[آهات]

في حزتن متأخرة من الليل وانا جالس مع نفسي اهوجس والعب بخشمي والأفكار تجيبني وتوديني .. مرة تجيبني ومرة توديني وانا وهي مماعط شوش بس هي كادة شوشتها وانا شوشتي كنها ليفة مواعين .. قعدت اسولف مع نفسي واقول يانفسي العزيزة ماطفشتي من العمل الروتيني كل يوم قم يا آهات من الساعة ثمان وانطق بالعمل الين ظهر الله صح اني ماسوي شي طول الوقت مقابل هالنت بس ولو محسوب علي وقت ضايع (ترفق ياعمر المهنا) والمثل يقول الوقت كالسيف ان لم تقطعه قطعك وسواك توست .. ردت علي نفسي قالت انا ماطفشت كانك انت طفشت بصرك قلت على شحم وخلك ساكته الشرهة على اللي يشاورك .. وقررت افكر الين تطلع براسي فكرة مشروع تجاري اسويه وافتك من هالدوام اللي يجيب الماغص .. واداوم على كيفي انشالله اجي الساعة 2 بالليل هماه مشروعي كيفي محدن له خص .. المهم وانا جالس افكر وافكر وافكر مادريت الا يدي حمرا وكلها دمان عاد انا اغمي علي من الروعة وبما ان محدن لمي كبيت على نفسي كاس موية وقومتني .. وسألتني وش فيني عسى ماشر .. بس طلعت السالفة اني مع الحماس والتفكير دخلت يدي كلها بخشمي ووصلت المخيخ بس الله ستر ما جاني شي خخخخخخخخخ ..

عاد قلت مالي الا اشوف وش فيه اكل عشان اتغذى واعرف افكر لان يقولون العقل مرآة البطن (وقسمن توني مألفه لاحد يزرفه) تصدقون 3 ايام مااكلت شي كني صومالي بمجاعة ولاحدن يسأل فيني (بلاك دلخ) وماغير اقعب بهالشاهي ومفهي قدام الكمبيوتر تقل عنكبوت حتى ناوي اجيب مغذية واحط فيها شاهي واربطها بحلقي عشان ارتاح ماقعد كل شوي مادن يدي واجغف في هالبيالات (لاعاد تفكر تكفى) المهم واروح لم المطبخ وافتح الثلاجة طبعاً زي العادة خاوية على عروشها لأن اللي عندنا موب اوادم عندنا سلق ياكلون الاخضر واليابس يكفي واحد منهم بالله عليكم فيه احد يفطر رز سليق؟ ويييين اندونيسي الاخ ... كل اللي لقيته بالثلاجة خبز مفرود (لاحظو ان الخبز حاطينه بالثلاجه، وتلوموني فيهم) .. طبعا تتوقعون انه خبز عادي ياابيض يااسمر .. لا هذا لو ان الموضوع طبيعي .. بالله قد شفتو خبز اخضر؟ اخضر خانز وعليه طحالب وريحته كنه ريحة كنادر عتاب .. المهم اخذت الخبزة ولقيت لي بيالة شاهي مشروبن نصها وعليها سعابيل بس حسيتها دافية شوي قلت احسن من ولا شي .. ورجعت افكر .. واخيراً ولعت لمبة صفراء فوق مخي تبي تعلمني ان فيه فكرة جت بس انا مع الحماس معطت فيشها وطفت ورجعت افكر وافكر وافكر الين وصلت للحل !!

قلت مالي الا اروح لخويي طخيم الداشر .. عاد الله وهالخوي انا مادري وش طيحني فيه لو اني مخاوي شغالتنا اصرف !! شخص قد مااقول عنه غبي مااوفيه حقه وكل انواع الدلاخة متجمعة في مخه هذا اذا كان عنده مخ اصلاً .. لكن ميزته ان الله عطاه فلوس مايدري وين يوديها ( على سيرة الفلوس انا استغرب من اللي يقولون عندنا فقر ويحطون خطط للقضاء على الفقر والضمان طوابير عليه من هالعجز ومادري وش .. انا اشوف لو يخلون الشعب يقطون كل واحد يدفع ريال ويشترون حبر ويودونه لمؤسسة النقد .. ثم يطبعون خمسميات ويوزعون على الشعب .. ظنكم ما بنقضي عليه بالضربة القاضية؟ ) المهم قابلت طخيم وسلمت عليه ودخلنا البيت وصب لي القهوة عاد قدمها باليسار وانا فصخت النعلة جيت اسفـّه فيها بس مسكت نفسي لان الحاجة لي .. قال اشرب قلت (بحقد) تخسى .. قال وشو؟؟ قلت مااشرب من قهوتك لين تلبي لي طلبي ،، وانا اللي اذب شماغي وعقالي واقعد اشاهق واتعبر وابتسي عنده وشوي تحمست وقعدت انغف ... قال وش فيك انت؟؟؟ قلت له شف ياطخيم .. انا قررت اني اترك العمل الحكومي وافتح لي محل .. وابيك معي وش قلت .. اللطخ طار من الفرح وشهق شهقة لدرجة اني شفت ضرس الذهب حقه اللي مركبه وامداني اجيب جوالي وصورت ضرسه ورحت السوق نشرته بالبلوتوث ورجعت كل ذا وهو شاهق .. اثر هو ماهوب مصدق ان آهات بجلالة قدرة يبي يشاركه مايدري اني بلعب عليه واخليه يكر فلوس وهو يضحك .. قلت يبي لنا 50 ألف نفتح محل صغير وترا الفلوس انت تبي تدفعها والشغل علي لا تشيل هم .. قعد يهز راسه ورقبته كنه هندي يعنني متردد ( بيني وبينكم انا مسكته وهديته خفت يستنزل لأنه بعيد عنكم فيه زيران .. مرة سحبني معه قال نبي نروح حفلة انا توقعت حفلة حلوة ودق عود وجلسة أو قلت يمكن يبي يوديني حفلة DJ وحركات ومادريت الا هو طالع من الرياض ومحول على خيمة كلها خوال وانواع الاستنزال شوي والا خويي مهوب خويي واشوفه ينتفض ويتفلت قلت بس شكله يحتضر واروح لمه واقعد اشهده وهو اللي يرفسني برجله ما ردني الا باب سيارته اثر التسلب فيه زيران وسكن معشعشين ولاهوب لمي اصلاً ) المهم نرجع لموضوعنا << من زين موضوعك .. قلت هاه وش قلت تبي ولا ادور واحد غيرك ترا دحيم ولد خالتي متشقق يبيني اشاركه لكن انا قلت اترك طخيم الداشر خويي وصديقي من ايام المتوسطة اللي ما بقى مدرس ما رجمناه بطباشير ولا علبة باتكس ما شميناها سوا ومابقى مكان في يدينا ماكويناه بالزقاير اخليه واشاركك انت معصي .. قال طخيم خلاص اعتمد ما بقى الا هالحمار دحيم (وانا بنفسي اقول الحمار جابته امك والله) ..

المهم من بكرا وانا مسنتر عند باب بيتهم ويطلع لي بالطقم الرسمي لعايلتهم وهو عبارة عن فنيلة علاقي صفراء من الوصخ اخبرها معه من ايام المتوسط وسروال سنـّة ماعاد هوب سنـّة صار بيكيني من كثر الشقوق اللي فيه .. قلت هلا طخيم وش اخبارك وشلونك وش الدنيا بك وش مسوي وش السالفة (مسك خط) اقول تستر والبس ثوبك وامش معي البنك نسحب الخمسين باكو (متأثر بالمسلسلات) يوم طلع ولبس ثوبه الأصيل وطاق الشماغ وطاقيته الزري ومرسّم .. انا ماعرفته قلت ياخي ناد لي طخيم الداشر مستعجلين قبل يقفل البنك .. عاد هو قال هاهاها انا طخيم وش دعوه ماعرفتني قلت لا ياشيخ وش يثبت لي ؟ قام فتح اثمه وشفت ضرس الذهب وقارنته بالصورة اللي عندي في الجوال وتأكدت انه هو خويي اثره اطخم على اسمه لا تكشخ ما كنه الا بشير الغنيم الخالق الناطق !! يوم جينا عند البنك نزل وسحب الفلوس وانا منطق في السيارة تحت الشمس كني تميس محروق شوي ولا هو جايني ومعه كرتون شايله فوق ظهره .. انا حسبته نهب البنك وعلى طول تذكرت الأيام الخوالي ودقيت اللطمة وقلت بسرعة بسرعة اركب الشرطة ورانا قال: ياخبل هذي فلوسي !! قلت: لعنة قلت لك خمسين الف موب تسحب كل اللي وراك واللي دونك لكن يلله زيادة الخير خيرين (وانا بنفسي اقول هالشنب مهوب على رجال ان ما خليتك تطر عند الاشارات) ..! قال: ياحبيبي من قال لك بجيب لك فلوسي كلها (طلع ذهين الولد) يالذكي انا جايبها ريالات .. قل ليييه؟ قلت لييه؟ قال أحلييه .. انا طبعاً ما تحملت مصالته وعطيته بقس خلا خشمه يصير كنه ركبة ناقة مضيعتن ولدها يوم الاثنين اللي راح ويقولون انهم عينوه في ام الدحوس << بتل ... المهم طلع السبهة جايبها ريالات يقول استاحشت من منظر الخمسميات واخاف انها مزورة (بلاك منتب وجه نعمة اغلى شي شريته كان قلم باركر بـ 12 ريال وكرفت ام امه ليما قال اعتقني لوجه الله ولك الاجر) ... امري لله اخذت الفلوس ورجعت للبنك صرفتها خمسميات بس بقيت وحدة منهن ريالات لأن يقول كانت امنيته يوم هو صغير يشتري علوك اللي تتفخ ويوزعها على عيال حارتهم ويكسر خشم عبيد الافنس اللي كان دايم يبز بعلوك طرزان اللي ياخذها من دكان خاله (الله ابو ابوه من طموح) ..

المهم وصلنا البيت وافترشنا الغنيمة وطلعت الساكتون حقتي وحطيتها فوق الطاولة ابي اخوفه واعلمه انه كانه بيلعب بذيله ابثوّر فيه (ترفق يالكلاشنكوف الحين) .. قال ياخي وش فيك انت مطلع الساكتون انا عارف السالفة كل ابوها اصلا .. حسيت انه اكتشف خيوط المؤامرة وقلت مابدهاش ياعمي بلا ساكتون بلا مهايط .. وبسرعة شلت لوحة الموناليزا اللي معلقها وفتحت الخزنة اللي وراها وطلعت سلاحي السري ... وهو عبارة عن نبيطة ذات ثلاث مغاطات وعليها زبارق عبارة عن شطرطونات خضر وحمر متداخلة مع بعض في لوحة سريالية بهيجة << اللي فهم هالمقطع يرسل لي مسج على جوالي 055 احم احم او يرسل لي رسالة خاصة او يدق ويسكر (افهموها عاد) .. << ترا الرقم مسيوم بالفين ريال افرق السومة وخذ الرقم << واحد يمسكه ترا بدا يخنبق قال انا عارف كل شي وساكت انت تبي تقهر عبيد الافنس (ياذا الافنس) عشانه لهط ام امك يوم انت بزر وفكك كفرات سيكلك الـ 18 اللي كنت تمتطيه (انا ابي اعرف وشلون نطق اخر كلمة) ... انا بعد هالكلمتين منه غسلت يديني ورجليني وتوضيت وصليت ركعتين بعد مع الحماس .. يعني حسيت اني انفخ في قربة مشقوقة وللي مافهم هالمثل ترا معناته اني اخذ قربة واشقها وبعدين انفخ فيها وانفخ الين تقول بس .. اذا قالت بس معناته اني انفخ بقربة مشقوقة اما اذا ماقالت بس فهذا معناته ان مامن برطم (يرحم ام اللي علمك امثال ياشيخ)

عاد المهم قعدنا نفكر وسألته قلت ياطخيم قال ياعيناه قلت جعلها الخفس وش المشروع اللي تتوقع بنحصل فيه اقبال؟ قال مالك الا البطحاء لان الكلب ماينحاش الا هناك .. قلت وش بطحاء ووش ينحاش؟؟ قال: سواقنا اقبال ماينحاش الا هناك .. طبعا مايحتاج اقول لكم اني مسكته مسكة مخلبية وبعدين انهلت عليه رفساً وخليته يقول انا ابن ستين كلب .. وبعدين سدحته في الحلبة ومسكته من ورا وعضيت خشمه الين استسلم ويوم استسلم قلت بسرعة علمني اسم امك (الحياة فرص) والثور خر على طول وقال لي ان اسم امه جاكلين ياحليله امه لبنانية شكلها عاد انا تحمست وقلت وش اسم اختك .. وفزت وخذت حزام البطولة والمباراة الجاية بنلعب مع النصر على تحديد الفرق الهابطة للدرجة الأولى ويمكن نفوز عليهم بستة <<< سقها عاد لا يجيك علمن مايسرك انت وفريق النيفيا حقك

اتفقنا اننا نفتح محل تميس وفوال (يقطع أم الطموح اللي كذا) ويوم حسبنا التكاليف طلعت أربعين الف نتقبل المحل وخمسطعشر الف اجار سنوي وخمسة الاف بضاعة << ناوين يبيعون حشيش .. وثلاثة الاف حقت لوحة المحل وخمسة الاف رشاوي للبلدية ووزارة التجارة (وجه قامط العافية) وستمية ريال سجل تجاري (اجل يحطون اسم طخيم الداشر على الواجهة هذا اللي ناقص) وثلاثة الاف دهن بوية واصلاحات بالمحل واربعة الاف اطلبه من اول وثلاثة الاف حقت طلعة البحرين << كب العشا .. المهم وطلعنا حنا المديونين لذلك قلت ياطخيم انت تكرمت وجبت فلوسك ماعاش اللي يردك ياشيخ .. المحل ومانبيه تعال بس نلعب بأم الفلوس اللي معنا ونفلها ياخي انت كم بتعيش الله يلعن من انت خويه يالداشر انقلع لا بوك لا بو من يخاويك خايف من ابوك قلها عادي << انواع التدشير .. الغبي قال بفهاوة متناهية: هاااااه ونفس الشي يوم فق اثمه اللي كنه قطار الموت بديزني لاند (ياشيخ حدك ملاهي الروضة) طلع ضرس الذهب حقه بس هالمرة اجهرني بلمعته فـ رحت جبت زرادية وقلعته وهو فاغر مايدري وين الله حاطه واحتفظت فيه للذكرى وكتبت عليه "ذكريات اثنين سملق" (كان كتبت وواحد بيض جبن بدون شطة احسن!!) بعد ما سكر اثمه بحفظ الله ورعايته وكان في استقباله صاحب السمو طوط طوط طوط قال قسمن بالله ماصارت هذي ياخوي ..!! الحين ازرف لك خمسين الف من حساب ابوي بالبنك وازور بطاقته وتوقيعه واخرتها تقول لي نفلها ياخي اتق الله في نفسك (طخيم السديس على غفلة بعدين تعال تعال ستوب ! وش اللي ازرف لك اثر الكلب مسوي فيها تاجر وهو سمرمدي موب لاقي حق الدخان) انا صراحة طاح وجهي مثل طيحة الطوفرية وانت شايلها بالعروس بين المعازيم (طلع قهوجي الاخ) قلت اسمعني يالغالي يابعد قلبي ومهجة فؤادي وحشاشة يوفي (يوفي ولا ميلان) انت التزوير وزورت والفلوس وسحبتها وش عليك من ابوك يعني باللهي عليك بيروح يبلغ عليك؟ ان سواها فهو حمار .. وهو اللي يخزني بعينه كنه يقول الفقها بس ولا يكثر .. قال لي وانت صادق وش بيسوي .. ياشيخ انت رهيب عطني مسنجرك تكفى قلت تبطي والله

قررنا نأجل موضوع التصرف بالفلوس إلى بكرا وليتنا ما قررنا .. انا طلعت منا ومعي الفلوس واثر سويّر أم الركب تدري بالسالفة وشافتنا وحنا عند البنك كانت زي العادة تضحك على الشباب اللي بالصراف وتزرف فلوس المهبل .. طبعاً سوير ام الركب قيل انها سميت بهذا الاسم لسببين .. الاول لعاهة في ركبتها لان ركبتها كانت عبارة عن ثقب أسود أو حبة خال كبيرة ومن سوادها كانوا يحسبون فيه فراغ بين الساق والفخذ وما بينت معهم الركبة الا بالأشعة فوق البنفسجية .. والسبب الثاني قالوا لانها مرة كانت بالسوق تغازل (داشرة بنت الذينا) وراحت تبي تطيح واحد تكسب منه كم بطاقة سوا وتتفل في وجهه .. بس طلع اللي ترقمه متعاون مع الهيئة فـ طقتها أم الركب وانحاشت ما ردها الا حراج بن قاسم .. تصدقون نسيت وش كنا اقول (ياشيخ يحلفون ان موضوعك كله كوبي بيست) ايييه المهم سويّر يوم درت بالموضوع اثرها متابعة همساتنا وسكناتنا وتترصدنا واحيان تاخذ الجريدة وتحط فتحات فيها لعيونها وتراقب مثل افلام الكرتون .. وانا طالع من بيت طخيم اعترضتني سويّر ويوم اقبلت (صوّت لها جرحي القديم) انا يوم شفتها وهي تعلك وكذا وتطلع صوت مع المشية وماسكها عباتها رافعتها تبي توريني ركبتها السوداء بصراحة خقيت وقلت (ياذا الحب الجديد) ورحت لها مسوي ذوق .. قلت ازايك يا قميل ... ومع الحماس تربعت وسويت حركة ياسر القحطاني بالسهم .. عاد هي ما تحملت وذبت ام الغطوة وانا يوم شفتها اثرها اخت خالد مسعد من الرضاع والله ياهي العبايات مغبيتن بلاوي !!! ولا شعورياً قلت يلعن شكلك .. قالت وشو؟ وش تقول ياحياتي؟ قلت ابد الله يسلمك (وانا بنفسي اقول على تبن يالعبدة فارقي لا ابلغ عنك الجوازات) المهم بدت تسوي حركات مش ولا بد وتغمز بعينها اللي كنها سنشيرو (على سيرة سنشيرو وش صار في حلقة بيق بورن؟) وانا بزعمي انها تستهبل ولا توها جاية من حفل تنكري ولابسة قناع حمارة القايلة .. يعني مااقتنعت ان هذا عبارة عن وجه بشري حقيقي قلت اكيد حاطه تلبيسة بس للأسف اكتشفت ان هذا وجهها الصدقي وجتني صدمة عصبية وفكرت انتحر بس المشكلة اني ماكنت مجهز الوصية لأني ناوي احرم ابوي من الورث عشانه مرة طقني << يعنني ما طقه الا مرة وحدة ... المهم جيت بنحاش والعبرة تسكن فؤادي المحطم ولحقتني سويّر ام الركب قالت وييين يابعد اهلي (يلعن اهلك ياشيخة من قال لهم يجيبونك) .. قلت بروح بطس بلعنة وش دخل امك فيني احد موصيك علي وبعدين العلاقة اللي بيني وبينك اقطعيها (تقطعت اوصال ابليس قل امين << امين) .. وفي هذه اللحظة ما قدرت تتمالك نفسها وامطرت لؤلؤاً من عينيها الحمراوتين ورفعت يدينها فوق راسها وبدت تلطم وتقول ليييه وش سويت لك كل هذا عشاني احبك ولا حبيت غيرك بحياتي لييه ماعاد تبيني غيروك علي يللا ودني بيت اهلي نسيت اول يوم كنا مبزرة يومنك تشوف بنت وتقول يمه هذي بنت ولا حبة خال متحركة ايه هذيك انا بس كنت اتغلى ولا خليتك تشوف يديني وزيتهن (احسن شي سويتيه بحياتتس) بس الله يذكر زمان اول ياخي لا تعلقني بحبك وتروح يامالك الروح ما تبيني ودني دار الايتام !! .. انا طبعاً هديتها ومسحت دموعها اليتيمة ليس حباً ولا شفقة لكن لأنها يوم رفعت ايديها طلعت ريحة اباطها وانا كان بيغمى علي بس تلاحقت عمري وشميت الكالونيا اللي ماتفارقني ابد بحلي وترحالي ؟؟ وبعدين قلت انا رايح واشوفك بكرا بنفس هالموعد ونفس المكان قالت اوكي بس لاتنسى تشيك علي عاد (الاخت هوتميل وانا مادري!!) .. ثم رحت وانا كلي وله وشوق والعنود (علم بأسماء اخواته الدلخ) وانا احلف اني ماعاد اتهور واكلمها ولا اناظر فيها ...

بالليل وانا منسدح زي عادتي فوق السطوح أتأمل النجوم والقمر والشمس والكواكب والنيازك والأقمار الصناعية (مبين التلفيق؟) وجالس انظف سري مما علق به من أوساخ وقاذورات وبعض الحشرات الزاحفة والطائرة وفصم تمر واقلام ام اربع الوان ولقيت بزر كانوا مضيعينه اهله ناشب بسري .. المهم جالس اشرب من جركل الما اللي جنبي واغني "يانار شبي" .. فجأة فز قلبي .. ومدري وش فززه .. انا قلت شكله من الهم ايييه يا زمن اللي صرت اصالي الهموم على تالي عمري بس طلعت السالفة مهيب هم طلع قلبي يستهبل ما جاه النوم ويبي يروعني قلت يا قلب وش قصتك رد علي وقال ياخي انا احب ..! انا حقدت عليه وتليته من عروقه وفضخته على الجدار وقلت اعترف من تحب يالمراهق يالداشر ياللي فيك وفيك يا مقطع الاربع ياللي من شفتك ماشفت الا المصايب اصلااااااان انا من اول حاقد عليك وادور الزلة ابي العن اسلافك .. قال اصبر يالمطفوق وش فيك الحين انت اللي شايفها ولا انا !! قلت منهي قال رجعني اول مكاني واعلمك ... يوم جيت شلته لقيته معدوم ويصب زيت وفيه بعج بالبطين الايمن قلت اشتري لي واحد جديد وكالة اصرف .. بس يوم ركبته ودقيت سلف اشتغل قلت تمام دامه ماشي اخليه .. المهم قلت تعال قل لي وش سالفتك وش اللي تحب هاه .. قال ههههها اعرفك يالخبيث مسوي ماتدري وانت متعلق من راسك لرجولك اخ منكم يالرجال مسوين ثقل وتكانة ومع اول ضحكة ناعمة تخقون يا ملاعين الصلايب .. انا طنقرت معي وتليت اقرب شي جنبي اللي هو نعلة مقاس 42 وصبخته فيها (يالدلخ لاعاد تفقش اصلا انت دخلته بصدرك وشلون تصبخه .. مرة ثانية احبكها زين اوكي حبيبي << طه) ويوم صبخته خر بالسالفة وقال اني احب سويّر ام الركب السود الخايسة اللي ماتتسبح الا مرة وحدة بالسنة واذا كانت السنة كبيسة مرتين لأنها عضوة بجمعية محاربة التلوث البيئي .. بعد شوي حسيت اني لازم اقابلها ابي اشوفها باللي هي به وشعرت بشي غير طبيعي .. لالا مهوب معقول .. ضرسي يحكني !! وهالشي ما يجي بعائلتنا الا يعني ان الواحد عنده اعراض حب .. واروح لم بيت سويّر وانا احك ضرسي واحك واحك .. شوي وجبت قلم الحبر حقي وابدا احكحك ولا فاد قمت طلعت مشرط من جيبي وقطعته من العروق (يلعن ام كذا عربجة) !!

المهم وصلت بيت سويّر وكانت تطل من الدريشة كأنها تحتريني .. وانا اللي اطق الباب واطق ولا احد رد قمت اخذت العجرا واهبد بها على الباب ويطلع لي ابوها نفسه بخشمه وهو لابس الطقم الجديد لريال مدريد (تخيلوا رونالدو بفنيلة علاقي وسروال سنة خخخخخ) قال خير وش تبي يالسرسري ياللي سمعتك الشينة واصلتن كل مكان ؟؟ .. انا جاني شعور مثل شعور المرة اذا جت تولد يعني ودي اعض وافقع وجه أي واحد قدامي وبغيت اتهور واعضه في مكان حساس اخليه يتفل العافية هو والصلافع اللي براسه لكن قلت لعيون سارة تشرق الشمس وتغيب وعشان الحبيب ارمي نفسي بالدزليب (ياعمري علي لا صرت رومانسي احيان اغار من نفسي) قلت يا عم انا ابي اشوف بنتك سويّر ام القمل قصدي ام الركب وباخذها معي نسهر سوا ونسولف رح قل لها تضبط عمرها .. عاد ابوها انهبل وطير عيونه وقال وش تخربط انت ياقليل الادب ياللي ما ربوك اهلك ياللي وياللي قلت على شحم يالشايب المعرعر وعنادن فيك بنتك شايفها شايفها والله لو اضطر اني اطب بكرشتك انت واهلك لابوك لابو اهلك عاد هو خاف وخفف لهجته وقال شف ياعزيزي ماعندنا بنات يطلعون الا بزواج (بلاك ثور ماتدري عن بنتك وش تسوي) تبي تتزوجها هذي الساعة المباركة اصلا انا مابي الا الستر (انت اشتر جوال بلوتوث وتشوف وش مسوية بنتك قال ستر قال) انا قلت يلله قدام بس علمني اول بنتك جديدة ولا مستعمل وبعدين وكالة ولا معرض قال لا والله ياوليدي بنتنا ارهب شي في العالم وقسم القسمات ماقد سوت شي حتى تتغطى عني من زود الحيا .. بس انها قد تزوجت واحد وحسر فيها وتطلقت بعد كم شهر يعني استعمال نظيف ومن عقبها حرمت تتزوج عرفي (!!) قلت مع انها يالله تجيب قيمتها بس وش اسوي القلب وما يهوى كم تبي مهر يا عم قال ابي 100 الف كاش او 150 الف تقسيط على البنك بس يبي لك كفيل وتحويل راتب!! قلت ماعليه ابيع اللي وراي واللي دوني عشان عيون سارة فديتها .. بس انت لو تخليها خمسين الف واعطيكياها الحين شفها بمخباتي والباقي اعطيك علوك بداله (الله ابوك من عريس) وطلعت فلوس طخيم الداشر وريته كنوع من الإغراء .. ابوها ما صدق خبر وسالت سعابيله وخربت ام الجو بس اني عالجت الموقف ورقعت فمه لأن اكتشفنا ان فيه تهريب بلسانه .. قال خلاص هات الخمسين واخليها تطلع معك الحين (ابوها متحرر بزود حتى من كثر تحرره يدلعونه آل زلفة) وباقي الخمسين اسجلها على الحساب تدبرها قبل العرس وترا البنت بتطلع معك بس تجيبها لنا قبل الساعة 12 ولا جيت سحبتها من عند بيتكم وانس تشوف العربون (مشكلة ابوها انه يشتغل بالمعارض).

والله وعطيته الفلوس وانا كني مسحور واخذت البنت معي ويوم طلعت وركبت السيارة خفت اني اتهور واسوي فيها شي مهوب زين خصوصاً انها كانت تغريني ولابسه سروال السنـّة حق ابوها .. وانا عاد خفيّف .. لذلك قلت لها يابنت الناس تبين تطلعين معي نتمشى زي الاخوياء ماعندي مانع اما بتقعدين تستلكعين ترا والله لاسحبك عند الهيئة !! قالت يا خبل انا الحين زوجتك على سنة الله ورسوله يعني تقدر تسوي أي شي تبيه .. انا برقت عيوني من الروعة وحسيتها تقصد اني اقدر المس يدها (الله واكبر يايدها الحين الحجر الاسود على غفلة -يكرم عنها-) وقلت ياخبلة مابعد صرتي مرتي وقسمن ياعايلتكم تسمع بالزواج .. انتي الحين بعد في طور التجربة المجانية Shareware ان عجبتيني خذتك وان ماعجبتيني حذفتك عند باب بيتكم .. قالت لا راح اعجبك انشالله !! وهي اللي ترفع سروال السنة احسبها بتغريني بس اثرها تبي تطلع ورقة (والله يا البنات يوزون اشيائهم في مناطق غريبة انا مستغرب ليه مايحطون لهم جيوب ويفكونا) المهم طلعت الورقة وشقتها قدامي قالت ياخبل هذا العمل اللي سحرتك فيه ونهبت فلوسك الحين خلاص مابيك انزلع رجعني بيت اهلي ولا وش ابي فيك يالمخنز ياحلايا الكنغر مصدق ان فيك شي ينحب !؟ انا تحطمت وكذا وحسيت اني ماحبها وقلت وش جاب هاللحجية بسيارتي صراحة خفت على شرفي منها !! ونطلتها عند اقرب عاير وانحشت.

يوم رجعت البيت واحس اني صرت خفيف احسب اني سويت ريجيم بس تفقدت مخباتي وما لقيت الفلوس !! وتذكرت السالفة اثرهم لعبوا علي وسحروني وخذوا فلوسي وخلوني ادربي دمجتي !! انا ما همتني الفلوس بس المشكلة وش اقول لخويي (اكيد ميب هامتك بلاك ماتعبت فيها) .. رحت له بانصاف الليول وناديته بشفرة مورس السرية حقتنا اللي هي عبارة عن حصاة احذفها على غرفته .. علقت فيها ورقة مكتوب به "من آهات إلى طخيم الداشر .. فلوسك انسرقت والعوض عليك فيها .. ترا الفلوس وصخ دنيا" << اذا الفلوس وصخ دنيا انت وش تصير ..!! وما طولت الا جايني الرد اللي هو عبارة عن نعلة نايلو طايرة استقرت في جمجمتي وأردتني صريعاً .. ولا وعيت الا وانا بالحجز وقدامي طخيم وابوه والضابط يهددون ويتوعدون ان مارجعت فلوسهم بيحوسون مريري .. عاد انا بلعت ريقي الناشف من التعب والظما وقلت ياجماعة ماعندي الا قمل ثيابي انا وجهي وجه خمسين الف طيب شغلوني عندكم لو اخرف نخل بس لا تخلوني فيذا بين الوحوش !! قال ابوه ماعلينا منك تجيب فلوسي لا اغولك الحين ولا بتقعد بالحجز (صراحة هو سجن الحاير بس انا اقول الحجز عشان ماتقولون راعي سوابق) وانا الحين دمعتي حايرة بعيني وتدور سبب تبي تطلع ووضعي مؤلم قاسي يعور (ضرس ذا موب وضع) .. داخل على الله ثم عليكم اللي عنده فلوس يحولها لي على الحساب الموحد (1111) واذا المبلغ كبير دق على جوالي وحط ثلاث تسعات (مشكلة اللي متعود على البياجر) ولا تنسونا من دعواتكم .. واذا سمعتوا عن مكرمة ملكية قريبة علمونا .. وعفاكم

[***اليتيم***]

هههههههههههههههههههههههههههههههههههههههههههههههههه ههههه

الله يرجك انت وخويك الداشر ههههههه

تهقى فكره القطه حقت ريال من كل فرد من افراد الشعب اللي بنشتري فيها حبر تفك ازمتك ؟
على الاقل لو نسويها على اعضاء الاقلاع من 3 ريال تنفع؟

[نمر نجد]

تخرف نخل وانت بتعرف فيه نخل يطقع بالفيصلية بالطول كيف بتخرفه

حنا جاهزين نجمع لك قطه بس القطة انا اجمعها

[آهات]

***اليتيم***

إقتباس »

هههههههههههههههههههههههههههههههههههههههههههههههههه ههههه

الله يرجك انت وخويك الداشر ههههههه

تهقى فكره القطه حقت ريال من كل فرد من افراد الشعب اللي بنشتري فيها حبر تفك ازمتك ؟
على الاقل لو نسويها على اعضاء الاقلاع من 3 ريال تنفع؟

هلا باليتيم منور الموضوع

لا مابي 3 ريال واجدة عليكم ولا تدري لو حسبناها 3×80= 83 الف ريال تمااااام << ابو من درسك رياضيات
ياليت يتجاوبون وتراي اقبل كريديت وعلوك



جورج محماس

إقتباس »

تخرف نخل وانت بتعرف فيه نخل يطقع بالفيصلية بالطول كيف بتخرفه

حنا جاهزين نجمع لك قطه بس القطة انا اجمعها

لا هنت على الرد ابو محماس

بس ياخي من علمك الإملاء؟

[emma]

الموضوع في نهايته يحزن ... ... بس تستاهل انت وخويك <<< أنواع التحطيم

إقتباس »

داخل على الله ثم عليكم اللي عنده فلوس يحولها لي على الحساب الموحد (1111) واذا المبلغ كبير دق على جوالي وحط ثلاث تسعات (مشكلة اللي متعود على البياجر) ولا تنسونا من دعواتكم .. واذا سمعتوا عن مكرمة ملكية قريبة علمونا .. وعفاكم

ردد ردد ياليييل ماأطولك ..

[^_^ ريمـوـو ^_^]

يسلمو على الموضوع ..

[دجه هانم]

ياطوول موضووعك طوولاااااااه ..

بس ولو إإإإكه ..

ميغصوو لإلك علييه ..

[طخ طيخ]

هههههههههههههههههههههههههههههههههههههههههههههههههه

خخخخخخخخخ الوضع حقك ميئوس منه يالزول الظاهر حتى الكوي ما يفيد بعد

[line]

إقتباس »

المهم وانا جالس افكر وافكر وافكر مادريت الا يدي حمرا وكلها دمان عاد انا اغمي علي من الروعة وبما ان محدن لمي كبيت على نفسي كاس موية وقومتني .. وسألتني وش فيني عسى ماشر .. بس طلعت السالفة اني مع الحماس والتفكير دخلت يدي كلها بخشمي ووصلت المخيخ بس الله ستر ما جاني شي خخخخخخخخخ ..

هههههههههههههههههههههههههههههههههههههههههههههههههه ههههههههه

ما يحتاج اصبع زول والخشم نفق السويدي الا اخبار الباص طلعوه من خشمك ولا توه خخخخخخخخخخخخخخخخخخخخخخخخخخخخخخخ

إقتباس »

واعرف افكر لان يقولون العقل مرآة البطن (وقسمن توني مألفه لاحد يزرفه)

وانت الصادق مولفه بس تكفى لا عاد تولف ابد

انت حدك تولف مكينه ويالله

إقتباس »

حتى ناوي اجيب مغذية واحط فيها شاهي واربطها بحلقي عشان ارتاح ماقعد كل شوي مادن يدي واجغف في هالبيالات (لاعاد تفكر تكفى)

انا ما قلت شي خخخخخخخخخخخخخخخخخخخخ ااااااااااااااااااااااي


(

إقتباس »

على سيرة الفلوس انا استغرب من اللي يقولون عندنا فقر ويحطون خطط للقضاء على الفقر والضمان طوابير عليه من هالعجز ومادري وش .. انا اشوف لو يخلون الشعب يقطون كل واحد يدفع ريال ويشترون حبر ويودونه لمؤسسة النقد .. ثم يطبعون خمسميات ويوزعون على الشعب .. ظنكم ما بنقضي عليه بالضربة القاضية؟ )

طالبك لا عاد تفكر وين وين ناقص بالخمسميه تحت علامه hp

إقتباس »

ولا تنسونا من دعواتكم .. واذا سمعتوا عن مكرمة ملكية قريبة علمونا .. وعفاكم

خخخخخ اهات انصحك فيه كمن مسجد خابرهم ما اشوف عنده الا فياقرات وش رايك نجرب حظك

الله يرجك اهات الزول الكبير

ويمكن ارجع ماش احس اني منقص شي ما علقت عليه << بينشب لك


لك تحياتي

[طرش بحر]

ايقونتن تلهث يالله خلصت قراية الموضوع



آهات

يا مال العافيه والله
لو قعدت اقتبس قضت الاقتباسات من طول الموضوع


لا عدمناك خيو

[آهات]

فارسة الظلام

إقتباس »

الموضوع في نهايته يحزن ... ... بس تستاهل انت وخويك <<< أنواع التحطيم

ردد ردد ياليييل ماأطولك ..

يسلمو على المرور فارسة الظلام



^_^ ريمـوـو ^_^

إقتباس »

يسلمو على الموضوع ..

الله يسلمك وشكرا على المرور



دجه هانم

إقتباس »

ياطوول موضووعك طوولاااااااه ..

بس ولو إإإإكه ..

ميغصوو لإلك علييه ..

وانتي ياقصررر ردك قصراه
وميغسي على الرد

[كورديليا]

حّي الله آهات

آهات ترى الوحدة شينة هالمرة تماعطت انت

وافكارك المرة الجاية الله يستر بتتماعط انت ومين .

إقتباس »

وقررت افكر الين تطلع براسي فكرة مشروع تجاري اسويه وافتك من هالدوام اللي يجيب الماغص

اقول آهات يصير ادخل شريكه معاك .. خبرك عاد

عطلة وملل اما نوم او نت او مسايير او سوق ..

إقتباس »

بس طلعت السالفة اني مع الحماس والتفكير دخلت يدي كلها بخشمي ووصلت المخيخ بس الله ستر ما جاني شي خخخخخخخخخ ..

الحمد لله على السلامة .. ما تشوف شر

إقتباس »

فيه احد يفطر رز سليق؟

هههههههههههههههههههههههههههههههههههههه

حلوة يفطر رز

إقتباس »

بالله قد شفتو خبز اخضر؟

آهات ... لا يكون اكلته .. ترى الخبز معفن

إقتباس »

وانا اللي اذب شماغي وعقالي واقعد اشاهق واتعبر وابتسي عنده وشوي تحمست وقعدت انغف ... قال وش فيك انت؟؟؟

شكلك قلت له داخلن على الله ثم عليك يا طخيم ..

إقتباس »

خفت يستنزل لأنه بعيد عنكم فيه زيران

بسم الله الرحمن الرحيم .. الله يكفينا شر الزيران

إقتباس »

(ياشيخ حدك ملاهي الروضة)

إقتباس »

(يوفي ولا ميلان)

هههههههههههههههههههههههههههههههه

روما احسن

إقتباس »

انظف سري مما علق به من أوساخ وقاذورات وبعض الحشرات الزاحفة والطائرة

يؤ

كل ذا بسرك ..

إقتباس »

حتى تتغطى عني من زود الحيا

يا عيني على الحيا بس ..

إقتباس »

(1111)

ابشر راح احول لك الفلوس بس ترجعها بعدين اذا اشتغلت

إقتباس »

ولا تنسونا من دعواتكم

اللهم فك قيد اخينا آهات ..

آهات

من جد سرد رهيب .. يعافيك ربي .. ويسلم قلبك

كن بخير..

[غير النــــــاس]

هههههههههههههههههههههههههههههههههههههههههههههههههه ه

هههههههههههههههههههههههههههههههههههههههههههههههههه ههههههههههه

هههههههههههههههههههههههههههههههههههههههههههههههههه هههههههه


ههههههههههههههههههههههههههههههههههههههههههههههههه

^
^
وش رايك اكمل الصفحة ضحكـ اضحك الله سنك وضرسك وضرس خويك الداشر

ياخوي منتهي انت ..

كله كوووم وانت ضاربها سواليف مع نفسك ومع قلبك..خخخخخخخخخ رحمت عقلك ياشيخ

إقتباس »

والتفكير دخلت يدي كلها بخشمي ووصلت المخيخ بس الله ستر ما جاني شي خخخخخخخخخ ..

اكيد مو جايك شي الحمد لله والشكر هو فيه مخ.. ماظنتي فيه غيرالهوا ..

إقتباس »

وانا اللي اذب شماغي وعقالي واقعد اشاهق واتعبر وابتسي عنده وشوي تحمست وقعدت انغف

هههههههههههههههههههههههههههههه ابوه من حماس

إقتباس »

قعد يهز راسه ورقبته كنه هندي يعنني متردد ( بيني وبينكم انا مسكته وهديته خفت يستنزل لأنه بعيد عنكم فيه زيران .. مرة سحبني معه قال نبي نروح حفلة انا توقعت حفلة حلوة ودق عود وجلسة أو قلت يمكن يبي يوديني حفلة DJ وحركات ومادريت الا هو طالع من الرياض ومحول على خيمة كلها خوال وانواع الاستنزال شوي والا خويي مهوب خويي واشوفه ينتفض ويتفلت قلت بس شكله يحتضر واروح لمه واقعد اشهده وهو اللي يرفسني برجله ما ردني الا باب سيارته اثر التسلب فيه زيران وسكن معشعشين ولاهوب لمي اصلاً )

خخخخخخخخخخخخخخخخخخخخخخخخ الله يرجك..عليك شطحات مدري وش تبي ..

إقتباس »

اللطخ طار من الفرح وشهق شهقة لدرجة اني شفت ضرس الذهب حقه اللي مركبه وامداني اجيب جوالي وصورت ضرسه ورحت السوق نشرته بالبلوتوث ورجعت كل ذا وهو شاهق

هيااا عاد ترى بدأت أشك كل الدعوى ياإما حلم..ولا فيلم كرتوون..

إقتباس »

عاد المهم قعدنا نفكر وسألته قلت ياطخيم قال ياعيناه قلت جعلها الخفس وش المشروع اللي تتوقع بنحصل فيه اقبال؟ قال مالك الا البطحاء لان الكلب ماينحاش الا هناك .. قلت وش بطحاء ووش ينحاش؟؟ قال: سواقنا اقبال ماينحاش الا هناك .. طبعا مايحتاج اقول لكم اني مسكته مسكة مخلبية وبعدين انهلت عليه رفساً وخليته يقول انا ابن ستين كلب .. وبعدين سدحته في الحلبة ومسكته من ورا وعضيت خشمه الين استسلم ويوم استسلم قلت بسرعة علمني اسم امك (الحياة فرص) والثور خر على طول وقال لي ان اسم امه جاكلين ياحليله امه لبنانية شكلها عاد انا تحمست وقلت وش اسم اختك

هههههههههههههههههههههههههههههههه ياذنوبك فهالضعيف..اجل الحياة فرص ..هين مررة مبين يالسرسري نشوف مين بيستغلك كفرص يابو فرص

إقتباس »

المهم وطلعنا حنا المديونين لذلك قلت ياطخيم انت تكرمت وجبت فلوسك ماعاش اللي يردك ياشيخ .. المحل ومانبيه تعال بس نلعب بأم الفلوس اللي معنا ونفلها ياخي انت كم بتعيش الله يلعن من انت خويه يالداشر انقلع لا بوك لا بو من يخاويك خايف من ابوك قلها عادي << انواع التدشير ..

يااابعد عمري ياطخيم<<خيير
هين ياآهاات يمهل ولايهمل..صاحبك عسل وانت لحست ابووو جده وتفلت فيه كمان..
<<<<انحرق قلبها على طخيم ..

إقتباس »

وانا طالع من بيت طخيم اعترضتني سويّر ويوم اقبلت (صوّت لها جرحي القديم) انا يوم شفتها وهي تعلك وكذا وتطلع صوت مع المشية وماسكها عباتها رافعتها تبي توريني ركبتها السوداء بصراحة خقيت وقلت (ياذا الحب الجديد) ورحت لها مسوي ذوق .. قلت ازايك يا قميل ... ومع الحماس تربعت وسويت حركة ياسر القحطاني بالسهم

وحدوووووووووووه..هذا امر الله وبداية جزاك واقل من جزاك..قلت لك يمهل ولايهمل..

إقتباس »

وتغمز بعينها اللي كنها سنشيرو (على سيرة سنشيرو وش صار في حلقة بيق بورن؟

برسللك كامل الحلقات بالحاير
<<<حنينة

إقتباس »

بالليل وانا منسدح زي عادتي فوق السطوح أتأمل النجوم والقمر والشمس والكواكب والنيازك والأقمار الصناعية (مبين التلفيق؟

ايييه هين مبين من زمااان يامسيلمة الآهات ..

إقتباس »

وجالس انظف سري مما علق به من أوساخ وقاذورات وبعض الحشرات الزاحفة والطائرة وفصم تمر واقلام ام اربع الوان ولقيت بزر كانوا مضيعينه اهله ناشب بسري

هههههههههههههههههههههههههههه لا لا لا هذي ماتتصدق..
بزر

بزر مرة وحدة

لا الموضوع مبالغ فيه..

بزر في سرك ماأصدق..

ماأصدق بزر يطلع من سرك وهوحي
<<<هي جات على ذي يالفايهة

إقتباس »

قال خلاص هات الخمسين واخليها تطلع معك الحين (ابوها متحرر بزود حتى من كثر تحرره يدلعونه آل زلفة)

هههههههههههههههههههههههههههههه رج الله ابليس طخيم..وين ناوي توصل يالأخو ..اجل الزلفة هاه .

إقتباس »

بعد شوي حسيت اني لازم اقابلها ابي اشوفها باللي هي به وشعرت بشي غير طبيعي .. لالا مهوب معقول .. ضرسي يحكني !!

شكلها سوت العمل من سعاابيل ضرسكـ يوم انك متقيرف منها اول ..

إقتباس »

انا جاني شعور مثل شعور المرة اذا جت تولد يعني ودي اعض وافقع وجه أي واحد قدامي وبغيت اتهور واعضه في مكان حساس اخليه يتفل العافية هو والصلافع اللي براسه

هههههههههههههههههههههههههههههههههههههههههههه ياعليك تشبيهاات مدري من أي جزء من المخيخ تطلعها

إقتباس »

واخذت البنت معي ويوم طلعت وركبت السيارة خفت اني اتهور واسوي فيها شي مهوب زين خصوصاً انها كانت تغريني ولابسه سروال السنـّة حق ابوها .. وانا عاد خفيّف .. لذلك قلت لها يابنت الناس تبين تطلعين معي نتمشى زي الاخوياء ماعندي مانع اما بتقعدين تستلكعين ترا والله لاسحبك عند الهيئة

ايييه خليك كذا تعجبني عطها دروس في الأخلاق بنت المارج ذي..

إقتباس »

وانا الحين دمعتي حايرة بعيني وتدور سبب تبي تطلع ووضعي مؤلم قاسي يعور (ضرس ذا موب وضع) .. داخل على الله ثم عليكم اللي عنده فلوس يحولها لي على الحساب الموحد (1111) واذا المبلغ كبير دق على جوالي وحط ثلاث تسعات (مشكلة اللي متعود على البياجر) ولا تنسونا من دعواتكم .. واذا سمعتوا عن مكرمة ملكية قريبة علمونا .. وعفاكم

خخخخخخخخخخخخخخخخخخخخخخخخخ خل هذي نهاية اللي يسمعون بالطموح..
خلاص معليش الله يعينك ويصبرك ياخوي السجن إصلاحوون وتهذيييوبن ..

وإذا ماعندك مانع ياآهات ياأمور ودي اتعرف على طخيم ..
<<<طموووح سوير
خخخخخخخخخخخخخخخخ امزح معاك

....
آهااااااااات يعطيك العافية على الموضوع الرهييييييييييب مررررررة حلو ويوسع الصدر..
وان خبصنا معاك شوي بالهرج الماصل العذر والسموووحة..
عوااافي..

[آهات]

طخ طيخ

إقتباس »

هههههههههههههههههههههههههههههههههههههههههههههههههه

خخخخخخخخخ الوضع حقك ميئوس منه يالزول الظاهر حتى الكوي ما يفيد بعد

هلا بـ طخ طيخ نورت الموضوع
ويالله انك تحيي الزيود كل ابوهم << طراه انك سعودي أصل

إقتباس »

هههههههههههههههههههههههههههههههههههههههههههههههههه ههههههههه

ما يحتاج اصبع زول والخشم نفق السويدي الا اخبار الباص طلعوه من خشمك ولا توه خخخخخخخخخخخخخخخخخخخخخخخخخخخخخخخ

ههههههههههههههههههههههه
اها انت واثمك مخرج 13 قبل الاصلاحات

إقتباس »

خخخخخ اهات انصحك فيه كمن مسجد خابرهم ما اشوف عنده الا فياقرات وش رايك نجرب حظك

الله يرجك اهات الزول الكبير

ويمكن ارجع ماش احس اني منقص شي ما علقت عليه << بينشب لك

الموضوع موضوعك طب وتخير <<< متعود عـ البسطات
حياك الله يا عبد



طرش بحر

إقتباس »

ايقونتن تلهث يالله خلصت قراية الموضوع

آهات

يا مال العافيه والله
لو قعدت اقتبس قضت الاقتباسات من طول الموضوع

لا عدمناك خيو

حياك الله يا ديد عتاب هههههههههههههههه احسن لقب شفته
منور الموضوع (وجه يستنزل)

[آهات]

كورديليا

إقتباس »

حّي الله آهات

آهات ترى الوحدة شينة هالمرة تماعطت انت

وافكارك المرة الجاية الله يستر بتتماعط انت ومين .

هو فيه مرة جاية
يلله حي كورديليا ..
يسعدني تواجدك الدائم بمشاركاتي وتشريفها بردك

إقتباس »

اقول آهات يصير ادخل شريكه معاك .. خبرك عاد

عطلة وملل اما نوم او نت او مسايير او سوق ..

والله ماانصحك ابد ابد
لان الاحتمال الاكبر اني اخذ الفلوس واعطيها نويّر << مسوية له عمل بعد هههههههههه
بس اذا مصممة ماعندي مانع
مسوي مشروع بسيط انا والسجناء ونحتاج دعم مادي

إقتباس »

هههههههههههههههههههههههههههههههههههههه

حلوة يفطر رز

لا وازيدك من البيت شعر
يتغدى بيض .. ويتعشى موية

إقتباس »

آهات ... لا يكون اكلته .. ترى الخبز معفن

هاااه
وانا اقول ليه بطني يعورني

إقتباس »

يؤ

كل ذا بسرك ..

هذا اللي طلع معي بس

إقتباس »

ابشر راح احول لك الفلوس بس ترجعها بعدين اذا اشتغلت

خلاص مافي اي مشكلة بس اخلصي علينا <<< المروج قال له جب حق الحشيش لا اسطرك
امزح << ندري انك تمزح يا دلخ

إقتباس »

اللهم فك قيد اخينا آهات ..

آهات

من جد سرد رهيب .. يعافيك ربي .. ويسلم قلبك

آمين
يعطيك الف عافية على ردك وهذي لك

إقتباس »

كن بخير..

طيب << ما يعرف يرد


مشكورة على تشريف الموضوع والرد ..
وربي يسلمك انشالله

[موق]

إقتباس »

العمل الروتيني كل يوم قم يا آهات من الساعة ثمان وانطق بالعمل الين ظهر الله صح اني ماسوي شي طول الوقت مقابل هالنت بس ولو محسوب علي وقت ضايع

بديت احس انه اهات وزير في مجلس الوزراء في كل موضوع جاب لنا طاري عمله

إقتباس »

ناوي اجيب مغذية واحط فيها شاهي واربطها بحلقي عشان ارتاح ماقعد كل شوي مادن يدي واجغف في هالبيالات (لاعاد تفكر تكفى)

خخخخخخخخخخخخخخخخخخخ ارهابي حتى في تفكيرك لعنبوو بليسك

إقتباس »

واخيراً ولعت لمبة صفراء فوق مخي تبي تعلمني ان فيه فكرة جت بس انا مع الحماس معطت فيشها وطفت ورجعت افكر وافكر وافكر الين وصلت للحل !!

خخخخخخخخخخخخخخخخخخخخخخخخخخ وقسم القسمات اني تسدحت على هذي من الضحك
ابووووووووك يالنذاله

إقتباس »

وانا اللي اذب شماغي وعقالي واقعد اشاهق واتعبر وابتسي عنده وشوي تحمست وقعدت انغف ...

هذا حال كل اهل الخرطوووم يفكروون او يبكووون او ياكلووون وهم ينفغوووون

إقتباس »

عبارة عن فنيلة علاقي صفراء من الوصخ اخبرها معه من ايام المتوسط وسروال سنـّة ماعاد هوب سنـّة صار بيكيني من كثر الشقوق اللي فيه

خخخخخخخخخخخخخخخخخخخخخخخخخخخخخخخخخخخخخخخخخخخخخخخخخ
يقولون انه الهلال مستلف منه التكميله عشان مباريات الدوووري خبرك النادي مفلس بعد ياسر القحطاني

إقتباس »

قام فتح اثمه وشفت ضرس الذهب وقارنته بالصورة اللي عندي في الجوال وتأكدت انه هو خويي

خخخخخخخخخخخخخخخخخخخخخخخ يذكرني بسيد قشطه اللي في جنينه الحيوانات

إقتباس »

المهم وصلنا البيت وافترشنا الغنيمة وطلعت الساكتون حقتي وحطيتها فوق الطاولة ابي اخوفه واعلمه انه كانه بيلعب بذيله ابثوّر فيه

الساكتووون = عكس المتكلمووون؟

يسلم عليك انتونيو بانديراس ويقول تلحف زين قبل تنوووم وخل عنك افلام فريئ شوئي

إقتباس »

او يرسل لي رسالة خاصة او يدق ويسكر (افهموها عاد)

مشكله اللي شاريين جوالات موبايلي ماتشتغل الا في الاعياد القوميه

اهات تشحن لي؟

إقتباس »

سقها عاد لا يجيك علمن مايسرك انت وفريق النيفيا حقك

امحق ** فريق <<<<< ظلل

إقتباس »

الاول لعاهة في ركبتها لان ركبتها كانت عبارة عن ثقب أسود أو حبة خال كبيرة ومن سوادها كانوا يحسبون فيه فراغ بين الساق والفخذ وما بينت معهم الركبة الا بالأشعة فوق البنفسجية

سوير ام الركب وش تقرب لنانسي عجرم؟

إقتباس »

انا حقدت عليه وتليته من عروقه وفضخته على الجدار وقلت اعترف من تحب يالمراهق يالداشر ياللي فيك وفيك يا مقطع الاربع ياللي من شفتك ماشفت الا المصايب اصلااااااان انا من اول حاقد عليك وادور الزلة ابي العن اسلافك

الله ياخذ اللي اخترع البلاي ستيشن وطبووو فيه هالقراوه وعلمهم العنف << طراه احداث سبتمبر

إقتباس »

يحولها لي على الحساب الموحد (1111) واذا المبلغ كبير دق على جوالي وحط ثلاث تسعات (مشكلة اللي متعود على البياجر) ولا تنسونا من دعواتكم

الصبر زين رمضان على الابواب

مقلع يا اهات لعبنووو ابليسس عليك حكي مدري وش يبي
من جود موضوع رغم طوله الا انه مشوووق نبي نعرف تالي الدلاخه

يعطيك العافيه اهـــــــــــــــــات

موقلعهـ

[موق]

ابي ارد على بعض الردود

<<< ملقوووفه

إقتباس »

ياطوول موضووعك طوولاااااااه ..

طالبينه الموسسه اللبنانيه كمسلسل مدبلج طويل الامد ابطاله يموتون ويكملووون عيالهم اخر جزء

إقتباس »

ويمكن ارجع ماش احس اني منقص شي ما علقت عليه << بينشب لك

باقي خشم اهات علق عليه طاقيتك يمدحووون خشمه كمعلاق وعيونه ازرار اباجوووره

إقتباس »

ايقونتن تلهث يالله خلصت قراية الموضوع

اهات كل اليوزرات بينحفووون من موضوعك حشا نادي لياقه موب موضوع (( وجه يقول تكفى لعد تكتب ))

إقتباس »

آهات ... لا يكون اكلته .. ترى الخبز معفن

يختي تنرحم الخبزه نزلت بطنه وهي تقووول وععععععععععع

إقتباس »

كل ذا بسرك ..

بعد انتي ماشفتي حلقه << وجه حايمتن كبده

إقتباس »

هيااا عاد ترى بدأت أشك كل الدعوى ياإما حلم..ولا فيلم كرتوون..

ولا مهايط

إقتباس »

ماأصدق بزر يطلع من سرك وهوحي

البزر طلع من سره ومن سر البزر طلع بزر <<< افلقووني لو فهمتوو

إقتباس »

خلاص مافي اي مشكلة بس اخلصي علينا <<< المروج قال له جب حق الحشيش لا اسطرك
امزح << ندري انك تمزح يا دلخ

RL FS RL <<< اهات غير الكيبورد عربي واقرا الجمله <<< زوله

سي يوو موقلعهـ

[رقية أم الجدايل]

هاي اهات ..........<< تمون بقوة

إقتباس »

وريحته كنه ريحة كنادر عتاب

اكيد يوم تضاربت مع نفسك قامت ودست خشتك في كنادر عتاب ولا وش دراك عن ريحتها ..

إقتباس »

واخيراً ولعت لمبة صفراء فوق مخي تبي تعلمني ان فيه فكرة جت بس انا مع الحماس معطت فيشها وطفت ورجعت افكر وافكر وافكر الين وصلت للحل !!

إقتباس »

انا طبعاً هديتها ومسحت دموعها اليتيمة ليس حباً ولا شفقة لكن لأنها يوم رفعت ايديها طلعت ريحة اباطها وانا كان بيغمى علي بس تلاحقت عمري

بف باف 2006

إقتباس »

وجالس انظف سري مما علق به من أوساخ وقاذورات وبعض الحشرات الزاحفة والطائرة وفصم تمر واقلام ام اربع الوان ولقيت بزر كانوا مضيعينه اهله ناشب بسري

لي زنوبة ظايعة دورها في سرك يمكن تلقاها منا ولا منا ..

إقتباس »

داخل على الله ثم عليكم اللي عنده فلوس يحولها لي على الحساب الموحد (1111) واذا المبلغ كبير دق على جوالي وحط ثلاث تسعات (مشكلة اللي متعود على البياجر) ولا تنسونا من دعواتكم .. واذا سمعتوا عن مكرمة ملكية قريبة علمونا .. وعفاكم

الله يعطيتا ويعطيك ...
اذا معك شي عطني ..........

موضوعك يجنن ... مليون ثانكيو ...

[واضح]

إقتباس »

وهو عبارة عن فنيلة علاقي صفراء من الوصخ اخبرها معه من ايام المتوسط وسروال سنـّة ماعاد هوب سنـّة صار بيكيني من كثر الشقوق

هههههههههههههههههههههههههههههههه الله يقلع بليسك على هالوصف

إقتباس »

وقلت مابدهاش ياعمي بلا ساكتون بلا مهايط .. وبسرعة شلت لوحة الموناليزا اللي معلقها وفتحت الخزنة اللي وراها وطلعت سلاحي السري

لاوالله من جد متأثر بالافلام خخخخخخخخخخخخخخخخخخخخخخخخخخخخخخخخ

إقتباس »

قال لا والله ياوليدي بنتنا ارهب شي في العالم وقسم القسمات ماقد سوت شي حتى تتغطى عني من زود الحيا .

خخخخخخخخخخخخخخخخخخخخخخخخخخخخخخخخخخ يسمع بالاغراء ابوها ... اجل تتغطى منه هاه

الله يوسع صدرك بالعافيه اهات وترا لي اربعه ايام وانا اقرا موضوعك

مثـــبت

[حاطه دوج]

أهليييييين
روعه
بس وين شميت كنادر عتاب
وبالنسبه لفكرة الفلوس بحطك بدل العساف على افكارك الرايقه
بس اه من سوير طلعت ذهينه وعرفت تحبكها بس يالله مسكينه تعويض عن ركبها
يسلموووووووووووووووووووووووووووو
[frame="1 80"]العقل مرآة البطن [/frame]
بس لاعاد تألف امثله كذا احسن

[مقلع ليلي]

Cc3333
اهـــــــــــــــــــات

يا خوي اخذت اجازة اربع ايام اضطراري و فوقهم 16 يوم اجازة مرضية علشان اخلص موضوعك

لي رجعة ...( لا تكفى خافوا منك ياشيخ )