ابي محل يصلح اسلحة نارية !!! [الارشيف] - منتديات شبكة الاقلاع ®

عرض كامل الموضوع : ابي محل يصلح اسلحة نارية !!!

جويعد

09-05-2001, 04:34

الله يمسيكم بلخير
ماشاء الله لاااااا إله الا الله
مبروك مبروك انشاء الله منزل مبارك الله يعطيكم من خيره ويكفيكم شره (ددسن طلع موب منتدى) المهم ياجماعة الربع
انا عندي شوزن امريكي من القديمات بس على كيف كيفك الصراحة بس المشكلة إنه إذا رميت وقضيت مايطلع باقي الفشقه وابي لي احد يصلحه !!
داري اني دبلت اتسبادكم بس وش نسوي فرحين بالمنتدى الجديد

المنتهى

09-05-2001, 16:41

الله يبارك فيك يا جويعد ... وعلى الرحب والسعه إقلط :)

فيه محل بعليشه وله فرع بالحاير ( أنت بس رح لهم وهم يزبطون الباقي :D )

اللي أعرفه إن الشوزن فشقها أنت اللي تطلعه مهوب تماتيك :)
<=== قدييييييييييييييييم

الممرور

09-05-2001, 16:57

فيه محل خابره قدام سوق الزل .. يصلح السلاح من مبطي :)

<-------------- شايب :)

في العماره البيضا اللي مقابله لسوق الزل بس مدري هو للحين فيه او قشعوه

وحيد الجزيره

09-05-2001, 22:35

فيه واحدن مهوب بالرياض بس مضبوط..بس بالسر :) :)

المهم ان جزمت ارسلي على الايميل واوصفه لك :) :)

<--طار اليوزر الله يخلف <IMG SRC="cwm13.gif" border="0">

جويعد

11-05-2001, 00:39

المنتهي اصلحك الله وعم بنفعك ارجاء البلاد
محلك ذا باي شنق من عليشه وتسانك مستحي ارسل لي على الايمل تكفى

ابو محمد ياعردزي منين طلعت انت ؟؟ يخوك تقطعت رجليني وانا ادور عمارة بيضا مالقيت محلك
بس قلي هو بعيد عن ابوسراج حق العقل والا لا؟؟

الممررو<----- ياهقوتي إنه هاك الشويب اللي قبل ممدد رجليه عند دكانه ويقاوسهن مع عصاه ..!

الراحل

24-05-2001, 21:36

<font color="Blue">فيه محل في شارع التخصصي على ما أعتقد ان اسمه (( الهدف )) يصلح الأسلحه وأعتقد المرخصه بس </font> :D
<font color="Green">ومشكلة شوزنك بسيطه أي واحد عنده هوايه للصيد يقدر يصلحها خاصة انها ام وحده وأظن تقريباانه الناتوش يبي له سبرنق بس </font> :)

كروكي

24-05-2001, 22:07

هلا بك اخوي جويعد
المحل بين محلات الغاز اللي قبال سوق الزل ويصلح الغاز والمفاتيح والمكاين (بتاع كلو)
وان بغيت المحلات اللي مضمونين الله يعينك تروح للقصيم وأسأل اطرف مار في الشارع يّدلك0
والظاهلر ان بندقك يبغالها تشحيم وسبرنق حق النادوس0
وبعدين بلا مقعطه اشتر لك ام خمس تماتيك (برتّا)لك وللزمن وكانك ذروق فصرّحها بعد ونم
تمنياتي لك بصيد وافر :D

مجروح روح

25-05-2001, 03:16

اخوي جويعد وشلونك عساك طيب . ...
ياخوي ماصارت ؟؟؟؟ ياجويعد الله يهديك .
هالحين اللي يشوف العنوان يقول ( أسلحه ناريه )أكيد.. أقل شي( سوبر بانللي ) أو كلاشينكوف ...... هههههههه الله يهديك ياجويعد
وآخرتها صفت على شوزن أمريكيه ...
وقديمه بعد .. جويعد أحلف إن بندقك هذي مشاركه بحرب السبله..........
خلاص ياخي عطها تقاعد شوف .
صلحها ومكيجها وعلقها بالمجلس بالبيت..
اووووووووووه ألضاهر اني طولت عليك .. ماهي هذي سالفتنا .
على حسب خبرت أخووووك احح احح<-----(متوهق)
مشكلة شوزنك من أحد أمرين
ياانه من الناتوش (اللي يطلع الفشقه) إن كان يطلع ويتعدى الفشقه يسبقها فهو لازم يحتاج تغيير .. ....
أو من سستته ..(هذا إذا كان يبتل بمكانه ولا يقدر يزتها بر بقوه ) ...
وخلاص .. إنحللت مشكلتك ...<-----(يقاله خبير)
فيه شي ثاني ؟ ؟ أي خدمه ؟
عاد إسمع شور أخوك000
إن كنت راعي صيد ( محترف ) يعني ماتستغني عن البندق بكل طلعاتك أشير عليك تغييرها على طوووووووووووووول شفلك سوبر بانللي او بريتا او مونتريال او... ...<-------(يعني شف أعرف)
ايه أقولك . ماينفع الا هالنمونه وانت أبخص عاد
إذا المسأله جوني وقطا ووووووووطرد وطريد لازم من ثمان فشق على طول.
أما إن كان ألمسأله طلعت بر توسيع صدر وتمشي
وان حصل رمي زواحف ضبان هههههههههههه
فهي تبي تكفيك إنشاالله.....
اوووووه نسيت أقولك .. واجد اللي يصلحون . وده لم أي واحد وقله غير الناتوش والسسته . حط جدد كلهن .. وإن مازانت ياجويعد ..
ترى ابغيير إسمي من عــــنـــتـــر إلى بــــــنــــــشــــــر
لك مني خالـــص الشكر والامتنان ....
تحيااااااااااتي .. :D