تعلم ونافس ..(باستيل زيتي )

الطوالة · 11-10-2005, 12:00 AM

طبعا قبل ما نبدا ..

لازم نشوف ماركة حلوة من ألوان الباستيل الزيتي مثل ( وينسر أند نيوتن )..وهذي صناعة انجليزية..

أو( الكرانداش )وهذي صناعة سويدية ..بس مع الأسف شكلها منقطعة من السوق ..

واللي يلقاها يخبرني عنها ..

وفيه نوعيات واااااااجد لكراسات الرسم بالباستيل الزيتي ..

طبعا بيكون التطبيق على هالصورة ..

نجي لخطوات الرسم ..

طبعا نبدا بالخطوط الخارجية ككل عمل ..ويكون على شكل دوائر هنا ..

ملاحظة :اذا سوينا الخطوط ما نمسح الخطوط اللي نحس انها خطأعشان ما نقع بالخطأ مرة ثانية ..

بعد كذا نجي لتلوين الخلفية ..

وداااااااااائما نبدأ بتلوين العناصر الأبعد ..ومن الأفضل هنا اننا ننتظربعد ما الورق يتشرب الزيت وتنشف شوي

الخلفية عشان نرسم عليها بشكل أسهل لو استلزم الأمر ..

ونتذكر دائما أن هالخامة تعتمد اعتماد شبه كلي على الدمج بالأصبع ..

يعني الله يعينكم على الوصخ

الحين ندخل بتلوين العناصر الداخلية ونتذكر الأبعد فالأبعد ..

ناخذ العنصر الثاني وما ننسى موضوع الدمج بالأصبع ..

نشوف وش الألوان اللي يتكون منها هالعنصر ونمزجها وبعد كذا ندمجها بالأصبع..

ومو أي ماركة تمشي معنا الا اذاكانت نوعية جدا ممتازة ..

بعد كذا ندخل على مرحلة التشطيب واكمال باقي العناصر ..

وبالهناء والعافية

بس ما ننسى المثبت واللي بدوره يحفظ العمل من التلف

ملاحظة :

فيه كم كتاب عند جرير لتعليم الرسم بكل خامة ..

Dema84 · 11-10-2005, 12:26 AM

..

شكراُ على مجهودك ..

موفقين يارب ..

..

محفر ماله عراوي · 11-10-2005, 02:09 AM

<<<<<<<<<<<<< مر من هنا رضي الله عنه وهو داقن لطمه ومعه جريده صفراء مخرومه بالنص

رمال · 11-10-2005, 10:51 PM

وااااااااااو يا ابو محمد ... ياخي ليتك مدرسني اياه لما كنت ادرس الرسم بالباستيل

كانو بس يطلبون مننا نحط احمرات و اخدرات << اخضر بس مدري شلون ينطق بهالشكل :$

في طريقه تلوينك لاحظت انك بديت بالدرجات الأغمق بعدها ابتديت بالاضاءة صح والا غلط علي ..

طيب هالشي يعتبر قاعده عامه في كل الرسم بكل الخامات ؟

بعد فيه شي ثاني بسأل عنه

الباستيل .. اكثر من نوعية تندرج تحت نفس الاسم ..

الي استخدمتها في عملك هي الزيتي ... طيب والطبشوري .. والاقلام .. اضفت صورتهم بالمرفقات .. كيف طريقه استخدامهم << تراني متوهقه فيهم للحين ما اعرف استخدمهم مثل الناس

طيب اقدر استخدم الطبشوري بنفس الطريقه الي شرحتها في الزيتي ؟<< هو الي عندي .. اذا كان ايه بديت اطبق به مع كراسه (( كانسون )) << نفس الي تستخدمها بقايا << متكيسله تشتري شي جديد

واذا لا ... هونت

أحلفي · 11-10-2005, 11:54 PM

يعطيك العافيه استاذ بصراحه درس رووووعه

رشاش · 12-10-2005, 12:10 AM

عُـلّـم يافنان

الطوالة · 12-10-2005, 02:13 AM

مبنشرة..

العفو..

وعسى الله يوفقنا واياك ونشوف مدى استفادتك من الدرس هنا..

......................................

محفر ماله عراوي..

إقتباس »
مر من هنا رضي الله عنه وهو داقن لطمه ومعه جريده صفراء مخرومه بالنص

أح

فك اللطمة ..وارجم الجريدة ياسيادة المخبر وادهر ..

ترا الدعوى ماتعدى مطاريسن بالاصبع

.....................................

رمال..

إقتباس »
في طريقه تلوينك لاحظت انك بديت بالدرجات الأغمق بعدها ابتديت بالاضاءة صح والا غلط علي ..

صح ..هو ممكن الواحد يبدا بالفاتح ..بس من الأفضل البدء بالقاتم ويبدا سيحبه (باصبعه )..

بس مع وضع بعض الفواتح عشان يدمجها مع القواتم ( طبعا بأصبعه )..

إقتباس »
طيب هالشي يعتبر قاعده عامه في كل الرسم بكل الخامات ؟

باعتقادي أفضل

إقتباس »
الباستيل .. اكثر من نوعية تندرج تحت نفس الاسم ..
الي استخدمتها في عملك هي الزيتي ... طيب والطبشوري .. والاقلام .. اضفت صورتهم بالمرفقات .. كيف طريقه استخدامهم << تراني متوهقه فيهم للحين ما اعرف استخدمهم مثل الناس

الباستيل نوعين على حسب علمي ..

واللي انتي تستعملين هو ( السوفت باستيل )..

وطبعا طريقة استعمالها ما تختلف كثير عن هذي كأي خامة ..

يعني نستخدم الأصبع كعامل اساسي فيها ..

إقتباس »
طيب اقدر استخدم الطبشوري بنفس الطريقه الي شرحتها في الزيتي ؟<< هو الي عندي .. اذا كان ايه بديت اطبق به مع كراسه (( كانسون )) << نفس الي تستخدمها بقايا << متكيسله تشتري شي جديد

اكيد يستخدم بنفس هالطريقة ..

بس هالمسابقة مختصة بـ..( الباستيل الزيتي )وانتي لو جربتيه بتحبينه مرة ..(وخاصة )اذا كانت النوعية اصلية ..

عند مكتبة جرير ماركة ( فيبر كاستيل ) هي شركة المانية بس الموجود كوري ..شفته واتوقع انه يفي بالغرض ..

إقتباس »
واذا لا ... هونت

لا كلش ولا التهوينة

الموضوع والله سهل مرة ..كم دائرة ونوعيةالالوان بتساعدك بالدمج وهذا هو الأهم هنا واللي تعتمد عليه الرسمة ..

ننتظرك

.......................................

أحلفي..

إقتباس »
يعطيك العافيه استاذ بصراحه درس رووووعه

يعافيك ربي ..

وان شالله نشوف محاولتك هنا ..

......................................

رشاش..

إقتباس »
عُـلّـم يافنان

اديها

*Dina* · 13-10-2005, 12:57 AM

يعطيك الف عافية علي الدرس الخطيرررررررررر ..

والله حبيته مررره خصوصا فيها استخدام الاصابع لأني استعمل هالطريقة مع الرصاص ..
وما جربت ابدا استخدم الوان ..

الله يوفقك مشكووووور مرررة يا فنان ..

تحياتي..

بقايا انتظار · 13-10-2005, 01:11 AM

درس من اروع مايكوووون
0
0
راجعه باذن الله مع التطبيق

شيخة الورد · 13-10-2005, 01:37 AM

ماشاء الله

وش هالدرس الحلو

تسلم يدينك يالطواله

أشوى أني مااخذته منك

الطوالة · 13-10-2005, 12:00 PM

*Dina*..

هلابالفنانة

إقتباس »
خصوصا فيها استخدام الاصابع لأني استعمل هالطريقة مع الرصاص ..

الأصبع عادة يكون عامل مساعد أساسي بالباستيل الزيتي ..والسوفت باستيل ..والمرسم ززوحتى الفحم..

طبعا الاصبع يعطينا مساحة نقية اذا صح التعبير..

إقتباس »
مشكووووور مرررة يا فنان ..

العفو ..بس ما تنفع مشكور

الا اذا شفنا لك شي انتي ..

وبعدين انتي ما شاء الله عليك فنانة من الطراز الأول وما اعتقد ان التعامل مع مثل هالخامة بيكون صعب عليك ..

خاصة وان الموضوع هناجدا سهل ..

انتي مبدعة بقلم المرسم ..والتعامل هنا ما اعتقد يفرق كثير ..

انتظرك ..

..

........................................

بقايا انتظار..

هلابالملكة ..

إقتباس »
راجعه باذن الله مع التطبيق

رسمتي بقلم المرسم ..وتربعتي على عرشه ..

رسمتي بالألوان الخشبية وابدعتي ..

رسمتي بالسوفت باستيل وأنطقتي اللوحة ..

كلنا ننتظرك ..

..............................................

شيخة الورد..

هلابشيخة الفن ..

إقتباس »
أشوى أني مااخذته منك

نسينا لوحتك ( المنظر الطبيعي )

بلاش هالتواضع المفضوح ..وننتظر منك الدرس اللي وعدتينا مهما كانت ظروفك

بنت أبوي · 13-10-2005, 02:28 PM

سلام ,,

يعطيك العافية .. حلوه البربسة بالاصبع ودي أجرب

بس عندي تساؤل ..
أنا مالي بهالفن و ودي أعرف كيف ..
ابي اعرف وش طبيعة هالألوان ..
من كلامكم شكلها تشبه هذي اللي مثل الطبشور .. والا ؟
و انت تقول ننتظر لين يتشرب الزيت .. طيب ليه وأي زيت ؟
..
احس بتضحك على أسألتي لو كملت

ومشكور مقدماً ,,

shatha · 13-10-2005, 08:24 PM

يعطيك العااافية

درس حلو نستفيييد منه

مشكووور ما قصرت

دمت بخير

p e a c e · 14-10-2005, 03:09 AM

ما شاء الله
درس خطير والله ..
وممتع كثير ..

و معلومات قيمه صراحه ،

بأحاول أطبقه ان شاء الله ..

ألف شكر يا أستاذ .

الطوالة · 14-10-2005, 07:07 AM

بنت أبوي..

إقتباس »
من كلامكم شكلها تشبه هذي اللي مثل الطبشور .. والا ؟
و انت تقول ننتظر لين يتشرب الزيت .. طيب ليه وأي زيت ؟

مثل ما قلت هذي الوان باستيل ( زيتي ) وفيه نوع ثاني اللي انتي تقصدين واللي يسمونه( السوفت باستيل )او

الطباشيري مثل ما قلتي ..

إقتباس »
احس بتضحك على أسألتي لو كملت

كنت ناوي اقول بردي هنا جيبي باقي الأسئلة عشان ارد عليهم كلهم بس ارد على هذا ..وانتظر منك الباقي ..

اتمنى ترجعين وتسألين عن كل شي يشكل عليك ..

إقتباس »
ومشكور مقدماً ,,

العفو .. بس بعد ما تقولين اللي عندك كله

...............................................

shatha..

يعافيك ربي ..

ووننتظر محاولتك يافنانة

............................................

p e a c e..

إقتباس »
بأحاول أطبقه ان شاء الله

عساك على القوة ..وان شالله اكون وفقت بذكر المفيد هنا عن هالخامة ..

وأي سؤال أكيد انا حاضر ..

كل الشكر لك ..

موفقة

Hani · 14-10-2005, 01:35 PM

درس جميل و شرح بسيط

مجهود تشكر عليه

يعطيك العافية

بنت أبوي · 14-10-2005, 05:30 PM

اها .. طيب تحمل انت اللي عطيتني وجه

ليه انت يوم جيت تلون الخلفية حاط في الخلفيه نقط .. ليه ماحطيت خطوط مثل التفاحة ؟ يعني فيها حكمة والا من عندك ؟
.. وسؤال ثاني : استخدمت أصابعك في الرسم بس ؟ حتى غصن التفاحة كذا ؟

أحا أحا · 14-10-2005, 08:22 PM

ماشاء الله

درس جميل جدا
متقن بدرجه خياليه ..
تخلي اللي بعدك يتعبون في الرسم..

مجهود تشكر عليه ابو محمد .
تحياتي لك ،،،

رمال · 15-10-2005, 02:24 AM

لحظه يا ابو محمد انت تقول التطبيق على هالتفاحات ... طيب مابي ارسم تفاحات

ينفع ارسم شي ثاني

اليوم سويت شوبنق

بالنسبه للألوان حصلت فايبر كاسل .. صناعتين المانية و كوريه ... الألمانيه 12 لون بـ 15 والكوريه بـ 14 !!

مقارنه بالأنواع الي عندي أول ( خشبي و طبشوري ) بالنسبه للأسعار ... شكيت في جودتها و صناعتها لكل الصناعتين

صراحه ريحتها ... !! لا تعليق

بديت اخربش فيها .. ( وجه يقول ليت معي قناع كيماوي ) بالنسبه للصوره الي تبين مدك للون بيدك .. صاير اللون معك مره كريمي .. و يعطي تغطيه ممتازه ... ( صار كريم اساس مو الوان

) هل يعتمد هالشي على الكميه الي تستخدمها من اللون أو نوعيه الألوان

ثقلت عليك .. ادري :$ بس انتم املنا الوحيد بعد الله في اني اتعلم الرسم صح

يمكن ارجع :$

الطوالة · 15-10-2005, 10:30 PM

Hani..

يخليك ربي ويطول عمرك ياكبير

..........................................

بنت أبوي..

إقتباس »
طيب تحمل انت اللي عطيتني وجه

هههههههههههههههههههههههههههههههههههههههههه

وجيه ماهوب وجه

إقتباس »
ليه انت يوم جيت تلون الخلفية حاط في الخلفيه نقط .. ليه ماحطيت خطوط مثل التفاحة ؟ يعني فيها حكمة والا من عندك ؟

انا كنت اسحب اللون على الورقة (بس بشكل عرضي ) ..وطبيعة الورقة ( المحببة ) هي اللي تسوي النقط هذي ..

إقتباس »
.. وسؤال ثاني : استخدمت أصابعك في الرسم بس ؟ حتى غصن التفاحة كذا ؟

هالسؤال والله ما فهمته ..

بس باجاوب على حسب فهمي له ..

طبعا ( غصن التفاحة ) صغير ومن الصعب استخدام الاصبع فيه ..

اتمنى أكون فهمته صح

...............................................

أحا أحا..

هلابك ابوابراهيم

ما بينت الى الحين سلاماشر؟؟

..............................................

رمال..

إقتباس »
ينفع ارسم شي ثاني

لا

هو طبعا نظام المسابقة يكون التطبيق على هالتفيفيحات متساثرتهن ؟؟

إقتباس »
بالنسبه للألوان حصلت فايبر كاسل .. صناعتين المانية و كوريه ... الألمانيه 12 لون بـ 15 والكوريه بـ 14 !!

وين هي فيه الالمانية ؟!

انا سألت عند جرير هاليومين ما حصلت الاكورية بس

إقتباس »
صراحه ريحتها ... !! لا تعليق

خخخخخخخخخخخخخخخخخخخخخخخخخ

طقي اللطمة وادهري فيها ممو مهم الريحة

إقتباس »
بالنسبه للصوره الي تبين مدك للون بيدك .. صاير اللون معك مره كريمي .. و يعطي تغطيه ممتازه ... ( صار كريم اساس مو الوان ) هل يعتمد هالشي على الكميه الي تستخدمها من اللون أو نوعيه الألوان

أكيد نوعية الألوان لها دور كبييييير ..

أنا لمست الكورية عند جرير وكان ملمسها حليو والله بس عاد يبي لك ورق (كانسون )محبب ..ولين عشان يمتص الزيت

فيه كراسة من شركة ( ونسر آند نيوتن ) للباستيل مرررة حلوة كان ودي اصور اللي عندي ولوان غلافها رايحن

بخرايطها بس وصلة الكاميرا ضاعت

عموما الكراسة غلافها كحلي وداخلة مربع أحمر ومكتوب اسم الشركة عليه ..

إقتباس »
يمكن ارجع :$

الاأكيد انك بترجعين ان شالله .ومسألة انك ثقلتي علينا ..ما حبيتها منك والله ..

انتظرك وأسعد بكل استفسار منك ..