شروط الاقلاع (لا تقول ما دريت)

نظام التفعيل عندنا

كما تعلمون تم ايقاف التسجيل في ساحة الاقلاع منذ فتره وبناء على الطلبات الملحه بفتح التسجيل فقد تقرر فتح التسجيل على ان يكون تفعيل اليوزرات مقصورا ً على التزكية من خلال موضوع في منتدى التفعيل من قبل الرتب التاليه فقط :
مراقب عام • مشرفين الاقسام • مشرف • المستشارين • دكتور في علم الاقلاع • كبار الشخصيات •

ولكن في الفتره الاخيرة استحدثنا نظام رديف لهذا النظام وهو يمكن العضو الي ما عنده واسطه انه يثبت نفسه بنفسه حسب الشروط التالية:-

شروط التفعيل للمشاركة في ساحة الإقلاع

إذا أنت عضو مسجل وعقدت النية إنك تشارك معنا لازم ترضى بشروطنا حقت التفعيل لأن المسلمين على شروطهم 
موب تقعد تقراها وتخالفها  وتجي تقول وراكم مافعلتوني
 والا تكتب لك موضوع مايسوى تعبه وتقول لنا وراكم تمنون علينا بالتفعيل؟
هذا منتدانا وحنا يالاعضاء الي مسجلين قبلكم حرين فيه  كانه عاجبتك شروطنا والا اقضب الباب(ناس حمقيين )
وحنا بنفترض إنك خذيت فرة على منتدى المواضيع المتميزة قبل ما تسجل عندنا
 وبنفترض إنك تدري عن نوعية المواضيع اللي تنكتب في المنتديات

شروط التفعيل((لاتقول مادريت)):

1- خذ لك فره على منتدى المواضيع المميزه قبل تفكر تكتب موضوع
2-تروح لمنتدى اسمه فعلوني وتكتب موضوع وتقول فعلوني وتتفعل خلال ساعات ان شاء الله

3-بعد ما فعلناك لازم تكتب لنا موضوع مميز ومتكامل من حيث المضمون و التنسيق و الفكره واللي بينقل لنا موضوع حتى لو هو خبر ترا اردى له

((تراك منتب ملزم تكتب موضوع محدد عندك منتديات الاقلاع كلها شف القسم اللي تحب تشارك فيه
 واكتب له موضوع ..على سبيل المثال موضوع اجتماعي لمنتدى الاسره ..شروحات برامج
 لمنتدى كتاتيب ..تصميم لمنتدى التصاميم..موضوع عياره لمنتدى العيارين..الخ))

3-المواضيع الماصله او ام ثلاث سطور ونص هذي ماحناب مطالعينها حذف على طول
4-المواضيع الرياضيه  اللي تحوي نقل خبر مانقبل بها ترا حنا نعرف عنوان جريدة الرياضيه الا اذا انك تصيغ الخبر باسلوبك الخاص بطريقة مقلعه يمكن نقبل( ناس تمنن).

5-موضوعك ان وافق الشروط اللي متفقين عليها سابقا" يوزرك صار مفعل رسمي  وصرت مقلع صدقي

والحين اذا تمت كل هالامور معك نبارك لك
وصرت واحد من اعضاء الاقلاع

واذا تقول انا والله انسان ما ودي اتعب ولا ابي اتوسط باحد تقدر تاخذ  العضوية الذهبية وتدخل بمميزات مهيب عند غيرك

اذا كان عندك مشكله في استعادة الرقم السري او استقبال الرسايل من موقع الاقلاع طبق هالدرس ذا

 

شرح نظام الريش

نظام الريش كما تعلمون ويعلم قدامى اعضاء ساحتنا الحبيبه كان نظام الرتب التلقائيه في ذلك الحين عند بدء
هذا الموقع الكبير يقاس بالريش فكان كلما وصلت الى رقم معين من المشاركات زادت لك ريشه يعني عضو على راسه ريشه وعضو على راسه ريشتين وهكذا وكانت فكره جميله ونالت على استحسان الكثير وتم استبدالها لاسباب تتعلق بتلك الفتره واغلبها قد يكون فني حيث كنا على نظام بدائي
اما الان والحمد لله بعد هذه التطويرات الجميله فقد بدرت لنا فكره تعيد لنا الماضي بشكل جميل ومميز وهي على النحو التالي: 
1- الريشه رقم 1
وهذه الريشه تضاف للعضو تلقائياً بعد وصول مشاركاته الى 100 مشاركه وتزيد بعد كل 100 مشاركه ريشه حتى تصل الى 900 مشاركه فيصبح عدد الريش 9
2- الريشه رقم 2
وهذه الريشه تضاف للعضو تلقائياً بعد وصول مشاركاته الى 1000 مشاركه وتزيد بعد كل 250 مشاركه ريشه حتى تصل الى 2250 مشاركه فيصبح عدد الريش 6
3- الريشه رقم 3
وهذه الريشه تضاف للعضو تلقائياً بعد وصول مشاركاته الى 2500 مشاركه وتزيد بعد كل 500 مشاركه ريشه حتى تصل الى 4500 مشاركه فيصبح عدد الريش 5
4-  الريشه رقم 4
وهذه الريشه تضاف للعضو تلقائياً بعد وصول مشاركاته الى 5000 مشاركه وتزيد بعد كل 5000 مشاركه ريشه بدون اي حد

5-  الريشه رقم 5
وهذه الريشه مخصصة لحاملي  العضوية الذهبية

6- الشكل هذا لإدارة الموقع

+++++++++

7- الشكل رقم7
يكون للي مخالفته بسيطه وفيه امل له يرجع بعد عقوبه بسيطه

8- الشكل رقم 8
هذي توقيف بقسم منفوحة وذي تخضع لنظام الملاحظات والكروت
وكل ما تكثر مخالفاتك توقع بيجيك زي ذا مع توقيف
 

9- الريشة رقم 9
 الي بيخنبق  وبيقل ادبه بننتف ريشه لا تقولون مادرينا وهذي للموقفين في الحاير

 

أسئلة متكررة

ليه ما أقدر أرد وأنا مسجل معكم ؟
لأن عضويتك يا( ابو الشباب او ام الشباب )مهيب مفعله وعشان تتفعل وتقدر تشارك معنا وتوسع صدرك اقرا فوق نظام التفعيل.او اشترك بالعضوية الذهبيه

وشلون اعدل الملف الشخصي حقي ولازم اكتب الصدق ؟
تغيره عن طريق الدخول على لوحة التحكم بعدين تعديل الملف الشخصي واختار بيانتك الصدقيه
اهم شي الجنسيه والتعليم والعمر والعمل والباقي بكيفك لانها من صالحك انت .

غيرت ايميلي ولاعاد قدرت وتوقف يوزري ؟
تستاهل حقك وماجاك . قايلن لك لاتغير الايميل راسل المراقب العام او حط موضوع بقسم الشكاوي ونغيره لك

كتبت موضوع وقامو يستهبلون ويذبون علي ؟
عادي كل اللي سجلو قبلك مرو في هالحاله وهذا سببه العجله في كتابة المواضيع الماصله . توقع لاتتفقع وخذلك كم لفه قبل على المنتديات
وبعدين اكتب موضوعك وانت مروق وبكره تصير انت اللي تذب على الاعضاء .

فيه واحد يذب علي ومسوي يمون ؟
كل الاعضاء يمونون على بعض والذب والمزح عادي بينهم وعلى حسب المنتدى اللي هم فيه " في حدود الادب " يعني فيه فرق بين الذب وبين الكلام الوصخ والسب .

لا هذا كلامه مايتحمل السكوت كلام شين ؟
لالالا انتبه ترد عليه خلك انت الكبير . راسل احد مشرفين المنتدى واشرح الشكوى حقتك واذا ما تجاوب راسل رئيس القسم واذا ما تجاوب راسل المراقب العام
وبتاخذ حقك وهو راح ياخذ جزاه
بس مهوب كل شوي ناط لنا شوفو هذا ذب علي ولا هذا يكرهني فيه فرق بين الذب وبين الكلام الوصخ والسب .

كتبت موضوع ويوم دخلت من بكره مالقيته ؟
موضوعك محذوف يعني راسل المشرف واستفسر منه وش السالفه اذا ماراسلك . لاتتهور وتنزل نفس الموضوع ثاني مره عشان ماتتوقف .

ليه بعض الكلمات محذوفه من ردي ؟
لأن الكلمات اللي انت كاتبها ماتناسب الموضوع او فيها شي غلط بالعربي وجودها غلط بالرد .

ليه ينحذف ردي كله ؟
لان ردك كله ماله سنع ولاعاد تتعودها ولا بتتوقف .

راسي يعورني ؟
خذ بندول اكسترا .

مسكت معي ابي اغير اسمي كيف؟
يالغالي/ه ما احد طقك على يدك تسجل ذالاسم ما راح نغير الا الي يكون فيه متشابه او اعضاء الذهبية

ابي اغير الصورة الرمزية حقتي ولا اقدر اختار من جهازي الصوره اللي ابي ؟
تغيير الصورة الرمزية متاح للأعضاء اللي حاصلين على رتب بالترشيح من المشرفين أو حاملين العضوية الذهبية. غير الرتب التلقائيه .

وشلون احصل على رتبه بالترشيح ؟
شد حيلك بالمشاركات المميزة وشارك بالمنتدى اللي تشوف نفسك فيه وتحس انك بتبدع فيه والمشرفين بيرشحونك للترقيه .

ابي احط صورة متحركة ويقولي غير مسموح وانا حاصل على ترقيه؟
لازم تكون رتبتك مميزة او تكون مشترك بالعضوية الذهبية .

وشلون تصير رتبتي مميزة ؟
يعني يصير لونك بني غامق وتكون ثاني ترقية لك بنفس القسم وتعتبر من فطاحلة القسم ياقوي . او تصير مشترك بالعضوية الذهبيه .

وشلون احصل على الرتبه الذهبيه وش مميزاتها ؟
ادخل هنا.اللنك

أشوف الاعضاء لهم ريش الوان واشكال وانا لا ليه ؟
الريش لها نظام معين وهي على حسب الردود وموجود شرحها كامل اخر الصفحه

سويت توقيع ولما جيت احفظة قالي يحتوي على سطور كثير ولا قبل وش السالفه ؟
لأن مساحة التواقيع هنا محدوده سلمك الله . واذا تبي تصير تاجر اشترك بالعضوية الذهبيه ولو تبي تحط صك بيتكم .

ليه تحذفون توقيعي وكاتبين بداله تم التعديل بواسطة الاداره ؟
لأن توقيعك مخالف الله يصلحك .. وشلون مخالفه ؟ يعني يا الصورة فيها خنبقه ولا محملة على غير الاقلاع
او توقيعك فيه روابط او لنكات لمواقع خارجية او كاتبن كلام ماله سنع .

وشلون احمل على سيرفر الاقلاع عشان ماتحذفون الصورة اللي انا حاطها ؟

هذا موقع تحميل خاص بالاقلاع http://up.eqla3.com حمل اللي تبي عليه عشان تضيف الصور على موضوعك او توقيعك

وش انواع الرتب في الاقلاع وش تفرق؟

1- رتب تلقائية حسب عدد مشاركاتك (عضو توه جديد - عضومهوب جديد -عضو رسمي - عضو قاضي - عضو مقلع - عضو مقلع بقوه)
2- رتب اوليه تحصل عليها بالترقيه( مبدعة مملكة المرأة - محلل في الاسهم - محترف ألعاب إلكترونية - محترف مراسيل - مدرس تصاميم - مصمم محترف - مصمم مقلع - مصور فوتوغرافي - Arts Award Nominee - مقلع أجهزة كفية - مقلع العاب الجوال - مقلع اثري - مقلع ثيمات وخلفيات الجوال - مقلع برامج الجوال - مقلع تعديل سيارات - مقلع جريء - مقلع دشوش ورسيفرات - مقلع يفت كمبيوتر - مقلع رسائل SMS و MMS - مقلع سفريات - مقلع صوتيات و مرئيات - مقلع صور مميز - مقلع tv - مقلع فني - مقلع وعيار - مقلع قهوة مميز - بروفيسور مواتر - تقني محترف - خبير استثماري - خبير اقلاعي - خبير برامج وكراكات - خبير فضائيات - خبير إتصالات - خبير إنمي - خطاط مبدع - رياضي محلي - شيف إقلاعي نخبه - عالمي يفت كورة - فنان تشكيلي - هلالي متميز - هاوي قصيد - نصراوي عالمي - قلم ادبي - قلم اسرة مبدع - قلم جاد)
‏
3- رتبة مميزة تحصل عليها بالترقيه اذا كنت مميز( - مقلع tv متميز - خبير أجهزة كفية - متميزة مملكة المرأة - مبدع رسائل SMS و MMS - محترف العاب الجوال - محترف العاب إلكترونية مميز - محترف برامج الجوال - أديب متألق - مدرس تصاميم - مصمم ثيمات متميز - مصور فوتوغرافي مبدع - Arts Award Winner - من كبار مصممين الإقلاع - من كبار مقلعين الصور - من كبار مقلعين القهوة - من كبار الشعراء - من كبار العيارين - من كبار القراء - من كبار ذواقين الإقلاع - من كبار رياضيي المحلية - من كبار رياضيي العالمية - من كبار هلاليي الاقلاع - من كبار نصراويي الاقلاع - مقلع تراث مميز - مقلع فني متميز - تقني مميز HiTech - خبير أسهم مميز - خبير صوتيات و مرئيات مميز - خبير فضائيات مميز - خبير إدارة و تسويق - خبير إنمي مميز - دكتور كمبيوتر - سائح متميز - عضو شرف منتدى مراسيل - عضو شرف منتدى الإتصالات - عضو شرف نادي السيارات - فنان تشكيلي مميز - قلم أسره متميز - قلم جاد ومميز )
4- العضوية الذهبية ( يحق لاي عضو الحصول عليها والتمتع بمزاياها)
5- رتبة كبار الشخصيات ( تمنح للاشخاص الذين قدموا خدمات جليله للمنتدى مثل المتقاعدين من الرتب الادارية)
6- رتبة دكتور في علم الاقلاع ( تعتبر اعلى رتبة يحصل عليها العضو ولا تمنى الا باجماع مجلس ادارة الموقع وهي للمميزين جداً)
7- رتب اداريه مراقب عام - مساعد مراقب عام - رئيس قسم - مشرف - مستشار - رتبة ادارة المنتديات
اما الفروقات كل رتبه لها ميزاتها

ولمزيد من الاستفسارات يرجى مراسلة الادارة eqla3@eqla3.com

• تنبيه هام جداً

 الجدول اعلاه يبين لك انواع المخالفات ومن صاحب الصلاحية لإعطائها  وهناك نوعان من الكروت

 اولاً الكرت الاصفر وهذا يتم احتساب نقاطه ولكن لا تنفذ عقوبته(الايقاف)

ثانياً الكرت الاحمر وهذا تحتسب نقاطه وتنطبق عقوبته في حال وصل عدد النقاط او عدد التنبيهات للحد القريب للعقوبه

ماذا يقصد بمصطلح  (مشرف المنتدى فقط) ؟

يقصد مشرف المنتدى الذي وقعت فيه المخالفة او رئيس قسمه او المراقب العام

بخصوص موضوع او رد انتحاري هذا نسميه التدخل السريع من صلاحية جميع المشرفين ويتم ارسال رساله للمراقب العام لابلاغه للتعامل مع العضو

ما يترتب على هذا النظام من عقوبات

1-     من حيث عدد النقاط

2-     من حيث عدد التنبيها

 وقد يحصل على مخالفتين اذا اجتمع العددين مع بعضهما موضح حسب الجدول التالي وسوف ينتقل في رتبة موقف في قسم منفوحة

ملاحظة:
في حال حصول العضو على العضوية الذهبية يتم مسح ما عليه من كروت مره واحده فقط عند الاشتراك

• الاستخدام العام للمنتدى
• خصائص الملف الشخصي
• نشر و قراءة المواضيع