هلا و
غلا بكل المشرفين والمشرفاتـ
المقلعين والمقلعاتـ
واللي تو ماتفعلووو
فطورنا اليوم فطور صحي خفيف ينفع للرجيم والدايتـ خبركمـ مقبلين على العيد والملابسـ بتصير تعكير على قولة اخواننا الزعتر
وترا فطورنا (بيعقد) على قولة السودانيين ..
يعني اللي بيطلع من الموضوع راح يفوته نص عمره .. إذا ما كان عمره كله !!!
<< ماسكين الكلاشنكوف وواقفين جنب الموضوع
وبما اننا ملينا من السبموسة والفطاير والشوربة خلال هالعشرين يوم .. نبي نعرفكم على ثقافات الشعوب ونجيب لكم أكلات خفيفة راح تحبونها بس ترا محناب مسؤولين عن النتائج .. وهذا رقم الاسعاف احتياطا : 911 << ثقافته يوغسلافية
المهم نبيكم تكونون ريلاكس ولا تستحون وكلن يضربـ بخمسه ترا ما استعدينا كل هالاستعداد ونبيكمـ تستحونـ
مدفـــــــع الإفطــــــــــار
أخبرنا الله سبحانه وتعالى أن ليلة القدر تعدل ألف شهر أي أن قيامها والعمل فيها خير من العمل في ألف شهر من غيرها، وذلك فضل الله يؤتيه من يشاء، والله ذو الفضل العظيم. قال النبي عليه الصلاة والسلام: "من قام ليلة القدر إيماناً واحتساباً غفر له ما تقدم من ذنبه".
تلتمس ليلة القدر في العشر الأواخر من رمضان، خاصة في الوتر منها (الأيام الفردية)، وتتأكد في ليلتي إحدى وعشرين وسبع وعشرين، وأرجحها ليلة سبع وعشرين، إذاً ليلة القدر ليست مؤكدة في ليلة 27 بل هو الأرجح والله أعلم لذا يجب تحريها في العشر الأواخر كلها طمعاً في أن يحتسبنا الله سبحانه من قوامها.
أحب الأعمال لمن وفق وحظي بليلة القدر ما يأتي:
1. أداء الصلوات المكتوبة للرجال مع جماعة المسلمين، وتحديداً الفجر والعشاء.
2. قيام الليل (أي الصلاة بالليل).
3. الدعاء.
4. قراءة القرآن.
5. اجتناب المحرمات، دقيقها وجليلها.
ويمكن جمع كل هذه العبادات في الصلاة ،، إذا أطلت القيام ودعوت الله كلما مررت بآية رحمة واستعذت من النار كلما مررت بآية عذاب. والدعاء من أهم الأعمال في هذه الليلة لعل الله أن يستجيب لدرجة أن سفيان الثوري رحمه الله قال: "الدعاء في تلك الليلة أحب إليَّ من الصلاة، قال: وإذا كان يقرأ وهو يدعو ويرغب إلى الله في الدعاء والمسألة لعله يوافق".
من أهم الأدعية التي يستحب أن يدعوها المسلم في ليلة القدر: "اللهم إنك عفو تحب العفو فاعف عني" يردده ويكثر منه داخل الصلاة وبين تسليمات القيام وفي سائر ليلها ونهارها، وكذلك "أعوذ برضاك من سخطك، وعفوك من عقوبتك"
هناك بعض العلامات التي يستدل بها البعض على ليلة القدر، ويعوزها كلها الدليل القاطع، وإنما هي اجتهادات وتخمينات لا يعتمد عليها، من تلك العلامات: طلوع الشمس في صبيحتها من غير شعاع، كذلك أن عبده بن لبابه ذاق ماء البحر ليلة سبع وعشرين فإذا هو عذب، وأن ليلتها تكون معتدلة ليست باردة ولا حارة، وأن الكلاب لا تنبح فيها، وكذلك الحمير لا تنهق فيها، وأن يرى نوراً.
وأخيراً أخي الغالي لا تفوت الفرصة ويذهب رمضان ولا تكون من المغفور لهم وممن تشملهم رحمة الله، ندعو الله أن نكون ممن يصيبون ليلة القدر وأن نكون من قوامها ،،،
هدية ... برنامج أوقات الصلاة ..
برنامج رائع لمعرفة أوقات كل الصلوات وفي جميع أنحاء العالم ..
تحديد اتجاه القبلة وسماع صوت الأذان .. مع لائحة بأوقات الصلاة على مدى العام
حــمــل البرنــامج مــن هــنــا
~~~~~~~~~~~~~
سفرتنا النهارده بالصلاتو على النبي من ام الدنيااا مصر المعموره
وفيها تشكيله تهووووسـ من الاكلات المصريه الشعبيهـ والغير شعبيهـ عشان الكل ياكل ويتهنا وتاكلووو صوابعكووو وراها ...
متيالله مدوووو اديكووو وبسمللهـ ...!!
طبق الكوشري
عاملين لكوووو طبئـ كوووشري انما ايهـ
رمضان غير في جــــــــده ..!!
لكل منطقه او مدينه في العالم جوو خاص بشهر رمضان جو لايخلوو من الروحانبه والحب لله وللعباد .. فلصله الرحم وبر الوالدين مساحه ليست صغيره في رمضان
احب هالجووو واحب اعيشه.. وانا طفله كان ودي لو السنه كلها رمضان ومره قلت لابوي ليه مايصير كل يوم رمضان قالي
لو صار كل يوم رمضان يكون مشقه الصيام على الناس وغير كذا بيفقد روحانيته وجوه الخاص فيه .. طبعن انا صغيره ما استوعب هالحكي بس يوم كبرت فهمت <<< يحلفون للحين بزره
واحس مهوب انا بس احب رمضان .. لانه رمضان جووو مميز للاطفال والصغار حيث يسمح لهم فيه بالسهر بدون قيود وتكثر فيه الزيارات والاجتماعات الاسريه والحلويات والعصيرات المحببه لديهم ((
الفيمتوو )) اذن هو مساحه خصبه للاطفال وهو جو مميز ايضا للكبار للتخلص من كل الضغوط النفسيه والتمتع بالروحانيه والمحبه ... وفي اول ايام رمضان كان يوم الخميس يعني الحمدلله مافي رمضان صحينا من النوم قبل الظهر بشوي وروائح الماكولات الشهيه تملا جو المنزل .. رايحه الحلويات كالكاسترد والمهلبيه والخشاف ((
عباره عن مشمش مجفف مع المكسرات والسكر وماء الورد ))) والمهلبيه (
حليبـ ونشا وسكر )) يم يم ما اقدر اوصف لكم كيف تكون فرحتنا اول يوم بالاكل كننا ماناكل الا بهالشهر او مانذوق هالحلويات الا برمضان بس سبحان الله كل شي له طعم غير في اول يوم
المهم صحينا من النوم وقال ابوي لاخواني استعدوو للصلاه الظهر في المسجد وقامو اخواني يتوضون ويلبسون وراحو هم وابوي للمسجد يصلون الظهر .. قالت امي يلا يامقلعه انتي واختك صلاه وبعدين وراي على المطبخ ... طبعا تعرفون انه الله بالخير علاقتنا بالمطبخ زي علاقه كونداليزا رايس بالكاراتيه خخخخ
صلينا وهبطنا الى ارض المعركه ودخلنا بجو الطبخ وتقطيع السلطه وتجهيز العجينه وسوينا العصيرات يعني حوووووسه وما اخفيكم انه يومها حسيت بالعطش والجوع يمكن لانه الجو حار وانا منخمده من بدري يعني ماتسحرت L
المهم جا ابوي واخواني من الصلاه وقعد ابوي في غرفته يقرا قران واخواني يلعبون بلاي ستيشن لين اذن العصر راحو للصلاه وعقبها مر ابوي السوق يتقضى مقاضي لامي للفطور ومن بينها القطايف ((
عجينه مخصصه للحلويات يحشونها فستق – قشطه – لوز )) وتقلى وتغمس بالسكر وجاب بعد الكنافه اللي ما اظن فيه بيت في الحجاز تخلو سفرت افطاره من الكنافه ..!!
المهم اشتغلنا انا واختي لين متنا مع امي وسوينا كل اللي تطلبه مننا لين حسيت اني بنهار من التعب والجوع
قرب وقت المغرب .. بدا ابوي في عصبيته المعتاده في مثل هالوقت يمكن لانه النهار طويل والعطش والجوع اخذو منه كل ماخذ
بدينا نجهز السفره للفطور وصوت برنامج الديني في القناه الاولى السعوديه يملا البيت وشوي يرن جرس الباب .. اثره محمد ولد الجيران امه مرسله لنا صحنين سمبوسه وقمر الدين وكنافه .. خذينا منه الصحون وردت لهم امي هديتهم بمثلها وذوقتهم فطورنا .. ياحبي لهالعاده ولحب الجيران ..
جهزنا السفره واجتمعنا حولها وانتقل التلفزيون للحرم المكي الشريف وقتها بس حسيت انه فعلا هذا رمضان اللي نحتريه كل سنه على نار ايه هذا رمضان اللي نحبه ونحس فيه اننا اشخاص ثانيين فينا من الطيبه والرحمه كثير
اذن المغرب افطرنا على تمر وزمزم وراح ابوي واخواني يصلون في المسجد وحنا صلينا انا واختي وامي وجهزنا السفره من كل مالذ وطاب ... فاصل اعلاني لين يقضون اخواني على السفره خخخخخخخخخخخخخ
شاورما بوفيه السعاده ...!!
اول شاورما في الوطن العربي والعالم على الاطلاق تخلووو من اللحم او الدجاج
اول شاورما في العالم تخلوووو من الشاورما نفسها .!!
جربوووها انها لاتحتاج لقضمه اخرى حتى تكتشف لذتها ... قضمه واحده تكفي لتلبك معوووي ..
قضمتين تكفي للتنويم ليلة بالشميسي ..
ثلاث قضمات تكفي للإصابة بمرض أبا الوجيه
بوفيه السعاده الوكيل الوحيد في المملكه لسلسلة مطاعم سعيد اليماني العالمية
مع تحيات المعلم اكبر حسين مدير العلاقات العامة ورئيس الفراشين
اجتمعنا عقب الفطور عند التلفزيون وكل واحد من اخواني منسدح على كنبه كنه شايل بزر قدامه من زود الاكل خخخخ
جا المسلسل العالمي اللي مافيه بلد ولا مقاطعه في السعوديه الا تتابعه طبعن عرفتو وشو
طاش ماطاش
وطبعا كأي
عايله سعوديه كاشخه بطاش انواع الكركره والضحك والهبال حتى لوهي الحلقه ماصله انا احس انه مجرد اني اشوف عبدالله وناصر لازم اضحك حتى لوهم ساكتين خخخخخخخخخخخخخخخخ الله يرجهم
انتهى طاش بدينا نتابع المسلسلات المصريه والخليجيه وكلن على هواه والي ماعجبه المسلسل من اخواني يروح يتابع في غرفته لين اذن العشا قام ابوي توضا وراح للصلاه
امي مرات تروح بعد صلاه التراويح هي وجارتها
وانا واختي نقعد نتابع نتابع لين نحس اننا بدينا نتقمص شخخصيات المسلسلات من زود المتابعه هههههه
في الليل قال ابوي بنطلع نمر جدتكم ونروح السوق نتقضى طبعا طرنا من الفرح وفي نفس الوقت نبي نتابع طيب وش الحل؟
قالت اختي روحي انتي معهم عشان ابوي لايزعل وانا بتعذر اقول تعبانه من الصياام وبقعد اتابع ولاجيتي ابعلمك كل الاحداث الجديده بالتفصيل الممل يصير كنك شايفتها <<<< حشا نقل ملفات كمبيوتر
الحجاز منطقه غنيه بالعادات والتقاليد والتقاليد في رمضان والاجتماعات الاسريه وكثير من المظاهر الخاصه برمضان التي لاتظهر الا في ذلك الشهر الكريم .. فالشوارع تزين بالفوانيس والانوار والرسوم ابتهالا بهذا الشهر الكريم والكثير من الاسواق تتخذ طابعا رمضانيا وتبيع معظم السلع المخصصه لذلك الشهر من ماكولات ومواد غذائيه ومعجبنات وحلويات ....
ومن بيتنا لبيت جدتي شفنا
مظاهر رمضانيه بعض مجالس الاحياء مسوين خيم رمضانيه واجتماع لاهالي الحي وعند كل مسجد نشوف اثار سفر الافطار الي يقيمها اهالي الحي وفاعلي الخير لكل عابر بالمسجد او مسكين
وفي الزاويه قريب من هالخيمه شفت اجتماع وناس كثيرين مجتمعين وفيه كراسي وطاولات كنه مطعم بخاري بس انه في الشارع على الرصيف رغم انه حي راقي قلت لابوي وش يسوون اللي هنا؟ قال هذا يبيع بليله وسوبيا ((
السوبيا عصير رمضاني وهو عباره عن عصير زبيب ))
والبياع لابس لبس حجازي رهيب وواقف يبيع هو وعياله الصغار وملبسهم نفس اللبس
وصلنا بيت جدتي لقينا كل العيله مجتمعين عندها وكلن يبارك بالشهر الفضيل ... اجتمعنا في بيت جدتي وقعدنا نسولف عن البرامج وعن المسلسلات اللي شفناها والرجال قعدوو يسولفون عن العمل و الدوامات
استمتعت بالجلسه مع بنات خالاتي واخوالي وقلت وين اختي الخبله اللي ذابحتها المسلسلات خخخخ ... جابت امي وخالاتي الحلويات ومنها القطايف والكنافه واللقيمات مع القهوه ..
رجعنا بيتنا كلن انصرف لغرفته يكمل واجباته او يذاكر وابوي تفرغ للقران لين امي تصلح السحور وانا واختي واخوي احمد طبعا تفرغنا لمتابعه <<< اخر الشهر بنصير مومياء قدام هالتلفزيون خخخخخخ
لين جا السحور ضبطت لنا امي رز سليق وانواع الحلويات وتسحرنا وحنا نسولف عن اللي صار في بيت جدتي واللي شفناه من برامج وابوي يطالعنا بنظره تقول الله يصلحكم انتم وياهالبرامج ليت من يغير هالقنوات ويجيب لكم المجد ..!!
طبعا انتظار اذان الفجر للصلاه جماعه مع ابوي واخواني كان له جو خاص مايتكرر الا في رمضان اذن الفجر وتوضنا كلنا وتجمعنا عند ابوي وصلى فينا جماعه وقال كل عام وانتم بخير وكل رمضان وانتم على طاعته ياعيالي انتهى اليوم الاول من رمضان والله يعيده علينا في خير .....
وش العادات اللي تعودتو عليها كل سنه في رمضان ؟
وش شعورك في اختلاف جو رمضان الحين وزمان؟
الخلطة السحرية لـ اللحجي السعيد
هل سبق أن شربت شاهي تلقيمة؟ يمكن إيه
هل سبق أن كليت ايسكريم باسكن روبنز؟ يمكن إيه
طيب هل سبق أن خلطتها مع بعض وبلعتها .. بالتأكيد لا
الآن في بسطة الخالة أم سعود وأسواق الجملة فقط ..
الخلطة السحرية لـ اللحجي السعيد
ذقها الان وصدقني راح تتذكرها طول عمرك ..
الخلطة السحرية لـ
اللحجي السعيد ..
لا تأكلها فقط بل تقتنيها
صينيه البطاطس باللحمه البتلووو
نيقي دلؤتي لصينيهـ البطاطس باللحمهـ البتلووو انما ايه حاقهـ قنان دنتو حتاكلو شحمة ادانيكو وراها
في هالفقرة راح نرجع شوي ورا .. ونشوف بعض الأعضاء وشلون كانت بداياتهم
طبعاً ياليت ماحد يزعل لأننا طلعنا تاريخه الأسود
وراح نبدا بالزيدي العزيز .. ومشرف قسم ألبوم الصور ..
طخ طيخ
اللي مسوي فيها مشرف الحين .. وسوبر بالتشات ..
للأسف الأعضاء مخدوعين فيه ومايدرون ان بدايته كانت بموضوع نقل لمنتدى الماصلة
اجل مواضيع منقولة يا طخ والحين جاي تقول للأعضاء لاحد ينقل مواضيع
تباً لك يا هزا
الآن ننتقل لمشرفة ثانية وهي مشرفة البوم الصور دبة الغاز
عسوووولة .. وفي رواية :
كادية
عسووولة أو كاديه كفشنا لها أول موضوع كتبته بالإقلاع
وبصراحة أنا ضحكت يوم قريته لأنه يدل على مدى التنسيم الموجود بهالراس
اجل انتي شيخة البنات ..... الله من زين البداية يا (كادية)
ننتقل إلى مكان آخر ومعنا عضو عيار لكن مشكلته انه قروي
مناحي روبنسون
المصيبة أن أول موضوع طرحه بالاقلاع كان في منتدى الجادة .. الظاهر بالغلط
وعلى ما يظهر انه يمين والموضة يسار والدليل هالصورة
اجل شتريتش هاه
لا ومسوي يناقش ظاهرة الحين ..
اقص اصبع رجلي الصغير اذا كان فاهم وش معناة ستريتش
الآن ننتقل ومعنا عضوة أخرى مسوية فيها أنها أديبة كبيرة
الشوق شوق
شوق تابعنا مواضيعك الأدبية وانخدعنا فيك ... مادرينا عن بداياتك
اللي تدل على مصالة شديدة تجري في عروقك
والدليل بداياتك :
اجل اربطوا سيقانكم
تمصعت من الضحك انا
هالموضوع قبل 4 سنوات ويدل على فتق في راس الشوق شوق
واخيراً ننهي فقرتنا هذي مع مشرف قسم القهوة .. اوه قصدي مشرفة القهوة
عبق
معليش عبق شكيت بعمري ... ومادري انتي مشرف ولا مشرفة
خصوصاً اذا شفنا أول موضوع لك وردود الفعل عليه
:
هذي بس نبذة وماخفي كان أعظم .. ومرة ثانية لاحد يقول أختي آهات
برايفت عبق:
لا تحذفين الموضوع بليز
ومع نهاية هالفقرة نقول لكل اللي جبنا طاريهم <<
سامحونا ولكم منا باقة ورد >>
عصير العرئسوس
اااااااه اكيد بعد الهووبر واللحمه عاوزين تبلووو ريقكم بشويه ميه او عصير..؟؟
خليكووو معانا ومع كوبايه العرئسوس دي ..!!!
قرب تشوف الصورة دي بس اوعى تصدق !!
ركز بصرك على الأربع نقاط الصغيره اللي بوسط الصورة لمدة 30 ثانية
دلوقتي سكر عينيك وميل رأسك لـ ورا
خلي عينيك مغمضة وحـ تشوف دائرة من الضوء
استمر في النظر الى الدائرة وعينيك كدابين قصدي وعينيك مغمضة
حـ تطلع لك صورة بيزعم النصارى انها صورة النبي عيسى عليه السلام
ومش حـ تروح حتى لما تفتح عينيك لكام دقيقة ..
ما تخافش .. مش حـ يطلع ليك في المنام
علللللللللك نوفااااااااااا ..!!
اللي يخلي حياتك توحفاااااااااااااااا ..!!
يذوووب في فمك ويلزق بجدار الغورفااااااااااااااا ..!!
أول علك في العالم يستخدم لتلحيم الخشب ..
مفيد جداً لأصحاب المدارس لأنه لا يلزق أبداً تحت الطاولات ..
تستطيع ان تتفخه بحجم كورة برج الفيصلية ..
الان اشتر علك نوفا بخمسة ريال تحصل على ساعة روليكس هدية
ون يير تو يير نو ووتر
اهات اند مقمق تريد مارك ..!!
واحنا مش زي اي فطور دحنا جهزنا لكو هدية تدوها لصحابكم وحبايبكم
او عريس قديد وعاوز تهدي مراتك حبيبتك اوم عيالك واللي طافحه الكوت عشانك ؟ اوووكي ولايهمك
او عروووسه قديده وعاوزه تهديه عشان يردهالك وانتي الكسبانه طبعن برضووو خليكي معانا وح تكسبي
تئطعوها بالعفية
تعالوووو نحلي
صينيه ام علي قنااااااااااااااااااان
دي طبخة ما حصلتش .. حتدحكو كتير على بطلتها الشيف الشهيره
0ne
دا مقلب صغير عملنا مع أختنا خفيفة الظل 0ne .. ودحكنا عليها شوي بالمسنجر
قلنا لها انها بتتهمنا بتهم كتيرة .. وعايزينها تدافع عن نفسها
بس الشهادة لله .. احنا استفزيناها لحد ما قلنا "آمين" وهي ما قالتش ولا كلمة مش حلوة ..
وكانت في قمة الأخلاق .. فـ لك ألف تحية "ون" على اخلاقك الحلوة
~~~~~~~~~~~~~
مق مق: وش انتي مسويه لااهات؟
ون: وش مسويه والله ما سويت شي ؟
مق مق: مدري معصب مره منك منقهرررررررررررر
مق مق: والله يقول لو اشوفها اتلها مع شعرها
ون: احلفي
يؤ وش مسويه انا
مق مق: المشكله موب راضي يعلمني
ون: انقلي له كلامي والله مدري وش مسويه انا َ!! شكيت بعمري!
ون: تستهبللين والا جد ؟ ما اذكر اني سويت شي !!
مق مق: اصبري اجيبه هنا تتفاهمون
ون: لا ياختي لاتدخلينه، ما فيني حيل هواش وكذا << خوافه
!!
مق مق: لالا موب هواش تفاهمو يختي انا ودي اعرف السالفه
ون: امم مدري بس اافزعي لي هماه
خخخخ
مق مق: يلا بجيبه حاولي تسمعين منه اول لانه مره معصب، لاتجادلينه
تمت إضافة آهـــات إلى المحادثة.
مق مق: اهات اول شي اذكر ربك وعلمنا وش السالفه بهدوووء
آهـــات: ون مدري انتي تسوين هالحركة دايم كذا مع الكل ولا بس معي انا ، يعني انا محترمك ومقدرك ومن اول مابديتي اعتبرك كاتبة رائعة واخرتها تقولين عني كلام ماله داعي وتنشرين اشاعات .. يعني المنتدى يكشف اشياء ثانية غير التشات
ون: انا ؟ قلت عنك شي ؟ اهات انت متاكد انه انا ؟
آهـــات: اي قلتي .. واخرتها يجي اللي يسوى واللي مايسوى يتكلم علي .. وامس واحد من المراقبين العامين يقول هاليومين لا تكتب شي الين يهدا الموضوع !!
مق مق: اهات بشويش وفهمنا والله مافهمنا شي
ون: يؤ كل هذا مني انا ؟ اهات يرحم امك تاكد قبل ترى ماسويت شي انا
<<< تنرحم
آهـــات: ايه منك . المشكلة قبل امس معك بالتشات واسولف وبالمسابقة ولا قلتي شي وكأننا اصدقاء...... اثر لك وجهين مع الاسف
ون: لحظه فهمني وش سامع ومن قالك !! يعني بتصدق اي حكي يجيك !
[01:37:45 ص]
آهـــات: انتي رايحه تفتنين بكل مكان اني اسجل يوزرات بناتية ومستغل مركزي عشان اقعد اغازل بنات !!
مق مق: يؤيؤ
انا ؟ ما قلت والله !!!
آهـــات: ماصدقت لو ماقالولي ناس ثقات ، وبعضهم اكلمهم تلفون بعد بعدين من تبين اصدق.... اللي مااعرفها الا من خمس شهور ولا ناس اعرفهم من سنين؟ واكثر من واحد
ون: من اللي قالك كذا ؟
آهـــات: قبل كم يوم بالشات جايني واحد يقول عيب عليك اللي سمعناه عنك
ون: وانا وش دخلني تفعل والالا
مق مق: من وين جاك الحكي اهات يمكن كذب لاتعصب بدون ماتتاكد
<<< لا ياشيخه
آهـــات: ماودي اقول اسماء لانهم ناس محترمين وثقة وانتي بعد قايلة شي ثاني .. اني مسجل مسنجر بناتي واضيف فيه كل اللي بالمنتدى من البنات .. صح ولا لا؟
مق مق: ون معقوله؟ اهات والله ياكثر الاشاعات في المنتدى
آهـــات: مقلعه رجاء لا تحاولين تدافعين عنها انا فقدت الثقة في الناس بعد هالموقف .. يعني عشاني طيب مع الكل يصير فيني كذا .. ردي يا ون ولا ماعندك شي تقولينه؟
آهـــات: اكيد الحقيقة قاسية عليها عموما للاسف انا ماجيت اعاتب ولا الوم انا جيت عشان ابين لك حقيقة صديقتك اللي مخدوعة فيها
مق مق: اصبر اهات
.. اهات انا عرفت من قال لك بس والله تراهم يحبون الاشاعات
ون: اهات وربي ما قلت كذا ووش مصلحتي اقول !! ومن وصل لك هالحكي !
سحور الهنا ...!!
لووو جوعااااان جرب ليززززز .. تافوكها .. تابلعهااااا
خذ لك كااااااااس يخليك ترافس ومن الهم تنافس انها بايسوووون كلها حركااااااااااات
لجلسة لا تخلو من النشاط والحركة .. ليز مع بايسون ..
متوفرة حصرياً لدى سوق حجاب .. وأسواق بن دايل
تأكد من وجود شعارنا على المنتج <<< أنواع النصب
مق مق: طيب علمها من قالك عشان تعرف تواجهه .. هم قالولك انه ون تقول؟ ولا انت شكيت فيها؟
آهـــات: ون لو واحد اثنين اللي قاله اوكي لكن كثار قالوه !!! على سبيل المثال قال لي طخ طيخ .. وقالت لي كورديليا بعد !!
<<< سامحوني تبليتكم
ون: قالوا لك !!! وش قالوا !
آهـــات: الكلام اللي فوق !! انك قايلة اني اسجل بيوزرات بناتية واني اسحب البنات بالمسنجر واني واني واني
ون: طيب شوف وش رايك نجتمع انا وانت وكوردي وطخ وانت افهم السالفه لاني متاكده ما قلت كذا ! اهات ولو اني اكرهك والا حاز بخاطري منك ماكنت كلمتك وبينت لك اني معك شي ومن وراك شي !!
آهـــات: لا انا مابي اجتمع وللعلم هم قالولي لا تعلمها لكن الموضوع ماقدرت اسكت عليه .. لاني خاب املي فيك بعدين وش مصلحتهم!!
مق مق: ون قد جاك من اهات شي او قل احترامه معك؟
ون: حتى اانا اهات وش مصلحتي .. وليه بقول عنك كذا حاقده !! سويت لي شي !! ضايقتني !
مق مق: يوووه ياشين هالمواقف
آهـــات: مادري عنك يمكن طبعك كذا وفيه ناس بالفعل يحبون يفتنون بين الناس
ون: اهات .. معليش حاول تفهم السالفه لاني ما قلت شي من هالكلام !
آهـــات: انا وللامانة ماقد شفت شي من ون لكن للاسف انها تقول من وراي كلام فهذا شي كبير
مق مق: طيب قد سولفتي عنه بشي قدام احد بنات او شي
ون: لحظه اهات ما قلت شي من وراك وربي ما قلت !! يعني وش مصلحتي وبعدين انا مو مرة مع طخ !! يعني ما اشوفه الا بالتشات وما قد سولفت معاه الا مرة يمكن ! لو كنت بقول لاحد هالكلام ما كنت بقول لطخ صحح والا لا ؟ هذا وانا عارفه انه صديقك
آهـــات: امس واحد يقول لي بالتشات ياحظك مستغل صلاحياتك قلت وش تقول انت قال رح شف العالم يانايم وش يقولون عنك، للاسف انا مرة مصدوم فيك وكنت احسبك حليلة وكيوت واخلاقك روعة
ون: العالم صاروا انا ؟
آهـــات: بس اقول لك 4 او خمسة قالو لي نفس الحكي وقالو انك انتي سبب المشكلة
ون: انا !!! طيب بالعقل اهات انا وش بستفيد !
آهـــات: والله مدري عنك ودي اعرف قولي لي انتي
ون: لحظه انا للحين مو مستوعبه وربي كنت احسب السالفه مزح بسال كوردي وبتاكد موب معقوله .. اهات انا لو ابي المشاكل سويت شي اكبر
مق مق: مهيب فيه ولا اضفتها ونفهم السالفه
آهـــات: وش مزح انا متى اعرفك بالمسنجر عشان امزح معك !!!!
ون: ادري مقلعه بس بكلمها
مق مق: اهات ياشينك لاعصبت خل البنت تقول اللي عندها وراك كذا
آهـــات: ماعاد صار به شي غريب حتى مقلعه يمكن تطلع قايلة عني شي.... كل شي جايز !!
مق مق: يؤ يؤ
ون: باك .. شكلها نايمه ماترد
آهـــات: ايه نايمة
<<<
اشوى انها ما ردت
ون: شوف انا بكلم طخ ، وبساله .. لاني متاكده اني ما قلت شي
مق مق: لاتكبرون السالفه تكفون وخلونا نحلها صافي يالبن
آهـــات: كلمي اللي تبين بس رجاء ..... رجاء خاص لا عاد تطرين اسمي ولا عاد تحاولين تنشرين عني اشاعات
ون: يعني مصر انه انا اللي قلت ! طخ اون لاين ؟ امم تقدرون تدخلونه هنا ؟
مق مق: طخ يقول موضوع مفروغ منه وهو مايحب المهاترات
.. هو قال لي انه ماخذ موقف منك ون
ون: اقول انتوا شكلكم تستهبلون علي!!! توه مكلمني امس مدري اليوم بالتشات وشلون ماخذ موقف !!
آهـــات: لا تجيبينه لانه اكيد بينكر مثلها !!
ون: وش دعوا !! حتى صديقك ما تصدقه ! طيب خليه يخش التشات انا بكلمه
مق مق: هو صديقه اللي قايل له عنك
ون اعتذري له وخلاص تصافووو
آهـــات: اساسا بعد هالموقف صرت اخاف من الاصدقاء اكثر من الاعداء
ون: وش اعتذري له !!!!!
آهـــات: للاسف هذا انتي دايم، عموما اعتذارك ماراح يغير بالموقف شي وانا اسف اني تعاملت معك فترة طويلة باحترام واخلاق واعتبري هالمحادثة نهاية عهد وبداية عهد ... وللعلم راح تشوفين ردي بالاقلاع مو هنا
مق مق: لالالالالالالالالالا اهات لاتفضح بها وش ذا انت للحين ماتاكدت <<<
ابوك يالاستفزاز
ون: ههههههههههههههههه تفضح بها ّ !!
ون: معليش انا بطلع تامرون شي ؟
مق مق: ون شوفي فوق .... كاميرا صادوووووووووووووووه
ون: وجع
ترى كنت حاسه
آهـــات: هههههههههههههههه
مق مق: وين حاسه وربي رحمتك
ون: خخخخخخخخخ للاسف اول مرة افكر احط لك بلوك مقلعه
مق مق: هههههههههههههههه
ون: انقلعي
ترى مبين خخخخخخخخخخخخ
ون: لان كوردي مستحيل تقول عني شي وانا عارفه وطخ توني مكلمته بالتشات
آهـــات: ايه مرة والدليل شوي وتصيحين
ون: ههههههههههههههههههه وجع !! اهات لا بس تنرفزت من اسلوبك
مق مق: ون انتظري الموضوع بنزله في المنتدى
ون: ههههههههههههههه اي موضوع !! فضايح !!
آهـــات: ماعليك
ون: خخخخخخخخخخخخخ مالت عليكم شومالقيتوا الا انا ؟
آهـــات: وقع الاختيار عليك
ون: يله سامحتك
آهـــات: اشوى عاد ماتسامحيني بروح افضح بك
ون: هههههههههههههههههه
مق مق: والبلوك؟
ون: البلوك بخليه بعدين خخخخ ياعمري رحمت نفسي
آهـــات: هذا المطلوب
مق مق: يلا مانعطلك بنروح نشوف موضوعنا
ون: بالتوفيق خخخخخخخخخخخخخخ
آهـــات: يلله اعذرينا
ون: يله كملو قلبي معكم خخخخخ
تمت مغادرة آهـــات من المحادثة.
تمت مغادرة مق مق من المحادثة.
~~~~~~~~~~~~~
وأخيراً نتمنى أن نكون وفقنا في تقديم فطور هذا اليوم ..
وأننا كنا خفيفين ظل عليكم .. واستطعنا رسم ابنسامه على أفواهكم ..
ولكم منا هدية عبارة عن ملف فيديو ...... انشالله يعجبكم ...
بس لا تسألونا من هو اللي بالملف
حــمــل المــلــف مــن هــنــا
آهــــات & مقلعه منذو مبطي
][ فطور مصري محصلش ][ مدو ايديكو ][
رد : ][ فطور مصري محصلش ][ مدو ايديكو ][
هلا وغلا
الوضع العادي
