مثل ما عودناكم كل سنه راح يكون فيه مسابقات وجوائز في رمضان ,, وبالإضافه الى المسابقات اللي في منتدى (مدفع رمضان) راح يكون فيه مسابقتين هنا داخل المنتدى..
المسابقه الاولى..
السفره الرمضانيه .. واللي اعلنّا عنها في موضوع الاخت عبق ,, واللي راح تضم 30 عضو كل واحد افدغ من الثاني و في كل يوم من ايام رمضان يكون الفطور على واحد من هالاعضاء ويسدح لنا موضوعه
ولمعرفة تفاصيلها والتسجيل فيها ادخلوا هنا.. http://www.eqla3.com/vb/showthread.php?t=183294
وطبعا في نهاية الشهر راح يكون فيه جائزه لأفضل سفره رمضانيه وهي عباره عن طبق مُحضر منزلياً مكون من الجريش بالكبده الحاشي او اندومي ( بنكهة الخضار )
ملاحظه..
- الجوائز لا تشمل الكشنه او المشروبات
- للعضو الفائز حرية الاختيار بين الاطباق
المسابقه الثانيه..
كتابة موضوع مقلع مُستوحى من دميجتك المثلثة الشكل عزيزي العضو وتكتب جنب عنوان الموضوع كلمة ( صايم )
ملاحظات..
- لا يشترط التسجيل في هالمسابقه .. ما عليك الا انك تسدح الموضوع بالمنتدى
- لن ينظر لاي موضوع لم يكتب جنبه ( صايم )
- يكون موضوع مقلع و ظريف ,, يعني لا يجي احد ويكتب لي موضوع عن السياسه او عن الاسهم او عن اسعار براميل النفط والا بخلي اذاني واذانه اربع
- اخر موعد لكتابة المواضيع هو يوم 25 رمضان وبعدها بنفتح موضوع للتصويت لافضل ثلاث مشاركات ( التصويت راح يكون 50% للاعضاء و 50% للمشرفين )
- جوائز المسابقات راح يُعلن عنها قريبا في هذا الموضوع..
وأي ملاحظات او استفسارات صندوق الرسائل مفتوح للجميع
و في كل يوم من ايام رمضان يكون الفطور على واحد من هالاعضاء ويسدح لنا موضوعه
الوضع العادي
