قضية الشارع السعودي (( القمّـطه))..!!
لغويا : قمط يقمط قمطاً . فإذا قلنا قمط الشخص إي أنه نشب الكلام
بحلقه وصارت له ردة فعل من كلام سمعه خلته ينكتم وما يقول شيء .
ويقال ان اصلها من الروم ففي الروايات التاريخيه ان ملك الروم اسمه قميطه الروم او قيصر الروم
ويقال انه نوع من الديناصورات اسمه قمطهتوروس
اصطلاحاً: هي ردة فعل ناشئة عن صدمة يتعرض لها المقموط
وتكون الصدمة شديدة لذلك يقمط الشخص
كل منا عانى من التقميط بجميع أنواعه وقد تمرون به ولا تحسون به وقد يمر بكم ولا
يحس فيكم فحبينا نجمع بينكم بالحلال ..صاحب القمطه رقم 96874 سوري
يرغب بمصريه مقمطه بجميع النواحي بشرط ان تكون أقل من 30 قمطه
اقصد 30 سنه
ها نحن نعود لإتحافكم بمواضيعنا الرائعه
اليوم أعزائي المساطيل المقمطون حبيت أغير نمط مواضيعي
وأتكلم عن ظاهرة منتشرة
كإنتشار النيجيرين في شوارع جده ألا وهي ظاهرة القمّـطه..!!
أتوقع اللي بيسمعني أقول قمّـطة يتراود في باله شي فاحش
وقذر ودنيء وملعون والدين وملعون جد الله
يلعن امه ابن الكلب << تحمس
لكن أرجو أن تتابعو دراستي التي شملت جميع طبقات وطوائف المجتمع.
والقمطات تنقسم لقسمين رئيسيين قمطة معنوية وقمطة فسيلوجية
ويندرج تحت كل قسم من القمطات أنواع ونبدأ بالقمطات المعنوية.
-------------------------------------------------------------------
أنواع القمطات المعنوية
النوع لأول:
قمط العافية : يعني ان الواحد تعرض لضغط وشكوك خلته يخاف
مثال / واحد نزل المسبح هو وأخوياه ومبسوط وفلّها وعايش جوّه وأنواع
المداعبات البريئه ولما خلص طلع من المسبح وجلس على الأرض وتربّع .. شوي
وأنتبه أن السروال مشقوق من تحت .. وخاف ان احدهم صوره بالكاميرا فيقمط العافيه
مثال اخر / واحد من سلنتح النظيم العظيم مسوي زكرتي وراعي جريّات وراح
وسرق محل الجوالات اللي بحارتهم . وبعدها بيوم لقاء راعي المحل قاعد يسولف
مع أبوه . عندئذ يقمط العافية لانه يتوقع ان راعي المحل قفطه وراح يعلم أبوه<< نصيحتي لك اللي مثل هالنوعيه انه يترك المهايط ويركد
النوع الثاني :
قمّط جبينه ( قطب جبينه) : وهو أن الواحد يتعرض لموقف يخليه يطلع من طوره
<< كل تبن بس خخخخخخخخخخخخخخخخخخخخ
مثال / أفرض أنك راعي تميلح بس شكلك شين وكل ما رحت ترقم وحده كرشتك
وأنحديت أنك ترقم فلبيني وفي احد الأيام وفي موعد غرامي بينكم جا أبوك
شافك . عندها أبوك بيقمط جبينه ( بيقطب جبينه ) من الزعل والغضب عليك لذلك
فقمّط أبوك وبتقمّط العافيه وهنا تجتمع القمطتان معاً.
النوع الثالث:
قمّط وجهه : وهو أن الواحد يسمع خبر شين فردة الفعل الناتجة عن الخبر أن وجهه
بيقمط ويتجمع كله في مركز الوجه ويصبح وجهه على شكل سر كبير في منتصف
الوجه لكن ميزته انه لا يجمع القطن
مثال / أفرض أنك عاقل والحاره كلهم يحبونك ودايم يقولون لعيالهم خلوكم مثل
فلان مشاء الله عليه شاطر بالدراسة ويصلي بالمسجد وما يتتن . وفي أحد الأيام
أكتشف واحد من الحارة أنك تدخن وراح علم أبوك يجي أبوك يناديك بنبرة
عصبيه وتروح له ويجي يسألك : أنت تدخن ؟ عندئذ وجهك يقمط ويقمط جبين ابوك
(قطب جبينه) وتقمط العافية وهنا تجتمع جميع القمطات الثلاث.
النوع الرابع:
قمط السالفة : وهو أن الواحد يقول سالفة أو قصة ثم يقطعها بدون سبب فهنا
يكون قامط للسالفة وهناك مثل شعبي يحكي هذه الظاهره
يقول الراوي المشهور الشرهان في حكايته عن قبيلة قميطة وشيخهم صنهات بن
جبل.
كان صنهات بن جبل يوم في خيمته يحكي قصته وهو يذبح الاسد ويحلب ناقته في
نفس الوقت ..... قام احدهم فقطع سالفته والتفت عليه وقال له "يا عدنان ايش بيك
تقطع سوالف الرجاجيل هذي ماهي علوم قبيلتنا الحلوه يقول المثل
"اسدح الرجال ولا تقمط سالفته"
مثال / أفرض انك مجمع وراعين الحارة وقاعد تهايط عليهم وتقول لهم امس رحت
وسرقت سيارة وقعدت افحط وافحط وجو بنات وشافوني وحذفوا براقعهم علي
وقعدو يصيحون ويشجعون وجيت وركبتهم معك وشافوك دورية و هربت منهم
ولحقوك وما قدرو يمسكونك ووو..الخ وفجأة تقطع السالفة لأنك شفت مدرس
التحفيظ حمدي جاي وهو يصيح هاه حفظت سورة الاخلاص ولا مثل امس فهنا تقمط
السالفه ويقمط وجهك وتقمط العافيه ومدرس التحفيظ قامط جبينه فتجتمع القمطات
الاربع .<<< هذا الموقف الوحيد الذي تجتمع فيه أكبر عدد من القمطات
النوع الرابع:
أقمطو أقمطو يالله حيهم : هي عبارة ترحيبيه لا تكون واضحة ويراد بها الذب
بأسلوب الترحيب بمن هم غير مرغوب فيهم <<< كل تبن
خخخخخخخخخخخخخخخخخخخخخخخخخخخ << اول مره اضحك على نفسي
مثال / تخيل توك متزوج مالك يومين وقاعد انت والحبيبة تتغزلون في بعض فتجي
تقول لها انتي وجهك يذكرني بالشمس لا شرقت وهي تجي تقول انت وجهك
يذكرني بوجهه اخوي الصغير لا ودوه يخـتـنونه..... وخلال هذه المحادثة الرومنسيه
تسمع واحد يدق الجرس ولما تروح تفتح تلقاه واحد من شيبان الديره جاي لك
عشان يبارك لك بزواجك وتجي تزق اخلاقك لانك لازم تعشّيه … فهنا يقمط جبينك
من الزعل .. وتروح وتجيب عشاء ولما تجي تضيفهم تجي تقول لهم اقمطو اقمطو
يالله حيهم وقصدك أنك تذب عليهم فهنا تجتمع قمطتان. <<<< بذي أنا أأيد القمطات بجميع انواعها .. يلعن ام النشبه .. توي معرس وجايني بوقت ماله داعي
النوع الخامس :
أقمط أرضك ( أقضب أرضك) : وهي آمره شديدة اللهجة ومعناها السائد أن توقف
ولا تتحرك من مكانك
مثال / تخيل واحد من الإرهابيين مندس في عمارة ومحاصرينهم قوات الأمن وجا
الضابط يطلب الإرهابي أنه يسلم نفسه وذاك يرفض . عندئذ يقمط جبين الضابط
ويقمط الإرهابي العافية ولذلك يحاول الهرب وعندها يمسكونه ويطرحونه ويجي
العسكري يقول له أقمط أرضك ولا تتحرك . فهنا أجتمعت ثلاث قمطات... << والله لو اني مكان الارهابي كان شكيت بنفسي .. اجل اقمط ارضي
وبالنسبة لباقي الأنواع فهي أنواع قليلة وأندثرت مع الزمن
وخاصه في العصر العباسي وهي مذكورة في كتاب لابي قمطه السنغالي
(الصاروخ المفروط في بيان القامط والمقموط)..موجود فقط في المتحف البريطاني
تحت الطاولة اللى عند تمثال توت عن خا امون انت بتعرفه لان مطفي فيه زقاير
ومكبوب عليه فمتو..
وبعض الكلمات التى اندثرت...:
قمّطنا بسكاتك ( نقطنا بسكاتك)
ترا خوينا أنقمط ( ترا خوينا أنقفط)
ممكن تأخذ لي القمطة هذي ( ممكن تاخذ لي اللقطة هذي )
قمّط وجهك ( لقط وجهك)
قمطة الهرج نيسان( وتم سرقتها وتحويلها لزبدة الهرج نيشان)
--------------------------
القمطات الفسيلوجية
القمطة الفسيلوجية : هي وضع معين في جسم الإنسان
يكون فيه الثوب محشور في مكان معين بسبب تغيير وضعية الجسم .
مثال / أذكر أني مرة كنت أصلي بمسجد بالنسيم وكان
بالصف اللي قدامي رجال و ولده الصغير والموهم قمنا من السجود وشوي ان الولد
كان ملتفت ويطالع ومستغرب وضعية ثوب أبوه الغريبه واللي كان ناشب بسبب
قومتة من السجود وشوي الولد مد يده وسحب الثوب وطلعه وجاء أبوه وسطره
على وجهه . طبعا الولد بدت عيونه تدمع المسكين وحس أنه زعّـل أبوه فحب
يراضيه وذلك بأنه يرجع الثوب في مكانه فدخل يده ورجع الثوب في مكانه وبعدها
خرب الأب صلاته وجلد ولده وبالنسبه لي تمزعت ضحك وقطعت صلاتي ورحت صليت
ببيتنا .أستغفر الله
مثال آخر / أذكر أني مره كنت على طريق سفر وكان
الوقت شتاء الموهم وقفت بمحطة ونزلت أشتري أغراض شوي ولقيت شايب طالع
من البقالة وكان لابس بشت ثقيل وأعجبني شكل البشت شوي وطاح الكيس
وتناثرت الأغراض جيت وساعدته .جاء الشايب وشكرني وراح في سبيله وانتبهت
ان ثوب الشايب والبشت الصوفي متعلق في مكان غريب وأستغربت قوة الشايب
انه قدر يحتوي في هذا المكان على سروال وثوب وبشت صوفي ..واتوقع لو احد
ابنائه كان واقف وراه كان ضفه مع الشله داخل.... فيا سبحان الله <<<< يا حبّك لقزقزة خلق الله
مثال آخر / يقول لكم فيه صعيدي كان يصلي ولما خلصت
الصلاة وجاء يقوم طاحو اللي جنبه كلهم ليش ؟؟ كان مقمّط عالفرّشه ( الزوليه) خخخخخخخخخخخخخخخخخخخخخخخخخخخخخخخخخخخخخخخخخ
خخخخخخخخخخخ
خخخخخخخخخخخخخخخخخخخخخخخخخخخخخخخخخ
خخخخخخخخخخخخخخخخخخخخخخخخخخخخخخخخخ
خخخخخخخخخخخخخخ
فهذا الصعيدي أثبت قوته بأنه أستطاع أن يحمل السروال والجلابيه والسجادة
واللي كانو عليها وبعض جدران المسجد وبيوت الحاره المجاوره للمسجد.. فصدّق أو
لا تصدّق
في الختام أحب أن انهي كلامي بأننا نعاني من هذه الآفة واللتي أرجو أن تندحر
لكي نعيش كشعوب العالم بدون قمطات معنويه وفسيلوجيه
النهاية
ما يستفاد من الدراسة العلميه :
1/ ان كنت مقمطا فهناك حلول كثيره منها شفط الشحوم وانت ابخص
2/ لا تحذر من فرسان الحرب ولكن أحذر من مقمطو الحرب(والله ما فهمت وش المقصود فيها)
3/ تقول الحكمة .. (( أقمط أو لا أقمط )) .. على وزن أكون او لا أكون
4/ أنصحكم بالمشدات وسروايل الستريتش فهي لا تسبب هذه المشكله
5/ هناك دراسة بأن كلما زاد ثقل المحمول في المكان اللي بالي بالك(الارتداد الخلفي) كلما زاد ذكاء الشخص ...
رسالة الدكتوراة في العلوم الإنسانية للأستاذ
مناحي روبنسون
أستاذ متفرع لدراسة القمطات
ThE eNd
قضية الشارع السعودي : القمّـطه ..!!
.
رد : قضية الشارع السعودي : القمّـطه ..!!
أقمط يا ولد أقمط
مميز ومبدع كالعادة يالعيّااااااااااااااااااااااااااااار 
الوضع العادي
