ليش الزعل ياشباب؟؟ المنتخب يسير وفق خطة علمية مدروسة

[ابودمجه]

خسارة الديوك الفرنسيه طمأنت لاعبي الاخضر


(( بلا الدجاجات الخضر فازوا على السنغال..والسنغال فازت على فرنسا...معناها ان السعوديه اقوى من فرنسا...صح ولالا؟؟ ))



رئيس الوفد الالماني يتوقع ان يحرز سامي الجابر هدف في المباراة


(( زين انه ماقال انه بيسجلها على الطريقة الماجديه ))


السفير الالماني يقول:- لن احزن لو فازت السعوديه علينا اليوم


(( لانك ضامن انهم دجاج لاراحو ولا جو ))


"بيلد" يحذر فولر من المهارات العالية للاعبي الاخضر

(( شكل فولر صمخه على وجهه وقال لايكثر بس ))


سامي الجابر يؤكد انه لم يعد هناك كبير في كرة القدم والمنتخب السعودي قادر على احباط المخططات الالمانيه للفوز علينا

(( الحين صاروا هم اللي يخططون للفوز....هزلت ))


مــــــــــــــــــــــــــــــــــهــــــــــــــ ـــــــــــــــزلــــــــــــــــــــــــــــــــة ...


(( المنتخب يمكن يفوز بكأس العالم....ليش لا؟؟...مافيه شئ بعيد عن ربنا))

(( الصقور الخضر انشالله بيفاجؤون الالمان ...وانا اتوقع السعدية بتفوز...وبتشوف))

(( ترا الالمان اغلب لعيبتهم كبار سن...وعندهم كم واحد مصاب ... يعني ترا اقل شئ اننا نتعادل معهم))


مثل هالكلمات واكثر سمعناها قبل مباراة المهزله العلميه المدروسه...


ماادري ليش انتم يالسعوديين تثبتون يوم بعد يوم انكم ماتنعطون وجه!!!

لعنبو بليسكم تلعبون مع فريق ( مطالب ) بالحصول على كأس العالم...وانتم ( طموحكم) الدور الثاني !!!!

وتبون تفوزون؟؟

واذا اصيب كم واحد الماني؟؟...وبعدين؟؟

يعني مصدقين ان هالكم واحد هم اللي واقفين حجر عثرة امام فوزنا عليهم؟؟؟

اقول... الله يخلف عليكم بس...

صراحه اللي يشوف صحفنا واحنا رايحين لليابان يقول وش هالمنتخب السعودي اللي مهبل بالعالم؟؟؟؟؟؟؟؟؟؟!!!!!!!!!

صورة بزر يسلم على المحمدي ...ومكتوب تحته انه معجب بالمحمدي خصوصا بعد ماحقق مع فريقه كاس ولي العهد

واليابانيات معجبات بسكسوكة السويد...

والصحفيين منهبلين على دفاع زبرماوي...

وفولر يقول سامي الجابر ذا مهبل فيني بلعبه...

وعيون العالم تراقب ابداعات نواف التمياط...

(( علم مسوينه سعوديين مكتوب عليها الذئب سامي والمدرب القدير ناصر الجوهر والدعيع افضل حارس وممسكينه كم ياباني ويقولون شوفوا اليابانيين منهبلين على لاعبينا ))


رجعوا الشلهوب هاتوا الشلهوب...

رجعوا المحمدي هاتوا المحمدي...

المنتخب يسير وفق خطط علميه مدروسه...

سنعيد ذكريات 94....

المنتخب ممكن يفوز بكأس العالم....مافيه شئ بعيد عن ربنا...

(( ترا بعد احتمال ان راسك ينقلب راس حمار...واحتمال يدينك تنقلب رجلين ورجلينك تنقلب يدين...مافيه شئ بعيد عن ربنا))


مدرب حراس ... تحول بقدرة قادر...الى ( مدرب وطني قدير)

بالله اسألوا نفسكم؟؟؟

كيف تأهلنا لكأس العالم؟؟؟؟؟؟؟؟

البحرين الله يخليها لولا الله ثم هي كان الحين المنتخب قاعدين يتفرجون على المباريات من كوكب الرياضه ... علشان الجامهير تصور معهم بعد المباراة...


كيف كان مستوانا في بطولة الخليج؟؟...قدام فرق ( خليجيه)؟؟؟

سؤال بسيط...

سامي الجابر ينطلق نحو المرمى الالماني...

في حالة سبه انفراد...

يركض ويركض...

يلحق عليه اثنين من المدافعين وياخذون الكوره منه قبل مايوصل ...

مع انه سابقهم؟؟؟؟

كوره عاليه .,..

ينط عليها زبرماوي...

يجي بيرهوف ويخش بـ( صدره ) وياخذ الكوره؟؟؟؟؟


وش معنى هالكلام؟؟؟


اكتشفت ان نص لاعبينا كانوا يمشون على المنشطات...

ولا وين حرثة محمد نور للملعب؟؟ وين اللي كنا نشوفه قدام الاهلي والنصر والهلال؟؟؟؟


كل لاعب الماني ياخذ معاه 3 سعوديين...

شفتوا الاجسام؟؟

شوفوا شكل سامي وعبدالغني لما يركضون بالكوره ومعهم واحد الماني...

فجأه يختفي...

وفجأه تلقى الكوره مع الالماني...

ولاعبنا طايح على الارض...

لانه خبط وجهه بصدر اللاعب...

ياجماعه استحوا على وجيهكم...

رايحين هناك ومسوين ان العالم كله منهبل على المنتخب السعودي...

وان اكبر اهتماماتهم المنتخب ... ووش بيسوي المنتخب...

البعثة السعوديه اول ماوصلوا هناك استقبلوهم اليابانيين وهم يقولون..

وين سامي؟؟

نبي الدعيع...

التمياط معكم؟؟



ياناس شوي شوي...تراكم بصراحه منتب وجيه كاس عالم...

حدكم كاس خليج وتخب عليكم بعد...

هذي مشكلة اللي ينعطى وجه ويصدق نفسه...

وبتشوفون ابو خطط علميه مدروسه بيقول لاتقسوا على المنتخب !!!!!

والصحف بكره بيكتبون...

(( قدمنا المستوى وخسرنا النتيجه))

(( سامي غربل الدفاع الالماني ))

(( المدرب ابدى اعجابه بالتمياط وسامي والدعيع ))

(( عرض احتراف للتمياط...بعد المستوى الباهر))

نـــــــــــــواف التـــــــــــــميـــــــــــــاط...

نجم قتله الفكر السعودي....

ماباعوه لرودا الهولندي...علشان بيلعب كاس العالم...
وبيشوفونه العالم...وبيجي مانشيستر وريال مدريد وبيطلبه من ( الهلال ) رسميا...

ياشباب لو لعبتوه في رودا على الاقل كانوا بيشوفونه الفرق الهولنديه الكبيره مثل اياكس...

لكن الحين منهو اللي يبيه؟؟؟

حطمتوه الله ياخذكم...

سامي بصراحه كان يبحث عن مجد شخصي..

يحاول يسحب .. ويتفنن...

محمد نور كان ( ثو...) بصراحه...

زبرماوي وتكر تقول كنهم توأم ماشالله... متفقين على الدلاخه...

الدعيع يتحمل بعض الاهداف...بس المسؤوليه ماهي عليه

المدرب...وااااااااااه من المدرب......وطني..ياوطني...وسلم لي على الوطني..

ابراهيم الجابر يقول ...ان سامي الجابر يتعرض لضرب من لاعبي المانيا!!!!

وياحظ من له في القوم ولد عم...

حللللللللوه يالدعيع.... ياحارس القرن...يامبددددددددع

(( هذا الكلام والنتيجه 6 صفر !!!!))




http://www.alwatan.com.sa/daily/2002-06-01/Pictures/0106.spo.p2.n1.jpg

يقاله بيجيب هدف بالراس ظلال ماجد...


http://www.alwatan.com.sa/daily/2002-06-01/Pictures/0106.spo.p3.n22.jpg

ياااااارب تجي ضربة جزاء واجيب قوووول ياااااااارب..





http://us.news1.yimg.com/us.yimg.com/i/fifa/afp/20020601/i/1678409787.jpg

هين يالالمان...سوف اردها لكم في الحلقة القادمه....سترون..!!



شباب ترا الالمان ثقال...وماعندهم غير العرضيات...


طيب الكاميرون....اساتذة اللياقه...وش بتسوون معهم؟؟؟





http://news.naseej.com.sa/images/sports/58938_camiron1.jpg

ودك ان كلهم يلعبون ( أيسر )....عز الله راح فيها عبدالغني...



ولا الاجسام بسسسسسس...

وخر عنها





http://image.sportscn.com/center/football/worldcup/mboma.jpg

وش بنسوي قدام هالحلو؟؟؟




الله يستر


لغز اللي يحله له جايزه من الممرور :)

وش الوان حارس المانيا وكم رقمه؟؟؟


اخر اشاعه....

يقولون ان الالمان قاموا يرجعون الكوره للحارس علشان يطلع في التلفزيون..

علشان يحسبون له مشاركه دوليه :D


الله يستر من الجاااااااااي

[vip600]

يسلمك يدينك يابودمجه

كلامك واقعي ... للأسف حنا والإعلام اللي نفخ فيهم لين انفجروا

صدقوا روحهم

واللي يبي فريقه يبدع بكأس العالم ... يبني الأساس اول

حنا اساسنا الحواري <=== والله من زين الأساس

والواسطه حاست ام منتخبنا

لعبوا ذا ... وهذا ابعدوه ... وهذا خلوه ... وهذا بسم الله عليه مصاب لكن لازم يلعب علشان تشوفه امه بكأس العالم

وبالأخير نتصمخ

[على بالها شخصيه]

اشفيت غليلي يا هذاhttp://www.eqla3.com/home/eqla3/www/vb/icons/icon3.gif
ما اطلع من موضوع الا اعلق عليه بس موضوعك اكبر من اي تعلييق كامل مكمل يشفي الغليل...اجل سترون هههههههههههههههههههههههههه

بس جد والله بإمكانهم يشيلون قشهم ويرجعون قبل الفضايح الجااايه ولا خلاص قفلوا عليهم ويبون يستلمونهم شررررررشحه:(

اخوي ابو دمجه..لا تصبح متشائما فهذا درس ومدري الى متى بيبتلون يدرسون درس الى مالا نهايه..

ومثل ماقلت نحن نسير وفق خطط مدروسه <=== ماقلتلك درس يعزون الدراسه بشكل..
واذا ماتعرف ولا تفهم خططهم اسمحلي لا تتفلسف..خططهم ياابيي تقول لازم ينهزمون بهالنتيجه عشان الكميرونيين يقولون اييه هالسعوديين ماعندهم ماعند جدتي ويستهترون فيهم ويجي دور الكتاكيت الخضر عفوا الصقور الخضر ويسحقوهم بنتيجه كبيره..فهمت يابيي:cool:

<==== هذي اللي تقول مابي اعلق:(

عموما ان شااء الله في المباراه الجايه الهزيمه والسنتره تكون اقل:(
وشكلك معصب الحين وبتكفخني لاني هذريت على راسك بس اعذرني بدي فش خلئي:(

[سواح2002]

اللللللللللللللللللللللللله يسلمو ايدينك ما قصرت فيهم
قسم بالله حوش ما يستاهلون اننا نزعل علشانهم والا لو اني مجمعة بنات خالتي وبنات عمتي ان كان ما انهزمنا 8 صفر حسبي الله عليهم:mad:
هذي اخرة التدليع الزايد كل ما انهزموا يا الجمهور روعهم:D
والا امطرت عليهم تزحلقوا بعد وش يسوووووون:rolleyes:
والا الحكم ظلمهم<<<<<<<<<<<يحسبون كل الناس مثلنا الحكم ما يفوز الا الهلال ;)

قسم بالله ما يستحون انا لو منهم اروح واقول للحكم دخيلك وقف المباراة حنا بننسحب بدل ما يتسحبون على وجيههم:(

هذي اخرة المدرب القدير <<<<<<<<<قسم اني قريتها في موضوعك قصدير من القهر;1
هذي اخرة الدوري لا صار لو الموت ما فاز الا الهلال:o
يعني هم يوم يتاهلون للنهائيات ما ابصروا مستوى اللاعبين وهم طالعين بالحسرة الله يسلم البحرين لا وكلمة شكر ما تنزلو يقولونها والله حلاااااااااة من خسر روحه وخلا لاعبيننا يتفتفت قلبهم:mad:

لا ويقولون ان شاء الله يعوضون اقول العوض على امهاتن جابوهم والا النظرة من الكمروني سدادة يا شيخ اذا ما يخقون من اول نظرة كمروني بحق
:D
ايه نسيت الله يرجك حلوة ذاك اللي اقصر من الشعرة:D

[طال عمري]

ايييييييييييه الله يحللك ياصالح كامل كان بيسوي فينا خييييير

[Peter Pan]

مادري أضحك ولا أبتسي ؟؟؟

(( سامي غربل الدفاع الالماني ))

:(

[ابودمجه]

ابو 600

والله انك صادق ياخلف جداني...

اجل كل واحد رايح ويحسب ان كل العيون تتابعه...

وكل ماالتفت عليه واحد بالغلط ... قال بسسسس..ذا معجب...

اللي صراحه سمع اليوم تصريح الهريفي في art في التحليل... بيقول فعلا كلام الهريفي صح

جملة قالها الهريفي ... حسيت فيها فعلا.... وقلت صادق صادق صادق <== كررها ثلاثا:)

قال ان لاعبينا يدخل المباراة وكل همه ان يسحب باللاعب الفلاني او يدخل كوبري...

والصحفيين ماغير تمجيد باللاعبين..واحد يقول اتوقع سامي بيكون احسن لاعب
وخويه يقول التمياط ... والثالث يقول الدعيع وخذ يابربره...

حبيب قلبي باتريك امبوما بيصحصحكم انشالله ...وبيصككم بخمسه تخلي الخطط المدروسه تشتغل


الباقين بعدين

الضغط ارتفع:mad:

[ماشي حافي]

الصراحة
يازقرة
نتيجة متوقعة
الالمان نعنبودارهم من سنة كح واضرط وعهم ماغابو عن التصفياة;1
تقارنونهم بالقلنقس الي مدري وش عرفهم في الكورة ;)
وشكرا

[Forza AZZURRI]

صح عليك.........




لالا.... من جد........ صح عليك.......

الكلام اللي كتبتة صح......

لا والله يقهر.... ان بالاك..... احتياط لدايسلر.... وبيرهوف... مالعب الا يالشوط الثاني....

بعدين.... الخسارة متوقعة...... منتخبنا ما يخسر بالنتايج الكبيرة الا بالعرضيات..

ومن منا ما يذكر المكسيك.... ببطولة القارات.....

وهذا الالمان جابوا 6 اهداف عرضيات.....

يعني ..... اللي بزعمة بيشجع المنتخب... ما عندة سالفة.....

واللي يقهر....... ان هالبطولة...... كل فرقها قوية..... يعني.. ماراح يتعدى فرق الاهداف.. 3 بالكثير.......... لكن..8 قوية....

[عزمة]

عز الله ما كذبت سلمت يداك و راسك اللي حلل كل شي ولا خلا اي شي
ما شأالله تبارك الله على هذا التحليل
منتخب مجاملات (واسطة)

[مربوش المربوش]

تسلم ايدينك ياابودمجه على هالموضوع اللي يشفي القهر اللي فينا,,,,,,,,,,,

انا اللي قاهرني هالمعسكرات الطويله اللي الظاهر انها راحت كلها في النوم :mad:

لا والمنتخبات اللي لعبنا معها مباريات وديه شكلها تلعب معنا بدون نفس واحنا مصدقين نفسنا انا فزنا

<===== اقصد السنغال

الظاهر ان ناصر الجوهر راح يطلب اللجوء السياسي من رئيس اليابان , والمنتخب راح يجمع القطه للرجعه

او راح يصدر مرسوم ملكي بارسال الفريق الى تورا بورا :rolleyes:

وقال ايش راح نحرج الالمان (خير ان شاء الله )

[مطفوق واجد]

دائما وابدا ....خطة علمية مدروسة ...هع
كان يسوي خير لو ان ضفدع كامل مشفر مباريات السعودية بس
والله من قرادة الضفدع هذا يوم احتكر الدوري قرد المنتخب
ياجعله يتعالج بفلوس الاحتكار
ابو دمجة يعطيك 8000 مليون عافية
بس اذا بغيتوا الصدق ... الكل يعرف ان كأس العالم هو المحك الحقيقي للمنتخبات .. يعني منتخبنا فااااااااااااااااااااااااشل ... واذا كنا ابدعنا في بعض المباريات فمعناها ان هذا شي (عرضي) يعني غييير طبيعي
وشكرا...:(

[الساعة الخراشة]

يعطك العافيه كفيت و وفيت

بس كله كوم وصحافتنا كوم

انا ودي اعرف منهو اللي على وظيفة العناوين الكبيره كانه تخلي الواحد يظن روحه زيدان على غفله

بس تدرون والله العظيم اني متوقع ان النتيجه كذا

ما فيه مقارنه بينا وبينهم

اوكي ما فيه شي بعيد على الله بس نعنبوهم اجسام

ودك نجيب كل المصاك اللي عندنا بالسعوديه ونبدل لاعيبة المنتخب شرط نجيب الكاس <----- صار زي صحافتنا

.................................................. ............

[][][ أنين & الشوق ][][]

<center>
احم احم

<=-=- توه جديد ومستحي

شوف عيوني

لو كنا مهزومين ثلاثه ولا اربعه ممكن نقول انها غلطة لاعبين

ولا انها غلطة ناصر الجوهر ماغير التغيرات المطلوبه

لاكن لما ننهزم ثمنيه ( في عين الحسود )

مستحيل انها تكون غلطة لاعبين ولا جهاز فني

الغلط في سياسة الاتحاد

الغلط في صحافتنا المبجله <=-=- يمديك عليها

الغلط في ( المحسوبيه والواسطه )

الغلطه ياسيدي هونها وهي تهون :)

بعدين تعال ياخوي

نص لعيبتنا ماعندهم وعي

لعيبتنا رايحين على شان تشوفهم الأنديه الأوربيه وتشترى عقودهم

كلهم ماهمهم الا الظهور ( الفردي )

كلهم يجروا ورى مصالحهم الشخصيه

ولا ضربوا حساب ( للوطن ) <=-=- الوطن ولا الاقتصاديه

ياخوي يحز في نفسي اقول هالحكي

لكن بصدق

اتحادنا فاشل

اعلامنا فاشل

لعيبتنا جهله علميا وكرويا

[فتى ساق الغراب]

تراني ذبيت المقال الرائع هذا في منتدى ثاني وبأسمكم للأمانه

[حمود المستلج]

هالحين الزبده اللي بداعيات بيبسي زهمت على الولد ولا لا

<<<<<<<<<<< هذا اكبر همه

تصدق ترا اللي جاء هذا بصالحنا راح ينسون احداث 11 سبتمبر ويربطون الفضيحه هذي بنا ..........


تصدق انك وسعت صدري ابو دمجه يعطيك العافيه

[قرن ابليس]

هههههههههههههههههههههههه
الله يرجك يا ابو دمجه
جبتها فالصميم
بس مانقول الا الله يستر من الجاي


.............................................

لا بس يقولون والذمه عالراوي ان السعوديه بطلت تستورد السيارات الالمانيه امهات 8 سلندر ؟..

وناس سامعين واحد الماني يقول لعياله لو نجحتوا بجيبلكم المنتخب السعودي تلعبون فيه ...

بس عموما لاعبيننا خايفين من وجه الحارس "يعني الوجه له دور " <----- ذبه من واحد سخيف

[بسـاط]

يعطيك العافيه يابو دمجة

والله هالكلام من أفضل ماقرأت عن وضع المنتخب الحقيقي

الله يصبرنا ويجبر عزانا ويعوضنا خير

[ترنج بالزبادي]

فعلا ليه ؟؟؟ الزعل حقنا وماجانا
تصدقون يا شباب اني متفائل بمباراة الكامرون
والسبب انزلو تحت
7
7
7
7
7
7
7
7
7
7
7
7
7
7
7
7
7
7
7
7
7
7
7


http://www.montada.com/attachment.php?postid=890869

[ابودمجه]

تسلمون جميعكم على الرد

واتمنى انك تحدد المنتدى اللي نقلت له المقال يااخ فتى ساق الغراب

ولا عليك امر

[يوكون]

ابو دمجه كلامك عين العقل

وش راح نسوي قدام الكاميرون دام هالنتيجه من المانيا


بس تراك قسيت على الجوهر وكنه هو اللي يلعب

وانا قريت تصريح للدعيع يقول ان اللاعبين ماطبقوا ولا 1% من الخطه

وواضح من نفخ روس اللاعبين قبل كاس العالم الظغط اللي تعرضوا لدرجة انك تشوفهم وهم يقولون السلام الملكي يتنافظون

حتى تكر ساكت من الخرعه نسى سارعي للمجد والعلياء

للمره الاولى في حياتي التي تمنيت فيها اني منيب سعودي صورتنا تشوهت ، وبغيت اصيح يوم شفت السعودي اللي من الجماهير ومعه خويه الياباني اللي مصبغين وجيههم باخضر وجهه يكسر الخاطر هو والياباني اللي معه


------------------
قبل لا اختم بربرتي احب احيي الجمهور الياباني اللي شجع المنتخب حتى بعد ماجاء الثامن تسمعون التصفيق اذا جت الكوره مع اي لاعب سعودي مهوب زي ربعك الفشيله اذا قالوا الكويت ..اووووووووووووووووووووووووووووووو


ماقصرت يابو دمجه واعذرني على كثر البربره


يوكون


;7

[الجواد المقلع]

اولا تسلم يدك على هالكتابة الأكثر من رائعة

وانا اقولكم شئ ان مفعول المنشطات اللي يخذونها اللعيبه في الدوري بانت عليهم ( خله تنفعهم );4

وخلهم يقابلوني اذا عطاهم الفيفا مقعد زايد في كاس العالم لقارة اسيا ( كله من ورا المنتخب السعودي العجيب )

:mad: الضغط خلني بعدين بكمل

[KANU]

http://image.sportscn.com/center/football/worldcup/mboma.jpg يلوموني يا إمبوما ;)

أبو دمجة ... روح روح ... روح ....أنت حبيبي .......
<------- قلت الكلام اللي ودي أقوله ....

[فتى ساق الغراب]

هلا والله ابو دمجه المبدع
ادمج هنه تلقى موضوعك كاملاً وبأسمك (http://www.ghamid.org/vb1/showthread.php?s=&threadid=6377)