<div align="Right"><font size="+1" face="Arial" color="#000000"> سيداتي سادتي (مخدتي ووسادتي)
يسرني أن أقدم لكم باكورة (وش معناتها) إنتاجي الشعري، ألا وهي [معلــّـــقة الإقـــــلاع]
واللي جمعت فيها 84 عضواً وعضوة من أعضاء الإقلاع في 43 بيت (قلوا ما شاء الله)
ويالله كل واحد يدوّر على اسمه
وفي الحقيقة والواقع (والبحر والقواقع) اني اكتشفت بعد ماخلصت ان فيه اسماء كثيرة ما تضمنها الشعر، والغلط مهوب مني الغلط من اسمائكم اللي مادري وش تبي
مثلاً واحد اسمه (سيدلان باشا) ولا (الدعبلي) وين احطهم فيه هذولي،، لا واللي قاهرني وفاقع مرارتي (الآنسة كدرجان) والله مدري وش معنى هالاسم،،،،،، لا وكله كوم و (طيخ طاخ) كوم!! ياعمي رح بس دور لك كفيل
عالعموم العذر والسموحة على القصور (طالع أخلاق) وإلى إقلاعٍ آخر،،،
<center>
****************
ياللي على القلب لاعتني مواجعها ** ممرور قلبي وعيني منك ممرورة
اكتب لعينك حروف الحب واسجعها ** من زود الآهات.. والعربان مسرورة
ياخالد اشكي عليك الروح عالجها ** ضاقت على المهتوي.. لاينطفي نوره
الله من عاشقٍ وجعان قابعها ** من سبة المايقة وعيونها الحورا
مستانسة بالبعاد ومايولعها ** دلوعةٍ تنبسط بالبين مغرورة
قلبي غدا عقبها مسطول بايعها ** طاح 1000 طيحة ولا من جبّر كسوره
يا بنت ابوها خفوقي والحشا ولهى ** والرجل بعدك حشا ما تلمس الكورة
*********************
يا ونتي من سميّ النور وعلَلْهَا ** ونّات جمسٍ يعاف النفط ماطوره
جمسٍ حمر فاصل الريوس وداعسها ** بمخرج ثلاثة عشر سافط بماصورة
ويمر ميتين واربع L فاحطها ** وقّف وذا المنسدح قذلته منثورة
زاحف على الأرض ودّه كاس يجغفها ** شكله متنح ووسط الراس صعرورة
شاله ويم الشميسي راح يَكْفَخْهَا ** شغل بشير ورمى كاسيت أبو نورة
موتر بعيد المدى باسود مظللها ** طاير يخمّ الهوا ودّه بدكتورة
كشف عليه الحكيم وقال هونها ** علّتك قشرا ومن عفريت مسحورة
واعطاني حبوب في كيسٍ مسفّطها ** ويّاه بكرج حليبٍ جوّته بيرة
واروح والدمع في عيني تولّجها ** وين انت يا مشعل اتعلمني الشورة
*********************
يا ناس يكفي مشاكل من سبايبها ** جاني الصمرقع وتيزاب العقل دوره
العاقل اللي مدوخهم بقصتها ** عنيد لكنّ روحي فيك ماسوره
نشمي حمر عين مير النفس طوعها ** لعيونها الرايقة وارخى لها شعوره
vip600 ناخيك ترجعها ** والا ترى بدعي جويعد وياهوره
ان كان رحتي شمالٍ صرت انا منها ** فتى الشمال وعيوني فيك مجبورة
وان كان قصدك عنيزة يابعد هلها ** فتى عنيزة حروفك فيه محفورة
ولا ظهرتي على شقراء ومسكنها ** معك ترا راع شقرا معلن الثورة
وان كان يمتك شرقية مرابعها ** مصرقعن بالخبر عاشقْك يا نورة
ديرتك هي ديرتي يالمقلعة لابها ** فيها غرامي وحبي فاحت عطوره
والا ترا نجد قلبي دوم يتبعها ** عاشق ثراها ولا فكرت في غيره
سلطان نجدٍ عروق القلب طاعجها ** يا ابو السماثا دموعي منه ممطورة
*********************
أسامر الليل وانت بليلتك تلهى ** ولا نهيتك خفوقي قال معذورة
يا البثرة اللي عيوني منك باخقها ** قلبي مهوّي ومنك الروح مقهورة
دبدوبةٍ تاكل البيزا وتلهمها ** وتسف همبرقعٍ له حجم صبورة
تاكل بطاطس وكني غافلٍ عنها ** والا بدت تاكل الكراث مسعورة
تنهي حياتي مع البيبسي وتاكلها ** كورن فليكسٍ وجبنة دوم مبشورة
غديت كني حمار القايلة منها ** سواق تكسي بصبحه ضيّع فطوره
تصدقون سلوك القلب مصّعها ** بمفتاح رقم اربعة وازداد عاشوره
يابو رويشد وابو برغش وعمتها ** والجوكر المنتهي هالحال معسورة
ضاعت حياتي كما لوّ الحنش كلها ** ولا كما العقربة بالأرض مجرورة
طار الشنب والفنيلة صرت اعلقها ** متجولٍ بالشوارع مثل جازوره
ياللي تهندس خطى الإقلاع هندسها ** ارحم كحيلان روحه حيل مذعورة
اطلبك يا صامل الهدة ترجّعها ** النجمه العالية ما طاوعت شوره
إما عقلتي ترا لامسي مخربها ** ما عاد قلبي ترا يصبر على جوره
وان شفت سيارتك والله ما اجدعها ** لو شاصها منعفط والزيت له فورة
صار العقل عقبها مرجوج صافقها ** ماعاد لي خلق افكر في اسمٍ وصورة
عودي على هايمٍ ضايع بسبتها ** وان كان قلبك قسى والله مازوره
</center>
نسخة إلى منتدى الشعر النبطي
نسخة إلى منتدى الإقلاعات المتميزة
احم احم (رز ولحم)</font></div>
------------------
القناعة كنزُ لا يفنى (إيه هين)
--
تحياتي/ أخوكم آهات
مـــعــلــــّـــقـــة الإقــــــــــــلاع ،،، دوروا اساميكم
بس أني داري أن اسمي ما يصلح لشي 
</font></div> 
?
الوضع العادي
