الأسهم وما أدراك ما الأسهم ..
رفعت روس فوق السحاب .. ووطت خشوم تحت التراب ..
انشغل فيها الجميع .. حتى المبزرة صاروا يقولون عندنا أسهم
اتجهت لها كل فئات المجتمع ,,
الملحطين قبل الهوامير .. والرجال والنساء والشيبان والبزارين
::
وبما إن الشعراء يتبعهم الغاوون
ودنا تكون لنا المبادرة في ( الحب بعيون استثمارية )
::
هــــامـــور حـــــب
::
[poem font="Times New Roman,4,darkblue,bold,normal" bkcolor="transparent" bkimage="backgrounds/30.gif" border="double,4,gray" type=1 line=1 align=center use=ex num="0,black"]
طويت الدرب لعيونك من الزيرو إلى المليون = وشيكات الهوى أودعتها في داخل حسابك
أحبك وانت من يلعب مع حبك على المضمون = تورّده الخطر قلب ٍ يحاول يفتح ابوابك
عطيتك من كثر ماعطيك طاحت اسهمي للدون = ومشكلتك ليا منك عليت .. تبيع احبابك
انا اللي سقت لك روحي .. وقلبي صار لك عربون = ابي بس اسعد بشوفك وابي القاك واهنا بك
ولو تدري عن اللي لك بقلبي كان قلت تمون = وترحمني وترحم خافقي من برد اعصابك
احبك كثر حبي للضحى والتين والزيتون = واحبك كثر صداتك وانا واقف على بابك
وأحبك كثر ما سهم (اللجين) يطيح للمطمون = واحبك كثر ما يلعب بأعصابي سهم (نادك)
وأحبك كثر حبي (للبلاد) وربحه المضمون = وكثر ماادخل (تداول دوت كوم) وابتل وانا شابك
واحبك كثر ما (بومبا) لعب في حسبته (تيمون) = ولو تلعب باحاسيسي احبك انت والعابك
واحبك كثر حبي لك .. غرام ٍ ماحواه الكون = واحب تصير لي وحدي .. ولاغيرى يتهنى بك
وأحبك .. وش أحبك !! كل كلماتي معاك تهون = أبي لي كلمة أقوى .. كلمة بقوة سهم (سابك)!
يقولون انت يالمجنون .. واقول ان الجنون فنون = ألا يابخته المجنون برموشك وباهدابك
مادام انّا .. سماء وأرض .. شيلي بيننا الأوزون = يكفّينا حواجز كافي ان الوقت أقفى بك
خذيني عبقري في روعة (فرويد) و (أفلاطون) = خذيني نابغة عصري سواة (نيوتن) و (تشابك)
خذي كلي ترا كلي تعب .. واللي حلف بالنون = تعبت اصبر .. تعبت انطر .. عجزت اعثر على بابك
نطرتك كثر ما العانس تحرى جية المأذون!! = وجاب الفكر .. في غيبتك عن شوفي .. وودا بك
تقولين البشر واجد .. واقول ايوالله ان يبطون = إذا مانول إعجابك .. من اللي ينول إعجابك؟
ماحب احكي .. احب افعالي تخليهم يغارون = فداك الناس .. لو أترك جميع الناس باسبابك
اذا منتاب تاركني .. فـ باقي الناس ينجازون = واذا بعضك شرب بعضي .. خفوقي مبطين ذابك
وإذا غيري يحبك بنتيوم .. حبي دوال زيون!! = انا كلي على بعضي حشا مااتنفس الا بك
يكفّي قلب يضرب -لين شافك- نبضه الطبلون = ولا سلّمت وقّف لك و(ولكم) لك وهلاّ بك
تقولين اشكثر حبي واقول انتي مكانك (هون) = مابين ضلوع صدري وسط قلبي غارزة نابك[/poem]
بس مثل ما قال تريلة شوق
فيه بيت القافيه اختلت وهو :
وأحبـك كثـر مـا سهـم (اللجـيـن) يطـيـح للمطـمـون
واحـبـك كـثـر مــا يلـعـب بأعصـابـي سـهـم (نــادك)
القافيه على آبك وانت حطيتها فيه على آدك
وفيه بويت ثاني آخره ما ركب وزنه معي وهو :
خذينـي نابغـة عصـري سـواة (نيوتـن) و (تشـابـك
الواو خلخلت الوزن بين نيوتن وتشابك وهي أصليه ولو حاولنا نشيلها صار تشابك تكمله لنيوتن مثل اسم الاب وهذا خطأ
صح بدنك يالغالي .... ولا هنت على ردك
يعطيك ألف عافية
::
دانة بحر
صح بدنك ولا هنتي على ردك الرائع
الروعة ما هي إلا جزء منك
يعطيك الف عافية
::
طخ طيخ
صح بدنك يالغالي وتسلم على ردك .....
خلك في العقار اريح لاعصابك
مشكور على مرورك الكريم يابعدي
::
دارما
صح لسانك ويعطيك العوافي على ردك
أما البايسون لا ابشرك كنت شارب هولستن فراولة والظاهر أثر
لا تقولين انك ماتحرين جية المأذون العبي على غيرنا
يعطيك الف عافية عـ المرور وربي يسلمك
::
جنيin theقوطي
صح بدنك ويعطيك الف عافية على المرور
لا والتعمير كانت جاية بس ربك ستر
يخليك ربي انشالله على مرورك الحلو
صح بدنك يابعدي ويعطيك ألف عافية
مشكور على التثبيت وإطرائك وربي يسلمك
أما بالنسبة للأبيات الغريبة فهذي ضرورة بالشعر الحديث
لا هنت يالغالي عـ المرور
::
تريلة شوق
صح بدنك يالغالي ولاهنت عـ المرور
أما بالنسبة لبيت نادك .. فمافيه خلل بالقافية حرف الكاف
صح راح يكون البيت أقوى لو ختم بالثلاث حروف المتشابهة
بس انا فضلت ادخل نادك وقدمت تقوية المعنى على تضعيف القافية
يعطيك العافية على ملاحظتك يا بعدهم
::
الكاسر888
صح بدنك يا خلفهم وتسلم عـ المرور
اجل حب الكاسر لثمانياته
ودي اعرف وش هالعلاقة بينك وبين الثمانيات
تسلم يالغالي عـ المرور ولاهنت
::
(ابو كنان)
تسلم يالغالي ولا هنت عـ المرور
بالنسبة لبيت نادك راجع ردي على تريلة من شوي
وبالنسبة لبيت نيوتن ... فكلمة (تشابك) تنطق (جابك)
يعني (تشـ) كويتية مثل كلمة (تشانك تبيني)
فالتاء والشين تاخذ حكم الحرف الواحد مثل الكشكشة والكسكسة
انطقها بهالطريقة وتلقى الوزن تمام ولا فيه خلل
اذا ما علمت ان بداية اسمه تكتب بالانجليزي (ch)
::
كورديليا
الإبداع هو جزء لا يتجزأ من كورديليا
يعطيك ألف عافية على مرورك
ولا هنتي
::
خالدونا
صح بدنك يا بعدي
والوزن والقافية مابها خلل يالغالي
وضحت فوق ما اشتبه على الاخوان
وتسلم على ردك ومرورك الكريمين
–•(-• هــامــور حــب •-)•–
هــــامـــور حـــــب 
ـات ـاتي
رد : –•(-• هــامــور حــب •-)•–
رد : –•(-• هــامــور حــب •-)•–
هههههههههههههههههههههههههههههههههههههههههههههههه 
رد : –•(-• هــامــور حــب •-)•–
رد : –•(-• هــامــور حــب •-)•–
...
رد : –•(-• هــامــور حــب •-)•–
رد : –•(-• هــامــور حــب •-)•–
الوضع العادي
