أنــا ونــانســي ( حلــم فـي عـز القـوايــل )

آهات · 26-03-2005, 12:35 AM

برب << من اولها ( قولو تيت ياملا اللي

)

سيكم بالخييير كل ابوكم من اول شنب لآخر شنب ومن اول شباصة لآخر شباصة

وركز لي على الشبابيص (جمع تعفيط) ترا زهقنا من الشنبات في البيت والشارع والدوام

<< اطلع براا

المهم بقول لكم حلم حلمته امس وعاد تبون تصدقون صدقوا ماتبون بكيفكم

ياطويلين البقا والرخا والسلامة امس وانا جالس مع نفسي اهوجس وافكر في احوال الدنيا

كعادتي الكريمة كل ليلة مادريت الا والنوم يمسكني من كراعيني ويقول ارقد ياملا الرقاااااد ،،

وانا اللي ابحلق عيوني الين غدت كذا

قلت انت النوم اللي بذيتنا بعيشتنا يخوي

حتى عليك اوقات مدري وش تبي .. ويلخني على جبهتي الين ماعاد صرت شوف الدرب

وانا اللي اغط في سباااات عمييييييق واقعد احلم احلم احلم ما بقى شي ما حلمت فيه

وبعدين الميزة أني مااشاخر (<< نصاب) الين وصلت لحلم ابن ستين *** ( << مشفر ) .....

رأيت فيما يرى النيم اني كنت بمدرسة ثانوية مدري وش هالمدرسة مع اني قاضي من الثانوي

من ايام كح يرحمك الله ... وادخل هذاك الفصل اللي ماهنا اوسع منه على قولة المصاريا يرمح فيه الخيل ..

عاد المدرس يدري ان وجهي مهوب لم دراسة ويقول اقعد برا الفصل جنب الباب ،،،

وانا اللي احقد عليه وعيوني صارت تكبس كنها لومينا تبي تساقط بخط سريع سيد واحد

وقدامها تريلة سبعة امتار عرض وماشية 30

...

فـــــاصـــــل ونــــــــواصــــــل

طف نورك ..... نقولها لكل اللي ساهموا في بنك البلاد ومسوين زحمة واخرتها 3 اسهم ونص

طف نورك ..... نقولها لكل سحلية تسوي عملية نفخ براطم وتبييض ركب

طف نورك ..... نقولها لكل سعودي وسعودية مسوين متطورين ويتابعون ستار اكاديمي << وع

طف نورك ..... نقولها لكل اللي مايشربون شاهي في كاسات جبنة كرافت

طف نورك ..... نقولها لكل ماصل وماصلة ماعجبهم موضوعي الماصل هذا << يلعن ام المصالة

طف نورك ..... نقولها لكل اللي ما لاحظوا اني صرت اكتب سطر ورا سطر زي حصة التعبير

عـــــــــــــدنـــــــــــــــا

المهم يوم جيت اطلع مع الباب وانا اللي التفت على يمناي والمح الزين والحلا كله

لمحت هذيك المزيونة اللي تقول للقمر تهبى ،، شمحوطة وطويلة سمحوق << يلعن ام الوصف اللي تعرفه

المهم انا طبعاً حياوي تعرفون مثل أي تمساح سعودي عيوننا بالارض دايم ياعمري علينا

بس اللقافة ما تبي تفكني المهم يوم اناظر لوجهها وانا انصدم ... معقولة؟؟

نانسي بنت عجرم شخصياً تدرس بمدارسنا وثانوي ،، لا ومع تماسيح بعد !! ياربي ربااااه ...

المهم بعد ما تمالكت نفسي من الصدمة والله وانا اللي اصكها بنظرة مدري وش تبي ،،

نظرة تطيح الدجاجة من السما ( ياغبي الدجاج مايطير << تشبيه ياثور افهم ) .....

المهم جت بنت عجرم تبي تحتك وعاد تعرفون ماصدقت خبر يعني أحد يحصل له يشوف نانسي ويقعد يتفرج

صح حلم بس المهم اني شفتها (قهر نسيت اتصور معها) والله البنت تهبل عن قرب (تراه حلم يبوو

)

وانا اللي اسوي حركة الافلام اللي لا مدت البنت يدها بزعمها تسلم يمسكها الفارس ويشخفها على يدها ،،

بس شرايكم في الذوق

المهم وتخق البنت معي وخذ يا سواليف إلى قبل ما بقى سالفة ما حكينا فيها وان تساني مانيب واهم

اظننا عرفنا اللي قتل الحريري

،، عاد وبعد ما خذينا على بعض وصرت وجه مألوف عندها ،

طلعت هذيك النوتة الوردية (اغدي ملح على ذوق بنت عجرم) وهي تطلب اسمي ورقمي ،

ترقمني بنت عيال الذين

عشان تعرفون الذوق اللبناني بس

المهم انا في هاللحظة تخزبقتا وضعتا ( وش عنده الزبيراوي ) وكبيت مهوب العشا بس الا كبيت مواعين بيتنا كلها

وعطيتها اسمي وتسجله بالانجليزي بعد حركااااات ،، بس والله المنحوس منحوس حتى بالحلم

يوم جت تكتب الرقم ويخلص الحبر حق قلمها وش هالقرادة ياربي ،، بس منا ومنا يالله مشينا الموضوع

ونقشت اسمي ورقمي بالنوتة الوردية حقتها

المشكلة وانا غارق في هالحلم الفوشي ،، جت نانسي ورفستني ملعونة الصلايب رفسة رجولية

ماهي لبنانية انا استغربت وش بلاها انقلبت النعومة لتمسحة ،، وتحول الحلم كله دود وصوارير

وبلاوي الله لا يوريكم قلت متى بس اصحى ،، المهم اني اكتشفت ان الرفسة كانت من اخوي

مهي من بنت عجرم

وهي اللي حولت الحلم 360 درجة

بس خلاص << انا اللي بس خلاص

خلاص كل واحد على فصله ويا ويل اللي يقرا ولا يرد

متوزي · 26-03-2005, 12:50 AM

أوليييييييييييييييييييي

Panadol · 26-03-2005, 04:49 AM

آهات يالغالي

على الأقل أنت في حلم

لكن وش يقول الي معه بالقاعه قمور (( جمع تعفيط مثلك ))

وكل وحده تقول لبنت عجرم اقطعي واخسي بس بالإنجليزي <<== يبهر الكذبة

وكل وحده تقول لي أنا البوي فرند حقك ؟

والمشكله معي دفتر وردي <<== (بنادول ابن عجرم ) بس للشخابيط ,,,,,

لا عاد تحلم الله يصلحك ترى مثل هالحلوم

تحدّب الظهر

انتبه

وفمان الكريم

bns561 · 26-03-2005, 09:37 AM

إقتباس »
طف نورك ..... نقولها لكل ماصل وماصلة ماعجبهم موضوعي الماصل هذا << يلعن ام المصالة

خشة تغمز ... وتقول : طفيت نوري !!

برايفت * آهات

ذبحت الموضوع مع الغارب ... يوم بنيته على اساس انه حلم !! ( موضة الحلوم قديمة مره )*

القرايــن · 26-03-2005, 10:40 AM

عليك نانسي

من زين نانسي الحين

(( شكلك تقول تففففففففففففففففف عليتس حامضة

))

بس ولو إذا جيت تنام مره ثانية تعوذ من ابليس ونم على بطنك

يعطيك العافية ..

آهات · 26-03-2005, 12:28 PM

متوزي

يا حظظظظظك

Panadol

اقول على وصفك لا يكون تدرس في هيلوكس فورد (يسمع بأكسفورد

)
وابشر ماعادني بحالم

،،
الا اقول ترا نازل منك اكسترا

مشكور يالغالي على ردك

bns561

هلا ومرحبتين
طيب حدد انت ماصل ولا ماصلة

برايفت ** انا قلت في البداية هذا حلم صدقي ماهو خيال

ويعطيك العافية

القراين

طيب طيب .. صدقتك

والمرة الجاية بنام على حجاجي الأوسط

مشكور على ردك

s7abt wlh · 26-03-2005, 06:06 PM

وخرو وخرو

درب دب

كح كح كح انا جيت ترى

< اطلع برا ..

[line]

إقتباس »
وانا اللي احقد عليه وعيوني صارت تكبس كنها لومينا تبي تساقط بخط سريع سيد واحد

وقدامها تريلة سبعة امتار عرض وماشية 30

لي طلب صغنونو ..

لاعاد توصف واللي يرحم شنب ابوك

إقتباس »
انا طبعاً حياوي تعرفون مثل أي تمساح سعودي عيوننا بالارض دايم ياعمري علينا

في الصميم

ياخي ليه تعلم خلق الله اننا مؤدبين

..

إقتباس »
نانسي بنت عجرم شخصياً تدرس بمدارسنا وثانوي ،، لا ومع تماسيح بعد !! ياربي ربااااه ...

اقص يدي يشيخ واحطها غدا للذيابة ان نانسي من يوم ماتطب ارض الرياض
ان تروح غلطة

.. وشلون لوها تدرس لا وتقعد في فصل
مليان شباب ماقد شافوا خير

..

اقول تكفى توسط لي عند مديركم يقبلني عندكم ولو مدرس

..

< هذا اللي ماصدق على الله وعلى الريحة

..

إقتباس »
ترقمني بنت عيال الذين عشان تعرفون الذوق اللبناني بس

شوفوا نانسي يالبنات

..

ذوق وحلاوة وفوق هذا كله ذربة ..

..

اللي يقلد بنات لبنان بالعمليات ومدري وشو .. قلدوهم في التصرفات الزينة هذي

آهات ..

موضوعك بن كلب < خربها ..

ومقلع بدرجة خمسة فاصلة ثمنمية الا ربع وثلاثة ارباع ونص الا ثلث وفوقهم نص الا شوي

في انتظار جديدك ..

تحياتي

أرقيلة · 27-03-2005, 10:52 AM

إقتباس »
الرسالة الأصلية كتبت بواسطة آهات »

طف نورك ..... نقولها لكل سحلية تسوي عملية نفخ براطم وتبييض ركب

طف نورك ..... نقولها لكل سعودي وسعودية مسوين متطورين ويتابعون ستار اكاديمي << وع

صــح لسانــك

يعطيك العافية عالموضوع الجميل

اسير الحزن · 27-03-2005, 02:31 PM

اهــــــــــــــــــــــــات

ماعطتك نانسي رقم جوالهــــــــــــــــا

تكفى ارسله لي

أتعبني غروري · 28-03-2005, 01:41 AM

يسعد مســـــــاك آهات ..

ههههههههههههههههههههاي الله يرجك أنت وبنت عجرم أجل دفتر وردي (طيب ليش مايصر احمر) ؟؟!!

موضوع قميل .. ويجيب الصداع من كثر الضحتس يسلمووووووووووووو على هيك حلم

آهات · 28-03-2005, 02:57 AM

مروض الضبان

هلا يلله حيه يعطيك العافية على الرد ،،،

إقتباس »
كح كح كح

الله لا يهينك مرة ثانية كح قبل لا تدخل لا تعادينا

إقتباس »
اقص يدي يشيخ واحطها غدا للذيابة ان نانسي من يوم ماتطب ارض الرياض
ان تروح غلطة

اول شي تعال ،، وش اللي احطها غدا للذيابة يالغزال الحين

بعدين وش اللي من تطب الرياض ،، من يوم تقص البوردنق وهي بايعة عمرها

إقتباس »
موضوعك بن كلب < خربها ..

خخخخخخخخخخخخخ
يعطيك العافية يالغالي وكرر الزيارة

غريبة الدار · 28-03-2005, 03:06 AM

نانسييييييييي مره وحده .. قوييييييييييية ..

بس الصراحة الموضوع حلو ..

يعطيك العافيه آهات ..

تحياتي ..
الناعمة ..

آهات · 28-03-2005, 03:21 AM

أرقيلــــة

مشكور عــزيزي ويسلمو عالمرور الحلو

ويعطيك الف عافية يالغالي

شرشور35

يعطيك العافية يالغالي

إقتباس »
ماعطتك نانسي رقم جوالهــــــــــــــــا

واما بالنسبة لرقم نانسي فأنا من زود الدلاخة نسيت اخذ رقمها بس هي اخذت رقمي

عاد اذا دقت بيطلع رقمها وادزه لك

( يجيب الله مطر

)
تسلم عـ المرور

أتعبني غروري

يسعد مساك يالمغرورة

إقتباس »
الله يرجك أنت وبنت عجرم أجل دفتر وردي (طيب ليش مايصر احمر)

شفتي الفرق بين الذوق اللبناني وبينكم يالسعوديات ،،
الحين نانسي ذوقها وردي وانتي ذوق لحوج

(أحمر) ...

إقتباس »
ويجيب الصداع من كثر الضحتس

وش قصتكم على الامراض في هالموضوع
واحد يقول كح كح كح والثاني اسمه بنادول وانتي تقولين صداع ..

يعطيك ألفين عافية عـ المرور

آهات · 28-03-2005, 03:25 AM

الناعمة

إقتباس »
الرسالة الأصلية كتبت بواسطة الناعمة »
نانسييييييييي مره وحده .. قوييييييييييية ..

بس الصراحة الموضوع حلو ..

يعطيك العافيه آهات ..

تحياتي ..
الناعمة ..

يعطيك العوافي على الرد << ترا عوافي مسبة باللهجة المغربية

والموضوع صار أحلى بردك

تسلمين

زرار كوت · 28-03-2005, 01:04 PM

عشان ناااااانسي طفى نوري !!

آهات · 29-03-2005, 05:36 AM

زرار كوت

إقتباس »
الرسالة الأصلية كتبت بواسطة زرار كوت »
عشان ناااااانسي طفى نوري !!

طيب كبس بس لا تزعل

@ حنجور البطه @ · 29-03-2005, 09:31 AM

إقتباس »
المهم يوم جيت اطلع مع الباب وانا اللي التفت على يمناي والمح الزين والحلا كله

لمحت هذيك المزيونة اللي تقول للقمر تهبى ،، شمحوطة وطويلة سمحوق

يا حياة الشقا

إقتباس »
نظرة تطيح الدجاجة من السما ( ياغبي الدجاج مايطير

لا طراها طارت <<< شايف(ن) دجاجه تحبي (( ملغمه جمتها ))

حلم جميل وإباحي يسلمووو

آهات · 29-03-2005, 08:39 PM

حنجور البطة

يسلمو على الرد الإباحي

إقتباس »
الرسالة الأصلية كتبت بواسطة @ حنجور البطه @ »
يا حياة الشقا

لا طراها طارت <<< شايف(ن) دجاجه تحبي (( ملغمه جمتها ))

حلم جميل وإباحي يسلمووو

آه يازمن الهم · 08-04-2005, 01:15 AM

هههههههههههههه
الله يرجك أشهد انك حفله انت وحلمك

مشكورة آهات

msh3al · 08-04-2005, 11:11 AM

السلام عليكم,,,

يالله ان تحيي آهات ولد ابو آهات,,
وش هذا الله ينتف سوالفك

نانسي بنت عجرم مره وحده...لا و وين في ثانوية عيال

اقول اهـــا بــس,,

هي وحده من ثنتين,,يا ان عقلك مخرّف,, ولا انك تلعب علينا<<<غبي اكيد يلعب عليكم<<وش دخلك انت؟<<انقلع بس

خلاص انا بسميك آهات النصاب

<<<اقتبس ولا يكثر

[line]

إقتباس »
الرسالة الأصلية كتبت بواسطة آهات النصاب »
برب

وعليكم السلام ورحمة الله وبركاته<<<في الصميم

إقتباس »
الرسالة الأصلية كتبت بواسطة آهات النصاب »
ترا زهقنا من الشنبات في البيت والشارع والدوام << اطلع براا

ياريت تسكر الباب وراك<<<في الصميم مره ثانيه

إقتباس »
الرسالة الأصلية كتبت بواسطة آهات النصاب »
الين وصلت لحلم ابن ستين *** ( << مشفر )

ويــــن الهيئه,,,بـــــس

إقتباس »
الرسالة الأصلية كتبت بواسطة آهات النصاب »
رأيت فيما يرى النيم

ياخي مدري احس ان في لسانك شعر,,خلاص لاعاد تكلمني بس,,اجل النايم..صارت نيم
الاخ بنقالي؟

إقتباس »
الرسالة الأصلية كتبت بواسطة آهات النصاب »
المهم يوم جيت اطلع مع الباب وانا اللي التفت على يمناي والمح الزين والحلا كله

يوم قريت ذا الكلام قل وش جاه الولدقلب,,,زين وحلا في مدرسة عيال ؟

إقتباس »
الرسالة الأصلية كتبت بواسطة آهات النصاب »
لمحت هذيك المزيونة اللي تقول للقمر تهبى

اشوى انك عدلت الوضع

إقتباس »
الرسالة الأصلية كتبت بواسطة آهات النصاب »
وانا اللي اسوي حركة الافلام اللي لا مدت البنت يدها بزعمها تسلم يمسكها الفارس ويشخفها على يدها ،،

وش ذا المدرسه اللي مافيها شي مشفر

إقتباس »
الرسالة الأصلية كتبت بواسطة آهات النصاب »
ونقشت اسمي ورقمي بالنوتة الوردية حقتها

لبنانيه ماتفوت الرقم

[line]
اهات موضوع حلو وانا اخوك بس لو انك..ماطه شو يصير خنفشاري..

يعطيك العافيه

<<<يسمع بالرومانسيه