[الطوالة]

الله لايمسيكم ولاويصبحكم الا بكل شي حلو ..

هذا بورتريه لجمل رسمته قبل فترة وصورت مراحل تنفيذه ..

قلت انزله على شكل درس على الطاير ..

عموما قبل ما ندخل بالدرس ..

الرسم عادة يبدا برسم خطوط وطلاسم تكون هي المحددة لحجم ..وشكل العنصر

الدائرة عادة ما تكون هي العامل المساعد في تحديد اشكال العناصر وتناسبها ..

مثلا الأنسان البالغ يرسم عن طريق دائرة للرأس وتحتها سبع دوائر للجسم كتحديد نسب ..

الطفل دائرة الى ثلاث دوائر ..

الحصان ثلاث دوائر للجسم والوسطى اصغر من الثنتين على الأطراف بحكم شكل جسم الحصان ..

وتكون الدوائر طبعا متداخلة ..

الرقبة ثلاث دوائر غير الرأس على شكل بيضاوي ..

وهذا كله لمجرد تحديد النسب والأماكن ..

قالوا منهو الثرثار ؟

قال هو اللي اذا سالته عن الوقت .. علمك شلون صنعت الساعة ..

ندخل بموضوعنا أحسن ولو انه مثل ما قلت لكم موضوع مسلوق

تخيل شكل راس الجمل .. أو حتى لو كنت ترسمه من صورة مثل ما هو هنا ..

ارسم الدائرتين أو البيضاويين على حسب وضع الرأس ..

وبعدين وصلهم بخطوط مكملة ..

بعدها ندخل بجزئيات التفاصيل

ثم ندخل على التظليل ..نعطيه كله درجه وحدة وبعدها ندخل على الأماكن الغائرة ..

طبعا مناطق اللمعات تترك بدون تظليل .. يعتير الفراغ هنا لون ..

هنا نجي لعملية دمج أو اذابة الخطوط من خلال الدعك أما بالاصبع ..

أوأداة يسمونها ( المدعكة ) وهذا عشان نخفي الخطوط ..

نجي عاد للمرحلة الممتعة بالشغل ..

وهي الرسم بالمساحة ..

عن طريق ازالة درجة الرصاص عن المناطق اللي يتركز فيها النور وهي الأماكن البارزة غالبا

ذا كله عشان نطلع بهالنتيجة ..

وقتا ممتعا ..

[Canon]

صباحك عسل
ايه يا شيخ
من زمان عن مواضيعيك
و درس جميل و ممتع


الا الساعة للبيع ؟

[الطوالة]

هلابك وليد ..

هلابصاحب الأصاابع السحرية ..

اوووول شي الساعة ما هيب للبيع ..

هذي أنتيييييييكة

الله يذكرك الشهادة وليد ..الكلام للجميع ..

الساعة هذي عقاربها عكس ساعات المسلمين ..اللي يخبر لي شي منها يذكرها لي وله الحلاوة

على فكرة هي من شركة ORIENT شريتها قبل كم سنة وضاعت وجاب لي واحد من الربع وحدة ..وضاعت ..

ولقيت هذي عند واحد وشريتها منه ..ابيها

<< == قلنا لكم لاتنشدونه عن الساعة

شكرا لك وليد

[عزة ## المرتزة]

ما شاء الله تبارك الرحمن
شيء رائع وممتع
شغل حلو وشرح جميل
الله يعطيك العافية والله كنت في قمة الاستمتاع هنا
اتمنى لك مزبيد من التألق والتميز والابداع

[Eqla3 Time]

تبغاني اقول انك نشيط

ما حقول

.....

ما قصرت و فوق مستوى الاطراء ..فوق .. فوووووووق
المها بدت في تطبيق الدرس
و تسلم ..

[S T A R]

هلا بالبوس ....
الله ان تحييه ....
درس لذيذ وممتع انا بحاول اني اطبق شوي وعساي افلح ....

ابو محمد تسلم هاليدين والله يدين تلف بذهب .... ما شاء الله تبارك الله ......

الصوره الثانيه كاني اشوف بعير قدامي .....

تسلم يـ ـ ـ ـ ـافنان .....:::::

[M A D N E S S]

مشاء الله عليك الطوالة الله لايضرك ..

وانا اشوف الخطوات اقول عادي سهلة .. واذا جربتها اتحطم ..

بس اذا خلصت اختباراتي ان شاء الله بجربها ..

إقتباس »

قالوا منهو الثرثار ؟

قال هو اللي اذا سالته عن الوقت .. علمك شلون صنعت الساعة ..

ههههههههههههههه اول مرة اسمعها ..

تصلح لوحدة الله يذكرها بالخير ..

يعطيك ربي العافية على ذا الشرح .. ماقصرت

[Hani]

عمل جميل يابومحمد
وسهل التطبيق انا ابحاول فية
تسلم لنا هالديات اللي رسمت
يثبت لتعم الفائدة

[P e r s o n]

.. ،
رائع ..
خطوات مبسطة ..
ارسلتها للمهتمين بالرسم ..
الله يعافيك

[p e a c e]

مـاشـاء الله عليك ..

كأن الرسمه صورة جمل صدقي ..

بجد ابداع يخلي الواحد يقعد يناظره مده ..!

++

[زحمة حكـي ،]

ويمسيكـ / يصبحكـ .. بـ الأحلــى يــارب ..

بـ صراحه شوقتني أرســم ..

ألف شكر لكـ شرح وتوضيح ولا أروع ..

سلمت يديكـ والله ..

[~الرصاصي~]

كتبت رد كبر قريح وطار

[~الرصاصي~]

إقتباس »

الا الساعة للبيع ؟

من يدك واضح انك جلف <-- ترك الشغل وقام يتأملك ...

أبو محمد .. عيب على واحد مثلي دخيل في التخصص يعطي ملاحظات على دكتور في التخصص .. أبدعت رسم الجمل في ثلاث خطوات .. وأختيارك للأصبع بدل المدعكه يثبت خفت اليد ( مع أن يدك تقل مضراب هريس ) بس برضوو يستخدمها بدرجه من الخفه .. .. أمثله النسبه والتناسب اللي وضعتها خطيرة بالمرة .. من جد تحمس الواحد على الرسم حتى لو كان مبتدأ .. ... يعجبني شغلك بالحيل .. والدجاجه الصقعه الصبح كانت هنا تمنيت أشوف لها رد على كل هالابداع .. شرفت المنتدى بلوحاتك وشرفتني بوضع رد بسيط على لوحاتك يا أميـــــــــــــرررررر ...



وبربي حبيت منك هالخطوه .. ذكرتني بأبو عدوان <--- ...

وأخيرا عندي كلمه وحيده بس :

كثير من التشكيليون يتجهون ألى أختبار قدراتهم برسم لوحه متكامله بمجرد قلم وحيد فقط يصف من خلاله :

الطبقيه والشفافيه ,,, وتوزيع الظل والاناره ,,, وإلتفاف الصورة حول البعد الثلاثي ,,,

<-- أجل كلمه وحيده ...

تحياتي لك يا أميــــــــــــرررر ... .......... الرصاصي ........

[عبدالله النصار]

ابو محمد مااقول الا الله يقويك على هالشغل
ويالله نبي همتك الشتا دخل نبي اعمال بالكوم

[~الرصاصي~]

8
8
8
8

الله يسمع منك

[`N]

ويمسيك بـ النور أستااذ ابو محمد

ماشاءالله ..
يعطيك العاافيه على هـ الدرس والشرح الوافي
بس خسااره في البعير
مااحبه احسه يخووف

ليت درسك كان عن رسم " النمر "
شكله وملامح وجهه تعطي فرص للابدااع..



الله لايضرك



.. احترامي ..

[الطوالة]

عزة ## المرتزة

إقتباس »

الله يعطيك العافية والله كنت في قمة الاستمتاع هنا

يعافيك ربي ..

والله كنت اتمنى لو كان التصوير أفضل شوي والخطوات باسهاب أكثر ..

بس يالله زين اللي باض الديتس

شرفتي



..............................

Eqla3 Time ..

إقتباس »

تبغاني اقول انك نشيط.....ما حقول

لاتقولين حب .. الين توتسينه

...

يسلم عميرك من كل شر ومكروه ياااااارب ..

وعلى فكرة ..جـيبي لنا شي من شغل المها هنا ..

ويااااااارب يرجع الغايب



.............................

S T A R ..

هلا بالبوس ....

البوس ... ... البوس وشي تكفى

إقتباس »

انا بحاول اني اطبق شوي وعساي افلح

بتفلح ان شالله .. بس .. الله بالممارسة .. والصبر وبتشوف
...

يسلم عميرك من كل مكروه يابعدي ..



........................................

Some(*.*)One ..

هلابك

إقتباس »

وانا اشوف الخطوات اقول عادي سهلة .. واذا جربتها اتحطم ..

هي اذا توفرت الرغبة .. والممارسة .. تحطمت قدامها كل العوائق..

طبعا مع الرغبة بكون الشخص أوسع بال..وأكثر أصرار ..

بس حبة ..حبة .. ولا نتسعجل النتائج ..

يعافيك ربي ويوفقك لكل خير ..



.......................................

Hani ..

هلا والله بالغالي ..

إقتباس »

وسهل التطبيق انا ابحاول فية

كفو والله ..

وعلى فكرة ..موشرط تكون محاولاتك بجمل اي شي تشوف ان البداية فيه أسهل ..

إقتباس »

تسلم لنا هالديات اللي رسمت

ويسلم عميرك من كل مايضرك يااااااااااارب ..



........................................

««[§][PeR§oN][§]»» ..

إقتباس »

ارسلتها للمهتمين بالرسم ..

الله ينفع بها ..

شاكر لك حبيب قلبي ..



.................................................. ............

p e a c e ..

يخليك ربي ..

شكرا ..




.................................................. ...

[غور]

طلعت حفللللللللللة
يا عمي انا وين والرسم وين ...
تحطمت نفسيا يا شيخ
........
درس رهيب
بس انا ما فيني فايدة
الله يرضى عليك ..

[مطلع الفجر]

سعيدة أن أري لك جديد هنا
يا صاحب الأنامل الساحرة
"متابعه لفنك الراقي من بعيد"

.
.
.
سبحان الخالق
الذي وهبك هذه القدرة



لا تحرمنا حرفنة يدك طويلاً
فهناك متعطشون للجمال في الانتظار


لتكن بخير
جمعه مباركه

[د . حـجـازي]

فناننا الكبير ..
بصراحه عجزت اقول شي عن رسم وجه الجمل ..

اكثر من رائعـه ماشاءالله عليـك ..

عساك على القوة يابعدهم ..

تحياتي وتقديري