الاتقـــــــــــــان في ماجاء عن الضبـــــــــان !!!

[مشخوط]

<center>أنتم عارفين ياشباب الايام ذي موسم صيد الضبان والعالم طايرتن بهن
فحبينا نحن يا مشخوط (سوى لي فيها مهم)
حبينا أننا نحستي عن هالموضوع من كل جوانبه
نعلمكم وشو الضب ؟؟؟
وين هو به يسكن ؟؟؟
عمره؟؟؟
بعض صفاته ؟؟؟
اعداءه؟؟؟
طريقة صيده ؟؟؟
أنا والضببة ؟؟؟

بسم الله نبدأ
الضب هذا حيوا يمشي على اربع
زي البعرصي (يبي يحوم ستبودهم)
بس هو اكبر جسم من البعرصي وافتل عضلات وذيله اللي هي عكرته حرشى
و عضته شينه بالحيل
وتراو مهوب راعي سرعة
بس انه اقشر بالحسل خاصتن لامنه استهاج


××××××××××××××××××××

الضب يسكن في أعماق البحار والمحيطات (والله من الكلك أكره مايشوفهن)
تلقونوه بالصمان وبهالبران
يحب القبو بالحيل يعني مهنا حوشة ولا أدوار ولايحزنون
بس قبو وسطح
القبو اللي هو الحفرة اللي ينام به والسطح هي الحصاة اللي يرتز فوقه دايم


××××××××××××××××××××

يقولون طبعا وانا والله اشك بهاالمقولة
يقولون ان عمر الضب ياصل 300 سنة


××××××××××××××××××××

من صفات الضب
أنه يتصف بالغباء والدلاخة ولايعرف يتصرف زين بعد
ولامنه ابعد عن بيته اللي هو الجحر ضيع
ويتصف بالعقوق ايضا
وقد اشتهر هذا المثا عند العوام ( أعق من ضب )
وانه اقشر بالحيل
وتراو يحب يتشمس بالحيل تلقاو بالقايلة منبطح فوق هالحصاة ومكيف اخر كيافه


××××××××××××××××××××

أشهر أعداء الضب الورل والخنفسانة


××××××××××××××××××××

طريقة صيده
الضب لامنه شاف الواحد اما انه يطلق ساقيه للريح وكذا مهنا اسهل من صيدته بس لخه بالزبيرية لخة خله يقلب كمن قلبه همن تله مع الرقبة وجوده زين
اما لامنه دخل جحره فلازم يكون معك عتلة وعفريته ( عشان اذا كان حدر حصاة ترفعه بالعفريته )
أما طريقة المياهه فذي مادخلت مزاجي
وانتبه لامنك دخلت يدك بجحره ترى غالبا مايكون عنده عقرب


××××××××××××××××××××

أما عاد سالفتي مع الضببة سالفة
روحوا لم الصمان ولاقبة ولارماح ولاأي مكان به ضببه
ولامن الضب هج ودخل جحره لاتسوي له شي بس وز بجحره وقله ترى أبجيب لك مشخوط على طول يطلع لك مكلبشن روحه ورافعن يدينه مستسلم
ويقولك سم آمر بس كلش ولا مشخوط


××××××××××××××××××××

هذا فإن أحسنا فمن الله وإن أسئنا فمن بعض الناس وأبليس
وادعوا لي
واللي يصيد ضب لاينسان بلحمتن صالحة منه
<IMG SRC="cwm41.gif" border="0"></center>

[ 08-15-2001: تم تعديل الموضوع بواسطة : مشخوط ]

[ضب الصمان]

هههههههههههههه
ههههههههههههههههه
طيب واذا طلع لك ضب جني وش السواة :)

[معقد الشوش]

من صفات الضب
أنه يتصف بالغباء والدلاخة ولايعرف يتصرف زين بعد

واكبر دليل انه اذا شافك جحر واول ماتصب عليه الماء جاك صافط الطبلون يحسبه سيل وهو توه داخل وشايف ان السماء مافيها خيال .. والله دلاخه <IMG SRC="cwm41.gif" border="0">

[الملسون]

من صفات الضب أنه يتصف بالغباء والدلاخة ولايعرف يتصرف زين بعد


ضب الصمان .... والله هذي بحق ... وساكت عليه بعد ...

&lt;======== يحليله ملاك ما يحب يحرش ابددد :rolleyes: :rolleyes: :rolleyes: :rolleyes: :rolleyes: :rolleyes: :rolleyes:

[المنتهى]

مشخوط .. تسلم يا بعدي على السرد المقلع للضببه والهيد لاين يعني معلومات رئيسية عنها :) جعلني ما أبتسيك :)
نبي تفصيل أكثر وصور وحركات وأفلام للضبان ومن هالنمونه :)
&lt;== ما تبي براد شاهي وحجر باعشن برضه ؟؟ وتورته عليها شمعتين باغه :) :)

[أم الدواهي]

ماشاء اللة على هالمعلومات ..اللي واللة لو تدري عنها دكتورتنا نوال علام(اللة لا يذكر هكالوجة بالخير) كان انتحرت....قصدي كان غيرت (تسريحتها)&lt;&lt;&lt;-------طبعامحد يعرف وش قصدي الا اللي درس عندها بكلية العلوم :D :D :D بس كل المعلومات كوم ويتميز( بصفة العقوق )كوم تاني <IMG SRC="cwm2.gif" border="0"> <IMG SRC="cwm2.gif" border="0"> <IMG SRC="cwm2.gif" border="0"> <IMG SRC="cwm2.gif" border="0"> كاكاكاكاكاكا :) :) :) :) :)

[مشخوط]

<center>والله اني ناسي عن هالموضوع...بس يلا:

ضب الصمان
شف لامنك شفت ضب يشبه "ضب الصمان" فاعرف انه جني و لا تتحرش به...تراه مشرف
و مشكور


معقد الشوش
من صفات الضب
أنه يتصف بالغباء والدلاخة ولايعرف يتصرف زين بعد
واكبر دليل انه اذا شافك جحر واول ماتصب عليه الماء جاك صافط الطبلون يحسبه سيل وهو توه شايف الاخبار الجوية
والله يعطيك العافية

الملسون
من صفات الضب أنه يتصف بالغباء والدلاخة ولايعرف يتصرف زين بعد
^
^
شفيكم كلكم عليها
بعدين تعال انت وش تبي تسبب فتنة بيني و بين ضب الصمان :D

المنتهي
هلاااا بالمشرف (شف ما قال المنتهي)

انت ياخوي ماعليك انت عليك بالتشجيع و ما تشوف الا الي يبيض الوجه

والله يعطيك العافية

أم الدواهي
وش ذي الابله الي عندكم بالكلية شكلها شييييينه بالحيل

و مشكورة وما قصرتي</center>

[العنا]

هلالالالالا وغلالالالالا أخوي مشخوووووط :)
تعبنا وحنا نلاحقك من منتدى لمنتدى :D يعطيك الف عافية :)
مير الله يصلح هالشباب كل ماطلعوا للبر وصادولهم كم ضب جو وجدعوه عند البزران تقول جايبين كتكوت
وماتدري الا والضب قامط له اصبع حدى هالبزران :(
سؤال يطرح نفسه ؟؟؟ وشلون تفك الاصبع من فم الضب ؟؟
يقول احد خبراء صيد الضبان ( والعلم عند الله ) :)
انك لاجيت تمسك الضب خل بيديك ولاعه :confused:
واذا عضك قرب لهب الولاعه لدقن الضب وهو يفتح افمه !!!!
7
7
7
<IMG SRC="cwm37.gif" border="0">

[زولة]

اهلييييييييييييين
اخووووووووووووووووووي
مالقيت الا الضب تتكلم فية
&lt;&lt; يخوفة اذا بداء يقول(اوف اوووفف)
هههههههههههه

واكرة ساعة عندي اذا جو اخواني مصيدين ضبان
وجابوهن للبيت
واوووووووووووو يمة اخاف <IMG SRC="cwm31.gif" border="0"> <IMG SRC="cwm21.gif" border="0"> <IMG SRC="cwm25.gif" border="0"> <IMG SRC="cwm28.gif" border="0"> <IMG SRC="cwm34.gif" border="0"> <IMG SRC="cwm30.gif" border="0">
انوووووووواع الخوف 0 ويبداء وجهي يزرق ويصفر
الى اللقاء

[قرن ابليس]

ههههههههههههه
الضبان اجل
:D
&lt;---------عجبه الموضوع مره

يقدر الضبااااااان<MARQUEE>لووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ووول</MARQUEE>


.
.
.
.
.
.
.
.
.
.
;)

[مشخوط]

<center>العنا

والله انتي الي كل ما كتبت موضوع طلعتيلي..يا زينس

اما عن الخبير الي قال حطي النار اذا عظ حدا البزران فذي تصلح..بس يمكن يحترق و يموت.. و يروح عليكم

الصح انس تقولينله ترا بجيب مشخوط..و الله انه يتروع..بس اخاف تجيه صدمة قلبية والا شي.

و مشكورة

زولة

اكيد ما في شي غير الضب...هو شعار السعودية..

و لو ان بكيفي كان حطيت صورة ضب على العلم..

وماقصرتي

دايــــــم الشـــــــوق

ومشكور</center>

[ 08-15-2001: تم تعديل الموضوع بواسطة : مشخوط ]

[مشخوط]

<center> http://www.eqla3.com/file/ubb/icons/icon2.gif </center>
<center>UP</center>

[فيكس]

حيا الله عمنا مشخوط :D صراحه الموضوع بحر خصب من المعلومات الضبانيه المتاججه من صميم الكاتب .. حتى ولو قررنا اعتبار الضب هو المرجع الاساسي الذي نسير عليه (افلقني اذا فهمت شي :D ) فاننا نضع صيد الضبان في تناقض مخل ... فهنيئا لك على قدرتك على الضبننه على وزن جربعه :)

اويلاو عمي مشخوط .. ياحبيني لك بعد :) :)

[بليزر أبيض]

أخوي مشخوط

موضوعك سنع :) على غير العادة كخخخخخخخخخخخخخخخخخخخخخخ :D

[وحيد الجزيره]

هههههههههههههههههه روووعة وتنسيم ما بعده تنسيم.. :)
قسم بالله مت من الضحك وصف ولا اروع..الله يعطيك العافية ولا تقطعنا من هيك مواضيع :) :)

[مشخوط]

رايحن فيها
هههههههههههه
شكلك مالك فترة داخل حصة نحو وبلاغة

واهم شي انوه جاز لك يالمبدع
=====================
بليزر أبيض
هههههههههههههههه
ردك حلو وموب تشات :D على غير العادة
=====================
وحيد الجزيره
ابارك لك مرة ثانية على الاشراف وعقبال مراقب عام
وانا مارفعت الموضوع الا يوم اشرفت
واذا هو جايز لك ابشر بالمزيد