[Ra3y AmReeKa]

* فكر ... انجليزي *

في بداية تعلمنا لـ الانجليزي أو أي لغة أخرى

نترجم الكلمة في رأسنا من العربي إلى الانجليزي و من ثم ننطقها

لكن و في تلك الفترة عندما نسأل how are you

نجاوب على طول بدون تردد أو ترجمة في الرأس I am fine, thank you

لماذا ؟ لأنها الجملة صارت بديهية لنا و ننطقها بكل عفوية

لذلك ...

عندما تفكر و تحلل الأشياء في رأسك بالانجليزي مباشرة

أعلم ... أنك تقدمت في مجال تعلم تلك اللغة


* استخدم الجمل الدارجة *

هنا الحد الفاصل بين من هو فصيح و من هو عادي


هل تريد مساعدة ؟

العادي do you need help ?

الفصيح do you need a hand ?

هل تريد يداً


ما عندي وقت

العادي I dont have time

الفصيح I am running out of time

أنا أركض برع الوقت


ممكن تحطهم في كيس

العادي can you put them in a bag

الفصيح can I have them in a bag


أريد أن أخبرك

العادي I want to tell you

الفصيح I just want to let you know


و غيرها الكثير

أعرف ناس ما سافروا برع ولا حضروا دورات انجليزي

بس من كثرة متابعتهم المسلسلات الأجنبية ... أتقنوا لغتهم


* استخدام if , would *

هي كثيرة الاستخدام من قبل الانجليز

على عكسنا نحن العرب

we would have arrived earlier, if we went the other way

he wouldnt have given it to me

I would go to Paris, if I were you

we could have won, if we didnt miss the penalty kick


* زيادة جعبتك من الكلمات *

ليس بـ حفظ كلمات جديدة

و لكن بـ أضافة زوائد إلى الكلمة نفسها

<<< الزوائد لها اسم بس ما أذكره

Drive

مع ER

= Driver سائق

مع ING

= Driving test اختبار سواقة


حطهم مع أي كلمة ... ماحد بيقولك لا

buy

buyer مشتري

run

runner عداء


طبعاً الزوائد لا تقتصر على er ، ing فقط بل هناك المزيد

post , pre , re able , ly , pro

و غيرها الكثير

بـ اختصار من كلمة وحدة تستطيع أن تشتق كثير من الكلمات

والله كان عندي كتيب يشرح هذه الأشياء

بس ناسنه في البيت ... أظن اسمه كان everyday English

*****

هذه خبرتي المتواضعة في اللغة الانجليزية

أنقلها لكم

و أي استفسار آخر ترانا حاضرين

[s3odsh3]

والله يا اخوي اتوقع الواحد ما يقدر يتقن اللغه الا اذا اختلط مع الناس

انا لي لحين تقريبا 5 ايام في بريطانيا
وساكن مع عائله

احس بتحسن كبير
ولين الحين ما بعد بديت دراسه فالمعهد

الحمدلله عندي لغه مش بطاله من اول

بس ما تقدر تحدد مستواك الحقيقي الا بعد ما توصل

وتتكلم مع الناس ....

الحمدلله اني ساكن مع عجوز برباره و راعيه ضحك ووناسه

و ساكن بمنطقه ما فيها ولا واحد سعودي

او بالاصح ولا واحد يتكلم عربي

ما فيه الا الجوال هو اللي يتكلم عربي بس..


مشكور اخوي عالموضوع

[ريهآآآف]

موضوع جاز لي


لي رجعه

[HANOo]

أتمنى أتعلم وأتقن الأنجلش
وخاصتن لا تأخرت ترجمت المسلسلات اللي أتابعها
أوكي أفهم بعض الكلام بس في كلمات مامرت علينا أبدا تكون صعبه شوي
وأعتقد أفضل طريقه للتعلم الأختلاط
عوآفي أخوي

[| A L 7 A E R |]

الله يعطيك العافيه راعي أمريكا ..
بالفعل طرق تعلم وإتقان اللغة كثيرة .. منها مثل ما ذكرت في جزئية الأفلام والمسلسلات

الكثير اكتسبوا مفرداتهم عن طريق الأفلام
وأكيد الاختلاط بمن يملك اللغة الانقليزية كلغته الأم شي ضروري وهي تعتبر أسرع طريقة

ويمكن أصعب شي واجهني
الإختصارات العاميّة اللي تستخدم بين الاجانب ..

شكراً على الموضوع .. ( )

[@كيوت@]

إقتباس »

و لكن بـ أضافة زوائد إلى الكلمة نفسها

<<< الزوائد لها اسم بس ما أذكره

اظـن تقصـد الـ suffixes و الـ prefixes

..

هذي المصطلحـآت تستخدم في الحيآة اليومية
تستخدم مجآزيآ واللي يترجمهـآ حرفيآ رح يصير كذآ

..

موضوع حـلو
يعطيك العـآفية

[Infinito Amore]

انا ماعندي مشكله في الانجليزي ولله الحمد
لكن مشكلتي في الـ slang ألي يستخدمونها هنا الامريكان
مررررررره كثيره و مره تلخبط
و هاذا الموقع رهيب

http://onlineslangdictionary.com/browse/a

يحط لك الكلمه و فوقها معناها و جمل عليها



كمان يستخدمون الـ Idioms

http://www.idiomsite.com/

موقع فيه بعض الـ idioms
باذكر لكم مثال وارد استخدامهم كثير هنا
it rain cats and dogs
معنـآهـ آنو المطر كثير مرهـ مرهـ

بالنسبه لي اللغه تتقن في الاختلآط
لآ درآسه و لآ شي
آختلط مع آجـآنب و سولف معـآهم بتصير لغتك

[عبدالرحمن]

إقتباس »

it rain cats and dogs
معنـآهـ آنو المطر كثير مرهـ مرهـ

معقوله ,<<< قسم

طيب انا لما ترجمتها من قوقل طلع لي

إقتباس »

انها المطر القطط والكلاب

لا عزالله مافيه امل نتعلم انجليزي

[ملك بدون مملكة]

.
.

يعطيك العافية راعي امريكا على اللمحات الحلوة والمختصرة
بس مافيه فرق كبير بين الفصيح والعادي في الامثلة اللي ذكرتها

اهم شي بالبداية اتقان الجمل البسيطة واليومية + القواعد
وبعدها تتطور اللغة مع المواقف اليومية ومعرفة اسماء الاشياء

إقتباس »

هل تريد يداً

هههههههه لا شكراً
مع انهم في اللغة العربية يقولون " مد يد المساعدة "
<< يحاول يرقع لكن بدون فايدة D:

تحياتي

[وَجَعُ البَوحْ]

هاليومين كنت كثير ادور مواقع تفيد بتعليم الانجليزي بطريقه صحيحه وسهله وميسره
طلعت لي مفضله كامله !
لكن الشي الاهم اللي فعلا احس يفيدنا هو الاستماع ثم الاستماع ثم الاستماع !


اللي اعتقد انه من افضل المواقع لكن للامانه مابعد اجربه
لكن قريت عنه بمنتدى كان فيه عضو تكلم عنه باسهاب
هو باختصار زي المعهد على الانترنت
طبعا الدراسه بفلوس لكن السعر جدا مناسب حوالي 260 ريال شهريا
بداية لما نسجل بيعطونا اختبار تحديد مستوى
وممكن نبدا من الصفر بدون اختبار
بالموقع 15 مستوى وكل مستوى 8 وحدات وكل وحده فيها مجموعه من الدروس
اغلب الدروس تقريبا ذاتيه
وفيه درس اون لاين
وفيه تعبير عن موضوع معين ونرسله والمدرس راح يصححه
طبعا العضو الله يجزاه خير نزل شرح وافي عن الموقع لكن نقلته لكم باختصار وللامانه مابعد اجربه
لكن اللي فهمت انه يعطونا شهاده معترف فيها دولياً
وهذا عنوان الموقع

http://www.englishtown.com/

وفيه موقع شات كتابي وصوتي مجانا
وهذا الرابط

http://www.sharedtalk.com/

[Infinito Amore]

إقتباس »

الرسالة الأصلية كتبت بواسطة .0البرد0. »

إقتباس »

الرسالة الأصلية كتبت بواسطة .0البرد0. »

معقوله ,<<< قسم

طيب انا لما ترجمتها من قوقل طلع لي



لا عزالله مافيه امل نتعلم انجليزي

ايه لانك ترجمتها كلمه كلمه
لكن هم يستخدمونها كذا
يعني الكلمات تمثل شي ثاني مو معناها نصا

مثال ثاني
A Piece of Cake

لما ترجمها في قوقل بتطلع لك قطعة كيكه
لكن يقولونها هنا آذآ صـآر شي مره سهل انك تسويه
يعني مثلا يقول لي احد المساله هاذي صعبه
ارد انها piece of cake لاني انا اعرف الحل و بالنسبه لي مره سهل

مثال ثاني
Hit The Books
لما تترجمها في قوقل بتطلع لك اضرب الكتب
بس معناها ادرس بـذمه عشان الاختبار
و هلم جرى

[قصيميهـ كيوت]

عوآفي راعي امريكا

انا تخصصي ادب انجليزي ..بس لغتي للحين ضعيفه ..
يمكن لاني اهملت ..

ماينفع مع اللغه الا المخالطه بس وين ياحسره
مافيه حولي اجانب ابربر معاهم


ثانكس

[softRain]

إقتباس »

بس من كثرة متابعتهم المسلسلات الأجنبية ... أتقنوا لغتهم

صحيح , والافضل انك تشوفها ترجمة انجليزية عشان تعرف السبلينق بعد

الله يعطيك العافية راعي امريكا .. وبعد انفنتو على الروابط

[وفاء الاقلاع]

Thank you so mush

Did any body use this website

http://www.englishtown.com/

I'm afraid to go alone

I like all advices which I read here

I wish more

Thanks a lot

Sis Hind

[.. T 3 B ..]

,

يارب ارزقني ببعثه
عوافي راعي امريكا وكل من اثرى الموضوع ..

[حزام الامان]

موضوع بطل يا راعي امريكا
الانقليزيه فيها اسرار لكن لي يعيش في بلد يستخدم الانقليزيه كلغه ام راح يعرف اسرارها ويبدا يتقن "اللعب" بمفرداتها
الكثير من الكلام الامريكي الغير مفهوم هو عبارة عن ايديومس .. البعض لما يسمع محادثه بالانقليزيه مايقدر يترجمها او يفهمها لان فيها ايديومز لو تترجمها حرفيا بيطلع معناها ثاني تماما وهالشي لايلام عليه الشخص الغير امريكي او بريطاني .. لان الايديومز كثيره و توقعواان فيه امريكان مو عارفين بعض من هالايديومز
ايديوم دايما اسمعه في المسلسلات والاغاني الي هو " i got over you" يعني تجاوزتك .. ومعناه اني ماصرت افكر فيك بعد ماكنت عشيقي او شي من هالكلام
الايديومز هذي نستخدمها حنا في لغتنا العربيه .. بس مالها اسم معين .. يعني مثلا لو تمر سياره حلوة .. تسمع واحد يقول هالسيارة الم .. والمقصود انه السيارة اعجبته كثير .. زي مانتم شايفين المعنى الحرفي للجملتين مختلف تماما .. بس معنويا معناها واحد .. الا كاني تحمست وانا اشرح ؟
المهم ال ياب ياقوله ان فيه ايديومز في الانقليزيه نفسها بالعربيه .. بس ماني متذكر صراحه وان تذكرتها بقوللكم ان شاء الله

إقتباس »

الرسالة الأصلية كتبت بواسطة وفاء الاقلاع »


Thank you so mush

Did any body use this website

http://www.englishtown.com/

I'm afraid to go alone

I like all advices which I read here

I wish more

Thanks a lot

Sis Hind

جملك ماهي غلط .. بس بتكون اكثر اتقانا لو قلتيها بالشكل التالي :

thank you so much
has any buddy used this website?
i'm afraid to go there alone
i liked all advice i have read over there
i wish more
thanks a lot

فكره الاستفاده من المواقع الاجنبيه مره حلوة .. خصوصا الي فيها انتراكشن او تفاعل مع الغير زي الفيس بوك وماي سبيس .. بصراحه هالمواقع طورت لغتي كثير بفضل الله ثم تفاعلي مع الاجانب

اسف راعي امريكا حسيت اني قطيت بموضوعك

[Dr.Fantastic]

مشكلة التعليم عندنا انه لما يتخرج الطالب سواءً من الثانوي او الجامعه اساسيات اللغه الصحيحه غير متوفره
والطالب يتخرج وهو ماعنده اهم الاساسيات عشان يقدر يواصل التعليم مستبقلاً

بالاضافه الى بعض الناس مشكلته الخوف من الغلط في اللغه او يقول كلمه في غير محلها في الحوار وخصوصاً عند الاجانب مع انه ماراح يتعلم الشخص في البدايه الى من اخطائه ..

اهم خطوه لتطوير اللغه هي الممارسه بشكل دائـم بدون خوف مع اهل اللغه انفسهم

استفدت كثير من ممارسة اللغه في العمل وتطورت لدرجة الاتقان بعكس ايام ماكنت ادرسها في الثانوي او الجامعه

[F E D U O]

{

من صف أول ابتدائي للآن وأنا أدرس انجليزي .. بس الصرآحة الصرآحة ..

ما تعلمت تمام الا من الأفلام وكثره مشاهداتي لها و اختلاطي معا الناس اللي يتقنون اللغة

موضووع بيرفكت

[sh3o0ole]

موضوع حلو
وزي ما قالو الاخوان تتقن اللغه من خلال الاختلاط
...

[Spring Song]

جبتها ع الجرح راعي أمريكا

مشكلتي لغتي عجزت أطورها أذاكر وأمتحن وأنجح بالكورس لكن
المحادثه صعبه عندي بسبب خوفي من الإختلاط مع الشعب نفسه
وطبعاً الإختلاط عامل معهم وكبير في إتقان اللغه ..

الله يخارجنا

وألف شكر لك