[Oriental Sense]

فيه لقاء من فيلم وثائقي أمريكي اسمه where in the world is Osama Ben Laden ومخرج هذا البرنامج زار عددا من الدول لأخذ آراء الناس عن امريكا واسرائيل .. ويسعى بذلك للإطلاع على الرأي العام العربي والإسلامي تجاه إسرائيل وامريكا ..


البرنامج رائع .. وكان فيه عرب لديهم جرأة في الكلام خصوصا في مصر والمغرب .. أما السعودية فللأسف .. المذيع يحاول ان يخرج أي كلمة او جواب من السعوديين فلا يجد إجابة... وعلق في الاخير على حالهم بكلام قوي .. يقول وشلون يحلون مشاكل شباب هم اصلا لا يبوحون بها ...
وكنت أتمنى من المذيع أن يتابع برنامج سؤال اليوم ليعرف كيف أننا أشبه بالبكم .. فالسعودي إذا أردت منه أن يعبر عن رأيه عليك أن تحاول استخراج الكلمات من بين ..آآآآآآآآآآآآآآآآآآآآآآآآآ ... اممممممممممممممممم ... آآآآآآآآآآآآ .. يعني يعني يعني يعني يعني يعني يعني... وفي الأخير يقول كلمتين بلا معنى...

المسئول عن هذه المشكلة في نظري هو التعليم والذي يعطينا كتبا كل سنه لنعيد تسميعها لهم .. والسلام عليكم ..
والمسئول الثاني في نظري هو البيت والمنزل والتربية .. التي لا يكون فيها حوار متبادل وبوح بالرغبات ..

عموما أترككم مع المقطع .. قمت بإضافته على اليوتيوب

وهذا الرابط لكم

http://www.youtube.com/watch?v=jON4xdBva2Y

وهذا ملف التورنت والترجمة للفيلم كامل

http://whisperor.googlepages.com/Where.In.The.World.Is.Osama.Bin.Lade.zip

[شكسبيرهـ]

مو شي جديد .. لاتروح بعيد لبرنامج امريكي او غيره عندك قنواتنا السعوديه كلها شاهده على قدرااااتهم

انا اشوووف انه من الوالدين او البيئه يعني الطفل السعودي من يبدأ يتكلم واهله طايحين تحطيم فيه يـ( القرقه ) ( بالع راديو أنت ) ( فشلتنا ) ( لاعمرك تكلم قدام الضيوف )

والولد خلاص يصير عنده مثل تعطيل مهارة التكلم والتعبير ..لانهم مااعطوه الفرصه

هذا رأيي .. مشكور طارق

[ياقلبي مايحبونك]

السبب الحقيقي عدم الاختلاط بالعالم الاخر وقلة العلاقات الاجتماعيه

[للشقاوهـ حلاوهـ]

مره مرتبكين وكلمه صحيحه مو قادره تطلع منهم

بس ليش المدرس طلب يوقفون التصوير ؟!

بس بعد الاسئله قويه ولا تعودوا أحد يسألهم كذا ولا امريكي بعد

فيها سياسه هذي وقطع ارقاب

تحسبهم بـ امريكا ؟!

لو يغلطون بكلمه ولا يقولون رايهم بـ امريكا بصراحه

وبـ اعلامهم بعد عليهم السلام

[ambrosini]

السبب من الأهل

اللي يضعون حاجز بينهم وبين أبنائهم وهم صغار بعدين يتعودون ويكبرون على كذا

او كثرة التوبيخ على اي كلام يصدره الطفل ببرائه ودائمآ ( عيب ) هذا الكلام

اتمنى تكون وصلت الفكره

[Narciso]

لأننا اولا نستحي
ثانيا نخاف نتكلم في السياسة

وبالنسبة للشعوب الاخرى

معظمهم ياأخي الفاضل جريئين وشخصياتهم في الغالب قوية وثقتهم في أنفسهم عاليه
بالاضافه الى انه عندهم حريه في اعلان أرائهم المختلفه والسياسية تحديدا

هذا غير انهم متعودين على الاعلام وقضايا الرأي العام
و كل شي عندهم حتى الايسكريم له برامج

أنت شوف بيئتهم وشوف بيئتنا

شوف تربيتهم وشوف تربيتنا
مثلا هم مربين اولادهم على انهم يعتمدون على انفسهم من هم صغار الولد يسوي فطور بنفسه
واحنا الولد شوي ونأكله بيدينا

شوف تعليمهم وشوف تعليمنا و أصلا مافيه مجال للمقارنه

وبعدين حنا بس من فترة قريبه ابتدينا نتعولم العولمه يعني

وتونا مجتمع شاب وما بعد نضج << كيك ؟؟

بالنهاية أنا ماادافع عن السعوديين !!

لكن رأيي مجرد توضيح لبعض أسباب تراجعنا في كل شي مو بس في اللقاءات الاعلاميه


تحياتي لك وأنت طول بالك بس وروق ترى الدنيا فانيه وماتسوى

[أبو رامي]

يا رجال و الله من زين المناهج عندك بالمدارس

بالله قل لي موضوع اخذناه بماده التعبير غير ( اسبوع الشجره ) و ( كيف قضيت الاجازه الصيفيه )

[P i n t u r i c c h i o]

مدري أضحك و إلا أصيح و أنا أطالع هالمقطع ..
للأسف هذا مجتمعنا بواقعهـ المحبط .. و مثل ما قلت طالع برنامج سؤال يوم إذا تبي يضيق صدرق ..
المشكلهـ أزعجونا الحين بـ برامج الحوار و ندوات المطالبهـ بحرية الرأي و تفعيلها ابتداءاً بالمدارس .. مجرد ( حركهـ من دون بركهـ )
مثل ما ذكرت لأساليب التعليم البدائيهـ عندنا دور كبير .. بالإضافهـ لـ طقوس مجتمعنا الغريبهـ و ( المتسلطهـ ) .. من معاملة الأهل للطفل بـ ( ازدراء ) كلامهـ و غيرهـ ،،
للأسف نرى شباب في العقد الثاني من أعمارهم .. تحاول استخراج جُمل مفهومهـ منهم ! إلى متى ؟ الله أعلم ..
شكرا لك على الموضوع و المقطع .. و آسف ع الإطالهـ ..

[ميسم2]

والله شي طبيعي انهم ما عندهم اسلوب ولايعرفون يعبرون
إذا خلينا في عين الاعتبار التربيه+التعليم.
لو نسأل أي واحد وش استفدت من مادة التعبير اللي درست؟بيقول ولاشي
وفيه سبب آخر في ظني انه قوي:ان كلامنا وتواصلنا العادي بالعاميه ولما نجي نتكلم بشكل رسمي نتورط لاننا نكون نسينا الاهم والقوى في التعبير والاسلوب أما الغرب فتواصلهم بلغه ولهجه ماتفرق كثير بين العاميه والفصحى من طفولتهم..
يعطيك العافيه..

[أبو يـارا]

صدقني يا أستاذ طارق , على أن الحال جداً مخجل وغير مقبول إلا أني مالومهم أبداً
يا اخي كيف بتكلم أمام كاميرا أنا عارف انها بتعرض اللقاء أمام ملايين وأنا عمري ماطلعت
أتكلم قدام 20 ولا 30 طلاب في الصف ؟ مسألة انك تعبر عن رأيك الشخصي وفي مجال سياسي
أنا أعتبر انها عملية إنتحارية لنفسية الشخص , لأني في الأساس ماتعودت أعبر عن رأيي
في مدير مدرسة متسلط أو أستاذ فصل ظالم بكل حرية وعدم خوف .. إذا تعودنا في يوم من الأيام أننا
نعبر بكل صراحة وأريحية عن الآخرين ( وأعني بالآخرين ممن يفوقونا قوة ) وأبعدنا عامل الخوف
من أننا بنحاسب على الكلام ,عندها تقدر تلومنا وتقول : العامل البيئي والعامل المدرسي ضعيف

[ZLaTaN MiLaN]

يارجال ماعندك أحـد ..!

[نامسه]

تدري متى بيقدرون يعبرون عن رايهم بصوره مشّرفه .؟
لما يعرفون يفرقون بين :
الراي الصريـح و التجريـح .,!
ولما يكون الراي اللي بيقولونه رايهم هم مو راي وارثينه .,!!

[الآكورديـة]

يحلفون بس ذولي
وراهم كذا ؟
بالله ما يعرفون يقولون كلمتين زي النـاس ؟
ولا هم طالبين منهم يسوون كذا ؟ .. ترى مافي شئ مستحيل
يعني مافي الا هالاثنين ؟ وين باقي الطلاب ؟
والله يا في شباب ماتقدر تجاريهم بالكلام من اسلوبهم وثقافتهم ،، وفي العكس امثـال الاثنين الفلته اللي قبل شوي .. لكن الأهم اللي مسوين هالبرنـامج وش الفكرهـ اللي يبي يوصلها للمشـاهدين ..
على العموم ،، دامنـا امه لا تقرأ ولا تعبر عن رأيها ومكبوته فيامالنـا من هالبرامج

[رامـــــا]

من اسباب اهتزاز ثقه ابناء مجتمعي امام الكاميرا
1- شعب لا يقرا
2- لايعبر عن رأيه ولغة الحوار معدووومه ،،،
3- التربيه + المداارس
4- شعب عيااري ونااقد بقووه من تحت لتحت اكثر مما هو على العلن

[J R 7]

قسم ب لله انهم فضيحه قوول اي شي ياخي هايط امدح سب اي شي
مافي جواب مافي فكر طيب وش مجلسك انت وياه ؟

[شاورما ضبان]

جت على هالطلاب الصغار
وجه نفس الاسئلة لأساتذه جامعيين عندنا وتشوف أردى من كذا
الله يصلح الحال

[الفهلويه]

يالله وش ذ1 كلمتين على بعض ماقالوا

والمدرس كملها وقف التصوير وش هالغباااء

من جد فشيله وربي
لو يسوي حوار مع بزر مصري بو 9 سنين تلقااه يتكلم احسن من هالتلووخ
الي ماقالوا ولا كلمه ..
والله هنا ماعندنا لا حرية تعبير ولا رأي من وين نتعلم الله يخلف !!
الله المستعان

[أنـثـى الـحـوت]

السعودي مافي حل وسط
فاهم الدنيا غلط
إما جراءه بوقاحه وتفاهه
والا صم بكم يالله ينطقون
والسبب التربيه الله لا يهينكم
من البيت للمدرسه للمجتمع
السعودي عايش ولا يدري ليه عايش ما عنده قضية يدافع عنها ما عنده فلسفه بالحياة كائن متجمد .. يفتقد للحس الاجتماعي والوطني ... ابي انبسط ابي اعيش ابي بلايستيشن سوني الجديد ابي اتزوج ابي اسافر ابي وابي طيب ما عليه بس وين القضيه الي انت عايش عشانها..
كل واحد نفسي نفسي مو قادر يتخذ موقف ولا قادر يعبر مو قادر يقول رايه بثقة
إنسان عاطفي انفعالي ما يقدر يسوي كنترول على تصرفاته عواطفه تسييره بعيد عن العقل

طبعا فيه منهم من ينحط على الجرح يبرا
بس لاننا الجيل الي بيصنع الجيل الجديد لازم نعرف سلبياتنا عشان نتفاداها

عمر دياب يقول فيكم
أنا عايش ومش عايش ومش أدر ... اتنفس بكلمه

[بكـيفي1+1=1]

هذي نتائج سياسة الوسوسة المتبعة في التعليم
لو يتكلم الطالب قطعوا لسانه من عند حليق الموت
اما بالنسبة لهالكديش فحط ببالك ان الامريكان مايطلّعون الا اللي مايعرف يتكلم عشان يبينون للعالم اننا جهلة ومانعرف غير البر والخيمة ونسقي البعارين ببراميل البترول الفاضية

[سـفـيـر]

لو هم مارين الجادة كان سمعوا كلام ماينقال

بس ترى التعليم له دور كبير في هالمشكلة وهو الاساس لكل العوائق اللي تكون ضمن إطار الفشل في إيصال المعلومة بشكل مبسط وسريع