كشته في ونيت شراع وخويهم عجل

[الحـادي]

السلام عليكم ورحمة الله وبركاته

اولا مبروك المنتدى الجديد يابو نايف وتستاهل
اكثر ....ومدام ..هالمنتدى وفرته ساحة الاقلاع

ماعاد يحتاج انا نطلع للبر ولدهنا والصمان وتمير وروضة التنهاه

خلاص الواحد الي بيضيق خلقه يبا يلقى الوناسه مع اعضاء هالمنتدى ومشرفه المنتهي
ولاهوب منتهي عقل لا...لكن.... واصل النهايه من المرجله وحسن الخلق والشمايل الحسنه ابونايف

واليكم المشاركه المتواضعه هديه للمنتدى والمعذره...................

سالفة كشته شباب بس زمان والسيارة ونيت شراع والمرتبه وحده وهم خمسه
المهم الرياجيل تواعدوا وجهزوا اغراضهم وشتروا
الطلي المهم بعد ماجو يمشون
المرتبه ضيقه واول كان يركب في المرتبه الوحده حوالي خمسه رياجيل المهم واحد منهم خفيف نفس وشقردي
واسنافي والرجال من رياجيل مشهورين باطيب وحبهم لخدمة اخوياهم حلف ان يركب في الصندوق وركب ومشوا الرياجيل ..اربعه قدام وخويهم الخامس في الصندوق والمكان الي يبونه حوالي سبعين كيلومن المدينه الي هم منها واول الطريق الي هم بيسلكونه مزفلت حوالي اربعين كيلوا المهم وصلوا الرياجبل وانزلوا واليا خويهم الي في الصندوق محول وهو بسروال السنه ومعه القدر
ومقرط على السكين وفي يدينه دم
افاء عسى ماشر يافلان قال الشر يولي وش هالدم
هاذا دم الطلي ذبحته وصلخته وقطعت الشويه لكم
قالو وشلون
وشلون يممته وقلت بسم الله واالله وكبر

وذكيته وسلخته وعلقته في الحنيه واظهرت الكرش
والمصارين عانوها في الصحن وبغسل الموتر ذلحين
والله ثم الله ماواحد يلمسه

المهم خمس دقايق لذيبان مخلص كل شي ومزين الشويه والغدا على النار واذا جو بيسون شي حلف ماحد بصلحه الا هو ولكن بكل دقه ونظافه واتقان


وسلامممممممممممممممممممممممممممممممتكم <IMG SRC="cwm45.gif" border="0">[ 05-09-2001: تم تعديل الموضوع بواسطة : الحادي ]
[ 05-09-2001: تم تعديل الموضوع بواسطة : الحادي ]

[ 05-09-2001: تم تعديل الموضوع بواسطة : الحادي ]

[المنتهى]

الله يبارك فيك يالحادي :) :) ولا عليك زود يا خالي :)
وهالمشاركه الرهيبه من أحلى المشاركات اللي سمعتها بحياتي ههههههههههه أجل ذبح وصلخ وهو بالصندوق ههههههه
لو معه قز أمداه طبخ الذبيحه :) :) :)
تلقاه داف له ثنتين ( بنادول ) لا يروح باللك بعيد :) :)

[الحـادي]

اهم شي اعجبتك بس يابو نايف . :confused: :) يمتكن بنادول يمتكن فيفا دول والله مدري <IMG SRC="cwm41.gif" border="0">

[المتجول]

هههههههههههههههههههههههه
وووههههههههههههههههههههههههههههههههههه

الله يرج بليسك يا الحادي ... تكفا وش اسم ذا الرجااااال ترا عندنا كشته ها الاسبووووع والدعوى فيها حاشي والصندوووق وانيت :) :) :) :) :) :) ... اثرك منسم

<IMG SRC="cwm3.gif" border="0">

[وحيد الجزيره]

والله سنافي ذا..بالله ما تعرفني عليه :)

بس حلوة في ايديه دم :) :) يعني ما فقدوا الذبيحة وما ركزوا الى على ادينه؟؟
وهل توقعوا ان الذبيحة تقتل؟؟
وما رأيك بقرار الامم المتحدة الاخير؟؟ :D

[فالها]

:) :) :) :) :) :) :) :) :) :) :) :) :) :) :) :) :) :) :) :) :) :) حلوة فكرة الذبح في الصندوق تحتاج تطبيق وقت الزنقات ..

[الحـادي]

المتجول

يامرحبا والله الله يحيك ابشر بس مدري وينه الحين شايب لان القصه قديمه ولكن ابا اسال
وبعدين هو ماهوب جزار الله يسلمك

وجيد الجزيره

يامرحبا والله السياره ونيت وعليها شراع والرجال عجل مامداهم يحولون الا هو قد نزل ونزل
الشويه معه وشلون اجل الطلي اهم من خويهم
والامم المتحده اسحب عليها السيفون الله يسلمك

وماعلينا منهم ناخذ الي يصلح لنا والي مايصلح مانبيه

فالها

حياك الله والله سو الي تبي ياعمري اهم شي تكون مرتاح وشكرا


المتهي

انا مهمل اخوياي من يوم طلع منتداك داشر ومخلي ربعي والخوف من المتجول لايجي ويلقاني هنيا واروح فيها <IMG SRC="cwm26.gif" border="0">