الشاص ما مثله لو يزعل المنتهي ومدير جنرال موتورز [الارشيف]

عرض كامل الموضوع : الشاص ما مثله لو يزعل المنتهي ومدير جنرال موتورز

كديميس

10-05-2001, 00:46

المنتهي يقول الجمس احسن موتر وانا واعوذ بالله من كلمة انا اقول الشاص......مامثله ولو زعل المنتهي ومدير جنرال موتورز
.............................................

الشاص كنه لاوطى قاسي القاع .. ذيب تنهض من مقيله يبا الضلع

حول يدور صيدته عقب ماجاع .. وقنب بصوت شالع ضامره شلع

اسبق من اللي فرد الريش ثم فاع .. حده عن الدفوه توالي سعد بلع

رام على جول من الصيد مرتاع .. يطمن عن القناص في حشة التلع

ياما حلاه مزينه شد وشراع .. وعزبة قنوص شاقهم مزهر الطلع

ناصن ديار ثلج ضلعانهاماع .. والصيد فيها لامذير ولاهلع

مايقبل القسمه على انصاف وارباع .. اول تمارينه بني ياس للسلع

اخوي الشاعر الكبير ابو نايف ابارك لك من كل قلبي وتستاهل كل علمن غانم ..القصيده اطول من ذلك لكن حبيت احطها لو اني قد نسيت اكثرها
لكن هي مشاركه بسيطه بمناسبة هالمنتدى الجديد اللي اتمنى ان الله يوفقك فيه ونرجوا انه مايكون على حساب ألأ نشطه الاخرى...

تقبل تحيات اخوك / كديميس
<IMG SRC="cwm41.gif" border="0">

معقد الشوش

10-05-2001, 16:25

والله شف كل سياره ولها مكانها الشاص ماتعرف قيمته لين تظربلك 300كيلو من عفيف الى مهد الذهب وتمر الديار كلها نفودها وحرارها وشعبانها http://mypage.ayna.com/mohm500/shss.jpg
اما الجمس ودك يصير معك لاجيت القصيم وطلعت على طريق دخنه وفرقت يم الظاهريه فخذ سياره
-------------
ياراكب الي كاملات وصوفه===اربعميه واربع وخمسين طرطوس
على اختياره مالحقني احسوفه===اخترت انا نوعه على عدة جموس
ماقيل محلي ياعرب من وقوفه===لاجل الطلب حاضر ولاهوب مدسوس

فنيله علاقي

10-05-2001, 19:49

كديميس انااشوف ان المنتهي معه حق
وخذ هالبيتين تذكرتهم والله ماادري من هي له

يالله عسى الجيبات نذرن على الجمس ** واللي يسب الجمس يبلى بعله
اللي ورد بشراع واللي ورد هبس ** جعل التايوتا كلها فدوتن له

الحـــــ9999ـــــزين

10-05-2001, 23:33

عيـــــــــــــــــــــــــــــــاوه....
تكفون يالشهوان ايوالله الشاص.
الشاص خويك في اليالي المعاسير..
انا من عشاق التهريب والموتر الي لي اشتد عليك المشد فعزالله انه الشاص ....لي تبغا سياره اشتر شاص وانا الي غشيتك...

المنتهى

12-05-2001, 17:08

الشاص كنه لاوطى قاسي القاع .. ذيب تنهض من مقيله يبا الضلع

حول يدور صيدته عقب ماجاع .. وقنب بصوت شالع ضامره شلع

أخوي كديميس ... صح الله لسانك في هالقصيده المقلعه :) :)
والله يبارك فيك وكله من طيب أصلك يخوك :)
ولي رد مستقل في الجمس بتشوفه قريب عنوانه :
( المخلاص في تفضيل الجمس على الشاص )

مخترش الجحور

19-05-2001, 07:44

انا اشهد ان التيوتا مانعين الافلاس .. هايلكس وشاص مانعين الكلوفه

ليمن تغبر عليك القلب هوجاس.. ماتدري بفزته ترمي طموحه

مكينته اشبه مالها لك الافراس .. تحرسك ولوك شادن جموحه

اشهد ان الجمس من بعدها قرطاس .. يخور بمكان برجليك تطوفه

واسال مجرب ولا تسال طبيب ( رحله صمانية الى دولة اوروبيه) وشف المآثر اللي قام فيها الهايلكس

كديميس

28-05-2001, 12:10

البتار شكرا على الصوره الرائعه.....
فنيله علاقي ..ماتبي تخسر ابو نايف بعد المنصب الجديد والا شلون ..
الحزين 999 - المخترش فالجحور شكرا على الاطلاع
المنتهي صح بدنك والله لا يهينك