كاميرا منافسة لـ g10

RASHED · 24-02-2009, 08:12 PM

السلام عليكم ورحمة الله

طبعاً العنوان يخوف شوي ... (انا خفت منه)

كانون نزلت كاميرا جديدة منافسة للـ G10 . ولكن اصغر واخف .

الكاميرا هذي اسمها
PowerShot SX200 IS

وهذا موقع لكانون فيه شكل الكاميرا بالوانها الثلاث
اول ما يفتح الموقع مررو الماوس على الالوان الثلاث اللي على جنب

كود:

http://www.usa.canon.com/consumer/controller?act=ModelInfoAct&fcategoryid=144&modelid=18329

الحقيقة قسم الاستفسارات جاه ضغط بالاسئلة تخص الـ G10 وكانت كل المؤشرات مصوبه لها لان الكام تستاهل وصغيره وحقة سفر.

تفاجأت وانا ابحث عن الجديد... بهالكاميرا وتفاجأت بالمميزات الكثيرة اللي اجتمعت في كاميرا صغيره ...

عشان كذا ومن مبدأ الامانة حبيت اعرض عليكم الكاميرا ونقارنها سوا مع الـ G10
وفي المحصلة راح اعطيكم رأي المتواضع .

نبدأ بسم الله

اللي باللون الاحمر هي G10 والازرق هي الـ SX200

ميقابيكسل 14.7 12.1
حجم الحساس 1.7/1 انش 2.3/1 انش
نوعية الحساس كلهم CCD الايزو كلهم اوتو الى 1600
الزوم من 28 الى 140.... من 28 الى 336
الزوم الرقمي كلهم ×4
كلهم مانع اهتزاز عن طريق العدسة
كلهم 9 نقاط فوكس مع تحديد الوجه
الفوكس اليدوي نعم لا
ادنى حد للفوكس 1 سم 0 سم <<-- اعتقد ما فيها ماكرو
الوايت بالانس كلهم 6 وضعيات بالاضافة الى واحده تعديل يدوي
فتحة العدسة تبدأ من 2.8 الى 4.5...... تبدا من 2.8 الى 5.6
اطول مدة لسرعة الغالق كلهم 15 ثانية
اقل مدة لسرعة الغالق 4000/1 ........ 3200/1
كلهم فيهم فلاش مدمج
الفلاش الخارجي نعم لا
تصوير فيديو 15 فريم في الثانية على 1280×720....... 30 فريم في الثانية على 1280×720
ريموت نعم ..... ما يندرا الى هالحين
كلهن فيهن مؤقت للتصوير
نوعية كروت التخزين (هن كثار، بس ولكن تتصدر SX200)
تصوير RAW نعم لا
معيّن نعم لا
حجم الشاشة كلهن 3 انش
عدد النقاط في الشاشة 461,000 230,000
البطاريات فيهن كلهن ليثيوم
الوزن 390 جرام 220 جرام

بالنسبة لي ... بعد ما شفت الفروقات ... ارشح SX200
صحيح بفقد مثلا الـ RAW ولكن مقارنة بالمميزات الثانية اقدر اتنازل عنها ببساطة

واللي عنده اضافة لا يبخل علينا فيها

موفقين ان شاء الله

كوليرا · 25-02-2009, 02:00 AM

.

سعرها بالموقع 350 دولار ، تقريباً مايعادل 1300 ريال سعودي

سعر يابلاش

1 - الفوكس اليدوي يوم انّه مو فيها ، هل يأثر ؟

2 - تُعتبر كومباكت ، وإلا شبه احترافيّة

؟

والسؤال المهم متى تتوفر بأسواقنا ؟!

عوافي

.

RASHED · 25-02-2009, 02:09 AM

اخاف ارد عليتس تجيني عدوى

1-الفوكس اليدوي البعض يعتبره مهم .... ومهم جـــداً ....
بالنسبة لي نــــــــادر استخدمه ....

2- على حسب بعض المواقع كاتبين slr-like
يعني شبه احترافية

3- مدري

مشكورة على المرور

تراي انبسطت ان احد عطا هالموضوع اهتمام

** معلومة
الكاميرات شبه احترافية هي اساساً كومباكت (مدمجة)
ومدمجة تعني ان (عدستها منها وفيها)

. F A I S A L . · 25-02-2009, 02:26 AM

الحين كلن يدور الكاميرات الخدومة وبعد يدورون حجم بمتناول اليد وتنحط بالجيبة بعد ..
والحجم مايعطي طابع انه تفقد مميزات وطاقات هائلة ..

تسلم على هالموضوع وموفق خير (f)

AFOOQ ALWASFE · 25-02-2009, 02:38 AM

شكراً كثير راشد...
انا قبل كم يوم سألتك عن الكاميرات الصغيره والخفيفه
وهذا الموضوع جاء بوقته ...
طيب ماعندك رابط اشوف الصور اللي التقطت بهذي الكام .....؟؟

الله يعافيك يامعلمنا....

p u r e ~ · 25-02-2009, 02:44 AM

اهم شي الحجم ....!!
توقعتها تصير اغلى .... سعرها مره مناسب ...!!

ماتدري متى تنزل عندنا ..!!

يعطيك الف عافيه ...

RASHED · 25-02-2009, 12:02 PM

إقتباس »
الرسالة الأصلية كتبت بواسطة M Z Y O N »
الحين كلن يدور الكاميرات الخدومة وبعد يدورون حجم بمتناول اليد وتنحط بالجيبة بعد ..
والحجم مايعطي طابع انه تفقد مميزات وطاقات هائلة ..

تسلم على هالموضوع وموفق خير (f)

الله يسلمك يالمزيون

إقتباس »
الرسالة الأصلية كتبت بواسطة ماأدري؟ »

شكراً كثير راشد...
انا قبل كم يوم سألتك عن الكاميرات الصغيره والخفيفه
وهذا الموضوع جاء بوقته ...
طيب ماعندك رابط اشوف الصور اللي التقطت بهذي الكام .....؟؟

الله يعافيك يامعلمنا....

الظاهر ان كانون نفسهم ما بعد جربوها

توها جديدة يا اوخيتي

إقتباس »
الرسالة الأصلية كتبت بواسطة %pure »

اهم شي الحجم ....!!
توقعتها تصير اغلى .... سعرها مره مناسب ...!!

ماتدري متى تنزل عندنا ..!!

يعطيك الف عافيه ...

لا والله للاسف ....
تراي ماناب وكيل لها

ومثل ذولي ترا ينزلن بسرعة

bigname · 25-02-2009, 12:33 PM

عوااافي راشد على المعلومات الحلوة ...

طيب سؤال كم سعر الكاميرتين ؟؟؟

مشكور وماقصرت على الموضوع الحلو ...

بوتقة المعمعه · 25-02-2009, 06:03 PM

اناشاريه كانن جي 10 بـ2200من الحارثي..

بس مشكلتي ماعرف اش ميزة غيرها عنها او ميزتها عن غيرها.

عشان كذا شوفها توب في نظري.

بس اللي يفهم فيها شي بالذات الوضعيات يخبرني

RASHED · 25-02-2009, 11:11 PM

إقتباس »
الرسالة الأصلية كتبت بواسطة bigname »
عوااافي راشد على المعلومات الحلوة ...

طيب سؤال كم سعر الكاميرتين ؟؟؟

مشكور وماقصرت على الموضوع الحلو ...

هلا بك اخوي (الاسم الكبير)<<-- ترجمته حرفياً

sx200 بـ 350 دولار شف كم يطلع معك

والـ g10 بـ 1950 ريال

فرق شاسع بالسعر.....

إقتباس »
الرسالة الأصلية كتبت بواسطة بوتقة المعمعه »
اناشاريه كانن جي 10 بـ2200من الحارثي..

بس مشكلتي ماعرف اش ميزة غيرها عنها او ميزتها عن غيرها.

عشان كذا شوفها توب في نظري.

بس اللي يفهم فيها شي بالذات الوضعيات يخبرني

اللي معتس يا اوخيتي جبارة ما فيها اي مشاكل ..... كاميرا من احسن ما يكون .....
يعني يوم شريتيها قلتي تبين تشوفين الفرق بينها وبين غيرها ؟

عاد وضعيات التصوير ... مدري عنها .... بس الكاتلوج مهوب مقصر

ShoSho · 25-02-2009, 11:31 PM

يعطيك العافيه رآشد .."
أحس لسه ما وصلت للإحترآف

تسلم ع الموضوع

الأصـالة · 26-02-2009, 06:26 PM

مشكور اخوي على الموضوع الرائع

ما شاء الله الكام مرا روعه مواصفاتها
حتى الاوبتيكل زوم روعه x12 من جد منافسه
افكر ابيع كاميرتي كانون s5is واشتريها ايش رايك اخوي ابيعها والا لا؟

مسوي يعنني · 26-02-2009, 06:48 PM

تسلموا على الموضوع

البارح شفتها مع واحد من الأصدقاء و شدتني مره بالنسبة لي لسببين
الحجم ، كانون، طبعا إضافة للمواصفات الأساسية

350 بلاااااش

يالله برب بأروح أتصل على صديقيس و أ\يقول لي من وين إشتراها بأشتري لي حده

و اللي يبغى يقول لي أرسل له من أمريكا

شَتَاّتْ · 26-02-2009, 06:50 PM

كثير كان يسألني عن كاميرا مناسبة للمبتدئين وكنت أنصحهم بالـ g10
شكلي بغير النصيحة

يعطيك ألف عافية أخوي راشد عالمعلومات ..

RASHED · 26-02-2009, 09:27 PM

إقتباس »
الرسالة الأصلية كتبت بواسطة شوشو-22 »

يعطيك العافيه رآشد .."
أحس لسه ما وصلت للإحترآف
تسلم ع الموضوع

الله يعافيك يا اختي

ان شاء الله نشوف تصويرك ... ولا تستهيني بنفسك يا اوخيتي...
انتي ابدي بس... وان شاء الله تاصلين

إقتباس »
الرسالة الأصلية كتبت بواسطة صيته المصيونه »
مشكور اخوي على الموضوع الرائع
ما شاء الله الكام مرا روعه مواصفاتها
حتى الاوبتيكل زوم روعه x12 من جد منافسه
افكر ابيع كاميرتي كانون s5is واشتريها ايش رايك اخوي ابيعها والا لا؟

والله ما اشوف انها مناسبة تغيرين لان الكام اللي معك جبارة برضه ....
الزوم اللي معتس افضل على فكره

إقتباس »
الرسالة الأصلية كتبت بواسطة مسوي يعنني »

تسلموا على الموضوع

البارح شفتها مع واحد من الأصدقاء و شدتني مره بالنسبة لي لسببين
الحجم ، كانون، طبعا إضافة للمواصفات الأساسية

350 بلاااااش

يالله برب بأروح أتصل على صديقيس و أ\يقول لي من وين إشتراها بأشتري لي حده
و اللي يبغى يقول لي أرسل له من أمريكا

يالله موفق اخوي وان شاء الله نشوف ابداعاتك منها

إقتباس »
الرسالة الأصلية كتبت بواسطة شَتَاّتْ »
كثير كان يسألني عن كاميرا مناسبة للمبتدئين وكنت أنصحهم بالـ g10
شكلي بغير النصيحة
يعطيك ألف عافية أخوي راشد عالمعلومات ..

يا حي الله مبدعتنا ام الورورد

انا اشهد ان افضل من يصور ورود انتي ...

انتي لا تنصحين يا اوخيتي... انتي عطيهم الخيارات وخلي عليهم الباقي ... اخاف يدعون عليتس والسبّه انا

برود! · 27-02-2009, 03:15 AM

وآاآاآو

شكلهآ بطــــــله ..
حبيتها كثير كثير ..

طيب اخوي انا عندي sx110 وماصار لي شهر من اخذتها

تستاهل اني اغيرها واخذ هذي ..!؟

ويعطيك العافيه ع الموضوع

Delete · 27-02-2009, 09:32 AM

حلوو

..

طيب يالغلا انا محدد مبلغ 2000 ريال للكاميراا ..
وش تنصح بهالحاله؟ الg19 ولا البورشوت؟

ويعطيك العافيه

Balgees · 27-02-2009, 01:57 PM

جزاك الله خير عالمعلومات
بس انا اشتريت كاميرا خلاص sony w170
ولسه بدري اغيرها

RASHED · 28-02-2009, 03:24 PM

إقتباس »
الرسالة الأصلية كتبت بواسطة برود! »
وآاآاآو
شكلهآ بطــــــله ..
حبيتها كثير كثير ..

طيب اخوي انا عندي sx110 وماصار لي شهر من اخذتها
تستاهل اني اغيرها واخذ هذي ..!؟

ويعطيك العافيه ع الموضوع

انا ما اشوف انك تحتاجين تغيرين يا اوخيتي ... الكاميرا اللي معك ممتازة وفيها مميزات احترافية

تسانها زايدة القروش اشتريها وعطيني حقتس القديمة

إقتباس »
الرسالة الأصلية كتبت بواسطة Delete »
حلوو ..

طيب يالغلا انا محدد مبلغ 2000 ريال للكاميراا ..
وش تنصح بهالحاله؟ الg19 ولا البورشوت؟

ويعطيك العافيه

وشي G19 ?

قصدك G10 والا.؟

إقتباس »
الرسالة الأصلية كتبت بواسطة Balgees »
جزاك الله خير عالمعلومات
بس انا اشتريت كاميرا خلاص sony w170
ولسه بدري اغيرها

الكام اللي معك تحتلف فئتها عن اللي نتكلم عنها
اللى معك Compact
واللي نتكلم عنها Compact-SLR like

بالنسبة لك اذا حبيتي تدخلين في الاحترافية انصح تبدين بـ g10 او SX200

Johnny Klebitz · 01-03-2009, 04:16 AM

صبحك الله بالخير ...
مميزاتها حلوه .. ان شاء الله ناوي اطق لي وحده بعد ما تنزل ..
ويعطيك العافية