فطعمُ الـ(هاءِ) في أمرٍ حقير ٍ ** كطعمُ ال(هاءِ) في أمرٍ عظيمُ

[النمرة]

<center>http://www.geocities.com/al_nimrah/al_nimrah.gif

سسسسسسسسسسسسلامو عليكو ...:)

</center>
شوفوا بصراحه كذا يعني بصرااااااااااحه .. أنا قررت أخربها الليلة واكتب موضوع :D


أما عن الأسباب التي دعت إلى ذلك فهي :

1_ البطالة

2_ الفراغ

3_ الفضاوة

4_ كل ما سبق (( يعني افرحوا مافيه ولا سبب منهم يقول اني ابيكم تدعون لي كالعادة :D ))


أول شي أمي تسلم عليكم و تشكركم كلبوكم على مساندتكم لي خلال فترة الاختبارات العصيبة و تقول لكم ترى ان نجحت فلكم الشكر وان رسبت فلكم الشكر برضو

وانا قايلة لأمي ان نجحت ان شاء الله تراي بأعزمكم على حاشي فتكفون اللي دعى الشكوى على الله اما اللي ما بعد دعا لاعد يدعي :( (<<<خافت تبلش)

بمناسبة الحديث عن الدعاء والانتفاضة (<<<من وين طلعت) رحت مرة لحديقة أيام ما كانوا يخلوني ألعب بالمراجيح مع انها ما فرقت مرة يعني يمديني العب الحين لو ابي :(:D

كان معي ريال موزيته من سنة نوح و مار ألقى قدامي ناس ينادون للتبرعات و اناظر الناس يروحون يتبرعون رحت اشوف وش عندهم من باب اللقافة (<<< صريحه) قلت للرجال على كم التبرع (<<<احسب القسائم تنشرى بفلوس)
قال لي اللي تجود به نفسك هاتيه :) مير واعطيه ريالي و اقعد انا وياه نناظر بعض
احتريه يرجع لي الباقي :D

قال جزاك الله خير يا بنتي و تلقينه في موازين حسناتك
قلت : وشلون يعني الحين اخذت فلوسي و بس :(
قام اخذ قسيمة بخمسة ريال و شطب على الخمسه و كتب فوقها ريال و عطاني اياها يسكتني

و انا عاد رحت اكمل لعبي
ومار أعطش :(

رحت للكافتيريا طلبت مويه و 2 جالكسي و مدّيت للهندي قسيمة التبرع :(

قام نفخ علي الهندي :( كله من حق التبرعات يومه شطب على الخمسة أكيد درى انها مزوره :( :(

على العموم خلونا من سالفة التبرعات مهب هذا موضوعنا بس أبقول لكم شي للأمانة تراني تبرعت بخمسة ريال بس قلت اقولكم انه ريال وبس وشوله الرياء :D


يا معشر الطلاب و الطالبات الهاء من أمامكم و المؤجل من خلفكم فأين المفر ؟

ترى مافيها شي أبد ان الواحد يرسب في مادة مادتين وخير ياطير اللي تحمله اليوم تولده الترم الجاي مهب ضار ان شاء الله
والخوووف مهب من مواد التخصص هين هذي الواحد لا حملها يحملها وهو مشخص واثق من نفسه :D مهب مثل المواد العامة جعلها المصع تراها السم في الدسم :(

بقول لكم هذي السالفة عن إحدى الطالبات المنتظمات الشاطرات (<<<هذا ما يثبت انها مب انا)

عندها في ترم واحد خمس مواد من اللي همّ :( ما بين ريض و مشتقاته إلى مواد التخصص الدسسسسسسسمة بالإضافة إلى العرب (مادة عامة وهي اختصار لكلمة (عربي) <<< الاختصار اطول من الكلمة :D)

الدافورة نجحت في كل المواد و رسبت في العرب عادي شباب :(

و لا عمركم تتطنزون في أحد و أقسم بالله أني ما أقصد اتريق عليها ولاشي .. بس الحذر الحذر ياقوم


<--- عندها مادة عامه (وجه خانقته العبره)

ومهب ضروري ان قالوا انك راسب تصدق على طول يالكمخه برضو ما نستغني عن الدعاء (<<<ابد ما ينفع الا الصدز طلعت على حقيقتها)
ترى النتايج النهائية هي اللي تطلع في الكشف أول الترم لا تعتمدون على نتيجة الانترنت أعرف لكم طالب لقى نتيجته (هـ) في مادة غثيثة و ضاق صدره طول الصيف و هو محافظ على التراويح :D و سبحان الله لقى في الكشف انه نااااااااجح :) :) :)

الـــلـــه الـــلـــه بالـــدعــــــــاااااء

<--- تولم العصابة قبل الفلقه (وجه يصيح)


طيب على طاري العجز (<<<الا بالقوة تجيب لهم طاري) هذي مرة كنت رايحة عند بنات عمي و مبسوطين و فلة حجاج حلفوا علي انام عندهم وانا ما كذبت خبر و قلت طيب :)
شوي الا ابوي يدق و قال يالله اطلعي :( اثري نسيت اعلمه اني بأمرح
و يصيحون عنده البنات و تكفى خلها تنام عندنا هالليله و مدري وشو قال زين بس لا تسهرون :mad: <<< مدري وش بينه وبين السهر ياكافي
المهم و بينما كنا نتسامر سهرانين لين الساعه عشر الليل (<<<وحده خافت ابوها يقرا الموضوع)
ايه هلا يبه وش اخبارك :) :(

طيب بأقول هالكلمتين واروح انام ابشر :):(

7
7
7
7
ايه اقول لكم يوم كنا قاعدين شوي الا عجوز دقت على البيت الساعة وحده ونص بعد منتصف الليل :eek: تقول سلامو عليكم
رديت انا <<< راعية محل :D قلت وعليتس السلام ورحمة الله
قالت وشلونكم وش اخباركم قلت الله يسلمتس يا خاله عسى ماشر تونسين صخونة يومتس سهرانة لهالحزة :confused:
قالت لا بالله مافينيش بس بصراحه انتم مذكورين لنا يقولون عندكم بنت في سن الزواج (وجه مستحي)<<<وانتي عاد وش دخلتس فالموضوع
قلت لها هاه .. ايه لا مدري والله لحظه اشوف

واروح و ادق على امي في البيت قلت يمه وش السالفة انتم معلمين احد اني نايمه عند عمي :confused:

خخخخخخخخخخخخخخخخخخخ

المهم كلمت هالعجوز قلت لها طيب من اللي عطاس الرقم ؟ قالت شايفينكم ناس في عرس منيرتالاحمد على ولد جوهرتالعبدالعزيز يوم الخميس اللي فات و يقولون ان البنت ملكة جمال
قلت لها خخخخخخخخخخ شكلهم يا خالة راحوا للسوق ولاعبين عليس الا ان كانهم شايفين شغالتنا هذا عاد شي ثاني

وبنات عمي شوي و يقطعون يدي حتى يلقطون مني السماعة (<<< قطعت رزقهم خخخخخخخ)

ويوم تحكي قالت طيب علميني عن هالبنت وش شكلها
قلت صراحة يعني مدري وش اقول لك بس وشلون تبيني اوصف لك نفسي يعني (وجه مستحي) <<< البنات مصعوا خشمي يوم قلت هالكلمة
قامت تضحك و قالت معليش ما فيها شي بس قولي الصدز
قلت أبد ابشري بالصدق ولا شي غير الصدق
قالت انتي زينه؟؟؟ قلت لأ نحول :D(<<< رجفتني بنت عمي الله يقلعها للحين رجلي مورمه)
قلت لها والله اني زينه ولا اكذب عليك انا زينه في عين امي ومثلك خابره القرد في عين امه خخخخخخخخخخخ

الحرمة كنها هجدت شوي :( بعدين قالت طيب ما تخبرين لنا احد من ربعكم زين و يصلح للعرس :( قلت افاااا وراس هونتي ياخاله امزح معس وجع :) <<<اسلوب
قالت والله يا بنيتي انتس دخلتي قلبي مير ان الولد يبي زينه و تخبرين العيال هالايام ماش ما ينغذى ولدهم يتشرطون
قلت ايه بلا من زين التربية <<< ودّعت شي إسمه يدي اليمين بعد هالكلمة :(

قالت اها ما تخبرين ؟؟ قلت يا بنت الحلال الحين ورى ما تدقين على الوالدة بكره الضحى و تاخذين منها العلوم
قالت هاه لا والله مستعجلين خخخخخخخخخخخخخخخخخخخخخخخخخخخخخخخخخخخخخخ

لعنبوبليسها متصله الساعه وحده ونص تالي الليل تبي تخطب :(
للحول يا ولدها يبي يعرس الفجر اللهم يا كافي :(

((برضو اكرر و احذركم من التطنز ترى نتائجه وخيمة))

يوم دريت الا السماعة مرفوعة و يطلع ولد عمي يقول لي قفلوا السماعة يالحونط و روحوا ناموا :( :(

<---- ابوها معطيه رشوه :( :(

اني وي
&
&
&
&
&
اهم شي لا تنسون ادعوا لي :D



يامال الفانكس :)

[لووووول999]

ههههههههه لام الله من لامكم يا ابنائنا وبناتنا الطلاب لو انهبلتوا



شوفي عاد النمرة دعاء وندعي بس عاد اننا ندعي وانتي مقابلتن لي النت معصي


<==== مهوب عاقل سعد بن ابي الوقاص رضي الله عنه مستجاب الدعاء يوم يمن بهالدعوتين خخخخخخخخخخخخخخخخ



بس ترى يمدحون الفيقس وحلتيتة ربصيها عشان جنبك الايمن كله <===== اختصار للإصابات كلهن


بس كله كوم والعجوز شكلها ذابحتها الحساسية وتبي تضيع السالفة معكم



افهم من كذا اننا نقدر نقول ولكم باك لخبلة الاقلاع النمرة



بالتوفيق يارب وياجعلك تجيبين بي بلاس ( الله من النذالة بعد)



وبعدين ترى فيه طالب متخرج من جامعة الامام لغة عربية وعاطل وعنده نظام شبكات عشان البنات


يمديكم على المدرسين الخصوصيين بس :D


ان الفراغ والتخرج والعطالة ...... مكسب للاتصالت اي مكسبة <--- ماش انحجرنا بالوزن مشوها

[طرطعــــــانه]

( كله من حق التبرعات يومه شطب على الخمسة أكيد درى انها مزوره )
أثر كل البزارين بريئين يوم إنهم صغار
<<< قولي قسم :D
أما أنا لو أقول لكم مواقفي وأنا صغيره تسان ماقدرت أطب الإقلاع من الفشيله ( وجه شدوقه حمررررر )

هههههههههههههههه @ على سالفة خطبة تالي هالليول :D

بدعي لك .. بس تدعين لي ( مافيه شي ببلاش :D )

الله يعطيك العافيه :)

[حروف]

النمرة....يعطيك العافية :D :D

[amdady]

وعليكم السلااااااااااااام ورحمة الله وبركاته


يا هلا والله بالنمرة يا الله ان تحييها ... عاش من شافتس... وش من علوم ووش من اخبار.. كيف الريض.. إلى الآن والعقده ما بعد انحلّت ؟؟:confused:

إلا على طاري التطنّز .. أكتشفت بعد عدد من البراهين أن المثل القائل
الطنزه تلحق راعيها
صحيح 100% وقد جرّبته على نفسي :(
أعرف ثنين من الشباب الله يستر عليهم كل واحد منهم يسمع بالكلام ولا يدري وشلون يستخدمه.. ما يجمّعون ابد أكود من يونس شلبي في مسرحية مدرسة المشاغبين .. ومافيه الا استلام وضحك عليهم .. والله ما كمّلت اسبوع إلا وأنا أكود منهم معاد اجمّع في كلامي.. صرت أمشي ومعي قلم ودفتر خايف يلزّقون فيني عيياير يكفيني اللي فيني...

وهذا واحد اعرفه سمعه الله بالخير.... تطنّزت به وصرت أكود منه .. طلعت تسني شايب في مشراق يسمع اللي يجوز له واللي ما يجوز له ما يسمعه ...


والأمثله عن التطنّز واجد لكن لا يسع المجال لذكرها ..
<== يحسب عمره في برزنتيشن

ان شاء الله يا النمره تنجحين .. وتاخذين الأولى مكرر<== :D

[اللورد الوسيم]

هههههههههههههههههههههههههههههههههههه

الله واكبر عليك حتى التبرع فيه باقي خخخخخخخخخخخخخخ

هارد لك خيرها بغيرها يا خاله ترى البقا براسك الرسوب لعسال الحمايل:D :p :D

<<<<<<<<< يسمع برفع المعنويات :D

أشوى أني باح دراسه بس الخوف أفكر في التختره واتوهق ما فيها رسوب جيد جداً ولا أقضب الباب :(

[Ranz!sa]

والله إنتس صادقه مافيها شئ إذا أحد رسب
<~ وش عليها تخرجت ولا في عمرها ذاقت طعم الرسوب
قولوا ماشاء الله ووجع .. :D
كله كوم وهاللي تخطب في تالي الليول كوم ولاطاحت إلا فيتس .. خخخخخخخخخخخخ
صراحه كان قلتي لها العجله شينه ياخاله .. وكل تأخيره وفيها خيره .. وتراني أخبر لتس أم عيون معنا بالأقلاع وش ملحها ههههههههههههههههههههه

الله مير يسلمتس ترى المذاكره غثا .. " من هذه الجمله يتضح إنه أنا صديقه سوء "
وإذا مخربتها مخربتها غيبي عن الإختبار وشوله وجع القلب وإنتي حتى لو حليتي ماضمنتي النجاح بهالجامعه .. ماأقول إلا يازين الكليه بس ..:D

تشاو نمورتي .. وذاكري .. ترى إن نجحتي صح إنتي بتفرحين صح أهلتس بيفرحون .. صح كل أبوكم بتستانسون مع إنتس شلتي ماده على ظهرتس بس مايمنع .. ترى هم إحنا راح ننبسط أوي .. هماه ياطالبه :D
<~~ على بالها المعلمه الحين ..
نراك على خير تشاو ..:)

[يوكون]

كخخخخخخخخخخخخخخخخخخخخخخخخخخخخخخخخخخخخخ


اااابو التنسيم

تسلمين

<<< قاري الموضوع بس نسى وش قرى يعني لا تدققين

[قحطه]

ههههههههههههههههه

أقول بس عسى مهوب الطلبة يغدون مثلتس في الإختبارات :D :D

" واروح و ادق على امي في البيت قلت يمه وش السالفة انتم معلمين احد اني نايمه عند عمي :confused: "

خخخخخخخخخخخخخخخخخخخخخخ

جازت لي من جدي ذي :D :D :D

شكلتس مشفيتن على العرس يا النمرة ;)

:):)

الله يوفقتس يا شيخة في كل المواد

<==== مدري يمديه على الحاشي ولاّ لا !! :confused:


:D :D :D

[د.كيف]

لا وغلا بالنمرة ام انياب بارزتن ومهاي متبسمتن :) :) :)
<----- نسى توقيعتس :)
عندي نصيحة فولاذيه من واقع تجربه :)

انا في الترم الاول لي في الجامعه نكبني الله ودرست عند د.الجاسم في ماده 101 قصد هذا العن دكتور اقتصاد على وجه التاريخ ... طبعا الاخ في الله مايحضر .. واتذكر اني ماحضرت عنده الا خمس محاضرات ثلاث منهم كانت امتحان الشهر الاول والثاني والنهائي :)
المهم اني جبت في الاول صفر
وشديت حيلي في الثاني وجبت 21 من 30
والنهائي تصدق علي واحد من العيال بملخص عشرين صفحه ماطلع منه الاختبار وجبت فل مارك :) :) :)
المهم اني جبت عنده B لانه قال والله العالم اللي يجيب درجه زينه بالشهر الثاني والنهائي اعدل له الشهر الاول .. والعالم كانوا مطينينها بالاول :) :)

طبعا من شده الدكتور هذا انا كنت افتخر بالدرجه هذي واسولف فيها عند العيال (واللي انا اسولف عليهم كلهم حاملينها عنده على سبع وثمان مرات )
ومن بعدها وانا من جرف لدحديرة كل ماده ادرسها من اربع الى خمس مرات :) :)
الى درجه ان الدكاترة صاروا ينجحوني من باب الميانه :) :)

وهذاني للحين اعاني وباقي على التخرج سنتين مع انها خامس سنه لي في الجامعه :)



يعني بالعربي اللي يجيب درجه زينه يقول نجحت بدال والله يكفيكم شر العين :(

[وسط.المدينه]

اول شي السلام عليكم ...
ثاني شي حياني الله بموضوعك...

اجل بنات عمك يصيحون عند ابوك يبونك تنامين عندهم ... يعني وشلون بتعلمينا انك راعية وناسة وسعة صدر
وانك مرجوجه وبنات عمك ماتكمل فلة حجاجهم الا فيك :D .... تصدقين ضاهرة ورا ما تخلون بنتكم تمرح عندنا احسبها انتهت ....

<<<<<< تمدن من تالي :D

بعدين الله يعينك على هالريض والجامعه .... صرت اتهرب من الجلسه مع الجامعين ... صايرين غثيثين هاليومين ... ماغير يتشكون وسب بهالدكاتره .. :)

اما سالفة العجوز اللي متصله ..... اشك انه رجال مسوي فيكم مقلب :D ... وانتي ماخذه الموضوع تريقه عليها ماتدرين انه هو اللي يضحك عليك ( مقتنع انه رجال ماادري ليه :D )...

تحياتي لك

[بلا زيف وخداع]

الله يوفقس ...

وتجيبين AB+

<--- فصيلة دمه :(

الا هذا ثاني موضوع عن الخطبه اقراه لك ماعندك غير السيناريو هذا :D

<--- يتضايق اذا سمع موضوع خطبه وده يشيل الفكره من راسه :(




يالخبله اخاف انه رجال يقلد صوت عجوز ويستهبل :eek:

لا يكون ابوك بس :p

يالله الله يوفقك وتتزوجين واحد مطنوخ يفطركم فول ويشميكم في الصمان ويشتري لكم انتل يطلع القناه الثانيه :p

لالالالالالالالالالالالالالالالالالالالالالالالالا لالالالالالالالالا لا تحقدين علي :(

خلاص الله يوفقك وتاخذين على الي في بالك ( انبسطتي :) )

يالله فمان الله ...

[قرن ابليس]

هههههههههههههههههههههههههههههههههه
لا الاختبارات لاعبه لعبتها معاك من جد


"الرد بعد ماتطلع النتايج :) "

[softy2000sa]

سلامممممممممممممم يالنمره ...
عندي سوعال مقلقنى ....
ابى اعرف كم بنت عمه عندك ؟هههههههههه.
<<<<<< ياشين اللقافه

[مستره بطه]

هههههه والله انك مصرقعه .. اجل قسيمة تبرع ...
==== ابد ما حركت ذكريات سودااء

هلا والله بالنمره ما فيه حد مبسوط برجعتس للاقلاع مثلي ..
ولو ان طاري الجامعه جاب لي ام الركب ...

حياتس ;3

[ابودمجه]

هههههههههههههههههههههههههههههههههه

اجل من اللي معلم امك انك ممرحة عندهم...

منتب عاقله يا ماجد عبدالله...
<====يحسبه احسن شئ في العالم...


ولكم باتس ..

وانشالله التواصل يستمر...
<===معينيه يرد على بريد القراء في فواصل :)



تحياتي..:)

[مالها الا هلالها]

كخخخخخخخخخخخخخخخخخخخخخخخخخخخخخخخ
مرجوجه ياناس <== انواع الميانه :)

اما عن التطنز في المواد .. تصدقون ياجماعه أنه في ترم لي نجحت في كل المواد التخصصيه وحملت الـ 102 عرب .. والـ 101 نجم ... الحمد لله بس !!!
ولا فيه أحد يسقط في ذي المواد .. ياربيه من جد لين ألحين متفشل من نفسي .. الله لايعيده ويعدي إختبار بكره وعقب بكره على خير ..

إلا من جد الجامعه هالسنه وش فيها .. ليه مأخرين إختباراتنا ؟؟ .. تصدقون بعد أنه عام 98 أقول تمام في كاس العالم الجايه بكون معطل :) .. بس ذولا مدري وشفيهم الله يرجهم ..

كل الأمل في كاص العالم الجايه ..

برايفت لذي أم نيوب بارزه وتخدش <== ياي :
ترا اللي وصيتيني عليه ماسويته .. وأعذريني منيب مسويه .. من جد درست الموضوع من كاقة جوانبه لقيت إنه إحراج بقوه !!!
كسم بالله إن تحيلني أمي على التقاعد ياشيخه !!!!

مرسي أوي ..

[منتهي]

انا للله من هالريض الي ما افتكيتي منه الين الحين.!!!:D
مشكورة على الموضوع
والله يوفقك ان شاء الله...........على ان بوادر كلامك تقول انك شايله المواد كلها هذا الترم :D :D :D

[شــان]

موضوع رووووووووووووعه....راااااااااااااااااااااايق......


راجع له..;1

[الإشعــــاع]

-
-
-
هلا بالنمرة من وين طلعتي <<< اكيد من الغابة يعني من وين؟
-
ثانيا :
بالنسبة للخطبة:
تراتس صادقة اهم شيء الاخلاق والا الزين ماهوب مهم حتى لو مثل كليمونص أشقر اللهم لك الحمد <<< ايه هين ايست البنت
-
-
ثالثا : <<<<<<<تاثير الاختبارات

بالنسبة للنجاح والرسوب .. اهم شيء الاخلاق <<<< يسمع بذالكلمة
-
-
بس شكل عنك ماسنجر مغبر طلع لنا ناس فاقدينهم ههههههههههههههههه

بس الله يوسع صدرك بالعافية وموضوع يستاهل المميزه بس تعرفين واسطات <<<< يبي يفتن
-
ولا عليك امر اذا رحتي لعرس مرة ثانية علميني <<<< يبي يتشمت ويوصي العجز
-
-
-
-
-
-
-
-
-
<<<<< بس عاد كل الي فوق ماكفاك

[مقلطهم]

"النمرة"..مقلع قادم بقووة
<--------توه مسجل بالاقلاع :D

[ثورة الشك]

<<<<<<< من اللي كانوا يدعون لك :)

>>>>>> يبي يجي الدعوه وبيجيب معه محرمه <<<< على وزن محرم

على طاري المحارم

مدري سمعتي بالمصريه اللي جت تبي تحج وانصحوها انها ماتروح الا بمحرم ؟؟ قالت لهم ماعليكم ابي اشريه " اما مصريه واشريه !!! كثر منها ذي " :)

>>>>>> كح كح كح " احس اني غبرت في وجهك "

بس سالفتك في الحديقه والتبرع ذي حركه

انا يوم كنت صغير نفس الدلاخه تقريبااااا ... تذكرين الببسي كانت تجي فيه جوايز على غطاته
كنت دايم افكر اي رسام يبي يساعدني ويرسم لي على الغطا ثمن اوديه لهم بزعمي لقيت الجايزه >>>> من صغره وهو روبيرت دنيرو :)

على طاري القامعات :) يقولك هذا واحد ابوه غاااااااااااثه دايم يقول له انتبه تحمل انتبه تحمل يقول الولد هذا إنه خاف ابوه يجيه في يوم ويدفه بحبوب منع الحمل :)

بس ممكن النمره ... توضيح هـ في الجامعه وش تعني >>>> خريج الصناعيه تكييف وتبريد هههههههههه :)

تدرين سالفة العجيز هذي حررررررررررررررررررركه

واكثر شي مووووووووووووتني من الضحك سالفه السهر لين عشر في الليل ويوم تقولين خايفه ابوها يقرا الموضوع .... على ذي ابوها سبيكه براسك يالخبله >>>> ذب الميانه :)

على العموم سويلفااااااااااااااااااااااات رهيبه
ويعطيك العافيه
والله ينجحك في الريض دنيا واخره
تخيلي بعد في الأخره يطلع لك ريض خخخخخخخخخخخخخخ

تسلمين اختي

[شروق الفجر]

ياعيوني يانمووره وربي اذا تخرجتي يمكن افرح اكثر من اهلك .. لا ويمكن انا اللي بجيب الحاشي:)..(نعنبو هالريض اللي مهبل فيك..
بس ماعليك من كل هالخرابيط.. وحشتييييييييييييييييييييني

[أثغيرون]

أهلين خيتو نمره ام ثنون

وث الثالفة؟؟ متى هونتي من الاعتذال؟؟:D

انا قبل اثافر قريت خبر اعتذالك , بثري عثى هونتي؟

والا وحشتك الملاعب الادلاعية

خلاث اذا تذا نبي نثميك ((((دابو الاقلاع)))):D

بث على فترة موضوعك يذنن ,,,, تالعاده يعني:cool:

[الآنسة كدرجان]

يقولون ضيقة الصدر تسوي أكثر !!... منشان هيك قالت لي صاحبة الموضوع صديقتي الخبله .. أنها نزلت تحفه في العام ... لذلك جيت أكمل الناقص وأفش خلئي يالله عاد (زحفي ) لي :( ...
المهم اسمعي ... اهم شي الواحد يستانس والا الدراسه لاحقين عليها .. وبعدين من زين هالوظايف اللي تحتريك ... أقضبي جامعتك ابرك لك ... والله يوفقك يا رب وتاخذين البكالوريوس في 10 سنين ;1 !!
<<< من خيرك كفي شرك s:

المهم مره ثانيه ... ابعدوا شوي .. ابفضفض ..... ايوووووووه .. الله مير ثانكيو :)


***********

(فششششششششششش خلئك)

نرحب فيكم في حلقة جديدة من برنامج ( طيبين .. حلوين وبنزقح) واللي راح نستقبل فيه اتصالاتكم ونسمع فيه همومكم ومشاكلكم .. لكن صفقوني أن لقينا لكم حل ... بس تذكروا أننا طيبين .. حلوين وبنزقح J .. وقبل ما نبدا نبقى للحظات مع الإعلان .... وراجعين ...

نحنُ نمــــــارسُ البيروقراطيـــــــة ..
نحنُ أيضـــــــاً نُصدرُهـــــــا ..
ونتفنن في صنُعهــــــــــا ..

ترا رررررررررا << مؤثرات صوتيه :)

نحنُ نصنع الديكتاتورية ...
نعجنها .. ونخبزهـــــــا ..
وإلى المائدة نُقدمهـــــــا ..

ترا رررررررررررا << برضوه مؤثرات صوتيه ;1

نحنُ نتعلم الديموقراطية ...
نحفظهــــا ... نُرددهـــــا ..
ونتغنى بهـــــــــا !!

ترا ررررررررررا << خلاص عاد ما يحتاج أقول لكم أنها مؤثرات صوتيه ;1

كــــــل هذا تحت اسمٍ واحـــــــد ...
( الدوائر الحكوميـــــــة ) ;)




أهلاً فيكم مره ثانيه .. ومعنا اتصال من مزنه من السعودية ..
مهيان : ألو مزنه ... مرحبا
مزنه صراحه إعلانكم كذا ... هلا والله وغلا بمهيان .. كيفك ؟!

مهيان : الحمدلله عم ندفُش ... أنتِ وش أخبارك ؟!
مزنه : تصدقين أني ما أدري !! من زمااااااااان ما فتحت التلفزيون ;1 !!

مهيان تتصنع الابتسام : ههه يا ثقل دمك يا مزنه وش عندك ؟!
مزنه : تصدقين أن امي تقوله ؟! .. بس مع ذلك احبها واحبك .. وبرنامجك أحسن برنامج على الكره الأرضية .. وتسريحتك تجنن .. ولك وحشةٍ من كبرها صحت : ( وووووووينك ؟! ) ;1 ..

مهيان : الله مير يسلمك .. هذا من ذوقك .. بس اخلصي علينا وش عندك ؟
مزنه بأسى : آآآآآآآآآآآآآآآآآآآه يا مهيان !!

مهيان : أفاااااا ... وش فيك ؟!
مزنه : آآآآآآآآآآآآآآه ... وآآآآآآآآآآآآآه ... وآآآآآآآآآآآآآآآآآآآآآآآآآآه ..:(

مهيان : لا .. لحنيها أحسن !! .. سقطري ياخذك .. قولي وش عندك ؟!!
مزنه : آآآآآآآآآآه يا مهيان .. " لاضاق صدري ابتصل وازعجك *** الله يعينك كلما ضاق صدري :(" !!

مهيان : أفااااا يا ذا العلم !!....
مزنه تقاطعها :يا ربيه يا مهيان .... أحس بتّكه :( !!

مهيان : وشو ؟!
مزنه : تكّه .. تكّه .. يعني ضيق في التنفس مع كتمة شديدة مصحوبه بزوابع رعديه !!

مهيان : عز الله اللي فهمت !! .. المهم وش اسباب التّكه ؟!
مزنه : عدي واغلطي يا بنت الناس ..بس مابعد حطيت يدي على واحد فيهم ... يالله يا مهيان .. أحس باكتئاب فظيع مخلوط بـ خذلان ما طحن وملعقة كبيره قهر :( !!

مهيان: أجل فيك عين يا بعد قلبي !
مزنه: أقول مهيان .. أنا أحكي معك وألا مع جارتنا شمّا ؟!

مهيان : ليه .. أنا قلت شي ماله داعي ؟!
مزنه : آلحين أنتِ انسانه فاهمه وواعيه ووش ملحك حتى درجة الروج حقك تهبّل ;1 .. وعلى طول تقولين عين ؟! .. ابحثي عن الاسباب وبعدين شخصي العله يا مال الماحي !!

مهيان : طيب يا الشينه أنا أقول لك وش الاسباب هذي وأنتِ تقولين ما بعد مسكتها برقبتها .. بصراحه ما أدري أي أسلوب ينفع معك !!
مزنه: الرقه .. والحنيه .. والئلب الكبير ( انحش يا الثقافه المصريه ;1 )... بعدين تعالي فيه فرق بين أني أعرف الاسباب بس ما أقدر أحدد السبب الرئيسي .. وبين أني ما أعرف السبب أصلاً ..

مهيان : ما تلاحظين أنك تطولينها وهي قصيرة ؟!
مزنه : وش هي ؟!

مهيان : لا أبد ولا شي .. كملي حتسيك ..
مزنه : ايه .. عاد أقول لك .. فيني تّكه !!

مهيان : رجعنا على طير يا اللي ... !! .. قولي لنا الاسباب وريحينا ..
مزنه : طيب أنتِ مستعقله على ايه يا اختي ؟! .. آلحين ندفع لكم فلوس علشان نشوفكم وتسمعونا .. انثبري وخليني اتكلم !!

مهيان : يا زين الاسلوب بس ! ..
مزنه : مهيان ووجع .. وراك تقاطعيني .. ترى هذي تخرب كل أدب الحوار اللي بيني وبينك ...

مهيان : طيب انجزي .. لنا ربع ساعه واحنا نلت ونعجن وشكلنا بنخبز بعد !
مزنه : ايه .. اقول لتس .. هماني أعاني من حمى الوظيفه .. قد سمعتي بها وألا لا ؟!

مهيان : قصدك حرارة أو قلق الوظيفة ؟!
مزنه: كلهم واحد .. المهم أنك في النهاية تطلعين مصخنه !!

مهيان : طيب سؤال واحد إذا ممكن يا مزنه ؟
مزنه : سمي يا العيون اللي تمشي سيده وما تسمي ;1 !

مهيان : أنتِ وين تشتغلين ؟
مزنه : استحي أقول لك لأن اسمها يفشّل !

مهيان : لا عادي .. من بعد الثمانيه ما عاد فيه شي يفشل ;1 .. احتسي ..
مزنه : والله فشيله !!

مهيان : ترى أبجي اتوطى في بطنك .. قولي وألا قطعت الاتصال في وجهك ..
مزنه : لا عاد تكفين .. كل شي الا هذي ترى أنا حساسه ما اتحمّل !

مهيان بحزم : باختصــــــــــار يا مزنه ...
مزنه : بكل الفشيله ... في الجامعة العربية !!

مهيان : علشان كذا !! .. الله يلوم اللي يلومك .. طيب قصي علينا معاناتك ..
مزنه : أنا ما أعاني .. وش فيك اليوم صايره كأنك دكتور ما بعد اجتاز الامتياز ؟! .. جامعتنا يا مهيان فيها ميكروبات قاتلة !

مهيان : أيش ؟! .. وشو ؟! .. وووات ؟! أول مره اسمع بهالشي !!
مزنه : تعرفين ليه ؟!

مهيان : لا ... نوريني ..
مزنه : ترى عندك 3 اختيارات الاستعانة بالجمهور أو الاتصال بصديق وألا ظفي وجهك ;1 !

مهيان : لثاني مره أقول لك يا ثقل دمك !!
مزنه : الله مير شكراً .. المهم .. أقول لك .. تصدقين أننا نجتمع كل أسبوع 3 مرات تقريباً ؟!

مهيان : ليه .. بتصنعون القنبلة الذريه ؟!
مزنه : ياليتنا نصنع لنا لو سكود واحد على الاقل ننجز شي .. بس المشكله أننا كوادر معطله ! .. مهيان أنتِ وش رايك ؟ وش تقترحين علشان نطلع من هالدحديره ؟!

مهيان : بسيطه .. اجتمعوا كل شهر 3 مرات ;1
مزنه : لا .. يا مهيان .. هذا حل ماهو عملي .. تدرين أنا وش أطمح له ؟!

مهيان : لا ما أدري .. أنتِ قلتي لي شي ؟!
مزنه : ودي يمر شهر واحد وأنا ما حفظت كم طول طاولة الاجتماعات المستطيلة ! وكم عرض القاعه المستديره !

مهيان : طيب نقلتي لإدارتك طموحك هذا ؟!
مزنه : لا طبعاً لأنهم مشغولين بالاجتماعات .. بس هم ما يقرون الكتب وما يعرفون أن كثرة الاجتماعات من عيوب الإدارة ؟!

مهيان : أحياناً الانسان ما يكون فاضي علشان يقرا كل شي .. وعلشان كذا لازم نختلق الاعذار لهم وننبهم ..
مزنه : أقول انطمي بس ... آلحين إذا كانوا ما يقرون ومافهموا شي وش يجيبهم لـ الجامعه ؟!

مهيان : طيب .. وغيره ؟
مزنه : كل يوم .. اجي الدوام .. اقرا الجرايد .. اطلع من الدوام .. واذا تغيّر الجدول .. يصير كذا .. اجي الدوام ... آكل كراث .. واطلع من الدوام .. واذا صار فيه انجاز ذاك اليوم .. اجي للدوام .. اسوي مؤتمر صحفي واعزم خلق الله.. واطلع من الدوام !

مهيان : وأنتِ وش تبين ؟!
مزنه : أبغى أجي كل يوم .. بس ما اقرا التهليل والتصفيق والمدح !

مهيان : طيب .. سهله .. لا عاد تجيبون جرايد !
مزنه : لا ما ينفع .. تجينا ببلاش .. وتبغينا نقول لا ؟! .. روحي يا شيخه;1 !!

مهيان : وش الجرايد اللي تجيكم ؟
مزنه : الله من اللقافه !

مهيان تلقط وجهها : طيب وش تقترحين ؟!
مزنه : يا اختي يا يكتبون صح وألا ينقطونا بسكاتهم !!

مهيان : مزنه يا عمري .. ما تنعطين وجه .. وش عندك بعد ؟!
مزنه : كل مره ينددون ويشجبون .. على الطالعه وع النازله !

مهيان : طيب هذي وش فيها ؟! .. هذا دورهم ولازم يأدونه !
مزنه : وش دورهم أنتِ الثانيه ؟!! ... إذا كانت المشاكل تحل بهالطريقه .. عز الله اللي راحت أمورنا وطي !!

مهيان : صراحه يا مزنه انا احترت فيك .. من متى والناس يروحون لوطي .. خابرتهم في قريح ;1 ؟!
مزنه : تصدقين يا مهيان .. ومعليش على هالجمله .. أنتِ تفكيرك ما يتجاوز حدود خشمك !!

مهيان : هذي سبّه وألا أيش ؟!
مزنه : وش دعوا ؟! .. أمدحك يا شيخه ;1 .. " حبيبي رماني من عيونه ثمان سهوم***غدا القلب له مرمى وهو لاعب ألماني " ;1 !

مهيان : يا حبي لك يا بطه .. هاااااه أيش كمانا ؟!
مزنه : لك بصدري كونغرس وأعضاء ومجلس وزاري*** كلهم صوّتوا لك بالغلا في كل جلسه " ;1 !!

مهيان : وأنا أشهد .. بس كملي مشاكلك يا سحاب ومزون :)
مزنه : آآآآآآآآه يا مهيان .. وش أقول بس !

مهيان : قولي كل اللي عندك يا بعد قلبي ..
مزنه : يا حبي لك يا بنت الناس .. هذا الذوق والاحساس والشعور بالمشاركه .. تصدقين أننا نفتقد لهالاشياء في أجواء العمل ؟!

مهيان : هذا طبيعي .. بس في اعتقادك وش السبب ؟!
مزنه : تصدقين أني ما أدري !

مهيان : طيب مزنه .. الانسانيه متى تُفتقد ؟!
مزنه : إذا كانت الأرض خصبة بالأقاويل والجيوب مليانه بدون تعب!!

مهيان : وهذا معناه أيش ؟!
مزنه : معناه أننا نحتاج لمساحات من البيـــــــــاض .. مو البيض !

مهيان : يوووووه ذكرتيني ببيض العيون مشتهيته ;1 ... المهم .. وش عندك بعد ؟!
مزنه : تصدقين أني رحمت نفسي .. ودي أصيح :( !

مهيان : البكاء علاج فعال أثبتت التجارب نجاحه !
مزنه : يا كرهي للكلمات الكبيره .. وش قالوا لك ريد وألا بف باف ؟! .. خلاص هوّنت !!

مهيان : طيب .. كملي فشة خلقك ..
مزنه : تعرفين قصة ( حتى أنت يا بروتوس ) .. أشهر الأعمال المسرحيه ؟!

مهيان : ايه اتذكرها .. ويضيق صدري .. يا شين الثقه اللي ماهي في محلها!
مزنه : ألا يا شين اللي مجتمعين في جامعه .. وكلمتهم ماهي واحده .. كأنهم يلعبون (بُزل ) .. بس دايماً تطلع الصوره ناقصه !

مهيان : أي صوره ؟!
مزنه : صورة جدتي هيله !!

مهيان : آلحين جدتك اسمها هيله ؟!
مزنه : ايه ابشرك ويدلعونها شارلوت .. أقول مهيان ... ما أحد قال لك قبل أنك دلخه ؟!

مهيان : لا .. أبداً .. وإطلاقاً والبته ..
مزنه : طيب هذا أنا أقول لها لك ... :mad: !!
طررررررررررررخ ..

*********

حطوه على القناة الأولى الله لا يهينكم :D

[قرن ابليس]

هههههههههههههههههههههههههههههههههههههههه
ههههههههههههههههههههههههههههههههههههه
هههههههههههههههههههههههههههههههههههه
هههههههههههههههههههههههههههههههههههههههه


<-- يقرى رد كدرجان ويضحك خخخخخخخخخخ

من وين طلعتي الله يرجك

[طايرتن بوهتها]

لا لا لا لاااااااا
النمرة حبيبة الملايين منزلة موضوع؟:D
ايه الهنا ده:D
وكدرووجة منورة بعد؟:D
لاااااا الوضع مو طبيعي اليوووم:)
رااااااااااااقعة بس هاذي تحية على الطاير كذا:D
<==محدن حاس فيك ترى:D :D

[طايرتن بوهتها]

ياويلكم من ربي يالظااااالمييين
اجل انا عضو توه جديد ياللي ماتستحون:p
من جدددد
توي متشققه اني صرت مهوب جديد ورجعت مرة ثانيه لعضو توه جديد:(
لااااا شوفي لي حل تكفووون
سوووري نموووره بس اني منقهره والله;7

[النمرة]

لحظة ولا يهونون اللي ردوا كلكم :


آويييييييييييييييها..
والدنيي الليله مهي دنيييييّ ..

آويييييييييييييييييييها ..
وعتاب سبنسر هنيــي ّ <<< قلبت كويتي

آويييييييييييييييييها ..
ولك يخرب بييييييييتك يا صبـــييييييّ

ياحبني لك يا شيخه قسم (قلب كبر جبهة ذروق داخله سهم ويصبصب دم)
ييزي عاد اصبري لين يجي دورتس :D


لوووول/

هههههههه الله يسلمك مار بعض من خبالكم ياطويل العمر جعله في موازين حسناتك <<<تسمع بالدعاء

وش بي بلاسه ياخي قل هيد آند شولدرز يمكن :D

(((ان الفراغ والتخرج والعطالة ...... مكسب للاتصالت اي مكسبة)))
شف يا اخا العرب من ناحية الوزن ترى ماعليه لكن أنا أشك ان البيت مكسور (<<< خلاص مسكت

معها)

مشكووور على الطلة يسلمك ربي :)


طرطعانه /

ابشري يالللللللللللللله ياكريم انك توفق طرطعانه ومن والاها من المسلمين (لا يغرك ظاهر الدعوه ترى

كني مادعيت لأحد غيرك :p)
<<< بريئة

تسسسسسسسلمين و يعافيك ربي :) :)

حروف /

حروف .....الله يعافيك :) :)

أمدادي /

هلالالالالاللاال حيا الله امدادي وشلونك ياخيي عساك بخير وش الدنيااااا بك :)
والله انا الحمدلله ابشرك بخير ونعمة بس هماك انت بخير <<< يعنني ذوق :D

هههههههههههههههههه اما عن مواقف الطنزة فحدّث ولا حرج :s يالله لا تشمِّت بنا ولا تشمِّت علينا

بس
تسلم مشكور على الدعوه الله يقبل منا ومنك جعلك ان شاء الله تاخذ الأول خام <<< بترول :p
حياااك ربي :)

اللورد الوسيم /

ابد على ماقالوا هارد لك و هارد لنا مافيها شي :D
خل عنك الدفرنه بالله و شف لك وظيفة في احد هالملاعب مب لو انك رايح توريهم الفن في اليابان الحين

أصرف لك من دراستك :p

أم عين وعين /

هلالالاللاالا اههههههههههههب اهببببببببببببببببببببببببببببي معاااااااااااااااااقبه
<--- بتنظلك على التخرج مهب على النجاح لا تخافين :)

تسلمين يا بعدي على هالدفعات المعنوية .. بس وش قصدس تبيني ارسب :mad: بأعلم امي عليس

كودها تخطبس (<<< عندهم الخطبة مدرجة تحت العقوبات :D)
تشاو انتي :) :)

يوكون /

وقالوا لك عاد بأسمِّع لك هههههههههههه

مشكور على الحضور والقراءة :) :)

قحطه /

هههههههههههه ياخي لا تصدقون القصة من نسج الخيال يا شين اللي ما عندهم بُعد

مسرحي <<<وش تطلع ذي

وابشر بالحاشي اللي ياصلك لين بيتكم بعد
<--- بترسل لكم صورة البعير في محاضرة الريض خخخخخخخ
حياااك :)

د.كيف /

الله يحييك ويبقيك مير وش الطاري اشوفك راكز من تالي قطك تشرب حليب الصافي <<< معطينها

قسيمة ام عشرتاريل للدعاية :D

على مييين الله يرضى عنك تبينا نصدق انك جايب B ياخي قل انك جبت A+ وما تبينا ننظلك
<--- بتزيد الطين بله :D

الله يكفينا وياكم شر العين و الناس اللي ما ترحم قل آمين :)


Down.Town / <<<يعنني اعرف لغات

وعليكم السلام ورحمة الله وبركااااته :) وحياك الله في موضوعي توني بقولها :D

والله انك صادق مدري شلون نسيت اعلمكم اني أنا اللي اكوّش عليهم في البلوت دايم و انا اللي أشتري

كل الاراضي في المنوبولي و كل مالعبنا كورة سجلت فيهم 8 أهداف ضدهم كلهم وانا لحالي فريق :p

<--- جدها الرابع ألماني

لالا العجوز اللي متصلة هي ولد عمي يستهبل ياخي انتم وش فهّمكم في الحبكة الدرامية <<< راجع رد

قحطه
تحياتي لك <<< هذي مهب غريبة علي متأكد انك ما تقرب لمهندس الاقلاع :D

حيااااااك ياخوي وشكراً على المشاركة :) :)


بلازيف وخداع /

ياخي وشسوي لك بعد ياللي ما ترد إلا على مواضيع الخطوبة :p
((( خلاص الله يوفقك وتاخذين على الي في بالك ( انبسطتي ) )))

وش قصدك يعني تبيني أتزوج جني حرام عليك :( :p

مشكووووور على الحضور و الله يوفقنا وياك في طاعته :)


دايم الشوق /

ههههههههههههه لا لا هي بس الاختبارات اصبر علي بأطلع شحنات سنة كاملة من الكبت بس عطوا

سداح فرصة :) :)

حياااك :)





معليش تعبت يا جماعة نشوفكم ان شاء الله بعد البريك (<<<البريك والا السدلان)

يامال الفانكس جميع ً :)

[مخنوشه]

أهلين اختي النمره ...
الله يعافيس رفعتي من معنوياتي ...صح وش فيها لو الوحده حملت ماده او ثنتين وش فيها؟؟؟
مب اول وحده ولا اخر وحده:)
عالعموم مشكوره اختي عالموضوع الحلو :D

[واحد قلق]

الله يوسع صدرك بالعافية يالنمرة
من زمان عن ذا الخرط السنع :D
ويش فيها عاد لو انك واصفة حدا بنات عمك لذي العجيز يمكن تجوز لها ;2 .. يعني ياتاخذك انت يابلاش ؟؟؟؟؟؟؟( الله من النحاسة:) )

وبعدين الله يصلحك..ويش لك واشل جبهة ذرووق :(
الحين تبي تشم خبر ان جبهتها انذكرت فيذا وتجي مااااااااسكة خط وما احد يوقفها لين تطب فيك:D

ابي اجلس وانتظرها تجي واتفرج :)

<=== ابد مهيب تحب المهاوش والمطاقق :D

[دايم على البال]

<------------- حاسـّه ان فيه أحد يتطنز عليها http://www.theunholytrinity.org/cracks_smileys/contrib/sarge/Looking_anim.gif

لا لا أكيد فيه أحد قاعد يتطنز عليها http://www.unique-hardware.co.uk/server-smilies/cwm/3dlil/eek13.gif

نمروووووووووووووووه http://www.unique-hardware.co.uk/server-smilies/cwm/3dlil/eek13.gif نا ما قلت لك روحي ذاكري ؟؟؟؟؟

بعدين تعالي هنا أشوف http://www.unique-hardware.co.uk/server-smilies/cwm/3dlil/eek13.gif وش سالفة البطاله و الفراغ و الفضاوه :( ؟؟ أشوف ما ناقص إلا الوشـّه http://www.theunholytrinity.org/cracks_smileys/cwm/cwm/silly.gif

بسم الله عليك الرحمن الرحيم :confused: وش هالهذر كله ؟؟؟ الظاهر ان حالتي صايره تِعدي :D

هاههههههههههههههه الله يرجك ذكرتيني بهبال تالي الليل !! أما زينه و نحول قسم موتيني ضحك :D يا حبيلها هالعجوز تححححفه!!

كنها وحده دقت علينا.. تقول هذا بيت الفلان :( ؟؟

قلت لا يا خاله الظاهر انك غلطانه :rolleyes: .. قالت طيب ما تعرفون رقمهم http://www.colute.net/cwm/contrib/ruinkai/wscared.gif ؟؟؟؟؟
<---------- اغمي عليها :D

هههه على طاري المواد العامه .. هذي الله يسلمك يسمونها مفاجأة الموسم :p لييييه ؟؟؟

لان فيه ناس كل الترم ما يدرون وش الطبخه <------- :rolleyes: و يحضرون المحاضرات عن قولة ما حضروا :D و بآخر الترم يلقون قدامهم ملزمه من الحجم العاااااااااااااائلي http://www.theunholytrinity.org/cracks_smileys/contrib/blackeye/SHOCKED.gif يعني لو بتقعدين تدرسين فيها انتي و أهلك ما خلّصتوها http://www.theunholytrinity.org/cracks_smileys/cwm/3dlil/ugh.gif وهنا تبدأ عاد عمليه الحذف العشوائي http://www.theunholytrinity.org/cracks_smileys/cwm/cwm/freak3.gif و السباق المسعور مع الزمن .... وبما انك كنتي قاعده نصف الليل تذاكرين والنصف الثاني تدعين http://www.theunholytrinity.org/cracks_smileys/cwm/cwm/crying.gif
فاااااااا إن شاء الله .... تبي تنجحين :D

الله يعافيك على ذا السواليف ;) والله انفتحت ازاريري مدري اساريري :D

وياااااااااااااااااا رب تــ.....;)..... ين !!

ترى هالمرّه شي ثاني ماله علاقه بالدراسه :p :p

[شــان]

كاكاكاكاكاكاكاكاك

هـ هـ هـ هـ <<< + + + + :(

=================

كله من حق التبرعات يومه شطب على الخمسة أكيد درى انها مزوره .....

يعني لو ما شطب بتطلع خمسة حقيقيه <<< دايخ:D

==================

شي للأمانة تراني تبرعت بخمسة ريال بس قلت اقولكم انه ريال وبس وشوله الرياء ......

آها أنا كنت عارف من البداية من يوم قلتي أن حق التبرعات عطاك قسيمة خمسة ريالات << بزر ذكي

==================

و يصيحون عنده البنات و تكفى خلها تنام عندنا هالليله و مدري وشو قال زين بس لا تسهرون ....


خخخخخخخخخ زي أبوي الله يالدنيا يوم كنت أمرح عند ولد عمتي كان يقول لا تسهرون وفعلاً ما تجي 6 الصبح ألا وحنا نايمين:( <<< كان عندهم دش أيام كوثر البشراوي ورانيا برغوث

=================


~ ــــــــــــــــــــــــ~~~~~~~~~_________________ _____//÷÷÷÷÷~~~~~-

;1 ;1 ;1 ;1 ;1 ;1 ;1 ;1 ;1 ;1 ;1 ;1 ;1 ;1 ;1 ;1 ;1 ;1 ;1 ;1 ;1 ;1 ;1

~ــــــــــــــــــــــــ~~~~~~~~~________________ _______//÷÷÷÷÷~~~~~


<<<<<~~~~~~~~~~~~~~~~~~~~~~~~~~~~~~~~~~~~~~~~~>>>>

فطعم الهاء في أمرِ حقيرِ **************** كطعم الهاء في أمرِ عظيم

<<<< هــــــــــــــــــــ هـــــــــــــــــــــــــــ هــــــــــــــــ >>>>

:(

هذه قصة دافورة كانت تبي تنجح أ+ في مادة إعداد عام وآخرتها...





قلت يا ألف؟ قال وين أهلها *** قلت هذي سواة الحظ لا مال<<< من جد دافورة خخخ


قلت باء؟ قال ولا الجيم منها *** قلت وش بعد كذا نرتجي فال؟ ( اليورمارشيه يمدحونها!)


عايشه حزينه ضميانه وولها *** ولها لرشفة لو من قطرة الدال << خلاص بس تبي النجاح !!


قلت يا دال؟ قال أبعدوا عنها *** قلت هاء؟ قال هذا هو الحـــال


قلت معنى كذا أني بآحملها *** يا سلام والله حلو..عال العال << أستخفت


طمبق طمبق طمبق طمبق

:( :D :p

[شعنونه]

مش مصدئية عينيا


النموووووورة منزلة الموضوع


تصدقي توني اعرف معني حرف الهاء .

<<وش عندها دي؟


بس صراحة لاتكون ذي جاااايا تجس النبض وتشوف ايش عندكم سهرانيييييين يمكن فيه طق عشان تجي تشارك معاكم :rolleyes: ;)

[هيكل عظمي]

أنا اشوف لمبات السطح مفتوحة بس مادريت ان النمره هنا.

هلا وغلااااااااااااااااااااااااااااااا كبر بحر الدمام... الا كيفك مع الحمل.. خخخخخخخخ

كني اشوف ان فيه ناس قاطة معك في الموضوع !!

[النمرة]

بااااااااااااااتس :)

softy2000sa/

وعليكم السلامممممممم ورحمة الله :)
والله لو اني جايبة طاري بنات عماتي كان علمتك :p خيرها بغيرها ان شاء الله
على فكرة اسمك يذكرني بإيميلات الياهو :D<<<بشري امتس :(
سلاااااااام :)


مستره بطه /

الله يسلمتس مير يا بعدي ويبسطتس بالعااااافية :)
صدقيني حتى انا مافيه احد مبسوط برجعتس للاقلاع مثلي <<<بزعمي امدح :D
(قلب منفضخ و طالع منه ورد) <<< ام الرومانسية

شرفتيني يا بطه و عيديها لا تقاطعين :) :)


ابودمجه /

ولكم باتس يو تو و عندي لك كلمة رااااس

مبروك النجاح يا بومخ:) مير لا تعلم احد انك ناجح ينظلونك <<< ما قصرتي :D

هلا بك :)

ملئه :D/

ماعليك زود يا شيخ :) بس لا تتفشل عااااااااااادي والله يقولون لكل جواد كبوة ولكل منتخب ألماني

يربيه <<< تسمع بالامثال
هههههههههه اما عن اللي وصيتك عليه عاد اللي يريحك الوعد يوم القيامة مالي شغل:D
بس على الاقل سلم على بنت اختك هاه وش تبي أكثر خففنا الحكم :)
الله ينجحك وياي وجميع الطلبة والطالبات وحياااك ربي <<<هذي مب ضمن الدعوه:)

منتهي /

الله يحيييك يامنتهي وش نسوي ادع لي انا وهالريض معاناة لين التخرج الظاهر :s
وش دخلني هاوشهم هم يومهم يعبون لنا الخطة من مقررات الريض :(

لا الحمدلله ابشرك ما شلت غير شنطتي (<<< تفكير سطحي) :D
مشكوور على الحضور و الرد :)

شان /

ههههههههه أرد عليك الحين والا اصبر لين ردك الثاني اجل
<--- تبي تمخمخ على القصيدة :)

الاشعاع/

هلا بالاشعاع حياك ربي مير اجهرتنا بنورك <<< ذابحها الذوق
هالحين مادامك بتجاوب تسألني من وين طلعت ليه؟ :mad: (تراي ما عصبت بس حاطته تمويه)
حرام مسنجري الله يرحم حاله كل مادخلت شوتني على كيفه :( والا لوه صاحي كان جبت بل قيتس

بكبره :p
اما عن المميزة فمهب اكبر همي خليتها للضعوف مثلك وشرواك <<< قلنا لكم ذابحها الذوق :p
مشكور على الاطلاع وحيااااااااك ربي :)

مقلطهم/

أشكرك على هذه الثقة وعقبالك
<--- شفتوا التواضع :)
حياك يامقلطهم :)


ثورة الشك/

هههههههههه
هههههههههههههههههههه الله يرررررررررجك بلا هههههههه حسبي الله على بليسك تبيني آخذ الريض

في الآخره بعد ههههههههههههه استغفر الله العظيم

((سمعتي بالمصريه اللي جت تبي تحج ))<<< قريتها تهج :(

عن الـ(هـ) والله اخبرك فطين وش جاك تغيرت عسى منتب منظول ؟<<< داء العصر ههههههه
الهاء هي علامة الجودة حتى اذا احد سألك وشهي الاك تعلمه :D

فعلاً ذكرتني المفروض اني ماخذه في الإعتبار خريجي الصناعية (غيرك طبعاً :p)
الـ(هـ) هي رمز يوضع للدلالة على الرسوب في المادة ، و يُقال هاء يُهاء أهاء والفعل منها

( هئ ) وهو صوت البكاء في نفس الوقت :(

تسسسسسسسسلم يا "بعير"ة الشك <<< بترفع ضغطه :D


شروق الفجر/

اهلييييييييييين وسهلين يا جعلي مابتسيس قولي ان شاء الله :D
مايوحشك غالي .. يفداك ألف حاشي :)
تسلميييين شروق :) :)

أثغيرون /

الله يثلمت يااثغيّر وث تبي ثمنّي به بث لا تثيح اهم ثي :)
مثكور وثلم لي عليت :)



واخيراً


عتااااااااااااااااااااااااااااااااااااااااااااااب :D

لالاللالالا انتي يبي لك رد لحالك :)


ثي يو <<< كله من اثغيرون :(:)

[النمرة]

. * . * . * . * .

بسم الله الرحمن الرحيم


(( بعد القرآن الكريم و السلام الملكي ))


إن فرحتنا بحضور سعادتكم لا توازيها فرحة ولا تضاهيها سعادة بعد أن حضرت الفرحة السعيدة في

ميزانها الضاهي .

سيدّتي:

يسرني بل فإنه يزيد من سروري .. كما أنه ساهم في إسرار مسراتي أن أقرأ ما سطرته سمو أصابعكم

الكريمة فوق كيبوردكم الأكرم


لها: <<<مب سيدتي


يخالجني تعليق ٌ يختلج الباقي من مكامن الخولجة (تقرب للخولجي)

ماذا لو مارسنا البيروقراطية البته ..؟ بل البته ماذا البيروقراطية لو مارسنا ؟

بل لماذا تمارس البتة البيروقراطية ؟

الجواب

في كل الحالات هو :

7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7

و سبنسر لا تخلووووووووووووونه


* . * . * . * . *


:D

:)

:D

:)

ياحياتي عسى بس فقعتي (فشيتي بالكويتي) اللي بقلبك كله :s الوكاد انه شي كاااااااايد والا ذا الهبال

مايجي من فراغ ابد :D

إلا مير وش اخبار ابوك حاكم المريخ عساه بخير و مستصح
كودنا نجي نصيّف عندكم يقولون الجو عندكم ربيع و الحراره ما تتعدى 350 في حموة القايلة لايلاه الا

الله :)

هههههههههههههههههه أما تكــّه ذي إكــــه <<< تعلموا الشعر ياخي

بعدين مهيان صادقة يا بنت الحلال أكيد ان اللي في مزنه عين
<--- داء العصر زي ماقلنا :p
الا اسألي مزنه هم تجيهم مجلة حياة مع الجرايد ببلاش والا لا :D
لا بس واضح ان المسجات زايدة عليك كخخخخخخخ

ياحبني لك والله انتي و ضيقة خلقس تكفين لا عمرك تستانسين ابد على هالهبال <<< تسمع بالدعاء :(

بس الصراحة انك رفعتي معنويــــــــــــــاتي من قللللللب
وانتي صادقة وش عاد لو رسبت في عشر مواد ان بغيت همانا بس مستانسين ومروقين ولاهنا وظايف..

أهم شي أني اقرا واكتب <<< جارتهم شما :(

(( تراب تمشي عليه ( كدرجان ) *** حسوفة ٍ يقعد فـ الارض ))

أنا اشهد :) :)

<--- بالله عليكم مهب ذوق




لي عودة للبقية بإذن الله
يامال الفانكس جميع ً :)

[بعير وخكري]

ههههههههههههههههههههههههههههههههههههههه
ههههههههههههههههههههههههههههههههههههههههههههههه

((برضو اكرر و احذركم من التطنز ترى نتائجه وخيمة))
8
8
توك تحذرين ... من دخلت الجامعه وانا احسب نفسي ابطلع سالم ... واخرتها سحبت او انسحبت او سحبوني .. والله مادي ايهن بس الاكيد اني ما درست هالتيرم
بس الحين اللي نتطنز فيه ذا ينجح حتى لو ما جاوب ....لانه اخبر باحد المواد فيه واحد بالصف الثاني على اليمين قسم بالله انه دلخ يعني اذا بغا يتزوج يقولن اهله للي يبون يخطبونها ولدنا درس مع بعير هذي الميزه الوحيده اللي فيه ... بس الله يلعنه نجح وانا ترفعت عن هالماده وقلت لا ابوها من ماده انجح فيها وهالدلخ ناجح معي .....


نجي للعجوز ...
اجل الساعه وحده ونص يا كافي ... والله موب سهله ... اشوا ما عطتكم ما دقت دقه وقفلت ... هههههههه وين خويها يشوفها وهي تدشر من وراه ...


النمره .. والله ودي اتطنز فيك ... بس اخاف تنجحين ...
لا شكلك ماعليك بالدراسه ما شالله وتبين تطقين ال a ...

[كتكوته]

هااااااااااااااااااااااء

قمه التنسيم


حتى كدرجان بعد <-- قولي قسم:p

[مالها الا هلالها]

ياجماعه ذي ليش معطيتني أشكل ؟؟

إلى الماصله ‍!!!

[ازرق وابيض]

اهلين فيك يا أم انياب مدرش ليش:D


شوفي..لو انك معلمتن بدري شوي كان خليت الوالده تدعيلك..ومالك الا تنجحين:D

بس للاسف خلاص اخذت امي اجازتها الصيفيه اللي راح تقضيها بربوع القصيم:p

لذلك راحت عليك هالمره;)

لكن ابدعيلك انا على الله تفيد!

====> مره من اخوياي قال ادعي لي انهم ما يعينوني برا الشرقيه قلت ابشر..مير يتعيّن بعرعر:confused:

خخخخخخخخخخخخخ من جد حقد عليّ;1


المهم بس ربي يوفقتس:cool:

[النمرة]

صباح اللييييييييييييييل :)

---------

تنويه كبر جبهة ذروق مرة ثانية :

مالها الا هلالها : الرجاء الحضور عند البوابة <<< في ملاهي الخيمة قاعدين

الله يصلحك بس .. ما تشوف الابريفيييشن حق اسمك فوق؟ (( ملئه :D ))
ما تبئى تفتـَّح بئه :) :)

----------


دايم الشوق /

هههههههههههه انا بعد :) :)

طايرتن بوهتها /

الله مييير يعلي مقدارس دنيا وآخره يا كريم :)
ههههه معليش يا بعدي فشي خلئتس فينا ايه حنا صايرين طوفه هبيطه كل من هذا جا و نفخ :(
بس الله يرجس فطست ضحك على (من زين هالعيون) مدري ليه ههههههههههههههه


مخنوشه /

الله يعافيك اكثر و مشكوووره خيتو على الحضور :)

واحد قلق /

خخخخخخخخخخخخخخخخ طيب ماعلينا من ذروق وجبهتها انتي بس حددي الحين انتي (واحد) والا (وحده)
<--- تبي تقهرها :D

تسلمين يا وخيتي ما قصرتي وابئي خلينا نشوفتس :)

دايم على البال /

هههههههههههههه يا شيخه روحي ينصر دينك يا بت انتي :D
يختي صدقيني انتي كذا (ضفدع خخخخخخخخخخخ)
بس ترى مافيها شي لو قلتيها قدام الناس وشوله حاطه نقط ؟؟؟
قولي ((يااااااااارب تـــ ــتـنـفـســـ ــيــن )) <<< قاطعين عنهم الهواء ماسددوا الفاتوره :p
تسلميييييييييييين يا شيخه وروحي ربنا يفتحها فـ وشك يوم التلات القي :) :)


معليش خلصت البطارية لازم اطلع <<< يعنني ترى معي لاب توب

يامال الفانكس جميعً :)

[ريم شيخة الحريم]

و عليكووووو السلام

(اول شيء امي تسلم عليكم) و او ل شيء الله يسلمها

<<< تعز السلامات

و ثاني شيء على طاري التبرعات مره وانا في سوبر ماركات و حاسبت و عطاني الباقي قمت قلت ما يسوى افتح البوك فحطيته بعلب التبرعات ( يعني عجز مهوب حبن في التبرع) يوم مشيت شوي و القى علبه ثانيه و الا هي بعد للتبرعات واناظر العلبه الاولى الا هي لقسايم مسابقه مسوينها :( <<< على نياتكم ترزقون


و ثالث شيء <<< تعز الترقيم بعد

هاللي داقه تخطب تالي الليول اظاهر انها ماسكه التلفون من الصبح و جاكم الدور متأخر

و اخر شيء الله يوفقتس و يوفقني و الجميع

[ياهملالي]

أنا ما قهرني إلا هالخبلة اللي اسمها دايم على البال !!

وش جاب لجاب :(

____________
أنتي يا هيش ..

ترى موضوعتس زين.

<-- شوفوا الرقة المتدفقة مهوب تليوقكم يالمنافقين ;)

[مالها الا هلالها]

أجل إلى المميزه :)

<== ماتعوق معه !!

[ردي الحظ]

المهم كلمت هالعجوز قلت لها طيب من اللي عطاس الرقم ؟ قالت شايفينكم ناس في عرس منيرتالاحمد على ولد جوهرتالعبدالعزيز

ههههههههههههههههههههههههه يلعن أم ابليس الاقلاع ..
ياناس تعلموا أبجديات الاقلاع وأصوله وفروعه بعد ،
أما كذا المواضيع والا فلا ..

النمرة أقسم بالله انك مدرسه الا جامعه في الاقلاع ..

ـ وهذا نداء الى الماصلين كلهم من المحيط الى الخليج .. بقراءة هالموضوع وتعلّم الاقلاع " الحقيقي " ..


وتسلمين يا اختي على هالابداع ..


أخوك : ردي الحظ .

[النمرة]

سلامو عليكو :)

شان /

ألف ألف ألف شكر والله انك كفيت ووفيت يا مناحي <<< عاشت الوضع

استلم :

يا شان بنتك ذي تفرض جهلها ** والعلم ماله بالجهل أي آمال
دوك هالبيتين مشكور وازهلها ** <<< قل تكفين مسويتلي بنت هذال :D

حياك يا شان <<< ضربت التحية :)


شعنونه /

ايه ده ايه ده انا يختي اللي مش مسدءه عنيا :)
ربنا يوحروصك يادلعادي <<< خشت جو بقوه

الله لا يوريك الهاء في حبيب ولا قريب يختي:(
تسلمييين يابعدي نورتي الموضوع :)


هيكل عظمي /

الله مير ينور عليك في قبرك قل آمين :) :) <<<تراها دعوة زينه لاتاخذون الامور بظواهرها
انا بخييييير وصحة يامال العافية وهذاني الحمدلله ازقح
يسلمون لي اللي قطوا في الموضوع كلهم :) وش قاهرك ياخي ههههههههه
تشكررررر11111ت على الحضور ميرسي اوي :)


بعير وخكري/

هههههههههههه انحش
الله يسهل علينا وعليك وين اطق الـA معه عساي انجح حتى لو بـ F راضين :D
حياك ربي:)


كتكوته /

نووووووووووووووون
<<< تقلد :D

حياك ربي يا كتكوته و شي طيب ان الموضوع عجبك :)


مالها الا هلالها /

هه ناظرني رديت مع اني رديت عليك فوق بس حتى ما تقول اني معطيتك اشكل
<---- تبيه يقول الى كأس العالم هالمرة :D

أزرق وابيض/

هههههههههه لا واللي يرحم والديك اجل لا تدعي لي تراي على جريف :( :(
والا اقول .. ادع لي خلني افتك من هالحاشي اللي ورطت به خخخخخخخخخخخ

حيااااك ربي ياخوي تسلم :)


برب

[مالها الا هلالها]

إلى منتدى المسابقات الرمضانيه !!

<== عاد يكفي تراها مصخت !

[ذروووق]

ويامال العنـــــــس اللي يبلاتس وأتشمت فيتس صدز قوليييييي اميييييييييييين:eek:

الحين دعا ودعينا لتس
وقرايه وقرينا لتس
و ضحك وضحكنا لتس
موضوع عن وحدتن قعيطيتن تبي باقي الصدقه اللي تحسفت يوم دفعتعها
تجيييبيييين طااااااري جبهتي في العام لييييييييييييييييه؟؟ :mad:

أنا كم مرره اقول حقوق الجبهه محفووظه للأوسرره فقط لاا غيررر ؟؟ :p
بسسسسسس هييييين يا نمرووووه الوعد قداااااااام
ترى كلها فركه كعــــب وأنا عند بابكم وتشوفيين بكره ان طلطل عليكم خطاب عقبها
:p :D :p :D


وخرري عاااد بأسلم على كدروووجه
:D

نعنبوا ذا الكبـــــت اللي فيتس يا شيييييخه خخخخخخخخخخخخخخخخخخخخخخ
كل ذاااا رد؟؟؟؟؟؟؟ :eek:
مرجووووجه بقووووه هههههههههههههههه

الله يعافي ايام اقلاع منووووووول يا ناااس :)
الله يوسع صدركم بالايمان قولوا امين
بس ولو جبهتي لحد يتعرضها ترى بأسلط عليكم سواقنا يسرق دبة غازكم وابحلوا به عاد :mad:

المميززززززه يا هل المميززززززززززززه :):):)

[فالها]

العجوز المتصلة يمكن احد الشباب يقلد .. سهل صوت العجوز ..

[النمرة]

ريم شيخة الحريم /

هلالالاللاللااااااااااااا وغلاللالالالالاااا حيا الله شيخة الحريم مبطين عنتس يوخيتي بشرينا عنتس :)

ههههههه جازت لي سالفة العجوز اللي ماسكة التلفون من الصبح ههههههههه الله يرجس
تسلمين يا بعدي وعاش من شافك والله :)

يا هملالي /

حيا الله الملح والقمله :p <<< تجاري رقتس
اسمتس يهبل يختي من أي بقالة شاريته :)

حيااااااك ربي و ماعليك من هالخبلة انا وياها نصلح <<< ياحبها للمناقر :-]


ملئه/ <--- ناظر زين حتى ما تقول سفهتيني

طيب :D


ردي الحظ /

الله يسلم عمرك ياخوي ما قصرت ولا تنفخني زود تراي استحي
<--- واضح من سواتس بالعجوز :) :(

من ذوووقك حياك ربي و اهم شي ان الموضوع جاز لك :)

ملئه / <--- هالمره واضح انه انت ما يحتاج اوضح

طيب برضو :)

ذروق /

خخخخخخخخخخخخخخخخخخخخخخخخخخخخ هلالاللالالالالاااااااااااااااااااااااااااااااااا و

غلالالالالااااااااااااااااا كبر جبهتس خمس مرات عاد انتي تخيلي الوضع :D

تعالي حياتس الله اجل بزعمتس تهدديني بالعكس الساعتالمباركة اللي تسيرين فيها يختي
<<< بذمتكم مهب ذوق ياعالم

ابشرتس ما عندنا دبة غاز احنا بيتنا كله عايش على الحطب حتى الكهرب ما سمعنا به :p
ناظريني شابكة الجهاز بالبطارية حتى تصدقين خخخخخخخخخخخخخخخخخخ

ياحبني لتس بس انتي وجبهتس (قلب يخرخر دم وبوسطه صورة جبهه واصله الارض من كبرها) :D

منوووووووووره الموضوع والله :) :)


فالها /

حيااااا الله فالها توما نور الموضوع <<< طيب عطي مجال لذروق تستانس بالنصبة :) :(
الله يذكرك بالخير ذكرتني بالاقلاع ياخي <<< وانتي وين :(
العجوز كانها رجال فهي ولد عمي يستهبل .. شرايك بالحبكة الدرامية بالله موب كني فجر السعيد بالضبط

:D
تسلم على الحضور والقراءة و ألف شكر :)




يامال الفانكس جميع ً :)

[صمت السحاب]

التخصصي من وين يا الربع:)

[سددت جوالي]

اشهد ان امرأة اتقنت اللعبة الا انت


وربي ابصم لك على العشره



وربي ضحكت الى ان ضهرت نواجذي <----- يعني طواحني

الا على طاري الطواحن وش اخبار كحيلان والله ودي اسلم عليه


الزبده موضوع رهيب <------ رهيب ولا عجيب <----- عجيب ولا زنجبار <---- زنجبار ولا اليمن <--- اليمن ولا اليسر <------- اليسر ولا العسر <------ العسر ولا اسكت لا افقع وجهك بموضوع برق الشمال

اسف

باي

[منتهي]

بعض مقتطفات ردود النمرة



<--------------- فاضي.:D
----------------------------------------------
دايم على البال /

هههههههههههههه يا شيخه روحي ينصر دينك يا بت انتي
يختي صدقيني انتي كذا (ضفدع خخخخخخخخخخخ)
------------------------------------------------
معليش خلصت البطارية لازم اطلع <<< يعنني ترى معي لاب توب

------------------------------------------------
مالها الا هلالها /
هه ناظرني رديت مع اني رديت عليك فوق بس حتى ما تقول اني معطيتك اشكل
<---- تبيه يقول الى كأس العالم هالمرة
------------------------------------------------
أزرق وابيض/

هههههههههه لا واللي يرحم والديك اجل لا تدعي لي تراي على جريف
والا اقول .. ادع لي خلني افتك من هالحاشي اللي ورطت به خخخخخخخخخخخ
----------------------------------------------
يسرني بل فإنه يزيد من سروري .. كما أنه ساهم في إسرار مسراتي أن أقرأ ما سطرته سمو أصابعكم

الكريمة فوق كيبوردكم الأكرم
----------------
إلا مير وش اخبار ابوك حاكم المريخ عساه بخير و مستصح
كودنا نجي نصيّف عندكم يقولون الجو عندكم ربيع و الحراره ما تتعدى 350 في حموة القايلة لايلاه الا
الله
----------------------------------------------
يا هملالي /

حيا الله الملح والقمله <<< تجاري رقتس
اسمتس يهبل يختي من أي بقالة شاريته
------------------------------------------------
ذروق /

خخخخخخخخخخخخخخخخخخخخخخخخخخخخ هلالاللالالالالاااااااااااااااااااااااااااااااااا و

غلالالالالااااااااااااااااا كبر جبهتس خمس مرات عاد انتي تخيلي الوضع
ياحبني لتس بس انتي وجبهتس (قلب يخرخر دم وبوسطه صورة جبهه واصله الارض من كبرها):D :D :D
----------------------------------------------
================================================== ==========================


يا شيخه اشهد وبالله ان التنسيم يقول فكيني وطلعيني من راستس:D :D :D :D
انتي من وين تجيبين ذا كله ..... طيب ما شاء الله(على شان ما تقولين اني نظول )
ان ودي انهم يرشحونك لاسم النمره فاكه الاقلاع
<--- تراني امدح:D
تسلمين على المواضبع الزينه والردود المهبوله:D :p
واتمنى لك مزيدا من الصرقعه:D :D :D

[جيهان]

تبون الصدق عاد يمدحون الهاءات
يقولون انها ونااااااااااااااااااااسه وتريحك من حنة الاهل ومطالبتهم بمرتبة الشرف
هأأأأأأو قال مرتبة شرف ان جات التقادير ضعيف جدا زين :eek:
تسلمييييييييييييين نموره موضوع مميز ومنسم بقوه ;1
هههههههههههههههههههه اجل تنصحينا بالسهر لبعد الساعه وحده ;1
<<<< عز الله ماحد جاب خبرك :(
ههههههههه يعطيتس العافيه على هالبربسه :) ;)

[النمرة]

سلالالاللالالالام :)


برق الشمال ...999/

حقيقة اسمح لي ما ادل التخصصي ما فيه الا شهار كان تبي :)

سددت جوالي /

طيب طيب اللي تبيه يصير بس انت هد اعصابك ييياااخي :D
ألف شكر لحضورك و ربي انبسطت على انك انبسطت (<<< اتحداك تقولها عشر مرات بسرعه)
حياااك ربي :)


منتهي/

هههههههههههههههههههه الله مير شكراً :D

سري وخاص بمنتهي لاحد يقرا <<< شوفوني كبرت الخط حتى ماتقولون قريناه و مادرينا :-]
للأمانه ترى مصطلح (الله مير شكراً)منقول من رد كدرجان أخاف تنسخه المره الجايه وتحسبنه لي ظلماً وعدواناً :) :)

الله يسلمك ياوخيي على الحضور والمتابعة أثلجت صدري جعل الله يثلج صدرك بالإيمان ^_^


جيهان /

حيا الله جيهان يختي اسمك روعة .. بس لا تبزين علي ترى وحده من صديقات بنت خالة أمي إسمها

لينا اذا بغينا نكشخ في الزواجات جبناها معنا :D
<--- ماعندهم الا زليخه وانت ماشي :( :)
على فكرة ترى انت ماشي مهب اسم :)
تشكررررررات ياستي و تسلمين على الحضور الطيب :) :)

يامال الفانكس جميع ً :)

[اذلف]

ايه اللي جابك هنا!!!

[بعض الناس]

‌‌‌‌‌‌‌‌‌‌كــــل ابتســـامه مســـافره جات رجعت
حق شفتي
الحظظظظظظظ الليله كريم
محبوبتي كاتبه موضوع من ضمن المواضييييييييع

ليه كذا توني اشوف الموضوع
الشرهه موصله عبر الاثير لصاحبه اشين عيون طايرتن بوهتها
وراتس ماعلمتيني ولاقلتيلي ان نموره كاتبه موضوع؟؟

ابدعتي اختي ويزيد الموضوع بريق ولمعان <--- صار قدر موب موضوع:D :D
رد كدرجان اللي اقف لها احتراما ياحظك فيها ويحظها فيك


http://images.webshots.com/ProThumbs/77/19377_wallpaper280.jpg
وبالنسبه للمواد تيكت ايزي انا شعاري مافيه وظيفه ولا عرس;1
وشوله العجله المسأله وساعه صدر وسواليف ومكياج
ولبس ..
وانا مسويه اتفاقيه مع الجامعه كل ترم اشيل مادتين
تصدقين الترم اللي فات شلت ماده رحت ارجعهم لايكون غلطانين;1 ;1 :D
والمواد العامه احس اسهل من التخصص ياقلبيه بس

نموره تصدقين كنت مااشتهي بنات الريض
بس انتِ غيرتي على ذا المقوله
الله لايححححححححرمني من طلاتك البهيه ومواضيعك الشهيه

http://images.webshots.com/ProThumbs/77/19377_wallpaper280.jpg

[DUMB&DUMBER]

DUMB:

تقول النمرة : فطعمُ الـ(هاءِ) في أمرٍ حقير ٍ ** كطعمُ ال(هاءِ) في أمرٍ عظيمُ

DUMBER :

اهاااااا

DUMB :

والله موضوعها شي ..

DUMBER :

اهااااا

DUMB :

ههههههههههههههههههه اما سالفة العجوز اللي تبي تخطبها .. تذكرني بوحدة وقفت بليموزين عند مكتبة جرير وقالت تعال يالاخو ابيك بكلمة راس .. بس هجيت منها حسبي الله عليها ..

DUMBER :

اهااااا .. طيب ليه ؟

DUMB :

يخوي شكلها جاية تبي تخطبني لبنتها .. وانا ممسك بنات الحارة سرا ..

DUMBER :

افرش سراك يالغشيم :mad:

DUMB :

اهاااا

[النمرة]

slamo 3leeeeeeko :)

اذلف /

و عليكم ايه اللي جابك هنا ورحمة الله :D


بعض الناس /

<---- (وجه مستحي)

http://images.webshots.com/ProThumbs/77/19377_wallpaper280.jpg



الحظ الليله كريم ليلة خميــــــــــــس

ليلة لقااااانااااا

ترم تررررم

http://images.webshots.com/ProThumbs/77/19377_wallpaper280.jpg

وبسمك صرخت و صابني نشوة الزاار

<<< عادي الفيوسات ضاربه وش الغريب

http://images.webshots.com/ProThumbs/77/19377_wallpaper280.jpg

يا حبيلس والله يا بعدي نورتي الموضوع

http://images.webshots.com/ProThumbs/77/19377_wallpaper280.jpg

بس مهب عيب عليس تسرقين الصور اللي انا تعبانه أدور عليها ؟

http://images.webshots.com/ProThumbs/77/19377_wallpaper280.jpg


تمونين يابعض الناس والا كان ما عدّيتها :p

http://images.webshots.com/ProThumbs/77/19377_wallpaper280.jpg

<--- شين و قوي عين كل سطر حاطتها :mad:

اجل كل ترم تحملين مادتين ماشاء الله عليك عيني عليك بارده :D
اخاف تحملين ثلاث مواد الترم الجاي تقولين اني نظلتك والا سبحان الله

معاك حق المواد العامة اسهل .. بس قهر الواحد يقول انه راسب في مادة عامة ما تسوى عليه
بعدين اذكري الله من عقب المقاطعة اشوف كدرجان مبطية ما ارسلت ولا كلمت شكل احد وشاني عندها

و علمها ان ثلاجتنا امريكيه :(


((نموره تصدقين كنت مااشتهي بنات الريض
بس انتِ غيرتي على ذا المقوله ))

ولا انا اشتهيهم بعد :(


الله لا يحرمني من ذوقك و ألف شكر للحضور و الحمدلله ان الموضوع عجبك :) :)


DUMB&DUMBER /

عاد ما جاز لك من الافلام الا هالفلم الماصل تتسمى فيه :( عندك the cable guy اشوى شوي :(

©

^
^
^
هذا يعني ان الرد خصيصاً لكم

اهاااا <--- كنها حقت فايز المالكي

شكراً على الحضور ما قصرتوا بس ليت اسمكم (the mask) حتى اقول سلموا لي على كاميرون دياز

:) :)

يامال الفانكس جميع ً :)

[قل قسم]

قالبه طقاقه بالعطله!

[النمرة]

خخخخخخخخخخخ

لا تسمعك عتاب و تقلب لنا المكان حفلة الحين :D

[اه ياقلبي]

اما العنوان فهو لحاله عجيب غريب ينمو عن مدى تفتق دميجتك عن خبال ورجه + ثقافه :D

تراني مدري انا راد او لا هقوتي انه لا لذلك ابرد الحين :)

والله حرف الها رهيبببببببببببببببببببببب كنا نسميه اول ضحكه ونسال بعض دايم كم ضحكه في اللي شسموه:D

وكل واحد ياخذ اشعاره ويبفتحه بشويش وعيونه شوي وتنط من ماقيها وتدخل في الاشعار علشان تتطمن :rolleyes:

رحت اشوف وش عندهم من باب اللقافة (<<< صريحه) قلت للرجال على كم التبرع (<<<احسب القسائم تنشرى بفلوس)
قال لي اللي تجود به نفسك هاتيه مير واعطيه ريالي و اقعد انا وياه نناظر بعض
احتريه يرجع لي الباقي
هههههههههههههههههههههههههههههههههههههههههههههههههه هههههههه

كلمة على كم [ اشهر كلمه نقولها اذا جينا نشتري جح ]:D

كله من حق التبرعات يومه شطب على الخمسة أكيد درى انها مزوره :D :D <<< ماانهزمنا ثمانيه من شوي :mad:

اما مساله التطنز :D فهذي من ثقافتنا وتراثنا وشوفي ساحة الاقلاع عندهم منتدى كامل للعياريين :D

يوما ما اذا جوا يكتبون من قصص الشعوب مرتن ثانيه وكتبوا عن شعبنا تاكدي انهم بيجيبون سالفه فيها تطنز :D

النمره عاد انتي شوفي انا راد قبل هالمره والا لا :rolleyes: اذا كنت راد زينن على زين :rolleyes: واذا كنت مارديت اعتبريني مارديت ;7

الله يرجك ويزيد فضاوتك وفراغك :rolleyes:

[دايم على البال]

ياهملالي
عضو مهوب جديد
عدد المشاركات : 41

أنا ما قهرني إلا هالخبلة اللي اسمها دايم على البال !!

وش جاب لجاب :(

__________


يا ربي لا تبلانا :rolleyes:

ياخي وش تبي انت ;6 ؟؟؟

وترى أبد ما جــاب لجــاب *.*.*.* أدوّر مفتاحي في الشنطه و اثره على الباب :rolleyes:

<<<<<<<<< خطيره في الشعر الحداثي


خااااااااااااااااااااااااااااااااااااااااااااااااا ااااااص للنمره ( الملاقيف يغمضون !! )

داريه اني غبار بقوه :( معليش

على فكره تراك ما حزرتي :p أنا أقصد ياااااااااااااااااا رب تـ ـســمنـ يـن !!

خخخخخخخخخ :D

<---------------- يا شين المصاله :p



التوقيع

تذكر بأن تقضي وقتاً أطول مع من تحب لأنهم ببساطه لن يعيشوا إلى الابد


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

سبحانك اللهم و بحمدك ,, اشهد ان لا إله إلا انت ,, استغفرك اللهم وأتوب إليك .

[ياهملالي]

أتسّول الآه من على
قارعة الطريـــ~ــــق !!


خبلة :p

[النمرة]

سلامو عليكو :)


آه ياقلبك /

الله مير يسلمك ويحييك .. أبشرك تراها اول مره ترد :)
ههههههه حركه سالفة الثمانية .. ياخي وش اسوي شكلي منظوله على عبقريتي من حيني :( :)
مشكوووووووور على الحضور والرد السنع ياوخيي ما قصرت :)
والعنوان مقدّم ... بس على كم تسومه :D



دايم على البال /

خخخخخخخخ جتك اللي أغبر منتس :)
الله يسمع منتس يا وخيتي :) :)

تسلمين جعلس في الجنة (كنت كاتبتها في الجني مير اشوى ربي رحمتس خخخخخخ)
حيااااااتس الله :)


ياهملالي /

طيب سين سؤال الحين انتي بنت والا ولد اصملوا على راي :(


يامال الفانكس جميع ً :)

[موالف]

هلااااااااااااااااااااااااااا وغلاااااااااااااااااااااااااااااا
ياختي انا كل ما اشوف اسمس استانس
ولا اتذكر معه الا الدراسه والريض آآآآآآآآآه

على طاري الهاء مانسى الهاء المبجله الي اخذتها
في 106 ريض التكاملات اول سنه لي بالجامعه :(
جعلها في هالهندي الي درسنا لا واسمه غلام الله من زين هالجامعه دام
ذا دكتورا فيها
<-------شويه حاقد عليه لا ومسوي فيها قوه بس علشانه خلص مواد الريض
وافتك من غثاهم

على العموم تسلمين والله على هيك موضوع رااااااائع

[النمرة]

ههههههههههههه حيا الله موالف

والله حالتي حالة انا و هالريض الظاهر اني وصلت العالمية باسبابه :D (العالمية والا معهد الاداره)

على القوة ماشاء الله عقبال ما اخلص من الريض انا بعد .........دعواتك :(

نورت الموضوع و ألف حياك الله :)

[كاشخة سنقة عشرة]

هاااااه......افاااااااا ياذا العلم....... اجل ما نتكل على نتايج الأنترنت

زاد اقول انا وراهم حاطينن لي الحسب والدرع (أ)......(يعنني:D)

ياشينتس يالنمره .... طيحتي قلبي:( :(



تسلمين والله على هيك موضوع





تشاااووو;)

[النمرة]

هلا والله بالكاشخه اخبارتس :)

اهب عليها جايبه امتياز في مادتين اهههههههههههههههبب عيني عليس حاره ماشاء الله
<<< خافت تنظلها :p

بس وش هالمادة درع :confused: داخله حربيه انتي هههههههه

تسلمين على الرد ياذوق يامال الفانكس :)

[كاشخة سنقة عشرة]

^
^
^
^
^
^
تخوف:(


قولي ماشاءالله ....اسم الله علي :p



درع= ادارهه عامه





تشاااووو;)