[أم كشه شقراء]

مسائكم .. / صباحكم .. خير و صحة


صار لي فتره وأنا أتابع المنتدى واستفدت منه كثير .. وجا الوقت إلي أرد للبنات جميلهم

بشي من أسراري .. وتجربتي.. وبحثي.. وأتمنى من الله أن يعجبكم ..

وما يضيع مجهودي ..

أول شي أبي تعرفون فوائد بعض الخضار و الفواكه .. للبشرة و الجسم

الشي الطبيعي إذا ما نفع ما يضر .. يعني جربوا .. وما بتخسرون شي .. إن شاء الله


[line]



يساعد عصير الليمون على اختفاء النمش وتحسن لون البشرة فتصبح اكثر إشراقا ولمعانا كما يساعد على علاج المسامات الواسعة حيث يؤدي القابض الذي به إلى ضيق المسامات والاستخدام عصير الليمون لاصلاح العيوب نضع طبقة رقيقة من العصير على البشرة ثم اتركيه لدقائق ثم اشطفيه بالماء الفاتر كذلك يساعد عصير الليمون على اختفاء صفرة الأسنان يمكنك استعماله لهذا الغرض على الفرشاة أو بقطنه مبلله وادعكي أسنانك به يوميا .


[line]





لنعومة بشرة اليدين وتألقها استفيد من العصارة الموجودة بقشرة البرتقال وامسحي بها يديكي إذا حانت الفرصة فهي غذاء طبيعي للجلد ويكسبه رونق وجمال.


[line]




فاكهة غنية بالفيتامينات خاصة فيتامين أ الذي يغذي الشعر ويمنع تساقطه .


[line]




لتقوية الأسنان وجمالها فهي غنية بالكاليسوم الذي يغذي الأسنان ويقويها فهي تحتوي على فيتامين أ.


[line]





يفيد التين في حالة وجود حبوب بالوجه ففاكهة التين تساعد على تقليل الدهون وإزالة الحبوب وصفاء البشرة.


[line]




لإزالة التجاعيد وجمال البشرة اعصري بعض حبات الفروالة وادهني بها وجهك صباح ومساء ثم اغسلي وجهك بماء البقدونس كما تساعد في تنظيف صفرة الإنسان وازالتها .


[line]




للحصول على بشرة وضاءة جميلة يغسل الوجه بماء البقدونس صباح ومساء لمدة أسبوع.


[line]





يفيد في معالجة تجاعيد الوجه والتخلص من النمش وفي حالة البشرة الدهنية يمكنك استعماله مبشورا مع الحليب البودرة أو شرائح.



[line]




يفيد الخل في نعومة الشعر ولمعانه والتخلص من القشرة ضعي قليل من الخل أثناء غسل شعرك كما يفيد في تجميل الساق والتخلص من العروق الزرقاء دلكي به العروق في الصباح والمساء لمدة شهر ولتخفيض الوزن تناولي مع كل وجبة ملعقتين صغيرتين في كوب ماء.


[line]





تفيد الحناء في علاج القشرة والتهاب فروة الرأس كما تساعد على إزالة الإصابات الفطرية في أصابع القدم وتقوي أظافر اليدين كما ثبت أن بها مواد قابضة ومطهرة.



[line]







هنا .. بقولكم على أشياء سويتها و جربتها ونفعت معي و استفدت منها

و هالزاويه بتكون متجدده أن شاء الله .. و الي تحب تضيف شي حياها معنا

نفيد بعض .. وندردش مع بعض بأمور تهمنا .. و تهم جسمنا و بشرتنا و شعرنا بعد

و هذا شي من تجربتي قناع للبشره ينعم و ينورها انا مره ارتحت عليه و أن شاء الله انتو بعد


[line]





*ربع برتقال
*ربع ليمون
*ربع بطاطس
*نص جزر


نحطهم سوى ونخليهم يفحون بالمويه لين يستون .. وبعد مايستون نخليه يبرد

نحطه بالخلاط ..

ونحط فوقه :- 3 بياض بيض ونخلطه .

وبعدها نحطه بوعاء بلاستيك له غطاء لأن الكميه تكفيك لكم اسبوع ..

اذا حطيته بالوعاء البلاستكي تحطين فوقه :-

( 2 ملعقه سميد + 3 ملاعق نشاء + ملعقة موية ورد + ملعقه ماء زهر + ملعقه زيت زيتون ) ..

نخلطه بالملعقه ونغطيه ونحطه بالثلاجه .. ومتى مابغيتي تنعشين بشرتك حطيه بوجهك ..

وقطعي لك شريحتين خيار حطيهم على عيونك .. واسترخي ليين ينشف الماسك

بتحسين بملمس .. لايوصف


* الماسك اغراضه واجد .. لكن انتي بتسوينه مره وكميه تكفيك كم اسبوع لاتستخسرين على بشرتك شي



[line]


\\~// ماسك الملح الخشن //~\\




شي مالي غنى عنه بالحمام ( وانتو بكرامه )

ينعم ويطري .. ويقشر الجلد .. شي موب طبيعي إذا استمريتي عليه







ملح خشن





وتحطين فوقه زيت زيتون

وتحطينهم بعلبه بلاستيكيه لها غطاء .. وخليها بالحمام

كل ماتروشتي حطي منها على جسمك .. وافركي الملح على البشره .. بعدها شطفي نفسك

وغسلي بالصابون .. وشوفي النعومه .. شي لايوصف


[line]


أتمنى من الله أن الموضوع عجبكم و يكون خفيف عليكم

أنتظروني بالمره الجايه مع صابون للبشره .. يخفي الحبوب من قاموس حياتك

بأذن الله

تعبت على الموضوع وثاني مره اكتبه .. أن شاء الله يعجبكم

إلى اللقاء .. في تألق دائم لبشراتكم

[راعية السكوتر]

هذا الموضوع مرره مهم ... ويشجع الكسالى

وبرضو لا تنسين العسـل
كل فتره أحطه على وجهي .. ينعمه ويشده

تسلمين ام كشه شقراء

[**أم لسانين**]

أم كشه

كثير معلومات قيمه مشكوره عليها ،،

بس ابسألك عن الملح الخشن انا قبل فتره رحت لبودي شوب ابشتريه وقالوا لي خلاص ماصرنا نجيبه
انتي من وين تشترينه ؟

[كورديليا]

صباح الورد ..


أم كشه شقراء



معلومات قيمة ومفيدة ..


الله يجزاكــِ خير ..

[هنديه حليوه]

مشكوووووووووووووووووره على هالمجهود

يستاهل التثبيت صراحه


خوداااااااااااااااافس

[عنيدة نفسي]

ما شاء الله موضوع

متناسق ومهم بس يبيلن وقت متى نسويه

يعطيك العافيه

[vincci]

الله يعطيك العافيه
معلومات حلوه ورائعه

تحيتي

[::HoT PiNk::]

حركات خطيره

الله يعطيك العافيه يالغاليه

والله يوفقك

[ملكة نفسي...]

ياحبــــــيلتس ...تسلمين على هالنصايح حبيبتي..

وأنا أحب أضيف بعد..

اذا تحبين ...بشرت جسمتس تصير مثل البيبي...

حطي فنجال شاهي زيت زيتون + ملعقه صغيــــره حناء+ ملعقه صغيره ملح خشن...

ولا تخافين الحنا مايصبغ بجسمتس لأنوه شوي والزيت كثير...وأذا دخلتي تتروشين أفركي جسمتس بوه ..وبعدين ..غسليه كم مره.. وأستخدمي رغوه بعدوه عشان ينظف الزيت...وتروح ريحت الحناء...

((وتراني مجربته))
.
.
.
وفيه خلطه يمكنكم شبعتو منه مره حلوه ومجربه...للتبيض والتنعيم..

ليمون + رشة بودرة جونسن + فقس + جلسليد +نشاء...

وسلامت قلبتس...أم كشه شقراء

[بوهه طايره]

هـلا وغـلا أم كشة شقرا

موضوع أكثر من روعــه

وفوائد الليمون و زيت الزيتون ماتخفى على أحد

حابه اضيف إن المداومه على أكل العنب او شرب عصيره

تصفي البشره وتعطيها حيويه ولون مورّد

..

ماسك جربته للوجه

3 ملاعق شوفان .. و 4 ملاعق حليب طازج

حطيه ع الوجه والرقبه وانتظري إلى ما ينشف

يشّد البشره و ينورها

كمان الزبادي المنتهيه صلاحيتها نفس المفعول

تسلم ديّاتك يا بعدهم

والموضوع .. مثبت ..

[NawaL]

إقتباس »

الرسالة الأصلية كتبت بواسطة راعية السكوتر »

هذا الموضوع مرره مهم ... ويشجع الكسالى

وبرضو لا تنسين العسـل
كل فتره أحطه على وجهي .. ينعمه ويشده

تسلمين ام كشه شقراء

كأني سمعت العسل يزيد الشعر بالوجه ،

*

يعطيك العافيه ام كشه ، معلومات طيبه مشكوره ،

لي رجعه ان الله كتب ،

[نيرمين]

موضوع رائع الله يعطيك العافيــه ياقمــر ..

بالفعل عصير الليمون مفيــد جداً .. وانا من واقع تجربتي استفدت منه خاصه لان بشرتي من النوع الدهني وأعاني
كثيراً .. لكن مع الليمون وربي خفت الدهون ..

برضو الليمون يبيض البشــره .. خصوصاً المناطق الداخليــه .. فقط افركي المنطقــه بالليمون بعد الاستحمام مباشره ..
وستشعرين بالفرق خلال عدة أسابيع ..

برضو يفيــد الليمون في علاج الافلونزا .. خذي ملعقــة عسل واعصري عليها نصف ليمون واشربيهم على الريق صباحاً..
وربي جربتــه اربع ايام وكنت اعاني من افلونزا شديده وكل يوم أحس بتحسن أكثر من اللي قبله ..


برضوو الخل استخدمــته كثير .. بالاضافه إلى الفوائد اللي ذكرتيها أحب اضيف انه يساعــد في شد الجسم ..
بس يحتاج الى استمرار ومداومــه عليــه فتره طويله ..

تحياتي

[:: قلم كحل ::]

يعطيك العافية حبيبتي

تم تسييف الموضوع

[**مزوووون**]

صباحك ابيض

ام كشه

مجهود تشكرين عليه

وماشاء الله عليك كفيتي ووفيتي فعلا

بس اللي حبيت اضيفه بعد
الزبادي يطري البشره وينعمها بالنسبه للوجه


دمتِ
بصحه ونضاره

[دجه هانم]

معلوماات اوب صااحيه اوخيتي ..

حبيت اذكر خلطه قد ذكرتها من مبطي بس ابعيدها ..

بطاطسه مسلوقه + ملقعة نشا + موية ورد ..

وفي الخلاط حوسيهم ..

وبعدين حطيهم في وجهتس الين يشد وإذا شد العبي مع خواتس الصغار حريم وانتي جدتهم ..

<< ..

وبس وبعدين اغسليه بمويه بارده ..

يغدي وجهتس وش زينه شاد ويلق ..

بس فيه سؤال اوخيتي كشه ..

هالحين في شي اسمه موية زهر ؟؟ ..

انا على بالي بس فيه موية ورد ..

عمومن ميرسووه لإلتس على هيتس موضوع موفييد اوي ..

إلتس يازلمه ..

[مخربتها]

زبادي + عسل
حطيه على وجهك نص ساعه
كذا

يصفي البشره بشكل خطير
مره شلت وجه بفتله والله لا يعيدها
قب وجهي غدا كنه خبزه
قالتلي وحده حطي عليه عسل و زبادي بمقادير متساويه
لمدة اسبوع و شوفي الفرق

و ما صدقت خبر بديت احط من ذا الخلطه نص ساعه و بعد ما اغسل وجهي
امسحه بموية ورد و امسح طبقة خفيفه فكس (هو صح حار بالاول بس خطير للحبوب)

حتى اذا طلعتلك حبه فجأه
حطي عليها فكس قبل لا تنامين في الليل
و شوفي وش يطلعلك من بكرا
يومين و هي ناشفه ما تاخذ شي
<---ينفع تسويلهم دعايه


طبعا لا يخفى قمر الساحه الخلطه الاثريه العجيبه اللي ما كنت اصدق بمفعلوها الا لما جربتها
(بس يبغالها استمرار)
جلسرين + ليمون (يفضل ليمون ابو زهيره)
ممكن تضيفين لها زيت لوز المر و زيت الورد (تراه غير عين موية الورد)
هذي اضافاتي و تكون خلطه خطيره قبل لا تتروشين بساعه او اكثر شوي
اتعب و انا اقول خطيره

ولا احد يتكلم قبل لا يجربها
<--ناويه تتهاوش مع العالم

[Heartbeat]

أهلين أم كشه صفرا

الماسك من صنع إيدك و من مواد و فواكه و خضار "طبيعيه"

أؤمن من تجربه انه أفضل بكثيـر من الجاهز ..

اللي نصه كريمات تنعم فتره بسيطه بس

ما قصرتي ... ولا قصرو البنـات

[أم كشه شقراء]

هلا والله و غلا

بالبنااات

منورين الموضوع


/
\
/
\


راعية السكوتر

حياك الله .. صادقه كلنا فينا كسل

بس أهمال البشره يسبب بلاوي و اولها الحبوب

على الاقل تنشجع ونهتم عشان نقضي على الحبوب

وطبعاً .. العسل مذكور بالقرآن أكييييييد فوايده كثيره وشي مامنه ضرر اببد

شكراً .. على المشاركه


/
\
/
\


أم لسانين

هلا والله .. أهم شي تستفيدون من المعلومات عشان نصير حلوات

أنا اشتري الملح من السوبر ماركت .. ملح خشن ينباع هناك

مدري وش الفرق بين حق بودي شوب .. و الي بالسوبر ماركت

حياك الله .. ومشكوره على المشاركه


/
\
/
\


كورديليا


شاكره مرورك

حياك الله




/
\
/
\



هنديه حليوه

شكراً لك أنت ِ

وحياك ربي




/
\
/
\



عنيدة نفسي

هلا والله ..

كل شي يبيله وقت ... وعشان حلاوتنا نعطي كل الوقت

الماسك ماياخذ اكثر من ربع ساعه استرخاء ..

مشكوره على المرور



/
\
/
\


vincci


هلا والله .. اسعدني تواجدك



/
\
/
\


راجعه لباقي الردود .. بأذن الله

[رمال]

فيه ماسك مدري مر عليكم او لا

خميره بس

اخلطي الخميره بمويه دافيه .. و خليها شوي لحد ما تطلع لها رغوه بعدين خذي بس الرغوه واستخدميها على وجهك .. خليها حوالي 5دقايق و اغسليه بعدها وشوفي كيف بيكون وجهك

مقشر بالمره حلو و يشد الوجه


فيه بعد الدقيق البر ( الاسمر )

بالمره حلو



يسلمو قلبو على هالموضوع

رمال

[أم كشه شقراء]

أهليــــــــــن

باك مره ثانيه للردود من أحلى بنات


\
/
\
/


وجوووه


شكراً لتواجدك .. و مشاركتك

و يوفقك ربي ..




\
/
\
/



ملكة نفسي

و أنتي بعد ياحبي لك على هالمعلومات الي تفتح النفس

بجرب و بدعي لك إذا شفت نتايج وحتى لو ماضبط

الله يوفقك ..

و مشكوره على الرد .. حياك الله


\
/
\
/


بوهه طايره

شاكره لك تواجدك .. وتثبيتك للموضوع

شي اسعدني والله

اهم شي هو الأستفاده للجميع ..

و بجرب الماسك وش ورانا ..

يعطيك العافيه .. وحياك الله بمكانك



\
/
\
/


NawaL

هلا و غلا نوال

مااتوقع العسل يزيد الشعر .. وش العلاقه

كل شي طبيعي ماله أثر .. البلاوى من هالكريمات الي الحريم ماخذه فيها مقلب

نستنى رجعتك






\
/
\
/



نيرمين

هلا والله و غلا وش هالمعلومات و الأضافات الحلوه و القيمه

صادقه الليمون سبحان له له فوائد كثيييره ومره مهم ..

انا بعد جربته للأنفلونزا مره كويس اقص نص ليمونه واعصرها بحلقي طوالي

من دون مااخليه يلامس لساني عشان مااحس بالحموضه

و الخل بعد له فوائد كثيره .. يقولون انه يوخر السترش مارك

كل يوم امسحي جسمك بقطنه فيها خل على السترش مارك ونومي

تخف لكن يبيلها وقت << احنا كل شي نبي نشوف نتايجه بنفس اليوم و إلا مانصدق


حياااك الله على هالمرور الحلو

و شكراً لك



\
/
\
/


:: قلم كحل ::


حياك الله

و اسعدني تواجدك .. وحفظك للموضوع



\
/
\
/




**مزوووون**


مسائك مسك و عنبر

صحيح كلامك للزبادي عندي لك سر

جربي الزبادي المنتهي صلاحيته

عجييييييييب << وشعنده عبدالله بالخير

حياك الله ..

ومشكوره على المشاركه


\
/
\
/




دجه هانم

هلاااا و غلاااا

ماسكك شكله خطير .. بجربه أن شاءالله

علمتوني اشياء ماكنت اعرفها ..


ايه يادلبوو

ماء الزهر يختلف عن موية الورد

تحصلينه بالسوبر ماركت

و إي سؤال ثاني أنا حاظره لكل أستفساراتكم


حياك الله .. و أسعدني تواجدك



\
/
\
/


مخربتها


هلا والله حياك بموضوعي

تعالي بقولك سر << ياكثر الأسرار بعد

لا تحطين موية الورد بقطنه وتمسحين انا احطه بخاخ حق المويه و احطه بالثلاجه

وكل ما خلصت الماسك بخيت على وجهي .. انتعــــــاش لا يــــوصف

و اذا وجهك من النوع الي يحمر من التشقير او غيره .. مكعبات الثلج بدال ماتصبين فيها مويه

حطي بدال المويه موية ورد .. تصير عندك مكعبات ثلج من موية الورد .. ومتى مااحتجتي بردي على خشتك

<< الوصف عندها مييييييييح اعذروني

..

مدري عن الفكس اول مره اسمع عنه

في شي اخطر .. المُره .. انقيعها بموية شوي وخليهاا

كل ماطلعت حبه حطي عليها .. تنشف الحبه مررررررره


..


حياك الله .. ومشكوره على المشاركه المفيده



\
/
\
/



كيوت but داجه

و أنا أؤمن زيك بأن كل طبيعي صحي و كويس

شكراً على مرورك ..

حياك الله




\
/
\
/


رمال

حياك الله ..

الخميره مفيده مرررره .. انا احطها مع حليب و شوفان

روعــــه

أسعدني تواجدك

شكراً لك




\
/
\
/



راجعه لكم بأذن الله مع الصابون السحري

الي قضى على الحبوب ..و خلاها ماضي بحياتي .. الله لا يعيده


كونوا بخير

أول مره ادري اني قرررقه واجد