مخلوقات البرّ وصاحب أقوى فك بين الكائنات الحيه وأسمه الجعير كما يرد في بعض الروايات , وهو الوحيد الي يخاف منه الأسد وهو متواجد بكثره عندنا
مع ان مايجوز أكل كل السباع والجوارح الا الضبع مرخص بأكله بحديث من الرسول صلى الله عليه وسلم " لن الرسول نهى عن اكل كل ذي ناب من السباع وكل ذي مخلب من الطيور " وهاذي ذكرني بسالفة ابو العلاء المعري يوم مرض ووصف الطبيب علاجه
رأس ديك وقال : " أستقللوك فوصفوك لي ولم يصفوا لي راس الاسد " :D
لاحول الله على المهوي هذا
والضباع تستخدم في الطب الشعبي بكثره يقولون لحمها يشفي من أمراض كثيره منها السكري والفشل الكلوي ؟؟
مثل الذيب بالضبط يوم يقولون انه يقدر يثبت الجني في مكانه عشانه مايرمش واذا بتصدق اذا شفت جني في برّ حاول ماترمش وهو يتثبت محله ولايقدر يتحرك
غريبه صح .. ماندري والله
وأبو فانوس هو اشهر جني في السعوديه كلها … موجود بكثره في الربع الخالي
====> وش دخل ام ابو فانوس هنا
نرجع لموضوعنا أصرف
مره واحد من الربع زهم علينا وحنا جالسين في برّ ويقول انه صوبله ضبع وأفزعوا معي
رحنا معه يوم انسلّ الضبع وسط شجر وتغمغم عنّّا ويدخل اثنين واحد معه عجره واحد معه ام خمس .. المهم نسمع صوت ضرب العجره على صفاه والا على صخره
طلع الرجال يرجد في الضبع بالعجره طققققققق طقققققققق ولاكأنه يسوي شئ
عظامه زي الصخر الماخوذ مايحس بشئ
قالوا ماله الا رصاصه تطيّب خاطره وماقصروا فيه
بعد ماصلخوه طلعوا كبده وشووها وذقناها … الصدق تلوع الكبد <IMG SRC="cwm8.gif" border="0">
أجل كيف لحمه . اللله لايبلانا بس
أنا تعبت من الكتابه والهلاس الزايد على روسكم … الصدق بعض اللي قلته سمعته وبعضه شفته وبعضه من راسي
عشان لانبلش في أحد بعدين يقول تجيب من راسك :p
اللي عنده سوالف عن دواب وهوام البرّان والصحاري الله لايهينه يكتبها ويمحطبها هنا حتى لو عن البطاريق مقبول منّه ماجا :D
عاوزين حاقه والا محتاقه
لا أكيد
يبئى سلامو عليكوووو
مهل
</center></font></font>