سبب خسارة المنتخب بكل واقعية وبرود

[د.كيف]

بسم الله الرحمن الرحيم
والذي لايحمد على مكروة سواه ... الحمد للله على كل حال
ورب ضارة نافعه



اول شي انا اختلف مع ابو دمجه في كل اللي قاله ... لانه واضح جدا انه من اشد الناس تشائما ... والدليل موضوع كاس العالم فاشل :) :)


المنتخب اليوم خذله امرين :
واحد : فردي
اثنين : تكتيكي (توظيفي) والاول اثر بشكل كبير على الثاني


التفصيل :


السبب الاول وهو الفردي
بعدما صفر حكم المباراة معلنا بدايتها .. وضح جليا لكل المتابعين ان عبدالله سليمان ابعد ما يكون لجو المباراة .... عبدالله سليمان من اول كرة اشترك فيها وضح جليا انه كان غير مستعد نفسيا لهذه المباراة وهذه عادة عبدالله سليمان في مباريات كاس العالم
وطبعا لاعب له ثقله زي عبدالله سليمان لما يشوفونه كل زملاءه اللاعبين وهو يترنح في الملعب لا يستطيع ان يمنحهم الثقه فيه .. فهو بالتالي اثر نفسيا على نفسيات اللاعبين واحبطهم جميعا وزاد الطين بله الهدف الثاني والثالث

بعدما اخفق عبدالله سليمان تلاه مباشرة اخفاق الدعيع الذي كان دائما من يمنح الفريق قوته والدفاع تماسكه واللاعبين ثقتهم في الهجوم عندما يرون ان خلفهم حارس متمكن ودفاع قوي وصلب ... في هذه المباراة عندما كان المنتخب في امس الحاجه لهذا الشعور بالثقه كان عبدالله سليمان كمن يشهر خنجره ويغرسه في ظهر اللاعبين ... وكان الدعيع كمن ينقض على الجثه ويجهز عليها

الدعيع ... اثبت لنا جميعا .. ان الخوجلي يستحق ان يمنح الثقه من الان وصاعدا .... فقد كان الدعيع كان كاللعبه في يدي طفل :(

اما بقية اللاعبين ... فقد كان سبب عدم ظهورهم بالمستوى المطلوب هو السبب الاول

اما عدم ظهور المنتخب بالمستوى المطلوب :
فهو السبب الثاني .. وهو التكتيكي التوظيفي المنتخب كان من المفروض ان يدخل المباراة بتشكيلة الشوط الثاني بتحريف بسيط وهو وجود التمياط مكان السويد فقط
مع مطالبة الدوخي و عبدالغني بان يقاتلوا مقاتلة بان لاترفع الكرة من مراكزهم الى داخل الصندوق .... قبل ان نطالب الدفاع باخراج الكره من الصندوق ..... وقبل ان نطالب الدفاع بان يخرجوا الكره من الصندوق يجب ان نطالب حارس المرمى بان يعترض طريقها خاصه ان اطول مافي هذا الحارس يدينه واكيد محد ناسي ان هوايته هو التمرجح في العوارض :) :) :)

صح ثلاث محاور غلط ..... بس الجوهر ما يتحمل المسؤلية ابدا ابدا ابدا
ولو كلنا سمعنا كلام ابو دمجه نبطل كورة ونقلبها مصاقيل اصرف :) :)


الكورة فوز وخسارة والكورة احدعشر لاعب ... ممكن لاعب واحد يفوزك وممكن لاعب واحد يهزم فريق بكامله واليوم عبدالله سليمان والدعيع هم من هزمنا بالثمانيه وليس الالمان


انا الوم الجوهر في شيء واحد فقط


خط الدفاع(السناتر) في المنتخب يتكون من :
رضا تكر
عبدالله سليمان
احمد خليل
الحارثي
فوزي الشهري


الجوهر لم يغير عبدالله سليمان لانه لايثق في الاحتياط له

اذن : اين افضل مدافع في كأس القارات ؟؟؟
صالح الداوود لم يستدعى للمنتخب من بعد بطولة القارات مع انه اخذ جائزة احسن مدافع وشارك في منتخب نجوم العالم ... لماذا ومن المسؤل وهل احمد خليل افضل ؟؟؟ لو كان صالح الداوود في الهلال هل سيغيب عن تشكيلة المنتخب ؟؟؟


اين عبدالله الجنوبي ؟؟
اين محمد الحمدان ؟؟

لماذا محسن الحارثي وهو لم يمثل فريقه اساسيا اصلا ؟؟

هذا هو عيب الجوهر الوحيد فقط
وهو عيب بسيط يمكن تفاديه مستقبلا باستدعاء هولاء اللاعبين واعطائهم الفرصه :)

نقطه هامه جدا : رضا تكر هو نجم المنتخب السعودي رغم كل هذه الاهداف ولا اطلب منكم الا شيء واحد فقط هو اعادة المبارة .. والتدقيق في التالي :

جديه اللاعب في اللعب طوال المباراة رغم الاهداف المتتاليه
ثقته بنفسه رغم كل ما حصل ... مع ان جارة عبدالله سليمان هزمنا بهذه النقطه
تمريراته للكرات بكل هدوء في اوج تخبط ابو سليمان
هذا اللاعب يريد منكم الانصاف حرام ان نحرمه ونبخسه حقه وبروزه واداءة باخطاء غيرة .... نعم الثمانيه ثقيله بس يد رضا تكر الوحيده لا تصفق
والسلام عليكم

[سمران]

انا ماراح اعقب على كلامك ولا ارد عليك :) تدري ليه:confused:
لانك تبي تحمل كامل مسؤولية الخسارة للاعبين يلعبون للنادي المنافس لناديك المفضل:)
وصدقني الدعيع لو كان سبب الخسارة لتركت مشاهدة الكرة:) اترك عنك الميول وشجع الاخضر بعيون خضراء:)

[د.كيف]

سمران مع احترامي لك ... الا انك مع جمبها وشكلك متفرج على مباراة غير اللي كلنا شفناها :)

وبالنسبة للدعيع مع احترامي لك وله .... اتوقع ان كل الكور اللي دخلت فيه اهداف ... مع انه كان يصد اصعب الكور مع منتخبات الخليج واسيا الا انه طول عمره يخق في كاس العالم وهذي عاداته مافي شي جديد ... والا تبي تفهمني انه يوم تخش الكورة فيه كبري ما يتحمل الهدف هذا ؟؟ طيب لو اقولك معليش هذي ما يتحملها طيب الكورة اللي تخش من تحت اباطه ؟؟ والكورة اللي تخش من بين يدينه ؟؟ والكورة اللي تخش فيه هدف من برى الثمنطعش ؟؟ طيب والكورة اللي انحاش عنها وعطاها ظهرة ؟؟؟ اقول رح نم بس
يكون بعلمك انا اكثر واحد يقف مع لاعبي المنتخب وانا اكثر واحد بعيد عن التعصب وانا احقر اللي يتعصب للانديه على حساب المنتخب .. بس انت واشكالك اللي تشوفون ان كل نقد للاعبيكم المفضلين حتى لو كان حقيقي وصريح وكل الناس شايفينه تعتبرونه تعصب ضدكم .. بسم الله عليكم ... ما تشوفون شر ان شالله

انا قلت وجهة نظري عجبتك اهلا وسهلا ما عجبتك شي يخصك ... هذا اللي انا شفته .. واتوقع ان لي الحرية اكتب وجهة نظري ... عاد اعجبتك ما اعجبتك ... وجهة نظري كانت ضد لاعبين ناديك المفضل ماهي مشكلتي هذي مشكلتك انت :) :) :)

[عمر ابو راس]

بالنسبه لدفاع ولله يا د.كيف ان محسن الحارثي بنفسه متصل على واحد من العياال يعرفه

وقاله انه آآخر مبارات تجربيه لعبوها مع الفريق الياباني التى انتهت بنتيجت 3\0
لعب الحارثي وخليل مع بعض ليشوف افضلهم والثاني بيطلعه من التشكيله؟؟!!

لما غلط خليل غلطين بالمبارات أخرجه من التشكيله وقال انه مصاب
هو لا مصاب ولا هم يحزنون

يعني لاعب مثل خليل معك في كاس الخليج والتصفيات ومتوعد على دفاعك ومتفاهم معهم تطلعه من التشكليه عشاان غلطين في مبارات تجريبيه ؟؟!!

هذا يدلك ان الدعوه دجت في دجه مهنا احد

[مالها الا هلالها]

ألحين حنا وين .. وأنتم لين ألحين هلال ونصر ..

كبروا عقولكم شوي !!!

[لووووول999]

ههههههههه رضا تكر اجل مميز


بالله عليك وين مميز معه وكم كورة انقطعت من رضا تكر عشان تأخره ومحاولته تجاوز اكثر من لاعب ( مهوب عاقل دينلسون أحد)


لا وتلوم الدعيع على الأهداف الثمانية

وانت من خلال كلامك تقول ان المفروض عبدالغني والدوخي مايعطونهم مجال يرفعون


وبعدين تبي الدعيع يطلع لحد الستة وهم لو ناظرت الأهداف والكرات المرفوعة راح تلقاها تجي مباشرة لراس اللاعب يعني هي تروح لراس اللاعب مهوب العكس فهي ماترتفع ويرقى لها المهاجم ويسجلها

لا هي تجي بالمقاس


وهذا واضح من خلال قصر قامة اللي سجلوا الاهداف مقارنة بالمدافعين


إذا الخطا يشترك فيه خط الدفاع مع المحاور اللي وظيفتهم منع الكرات من الاتجاه للأطراف + مساعدة المدافعين في تنظيف المنطقة


خصوصا اذا عرفنا ان الجوهر منزلهم عشان هالشي لمعرفتهم باستخدام الألمان الكرات العرضية

[د.كيف]

هلا وغلا فيكم كلكم :


يبو راس ... اتوقع ان مافيها جدال ان ابو سليمان على جرياته احسن من خليل فما بالك في الحارثي اللي ضامينه للمنتخب ديكور علشان يموه على الصحفيين يحسبون منتخبنا منتخب السنغال :)

يعني ابو خليل ضامينه علشان يكون احتياط ما فكروا انهم يلعبونه ابد ولا فيه احد صاحي بيلعبه في كاس العالم اساسي .. يعني هو احتياط في حالة اصابة احد يلعبونه... مع ان ابو سليمان ما شالله عليه ما يصاب الا اذا وطى على لغم يمكن يجيه شد عضلي وبسيط بعد .. ما شالله عليه

فالدجه اذا فكر الجوهر انهم يلعب واحد من هالمماليح اللي انت قلت عليه مهوب العكس .. ويوم يلعب فيهم في المباراة الوديه علشان يتاكد من جهازيتهم للمواقف الطارئه
-------
مالها الا هلالها ... والله لا تعصب ولا شي .. اتوقع انك تكلم سمران علشان كذا بخليه يرد عليك.. واخر ما افكر فيه الهلال والنصر
-------
لووول999 : والله تكر يوم يسحب في الدفاع على باله دينلسون ما سحب الا وهو واثق في نفسه واذا هو غلط انه يسحب علشان محد جمبه عنده الجرئه انه يفتح له خانه فغلطته هذي ما جابت فينا هدف

اما الاخوان اللي كل غلطه لهم بقول فهذولي هم اللي نكبونا ... واتوقع انك شفت تكر يرووح للظهير الايمن يغطيه ويروح للسنتر اللي جمبه يغطيه .. ويروح للمحاور يؤدي دورهم اللي المفروض انهم يسوونه جزاه الله خير لو فيه زيه اثنين ما جا فينا ثمانيه

اما المحاور اللي حاطهم الجوهر علشان ما يرفع الالمان كورهم اللي بالمقاس على روس المهاجمين ... اتوقع اننا كلنا نعرف ان خطه الثلاثه محاور والمحورين علشان التكتل في نص الملعب علشان ما يجي اختراقات من العمق .. مهوب علشان يغطون الاظهرة ... لانه توقع ان الالمان يموهون عليه يوم يقولون بنلعب بالاطراف .... او انه كان معتمد على الدوخي وعبدالغني في انهم بيقومون بدورهم .... ومساله ان الدعيع ما ينلام علشانه ما طلع علشان يلتقط الكرات العرضيه قبل الالمان لان كورهم العرضيه بالمقاس وااللاعب ما يروح لها هي اللي تجيه هذا كلام مردود عليك

الكورة قبل تنرفع بالمقاس كانت برجل اللاعب اللي على الجناح ( كان من المفروض انها تقطع الكورة من هنا قبل تنرفع )

بعد ما انرفعت الكورة وكانت عرضيه وداخل الثمنطعش (يحق للحارس هنا انه يمسكها بيده) كان من المفروض يطلع الحارس يمسك الكورة وهي بالهوا قبل توصل للمهاجم

طيب الحارس ما طلع للكورة هنا يجي دور المدافع اللي الكورة رايحه للمهاجم اللي هو مغطيه ... المفروض يتدخل ويطلع الكوره .. اذا ما قدر يطلعها .. المفروض انه يحتك مع المهاجم او يضايقه في اسوء الحالات علشان ما ياخذ راحته وهو يلعبها براسه

وفي الاخير بما ان الحارس ما طلع والمدافع ما قطعها والظهير ما منع الكورة انها تنرفع ولعبها المهاجم براسه ..... كان المفروض لو اننا نملك حارس صح انه على الاقل يصد الكور اللي تدخل من بين يدينه ومن تحت اباطه


والكور اللي في الزوايا مع انها قليله ما نبي منه الا انه ينط عليها لو بعد ما تدخل على الاقل علشان نقول انه حاول يصدها موب انه يعطيها ظهره ويخاف منها والله لو انهم قاعدين يرجمونه يا شيخ :)


واللي سجلوا الاهداف ترى مهوب قصار الا اذا كنت انت شايف المباراة في تلفزيون احدعشر بوصه :) :)

[الذيب القوي]

يادكتورنا العزيز المشكله اكبرمن مستوي تفكير لعيبتنا ومدربنا
بتقول ليش بقولك الالمان درسوا منتخبك دراسه حقيقيه وعرفوا نقاط ضعفك
مضبوط 0 بتقولي وشلون ابقولك ان حارسك زي ماتفضلت ماهنا اطول من يديه
فلو لاحظت معي ان الرفعات حقت الاهداف كلها متوسطه ماهي مرتفعه علشان ابو دعدع مايجيب خبرها وعلشان ماتكون واطيه ويصعب التعامل معها
وقد نجحوا بامتياز في تنفيذ هالخطه اللي جابت لهم 5 اهداف من 8
ومشكلة منتخبنا انه كان عنده خطه من التراث القديم وهي انه يضغط اول 10 دقايق
عشان يجيب قول وبعدين يقفل سواه السنغال بالديكه
بس الغزاه النازيين ماعطوهم فرصه وبعدها ضاعت طاسه ابو جوهر مايدري يدافع وهو مهزوم والا يهاجم وهو عارف انه مافيه امل
وسلامة تسلمك,,,,,,,,,,,,,,,,,,,,,,,,,

[بسـاط]

معليش بس يوم قريت انك تقول انك مختلف مع ابو دمجه .. ماكملت مقالك لأنه شاءت الظروف اني قريت مقالة ابو دمجه قبل ما أقرأ مقالك.

آسف ...

[مالها الا هلالها]

لا أكلمك أنت يادكتور ..

لأنك تقول واسطات والزي منوه ..

لكن مهما يقولون مهما صار مهما تم ... أرفع راسك أنت سعودي غيرك ينقص وأنت تنخق !!

<== لحد يلومه أبو 8 !!

[د.كيف]

الذيب القوي : انا معك انا المانيا كانت مهتمة فينا اكثر من اهتمامنا بانفسنا .... حتى ان صحيفه المانيه كاتبه ان سامي الجابر هو من يضع خطة وتشكيلة المنتخب السعودي :) :) :)

بس مو معناها اننا ماقصرنا :)

بس ااكد لك يا خالي ان المنتخب في المباراة الجاية بيكون غير .. وشفت هالطقه اللي ما بقى الا شوي ومدري وش بيسون .... اللي قالبه المنتدى فوق تحت بيصفقون ويطبلون للمنتخب زي ماكانوا اول وقل ما قال ابو كيف :) :)


---------
بساط : من اللي باسطك ههههههه ايه شكرن على التوضيح يا ضلال ابو دمجه :)
--------
مالها الا هلالها: ايه سم وصلت المعلومه :)

[اللورد الوسيم]

ههههههههههههههههههههههههههههههه

أما منتخبنا كان فيه أحد فالح ايه هين

لو لعب الجوهر زي السنغال واحترم نفسه كان ابرك:(

يا خي خمسه دفاع مهب عيب واحد هجوم كفايه

وبعدين حنا لعبنا ضد اليابان مباراتنا الأولى 5 دفاع 4 وسط واحد هجوم وكان لك شي معقول لكن اللي مهوب معقول منتخب مسوي أعداد من 6 سنوات تلعب ضده هجوم وأنت حتى بالجسم ما تقدر تجاريه

لكن يا كيفوه غريبه ماقلت طلعو التمياط:D

خل عنك بس تراك تدقق على التشكيله على بالك الجوهر هو اللي ضامهم للمنتخب ;)

[** فهودي **]

مع إحترامي الشديد لك ....... كل كلامك تعصب × تعصب


ونصيحتي لك لعاد تتفائل لدرجه إن المنتخب يفوز على ( ألمانيا ) من الصبح جايبلي إحساسات غريبه

[morphine]

والله بصراحة اول مرة اشوف د. كيف فاهم في الكورة :D

يعني اعتقد من وجهة نظري ان كلام كيف صحيح لكن احب ان ازود بعض الاشياء

بالنسبة للاخطاء الفردية اللي من عبدالله سليمان وحمد الدعيع اللي هم اساسا يعتبرون مانحي الثقة للمنتخب

مع سامي الجابر طبعا هذي مافيها كلام مع العلم ان سامي حاول لكن لوحده مايسوي شي

لكن اساس المشكلة هو عدم دراسة ناصر الجوهر للمنتخب الالماني والخطة اللي وضعها شوكولاته في

شوكولاته, المفروض مع عيره زي ذولي ومع فريق مثل المانيا ان تلعب السعودية بتشكيلة 5-3-2

بوجود محسن الحارثي مع عبدالله سليمان قلوب دفاع وتكر قشاش ويلعب الشلية اذا كان جيد مع عبدالغني

مع التنبيه ان يلعبون دور دفاعي بحت ومايتقدمون ابد وحدهم وسط الملعب فقط

ويلعب خميس مع نور او الواكد في المحور ونواف متوسط هجومي وسامي والجمعان او عبيد في المقدمة

والتبديل يكون حسن اليامي بسامي لان لعبهم واحد تقريبا ( هدافين ويميلون لصناعة اللعب )

عموما هذي خطة موضوعية اكثر بالنسبة لمبارة مع الالمان .

اما التنبيه الشديد والاهم في المباراة والمباريات المتبقية لنا في كاس العالم هو :

انا شفت مباراة المانيا مع السعودية ومباراة نيجيريا والارجنتين ومباراة الانجليز مع السويد اهم شي لاحظته

في كل المباريات واللي ماهو موجود عندنا في السعودية ولا بنسبة 1 في المية هو القتال على الكرة من راس

الحربة حتى قلب الدفاع والحارس

يقطعهم مايخلون اللاعب يتنفس في اي منطقة هو موجود في في الملعب واللاعب اللي يا خذ حرية لمدة 5

ثواني ويفكر فيها في مثل هذه المباريات يجي من هالحرية هدف

القتال على الكرة هذا اهم شي لازم يهتم فيه الجوهر مع الكاميرون وايرلاندا علشان نفكر اننا نقدم مستوى

جيد

عموما خروج الشيحان وطلال المشعل من تشكيلة المنتخب ضعف قدرة المنتخب على التاهل بنسبة 70 في

المية وكان الامل عليهم مع البقية بس راحت

المهم الحين نقدم مستوى جيد في المباريات المتبيقة وماله داعي ننخق بمثلها مع البقية والله يستر ;5

[د.كيف]

اللورد الوسيم : انا ما قلت طلعوا التمايط لان الجوهر طلعه ههههههه بس كان المفروض يغيرة اخر ربع ساعه او على الاقل بعد ربع ساعه من الشوط الثاني مهوب عشان شي بس علشان يحترف .. الله لايبارك في الهلاليين اللي احرموه من الاحتراف والله لا يجازيهم خير


فهودي : اطلع من حياتي .. ورح نم اصرف لك .. تراني مليت من ردودكم اللي مدري من وين تطلعونها .. ماله داعي افضحكم واقول انكم يوزرات ... اها بس

للمعلوميه بس علشان ارد عليك بواقعيه ... انا قلت ان عبدالله سليمان كان ولازال هو والدعيع ودفاع اي فريق وحارسة هم مانحوا الثقه للفريق (فهل هذا تعصب ضدكم ؟؟) مانحوا الثقه ذولي سلبوا الثقه من الفريق علشان كذا انهارت المعنويات وجت الهزيمه القاسيه
الهزيمه في الاول والاخير معنويه قبل كل شي + قوه وسط المانيا كلنا شفنا ان المنتخب الالماني اذا انقطعت منه الكورة يكون كله في منتصف ملعبه ويقطعون الكورة في ثواني وياصلون بابنا في ثواني من كوره طويلة على الجناح الى رفعه الى راس مهاجم الى اباط الدعيع وهدف :)


مورفين : هلا وغلا انا معك قلبا وقالبا بتحريف بسيط بدال الحارثي احمد خليل لانه فرق كبير بينه وبين احمد خليل بصراحه مع انهم اثنينهم ما يجون ربع عبدالله سليمان فما بالك بتكر او الداوود :)

والقتاليه هذي اللي انت قلت عليها انا مو معك فيها انا كلي معك :) :) :) :)

[ابودمجه]

اشكرك لاختلافك معي...

لكن انا ابشرك اني ماني متشائم...

بل واقعي...

موضوع ( كاس عالم فاشل )... كان مجرد تنفيس

من ضيقة الصدر علشان اللاعبين اللي ذكرتهم ماراح يلعبون...

اتمنى انك تكون قرأت موضوعي الثاني...

اخوي الغالي المشكله اننا انخدعنا بالتأهل اللي جاء بطلعة الروح...

وانخدعنا بانتفاضة اللاعبين في اخر ربع ساعه في كاس الخليج...

وصدقنا ان الجوهر مدرب...!

وضخمنا نفسنا وكأن مافي هالعالم الا احنا...

ولا كأن فيه احد تأهل لكاس العالم 3 مرات الا احنا...

اللي يجيك ويقولك ان الحصول على كاس العالم حق مشروع..

واللي يقولك ان منتخبنا ماينقصه شي...

واللي يقولك المانيا ( اللي خذت الكاس 3 مرات) ماراح تاكل معنا عيش...

يعني ماخذين مقلب غير طبيعي في انفسنا....

يجب ان نعرف اننا ( لا شـــــئ) في عالم كرة القدم ( العالميه )

واننا لازم ندخل كما دخلنا عام 94 ... دخلنا لكي ( نبني) اسم لمنتخبنا..

بس المشكله اننا دخلنا عام 2002 ( للمحافظه ) على اسم لم يظهر للعالم حتى...

علينا ان نغير طريقة التفكير...

ان نتخلى عن الانانيه المفرطه...

كل لاعب يدخل ومنتهى طموحه انه يدخل ( كوبري) بلاعب مشهور...

او ( يسحب ) فيه...

كلن يحسب ان العالم مايتابع الا المنتخب السعودي؟؟؟

لازم لما ندخل لكأس العالم........نبدأ من الصفر....ماهو من 94...

ووقتها نتكلم عن الامور الفنيه...

تحياتي...

[مرهم عضلات]

صباح الخير
اولا أنا أحترم كلامك يا دكتور وأحترم كلام الاخوان اللي ردوا ولكن أنا لدي نقطة بسيطة أود أن أنوه لها وهي : (( أبا أحتسي باللهجه العاميه اسهل ))

1- البلا ما كان عبدالله سليمان بالحاله كل المنتخب كان دمار حتى اللي يشيلون شناطهم في الفندق دمار واللي ينظفون الغرف (( الروم سيرفس )) دمار وموظف الاستقبال دمار (( الريسبشن )) :) وكل الوضع كيف الحال وما وقفت على أن الدواد أزين من سليمان والا الخوجلي أزين من الدعيع ... هذا الكلام لو أن النتيجه 2/0 أو 3/1 يعني يمكن نقول أن لو أن الدواد كان فيه كان ما جاء ذاك الهدف ... لاكن المشكلة أنها 8 أهداف يعني مهيب نقص لاعب أو لاعبين المشكلة أن اللاعبين ماكانو يدرون وش يسون والله و أنا قاعد أناضر المباره ومشخص بأشتراكي والله اني أقول في نفسي وش المشكله هي الجه اليسرى والا الجهه اليمنى والا العمق ؟؟ وتدري وش طلعت فيه بعد ذا التفكير العميق (( طلعت في أن كل الخطوط سواااااليف حتى أن الحكم في أخر الشوط الثاني يقول للاعبين المنتخب : امسكوها بيدينكم ترا والله عادي ما راح احسب فاول )) يعني يا دكتوري الفاضل المسأله مهيب لاعب أو لاعبين المسألة الفريق ككل و أنا هنا اقصد تكيكيا وما أقصد مهاريا يعني فيه ناس يجون ويقلون لك ياخي سامي زلابه والا يقولون لك التمياط على باله يفرفر ..... ياناس يا عالم منتخبنا ما هجم هجمة وحده ولا لعب ولا باص صحيح وكان واضح على لاعبين عباره (( يارب تقضي المباره بسرعه)) الا درجة أن حسين عبدالغني أذا مر من عند دكة الاحتياط كان يقول للاعبين اللي قاعدين : تكفون افلقوني بقارورة الموية والا ارجموا علي كندرة واحدن منكم خلوني اتعور واطلع . يعني يا عزيزي لو كان الخيار لك وأخترت اللاعبين اللي تبيهم صدقني نفس النتيجة راح تدخل مرماك لان المشكله ماكانت من يلعب, المشكلة كانت كيف نلعب؟ كيف نلعب؟ كيف نلعب؟ كيف نلعب؟ تكرر هذا السؤال كثيرا وطلعوا بالحل الانسب وهو : لا نلعب بأي طريقه . فالمشكلة هي عدم وجود تكيك للعب المنتخب ... واذا بغيت تصدق أن المشكلة مهيب لاعب أو لاعبين شف هذا اللنك وتصدق أن المنتخب كان مجرّد من اي تكيك
http://1dcs.4mg.com/kg/ksa.htm


أذا ما فتح معك سو له قص ولصق .. واذا ما فتح أكسر جهازك :D