مناحي تعال بسرعه بدأ سندباد. على صياح أخواني تركت دروسي <<< تكفى يا للي بتفلح فيها 
وجلعدت مسرعا عشان الحق حلقة سندباد يوم علي بابا يقردن بنت السلطان وكان يعرضونه على قناة السودان. وصلت الصاله ولقيت اخواني متبطحين كلهم قدام التلفزيون وما لقيت لي مكان فجيت جلست بحضن الخدامه ((نيتي سليمه والله )). بدت الحلقه وانا متحمس . وانا في قمة انفعالاتي والمتابعه.. شوي وانقطع سندباد وجاء خبر عاجل على قناة السودان ((مهاجمه برجي التجاره بطائرتين))<< فاهمين المثل تصل متأخرا خير من ان لا تصل غلط ..!!
. وزقزق أم الجو ورحت الغرفه ورجعت اقرى كتابي اللي كان يحكي عن أيام الأندلس والفرنجه اللي الين الحين ما ادري وش معنى فرنجة .
الموهم حل المساء وجاء ابوي ناداني: يا مناحي تكفى وانا أبوك سو لي مساج لاني جاي من الدوام تعبان وحالتي صعبه..ووجهك زاد همي هم يالبومه.. جيت وبديت اهمز رجول ابوي شوي وقال تعال همز ظهري جيت ورحت اهمز ظهره شوي وانسدح ابوي وفصخ الفنيله وقال لي همزني زين جيت شكيت بنفسي وقلت وش يبي ذا ؟
الموهم جا ابوي وقال اطلع فوق .. لا لأ انزل تحت .. ياخي سو مساج زي الناس . قلت له ما اعرف .
قال لي تعال انسدح على بطنك وفصخ فنيلتك وانا بسوي لك مساج
جيت قلت له : انقلع . وينا فيه. تراي اعرف حركات النسيم ؟لا تحسبني دلخ . هييه تراي ولدك احترم نفسك ...هذي حركاتك وانت متزوج..اجل وش خليت للسلنتح المنحدين عالمخدات مثلي؟؟
شوي وجتني النعال بوجهي وقال ابوي : الله ابوك يا السربووت . وش تحسب اني بسوي لك يا الداشر . يلعن شكلك ما لقيت الا انت يا وصخ لو داري ذي الخلفه(العيال) اللى بتجيني كان انتحرت من مبطي . انقلع بس
الموهم هربت من ذا الشايب اللي فهمت نيته غلط وشكيت بأخلاقه النزيهه.. ورحت السطح وانا كلي حزن واسى عشان ما شفت سندباد وعشان ابوي طردني من البيت لاني فهمته غلط .
طلعت السطح وجلست على الخزان وبديت اسلي نفسي اتليّف بالخران الفوقي
.
شوي وانا منشغل ويمر من فوقي شهاب .
طالعت فيه وتذكرت ان الامريكان اذا شافو شهاب يتمنون امنيه وبتحقق . جيت وقلت بأتمنى كود انقلع من ذا العشه اللى ساكنن فيها وافتك الموهم جيت افكر وش اتمنى ، اتمنى اني غني ومتزوج 4 حريم كل وحده اطلق من الثانيه . ولا اتمنى اني اشوف حلقة اليوم حقت سندباد ولا اتمنى اني اكون قرد عند امريكيه طخمه وتخليني اتروش معها؟؟<<< التنكه تنكه الين يموت.
الموهم جا ببالي اني كنت اقرى كتاب عن الأندلس
جيت وتمنيت اني اروح الأندلس. شوي وانا مغمض عيوني وحاط يديني على صدري واتمنى((<<هييه جالس تصلي ولا تتمنى يالثور؟؟))
، شوي ويتغير مسار الشهاب وجاني ناوي ينتفني . حاولت اروح يمين اروح يسار ومافيه امل الشهاب ناويني . شوي ويقرب الشهاب وينتفني مع مقفاي واطير واطيح بحوش جيراننا اللي كنت كل عصريه اروح أقز بناتهم وهم يلعبون بالحوش ويحطون فيري ومويه عالارض وانواع الانزلاقات عالبطن<< يا لبيييه بس يا بنات السلي انتم والعابكم.. البنات باربي وانتم تسدحون بفيري بالحوش خخخخخخخخخخخ
. واغمي علي.
.
تحويله:
السلي: حي من أحياء شرق الرياض وغالبية سكانه مطعسه . وسبب طعاست سكانه أنهم واقعين بين النسيم والنظيم وتأثرو فيهم
نعود لقصتنا
.
قمت من النوم ولقيت نفسي بسوق للعبيد بالأندلس وكان قدامي واحد يسومونه الموهم وصل لخمسين دينار وباعوه الموهم جا دوري . شوي ويبدأ واحد ويسومني بعشرين دينار وجا الثاني وقال ثلاثين دينار . الموهم كل ما زادت المزايده اتحمس الين ما وصلت سبعين دينار وجيت استعرض عضلاتي وفصخت الفنيله وشديت بطني وشديت فخوذي وسويت ( بوش اب ) وحتى إني لبست الميوه واستعرضت لهم .
الموهم محد زاد وحتى اللي قال سبعين سحب علي وراح.
جا بحل فيني اللي يبيع وقال لي برسلك قصر الأمير تشتغل هناك غلامه اصرف لك يا المنحرف <<< فهم استعراضي غلط
تحويله :
تعريف الغلامه : هم الرجال اللي ما يملكون ميول او شهوه بالعربي يعني يخلونه أيام الأندلس يشتغلون عند الحريم عشانهم مالهم ميول للنساء ولا لغيرهم بس يظلون بشكل الرجل من برا ((صار لهم حادث وانقصت بعض الزوائد الجسميه وهم بزران ومن عقبها ما لقوا خير)). وحتى انهم ما تخشن اصواتهم ولا يطلع لهم شنب ولا شي <<< كيف يظلون بشكل الرجال من برا وأصواتهم ناعمه ؟؟ يلعن أم الشرح الخايس اللي تعرفه .
نعود لقصتنا
الموهم رحت للقصر وبديت اتميع عشان ما انقفط.
شوي ولقيت الدعوه دجه صارو الأميرات ينادوني عشان البسهم وصارو ينادوني عشان اروشهم <<< يقول بنفسهم الله يلعن ام بنات الجيران وولعبهم بالفيري
الموهم بديت اطيح الميانه عالأميرات وبديت اخربها والمس وعلمتهم المطارحه وقعدت اطارحهم وفليتها معاهم
وكانوا يسألوني الاميرات عن اسمي جيت قلت لهم اسمي بلقيس << وانت الصادز اسمك نخرور التيس خخخخخخخ
الموهم وانا كنت فال أمينها مع الأميرات وانواع المطارحه والتلميس والتبويس العفوي << يا حياتي عالبراءة يا سالي..
اثاري كان فيه أمير يراقبني وجيت قللت حركاتي عشان ما يقفطني ويلعن شكلي
الموهم وانا ماشي بالقصر لقيته يلحقني وبديت اسرع وهو بدا يسرع جيت خفت ورفعت فستاني وطلع سروال السنه وهربت وبدأ يلحقني شوي وحجرني بحمامات القصر .
قلت له وش تبي
قال لي : يا ويلاااه آه آه تبا لك اللعنه<<خش جو . اصبح كشنةً لك يا ايها الجميل
قلت له :هييه انقلع تراي اعرف حركات النسيم
قال لي : نعم ما اجمل هذا النسيم في الصباح وانا أراك أمامي ايها الفاتن
واثاري الأمير كان بزرنجي وماهوب عالفطره
تحويله :
تعريف البزرنجي:اللى خاقن مع واحد أطخم وتلاحظه يقردنه ويشتري له ساندويش بيض ومقلقل ويفر فيه عالكامري خخخخخخخخ
جيت قلت له : انقلع ايها الغلمنجي ( بزرنجي بالفصحى ) لماذا تلاحقني ؟هل تشوفني ادور بشارع موسى بن نصير دايم يا ايها السرسري
قال لي : لعينيك اتحمل ما تقول ولكن ارجوك اعطني فرصه فأنني احبك
جيت ومسكته ولعنت والدينه وقلت له ان ما عقلت لاعلم عليك السلطان يا ايها الغلمنجي الحقير. هااه تبيني أفقد عذريتي وبرائتي وأبحل بعمري ولا أحد يعرس علي وأنفضح عند أهلي ثلاث وعشرين سنه محافظ على نفسي عشان واحد ما يسوى اضيعها؟؟<< دخل جو على إنه بنت
. واكملت طريقي وخاف مني وما عاد يلحقني
الموهم صرت محبوب في القصر وصار الكل يعرفني حتى الأمراء والخدم .
ومن زود شعبيتي الكبيره صارو الأمراء ينادوينني عشان أسوي لهم مساج عشانهم خايفين يجيبون أحد ذا الخوال ( عبيد القصر) يسوي لهم مساج ويتهيض ثمن يقلب عليهم وياكلون تبن
الموهم بيوم من الأيام ناداني السلطان وقال لي : تعال يا بلقيس سو لي مساج
جيت وبديت اهمز رجوله شوي وقال : تعال ودلك ظهري فأنني احس ببعض التعب
شوي وفصخ الثوب ثم انبطح على بطنه وبديت اسوي له مساج
شوي قال السلطان : ارتفع قليلا ... لا لا انخفض
ثم التفت علي وقال الا تعرف كيف تدلكني . اذا لا تعرف هيا انسدح وخلني ادلكك
؟؟؟هالحركات مرت علي؟شكله احد جداني ؟؟يلعن ام الوراثه الغلط خخخخخخخخخخخخخخخخ
قلت له:اها هذاه برجس ملحط بالسجن ان تسان تبي تلحقه فحاول تقرب لي
شوي وشوتني السلطان من غرفته. 
وحل المساء ورحت لقسم لأميرات عشان عندهم سمره وجيت وتكيت مع الأميرات وبدو يسولفون عن بعض الامراء اللي خاقين معاهم وأجي انا افضح كل واحد يذكرونه الين ما كرهو كل الأمراء وجت وحده من الأميرات وسألتني وقالت : يا بلقيس ؟ هل هناك شخص تحبينه ولكنك لا تريدين ان تخبريه بذلك
جيت بلشت وبديت اصرف وقلت : من يحبني وانا الشين الذي لو نظر لي قرد كان قال الحمدلله والشكر اني مانيب مكانه
وبدو الاميرات يواسووني ويحضنوني وانا فليتها وانواع الرومنسيه شوي وحده من الأميرات قالت : اريدك يا بلقيس ان تشاركيني غرفتي هذا المساء
الموهم ما صدقت خبر ورحت نعّمت وتروشت وتكشخت
حتى أني حلقت إبطي فرزاتشي ،ورحت لغرفة الأميره عشان اخربها وأوريها أني رجال ومانيب منحرف زي ما يعرفون
الموهم جت الاميره وقالت لي تعالي ونامي على الأرض بجوار سريري( وجهه واحد متحطم) <<< زقت أخلاقه من هالكلمه
قلت لها : سمعا وطاعه يا أميرتي ( الله امك يا بنت الكلب كل هالكشخه وطول اليوم اتسبح ،حتى إبطي اللي كان ينافس شعر المملوح1 في طوله جيت وحلقته فرزاتشي عشانك ، ونهايتها أنام عالأرض)
قمت الصباح وشعري مفشوش (مفشوش:تشابه الفشفاش لكن تختلف في الطعم<< كل تببن ) وحالتي صعبه ورحت ولقيت لي شجره داخله من نافذه غرفه الأميره اخذت منها ورقه ولفيتها وولعتها وبديت ادخنها وقعدت اتمشى بغرفتها بسروال بس
شوي دخلت علي الأميره وجيت وبحلت . وش أسوي عشان ما انقفط ورميت الزقاره واخذت مخده وحطيتها على صدري ولبست ثوبي
الموهم طالعت الأميره وقالت لي : ماهذا يا بلقيس لماذا صدرك منتفخ 
جيت وقلت : عذرا يا أميرتي يبدو ان الباعوض (النامس) استلم صدري مصمصه(<< قصده شريف) الين ما تورم هكذا.
ومشت الأمور بخير
رحت وغسلت وجهي ولبست ملابسي زي الناس وكان عند السلطان اليوم حفل كبير
رحت أنا غرفتي شوي ودق الباب
وطلع الحاجب حق السلطان وقال لي ان السلطان يبيني
جيت ورحت له
أول ما دخلت رحب بي السلطان وقال مرحبا ببلقيس
قلت : اهلا ايها السلطان السربووت
وأمرني السلطان اني ارقص عشان الجواري ما جو
وبدت المعازف تعزف والطبول تدق
جيت حاولت ارقص ما عرفت لان الالحان ذيك الايام كانت كانها الحان تكرن .
رحت جبت لي قدور وخليتهم يدقون عليها
وبديت ارقص وتحمست وانواع الهز والطقطقه جيت اصيح عاشو الشيوووخ
شوي وقفت الطبول ووقف الأمراء وقالو : اين المشائخ ؟
جيت قلت لهم : انتو الشيوخ
وضحك السلطان وقال : هؤلاء شيوخ ؟ سنأروح(بنروح بالفصحى) فيها ؟
وقلت ببالي << لا يا شيخ مسوي سلطان وانت اكبر بزرنجي خخخخخخخخ
وعادت الطبول تطق
وتهيضت وبديت اخربها ورفعت الفستان وطلعت طرف فخذي عشان اخققهم شوي وطلعت ركبتي السوداء جيت ونزلت الفستان عشان ما يشوفونها وتحوم كبودهم ،ورقصت مصري ورحت للسلطان عشان ينقطني بكم دينار
الموهم رحت وهزيت ورقصت قدام السلطان وما فهم
جيت وهزيت صدري قدامه وبرضو ما فهم ، جيت وخربتها وجلست بحضنه كود انه يخق وينقطني
بس الدلخ دلخ وما فهم جيت انهيت رقصتي بأني تشقلبت وسط القاعه وبصقت( يعني تفلت بالفصيح) عليهم من القهر.
طلعت من عندهم والاخلاق زفت
ورحت لقسم الخدم
شوي وشفت ذيك الطخمه
يا حياة الشقى وش هالطول والجمال والخشم والعيون . يا عمري يا كامل الأوصاف واثاريها فرنجيه ارسلها ملك الفرنجه هديه ورحت لها وقلت لها بالفرنسي عشان تفهمني : بنجوور . جوغي فوغو بونوي
جت طالعت فيني وقالت : وش تبي انت الحين ...!!
((شكلها بنت جارنا اللى بالسلي راعية الفيري؟؟خخخخخخخخخخخخ))
قلت : أبد سلامتك بس بغيت أتميلح وأشبكك بالأفرنجي
قالت : الحين ذا أفرنجي .. أقول لا يكثر يا المنحرف
قلت: أول شي مانيب منحرف وثاني شي ترا ذا أفرنجي ولا عربي راس ماله سيفون لا يكثر بس << فاهم غلط
قالت : كل تبن ... وإنقلع
يلعن ام الصدمه كرشتني قبل ما اشبكها
وتحطمت ورجعت لغرفتي
جلست على سريري وانا حزين وكلي اسى شوي وانا قاعد افكر انتبهت اني ما حلقت رجولي من يومين وبدا شعر رجولي يطلع
يعني نكبه لو انتبهو لشعر رجولي
الموهم اخذت الموس ورحت لحمامات القصر وحطيت على رجولي صابون وبديت احلق عكس وما امداني احط الموس الا دخل علي احد أمراء القصر
واستغرب وقال لي : ماذا كنتي تفعلين يا بلقيس
قلت : أبد طال عمرك بس كنت أحلق أباطي
قال : لماذا؟
قلت : تخبر الوقت الحين تقاديم عالكليات وودي ادخل عسكريه << تسمع بالتصريف
وحسيت أنه ما صدقني
يلعن ام القفطه وعينك ما تشوف الا النور والله ما شاف الا غباري وحطيت رجلي برا القصر وبرا المدينه
وانسدحت تحت شجره
وكان المساء قد حل وغابت الشمس وانا قاعد افكر بمصيبتي ذي ، شوي مر شهاب وقلت ذي فرصتي ارجع لزماني وافتك من هالغثى والعلل الله ابوها حاله
جيت وتمنيت اني ارجع لزماني
ونفس السالفه توجهه لي الشهاب وبدى ينصاني وقلت هي خاربه خاربه ورحت اركض للشهاب وتصافقنا انا وياه واغمي علي انا والشهاب من قوتي << كل تبن يا الخكري .
.
قمت من اغمائي لقيت نفسي في غرفتي على سريري ومعي كتابي
جيت رميته وقلت يا زين بيتنا بس وبديت أتأثر بحياتي يوم كنت بالأندلس و وبديت اتمخكر واتميع وصرت اسجل بالمنتديات بأسم بلقيس وصرت اكتب بمنتديات الحريم وتركت الجامعه بسبب كثرة التحرشات فيني
حتى اني مره بالجامعه جيت ووقفت السياره بموقف غلط وعطوني مخالفه ولما رحت للسيكيورتي قال لي تبي اشطب المخالفه قلت ايه قال مافيه مشكله بس مر علي بالبيت الساعه 10 بالليل وتعال لحالك وابشر باللي يرضيك. واشطب مخالفاتك انت وابوك واخوانك لو تبي
جيت وزعلت عليه وقلت له :أنت وععع <<< يا ربي وشكثر أعاني
وصرت اكره حالتي وليش ان الناس ما تقبلوني
وحتى ابوي طردني من البيت ورمى كل العاب باربي اللي اشتريتها وكل المكياج اللي شريته حتى صور اللاعب الوسيم مصطفى ادريس اللي كنت معلقها عالجدار شققها .
جيت ودرت بالشوارع ادور واحد يستقبلني وما لقيت الا شلة فلبينيين وسكنت معاهم
وبالنهايه اشتغلت كوافيره واعتزلت العالم الفطري السابق(السلي) وتعايشت مع حالتي
.ملاحظه:
ترا القصه كلها خياليه يعني لحد يجي يرسل لي رسايل خاصه يتميلح لأجي أترفس ببطنه << شك بعمره خخخخخخخخ
تــم
ذي آنــد
ALNEHAYAH
………………………………….
ما يستفاد من القصه :
1/ من دق باب الناس دقو بابه يعني لحد يسوي حركات وراعين ويدق باب الجيران ثم ينحاش << يلعن ام التفسير البايخ
2/ انصح بعض الشباب بأنهم يعقلون ويتركون المهايط. ويا زين الفطره << أفهموها
3/ لحد يهايط علي ويقول أعرف فرنسي ولا أسباني ولا إيطالي تراي أعرف اتكلم افغاني << لا يكثر يا الشكاك ؟؟ يحلفون ما تعلمت أفغاني إلا عشان تفهم وش يقول راعي التميس اللي جنب بيتكم خايف أنه يحش فيك
4/ لازم كل واحد يحسن النيه في أبوه وتراه أبوك أولا وأخيرا . بس إذا كان زي الأبو اللي بالقصه أنصحك تحط رجلك
5/ إذا بتحلق إبطك احلق عكس
يا زمان الوصلِ بالأندلسي ( ممنوع دخول المراهقين ) [موضوع داشر]
رد : يا زمان الوصلِ بالأندلسي ( ممنوع دخول المراهقين ) [موضوع داشر]
رد : يا زمان الوصلِ بالأندلسي ( ممنوع دخول المراهقين ) [موضوع داشر]
الوضع العادي
