لا جا وقت الجد .... ماعندك أحد ..!! [الارشيف]

ماجدونا

01-06-2002, 10:12

بمستوى سئ ونتيجة سيئة وهجوم سئ ووسط اسوأ ودفاع لا تعليق ... ، خسارة اعتقد انها درس لدفاع منتخبنا الهزيل ، واعتقد ان الدعيع لا يتحمل ولا ربع الهزيمة اليوم !!!!

رضا تكر .. عبدالله سليمان ... اسمحولي اقولكم فريق الحواري ويخب ، فعلا يستحقون جائزة جماهير 2002 وبجدارة ، وتغطية الواكد اللي تقول مرجيحة ، وعبدالله سليمان اللي مدري كيف جت رجل يانكر عليه وستر الله الهدف الاول ...

ورضا تكر اللي شاف دمجة يانكر وقال هذا خويي مايصلح امسكه ، والذيب ( اللي اقدر اقول ضفدع في هذه المباراة ) يحاول ياخذ بلنتي بس ودي اقوله ترا الحكم مهوب يوسف العقيلي ان كانه ناسي ...

المنتخب السعودي اتوقع انه لا يستحق ثمانية اهداف ابداً ،، والله ظلم ، من المفروض النتيجة 15 هدف بالقليل لالمانيا ...

وبعد مهزلة لقاء اليوم ، اعتقد يوم الخميس بيكون مفاجأة كبييييييرة ، وهي فوز المنتخب السعودي على الكاميرون !!!!

الكل بيقول ( وش يبي ذا ) ، لكن انا اول من قال ان المانيا بتفوز علينا 5 / 0 ،، بس طلعت ثمانية :(

واعتقد ان السبب الاول في الخسارة هو غياب أحمد خليل ، خليل من اكبر المدافعين في المملكة ، ويجيد ابعاد العرضيات ايضا ...

وايضا فوزي الشهري ...

بس اذا فات الفوت .. ماينفع الصوت :)

وارجو كل واحد يطرح المشاكل في الخسارة اليوم :)

مهــــــأجر

01-06-2002, 10:23

الله يعين ليتنا مالعبنا والله
ومقووول غير يحوووول يالجوهر
مامداك تتهنا

حيّو

01-06-2002, 10:27

وشو اللي درس..

المنتخب ماهوب متخرج ابد؟؟

ماغير يدرس؟؟
والمانيا تستاهل والله

Peter Pan

01-06-2002, 10:29

زي ماقلت لا فات الفوت ماينفع الصوت :(