قبل لا تروح للصيـد تعال اقلط هنيّا ( يمتنع دخول النواعم ) [الارشيف]

عرض كامل الموضوع : قبل لا تروح للصيـد تعال اقلط هنيّا ( يمتنع دخول النواعم )

وحيد الجزيره

10-05-2001, 01:50

السلام عليكم...يا هلا والله وغلا بأهل الصيد والكشتات والحلات..ويعلم الله اني من شفت هالمنتدى وهو داخلن قليبي الحنون (ايه هين)..عاد وشلون لو تشوفوني يوم دريت ان المنتهي هو المشرف..الله من الوناسة والفلّة بها المنتدى ( يالمنتهي شفني تراي سويت لك دعاية لا تجحدني عقب :))

المهم هذه بعض المعلومات البسيطة اللي ودي اعرضها عليكم من معلوماتي عن الصيد واللي ما ودي ابخل فيها عليكم :D
<-- مهوب عاقل سلفستر ستالون<- وش دخله ذا الحين؟؟
واللي ودي استعرضه في ذا الموضوع هو ادوات الصيد وانواعها وبعض المعلومات عنها واللي ارجو انها تنال اعجابكم وتستفيدون منها مع اني خابرن اني مانيب جايبن شئ جديد..بس عن قولة ما شاركنا :rolleyes:
أولا:أم صتمه ( الساكتون )
وهذه تستعمل عادة لصيد الطيور والمشهور انها تستعمل لصيد الدخّل..والبعارصه :D ..ولها عدة ارقام وهي انواع ومنها:

27<-- وهالنوع ميزته انه ايلا صاد الدخّلة ما يقطعها يعني يصيده بدون ما يقطع اجزائها وهذا بصراحة احلى شئ عندي :)(بشر امك)

80<-- وهذه المشهورة الآن بس عيبها انها ثقيلة :(

85<-- هذه اخف من الثمانين واقوى بس عيبها ان السست دايم تخرب فيها وهذه مشكلة والله :mad:

90<-- يمدحونها ويقولون انها قوية بس ما قد جربتها :D

وفيه انواع مثل: 35 ، 28 ، 45 وغيرها..

اما بالنسبة للماركات..فأشهر الماركات هي: الرميح ، والعقيل ، وفيروخ ، وصاب..بس افضلهن الرميح ولا شك :cool:
ثانيا:الشــوزل
ويستخدم عادة لصيد القميري والصفارى<-- هذه عشان القصمان :) وغيره من الطيور..

وانواعه:

أم وحده: وهذه وزينة ورخيصة بس عيبها انها ترجف في اليد ايلا اطلقتا اما ماركاتها فالأفضل وحده اسمها (ستيفنز 7 ابر) وفيه وحده جديدة امريكية يسمونها ام كلتش بس ما جربتها ولا اقدر افيدكم عنها :D

أم بطنين: والبطنين تجي طول وعرض والعرض احسن بس عيبها انها غير عميلة :(

أم خمس: ومنها انواع:

بلجيكي قديم..وهذا نادر..وسعره حول 10000 ريال :D
بلجيكي جديد: وسعره حول 4500 ريال وعادي ماهنا زود :rolleyes:
مونتريال..يابانية.. وسعرها على خبري حول 6000 ريال وتجي مذهبّة..بس حلوة يعني زينة(ونحول) ;)

أم ثمان(سوبر بنلي): وسعرها حول 7000 رايل وفيه منها الحين شئ اسمه الجيشية وعلى كيفك رهيييبة :D
اما بالنسبة للفشق فالساكتون 100 فشقة بثلاثة ريال :) اما الشوزل طبعا كل انواعه فشقه واحد بس سعره تقريبا حول ألف ريال للصندوق والصندوق فيه عشرين دسته وكل دسته فيها خمسة وعشرين فشقة :D
هذه بعض المعلومات عن ادوات صيد الطيور لاني شفت موضوع عن الضبان فقلت لازم نجيب شئ بسيط عن الطيور وهذا اللي اقدر عليه واعذروني عن القصور .. ولكم تحياتي :)
ملحوظة:اللي عنده اضافة او تعديل معلومة لا يبخل عليها ومنكم نستفيد.. :)

اخوكم: وحيد الجزيره..

وسن

10-05-2001, 05:33

هلا أخوي وحيد :eek: :eek:
اكيد تقولون وش جابها ذي :) :) :) :)
<<<< تحب الصيد والبر بس ما احد عطاها وجه :mad: :mad:
مدري ليه حنا محرومين من الصيد ليه ليه :mad: :mad: :mad: :mad:
ووووووووووحيد مشكور علي المعلومات المفيده يعطيك العافيه :) :) :) :)

فنيله علاقي

10-05-2001, 19:24

وحيييييييييييد
ياخي اذا شفتك ما ادري ليه اتذكر هالبيت
اشوف لي تاكسي بريالين ** ولا خصوصي يبهذلني

وحيد ياخوي متى تعلمت هالامور
خبري بيك في خط البلده ومكده من البطحا لغبيره

شف اللي اعرفه عنك خبره في المشاعيب لان اهل التوبيسات دايم مضاربات وخبري ان في راسك خمسطعش فلقه

سميّ النور

11-05-2001, 19:02

<center>ياسسسسسسسسسسسلاااااااااااااااااااااااام

أتوقع إن أكثر من انبسط على هالمنتدى هو أنا ... يا حبي له قسم :)

أقول وحيد : وش الدبرة باللي إذا صوّبت على اللي قدامها .. صابت اللي جنبها؟؟ :( <IMG SRC="cwm14.gif" border="0">

<------- أبوها أعلن الاستسلام في تعليمها الرماية :o

ا</center>

سميّ النور

11-05-2001, 19:04

<center>أقول وحيد :
تراني رديت على موضوعك لأن العنوان ما يشملني :) </center>

وحيد الجزيره

12-05-2001, 02:52

هلا والله وغلا وباللي لفانا..يا فنيلة علاقي قم شب على ابريز الشاهي خل نقهوي الاجاويد :) :)

وسن:هلا بتس اختي ومانيب قايل وش جابها الا حياتس ربي...بس عاد الصيد المعروف انه للرجال وزين ان فيه حريم يصيدون...ويا هلا بتس في أي حزة :) :)

فنيلة علاقي:الحين يالذيب ما تشوف توقيعي لا وتقول اذكر هالبيت بلاه توقيعي يالذهين :) عموما وراك ما قلتا اني انا السواق وانت اللي تاقف على رالين وتصارخ الحلة..البطحاء..ريالين ريالين :D

سميّ الـ..نور الشريف :D :D : هلا والله وغلا ببنت الدوادمي تراي ما اقصد اللي بالاخضر ابدن ابدن :) :)وانا والله يختي مثلتس من يوم دريت عن ذا المنتدى منيب متحركن عنه ..يالله من فضلك صيد ووناسة وفلة حجاج والمنتهي والواحد يشم هواء نظيف (مصدق بقوة)وزين ان ابوتس ما سوا لتس شئ...وانا عارف انتس قاصدتها بس خايفه من العين ;) ;)

سميّ الـ(زوج بوسي) (مرتن اخرى):يا هلا بتس اختي..وحياتس ربي في أي وقت .. وأنا اقوله دايم ان رد سميّ النور على الموضوع هو دلالة على تميز الموضوع :) :)
<-- يمديتس على المدح..يالله من قدتس :D :Dووالله انتس ارجل من كثير من اللي بالي بالتس..ويا هلا بتس في اي وقت يختي :) :)

جويعد

12-05-2001, 04:03

سلامون عليكم
اعلم رحمك الله وابقاك ذخرا لأميمك
ان هنالك امور قد قلشت عليك كما تقلش الكورة من احمد جميل
نرجو منك توضيحها لأن محاتسيك عليمي بها الامور
وهي كالاتي:-

1- بخصوص الساكتون ومشتقاته فقد قام اخوان لنا بالقصيم بالبربسه والحوقنه حتى استخرجو لنا بعض الامور مثل وضع سستة 80 على ساكتون 27
للجمع بين خصائص الاثنين
2- لم تطرق للخرّازة وما ادراك ماالخرّازة
3-انواع الفشق هناك مايسمى ستينقر
وفشق الشوازن أنواع مثل المتوسع والرشم
لم تتعرض له في مقالكم الكريم فنرجو التوضيح....
خل ابروح اكشخ على الشباب باتسر تكفى

<--------- نياهاهاه والله انه توه مدرس اخوه قواعد ومسكت معه على العربية الفصحى

المنتهى

12-05-2001, 14:54

وحيد الجزيره .... ياربي تسلم هالأنامل اللي تكتكت الحروف والكلمات اللي طالعه زي العسل :) :)
موضوع ممتاز وفي محله :) يا ليت لو تدعم الموضوع بصور تراها مهمه جداًاًاًاً في هالمنتدى :)
ولك مني وعد إذا جبت صور للأشياء اللي مدري وشنهي فوق ( <== بزعمه تمويه ) أكمبسه لك في المتميزة :) :)

سميّ النور

15-05-2001, 02:02

<center>هاي "متحت" الجزيرة (عادي كلها أسامي مصارية :D )
حيا الله ولد قشـــراء <--- تراني أقصدها :p :p :p :)

أقول أبوي غسل يده مني غسلةٍ قشرا ( يعني ديرتكم :D ) ليتني أطفي العيون كان أعلمكم :)

أقول يا "صبري" الجزيرة :) تدري وش فقدت بالمنتدى الجديد؟؟؟؟؟؟ فقدت خانة الدولة .. عشان كل ما سويت أنت حركة ... سويت أنا بنت عمها بس على ديرتي :) :) :)
آخر مرة يوم كتبت أنت " ش ق ر ا ء " بغيت أسوي مثلك عناد ... بس خفت تصفقني <IMG SRC="cwm13.gif" border="0">

سي يا :)
</center>

المفهي.... الهلالي

15-05-2001, 04:08

مرحباوحيد الجزيره
انا من هواة الصيد ومعجب بالنصائح التي تفضلت وتذكرتها لهواة الصيد....
وسننتظر منك مشاركه اخرى........

نومان

15-05-2001, 14:30

السلام علي الحاضرين
هلا اخوي وحيد و يشرفني ان اول رد يكون في موضوعك وفي ها المنتدي الرايق, مشكور علي المعلومات الحلوة <IMG SRC="cwm15.gif" border="0">

اضيف اداة مهمه لصيد الطيور الا وهي النبيطة :D

[ 05-15-2001: تم تعديل الموضوع بواسطة : نومان ]

ابو الهــول

19-05-2001, 11:56

سلام عليك
موضوع منتاز جدا
الله لا يعطيك الا العافية وسعة الصدر على هالتفاصيل الشاملة والكامله..

الشيطاني

22-05-2001, 15:34

تسلملي يابوخالد على هالماضوع وابي منك طيب
اربع فشق برنو ام ختمين وصلحووو

ما خليتولي اسم

25-05-2001, 04:23

داخله حب خبر :D

بس ما دريت انك خبير اسلحة :)

معلومات قيمه ليلي يحب الصيد
<IMG SRC="cwm15.gif" border="0">

تسلم اخوي

barbie_sa

26-05-2001, 15:18

Text عنــــــــــــــــــــــــــادText عنــــــــــــــــــــــــــــــــــــــــــــــــ ــــــــــــــــــــــــــاد جيت

وعنــــــــــــــــاد ابي اعرف لووووووووووول :D :D :D :D :D :D :D :D :D :mad: :mad:
وادري خشتك حمرت خلاص بروح
بس عناد لووووووووووووووووووول
مع تحيات باربي الحلوه الكنكوشه

صدى

04-06-2001, 06:54

........... :rolleyes: :rolleyes: :rolleyes: <=====داخله مستحيه اول مره تجي لاهل البر ذولا ... <IMG SRC="cwm6.gif" border="0">
<===علشان كذا لبست برقع :)
السلام عليكم ...
ماادري لو اكتب موضوع عن حال البنات في طلعات البر والمخيمات تستقبلونه عندكم؟؟؟ :)
<===تراني حاجزته يابنات ...ياويل اللي بتنزله بكره اشهدوا يالنشاما :)حقوق الفكره محفوظه :)
انا الصراحه لفت انتباهي موضوع وحيد هذا :)
من كثر ماقال صيد.. صيد.. صيد ..وانا في الجاده اقول نعم.. نعم.. نعم ...بس الظاهر الممرور الله يعافيه حاط عوازل صوت لان وحيد ماسمعني .. <IMG SRC="cwm10.gif" border="0"> ...
وجيت ارد عليه من قريب <IMG SRC="cwm10.gif" border="0">
نعم ياوحيد الجزيره أأمر :)

.........

احييك اخوي وحيد واشكرك على هالموضوع بس عندي سؤال الحين ادوات الصيد بس المسدس والرصاص :D
ياليت فيه ادوات يدويه يااخي الاسلحه خطيره :)
وضد حمايه الحياه الفطريه :)...
<===شكلها خاشه عرض :)
:D ....حست انهابتجيها رصاصه طايشه من مجهول :)
<===انحاااااشت......

قرن ابليس

06-06-2001, 06:24

امممممممممم
والله موضوعك شيق
ومعلوماتك (بالنسبه للشوازن والسكاتين فقط )وافيه

حبيت اني اضيف ان جميع هذه الاسلحه خطره وممكن تؤدي الى الوفاة(لا يا شيخ :D )

وننصح بوضعها بعيدا عن متناول الاطفال
<=========مسوي برنامج سلامتك

لا لا لا لا

جد ولله
خل بضيف بعض المعلومات عن الفرود(المسدسات يعني لان اكثر مرتادي هذا الموضوع من البنات :D )
طبعا فيه ثلاث اقسام رئيسيهربع
وهذا صغير وينصح به للسيدات
يعني ممكن الوحده تحطه بشنطتها واي واحد يستبثر,يستخف دمه .يذب عليك كلمه من نوع :يا قمر ,,يا عسل ,, عطونا وجه
<==يسمع بالغزل :D
ممكن انك ترجين والديه بالربع
ملاحظه:حاولي انك ما تطلقين على الراس الى للضروره لان ممكن انه يموت :D النص
هذا اعتبره (بالنسبه لي)
احسن حل للشباب اللي يدورون
يعني ممكن انك تحطه بتابلوه السياره مع الاستماره اي احد هاه هاه
حارش مارش
ممكن انك تنفضه خلال ثواني ;) الكامل
اييييييييييييييييي
حبي ومستقبل غيري
جينا للكلام السنع
يا قلبي اذا جاك ابو محاله (مع الملاحظه ان جميع ما سبق توماتيك :D )
ونيكل
خلاص
شكله يخوف :) يخلي اطلق شنب يسقط صريعا
لا والطلقه بخمسه
يا بلاش

ايييييييييييه نسيت
فيه نوع للبنات والشباب الدلع مرهالبيبي

هذا يا شباب صعنبوط ويشيل طلقه وحده ربع
لاكن يا ويلك لو هالطلقه خابت
انا مش مسأول :D

وسلامتكم

مالديني الحوطه

06-06-2001, 22:36

معلومات قيمه تشكر عليها....
يالمنتهي اذا تكرمت عط الولد شهادة حسن سيره وسلوك تقديرا لموضوعه...

الزئيبق

09-06-2001, 19:56

تسلم والله ياوحيد
عن اذنك ابقول لبعض اللي رادين شي
ترا وحيد قال يمتنع النواعم والنواعم فيعم رجال وحريم :D
وترا فيه حريم غير نواعم :D

الزراديه

13-06-2001, 14:26

تسلم ياوحيد الجزيره على الموضوع الجميل هذا بس يليتك توسعت شوي في الموضوع وانا احب اضيف شوي من عندي عن الشوازن :اولا :الربعTextوهي شوزن رصاصتها مثل حجم الاصبع الصغير اللي في اليد وهي شوزن ضعيفه جدا وتصلح لتخويف البزران والمزح مع اخوياك <IMG SRC="cwm30.gif" border="0"> بس من بعيد ثانيا:النصTextوهي شوزن رصاصتها اصغر شوي من الكامله(لا يشيخ)وزينه لصيد الصفارى والدزميري واالغرانيدزو وهي جيده للضعوف والنحاف والصغارفي السن وعيبها رصاصه غالي شوي اغلى من الكاملهواحسن نوع منها اللي هو ام سيلان الاولهثالثا:الكاملهTextوهي الي يطلق عليها فعلا الشوزن رصاصها تسبير وثدزيل وتخرع التستف وهي انواع
ام حبه وهي تاخذ في بطنها فشقه واحده وافضل انواعها ام سيلان وستيفنز وام كلتش (الامريكيه الجديده)
ام خمس وهي تاخذ في بطنها خمس فشق وافضل انواعها البلجيكيه الاوله والبراوينغ قولد والسوبر ثم البلجيكيه والستيفنز الحلابه (موبكشن)
ام ثمان وهي تاخذفي بطنها ثمان فشق واحسن انواعها مثل ماقال وحيد الجيشيه
افضل انواع الفشق
1-ابو غزال القرطاس وهذا انقطع معد يجي
2-براوينغ وابو غزال الجديد

الزراديه

13-06-2001, 14:28

منتدى الأسرة

14-06-2001, 02:44

http://www.smilies.org/basesmilies/sun_smiley.gif

وحيد الجزيره

14-06-2001, 03:24

يؤيؤيؤيؤيؤ

والله آآآآآسف بس والله اختبارات اخذتنا واشغلتنا وشكرااااااااا لكل من شرفني برده في الموضوع وان شاء الله اني ابحاول ارد على كل واحد بس على شكل متقطع لان الردود ما شاء الله كثيرة ويبيلها جلستين او ثلاثة :)
<-- وحيد آدم عصمان :)

تنبيه: بالنسبة للي تطرقوا لموضوع الفشق أشكرهم على تنبيههم بس انا حطيت بس فكرة عن السعر اما الانواع فأنا ناوي انزل موضوع خاص بها مستقبلا :) :)

** جويعد **
وعليكم السلاااااااام ومشكور على الملاحظة وانا سمعت عن اللي قلت عنه بس ما شفت احدن مركبها اما بالنسبة لموضوع الخرازة فالموضوع عن صيد الطيور ولا جبت طاري للضبان :) :)
وعز الله راح فيها اخيّك ما دام انه هذا استاذه :)
ومشكور يا بعدي :)

**المنتهي **
هلاااااااااا خالي والله تشرفت بها الخشة وانا اقول ورا الموضوع المنور..بس يالشين هذا كبرك والى الحين تحب الصور..ان ما علمت عليك الممرور ;)
<-- فاهم غلط :)

** سمي النور ** <-- صاير مؤدب عشان المنتهي دخل الموضوع :)
ههههههههههههههههه اجل كلها اسامي مصاريه هههه الله يرجتس.. بس الداودني طويلة واخاف تنسين كم حرف وانتي تكتبينها وتطلع زي ما طلعت بالاخضر فوق ;)

** المفهي..الهلالي **
حياك الله اخوي ومنكم نستفيد وألف شكر لردك :)

** نومان **
هلا اخوي بس وشلون اول رد وردودك فوق الثلاثمية :D
والنبيطة يبي يجي طاريها عن موضوع صيد القطاوة :)

** ابو الهول **
وعليكم السلام..ويعطيك عافية.. ومشكور على ردك :)

** الشيطاني **
الله يسلمك..واربع فشق لعيون احلى شيطاني بحياتي ;)

** ما خليتولي اسم **
هلا بتس اختي وشكرا على مدحتس وتشريفتس للموضوع :)

** barbie_sa **
المنتهي تكفى لا تودي الموضوع الماصلة تراي مهوب انا اللي جايبها :)

ولنا عودة :)

XLi

19-06-2001, 01:03

وحيد والله مالك داعي كل ذا اللي قلته تراني اعرفه وحافظه زين ويالنصاب يا وحيد انا عندي 85 لها سنة ونصف عندي ما جها شي صايره زي العسل وعشان ما تقول انتم ما تروحون تصيدون اقول الا قبلنا نروح ونصيد

ومشكور وما تقصر اخوي وحيد على ما قدمته من جهود جباره (تسمعبها)لانجاح هذا الموضوع .
والى الامام ************
ممتاز

وفقك الله

:D :D :D :D :D :D :D :D :D

الشقحا

19-06-2001, 07:55

هماك قايلن للنواعم فقط؟
درعمت عليك يومني منيب ناعمة
بس ابسألك وحيد
فية اداة اسمها النبيطة ماذكرتها :D
اذكرها عنك
هي اداة لضرب الحمام والطيور
تقدر تستخدمها في البر للحبارى

وحيد الجزيره

21-06-2001, 22:40

باااك :)

دايــــــم الشـــــــوق : هلا بك اخوي ووش مسدسادته عشان يغازل :( صدز انك مجرم اجل ايلا جا واحد قالها يا عسل تثور فيه :( :(
معلومات حلوة وألف شكرا لتشريفك :)

مالديني الحوطه : والله اني عارفن انك يالحوطي دخلتا الموضوع ولا فهمتا شئ وصرفت ابو الموضوع بس شكرا لثناءك يا حلو :)

الزئيبق : يخوي انت الظاهر يبي يجيك ضغط وانت صغير :) :) :) وافهم يا فهيم :)

الزراديه: حياك ربي اخوي وكلامك سليم بس ترى بعض الناس اعرفهم وانا منهم نصيد الدخل بأم صتمه!! تقول وشلون اقولك ايلا صرنا بالليل وهي موقعه وش يمنع؟؟ :)
وشكرا على تشريفك يا بعدي :)

XLi : هلا بك والعفو حبيبي :)

الشقحا: هلا بتس اختي في اي حزة بس النبيطة قلت ان شاء الله هذه نبي نجيب طاريها عند موضوع صيد القطاوة :)
وألف شكر لتشريفتس :)

الفاقد

23-06-2001, 21:39

والله انكم صازين في حتسيكم :D

الطائر الغيور

25-06-2001, 20:23

اجل ماشاء الله في الاسلحة ماشاء الله الله يهنيك
الله يسلمك

بس ترى الاسعار تختلف من محل لمحل

وحيد الجزيره

06-09-2001, 21:29

ابرفعه عشان اكمل الردود :)

بونجور

09-09-2001, 16:54

وجع وشيهااااااااااات
قال يمتنع نواعم قال !!!!!
مير مرتن وحدة لا حيا ولا حشيمة ?!?!?!?!
بس مير عنااااااااد ابرد
واعلى ما في بعيرك المغرز اركبه !!!!!وانتسانك تطفح فانا بليس وانتسانك الشيطان فانا بليس!!!
-----------
تبي الصدز عاد ما اعرف للصيد الا النباطة والحبالة ذيك حقت الحمام
اما الساكتون فخبري به للقواطي الفاضية في البر
وتراني اعرف الشوزن وشو :D
<<<<<< بشري امتس
>>>>>> امتس اقرب يا بنت العقرب

العجوز القشرا

10-09-2001, 00:06

سلامووووووووووووووووووووووون
قسم قليبي يرقع من الروعه
اول مره اجي منتداكم و اتاريكم اجرامين خخخخخ
واسلحه و دنيا
بس يوم اني قريت استانست و ابي استاجرك مدرب خاص لي علشان تعلمني الرمايه و اصول الصيد
لان لو بقول للشايب علمني بيناظرني بنص عين <IMG SRC="cwm10.gif" border="0"> و بيقول لي .. " الحين يالله تشيلين رويحتس تشيلين مسدس "

بس ودي استخدم ذاك الطويل .. هو وش اسمه .. اللي يصيدون به غزلان خخخخخخخ
ابي اصيد غزال و اكله احس وناسه :D

***اليتيم***

12-09-2001, 14:15

يعطيك العافيه اخوي وحيد
<<<<<<<<<ينتظر الجزيرة تطلع تلقائي مع وحيد :D :D :D
ما قصرت اخوي على المعلومات القيمه
ابطلب منك طلب مع اني عارف اني بتجحدني بس انا اسوي الللي علي والباقي على ربنا
<<<<<<<<<<<<<دكتور مصري :D
اقول يا يالغالي اذا بغيت تطلع للبر لا تنساني ابروح معك
<<<<<<<<<<<<<<<<<<وش يبي ذا اللزقه
ما قصرت اخوي وحيد ويعطك الله الف عافيه على هالتعب ايه هين ان كان انت اللي كاتب الموضوع
وحيد =معطيه اخوه الصغير يكتب بداله
اخووووووك اليتيم
<IMG SRC="cwm45.gif" border="0"> <<<<<<<<<<<<<<<<<<اليتيم

فرج

12-09-2001, 21:04

هلا أخوي وحيد:
الجزيرة الله لايحرمني منك ولا من معلوماتك هذي المفيدة.
بس ماتلاحظ أن الخرازه ماله طاري عندك . :eek: ]Text

عنود^الصيد

20-09-2001, 01:56

8
8
حاطه هالصوره بزعمي تصلح للبر

السلااااام عليكم ورحمة الله وبركاته
مشكور اخوي وحيد على هالمعلومات
<====افقلقوني اذا فهمت وش السالفه
اخوي امرت بشي اشوفك تناديني :D :D

عبير الحجاز

20-09-2001, 07:03

سلاااااااااااااااااااااااام

ايزيكوووووووووووووووووووو :)

حبيت أسلم لأني أول مرا أدخل هذا المنتدى :)

باااااااااااااااااااااي :)

أبونواف

20-09-2001, 07:32

أقول يمدحون الطرفيه :D :D :D :D :D :D

Ranz!sa

23-09-2001, 11:12

الحين أنا قريت الموضوع
<~~~~ بشري الي جنبتس :rolleyes:
وش يعني أشكرك طيب فيه كثيرين شكروا منيب مقلدتهم وأشكرك
أحط أضافات .. طيب فيه كثيرين أضافوا منيب مقلدتهم
بس فيه حركه غريبه ماأحد سواها لذلك أعلن أنا ام عين وعين إني الوحيده الي بتسويها
م ح ج و ز :D
سي يو .. افقلني إن عودت :p

الشاعري

23-09-2001, 12:59

اررررررررررررررررررعد وحيد الجزيره

الشوزل تراها تصيد الارنب بالبر ماهي لطيور بس جرب ونت مسرع يعني تمشي بالسياره

120 كيلو بس اذا الطلق يرش الخردل رش

وترى موضوعك مقلع واجد اقلع بالشباب
اقلعلوووووووووووووووووووووووووووووو :D

ابو ماضي

19-10-2001, 08:45

وش اقوى فرد في العالم على شرط ان يكون مثل حجم النص الاسباني
مشكور وان يكون دقيق وهل هنالك سلاح ناري يطلق عليه اسمشاخوف>>>>>>>>>>اخس يا الفسحه >>>>خربها
كخخخخخخخخخخخخخخخخخ <IMG SRC="cwm40.gif" border="0"> <IMG SRC="cwm36.gif" border="0"> <IMG SRC="cwm36.gif" border="0">

طايربالعجه

19-10-2001, 18:58

والله يعطيك العافيه
الصراحه ماخليت شي لا قلته
بس اني
احب اضيف نقطه
وهي ان ام صتمه (السكتون)
فيه نوع قديم مره وهي المرغوبه اكثر من الجديده
بسبب خفته
وتلقى سعرها
بين 500 و 600 على خبري
تقبل تحياتي

ابو ماضي

21-10-2001, 05:45

وش اقوى فرد في العالم على شرط ان يكون مثل حجم النص الاسباني
مشكور وان يكون دقيق وهل هنالك سلاح ناري يطلق عليه اسمشاخوف>>>>>>>>>>اخس يا الفسحه >>>>خربها

الكنج

22-10-2001, 07:48

اما الشوزل طبعا كل انواعه فشقه واحد بس سعره تقريبا حول ألف ريال للصندوق والصندوق فيه عشرين دسته وكل دسته فيها خمسة وعشرين فشقة
طيب من هم اللي يبيعونة؟؟
<<~~~~~~~~ دبوس http://www.eqla3.com/file/ubb/icons/icon38.gif
عزالله انك كفيت ووفيت ياوحيد وتسلم على المعلومات اللي بغت تثوّر بنا ;)